Chapter 232

śrīpuruṣottama uvāca |
śṛṇu nārāyaṇīśri tvamagnidasya kathāmapi |
jvālāprasādanāmā'bhūcchūdro'raṇyaprapālakaḥ || 1 ||
[Analyze grammar]

vṛtraprasthavane kālindīsaritastaṭe purā |
kuṭumbasahitastatra vane vāsaṃ karoti saḥ || 2 ||
[Analyze grammar]

vanyamūlaphalādaśca kāṣṭhavyāpārakṛttathā |
ghāsavallītṛṇastambauṣadhivyāpārakṛttathā || 3 ||
[Analyze grammar]

ahiṃsakavicāro'pi prāṇayātrābhivṛttaye |
nirarthakānāṃ kāṣṭhānāmaṃgārān vidadhāti saḥ || 4 ||
[Analyze grammar]

kāṣṭhānāṃ sañcayān kṛtvā vahniṃ dadāti tatra ca |
aṃgārāḥ samprajāyante śāntā'nalāḥ sumūlyakāḥ || 5 ||
[Analyze grammar]

vikrīṇāti tvardhadagdhān maṭṭhīsthān kulasān sadā |
taiśca dravyairdhanavān sa vartate dānapuṇyakṛt || 6 ||
[Analyze grammar]

jānātyayaṃ dārudāhe'saṃkhyajantuprajātayaḥ |
dahyanti sañcaye tatra pāpaṃ tasya mahanmama || 7 ||
[Analyze grammar]

tacchāntyarthaṃ vidhātavyaṃ dānaṃ viṃśatikāṃ'śajam |
dharmakāryaṃ prakartavyaṃ sādhvīsādhuprasevanam || 8 ||
[Analyze grammar]

utsavāḥ śrīhareḥ kāryāḥ pūjanaṃ vratamityapi |
devālaye pradātavyaṃ deyamanāthadehine || 9 ||
[Analyze grammar]

nirāśritāye dātavyaṃ dātavyaṃ tīrthavāsine |
paropakārāya dātavyaṃ dātavyaṃ makhine tathā || 10 ||
[Analyze grammar]

tadā pāpaviśuddhirvai jāyate nānyathā kvacit |
matvaivaṃ nijavastūnāṃ svadhanānāṃ supātrake || 11 ||
[Analyze grammar]

samarpaṇaṃ karotyeva śraddhayā dhārmike jane |
ye tīrthārthaṃ samāyānti tebhyo dadāti bhojanam || 12 ||
[Analyze grammar]

vastradānaṃ tathā''raṇyakotthauṣadhyarpaṇaṃ tathā |
karoti samidhāṃ dānaṃ sādhubhyo'naladhūnaye || 13 ||
[Analyze grammar]

nityaṃ bhajate śrīkṛṣṇaṃ rādhākāntaṃ ramāpatim |
kamaleśaṃ prabheśaṃ śrīmāṇikīsvāminaṃ harim || 14 ||
[Analyze grammar]

yamunāyāṃ sadā snāti sūryāyā'rghaṃ dadāti ca |
pitṛbhyaśca jalaṃ śrāddhaṃ phalaṃ cānnaṃ dadāti ca || 15 ||
[Analyze grammar]

dadātyatithaye yogyaṃ vanibhyo'pi dadāti ca |
athā'yaṃ kṛtavān kāṣṭhapratimāṃ śrīharermama || 16 ||
[Analyze grammar]

sākaṃ śrīmāṇikīdevyā śobhamānāṃ sutaijasīm |
prasannavadanāṃ śāntāṃ raṃgaśṛṃgāraśobhitām || 17 ||
[Analyze grammar]

sarvāvayavasampūrṇāṃ divyābhūṣaṇacitritām |
prātaścā'yaṃ sadotthāya snātvā prasevate hi tām || 18 ||
[Analyze grammar]

kāṣṭhasiṃhāsane ramye sthāpitāṃ pārṣadairyutām |
pādyamarghyamācamanaṃ snānaṃ tailādimarṣaṇam || 19 ||
[Analyze grammar]

godugdhaghṛtadadhyāḍhyaśarkarāmadhubhistathā |
snapanaṃ cābhiṣekaṃ ca pādāṃguṣṭhe karoti saḥ || 20 ||
[Analyze grammar]

vastreṇa mārjanaṃ dantadhāvanaṃ gaṇḍuṣāṃstathā |
kārayitvā vibhūṣādi divyāmbarāṇi yāni ca || 21 ||
[Analyze grammar]

śṛṃgārāṇi samastāni gandhacandanakuṃkumam |
puṣpahāramukuṭādi puṣpaveṣān dadāti me || 25 ||
[Analyze grammar]

dhūpaṃ dīpaṃ ca naivedyaṃ phalānnamiṣṭamuttamam |
jalaṃ dugdhaṃ pāyasānnaṃ dadhi pakvānnamuttamam || 23 ||
[Analyze grammar]

mahyaṃ dadāti tāmbūlaṃ mukhavāsaṃ tathottamam |
pradakṣiṇaṃ daṇḍavaccā''rārtrikaṃ namanaṃ stavam || 24 ||
[Analyze grammar]

aparādhakṣamāyāñcāṃ karotyātmasamarpaṇam |
parihāraṃ ca pūjāyāḥ kṛtvā niveditānnakam || 25 ||
[Analyze grammar]

bhuṃkte prasādamevā'yaṃ tatpatnī ca tathāvidhā |
nāmnā prabhāvatīdevī putrāḥ putryastathā'pare || 26 ||
[Analyze grammar]

bhuñjate tatprasādānnaṃ tato yāntyudyamāya te |
madhyāhne'pi tathā rātrau pūjāṃ me vidadhatyapi || 27 ||
[Analyze grammar]

naivedyaṃ jalapānaṃ cā''rārtrikaṃ stavanaṃ tathā |
kīrtanaṃ śrīkṛṣṇaviṣṇo bālakṛṣṇaramāpate || 588 ||
[Analyze grammar]

rādheśamāṇikīsvāmin śrīpate kamalāpate |
kṛtvā ca parihāraṃ te nayanti purato mama || 29 ||
[Analyze grammar]

gāyanti gītikā ramyāḥ svapanti ca tataḥ param |
evaṃ nityaṃ bhajamānā vartante sarva eva te || 30 ||
[Analyze grammar]

athaikadā mahāyogī nāmnā narāyaṇāyanaḥ |
sādhusādhvīśatayuktaścāyayau tasya mandiram || 31 ||
[Analyze grammar]

prabhāvatī tathā jvālāprasādaḥ svāgataṃ satām |
sādhavīnāṃ sādhuvaryasya vyadhātāṃ satkṛtiṃ tathā || 32 ||
[Analyze grammar]

āsanāni jalaṃ miṣṭaṃ miṣṭānnāni phalāni ca |
madhūni ca rasāṃścāpi kandān śimbīśca cirbhaṭān || 33 ||
[Analyze grammar]

bharjitānnāni śuṣkāṇi saktūṃśca caṇakāṃstathā |
śākāni patrabhājāśca dadatuścātiharṣitau || 34 ||
[Analyze grammar]

sādhusādhvyaḥ prasannāśca tṛptāścāsaṃstadā sukhāḥ |
sāyaṃ snānaṃ bhojanādi dugdhapānaṃ ca pūjanam || 35 ||
[Analyze grammar]

śrīhareḥ kīrtanaṃ cakrurvādyagītisutālakaiḥ |
tatrotsave janā rātrau bahavo vai samāyayuḥ || 36 ||
[Analyze grammar]

narā nāryaḥ sahasrāṇi sādhudarśanalālasāḥ |
vṛtraprasthanagarasya prajāścāpi samāyayuḥ || 37 ||
[Analyze grammar]

araṇyaṃ yamunātīre svargavat tvabhavajjanaiḥ |
sādhūnāṃ darśanaṃ kṛtvā tiṣṭhanti mānavāstadā || 38 ||
[Analyze grammar]

niṣīdanti sabhāyāṃ ca kathāśravaṇalālasāḥ |
nārāyaṇāyanastatropādideśa hitāya vai || 39 ||
[Analyze grammar]

snehena bhaktiyogena kṛṣṇasya tatsatāṃ ca vā |
satīnāṃ sevayā mūrtipūjanairdevatārcanaiḥ || 40 ||
[Analyze grammar]

pavitratā bhaveccāpi divyatā mokṣaṇaṃ tathā |
parameśasya sākṣādvai prāptirbhavecca sevayā || 41 ||
[Analyze grammar]

bhaktyā bhavati sānnidhyaṃ snehena paramātmanaḥ |
māyānāśo bhavatyatra divyadṛgjāyate janaḥ || 42 ||
[Analyze grammar]

sākṣātpaśyati govindaṃ cāntare ca bahistathā |
māyā''varaṇarahito jāyate īśvaro yathā || 43 ||
[Analyze grammar]

golokaṃ vīkṣate tvatra vaikuṇṭhaṃ cā'kṣaraṃ padam |
sevayā'tastoṣaṇīyāḥ santaḥ sādhvyo haristathā || 44 ||
[Analyze grammar]

prasannānāṃ satāmāśīrvādaiḥ sākṣādbhaveddhariḥ |
satsu nārāyaṇastvāste ravargamokṣasukhapradaḥ || 45 ||
[Analyze grammar]

divyānandasya lābhārthaṃ sevyāḥ santastathā hariḥ |
śraddhayā ca vivekena satsaṃgaḥ kārya uttamaḥ || 46 ||
[Analyze grammar]

dharmo jñānaṃ virāgaśca satsevā mokṣadā ime |
kalyāṇakāriṇaḥ sarve upārjanīyāḥ sadguṇāḥ || 47 ||
[Analyze grammar]

asatsu naiva sahasā viśvasitavyamarthinā |
tathā sati vivardhante tṛṣṇādyā durguṇāḥ sadā || 48 ||
[Analyze grammar]

kṣārabhūmisamo martyo yo'sti nāstikyabhāvavān |
tatra bījaṃ snehabhaktirnodeti dagdhatāmiyāt || 49 ||
[Analyze grammar]

asajjanaprasaṃgo hi patanasyaiva kāraṇam |
mahān pāpmā samudeti kusaṃgijanasaṃgataḥ || 50 ||
[Analyze grammar]

satsaṃgaḥ sarvapuṇyānāṃ śevadhiḥ pāpanāśakṛt |
sasaṃgamūlyā'vijñāstu mānuṣyā'rthaviruddhagāḥ || 51 ||
[Analyze grammar]

kurvate ca kusaṃgaṃ vai tato yāntyadhamāṃ sthitim |
kalahena vivādena nidrayā pāpakarmabhiḥ || 52 ||
[Analyze grammar]

akāryācaraṇaiścāpi mriyante doṣapīḍitāḥ |
punarjanma ca maraṇaṃ nirayaṃ cāpyadhogatim || 53 ||
[Analyze grammar]

vindanti yāmyanagarīṃ yātanāstatra yojitāḥ |
vivekinastu loke'tra viditvā jaḍavarṣma ca || 54 ||
[Analyze grammar]

indriyāṇi mano buddhiṃ jñātvā māyāmayāni ca |
triguṇān prakṛtiṃ cāpi vāsanā vividhāstathā || 55 ||
[Analyze grammar]

jīvabandhapradā jñātvā bhaveyuḥ saṃgavarjitāḥ |
nityā'bhyāsaparasyaiva naśyanti vāsanādayaḥ || 56 ||
[Analyze grammar]

tyāgino na prajāyante saṃskārā mūlavarjitāḥ |
anādiśrīkṛṣṇanārāyaṇo'styeṣāṃ hṛdantare || 57 ||
[Analyze grammar]

praveṣṭuṃ na dadātyeṣo doṣān bhaktahṛdantare |
dehābhimānayuktasya prabhurhṛdi na bhāsate || 58 ||
[Analyze grammar]

abhāse hṛdaye tamomaye māyā vivardhate |
ahantāmamate puṣṭiṃ gacchatastena vāsanāḥ || 59 ||
[Analyze grammar]

prajāyante tu bahudhā tṛṣṇātanturvivardhate |
punaḥ pāpāni jāyante tṛṣṇayā viṣayeṣviti || 60 ||
[Analyze grammar]

tasmādātmā cetano'smi dehādīnāṃ niyāmakaḥ |
kṛṣṇabhakto brahmadhāmā matvaivaṃ tṛṣṇikāṃ tyajet || 61 ||
[Analyze grammar]

apramattena vijñena sadā bhāvyaṃ sukhārthinā |
hareḥ sukhārthaṃ satataṃ yatitavyaṃ nijārthinā || 62 ||
[Analyze grammar]

doṣāstaṃ nārdayeyurvai te naśyanti harerbalāta |
ātmaniṣṭhaṃ janaṃ nābhibhavanti vāsanādayaḥ || 63 ||
[Analyze grammar]

sādhusevārthinaṃ niṣkapaṭinaṃ bhaktamānatam |
sādhuprasannatāśīrṇā doṣāḥ parābhavanti na || 64 ||
[Analyze grammar]

duṣṭasvabhāvaḥ satsaṃgānnaśyatyeva samūlataḥ |
tena doṣā vilīyeran satsaṃginastu dehinaḥ || 61 ||
[Analyze grammar]

ābālyādeva kartavyaḥ satsaṃgaḥ prītiracyute |
harerbhakteṣu vai snehaḥ kartavyo haridāyakaḥ || 66 ||
[Analyze grammar]

tāruṇye yena vai bhaktiḥ pravarteta dṛḍhā harau |
bhaktibalena kāmādyā nārdayeyurhi dehinam || 67 ||
[Analyze grammar]

sādhūn śāntān praseveta vikāravarjitān sadā |
vikāro vilayaṃ gacched yauvanaṃ taritaṃ bhavet || 68 ||
[Analyze grammar]

sādhujaneṣu vikṛtiṃ kalpayecca kadācana |
doṣāṇāṃ kalpake doṣā āvirbhavanti pāpataḥ || 69 ||
[Analyze grammar]

avivekena doṣairvai kalpitaiḥ pīḍyate svayam |
tasmād divyān prapaśyedvai sādhūnnārāyaṇātmakān || 70 ||
[Analyze grammar]

yadi kaścitpratīyeta doṣaḥ satsu tadā svayam |
doṣo nā'yaṃ guṇaścāsti divya eva na saṃśayaḥ || 71 ||
[Analyze grammar]

evaṃ divyaḥ kalpanīyaḥ svasya syād divyatā tathā |
doṣagrāhī bhaved doṣī guṇagrāhī guṇī bhavet || 72 ||
[Analyze grammar]

dehatrayaṃ pṛthaṅamatvā śāntaṃ sādhuṃ niṣevayet |
śāntiṃ vrajet sevayā ca śāśvatīṃ pārameśvarīm || 73 ||
[Analyze grammar]

niśchadmopāsanā kāryā hareḥ satāṃ śubhāvahā |
hareḥ prasannatāprāptyā haritvaṃ jāyate'nuge || 74 ||
[Analyze grammar]

jñānadārḍhyaṃ snehadārḍhyaṃ harau satsu pramuktidam |
sevā snehena bhavati prityā smṛtirhi śāśvatī || 75 ||
[Analyze grammar]

satyeva tanmayatvaṃ syāt tryavasthāsu hi darśanam |
sākṣātkāre tu sañjāte kartavyaṃ nā'vaśiṣyate || 76 ||
[Analyze grammar]

anādiśrīkṛṣṇanārāyaṇe mānavarūpiṇi |
dehe prāgdarśanaṃ paścādindriyeṣu hi darśanam || 77 ||
[Analyze grammar]

tato'ntaḥkaraṇeṣveva tato jīve hi darśanam |
evaṃ divyo hi bhagavānāste dehendriyātmasu || 78 ||
[Analyze grammar]

daihikīṃ prakṛtiṃ dṛṣṭvā kṛṣṇasya divyatāṃ tu yaḥ |
mānasīṃ prakṛtiṃ jñātvā divyatāṃ manute ca yaḥ || 71 ||
[Analyze grammar]

ātmīyāṃ bhāvanāṃ bhāvya divyatāṃ cintayettathā |
sarvā divyāḥ kṛṣṇalīlā mokṣadāśceti kalpayet || 80 ||
[Analyze grammar]

evaṃ kṛṣṇasya yogena āntaraṃ bāhyamityapi |
karaṇaṃ varṣma sarvāṇi divyānyeva bhavanti hi || 81 ||
[Analyze grammar]

divyena divyabhagavān gṛhyate bhaktiyoginaḥ |
nā'divyena harirgrāhyo jāyate mānavo'pi san || 82 ||
[Analyze grammar]

bhaktā divyāstataḥ sarve divyakṛṣṇasya yoginaḥ |
vyavasthā api divyāśca divyāḥ kāmādayo'pi ca || 83 ||
[Analyze grammar]

divyaṃ bhaktasya sarvaṃ vai yat kṛṣṇārthaṃ prakalpitam |
jīvānāṃ śreyase kṛṣṇaḥ mahatyā kṛpayā prabhuḥ || 84 ||
[Analyze grammar]

akṣarātparamāllokādiha bhūmau prajāyate |
kalyāṇāya janān naijaṃ satsaṃga kārayatyapi || 85 ||
[Analyze grammar]

narākṛtiśca naravat kurute laukikīḥ kriyāḥ |
tā api tasya līlā vai divyā vidantu mānavāḥ || 86 ||
[Analyze grammar]

kalyāṇadā samastā vai divyā bhavantu darśakāḥ |
evaṃ vai bhagavān svecchākṛtadivyānnijāśritān || 87 ||
[Analyze grammar]

dadāti darśanaṃ saṃgaṃ svasya bhaktasya kevalam |
ato bhaktendriyādīni kṛṣṇabhāvaṃ prayānti hi || 88 ||
[Analyze grammar]

divyakṛṣṇasya sambandhād divyāni māyikāni na |
yathā kṛṣṇo'sti divyo vai tathā divyāśca sādhavaḥ || 89 ||
[Analyze grammar]

adoṣagrāhakā bhaktā api divyā hi sādhuvat |
narā nāryaḥ sadā divyā adoṣagrāhiṇastu ye || 90 ||
[Analyze grammar]

satsaṃgo divya evāsti santo divyā haristathā |
nirdoṣā mokṣadāḥ sarve māyākāryavivarjitāḥ || 91 ||
[Analyze grammar]

yasya teṣu bhaved doṣagrahaṇaṃ tasya vai matiḥ |
pitṛbhyāṃ śāpitā pūrvaṃ sādhubhistu tataḥ param || 92 ||
[Analyze grammar]

atikrameṇa sādhūnāṃ śāpād buddhiḥ praduṣyati |
sādhavo dinavat santi durbalā bhagavatpriyāḥ || 93 ||
[Analyze grammar]

teṣāmardanakāle vai hṛdayastho hariḥ svayam |
ardito jāyate tena śaptasya dhīḥ suśāpitā || 94 ||
[Analyze grammar]

dagdhā bhavati duṣṭā vai doṣagrāhā na nirmalā |
tāṃ vināśayituṃ nityaṃ yateta sevane satām || 95 ||
[Analyze grammar]

tanvā manasā dravyaiścendriyaiśca sampadā sadā |
sādhoḥ prasādalabdhyarthaṃ sevāyāṃ nirato bhavet || 96 ||
[Analyze grammar]

sarvasvārpaṇabhāvena sevate labhate sa tu |
nairmalyaṃ niḥśāpatāṃ ca divyatāṃ guṇagrāhitām || 97 ||
[Analyze grammar]

śuddhiṃ labhettataḥ kṛṣṇaṃ prasādyā'kṣaramāvrajet |
sādhūn prasādya ca divyaṃ nārāyaṇāśramaṃ labhet || 98 ||
[Analyze grammar]

tasmānnityaṃ sādhujanān prasevantu pramuktaye |
jñānāgninā pradāhyedaṃ brahmāgnau juhvatu svakān || 99 ||
[Analyze grammar]

ityevaṃ tūpadiśyaiva dadau mantraṃ hareḥ rame |
oṃ namaḥ śrīkṛṣṇanārāyaṇāya svāmine svāhā || 100 ||
[Analyze grammar]

pādavāryamṛtaṃ tebhyo dadau nārāyaṇāya naḥ |
lakṣmi rātrau praviśramya prātaḥ snātvā ca sādhavaḥ || 101 ||
[Analyze grammar]

prapūjya padamātmānaṃ bhuktvā phalādikaṃ payaḥ |
bhaktānāśīrvacaścoktvā yayustīrthāya sādhavaḥ || 102 ||
[Analyze grammar]

bhaktāste śrīkṛṣṇanārāyaṇaṃ māṃ kṛṣṇavallabham |
bhejuḥ snehena satataṃ jvālāprasādabhāvitāḥ || 103 ||
[Analyze grammar]

athotsavaṃ pracakruste kārtike dvādaśīdine |
śukle caikādaśīrātrau jāgaraṇe prage sati || 104 ||
[Analyze grammar]

nṛtyatāṃ kīrtayatāṃ ca prāvirāsaṃ puraḥsthale |
caturbhujo māṇikīśrīsahito divyabhūṣitaḥ || 105 ||
[Analyze grammar]

taiḥ kṛtāmarhaṇāṃ sarvāṃ prāpya tiro'bhavaṃ kṣaṇāt |
mūrtau tatraiva nityaṃ ca nyavasaṃ premapāśagaḥ || 106 ||
[Analyze grammar]

prāpte kāle mama dhāmā'nayaṃ jvālāprasādakam |
prabhāvatīṃ ca tatpatnīṃ tathā bhaktān sahasraśaḥ || 107 ||
[Analyze grammar]

evaṃ lakṣmi mayā bhaktastārito bhavasāgarāt |
paṭhanācchravaṇādasya bhavatāraṇamāpnuyāt || 108 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne jvālāprasādākhyasyāṃ'gārāgnikṛto bhaktasya bhaktyā nārāyaṇāyanasādhusamāgamena tasya tatpatnyāḥ |
sahasrāvadhidehināṃ ca mokṣaṇaṃ bhagavatā kṛtamityādinirūpaṇanāmā dvātriṃśadadhikadviśatatamo'dhyāyaḥ || 232 ||
[Analyze grammar]