Chapter 202

śrīpuruṣottama uvāca |
śṛṇu nārāyaṇīśri tvaṃ gāyakasya mahātmanaḥ |
vratardinaḥ kathāṃ ramyāṃ mama prasannatānvitām || 1 ||
[Analyze grammar]

vratardīṃ tvabhavadbhakto nākirālākhyapattane |
vaiśyo vīṇāmṛdaṃgādiyāvadvādyaviśāradaḥ || 2 ||
[Analyze grammar]

yasyāgre bahavaḥ śiṣyāḥ śiṣyikāśca vasantyapi |
abhyāsārthaṃ gānakalādīnāṃ gāyanaśīlinaḥ || 3 ||
[Analyze grammar]

deśadeśāntarebhyaśca samāyānti vratardinam |
gānavidyādhipaṃ śrutvā śikṣāṃ prāpya prayānti ca || 4 ||
[Analyze grammar]

atha rājā'bhavannimbaṭikānagarīśāsakaḥ |
puṇḍravarmā dharmavāṃśca bhagavadbhaktitatparaḥ || 5 ||
[Analyze grammar]

saurāṣṭre gāyakaśreṣṭhaṃ śrutvā vratardinaṃ nṛpaḥ |
āhvayāmāsa gītyarthaṃ rājadhānīṃ nijāṃ prati || 6 ||
[Analyze grammar]

dūto gatvā''vedayattaṃ gāyakaṃ rājabhāṣitam |
ehi rājotsave rājetyāha tvāṃ gāyakottama || 7 ||
[Analyze grammar]

vratardī pratyuvācetthaṃ na rājotsavagāyanam |
kariṣye bhagavadbhakto bhavāmyātmanivedanaḥ || 8 ||
[Analyze grammar]

vinā hariṃ na me jivhā gāsyatyanyaṃ kadācana |
vinā hariṃ na me netraṃ drakṣyatyanyaṃ kadācana || 9 ||
[Analyze grammar]

vinā hariṃ na me cittaṃ dhyāyatyanyaṃ kadācana |
bhagavataśca bhaktānāṃ bhakto'haṃ dāsyasaṃhitaḥ || 10 ||
[Analyze grammar]

so'haṃ kathaṃ rājaguṇān gāyāmi māyikāniha |
vada tvaṃ bhūbhṛte dūta nānyaṃ gāsyati gāyakaḥ || 11 ||
[Analyze grammar]

vratardī gāyakaḥ kṛṣṇagāyako nānyagāyakaḥ |
mokṣagāyaka evā''ste bhaktānāmapi gāyakaḥ || 12 ||
[Analyze grammar]

abhaktānāṃ gāyako na vratardī bhavati kvacit |
iti pratyuktadūtaśca yayau rājñe nyavedayat || 13 ||
[Analyze grammar]

rājā tutoṣa sahasā dhanyo'haṃ bhūpatiḥ sadā |
mama rājye mahābhāgavato'sti kṛṣṇagāyakaḥ || 14 ||
[Analyze grammar]

mayā bhāgavatenāpi bhavitavyaṃ pramuktaye |
vaiṣṇavena bhavitavyaṃ śrotavyaṃ kīrtanaṃ tataḥ || 15 ||
[Analyze grammar]

vratardinā pragītaṃ ca kṛṣṇakīrtanamuttamam |
śrotavyaṃ sarvathā paścād bhūtvā satpātrabhūbhṛtā || 16 ||
[Analyze grammar]

vicāryetthaṃ prāha dūtaṃ bhāvyaṃ bhaktimatā mayā |
tasmādāgaccha gehaṃ me māṃ prapāvaya bhūbhṛtam || 17 ||
[Analyze grammar]

kṛtvā ca vaiṣṇavaṃ bhaktaṃ tataḥ śrāvaya kīrtanam |
ityevaṃ brūhi bhakteśaṃ vratardinaṃ prayāhi ca || 18 ||
[Analyze grammar]

śrutvā dūto yayau śīghraṃ rājoktaṃ tu vratardine |
kathayāmāsa sarvaṃ sa śrutvā tutoṣa gāyakaḥ || 19 ||
[Analyze grammar]

sajjo bhūtvā yayau bhūpamandiraṃ gaṇamaṇḍitaḥ |
rājā taṃ mānayāmāsa bhaktaṃ vratardinaṃ muhuḥ || 20 ||
[Analyze grammar]

yayāce tu tato vaiṣṇavatvaṃ ca dīkṣaṇaṃ nṛpaḥ |
vratardī tūrṇamāśrutya dhṛtvā datvā jalaṃ kare || 21 ||
[Analyze grammar]

nṛpāya pradadau mantraṃ śrāvayāmāsa satvaram |
omanādikṛṣṇanārāyaṇaḥ svāmī patiśca me || 22 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
rājā gṛhītvā mantraṃ ca kaṇṭhīṃ dadhāra taulasīm || 23 ||
[Analyze grammar]

mūrtiṃ me bālakṛṣṇasya jagṛhe gāyakā'rpitām |
rājñī kanyāśca putrāśca rājñaḥ kuṭumbakaṃ tathā || 24 ||
[Analyze grammar]

sarve bhṛtyāstathā dāsyo'bhavaṃstatra hi vaiṣṇavāḥ |
haraye cārpitaṃ vāri phalaṃ cānnaṃ ca candanam || 25 ||
[Analyze grammar]

vratardī pradadau rājakuṭumbāya prasādakam |
bhuktvā pītvā prasādaṃ ca sabhāṃ cakre tato nṛpaḥ || 26 ||
[Analyze grammar]

madhyasiṃhāsane kṛṣṇamasthāpayat suśobhitam |
rājā kṛṣṇasya sevāyāṃ dhṛtvā chatramanuttamam || 27 ||
[Analyze grammar]

atiṣṭhattatkuṭumbaṃ ca cāmare vyajane tathā |
vetraṃ ca naktakaṃ dhūpapātraṃ dhvajaṃ patākikām || 28 ||
[Analyze grammar]

darpaṇaṃ pānapātraṃ ca tāmbūlapātrakaṃ tathā |
sugandhasārapātraṃ ca tailasāraṃ ca candanam || 29 ||
[Analyze grammar]

pūjāpātraṃ puṣpahārān dhṛtvā'tiṣṭhad yathāyatham |
pūjayitvā bālakṛṣṇaṃ vratardī gāyanaṃ vyadhāt || 30 ||
[Analyze grammar]

ehi kṛṣṇa ehi kṛṣṇa kānta ehi ehi |
dehi kṛṣṇa dehi kṛṣṇa darśanaṃ sudehin || 31 ||
[Analyze grammar]

navīnabhaktamaṇḍalaṃ vidhehi divyasatkulam |
jahīhi janmavāsanāṃ pradehi dhāmavāsanam |
ehi kṛṣṇa0 || 32 ||
[Analyze grammar]

tvameva muktasatpatistvameva dhāmasadgatiḥ |
tvameva cāvatāradhṛk tvameva sarvasākṣadṛk |
ehi kṛṣṇa0 || 33 ||
[Analyze grammar]

purā bhavān pumuttamastato bhavānnarottamaḥ |
tato bhavān janārdanastato'sti sarvamardanaḥ |
ehi kṛṣṇa0 || 34 ||
[Analyze grammar]

prasannamānaso bhavān susampadāṃ prado bhavān |
nijā'rthyasaukhyado bhavān nijātmaśāntido bhavān |
ehi kṛṣṇa0 || 35 ||
[Analyze grammar]

rādhāramāpatirbhavān pramāsatīpatirbhavān |
satāṃ śriyāḥ patirbhavāṃśca māṇikīpatirbhavān |
ehi kṛṣṇa0 || 36 ||
[Analyze grammar]

brahmapriyāpatirbhavān haripriyāpatirbhavān |
ajāprajāpatirbhavān vratardinaḥ patirbhavān |
ehi kṛṣṇa0 || 37 ||
[Analyze grammar]

nidhiśca tejasāṃ bhavān nidhiścamatkṛtāṃ bhavān |
nidhiḥ parāmudā bhavān nidhiḥ parāvidāṃ bhavān |
ehi kṛṣṇa0 || 38 ||
[Analyze grammar]

suto vṛṣasya vai bhavān sutaśca gopajo bhavān |
sutaśca kāśyapo bhavāṃśca kambharāsuto bhavān |
ehi kṛṣṇa0 || 39 ||
[Analyze grammar]

sadaiva citsu vartase'pyacitsu vartase hare |
pravartase pravartase svabhaktamaṇḍale hare |
ehi kṛṣṇa ehi kṛṣṇa kānta ehi ehi |
dehi kṛṣṇa dehi kṛṣṇa darśanaṃ sudehin || 40 ||
[Analyze grammar]

ityevaṃ māṃ prārthayat sa lakṣmi gītipramaṃgalam |
akaronmāṃ smaraṃstatra vratardī premapūritaḥ || 41 ||
[Analyze grammar]

gāyikā gāyakāścāpyapūrayan gītikāsvarān |
śrutvā'haṃ premaraśanā''kṛṣṭo mūrterdrutaṃ bahiḥ || 42 ||
[Analyze grammar]

āvirjāto'tisubhago manoharaḥ suyauvanaḥ |
rūparūpānurūpaścā'vayavaiḥ puṣṭa ujjvalaḥ || 43 ||
[Analyze grammar]

śriyā ca rādhayā yukto hāramukuṭaśobhitaḥ |
sarvā''bhūṣābhirāmaśca sarvaśṛṃgāraśobhanaḥ || 44 ||
[Analyze grammar]

prasannahāsyavadano divyatejo'bhidīpitaḥ |
sarvasugandhavātsalyalāvaṇyā''nandasaṃbhṛtaḥ || 45 ||
[Analyze grammar]

sarvakāmaprapūraśca sabhānandavivardhanaḥ |
nirodhayan sabhāsthānāṃ cetāṃsi mayi saṃsthitaḥ || 46 ||
[Analyze grammar]

akṣare parame vyomni yatsukhaṃ paramātmanaḥ |
tatsamastaṃ sabhāsthebhyo dadau kṣaṇaṃ kṛpāvaśaḥ || 47 ||
[Analyze grammar]

divyatāyāstirobhāvaṃ kṣaṇottaraṃ vyadhāṃ rame |
rādhāramāyutaṃ māṃ te vyalokayan nṛpādayaḥ || 48 ||
[Analyze grammar]

mumuhurmama rūpe te hṛtsu nyadhuśca māṃ hi te |
pupūjuḥ sarvabhāvaiśca varārthaṃ noditāśca te || 49 ||
[Analyze grammar]

vavrurmuktiṃ parāṃ sevāmadadāṃ ca tathā'stviti |
tirobhāvaṃ drutaṃ cāpi sabhā''ścaryaparā'bhavat || 50 ||
[Analyze grammar]

vratardinaḥ pratāpena hyavāpuḥ kṛṣṇadarśanam |
bhejuste māṃ divyabhāvairananyabhāvanaiḥ sadā || 51 ||
[Analyze grammar]

pātivratyena māṃ bhejurnṛpādyā vaiṣṇavāstataḥ |
parihāro'bhavad bhakto mumude darśanānmama || 52 ||
[Analyze grammar]

pāritoṣikamāsādya yayau samaṇḍalo nijam |
ālayaṃ sa vitardī vai nṛpo nṛpālayaṃ yayau || 53 ||
[Analyze grammar]

atha kāle tataḥ prāpte nṛpādīn bhaktamaṇḍalam |
ninye dhāmā'kṣaraṃ me ca vratardimaṇḍalaṃ tathā || 54 ||
[Analyze grammar]

tathā ye ye vaiṣṇavāścā'bhavan vai lakṣaśo janāḥ |
camatkāraṃ smaranto me bhajanto māṃ nirantaram || 55 ||
[Analyze grammar]

ninye tānme''kṣaraṃ lokaṃ śāśvataṃ dhāma cottamam |
śṛṇu lakṣmi janā loke bhavanti tyāgavṛttayaḥ || 56 ||
[Analyze grammar]

tīvratyāgavirāgasya sneho mayyatiśobhate |
rāgiṇastu smṛtirnityaṃ viṣayāṇāṃ prajāyate || 57 ||
[Analyze grammar]

tucchārthasnehabaddhāste kṛṣṇasnehaṃ na kurvate |
kṛṣṇe snehavihīnāste mokṣaṃ phalaṃ na yanti vai || 58 ||
[Analyze grammar]

tasmāt snehaḥ sadā kāryo mayi śrīparamātmani |
hātavyaścāntyajaḥ sneho mama māhātmyavedinā || 59 ||
[Analyze grammar]

ātmajñānena ca tyājyaḥ sneho māyikavastuṣu |
ātmā'yaṃ saccidānando jaḍādbhinnaḥ śarīrataḥ || 60 ||
[Analyze grammar]

nā'sya deho na saudhaśca na kuṭumbaṃ na vāṭikāḥ |
na jātirna kulaṃ yogo dhanaṃ nā'sya ca sampadaḥ || 61 ||
[Analyze grammar]

māyāhīno bhavāmyevetyātmānaṃ cintayet sadā |
etādṛśaṃ nijaṃ matvā daihikaṃ nahi saṃsmaret || 62 ||
[Analyze grammar]

kuṭumbino na smartavyāḥ pūrvajāścādyajā api |
bhagavadbhaktihīnā ye ye tu bandhanakāriṇaḥ || 63 ||
[Analyze grammar]

yatsmṛtyā bandhanaṃ vai syāt smartavyā na tathā kvacit |
śrāddhakāle prasmartavyāstṛptyarthaṃ muktaye'pi ca || 64 ||
[Analyze grammar]

yajñe dāne tīrthakārye dharmakārye vratādiṣu |
smartavyāstṛptaye teṣāṃ muktaye mandire hareḥ || 65 ||
[Analyze grammar]

anyathā rāgavaśataḥ smartavyā na kadācana |
smartavyāḥ sādhavo divyāḥ smartavyāḥ pratimā mama || 66 ||
[Analyze grammar]

brahmapriyāstathā sādhvyaḥ smartavyā mokṣasiddhaye |
jñānibhirjñānavijñānairvismartavyāstu bāndhavāḥ || 67 ||
[Analyze grammar]

bandhanasya pradā nāryo narāścāpi kuṭumbinaḥ |
viṣayā mokṣavighnāśca vismartavyāḥ samastataḥ || 68 ||
[Analyze grammar]

brahmadṛṣṭyā yena sarve putrādyā vismṛtāḥ khalu |
tasya prītirharau syācca mokṣapradeṣu satsu ca || 69 ||
[Analyze grammar]

sarvai santo bhavantyeva divyā brahmanivāsinaḥ |
yathā haristathā santaḥ smartavyā mokṣadā hi te || 70 ||
[Analyze grammar]

āśrayaṇīyāḥ satataṃ sādhavaśca haristathā |
bhajanīyaḥ svayaṃ sākṣāddhariścā'haṃ janārdanaḥ || 71 ||
[Analyze grammar]

evaṃvidhasya bhaktasya bhīrna kālasya karmaṇām |
māyāyā yamarājasya bhīrnāpi bandhanasya ca || 72 ||
[Analyze grammar]

anādiśrīkṛṣṇanārāyaṇecchā bhaktayoginaḥ |
prārabdhaṃ khalu mantavyaṃ netarat pāpijīvavat || 72 ||
[Analyze grammar]

etādṛśaḥ pravandyo vai sarveṣāṃ pūjya eva saḥ |
gṛhastho vā yatirvā sa viśeṣo nā'tra vidyate || 74 ||
[Analyze grammar]

evaṃvidhasya bhaktasya samaloṣṭhādikasya ca |
pattalābjarajo mūrdhnā dhārayanti surādayaḥ || 75 ||
[Analyze grammar]

sarvadā ca surairasya darśanaṃ kriyate prage |
mama pratāpamālambya kurvan bhaktiṃ sthito gṛhe || 76 ||
[Analyze grammar]

tyāge bā prasthitaścā'yaṃ pāraṃ yātyañjasā'mbudheḥ |
etādṛśo mama bhakto dehānte cinmayākṛtiḥ || 77 ||
[Analyze grammar]

brahmamukto divyadehaḥ sevāyāṃ dhāmni me bhavet |
tasya vai darśanaṃ māyāpāpakālādināśakṛt || 78 ||
[Analyze grammar]

karmanāśakaraṃ lakṣmi tulyaṃ mamekṣayā matam |
sarvakriyā madarthaṃ vai yasya tasyā'hamacyutaḥ || 79 ||
[Analyze grammar]

sarvathā tu vaśībhūtaḥ pravarte tasya gocaraḥ |
yo bhakto yaddināllakṣmi satsaṃgaṃ prakaroti vai || 80 ||
[Analyze grammar]

tata āramya kurute vivekaṃ guṇadoṣayoḥ |
īdṛgguṇān labdhavāṃśca tyaktavān durguṇānimān || 81 ||
[Analyze grammar]

prativarṣaṃ vyatirekaṃ vicintayati lābhakṛt |
satsaṃgasya pratāpena satāṃ hareśca sevayā || 82 ||
[Analyze grammar]

guṇāḥ prāptā ime sarve doṣā gatāśca te mama |
śeṣāṇāṃ khalu doṣāṇāṃ nāśane yatnavān bhavet || 83 ||
[Analyze grammar]

śeṣāṇāṃ sadguṇānāṃ saṃgrahaṇe yatnavān bhavet |
evaṃ prayatnaśīlasya guṇāḥ syurmama tuṣṭidāḥ || 84 ||
[Analyze grammar]

doṣāṇāṃ prakṣayaḥ syācca divyatā'tra bhavettathā |
kṛṣṇasukhaṃ cottamaṃ ca jāyate'sya hi śāśvatam || 85 ||
[Analyze grammar]

mano nirvāsanaṃ syācca niḥsaṃkalpaṃ sthiraṃ bhavet |
anekeṣu caritreṣu kṛṣṇanārāyaṇasya me || 86 ||
[Analyze grammar]

manaścāvartayennityaṃ ramamāṇaṃ mayi kriyāt |
mahāśāntimayaṃ syād yat tyāgināṃ gṛhiṇāmapi || 87 ||
[Analyze grammar]

dehayātrāmātrarūpo vyavahārastu bāhyataḥ |
kartavyo naṭavallakṣmi mano dhāryaṃ harau mayi || 88 ||
[Analyze grammar]

caritrāṇi satāṃ nārāyaṇasya kṛṣṇayoṣitām |
bhaktānāṃ śrīhareścāpi cintanīyāni sarvadā || 89 ||
[Analyze grammar]

mano nirvāsanaṃ tena bhavenmokṣe yathā sukham |
teṣāṃ samāgamaḥ kāryo mokṣakṛd yatphalaṃ bhavet || 90 ||
[Analyze grammar]

vratardinaḥ prasaṃgena gāyakasya nṛpottamaḥ |
puṇḍravarmā yayau muktiṃ tathā'nye ca sahasraśaḥ || 91 ||
[Analyze grammar]

ataḥ sevyā mama bhaktāḥ satyāśconmūlitāśayāḥ |
divyakriyā mama dhyānaparāścāśritatārakāḥ || 92 ||
[Analyze grammar]

antarāyavihīnāśca sarvavighnavivarjitāḥ |
dharmaṃ bhāgavataṃ divyaṃ mama sevāṃ samāśritāḥ || 93 ||
[Analyze grammar]

satāmāśrayakaraṇāt prasannatāsamarjanāt |
ājñānuvṛttikaraṇāddhāmā'kṣaraṃ kare bhavet || 94 ||
[Analyze grammar]

evaṃ lakṣmi bhūtale vā svarge satye vikuṇṭhake |
goloke cā'kṣare śvetadvīpe śrīpurake'mṛte || 95 ||
[Analyze grammar]

avyākṛte badaryāṃ vā ye vartante madāśritāḥ |
muktā muktānikāḥ sarve sarvasvā'rpaṇakṛṣṇakāḥ || 96 ||
[Analyze grammar]

śāśvatānandabhoktārastathā vratardigāyakāḥ |
sarve muktiṃ mama prāptāḥ śāśvaṃtānandasevinaḥ || 97 ||
[Analyze grammar]

ye ye kalāvido loke'rpayanti tatkalā mayi |
te te yāntyakṣaraṃ dhāma kṛpayā me na saṃśayaḥ || 98 ||
[Analyze grammar]

yeṣāmagre ca yo dharmo guṇaḥ kalā kriyā tathā |
sādhanaṃ śrīhariṃ prasādayituṃ vai svakaṃ bhavet || 99 ||
[Analyze grammar]

tena prasādanīyaḥ śrīkṛṣṇanārāyaṇo hariḥ |
prasādanīyāḥ santaśca naraiśca yoṣitāṃgaṇaiḥ || 100 ||
[Analyze grammar]

tadā divyo bhaved bhāvo deho manastathā''ntaram |
guṇāḥ kriyā vartanaṃ ca sevā divyāḥ samastataḥ || 101 ||
[Analyze grammar]

harerbhūtvā hariṃ prāpya modate sa samarpakaḥ |
paṭhanācchravaṇāllakṣmi tathaiva modate mayi || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vratardināmakagāyakabhaktasya yogena puṇḍravarmanṛpasya saprajasya vaiṣṇavatvaṃ mokṣaṇaṃ cetyādinirūpaṇanāmā dvyadhikadviśatatamo'dhyāyaḥ || 202 ||
[Analyze grammar]