Chapter 18

śrīnaranārāyaṇa uvāca |
śṛṇu badrīpriye devi mātaraṃ bālayoginī |
tataśca punarutkarṣaṃ prāha brahmarasasya sā || 1 ||
[Analyze grammar]

bhadragrāme māliyāno mālākāro'bhavat purā |
māliyānasya bhāryā'bhūnmallikāśrītināmikā || 2 ||
[Analyze grammar]

udyānaṃ poṣayantau tau phalādivikrayārthinau |
puṣpamālādikartārau bhaktau tau sambabhūvatuḥ || 3 ||
[Analyze grammar]

yatra yatra śrutavantau paritastau surālayān |
saurāṣṭre tau gatavantau surapūjāṃ pracakratuḥ || 4 ||
[Analyze grammar]

sūryaṃ dāmodaraṃ somanāthaṃ śrīgopanāthakam |
guptaprayāgaṃ cā'pyaśvapaṭṭasaraśca raivatam || 5 ||
[Analyze grammar]

camatkāraṃ dvāravatīṃ prajagmatuḥ pupūjatuḥ |
puṣpahāraphalādyaiśca tulasīdalagucchakaiḥ || 6 ||
[Analyze grammar]

kamalairvividhaiścāpi sthalapadmairjalābjakaiḥ |
mālatyādikusumaiśca pārijātādipuṣpakaiḥ || 7 ||
[Analyze grammar]

campakairbakulaiścāpi vallīpuṣpaistṛṇeśajaiḥ |
tathā ca kadalairmiṣṭairnavaraṃgādibhiśca vai || 8 ||
[Analyze grammar]

candanaiḥ śītalaiścāpi kesarādisumiśritaiḥ |
puṣpāṇāṃ bahurūpāṇāṃ bahusugandhaśālinām || 9 ||
[Analyze grammar]

aparyuṣitabhāvānāṃ divyānāṃ cittakarṣiṇām |
ūṣṇīṣaṃ pracchadapaṭīṃ catuṣphālaṃ ca dhotrakam || 10 ||
[Analyze grammar]

suravālaṃ prāvaraṇaṃ kambalaṃ cāṃgarakṣakam |
śāṭīṃ ca ghargharīṃ vakṣobadhnikāṃ kacalīnikām || 11 ||
[Analyze grammar]

kucalīṃ karpaṭīṃ caulīṃ caulaṃ tvantaḥpaṭīṃ tathā |
evamādīni vastrāṇi pauṣpāṇyeva vidhāya tau || 12 ||
[Analyze grammar]

tatra tatra śubhe tīrthe taddevīdevamūrtaye |
arpayāmāsatuḥ premṇā dhārayāmāsaturhṛdā || 13 ||
[Analyze grammar]

arhayāmāsaturdevaṃ devīṃ rādhāramāpriyāḥ |
mādhavīkṛṣṇaviṣṇuśrīnārāyaṇā'rkaśaṃkarān || 14 ||
[Analyze grammar]

sarvakausumaveṣān saṃklṛptvā dadaturmūrtaye |
mūrtisthā devatā devyo gaṇeśādyā haristathā || 15 ||
[Analyze grammar]

devikādyāḥ prasannā vai bhavanti bhaktivīkṣakāḥ |
atha bhūṣā samastāśca puṣpamayīrvidhāya tau || 16 ||
[Analyze grammar]

arpayāmāsaturnityaṃ devebhyo bhaktiśālinau |
mukuṭaṃ grathitaṃ puṣpaiḥ kuṇḍale karṇapūrakau || 17 ||
[Analyze grammar]

gacchau ca kandukaṃ hārān mālāśca kaṭakau śubhau |
śṛṃkhalā vividhāścāpi raśanāḥ kaṭisūtrakam || 18 ||
[Analyze grammar]

keśahārān stanapatre bhālapatre ca tantikām |
śikhāmaṇiṃ tathā cūḍāmaṇiṃ kaustubhamuttamam || 19 ||
[Analyze grammar]

pādayorjhaṃjharīścāpi cakrāṇi cormikāstathā |
naktakaṃ keśapūrāṃśca tathā dhammilamālikāḥ || 20 ||
[Analyze grammar]

kabarīsrak nābhicandrau tathānitambacandrakau |
sakthimālāḥ śubhāḥ prakoṣṭhapatrāṇi ca mañjarīḥ || 21 ||
[Analyze grammar]

pṛṣṭhasūryāṃ kaṇṭhapatrāṃ caivaṃvidhāni yānyapi |
bhūṣaṇāni bhavantyeva tāni sarvāṇi tāvubhau || 22 ||
[Analyze grammar]

vidhāya vividhaiḥ puṣpaiḥ kalākauśalyaśālinau |
tīrthadevān snehabhaktyā mudā śṛṃgāraśobhitān || 23 ||
[Analyze grammar]

cakratustau pratyahaṃ vai gatvā gatvā surālayān |
śraddhā pravardhate nityaṃ sukhaṃ tayoḥ pravardhate || 24 ||
[Analyze grammar]

khyātiḥ pravardhate divyā puṇyaṃ pravardhate'vyayam |
pūjāṃ prakurvatoḥ pauṣpaistayorhareranugrahaḥ || 25 ||
[Analyze grammar]

devānāṃ kṛtapūjānāṃ prasannatā'pi vardhate |
evaṃ tau bahupuṇyau vai jātau priyatamau tathā || 26 ||
[Analyze grammar]

akhilānāṃ tu devānāṃ puṣpapūjādikāriṇau |
āśīrvādā'tipātratvaṃ prāptau devādyanugraham || 27 ||
[Analyze grammar]

athaikadā hariḥ sākṣād dātumiyeṣa darśanam |
kuṃkumavāpikākṣetre pūjayantau nijaṃ yadā || 28 ||
[Analyze grammar]

aśvapaṭṭasarastīre yāḥ santi divyamūrtayaḥ |
mandirāṇi samastāni devālayāstathā śubhāḥ || 29 ||
[Analyze grammar]

tatra tatra haristasmai mūrtidvārā camatkṛtim |
darśayituṃ pāyayituṃ brahmarasaṃ madhuprabham || 30 ||
[Analyze grammar]

dātumiyeṣa tau divyaṃ darśanaṃ pratimodbhavam |
anādiśrīkṛṣṇanārāyaṇaḥ svarṇālaye yadā || 31 ||
[Analyze grammar]

prātastābhyāṃ pūjito vai puṣpaśṛṃgārakā'mbaraiḥ |
tadā sa mānavaḥ kṛṣṇo babhūvā'kṣaradhāmagaḥ || 32 ||
[Analyze grammar]

upaviṣṭo divyagajāsane cākṣaradhāmani |
divyabhūṣāmbarahetiśṛṃgārakautukānvitaḥ || 33 ||
[Analyze grammar]

asaṃkhyamuktasañjuṣṭo'nantamuktānikā'rcitaḥ |
avatārī hyasaṃkhyānāmavatārādivarṣmaṇām || 34 ||
[Analyze grammar]

anantaiśvaryasāmarthyāścaryaśaktiprapūrṇakaḥ |
rājādhirājaśobhaśca sarvatattvaniyāmakaḥ || 35 ||
[Analyze grammar]

anantagāḍhatejobhiḥ pūrṇamūrtiḥ parātparaḥ |
evaṃ bhūtvā hi bhagavān brahmatejo hyadarśayat || 36 ||
[Analyze grammar]

guṇātītā'kṣarabrahma sarvatejaḥprakāraṇam |
asaumā'saṃkhyabhāyuktaṃ vyāpakaṃ mūrtiniḥsṛtam || 37 ||
[Analyze grammar]

māliyānāya mallikāśriyai pradarśya dhāma tat |
tatrā''kṣarīṃ divyabhūmiṃ taijasīṃ śāntaśītalām || 38 ||
[Analyze grammar]

mahānandamayīṃ divyapīyūṣasalilāṃ śubhām |
śuddhacaitanyarūpāṃ tāmakṣarabrahmamūrtijām || 39 ||
[Analyze grammar]

darśayāmāsa bhagavān dhāmeśaśrīnarāyaṇaḥ |
ākṣaraṃ nagaraṃ naijaṃ darśayāmāsa mādhavaḥ || 40 ||
[Analyze grammar]

anantamuktavasatiṃ darśayāmāsa tau tataḥ |
divyasamādhau tau nītvā darśayāmāsa vāṭikām || 41 ||
[Analyze grammar]

bhadrāyanaṃ śubhaṃ grāmaṃ mahodyānaṃ ca kausumam |
darśayāmāsa bhagavān yatpuṣpaiḥ pūjyate hariḥ || 42 ||
[Analyze grammar]

māliyānasya mallikāśriyā udyāna uttamaḥ |
vartate tvakṣare tatra phalapuṣpadrumātmakaḥ || 43 ||
[Analyze grammar]

śāśvato divyaphalado divyamadhurasapradaḥ |
divyapuṣpodbhavamiṣṭamakarandarasapradaḥ || 44 ||
[Analyze grammar]

tau pradarśya tamudyānaṃ hariḥ prāha śubhaṃ vacaḥ |
pṛthvyāṃ yadarpitaṃ mahyaṃ tatsarvaṃ vāṭikādikam || 45 ||
[Analyze grammar]

udyānajanyapuṣpādi mahodyānaphalādikam |
sarvaṃ vāṃ śāśvataṃ tvatra vidyate kurutaṃ nijam || 46 ||
[Analyze grammar]

kalpadrumā rasaiḥ pūrṇā bhavantyatra hi śāśvatāḥ |
miṣṭaphalapradāḥ santi pibataṃ tadbhavāmṛtam || 47 ||
[Analyze grammar]

miṣṭaphalānāmadanaṃ kurutaṃ divyatṛptidam |
ityuktvā bhagavāṃstābhyāṃ pāyayāmāsa tadrasam || 48 ||
[Analyze grammar]

phalāhāraṃ prasādena kārayāmāsa tatkṣaṇam |
puṣpaśṛṃgāraracanāmarpayāmāsa tau prabhuḥ || 49 ||
[Analyze grammar]

divyaṃ naijaṃ sukhaṃ miṣṭaṃ śāśvataṃ modananditam |
mahānandamayaṃ sarvaṃ dadau tābhyāṃ prabhuḥ svayam || 50 ||
[Analyze grammar]

yo rasaḥ śaṃkare nāsti nā'je nā'pīśvareṣvapi |
na viṣṇau nā'vatāreṣu na mukteṣvapi yo rasaḥ || 51 ||
[Analyze grammar]

raso yo vartate kṛṣṇatādātmyabhāvimātrake |
kṛṣṇamūrtau sadā tvāste kṛṣṇābhinne ca vartate || 52 ||
[Analyze grammar]

kṛṣṇāṃganāyāṃ rādhāśrīprajñāmādhavikādiṣu |
brahmapriyāsu sarvāsu haripriyāsu yo rasaḥ || 53 ||
[Analyze grammar]

śrīlakṣmīkamalāpadmāmāṇikyālalitādiṣu |
yo raso vartate nityapremānandamahodadhiḥ || 54 ||
[Analyze grammar]

snehākarṣaṇatādātmyā'dvayā''nandasukhodadhiḥ |
sarvabhānaprabhānādilayamūrchātimūrchanaḥ || 55 ||
[Analyze grammar]

sarvendriyā'ntaḥkaraṇākṛṣṭipiṇḍaikyarūpadhṛk |
ekatānamahānandā'vicchinnamutpravāhaṇaḥ || 56 ||
[Analyze grammar]

etādṛśaṃ parabrahmamahānandarasaṃ hariḥ |
aṃke kṛtvā ca tau bhaktau pāyayāmāsa mūrtijam || 57 ||
[Analyze grammar]

tataścodyānavṛkṣāṇāṃ pāyayāmāsa tanmadhu |
makarandaṃ ca puṣpāṇāṃ pāyayāmāsa gandhinam || 58 ||
[Analyze grammar]

kārayāmāsa tṛptiṃ tau tatraivā'kṣaradhāmani |
athotthāpya samādhestau darśayāmāsa bhūtalam || 59 ||
[Analyze grammar]

kuṃkumavāpikākṣetraṃ mānavaṃ vigrahaṃ nijam |
bālakṛṣṇālayaṃ divyaṃ sāptabhaumaṃ suvarṇajam || 60 ||
[Analyze grammar]

athotthitau tau sahasā praṇematurhariṃ muhuḥ |
amūlyā'pūrvalāvaṇyāmṛtarasaprapūritam || 61 ||
[Analyze grammar]

stutvā natvā'rcayitvaiva labdhvā tṛptiṃ tu śāśvatīm |
visarjitau śrīhariṇā yayaturmandirād bahiḥ || 62 ||
[Analyze grammar]

divyabhāvānvitau puṣpahāraśṛṃgārakānvitau |
aśvapaṭṭasarastīre devānāmarhaṇāya tau || 63 ||
[Analyze grammar]

yayatuḥ paścimād bhāgād uttarāṃ diśamutsukau |
śaṃkaraṃ kṣetrapālaṃ cā'rcayāmāsaturīśvarīm || 64 ||
[Analyze grammar]

mūrtitraye harikṛṣṇaṃ vīkṣayāmāsatū ramām |
trikaṃ dhṛtvā kare pātraṃ mahāmṛtarasānvitam || 65 ||
[Analyze grammar]

pāyayāmāsa tābhyāṃ vai parabrahmarasaṃ param |
gaṇeśaṃ kārtikaṃ durgā rudraṃ pupūjatustataḥ || 66 ||
[Analyze grammar]

teṣu deveṣu bhagavān kṛṣṇanārāyaṇaprabhuḥ |
prāpya pūjāṃ puṣpamayīṃ pāyayāmāsa tau rasam || 67 ||
[Analyze grammar]

kuberaindrāgnidharmādīn pupūjatuśca tau tataḥ |
teṣu deveṣu bhagavān svāmīśrīnaravallabhaḥ || 68 ||
[Analyze grammar]

labdhvā pūjāṃ divyarūpaḥ pāyayāmāsa tau rasam |
sūryacandraguruprabhṛtīn devān tau pupūjatuḥ || 69 ||
[Analyze grammar]

teṣu deveṣu bhagavān svāmī kṛṣṇanarāyaṇaḥ |
pūjāṃ saṃgṛhya tau tatra pāyayāmāsa tadrasam || 70 ||
[Analyze grammar]

brahmaviṣṇumaheśādipratimāpūjanaṃ ca tau |
vyadhātāṃ teṣu deveṣu kṛṣṇanārāyaṇaprabhuḥ || 71 ||
[Analyze grammar]

pūjāṃ saṃgṛhya tau tatra pāyayāmāsa tadrasam |
pitṛpratimāpūjāṃ ca pracakratustataśca tau || 72 ||
[Analyze grammar]

teṣu svāmikṛṣṇanārāyaṇaśrīkṛṣṇanandanaḥ |
pūjāṃ saṃgṛhya tau bhaktau pāyayāmāsa tadrasam || 73 ||
[Analyze grammar]

siddharṣimūrtiṣu tābhyāṃ pūjitāsu pramāpatiḥ |
pūjāṃ saṃgṛhya tau divyaṃ pāyayāmāsa tadrasam || 74 ||
[Analyze grammar]

īśvarāṇāmīśvarīṇāṃ mūrtiṣu mādhavīpatiḥ |
pratimāsu parāṃ pūjāṃ labdhvā pauṣpīṃ ca tadrasam || 75 ||
[Analyze grammar]

pāyayāmāsa tābhyāṃ śrīkāntaṃ kṛṣṇanarāyaṇaḥ |
muktānikāsu mukteṣu cāvatāreṣu mūrtiṣu || 76 ||
[Analyze grammar]

pārṣadeṣu ca gopeṣu gopīṣu śāradādiṣu |
samastatīrthadeveṣu pratimāsu kṛtārhaṇām || 77 ||
[Analyze grammar]

prāpya svāmiharikṛṣṇo bālakṛṣṇo'kṣarādhipaḥ |
tābhyāṃ brahmarasaṃ divyaṃ pāyayāmāsa pānavat || 78 ||
[Analyze grammar]

hasan pātraṃ kare dhṛtvā brahmarasaprapūritam |
anyahastaṃ nyasya mūrdhni tau saṃspṛśyā'ṅkasaṃsthitau || 79 ||
[Analyze grammar]

ādhāya cauṣṭhayoḥ pātraṃ pāyayāmāsa tadrasam |
ghaṭukairghaṭukaiḥ kṛṣṇaḥ premarasaṃ tu śāśvatam || 80 ||
[Analyze grammar]

pāyayāmāsa mūrtisthastābhyāṃ pūjāphalātmakam |
aśvapaṭṭasarastīre ye devāstīrthavāsinaḥ || 81 ||
[Analyze grammar]

īśvarāścāvatārāśca maharṣayaśca sādhavaḥ |
siddhāḥ sādhvyaḥ pārṣadāśca śaktyo brahmayoṣitaḥ || 82 ||
[Analyze grammar]

tatra sarvatra bhagavān kṛṣṇanārāyaṇo hariḥ |
divyaṃ svaṃ darśanaṃ datvā pāyayāmāsa tau rasam || 83 ||
[Analyze grammar]

evaṃ taṃ māliyānaṃ ca mallikāśrīṃ hariḥ svayam |
kṛpayā pāyayāmāsa parabrahmarasaṃ nijam || 84 ||
[Analyze grammar]

tena tau divyatāṃ prāptau brahmadhāmādimuktavat |
divyadehau hi sampannau tadā māyāṃśavarjitau || 85 ||
[Analyze grammar]

puṣpaphalādisevāyāḥ phalaṃ divyaṃ prajagmatuḥ |
parabrahmarasapānāt kāyākalpo vyajāyata || 86 ||
[Analyze grammar]

pāñcabhautikatattvāni vyalīyanta tayostataḥ |
indriyāṇi samastāni caitanyāni tadā'bhavan || 87 ||
[Analyze grammar]

antaḥkaraṇamevā'pi nityajñānātmakaṃ hyabhūt |
māyāṃśo vilayaṃ prāpya brahmāṃśaḥ samajāyata || 88 ||
[Analyze grammar]

sarvāṃśāḥ samparāvṛttya brahmāṃśāstvabhavaṃstadā |
nityatṛptau mahānandapūrṇau tau sambabhūvatuḥ || 89 ||
[Analyze grammar]

saptāśītisahasrāṇi varṣāṇāṃ cāyuṣo'ntare |
pūjāṃ kṛtvā divyabhāvaṃ gate te mālimallike || 90 ||
[Analyze grammar]

divyadehau ṣoḍaśābdavayaskau tau babhūvatuḥ |
bālakṛṣṇasamau rūpe yugalau saṃbabhūvatuḥ || 91 ||
[Analyze grammar]

atha vairāgyayuktau tau pṛthvyudyānagṛhādiṣu |
brahmapāradṛśau tūrṇaṃ cārthayāmāsaturharim || 92 ||
[Analyze grammar]

na bhadrāyananagaraṃ na bhūmirna divaṃ tathā |
nau satyaṃ rocate nāpi naiśalokādi sāttvikam || 93 ||
[Analyze grammar]

vinā tvatpādasevāyugdhāmā'kṣaranivāsanam |
tasmād rakṣaya nau kṛṣṇa yatheṣṭaṃ tvakṣare pade || 94 ||
[Analyze grammar]

kuṃkumavāpikākṣetre divye'kṣare'tra tatra vā |
arpitau svaścaraṇayostava śrīkānta sarvadā || 95 ||
[Analyze grammar]

ityabhyarthya kṣaṇaṃ maunaṃ jagṛhatustato hariḥ |
oṃ namaḥ śrīkṛṣṇanārāyaṇāya pataye svāhā || 96 ||
[Analyze grammar]

itimantraṃ dadau tābhyāṃ vimānaṃ ca dadau śubham |
pārṣadairvāhitaṃ divyaṃ preṣayāmāsa cā'kṣaram || 97 ||
[Analyze grammar]

kṛpayā śrīharestau vai tenaiva varṣmaṇā tataḥ |
parabrahmarasaṃ pītvā yayaturdhāma cākṣaram || 98 ||
[Analyze grammar]

snātvā brahmahrade sīmni viviśatustato'kṣaram |
muktau caraṇasevāyāṃ vartamānau babhūvatuḥ || 99 ||
[Analyze grammar]

ityevaṃ mātaraṃ badri prāha sā bālayoginī |
parabrahmarasānandamāhātmyaṃ divyamuktidam || 100 ||
[Analyze grammar]

virarāma kṣaṇaṃ sā'pi mātā vyacintayad rasam |
anādiśrīkṛṣṇanārāyaṇāt prāpyaṃ hi sevayā || 101 ||
[Analyze grammar]

utkarṣaṃ paramaṃ jñātvā dhārayāmāsa taṃ hṛdi |
yat kṛpvā'pi satī nārī prāpnuyāt paramaṃ padam || 102 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne bālayoginyā mātre kathitaṃ māliyānamallikāśrībhyāṃ mālākārābhyāṃ puṣpaphalādisevayā tenaiva varṣmaṇā parabrahmarasā'vāptyā divyatottaraṃ brahmā'kṣaradhāma śāśvataṃ cā'punarāgamāya prāptamitinirūpaṇanāmā'ṣṭādaśo'dhyāyaḥ || 18 ||
[Analyze grammar]