Chapter 231

puruṣottama uvāca |
śṛṇu nārāyaṇīśri tvaṃ śūlāropaṇakāriṇaḥ |
jallādasya kathāṃ nāmnā tārakādarśakasya vai || 1 ||
[Analyze grammar]

cambāvatyāṃ nagaryāṃ vai rāvīnadyāstaṭāntike |
mahākārāgāradurge śūlīdaṇḍavidhāyini || 2 ||
[Analyze grammar]

niyukto'bhūt tārakādarśakaḥ śūlyadhiropakaḥ |
rājadaṇḍena ye daṇḍitāḥ syurmahāparādhinaḥ || 3 ||
[Analyze grammar]

strīghnā goghnāśca bālaghnā naraghnā mūrtibhañjakāḥ |
devālayavineṣṭāraḥ sarve śūlyarhadaṇḍinaḥ || 4 ||
[Analyze grammar]

teṣāṃ śūlyagrādhirohaṃ karoti tārakādṛśiḥ |
cambāpuryā mahārājo nāmnā vai supathānakaḥ || 5 ||
[Analyze grammar]

tārakādarśakaṃ jallādakaṃ rarakṣa śūlinam |
durgamadhye śūlikā''ste yatra vaihāyasāḥ sadā || 6 ||
[Analyze grammar]

patattriṇo bhramantyeva piśitāśanakāṃkṣiṇaḥ |
yāṃ smṛtvā romakampo vai jāyate dhairyaśālinaḥ || 7 ||
[Analyze grammar]

dṛṣṭvā hṛtstabdhatā cāpi nirbalasya prajāyate |
daṇḍaṃ śrutvā parameśaṃ smaranti sajjanā api || 8 ||
[Analyze grammar]

pāpino'pi prabhuṃ smarantīśeśa pāhi māmiti |
yamālayo yathā tadvad bhayānakaṃ sthalaṃ tu tat || 9 ||
[Analyze grammar]

tatra jallādavāso'bhūd divāniśaṃ hi durgake |
vetana labhate rājyāt prāṇayātrāṃ karoti ca || 10 ||
[Analyze grammar]

śūlīdaṇḍārhaduṣṭāya daṇḍadānakṣaṇāt puraḥ |
śrāvayatyeva nāmāni kṛṣṇanārāyaṇeti saḥ || 11 ||
[Analyze grammar]

rakṣa mādhava govinda punaḥ pāpāt prarakṣaya |
eṣo'haṃ śūlikārūpe kṛṣṇe'rpito bhavāmi ca || 12 ||
[Analyze grammar]

mama pāpaphalaṃ cedaṃ bhuṃje nānyo'tra doṣabhāg |
punarnaivaṃ kariṣye'ghaṃ pāpānmukto bhavāmi cet || 13 ||
[Analyze grammar]

śṛṇvantu mānavāḥ sarve'dhirohāmi svakarmaṇā |
mā śocantu mama nāśaṃ śocantu pāpakarma vai || 14 ||
[Analyze grammar]

mā kurvantvapi pāpāni mā śūlīmadhiyantu ca |
bāndhavāḥ pitaro mātā sambandhī putraputrikāḥ || 15 ||
[Analyze grammar]

suhṛdaśca prajālokā ye tu paśyanti māmiha |
te dharmaṃ saṃpālayantu me vaktavyaṃ na cetarat || 16 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
iti sarvaṃ tadoccārayitvā taṃ daṇḍaśālinam || 17 ||
[Analyze grammar]

netrayoḥ paṭṭabandhaṃ ca kṛtvottolya janaiḥ śanaiḥ |
śūlyagre tīkṣṇadhāre'vasthāpyate pṛṣṭhage tale || 18 ||
[Analyze grammar]

madhyabhāge pṛṣṭhavaṃśe samatole śanaiḥ śanaiḥ |
uttānaṃ doṣiṇaṃ śūlaṃ yathā viśati pṛṣṭhake || 19 ||
[Analyze grammar]

tadā jallādako bhakto gṛṇāti kṛṣṇa kṛṣṇa vai |
kṛṣṇanārāyaṇakṛṣṇa saṃśrāvayati doṣiṇam || 20 ||
[Analyze grammar]

pāpanāśastathā mokṣo yadodayaḥ prajāyate |
yadvā punaḥ śubhaṃ janma yathā syāddoṣiṇastathā || 21 ||
[Analyze grammar]

salilaṃ tulasīmiśraṃ tasmai dadāti doṣiṇe |
oṣṭhayoścāntime prāṇayānakāle hariṃ gṛṇan || 22 ||
[Analyze grammar]

vādyāni bahudhā tatra vādayanti nṛpānugāḥ |
duḥkhaśabdākrośanādi yathā śrūyeta naiva ha || 23 ||
[Analyze grammar]

atha prāṇe gate śūlācchavaṃ cottārya bhūtale |
vahnigarte kṣipatyeva yadvā sambandhine tadā || 24 ||
[Analyze grammar]

kuṭumbine dadātyeva rājājñayā yathātatham |
evaṃ sa tārakādarśo doṣiṇaṃ preṣayatyapi || 25 ||
[Analyze grammar]

yamalokaṃ ca vā kṛṣṇanāma saṃśrāvya vai divam |
antarāmā harikṛṣṇo jānāmyahaṃ rame hi tat || 26 ||
[Analyze grammar]

bhakto me tārakādarśo vartate nāmakīrtane |
evaṃ kṛtvā daṇḍakarma tataḥ snātvā ca mālikām || 27 ||
[Analyze grammar]

kare dhṛtvā kṛṣṇakṛṣṇa sahasraṃ sa japatyapi |
prāyaścittaṃ tathā saptopavāsān sa karotyapi || 28 ||
[Analyze grammar]

kṣamāṃ prayācate kṛṣṇācchūlīpāpaṃ kṣamasva me |
atha tīrthe śubhe rāvīnadyā jambupradeśake || 29 ||
[Analyze grammar]

snātvā dānaṃ dadātyeva vetanāttaddinodbhavam |
sādhūn prasevate nityaṃ karoti smaraṇaṃ hareḥ || 30 ||
[Analyze grammar]

nityaṃ dhyānaṃ hareścāpi pūjanaṃ bhajanaṃ tathā |
naivedyārpaṇamevā'pi tāmbūlasalilārpaṇam || 31 ||
[Analyze grammar]

dhūpaṃ dīpaṃ namaskāraṃ nīrājanaṃ stavaṃ tathā |
kṣamāyācanamevā'pi kṛtvā visarjanaṃ namaḥ || 32 ||
[Analyze grammar]

karotyeva tato bhuktvā prasādaṃ tu niveditam |
svabhṛtyatāniyuktau vai namraḥ samupatiṣṭhati || 33 ||
[Analyze grammar]

mālāmāvartayan haste nārāyaṇaṃ raṭaṃśca mām |
bhaktān vīkṣya namaskāraṃ karoti cāntarātmane || 34 ||
[Analyze grammar]

sarvaṃ brahmādhivāsaṃ ca matvā magno hi vartate |
evaṃvidho mama bhakto jallādastārakādṛśiḥ || 35 ||
[Analyze grammar]

bhaktau me dṛḍhatāṃ prāptaḥ sāyaṃ tu svagṛhāṃgaṇe |
narānnārīḥ samāhūya kīrtanaṃ tu niśāmukhe || 36 ||
[Analyze grammar]

kṛṣṇanārāyaṇaviṣṇo jiṣṇo rādhāramāpate |
govindamādhavavāsudevakṛṣṇa śriyaḥ pate || 37 ||
[Analyze grammar]

evaṃ raṭati ghaṭikādvayaṃ saṃbhūya mānavaiḥ |
kīrtanānte mama pūjāṃ karotyārārtrikaṃ tathā || 38 ||
[Analyze grammar]

prasādaṃ sarvabhaktebhyo dadāti manniveditam |
rātrau nidrāṃ karotyeva kaṇṭhe dhṛtvā tu mālikām || 39 ||
[Analyze grammar]

raṭan mannāma vai bālakṛṣṇakṛṣṇanarāyaṇa |
evaṃ bhaktyā prasanno'haṃ sañjātastasya vai puraḥ || 40 ||
[Analyze grammar]

adṛśyo vai bhavāmyeva śṛṇomi kīrtanādikam |
paśyāmi pūjanaṃ cāpi gṛhṇāmi snehataḥ sadā || 41 ||
[Analyze grammar]

athaikadā tu bhaktaṃ me tārayituṃ vyacintayam |
asya deyaṃ mayā nityaṃ bhojanaṃ jalamambaram || 42 ||
[Analyze grammar]

ayaṃ mokṣayitavyaśca śūlīkarmavidhānataḥ |
bhakto me rāgarahitaḥ śūlīkarmaṇi sarvathā || 43 ||
[Analyze grammar]

tathāpi prāṇayātrārthaṃ vetanārthī karoti tat |
hiṃsanaṃ pāpamevā'sti nimittaḥ śūlado'pi ca || 44 ||
[Analyze grammar]

tatrodvijate bhakto me prāyaścittaṃ karoti ca |
tasmānmocayitavyo'yaṃ śūlīkarmā'dhikārataḥ || 45 ||
[Analyze grammar]

vicāryetthaṃ tadā lakṣmi kārāgārā'dhipo'bhavam |
kārāgārādhiparūpaṃ dhṛtvā'gacchaṃ nṛpaṃ prati || 46 ||
[Analyze grammar]

nyavedayaṃ ca rājñe'haṃ tārakādarśaceṣṭitam |
śṛṇu rājan kathayāmi tato yad rocate kuru || 47 ||
[Analyze grammar]

tārakādarśakaścāyaṃ niyukto vetanena vai |
śūlī daṇḍapradānārthaṃ duṣṭānāṃ bhavatā hyapi || 48 ||
[Analyze grammar]

bhakto'yaṃ dayayā yuktaḥ prāyaścittaṃ karoti saḥ |
pāpaṃ tu manyate śūlyāropaṇaṃ daṇḍyadehinaḥ || 49 ||
[Analyze grammar]

kṛṣṇakṛṣṇeti japati saptāhaṃ na bhunakti ca |
mṛduhṛt sadayacittaḥ kvacid dayāvaśaṃvadaḥ || 50 ||
[Analyze grammar]

kvacidājñollaghanaṃ vai kariṣyatīti bhāti me |
nāyaṃ yogyastatra kārye mṛdusvabhāvavān yataḥ || 51 ||
[Analyze grammar]

krūrastatra sadā yogyo niyoktavyo'paro janaḥ |
yatra kārye suviśvāso yasya tasmād bhayaṃ na vai || 52 ||
[Analyze grammar]

asmāttu me bhayaṃ bhāti tatastaṃ tvapasāraya |
araṇyarakṣaṇaṃ tasmai dehi yatra na hiṃsanam || 53 ||
[Analyze grammar]

yasmādbhayaṃ na bhaṃgasya svājñāyāśca nayasya ca |
evamuktvā tathaivājñāpatraṃ tatraiva tattathā || 54 ||
[Analyze grammar]

lekhayitvā'raṇyadakṣākaraṃ kṛtvā tiro'bhavam |
patraṃ rājājñayā dūtadvārā prāptaṃ sukhāspadam || 55 ||
[Analyze grammar]

tārakādarśanenāpi prasādaḥ sa mato hareḥ |
pāpasthalādapasāraḥ kṛṣṇecchayā'sti vai mama || 56 ||
[Analyze grammar]

yogyaṃ karoti bhagavān bhaktarakṣākaro hariḥ |
matvaivaṃ bhagavadvāñcchā tyaktvā śūlīsthalaṃ drutam || 57 ||
[Analyze grammar]

āraṇyā'dhikṛtiṃ tūrṇaṃ jagrāhā'dhikavetanaiḥ |
mahāsukhaḥ sa sampanno vasatyaraṇyamaṇḍale || 58 ||
[Analyze grammar]

kuṭumbasahito nityaṃ rāvīnadītaṭe śubhe |
vanyaiḥ phalaiśca kandaiśca patraiḥ śimbījabījakaiḥ || 59 ||
[Analyze grammar]

kaṇaiḥ śubhauṣadhairannai rasaiśca madhubhistathā |
nirvahatyeva nūtnaiḥ sa prāṇayātrāṃ sukhodayām || 60 ||
[Analyze grammar]

viditvā me mahimānaṃ bhajate'dhikameva mām |
uṣṭramāruhya rātrau sa divā cāpi bhaṭaiḥ saha || 61 ||
[Analyze grammar]

nirīkṣate mahāraṇyaṃ rājeva vartate sadā |
āraṇyakā janā dugdhadadhimāyasamiṣṭakaiḥ || 62 ||
[Analyze grammar]

sammānaṃ saṃprakurvanti miṣṭānnaśarkarādibhiḥ |
nūtnasasyodbhavaṃ bhakṣyaṃ cārpayanti vanecarāḥ || 63 ||
[Analyze grammar]

kṣetravāṭīśvarāścāpi sīmarakṣādhikāriṇe |
yathā kaścinnarakādvā kārāgārād vimucya vai || 64 ||
[Analyze grammar]

rājyābhiṣekamādhatte tadvat sukhamavāptavān |
evaṃ vai tārakādarśo'bhavat sukhī kṛpāvaśāt || 65 ||
[Analyze grammar]

bhaktau vṛddhimavāpaiva dhyāne ca bhajane'rhaṇe |
nityaṃ mālāvarttanaṃ tu sahasraṃ prakarotyayam || 66 ||
[Analyze grammar]

parātmanā sukhaṃ dattaṃ kathaṃ bhaje na mādhavam |
matvaivaṃ kṣemakuśale nārāyaṇaṃ viśeṣataḥ || 67 ||
[Analyze grammar]

bhajate mama bhakto māṃ bahudhā bhaktikarmabhiḥ |
nijāśrame kṛtā mūrtirmṛṇmayī tena śobhanā || 68 ||
[Analyze grammar]

kṛṣṇāścamarīkśāśca keśāstatra suyojitāḥ |
netre dvābhyāṃ kapardībhyāṃ yojite kṛṣṇabinduke || 69 ||
[Analyze grammar]

puṣpāvataṃsau gucchau ca karṇayornihitau tadā |
padmabījakṛtā mālā guṃjāmālā tathā'rpite || 70 ||
[Analyze grammar]

sphaṭikā bhujabandhe ca prakoṣṭhe yojitāḥ śubhāḥ |
ūrmikāśca kṛtā darbhapatraiśca muñjaśṛkhalāḥ || 71 ||
[Analyze grammar]

phalāhārā dhāritāśca vastrāṇi valkalānyapi |
kambalo mṛgacarmā'pi puṣpaśṛṃgārakāṇi ca || 72 ||
[Analyze grammar]

yathākālodbhavānyeva samarpitāni śārṅgiṇe |
caturbhujaṃ svarūpaṃ tacchaṃkhacakragadābjadhṛk || 73 ||
[Analyze grammar]

tathā pārśve śubhā lakṣmīryuvatī suvibhūṣitā |
sarvābharaṇayuktā ca kṛtā vanyasuvastubhiḥ || 74 ||
[Analyze grammar]

kuṃkumā'laktakādyaiśca yathāsthānaṃ suśobhitā |
pātrāṇi vanyapatrāṇi kuṭī vaṃśādisaṃbhavā || 75 ||
[Analyze grammar]

upacārāṇi vanyāni kṛtāni bhaktiyoginā |
gāvastena sudogdhryaśca rakṣitā bhagavatkṛte || 76 ||
[Analyze grammar]

araṇye tṛṇaghāsādibāhulyena supoṣitāḥ |
nityamevaṃ prage snātvā pūjayitvā ramāṃ prabhum || 77 ||
[Analyze grammar]

puṣpahārādibhiḥ samyak śṛṃgārya candanādibhiḥ |
madhubhirmiṣṭagundraiśca vṛkṣasāraiḥ phalādibhiḥ || 78 ||
[Analyze grammar]

miṣṭarasairmiṣṭakandairnaivedyaṃ ca jalaṃ tathā |
tāmbūlakaṃ ca dīpaṃ ca dhūpaṃ pradakṣiṇaṃ stutim || 79 ||
[Analyze grammar]

aparādhakṣamāṃ namo daṇḍavat kusumāñjalim |
parihāraṃ vidadhāti nityamevaṃ karoti saḥ || 80 ||
[Analyze grammar]

madhyāhne bhojanaṃ sāyaṃ pūjānīrājanā'danam |
samarpya dhūpadīpādi karoti kīrtanaṃ sadā || 81 ||
[Analyze grammar]

tasya bhāryā kṛtaśalyā prātarutthāya nityadā |
snātvā puṣpāṇi cānīya nirmāya mālikādikam || 82 ||
[Analyze grammar]

arpayatyeva kṛṣṇāya namatyapi śataṃ muhuḥ |
tataḥ kṣamārthanāṃ kṛtvā patiṃ natvā gṛhakriyām || 83 ||
[Analyze grammar]

karoti sataṃ caivaṃ madhyāhne bhojanārpaṇam |
sāyaṃ tathaiva naivedyārpaṇaṃ karoti miṣṭakam || 84 ||
[Analyze grammar]

śṛṃgārabhūṣāveṣādi cāvatārya śriyaṃ prabhum |
yogyaveṣaṃ dhārayitvā nidrāpayati vai niśi || 85 ||
[Analyze grammar]

prātarveṣaṃ suśṛṃgāraṃ dhārayatyuttamaṃ navam |
yatpakvaṃ pācitaṃ sarvaṃ nivedayati śārṅgiṇe || 86 ||
[Analyze grammar]

prasādānnajalaṃ śākaṃ tulasīdalamiśritam |
bhuṃkte kuṭumbakaṃ nitya putraputryādisaṃhitam || 87 ||
[Analyze grammar]

evaṃ vai vartamānasya tārādarśasya cālayam |
abhyāgatasvarūpo'haṃ jaṭī bhūtvā vanī yayau || 88 ||
[Analyze grammar]

sāyaṃkāle kuṭumbena snehena svāgataṃ mama |
kṛtaṃ sādhuṃ viditvaiva japantama śrīnarāyaṇam || 89 ||
[Analyze grammar]

bhojito'haṃ pūjitaśca pāyito'ṅgeṣu marditaḥ |
svāpitaḥ śayane prātarutthāpito namaskṛtaḥ || 90 ||
[Analyze grammar]

saṃsnāpitaḥ pūjitaśca bhojito dakṣiṇā'rpitaḥ |
prasannatāṃ prati samyagarthito mokṣaṇaṃ prati || 91 ||
[Analyze grammar]

tathā'stvevamuccaritaḥ prasthāpito'tibhāvukaiḥ |
tadā'haṃ divyarūpeṇa saṃvartitaścaturbhujaḥ || 92 ||
[Analyze grammar]

śrīyuto divyatejobhirvyāptaḥ prasannatāyutaḥ |
bhaktabhaktivaśo datvā''śīrvādaṃ mokṣaṇaṃ prati || 93 ||
[Analyze grammar]

prasādaṃ puṣpahārāṃśca datvā daśakuṭumbine |
tirobhavaṃ drutaṃ tatra pratimāyāṃ hi paśyatām || 94 ||
[Analyze grammar]

atyāścaryaṃ ca te prāptā divyadṛṣṭiṃ prapedire |
tata ārabhya mūrtau māṃ lakṣmīyuktaṃ sudarśanam || 95 ||
[Analyze grammar]

nityaṃ divyaṃ prapaśyanti sākṣādvai pitarau yathā |
kṛtakṛtyāśca te jātā divyā me'nugrahāt khalu || 96 ||
[Analyze grammar]

atha kāle prasaṃprāpte vimānena sutejasā |
anayaṃ tānakṣaraṃ me dhāma lakṣmi parātparam || 97 ||
[Analyze grammar]

evaṃ bhaktasya mokṣo vai mayā kṛto dayālunā |
mumukṣūṇāṃ hṛdaye'smi viśeṣato'vanārthakaḥ || 98 ||
[Analyze grammar]

pāpāḥ pāpasamācārāḥ pāpisaṃgāśca mānavāḥ |
pāpanāśecchayā māṃ vā''śrayeyuḥ sādhusattamān || 99 ||
[Analyze grammar]

vidhūya teṣāṃ pāpāni datvā puṇyāni sarvathā |
pāvanān dehinaḥ kṛtvā datvā divyatanūstataḥ || 100 ||
[Analyze grammar]

nayāmi vā divaṃ satyaṃ śrīpuraṃ cāmṛtaṃ ca vā |
avyākṛtaṃ vā vaikuṇṭhaṃ golokaṃ vā'kṣaraṃ padam || 101 ||
[Analyze grammar]

paraṃ padaṃ prāpayāmi rājādhirājaśobhanam |
dadāmi sevanaṃ tatra pādayormama sarvadā || 102 ||
[Analyze grammar]

paṭhanācchravaṇādasya sparśanād vartanādapi |
bhuktirmuktirdivyagatirjāyate mokṣaṇaṃ rame || 103 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne śūlīpradasya tārakādarśasya tatpatnyāḥ kṛtaśalyāyāśca bhaktyā'bhyudayau mokṣaṇaṃ cetyādinirūpaṇānāmaikatriṃśadadhikadviśatatamo'dhyāyaḥ || 231 ||
[Analyze grammar]