Chapter 208

śrīpuruṣottama uvāca |
śṛṇu nārāyaṇīśri tvaṃ bhaktaṃ kirātajātijam |
sāgarākhyaṃ mahāśāṭīnagarīvāsinaṃ śubham || 1 ||
[Analyze grammar]

kuṭumbasahitaścā'yaṃ mahīnadītaṭe vane |
carati dehayātrārthaṃ kurute sañcayaṃ gṛhe || 2 ||
[Analyze grammar]

vanyānāṃ kandamūlānāṃ cānnānāṃ kaṇināṃ tathā |
śimbīnāṃ ca phalānāṃ ca bījānāṃ rasināṃ tathā || 3 ||
[Analyze grammar]

kvacidannaṃ phalaṃ patraṃ kvacit kandaṃ bhunakti saḥ |
dehayātrāsu nirvāhaṃ karoti bhajate ca mām || 4 ||
[Analyze grammar]

vāṭagānāṃ dhanāḍhyānāṃ bhāravāhī bhavatyapi |
śreṣṭhināṃ bhṛtyatāṃ cāpi kvacit karoti bhīlakaḥ || 5 ||
[Analyze grammar]

evaṃ kurvan sa nirvāhaṃ kvacinnāpnoti bhojanam |
tadopavāse nirato bhajate māṃ mudā yutaḥ || 6 ||
[Analyze grammar]

mālikā''vartanaṃ cāpi karoti kṛṣṇakṛṣṇa ca |
vrataṃ sāhajikaṃ tadvai matvā ca jāgaraṃ niśi || 7 ||
[Analyze grammar]

karoti kīrtanaṃ rātrau kṣudhātṛṣānvitaḥ sa vai |
patnī putrāstathā putryaḥ sarve kurvanti vai vratam || 8 ||
[Analyze grammar]

ekadā kamale teṣāṃ śravaṇe śuklapakṣake |
ekādaśīdine naiva militaṃ bhojanaṃ manāk || 9 ||
[Analyze grammar]

vrataṃ jātaṃ sahajaṃ caikādaśījaṃ sajāgaram |
nirjalaṃ te pracakruśca pūjanaṃ kīrtanaṃ ca me || 10 ||
[Analyze grammar]

atha prātastu te sarve bhājīṃ nivedya me rame |
jalaṃ samarpya mahyaṃ ca bubhujurbhājīmeva ha || 11 ||
[Analyze grammar]

papurjalaṃ kṛṣṇakṛṣṇakṛṣṇanārāyaṇaprabho |
gṛṇantaśca mudā lakṣmi tadā'haṃ karuṇālayaḥ || 12 ||
[Analyze grammar]

teṣāmagre godhumānāṃ śakaṭyā saha saṃyayau |
te sarve māṃ vikrayiṇaṃ matvā śreṣṭhinamuttamam || 13 ||
[Analyze grammar]

nemurjalaṃ daduścāpi viśrāntyarthaṃ jaguḥ kṣaṇam |
ahaṃ matvā ca tadvākyaṃ śakarīṃ tadgṛhāṃgaṇe || 14 ||
[Analyze grammar]

avasthāpya vṛṣabhau ca nirbadhya tatkṛtāsane |
upāviśaṃ ca te sarve pādasaṃvāhanaṃ mama || 15 ||
[Analyze grammar]

vyadhuśca kṛṣṇa kṛṣṇeti vadanto magnamānasāḥ |
atha pṛṣṭā mayā sarve kiṃvṛttāḥ kiṃprajīvanāḥ || 16 ||
[Analyze grammar]

te procurjīvanaṃ kṛ6ṇo dadāti jīvyate tathā |
adya bhājyā kṛtaṃ kṛṣyapūjanaṃ ca jalena ca || 17 ||
[Analyze grammar]

bhuktā bhājī jalaṃ pītaṃ śāntistatra hi naḥ sadā |
vartate sukhadā śreṣṭhin kiṃ lakṣaiḥ koṭibhirdhanaiḥ || 18 ||
[Analyze grammar]

bhajāmaḥ śrīhariṃ nityaṃ dadātyeva sa bhojanam |
sarvārpaṇaṃ prakurmaśca haraye nirguṇāyitam || 19 ||
[Analyze grammar]

bhavān śreṣṭhī vartate'dya mahīmāno gṛhe'tra naḥ |
bhavadyogyaṃ mahānnaṃ tu nāsti svāgatakārakam || 20 ||
[Analyze grammar]

tato bhājīṃ pradadmaste rocate saṃgṛhāṇa tām |
ityukto'haṃ tadā lakṣmi premṇā bhājīṃ cakhāda tām || 1 ||
[Analyze grammar]

jalapānaṃ cakārā'pi tṛptiṃ jagāma bhaktijām |
athā'haṃ pradadau tebhyo godhumānāṃ samastakam || 22 ||
[Analyze grammar]

dhanaṃ ca pradadau tebhyo sahasraṃ rūpyamudrikāḥ |
tataste māṃ papracchuśca nāma grāmaṃ kuṭumbakam || 23 ||
[Analyze grammar]

ahamāha harikṛṣṇo bālakṛṣṇo bhavāmyaham |
grāmaṃ dhāmā'kṣaraṃ me ca kuṭumbaṃ bhaktamaṇḍalam || 20 ||
[Analyze grammar]

teṣāṃ gṛhe mama yātrā mahīmāno bhavāmyaham |
bhavadbhiryat kṛtaṃ tvekādaśyā vrataṃ sajāgaram || 25 ||
[Analyze grammar]

bhājyā cādbhistoṣito'haṃ rakṣārthaṃ samupāyayau |
kṛpayā tvāgato'smyatra dātuṃ sarvāṃśca godhumān || 26 ||
[Analyze grammar]

akṣayāste mama hastaspṛṣṭā godhumakā ime |
bhaviṣyanti kusule ca nikṣipyopari chādanam || 27 ||
[Analyze grammar]

kṛtvā chidrāt niṣkāsanīyā na cānyathā |
akṣayāste bhaviṣyanti mama pratāpataḥ khalu || 28 ||
[Analyze grammar]

bhavantu sukhino bhaktā vaṃśaparamparābhavāḥ |
yadā me pūjanaṃ naiva bhaviṣyati gṛhe'tra vai || 29 ||
[Analyze grammar]

tadā kṣayamavāpsyanti godhumāste mayā'rpitāḥ |
ityuktvā pradadau sarvān darśanaṃ divyamityapi || 30 ||
[Analyze grammar]

dadau caturbhujaṃ me ca śriyā yuktaṃ manoharam |
tuṣṭuvurmāṃ tu te sarve nipetuḥ pādayormama || 31 ||
[Analyze grammar]

mumucuḥ premabhāvenā'śrūṇi sarve tu vihvalāḥ |
vavrire rakṣaṇaṃ cāpi mokṣaṃ tvante paraṃ padam || 32 ||
[Analyze grammar]

ahaṃ dhairyaṃ vaco datvā śakaṭena samaṃ tathā |
vṛṣabhābhyāṃ samaṃ lakṣmi tūrṇaṃ tatra tiro'bhavam || 33 ||
[Analyze grammar]

ājīvanaṃ kirāto me bhakto godhumapolikāḥ |
kārayitvā nijapatnyā bhājyā sākaṃ nyavedayat || 34 ||
[Analyze grammar]

yatayaḥ sādhavaścānye satyaḥ sādhvyaśca bhikṣukāḥ |
ye cā''yānti labhante te bhājīṃ godhumapolikāḥ || 35 ||
[Analyze grammar]

annasatraṃ sāgarasya prāvartata nirantaram |
tārthayātrālavo'pyasya gṛhe śāntiṃ prayānti hi || 36 ||
[Analyze grammar]

satāṃ sevāṃ mahālābhaṃ labhate sāgaraḥ sadā |
bahupuṇyayuto jātaḥ sāgaraḥ sāgaropamaḥ || 28 ||
[Analyze grammar]

yadgṛhe munayo yānti devaprasādabhojinaḥ |
devatāḥ sādhuveṣāśca bhoktuṃ godhumapolikāḥ || 38 ||
[Analyze grammar]

matvā prasādaṃ divyaṃ ca samāyānti hi bhikṣukāḥ |
śrīkṛṣṇadattagaudhumyaḥ polikāḥ sudhayā samāḥ || 29 ||
[Analyze grammar]

bhujyante devatābhiśca pitṛbhirbhikṣukātmakaiḥ |
siddhaiśca divyadehaiśca bhujyante puṇyapolikāḥ || 40 ||
[Analyze grammar]

prātarārabhya cā''sāyaṃ pravartante hi polikāḥ |
akṣayā godhumāḥ sarve vardhante kusulodare || 41 ||
[Analyze grammar]

sāgarasya gṛhaṃ tīrthaṃ jātaṃ jagatprasiddhakam |
trailokyāṃ khyātamevāpi pāvanaṃ jāyate tadā || 42 ||
[Analyze grammar]

atha śrutvā tu durvāsā akṣayaṃ cānnasatrakam |
daśasāhasraśiṣyaiścā'kasmāt prātarupāyayau || 3 ||
[Analyze grammar]

sāgareṇa kṛtamānaḥ kṛtasvāgata ādarāt |
bhojanārthaṃ tataḥ paṃktīḥ kṛtavān samakālikīḥ || 44 ||
[Analyze grammar]

sāgaraścintayāmāsa bhītaḥ śrīpatimīśvaram |
māṃ tadā'haṃ śriyā sākaṃ prāvirāsaṃ gṛhodare || 45 ||
[Analyze grammar]

sāgaraścātimumude dṛṣṭvā māṃ ca śriyaṃ tathā |
lakṣmīrmayā tadā''jñaptā polikānirmitau drutam || 46 ||
[Analyze grammar]

sā nirmame tu pañcaiva polikāḥ sahasā ramā |
culyāśca vahninā paktā mayā dhṛtā kareṇa sā || 47 ||
[Analyze grammar]

akṣayāḥ pañca caitāśca nyūnā bhavanti naiva ha |
sāgareṇa kare dhṛtvā sthālīṃ tāḥ pariveṣitāḥ || 48 ||
[Analyze grammar]

ekaikasmai daśasakhyāḥ sahasrebhyaḥ samarpitāḥ |
evaṃ daśasahasrebhyaḥ polikāḥ pariveṣitāḥ || 49 ||
[Analyze grammar]

bhājā'pi sthālato dattā sarvebhyaḥ pariveṣitā |
mayā spṛṣṭā svādavatī bhājā ca polikāstathā || 50 ||
[Analyze grammar]

bubhujuśca samastāste durvāsaso'nuyāyinaḥ |
tṛptāste culukaṃ kṛtvā mahāścaryaṃ hi menire || 51 ||
[Analyze grammar]

atha sthālyāṃ polikāścāvaśiṣyante tu pañca vai |
evaṃ dṛṣṭvā mahāścaryaṃ durvāsā gṛhamāyayau || 52 ||
[Analyze grammar]

parākṣārthaṃ hariścāhaṃ lakṣmyā sākaṃ tiro'bhavam |
durvāsāḥ kusulaṃ natvā natvā bhaktaṃ ca sāgaram || 53 ||
[Analyze grammar]

tatpatnīṃ sārikānāmnīṃ datvā''śīrvādamuttamam |
akṣayaṃ te dhanaṃ cā'stu dhānyamakṣayamastu te || 54 ||
[Analyze grammar]

bhājā te cā'kṣayā'pyastu śraddhā te'stu tathā'kṣayā |
annasatraṃ cā'kṣayaṃ tai puṇyaṃ te cā'kṣayaṃ tathā || 55 ||
[Analyze grammar]

muktiste tvakṣayā cāstu bhaktiste cā'kṣayā'pi ca |
dānadharmaścā'kṣayaste bhavatvevaṃ prayāmyaham || 56 ||
[Analyze grammar]

ityuktvā pūjitaścātiprasannaḥ prayayau vanam |
evaṃ lakṣmi mayā tatra sāgaraḥ parirakṣitaḥ || 57 ||
[Analyze grammar]

atha śrutvā vālakhilyā brahmaputrā maharṣayaḥ |
aṣṭāśītisahasrāṇi vāmanāstatra cāyayuḥ || 58 ||
[Analyze grammar]

prasādapolikā bhoktumamāyāṃ prātareva ha |
teṣāṃ cakre sāgaraśca sammānaṃ svāgataṃ tathā || 59 ||
[Analyze grammar]

āmantraṇaṃ bhojanārthaṃ paṃktiśaste tato'bhavan |
tadā nārāyaṇaṃ viṣṇuṃ sasmāra māṃ ca sāgaraḥ || 60 ||
[Analyze grammar]

drāgeva cāgatastatra lakṣmyā sākaṃ janārdanaḥ |
brāhmaṇaścā'bhavaṃ tatra lakṣmīśca brāhmaṇī tathā || 61 ||
[Analyze grammar]

kṛtvā hastatalamānāḥ polikāḥ sahasā daśa |
aṣṭāśītisahasrebhyaḥ pratyekaṃ daśa vai daśa || 62 ||
[Analyze grammar]

bhājayā sahitā adadāṃ bubhujuste'tiharṣitāḥ |
tṛptāste vai tato jātāḥ kṛtvā ca culukaṃ yayuḥ || 63 ||
[Analyze grammar]

praśasantaḥ sāgarasya bhaktiṃ prasannatāṃ hareḥ |
evaṃ lakṣmi mayā tatra tvayā sākaṃ sa sāgaraḥ || 64 ||
[Analyze grammar]

rakṣitaḥ susahāyena bhojitāḥ ṛṣayo'khilāḥ |
atha jñātvā śaṃkarastadgṛhaṃ pāvanamuttamam || 65 ||
[Analyze grammar]

daśalakṣagaṇaiḥ sākaṃ madhyāhne samupāyayau |
sarve sādhusvarūpāste jaṭācarmadharāḥ khalu || 66 ||
[Analyze grammar]

annasatraṃ paraṃ jñātvā cā'kṣayaṃ tad yayācire |
bhojanaṃ polikānāṃ ca bhājānāṃ kṛṣṇapāvanam || 67 ||
[Analyze grammar]

sārikāsāgarau tatra bhītau sasmaratuśca mām |
lakṣmyā sākaṃ tadā tūrṇamupasthito'bhavaṃ gṛhe || 68 ||
[Analyze grammar]

śataṃ ca polikāḥ kṛtvā'dadāṃ pratyekasādhave |
daśalakṣayatibhyo vai dattavānahameva ha || 69 ||
[Analyze grammar]

bahurūpadharaścā'ha śataṃ tvante'vaśeṣitāḥ |
bhuktvā te polikā bhājāstṛptāḥ praśaṃsya sāgaram || 70 ||
[Analyze grammar]

yayurnijaṃ hi kailāsaṃ śaṃkaro dhyānamācarat |
dadarśa kāraṇaṃ viṣṇuṃ bālakṛṣṇaṃ śriyā yutam || 71 ||
[Analyze grammar]

āścaryaṃ paramaṃ prāpa bhaktādhīnaṃ vilokya mām |
ityevaṃ vai mayā lakṣmi sāgaraścā'vitastadā || 72 ||
[Analyze grammar]

atha śrutvā svayaṃ brahmā polikārthamupāyayau |
koṭisiddhairupeto vai prasādalabdhaye drutam || 73 ||
[Analyze grammar]

yayāce vyomamārgeṇa prasādaṃ polikodbhavam |
koṭisiddhapratṛptyarthaṃ sāgaraśca punarharim || 74 ||
[Analyze grammar]

sasmāra māṃ rakṣakaṃ copasthito'haṃ tadā'bhavam |
lakṣmyā sākaṃ śriyā sākaṃ rādhayā sākamityapi || 75 ||
[Analyze grammar]

sākaṃ lalitayā cāpi māṇikyā ramayā saha |
padmāvatyā saha brahmapriyābhiḥ saha vai tadā || 76 ||
[Analyze grammar]

koṭyarbudābhiḥ patnībhiścā'mbare'vasthito'bhavam |
sahasraṃ polikāḥ kārayitvā koṭipriyāyutaḥ || 77 ||
[Analyze grammar]

siddhebhyaścādadāṃ pratyekāya sahasrapolikāḥ |
sahasraṃ cā'vaśiṣṭāścetyāścaryaṃ viśvasṛṭ yayau || 78 ||
[Analyze grammar]

athaivaṃ sāgaraścāpi matvā bhāgyaṃ mahattamam |
kṛṣṇanārāyaṇādhīnaṃ sarvaṃ kṛtvā hi vartate || 79 ||
[Analyze grammar]

mahīmānasvāgataṃ ca rātriṃdivaṃ karoti saḥ |
akṣayā kusulā tasya trailokye khyātimāpa ha || 80 ||
[Analyze grammar]

āyānti ca parāyānti mahīmānāstrilokataḥ |
āyāsaṃ paramaṃ prohya sāgaraḥ sevate mudā || 81 ||
[Analyze grammar]

nā'yācata sahāyārthaṃ cāparaṃ balamaiśvaram |
māmeva smarati bhakto yadā bhītiṃ sa gacchati || 82 ||
[Analyze grammar]

evamātmanivedasya bhaktasya vīkṣya bhāvanām |
sevāṃ trilokijīvānāṃ prasanno'haṃ tato'bhavam || 83 ||
[Analyze grammar]

viśeṣeṇa mayā bhaktakṛte tatra vicintitam |
deyamasmai kalpapātraṃ yatrā'saṃkhyāstu polikāḥ || 84 ||
[Analyze grammar]

āvirbhaveyuḥ satataṃ bhājāpātraṃ tathā'param |
bhājā yatrāpyanantāścā''virbhaveyuḥ supācitāḥ || 85 ||
[Analyze grammar]

vicāryetthaṃ dadau tasmai pātradvayaṃ sutaijasam |
prātareva supaktvā'tra polikā bhājikāstathā || 86 ||
[Analyze grammar]

nityaṃ rakṣati cācchādya pātrayorubhayorapi |
mayoktaḥ sāgarastatra tvaṃ vā te strī pativratā || 87 ||
[Analyze grammar]

pūrṇapātrāṇyanantāni yāvadiṣṭāni tāni vai |
sakalpayasi tāvanti pūritāni śubhāni ca || 88 ||
[Analyze grammar]

nissariṣyanti ramyāṇi cā''bhyāṃ saṃkalpamātrataḥ |
pariveṣaṇayatno vā pātradānakriyā api || 89 ||
[Analyze grammar]

kartavyā na bhaviṣyanti paṃktau yāsyanti vai svataḥ |
evamuktvā pūjito'haṃ datvā jalasya bhājanam || 90 ||
[Analyze grammar]

tādṛśaṃ cā'kṣayaṃ pūrṇaṃ pūrṇakalaśakāraṇam |
tiro'bhavaṃ tataḥ sthānāt sāgaro mumude hyati || 91 ||
[Analyze grammar]

atha jñātvā mahāścaryaṃ bhādrāmāvāsyasaddine |
koṭyarbudāśca pitaro maharjanatapobhavāḥ || 92 ||
[Analyze grammar]

āyayuḥ suprasādasyecchayā tṛptyarthamutsukāḥ |
śarīriṇaḥ samastāste paṃktiśo'vasthitāstadā || 93 ||
[Analyze grammar]

sārikā snānaśuddhā ca kṛtvā bhājāśca polikāḥ |
dugdhapākaṃ śrāddhayogyaṃ nyadhāt tayostu pātrayoḥ || 94 ||
[Analyze grammar]

ācchādya viṣṇave prārpya yathoktaṃ samakalpayat |
sāgaro'pi kṛtasnānaḥ pātrāntikamupāyayau || 95 ||
[Analyze grammar]

acintayat koṭyayutā'rbudapātrāṇi vai tadā |
pūritāni hyasaṃkhyāni niryayuḥ pātrayugmakāt || 96 ||
[Analyze grammar]

pratyekapitṛdevāya pratyekaṃ samupasthitam |
pātraṃ pūrṇaṃ polikābhiḥ pāyasānnaistathā rame || 97 ||
[Analyze grammar]

bhājābhiśca tathā vārikalaśaśceti tṛptidaḥ |
koṭyarbudābjapitaro bhuktvā tṛptāstato yayuḥ || 98 ||
[Analyze grammar]

riktapātrāṇi vilayaṃ svabhāvāt samupāyayuḥ |
evaṃ sa sāgaro bhakto mayā godhumasatrake || 99 ||
[Analyze grammar]

vardhito'tikṛpayā vai sarvasvāgatakṛd yathā |
kirāto'nvabhavad bhaktyā devarāto hi sarvathā || 100 ||
[Analyze grammar]

atha kālāntare cā'haṃ dampatī divyapārṣadaiḥ |
sahitaḥ suvimānenā'nayaṃ dhāmā'kṣaraṃ mama || 101 ||
[Analyze grammar]

mahīśāṭīnagarī ca paścād godhumabhājikā |
itināmnā'bhavallakṣmi tathā godhumasārikā || 102 ||
[Analyze grammar]

godhumarā tataścāpi kathyate pāvanī dharā |
ityevaṃ tanmahattīrthaṃ kṛtaṃ mayā kṛpālunā || 103 ||
[Analyze grammar]

dampatyormokṣaṇe paścād rājñā godharasūriṇā |
kusulā sā nijāyattā kṛtā tāvattu godhumāḥ || 104 ||
[Analyze grammar]

adṛśyatāṃ gatāḥ pātratrayaṃ cā'dṛśyatāṃ gatam |
annasatraṃ samāptaṃ ca camatkāro layaṃ yayau || 105 ||
[Analyze grammar]

ityevaṃ godharasūrirvīkṣya daivakṛtaṃ hi tat |
kusulaṃ nityadā riktaṃ hyapūjayat smaran hariḥ || 106 ||
[Analyze grammar]

tathāpi tu camatkāro gato yastu gato hi saḥ |
paṭhanācchravaṇādasya lakṣmi divyagatiṃ labhet || 107 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sāgarākhyakirātabhaktasya bhaktyā prasannena śrīhariṇā śreṣṭhirūpeṇa godhumapuñjo'rpitaḥ kusulastho'kṣayaśca kṛtastatpolikābhājājalapātrāṇyakṣayāṇi kṛtāni mokṣaścakṛta ityādinirūpaṇanāmā aṣṭā'dhikadviśatatamo'dhyāyaḥ || 208 ||
[Analyze grammar]