Chapter 197

śrīpuruṣottama uvāca |
śṛṇu nārāyaṇīśri tvaṃ pitṛhaṇaḥ kathāṃ tathā |
saurāṣṭre karṣuko bhakto vṛddho'bhavat kuṭumbavān || 1 ||
[Analyze grammar]

koṭināranagarasyā'bhyāśe grāme paṭolake |
nāmnā śāṇadharaśceti pañcaputraprapautravān || 2 ||
[Analyze grammar]

saptaputrīpitā cāpi vāṭikākṣetragodhanaḥ |
bhajate śrīhariṃ māṃ ca nityaṃ kṛṣeśca karmasu || 3 ||
[Analyze grammar]

yadutpannaṃ bhaved sarvaṃ mahyaṃ nivedya vai tataḥ |
bhuṅkte kuṭumbasahito navānnādīni yānyapi || 4 ||
[Analyze grammar]

śākapatrāṇi sarvāṇi pakvā'pakvakaṇāṃstathā |
kandamūlādi yadyogyaṃ bhājīpallavasatphalam || 9 ||
[Analyze grammar]

bhūṣāmbarādikaṃ dugdhadadhigūḍarasādikam |
yadyat prāpnoti yatnena mahyaṃ samarpya sarvathā || 6 ||
[Analyze grammar]

bhuṃkte yānaṃ vāhanaṃ ca tathopakaraṇānyapi |
nityaṃ nivedya mahyaṃ ca jalānnamapi sarvathā || 7 ||
[Analyze grammar]

gṛhṇātyeveti bhakto me śraddhābhaktiparāyaṇaḥ |
mūlakṛṣṇapurītīrthaṃ prācīsārasvataṃ tathā || 8 ||
[Analyze grammar]

somanāthamahātīrthaṃ gopanāthāditīrthakam |
svarṇarekhānadītīrthaṃ tathā kuṃkumavāpikām || 9 ||
[Analyze grammar]

prayātyeva pragacchan vai bhaktiśraddhāsamanvitaḥ |
evaṃvidhasya bhaktasya pūrvakarmakṛtaṃ tu yat || 10 ||
[Analyze grammar]

janmāntare ca tatprāptametajjanmani colbaṇam |
pūrvamāsīt sa gopālo gorakṣātatparaḥ sadā || 11 ||
[Analyze grammar]

tadā tu vṛṣadaṃśān sa pragṛhya govṛṣāt tataḥ |
pakṣau vicchidya sarvān govṛṣadaṃśān vipakṣakān || 11 ||
[Analyze grammar]

kṛtvā kṣipati bhūmau vai daṃśāste pakṣavarjitāḥ |
bhūtale patitāḥ sarve kṣudhātṛṣārditāstathā || 13 ||
[Analyze grammar]

mriyante cātiduḥkhena śāpaṃ datvā punaḥ punaḥ |
hastahīnān naḥ kuruṣe tathā tvaṃ bhava duḥkhitaḥ || 14 ||
[Analyze grammar]

daṃśānāṃ mriyamāṇānāṃ pratyahaṃ śāpakāraṇāt |
atra janmani tasyāpi śāṇadharasya hastayoḥ || 15 ||
[Analyze grammar]

pādayoścāpi sarvāṃguṣṭhāṃgulīṣu gado mahān |
galatkuṣṭhātmako jāto durgandhasrāvavāhakṛt || 16 ||
[Analyze grammar]

oṣadhāni kṛtānyeva vaidyānāṃ subahūnyapi |
galatsrāvo na vai naṣṭo roganāśo manāṅ na ca || 17 ||
[Analyze grammar]

mānatā api devānāṃ bahudhā ca kṛtāstathā |
dānapuṇyādikaṃ cāpi kṛtaṃ tu bahudhā muhuḥ || 18 ||
[Analyze grammar]

gadastathāpi vavṛdhe nakhā naṣṭāḥ śanaiḥ śanaiḥ |
aṃgulyagrāṇi naṣṭāni madhyabhāgā galanti ca || 19 ||
[Analyze grammar]

āmūlaṃ galitāḥ sarvāṅgulikāṃguṣṭhakāstataḥ |
pūrvakarmānurodhena paraṃ duḥkhamavāpa saḥ || 20 ||
[Analyze grammar]

putrādyairvāṭikākṣetre ghāsagṛhaṃ vidhāya ca |
tatra pitā sukhaṭvāyāṃ rakṣitaḥ sarvadā rame || 21 ||
[Analyze grammar]

ghṛṣṭvā ghṛṣṭvā nitambau sa prayāti pārśvabhūmiṣu |
malaṃ ca kurute tatra mūtraṃ ca kurute'bhitaḥ || 22 ||
[Analyze grammar]

thūtkāraṃ cāpi kurute pārśve kaścinna gacchati |
parito'tīva durgandhā bhūmirjātā ca tadgṛham || 23 ||
[Analyze grammar]

durgandhamalayuktaṃ ca makṣikākākavāsitam |
evaṃvidhāya vṛddhāya putrāstu bhojanaṃ sadā || 24 ||
[Analyze grammar]

dūrāt kṣipanti salilaṃ dūrād dadatyabhāvitāḥ |
makṣikāṇāṃ pakṣahīṇīkṛtānāṃ kramaśaḥ phalam || 29 ||
[Analyze grammar]

bhuṃkte śāpadharo vṛddho jīvo dehāt prayāti na |
nirayaṃ ceha dehe'syā''gataṃ bhogāya dāruṇam || 26 ||
[Analyze grammar]

mārjyate naiva kenāpi cikitsitaṃ tu vardhate |
hastapādaphaṇāścāpi galatkuṣṭhena khāditāḥ || 27 ||
[Analyze grammar]

prakoṣṭhaprāntamāptaśca gado'pi vegavānati |
lakṣmi cā'rājanā loke pakṣijantusarīsṛpān || 28 ||
[Analyze grammar]

paśūn kīṭān mārayanti kumṛtyunā hyaghaṃ mahat |
unduruṃ nakulaṃ godhāṃ caṭakāṃ maṇḍūkaṃ ca vā || 29 ||
[Analyze grammar]

tatphalaṃ krūramevā'tra labhante sarvanāśakṛt |
apatyāni ca jantūnāṃ mārayanti tathā'budhāḥ || 30 ||
[Analyze grammar]

vṛthā niraparādhān vai śāpasteṣāṃ prajāyate |
vāhanānāmaśvavṛṣagajoṣṭrāṇāṃ vṛthā hyapi || 31 ||
[Analyze grammar]

pravṛttānāṃ svakārye'pi kurvanti tāḍanaṃ muhuḥ |
teṣāṃ śāpena sarvasvaṃ naśyati svāminaḥ sukham || 32 ||
[Analyze grammar]

nāryastvajñaiḥ pratāḍyante bālaiśca śvāna ityapi |
teṣāṃ tāsāṃ praśāpena dagdhā bhavanti tāḍakāḥ || 33 ||
[Analyze grammar]

rogiṇaścāpi dīnāśca jalānnavarjitā api |
daridrā dravyahīnāśca gṛhasampadvihīnakāḥ || 34 ||
[Analyze grammar]

kṛtaṃ karma ciraṃ vā'dyopatiṣṭhatyeva sarvathā |
evamasya kṛtaṃ karma samupapannamulbaṇam || 35 ||
[Analyze grammar]

mriyate nātiduḥkhe'pi putrādyā bhagnamānasāḥ |
kuṭumbaṃ bhagnavāñcchaṃ ca hatāśaṃ samajāyata || 36 ||
[Analyze grammar]

bhagnaśraddhāstataḥ putrā mantraṇāṃ sapracakrire |
mriyate na pitā rugṇo vāṭikā rogavāyunā || 37 ||
[Analyze grammar]

rugṇasasyānnarūpā ca jātā rugṇasya vāsataḥ |
galatpittasrāvakuṣṭhī mriyeta cecchubhaṃ bhavet || 38 ||
[Analyze grammar]

pūrveṣāṃ cā'sya pāpānāṃ bāhulyānmaraṇaṃ na vai |
samāyāti na rogo'pi śānto bhavati vardhate || 39 ||
[Analyze grammar]

kiṃ kartavyaṃ kva gantavyaṃ hyupāyo bhāsate na vai |
athāpi hiṃsanaṃ kāryaṃ pituḥ putrairaśobhanam || 40 ||
[Analyze grammar]

mārayitavya evā'tra kṣeptavyo'nyatra gartake |
jale pravāhaṇīyo vā jīvan piteti vaiśasam || 41 ||
[Analyze grammar]

rakṣaṇaṃ yujyate nā'tra kiṃ kāryaṃ duḥsahe vrate |
ityevaṃ pañcaputrāṇāṃ vicāraḥ sampravartate || 42 ||
[Analyze grammar]

kanīyāṃstatra sahasā dharmasnehayuto yataḥ |
pitṛsevāphalaṃ jānan bhrātṛmadhye hyuvāca ha || 43 ||
[Analyze grammar]

pitā nārāyaṇaḥ sākṣāt pitā brahmā tathā'paraḥ |
pitṛtīrthaṃ paraṃ proktaṃ pitā sevyo hi vaṃśajaiḥ || 44 ||
[Analyze grammar]

putrāṇāṃ pitṛsevāyāḥ phalaṃ svargaṃ ca mokṣaṇam |
tasmāt prasevanīyaśca rugṇo durvṛtta ityapi || 45 ||
[Analyze grammar]

dvitīyo'pi tataḥ prāha śrutvā kanīyaso vacaḥ |
yogyaṃ tvayoktaṃ śubhadaṃ kintu svāsthye suvartite || 46 ||
[Analyze grammar]

maraṇādadhikaṃ cāsya duḥkhamatra vilokyate |
tasmāt sevā duḥkhadā'sya sarvasvarogavardhinī || 47 ||
[Analyze grammar]

yo'sya sevāparaḥ syādvai tasya rogo bhavedapi |
saṃkramaṇādijātīyo gado'yaṃ parasaṃkramaḥ || 48 ||
[Analyze grammar]

tasmāt sevā'sya yogyā'pi sarvārogyavināśinī |
duṣṭaphalā bhavet tasmāttāṃ sevāṃ nā'numodaye || 49 ||
[Analyze grammar]

tṛtīyastu tataḥ prāha sevāyāṃ tvaparaṃ janam |
bhṛtyaṃ vā bhṛtyikāṃ nityaṃ yojayāmaḥ suvetanām || 50 ||
[Analyze grammar]

caturthaḥ prāha yogyaṃ tattathāpi pramadā naraḥ |
kaścidapi na cāpyeta sevākṛd vetanairapi || 51 ||
[Analyze grammar]

tadā kartavyamevā'tra kiṃ bhavettad vicāryatām |
pañcamaḥ prāha vai śreṣṭhastadā tu jīvanaḥ pituḥ || 52 ||
[Analyze grammar]

pravāhaṇaṃ tīrthajale nadyāṃ vā sāgare'pi vā |
bhṛgupātā vividhā vai śāstreṣu darśitā yathā || 53 ||
[Analyze grammar]

parvatāt patanaṃ vahnau jvalanaṃ vārigāhanam |
bhūmigarte śayanaṃ vā'naśanaṃ tīrthabhūmiṣu || 54 ||
[Analyze grammar]

asādhyarogiṇāṃ virāgiṇāṃ ca nyāsināṃ tathā |
svargecchūnāṃ bhagupātāstādṛśā iṣṭasiddhidāḥ || 55 ||
[Analyze grammar]

antataḥ khalu kartavyaṃ pitṛrbhṛguprapātanam |
yadi bhṛtyo milennaiva na ca seveta vetanaiḥ || 56 ||
[Analyze grammar]

evaṃ vicārya pañcaite kanīyāṃsaṃ nyayojayat |
sevāyāṃ kintu ghṛṇayā vimanāḥ sa vyajāyata || 57 ||
[Analyze grammar]

vītaśraddho'bhavaccāpi bhṛtyaṃ nyayojayattataḥ |
bhṛtyāśca bahavo jātā dinaṃ vā dvidinaṃ ca vā || 58 ||
[Analyze grammar]

kecit pañcadinaṃ bhṛtyāścānye'rdhadinamātrakam |
ghṛṇānvitā na kurvanti sevanaṃ te prayānti hi || 59 ||
[Analyze grammar]

evaṃ bhṛtyā'nabhilābhe putrāste pañca sammatāḥ |
parvatāt pātanaṃ tvasya rocate'smai vidhīyatām || 60 ||
[Analyze grammar]

pṛṣṭaḥ pitā'pi śrutvaiva netyuvācā'tirāgavān |
vahnau prajvalanaṃ pṛṣṭastathāpi netyuvāca tān || 61 ||
[Analyze grammar]

galapāśaṃ pratipṛṣṭastathāpi netyuvāca tān |
dehā'haṃbhāvayukto'yaṃ maraṇaṃ svīkaroti na || 62 ||
[Analyze grammar]

bhūgarte kṣepaṇaṃ pṛṣṭastathāpi netyuvāca tān |
maraṇaṃ rocate nā'sya saritpravāhaṇaṃ na ca || 63 ||
[Analyze grammar]

jīvanaṃ rocate tvasya rugṇadehasya vai pituḥ |
atinikṛṣṭadehe'pi tasya jīvātmanastviha || 64 ||
[Analyze grammar]

nityāśrayatvaṃ snehaśca tādātmyaṃ vai paśoriva |
manuṣyasyā'pi devasya jñānino'pi pravartate || 65 ||
[Analyze grammar]

ajñānināṃ viśeṣeṇa kimāścaryaṃ hi saṃsṛtau |
evaṃ pitā'pi rugṇe svadehe vṛddhe galaddrave || 66 ||
[Analyze grammar]

tādātmyaṃ samabhiprāptastyaktuṃ notsahate sma vai |
prāha putrān dīnavacca nā'haṃ martuṃ samutsahe || 67 ||
[Analyze grammar]

yathā me dīyate tvannaṃ jalaṃ ca dūratastathā |
dīyatāṃ vāṭikāyāṃ vā pārśve vane'thavā tu me || 68 ||
[Analyze grammar]

ātmaghāto mayā naiveṣyate putrā bhayaṃ mahat |
dṛśyate jāyate prāṇatyāge prasahya cāpyadhi || 69 ||
[Analyze grammar]

smariṣyāmi parātmānaṃ dūraṃ kṣipantu māmitaḥ |
karmaphalaṃ prabhuktvaiva martumicchāmi sarvathā || 70 ||
[Analyze grammar]

ityuktāste sutāḥ prāhuścāntare kapaṭānvitāḥ |
evamastu pitastvāṃ vai vane kṣipāma eva ha || 71 ||
[Analyze grammar]

dāsyāmastatra bhakṣyādi vāṭikāyāṃ tu naiva hi |
kintu vai prathamaṃ tīrthaṃ kāraṇīyaṃ yataḥ śubham || 72 ||
[Analyze grammar]

puṇyaṃ bhavet samastaṃ ca pāpaprakṣālanaṃ bhavet |
mūladvārāvatītīrthaṃ samudratīragaṃ tu yat || 73 ||
[Analyze grammar]

snāpayitvā pitastatra neṣyāmo vāṭikāntikam |
vane saṃrakṣayiṣyāmo rogasaṃkramabhītitaḥ || 74 ||
[Analyze grammar]

ityuktvā te sutāḥ sarve tīrthachadmadharā hi te |
śakaṭyāṃ pitaraṃ dhṛtvā yayuḥ samudrasannidhim || 75 ||
[Analyze grammar]

taṭaṃ gatvā tu velāyāṃ snāpayāmāsureva tam |
prāhuḥ pitaḥ smagṇīyaṃ smara nārāyaṇaṃ prabhum || 76 ||
[Analyze grammar]

dravyādi bhūtale nyastaṃ garte vā'nyatra ced yadi |
darśanīyaṃ kathanīyaṃ pradarśaya nivedaya || 77 ||
[Analyze grammar]

bhṛgupātaṃ samudrasya jale nikṣepaṇātmakam |
kurmaste svargatidaṃ tanmanaḥ kṛṣṇe niveśaya || 78 ||
[Analyze grammar]

ityuktaḥ sa pitā prāha prārabdhaṃ mama tādṛśam |
putrāścātra na vo doṣo maraṇaṃ tādṛśaṃ mama || 79 ||
[Analyze grammar]

bahūni pūrvapāpāni yatphalaṃ cedṛśaṃ tviha |
satsu pañcasu putreṣu satyāṃ patnyāṃ sutāsu ca || 80 ||
[Analyze grammar]

samudre maraṇaṃ me yad rugṇasya vivaśasya ca |
astvevaṃ kintu sauvarṇaṃ rūpyakaṃ nāṇakaṃ bahu || 81 ||
[Analyze grammar]

cullyā adho mayā pūrvaṃ nihitaṃ tad vidantvapi |
lakṣādhikaṃ bhavatyeva bahuvarṣā'rjitaṃ tu tat || 82 ||
[Analyze grammar]

anye naiva prajānanti pañca jānantu me dhanam |
ityuktvā śrīhariṃ dhyātvā hyekabandhuṃ prarakṣakam || 83 ||
[Analyze grammar]

sasmāra hṛdaye śīghraṃ sarvavṛttibhirekadhā |
ekatānena māṃ kṛṣṇa bālakṛṣṇaṃ paraṃ prabhum || 84 ||
[Analyze grammar]

dehabhānaṃ tirobhāvyendriyavṛttīrvikuṃcya ca |
āntaraṃ sarvathā bhānaṃ jīvātmani samādadhat || 85 ||
[Analyze grammar]

sve rūpe saccidānandaṃ bālakṛṣṇaṃ śriyaḥ patim |
lakṣmīnārāyaṇaṃ kṛṣṇaṃ rameśaṃ māṇikīpatim || 86 ||
[Analyze grammar]

padmāvatīśvaraṃ brahmapriyānāthaṃ satāṃ patim |
tuṣṭāva svāminaṃ bhaktyā prāṇānte samupasthite || 86 ||
[Analyze grammar]

putrāstu taṃ samuttolya cikṣipurvārdhivāriṣu |
vīkṣamāṇā hyatiṣṭhanta tīre sasnuśca tanmiṣāt || 87 ||
[Analyze grammar]

pitṛdeho jale magno jīvatastasya vai tadā |
mṛto vā jantunā grasta ityamanyanta cātmajāḥ || 88 ||
[Analyze grammar]

rurudustatra putrāste snehādhīnotthamāyayā |
parameśaṃ hariṃ māṃ ca sasmaruḥ pāpanuttaye || 89 ||
[Analyze grammar]

kṣamāṃ kuru harekṛṣṇa pitṛhatyā bhayaṃkarī |
puṇyahantrī svargahantrī mokṣahantrī kṣayaṃkarī || 90 ||
[Analyze grammar]

sā kṛtā'smābhirabdhau vai tāṃ kṣamasva pareśvara |
viṣṇuyajña kariṣyāmaḥ pitṛdravyeṇa bhūriṇā || 91 ||
[Analyze grammar]

pituruddharaṇaṃ svarge mokṣe vā saṃvidhehi vai |
ityevaṃ śaraṇaṃ prāptā mama cānte piturmṛtau || 92 ||
[Analyze grammar]

sapta putryastathā patnī cā'naśanaṃ gṛhe vyadhuḥ |
avalāstā nirbalāścā'śaktā vaktuṃ durantakam || 93 ||
[Analyze grammar]

balaṃ tvanaśanaṃ cakrurviditvā pitṛghātanam |
pupūjurmāṃ gṛhe tāśca ṣoḍaśopasuvastubhiḥ || 94 ||
[Analyze grammar]

tuṣṭuvuḥ pitṛrakṣārthaṃ vratānāṃ mānatā vyadhuḥ |
lakṣatulasīpatraiśca pūjāṃ me cakrire hi tāḥ || 95 ||
[Analyze grammar]

athā'ha sahasā lakṣmi bhaktānāṃ śubhakṛt prabhuḥ |
prāvirāsaṃ samudre drāk pitṛdehasya sannidhau || 96 ||
[Analyze grammar]

mūrchāṃ prāpto jalamadhye spṛṣṭo mayā hi rogavān |
rogo naṣṭastadā śīghraṃ sāṃgulihastapādavān || 97 ||
[Analyze grammar]

śāṇadharo'bhavad vṛddhaḥ puṣṭo divyavapurdharaḥ |
uttolito mayā vārdhau jalopari tatastaṭam || 98 ||
[Analyze grammar]

putrāṇāṃ sannidhau kṣiptaḥ pūrṇāṃgo rogavarjitaḥ |
śaṃkhacakragadāpadmadharaṃ māṃ tatsutāśca saḥ || 99 ||
[Analyze grammar]

pupūjurādarāt sarve tirobhāvaṃ drutaṃ tataḥ |
gṛhe cāvirbhūya tatrā'naśanārthe sthitāstu yāḥ || 100 ||
[Analyze grammar]

striyastābhyo'vadaṃ śāṇadharaścojjīvito mayā |
arugṇaścālayaṃ putraiḥ sākamāyāti satvaram || 101 ||
[Analyze grammar]

somanāthaṃ tatastīrthaṃ kṛtvā cāyānti te'tra vai |
ityuktāstāḥ pupūjurmāṃ śrīkṛṣṇaṃ vallabhaṃ prabhum || 102 ||
[Analyze grammar]

pratīkṣante sma vāṭaṃ svapituścāgamadaiśikam |
tiro'bhavaṃ tataścā'haṃ dinānte tu pitā gṛham || 103 ||
[Analyze grammar]

āyayau putrasahitaścānandotsavayogakṛt |
kuṭumbaṃ suprasannaṃ vai jātaṃ cānye janā api || 104 ||
[Analyze grammar]

mama māhātmyavettāro'bhavaṃścāścaryasaṃbhṛtāḥ |
bhaktiṃ te kāraṇaṃ prāhuścārogye prāṇarakṣaṇe || 105 ||
[Analyze grammar]

atha putraiḥ kṛto yajño mahān vaiṣṇavasaṃjñakaḥ |
devarṣipitaraścā'haṃ tṛptāstatrā'rpitā'nnakaiḥ || 106 ||
[Analyze grammar]

dakṣiṇābhirdīnajanā bhojanairdehadhāriṇaḥ |
bhaktyā cāhaṃ śrīhariśca prasannā hyabhavan makhe || 107 ||
[Analyze grammar]

evaṃ pitṛghātakānāṃ pituśca rakṣaṇaṃ mayā |
kṛtaṃ lasmi prabhaktānāṃ dayālunā mahātmanā || 108 ||
[Analyze grammar]

athā'nte prāpitā mokṣaṃ dhāmā'kṣaraṃ paraṃ mama |
paṭhanācchravaṇādasya bhuktirmuktirbhavedapi || 109 ||
[Analyze grammar]

ārogyaṃ jāyate cāpi saubhāgyaṃ cāpi vardhate |
vighnānāṃ ca vināśaḥ syācchatrunāśo bhavedapi || 110 ||
[Analyze grammar]

kṣemaṃ ca kuśalaṃ cāpi vindeta mama bhaktimān |
svargaṃ smṛddhiṃ tathā sveṣṭaṃ jīvanaṃ ca labheta vai || 111 ||
[Analyze grammar]

bhaktyā'haṃ sarvathā tuṣṭo dadāmi samabhīpsitam |
aiśvaryaṃ ca tathā''yuṣyaṃ dhanaṃ dhānyaṃ sutaṃ sutām || 112 ||
[Analyze grammar]

sarva dadāmi bhaktāyai bhaktāyā'pi samudraje |
ityevaṃ bhaktivaśago varte saṃrakṣayāmi ca || 113 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne śāṇadharākhyakarṣukasya prāgjanmakarmabhirjātagalatkuṣṭharogasya bhayena putraiḥ samudre kṣiptasya bhagavatā |
roganāśo rakṣaṇaṃ pāpanāśanaṃ ca kṛtamityādinirūpaṇanāmā saptanavatyadhikaśatatamo'dhyāyaḥ || 197 ||
[Analyze grammar]