Chapter 192

śrīpuruṣottama uvāca |
śṛṇu nārāyaṇīśri tvaṃ kathāṃ bhaktasya pāvanīm |
purā dhaniṣṭhakoṣākhyo vipro'bhavad dhanādimān || 1 ||
[Analyze grammar]

yajñayāgakaraścāpi pañcāyatanapūjakaḥ |
bhaktiparo'tidānī ca gosahasradhanastathā || 2 ||
[Analyze grammar]

kṣetravāṭyaraṇyapatirvyavasāyodyamānvitaḥ |
lakṣāṇi svarṇarūpyāṇāṃ yatkoṣe santi vai sadā || 3 ||
[Analyze grammar]

rājamānyo'pi bahudhā yuddhapureśamānitaḥ |
rājā mālavasiṃhaśca nityaṃ tāmbūlakaṃ śubham || 4 ||
[Analyze grammar]

dadātyasmai mahāsaudhe sabhāyāṃ gauravorjitam |
rājyātidurvahe kārye'syaivā'numatimṛcchati || 5 ||
[Analyze grammar]

yathāmukhyapradhānaṃ vai tathā vipraṃ samarhati |
utsaveṣu samasteṣu vihāreṣu prapāsane || 6 ||
[Analyze grammar]

samājeṣu śubhe sarvavidheye manute dvijam |
prajānāmanurāgaścā'bhavaddhaniṣṭhakoṣake || 7 ||
[Analyze grammar]

dhanānāṃ sa pradānaṃ vai sāhāyyārthaṃ prajāsu ha |
prakaroti vinā lekhaṃ vacomūlyaṃ hi satyatā || 8 ||
[Analyze grammar]

dīnānāṃ ca daridrāṇāmanāthānāṃ ca yoṣitām |
sādhūnāṃ bhikṣukāṇāṃ ca vastrā'nnādisahāyakṛt || 9 ||
[Analyze grammar]

gṛhadānāni bahūni mandirāṇi bahūnyapi |
dharmaśālāḥ sādhumaṭhānuddadhāra sujīrṇitān || 10 ||
[Analyze grammar]

prapāstathā'nnasatrāṇi kārayāmāsa rājavat |
rājā'pi tena sarvatra sāhāyyado'sya vartate || 11 ||
[Analyze grammar]

dhaniṣṭhakoṣo nityaṃ māṃ bhajate parameśvaram |
snātvā sampūjya māṃ bhūpaṃ militvā'tha tataḥ param || 12 ||
[Analyze grammar]

pañcadevādikānnatvā bhuṃkte nityaṃ na cānyathā |
kuṭumbaṃ tasya bhaktaṃ me sadā māṃ bhajate rame || 13 ||
[Analyze grammar]

atha rājyamado lakṣmi mado dhanasya vai tathā |
yauvanasya madaścāpi vipathaṃ nayate janam || 14 ||
[Analyze grammar]

indriyāṇāṃ pravegaśca viṣayāṇāmupasthitiḥ |
manasaścāpi cāñcalyaṃ bhaktaṃ kṣipati kalmaṣe || 15 ||
[Analyze grammar]

nityaṃ nṛtyasya yoge vā nityaṃ vādyasamājake |
nityaṃ śṛṃgārabhāvo vā rajobhāvo vivardhate || 16 ||
[Analyze grammar]

nityaṃ viṣayayogāśca nityaṃ padārthayogitā |
harate vegavaccittaṃ nimnagamanaśāli yat || 17 ||
[Analyze grammar]

tathaivā'sya subhaktasya rājasaṃsadi vartanam |
vārāṃganādinṛtyeṣu hyupasthitirniśādiṣu || 18 ||
[Analyze grammar]

dāsīnāṃ sahavāsādyairmano vikāramāptavat |
surūpā api lobhinyo dhanavāñcchāvimohikāḥ || 19 ||
[Analyze grammar]

vārayoṣā hāvabhāvaiḥ sevanaiḥ sahavāsanaiḥ |
cikṣipurmama bhaktaṃ taṃ mohe dhaniṣṭhakoṣakam || 20 ||
[Analyze grammar]

viṣayeṣu suramyeṣu magnaṃ cakruḥ śanaiḥ śanaiḥ |
dhanahāryo dhanaṃ labdhvā bhogyāstiṣṭhanti tatpuraḥ || 21 ||
[Analyze grammar]

bhakto'pi mama bhaktiṃ ca vihāya rājasaṃgataḥ |
rājodyāne sadā''vāsaṃ prāyaśaścā''carattataḥ || 22 ||
[Analyze grammar]

kuṭumbaṃ svaṃ kvacinnibhālayatyeva cireṇa saḥ |
bahudhodyānavāsaṃ sa rājñā samaṃ karoti yat || 23 ||
[Analyze grammar]

rājāpi bālamitraṃ yat sadā taṃ sevate saha |
pānabhojanakhelādyairnṛtyagāyanarañjanaiḥ || 24 ||
[Analyze grammar]

evaṃ bhaktasya saṃyoge viṣayairbāhyavṛttibhiḥ |
pūjanaṃ paṭhanaṃ dhyānaṃ mama sarvaṃ śanaiḥ śanaiḥ || 25 ||
[Analyze grammar]

kṣatimāptaṃ layaṃ prāptaṃ bhaktirme khaṇḍitā'bhavat |
smarati māṃ kadācit sa viśeṣeṇa tu yoṣitaḥ || 26 ||
[Analyze grammar]

vārāṃganābhiḥ sañjuṣṭo vartate sa vyavāyakṛt |
athā'sya putrāḥ putryaśca patnī sādhvī sadharmiṇī || 27 ||
[Analyze grammar]

nāmnā snehalatādevī śuśoca svapatisthitim |
mahābhāgavatī patnī bhajate śrīhariṃ tu mām || 28 ||
[Analyze grammar]

prārthayatyeva pūjāyāṃ patyurdharmasya rakṣaṇam |
adharmasya parityāgaṃ yaśaḥ kīrtiṃ suvaṃśajām || 29 ||
[Analyze grammar]

bālakṛṣṇaharekṛṣṇa puruṣottamamādhava |
tava bhaktasya citte yaccāñcalyaṃ tatpraśāmaya || 30 ||
[Analyze grammar]

anādiśrīkṛṣṇanārāyaṇaśrīkāntakeśava |
mama patyurvyavāyasya vyasanaṃ tvaṃ pramocaya || 31 ||
[Analyze grammar]

rājā'pi tava bhaktaḥ syāttathā kṛṣṇa vidhehi ca |
gaṇikā api bhaktāḥ syuryathā te paramātmanaḥ || 32 ||
[Analyze grammar]

prajāścāpi ca bhaktāḥ syustathā kṛṣṇa kṛpāṃ kuru |
vrataṃ cādyadināt te'haṃ varṣāntaṃ tvekabhojanam || 33 ||
[Analyze grammar]

kariṣye ca tathā sāghusatīsevā samāhitā |
pratyahaṃ pūjanaṃ te ca kariṣye ghaṭikāvadhim || 34 ||
[Analyze grammar]

ṣoḍaśairupacāraiśca kārayiṣye tu sūtake |
preṃkhāṃ svarṇamayīṃ cāpi mūrtiṃ svarṇamayīṃ ca te || 35 ||
[Analyze grammar]

kārayiṣye śriyā yuktāṃ rādhayā ramayā yutām |
padmāvatyā yutāṃ yuktāṃ māṇikyayā ca śobhanām || 36 ||
[Analyze grammar]

lakṣmyā yuktāṃ tathā ramyāṃ vibhūṣāḍhyāṃ suyauvanām |
śayyāparyaṃkamevāpi kārayiṣye śubhottamām || 37 ||
[Analyze grammar]

svarṇarājatajanyaṃ ca tavopakaraṇānyapi |
vyajane cāmare chatraṃ pāduke bhūṣaṇāni ca || 38 ||
[Analyze grammar]

kārayiṣye svarṇaratnamayāni tava tuṣṭaye |
nityaṃ sugandhasāraiśca tailasāraiśca mardanam || 39 ||
[Analyze grammar]

abhyañjanaṃ dravaiścāpi pūjanaṃ tulasīdalaiḥ |
naivedyaṃ ghṛtamiṣṭānaiḥ kārayiṣye'tituṣṭaye || 40 ||
[Analyze grammar]

tavotsavān kārayiṣye vārṣikān kānta keśava |
vaṇijaṃ me patiṃ vārāṃganāvyasanānmocaya || 41 ||
[Analyze grammar]

eṣā te śaraṇaṃ prāptā patitā tava pādayoḥ |
mama patyustu pāpāni prajvālaya priyaṃ kuru || 42 ||
[Analyze grammar]

ityuktvā snehalatikā dīpotsavīdine hareḥ |
kṛtvā me pūjanaṃ cāpyāsamvatsaraṃ vrataṃ vyadhāt || 43 ||
[Analyze grammar]

uktān sarvānniyamān sā pālayāmāsa bhāvukī |
patisaṃskārakaṃ nāma vrataṃ pūrṇaṃ vyadhāddhi sā || 44 ||
[Analyze grammar]

udyāpanaṃ vratasyā'pi cakre'nnakūṭavaddine |
pratipadyeva kṛṣṇasyotsavaṃ ca vratapūrtaye || 45 ||
[Analyze grammar]

maṇḍapaṃ kārayāmāsa kadalīstambhaśobhitam |
toraṇādiyutaṃ ramyaṃ kuṇḍavedīsamanvitam || 46 ||
[Analyze grammar]

siṃhāsanānvitaṃ vipradevatādivirājitam |
havyakavyādisāmagrīdānasāmagrikāyutam || 47 ||
[Analyze grammar]

samidvahniyajñakarmavedamantradhvaniśrutam |
sādhusādhvīviṣṇubhaktakṛtapāṭhādighoṣitam || 48 ||
[Analyze grammar]

vādyakīrtanagītyādyairghoṣitaṃ dānavardhitam |
satyasvarādilokānāṃ vāsibhiḥ samadhiṣṭhitam || 49 ||
[Analyze grammar]

torthāgamairdivyabhāvaṃ kṛṣṇapārṣadarājitam |
brahmapriyāvilasitaṃ dhvajapatākikā'nvitam || 50 ||
[Analyze grammar]

sarvatobhadranāmārthaśreṣṭhamaṇḍalaśobhitam |
sthālīkalaśapātrādyaiḥ śayyādānādibhiryutam || 51 ||
[Analyze grammar]

pūjāsāmagrikābhiśca pūjyate yatra mādhavaḥ |
hūyate yatra vahnau ca havyaṃ vividhajātikam || 52 ||
[Analyze grammar]

uccāryante vedaghoṣā mantrā yatra ca bhūsuraiḥ |
dīyante yatra dānāni svarṇarūpyamayāni ca || 93 ||
[Analyze grammar]

bhujyante bhojanānīṣṭamiṣṭānnāni ca bhūsuraiḥ |
dīyante tṛptacittaiścāśīrvādāḥ śreyasāṃpradāḥ || 54 ||
[Analyze grammar]

pūrṇāhutirghṛtānāṃ ca dhārābhirdīyate tadā |
āyayau maṇḍape tatra vṛddho nārāyaṇo naraḥ || 55 ||
[Analyze grammar]

viprarūpo'titejasvī lakṣmi yo'haṃ sa eva saḥ |
svāgataṃ cārhaṇaṃ cakrurdevā me ṛṣayo'pi ca || 56 ||
[Analyze grammar]

āsanaṃ me daduḥ śreṣṭhaṃ vahnirmāṃ cāpyapūjayat |
upāviveśa tatrā'haṃ sarvasammānito dvijaḥ || 57 ||
[Analyze grammar]

kasya yajña ityahaṃ vai cāpṛcchaṃ vedhasaṃ dvijam |
somāyano dvijaḥ sopyuvāca māṃ cāṃgulidṛśā || 58 ||
[Analyze grammar]

asyāḥ snehalatikāyā vratodyāpanajo'dhvaraḥ |
vidyate'dyeṣṭasiddhyarthamasyā iṣṭaṃ bhavatviha || 59 ||
[Analyze grammar]

bhavatviṣṭamiti drāk cā'vadaṃ tatrā'dhvare'pyaham |
śṛṇu lakṣmi mahāścaryaṃ tadodyāne vyajāyata || 60 ||
[Analyze grammar]

yatra saudhe mahān śreṣṭhī rājā bhṛtyā vasanti ca |
saudhaḥ sa kampito jāto yathā bhūkampakampitaḥ || 61 ||
[Analyze grammar]

udyānasahitaḥ saudho nānyat kiñcittadā rame |
madicchayaiva jātaḥ sa kampo bhayāvahastadā || 62 ||
[Analyze grammar]

saudhastu patitastena vārāṃganāḥ pracūrṇitāḥ |
rājā śreṣṭhī saudhapāte madhyāvakāśake stare || 63 ||
[Analyze grammar]

patitau tatra bhagnāṃgau kintu prajīvitau dare |
sahaiva patitau mūrchāvigame bhānasaṃyutau || 64 ||
[Analyze grammar]

parasparaṃ cāhvayataḥ kā daśā te dhanina nṛpa |
dhanī prāha mama pādo bhagno jānupradeśataḥ || 65 ||
[Analyze grammar]

nṛpaḥ prāha mama hasto bhagnaḥ kaphoṇikāsthalāt |
nānyad duḥkhaṃ vartate'tra prāṇāstiṣṭhanti cāvayoḥ || 66 ||
[Analyze grammar]

maraṇaṃ naiva jātaṃ vai parameśakṛtā tviyam |
āvābhyāṃ śrīharermārgastyaktvā vārāṃganāgatiḥ || 67 ||
[Analyze grammar]

gṛhītā pāpadā tasyāḥ phalaṃ tvidaṃ vināśakṛt |
tathāpi pūrvapuṇyena yadvā sambandhipuṇyataḥ || 68 ||
[Analyze grammar]

jīvāvo daramadhye'tra kṛṣṇadattāvakāśake |
adyaprabhṛti veśyānāṃ saṃgaṃ tyakṣyāva eva ha || 69 ||
[Analyze grammar]

parameśaṃ bhajiṣyāvo kariṣyāvo vratāni ca |
yadyetasmād durgamādvai durvibhāvyāvakāśakāt || 70 ||
[Analyze grammar]

nirgamiṣyāma evā''vāṃ saprāṇau bhagnamadhyataḥ |
nārāyaṇaṃ bhajāvo'tra sa nau rakṣāṃ kariṣyati || 71 ||
[Analyze grammar]

evaṃ tau nirṇayaṃ kṛtvā harekṛṣṇeti jepatuḥ |
lakṣmi tau snehalatikādhvarapuṇyena rakṣitau || 72 ||
[Analyze grammar]

atha yuddhapure tūrṇaṃ yajñapūrṇāhuteḥ param |
rājaprāsādapatanaṃ cāśrūyata prajāmukhāt || 73 ||
[Analyze grammar]

nāstikyastu prajāḥ prāhuryajñe vyutkramajaṃ phalam |
vāstavikaṃ na tattatra vyutkramo nā'bhavanmakhe || 74 ||
[Analyze grammar]

madicchayā hi tajjātaṃ pāpena śreṣṭhino'pi ca |
vārāṃganā mama bhaktapātanena sakalmaṣāḥ || 75 ||
[Analyze grammar]

mṛtā eva svapāpena bhaktastu rakṣito mayā |
rājā'pi bhaktayogena bhaktyarthaṃ rakṣito mayā || 76 ||
[Analyze grammar]

āstikāstu tadā prāhuḥ pāpā mṛtāḥ svapātakaiḥ |
athāpi yajñapuṇyena na mṛtau śreṣṭhibhūbhṛtau || 77 ||
[Analyze grammar]

manuṣyāśca drutaṃ gatvā kāṭamālaṃ samastakam |
śanaiḥ kṛtvā dūramevotsārya pāṣāṇamṛttikāḥ || 78 ||
[Analyze grammar]

kāṣṭhā'dhobhāgasaṃvāsau sajīvau śreṣṭhibhūbhatau |
śanairnissārayāmāsurbhagnāṃgauṣadhamācaran || 79 ||
[Analyze grammar]

gaṇikāstu samastāstāḥ śavātmikāḥ prakūrcitāḥ |
mṛtā evopalabdhāstā yāmyapuraṃ siṣevire || 80 ||
[Analyze grammar]

vṛddhaspṛṣṭau vaṇig rājā svasthapādakarau drutam |
sampannau cādhvaravārtāṃ śrutvā praharṣitau hyati || 81 ||
[Analyze grammar]

anādiśrīkṛṣṇanārāyaṇo vṛddhasvarūpadhṛk |
hastābhyāṃ tau supasparśa mūḍhamāro vyalīyata || 82 ||
[Analyze grammar]

pīḍāpi vigatā sarvā maṇḍape tau samāgatau |
dṛṣṭavantau puṇyakāryaṃ śrutavantau striyā vratam || 83 ||
[Analyze grammar]

patidevasya śuddhyarthaṃ rājñaḥ śuddhyarthamityapi |
prajāyāścāpi śuddhyarthaṃ vrataṃ jñātvā striyāstadā || 84 ||
[Analyze grammar]

prajā rājā dhanī sarve praśaśaṃsuḥ pativratām |
dhanyā nārī harerbhaktā mokṣārthinī ca pāvanī || 85 ||
[Analyze grammar]

śreyaso'rthe prajādīnāṃ yayā vrataṃ ciraṃ dhṛtam |
yayā dravyāṇi naijāni daivakārye kṛtāni ca || 86 ||
[Analyze grammar]

asyāḥ puṇyena bhūpo'yaṃ śreṣṭhī ceti prarakṣitau |
vayaṃ sarve bhajiṣyāmo nārāyaṇaṃ śriyaḥ patim || 87 ||
[Analyze grammar]

rājā'pi maṇḍape tatra prakāśaṃ vyājahāra tat |
śreṣṭhī tathā prajāścāpi vyājahrurmaṇḍape yathā || 88 ||
[Analyze grammar]

vyasanāni samastāni tyakṣyāma pāpakāni ca |
bhajiṣyāmo hariṃ kṛṣṇaṃ bālakṛṣṇaṃ sanātanam || 89 ||
[Analyze grammar]

prāyaścittaṃ kariṣyāmaḥ kṛtānāṃ pāpakarmaṇām |
bhaviṣyāmo vaiṣṇavāśca yāsyāmo'nte harergṛham || 90 ||
[Analyze grammar]

ityevaṃ lakṣaśastatrāyātā ye darśakā api |
yajñārthaṃ cāpyakasmātārthaṃ ca te'pi narāḥ striyaḥ || 91 ||
[Analyze grammar]

rāṣṭrajā mānavāḥ sarve parivartitamānasāḥ |
vṛddhaviprapratāpenā'dhvase vaiṣṇavadīkṣaṇam || 92 ||
[Analyze grammar]

jagṛhurvṛddhaviprātte vyasanāni ca tatyajuḥ |
dadhruśca taulasīṃ kaṇṭhīṃ bālakṛṣṇeti nāma me || 93 ||
[Analyze grammar]

o namaḥ śrīkṛṣṇanārāyaṇāya svāmine svāhā |
itimantraṃ jagṛhuścā'bhavaṃste vaiṣṇavottamāḥ || 94 ||
[Analyze grammar]

vrataṃ cakruḥ kārtikasya śuklasya sarva eva te |
ekabhuktastvamevāpi pratyahaṃ pūjanaṃ mama || 95 ||
[Analyze grammar]

dānaṃ nityaṃ tathā'nnānāṃ bhajanaṃ ghaṭikāvadhim |
athā'haṃ maṇḍape tatra darśanaṃ svaṃ dadau śubham || 16 ||
[Analyze grammar]

caturbhujaṃ divyarūpaṃ rādhālakṣmīramāyutam |
padmāvatīmāṇikīśrīsahitaṃ sumanoharam || 97 ||
[Analyze grammar]

śaṃkhacakragadāpadmakaustubhahāraśobhitam |
divyatejoparidhyāḍhyamukhaṃ keyūramaṇḍitam || 98 ||
[Analyze grammar]

divyamuktaiḥ pārṣadaiśca maharṣibhiḥ prasevitam |
yajñānalairdevatābhirdevaiścābhiprapūjitam || 99 ||
[Analyze grammar]

snehalateṣṭapūrtyarthaṃ cāgataṃ parameśvaram |
vīkṣya māṃ pūjayāṃcakruḥ pādajalaṃ papuśca me || 100 ||
[Analyze grammar]

yajñaprasādaṃ jagṛhurbubhujurmahīmānakāḥ |
sarve samāptiṃ yajñasya cakruścāvabhṛthaṃ tataḥ || 101 ||
[Analyze grammar]

luṇīnadyāṃ prasasnuśca nṛpasya śreṣṭhinastathā |
prajānāṃ yāni pāpāni prajajvalustadā rame || 102 ||
[Analyze grammar]

avabhṛthaṃ mahāsnānaṃ sarvapāpavināśakṛt |
tatra snātā hi śuddhyanti mahāpāpā'parādhinaḥ || 103 ||
[Analyze grammar]

rājā śreṣṭhī sasmaraturmokṣārthaṃ vārayoṣitām |
drāgeva madbalāt tatrāvabhṛthasnānapuṇyataḥ || 104 ||
[Analyze grammar]

rājñā ca śreṣṭhinā dattāt sarvā yāmyālayād drutam |
āyayurmocitā dūtaistatra luṇyāstaṭe striyaḥ || 105 ||
[Analyze grammar]

papurvāri prasasnuśca mayā ca prokṣitā jalaiḥ |
divyadehāstūrṇameva jātāstā pāpavarjitāḥ || 106 ||
[Analyze grammar]

vimānaiḥ prayayuḥ sarvāḥ svargaṃ ciraṃ tataśca tāḥ |
prayāsyanti sthiraṃ dhāma vaikuṇṭhaṃ paramātmanaḥ || 107 ||
[Analyze grammar]

evaṃ tā mokṣitāścāpi prajāśca vaiṣṇavīkṛtāḥ |
rājā śreṣṭhī nirvyasanau kṛtau bhaktiyutau striyā || 108 ||
[Analyze grammar]

tato'haṃ pūjanaṃ prāpya tirobhāvaṃ drutaṃ tataḥ |
āyuṣyānte snehalatāṃ dvijaṃ somāyanaṃ tathā || 109 ||
[Analyze grammar]

dhaniṣṭhakoṣaṃ vaṇijaṃ mālavasiṃhabhūpatim |
prajāśca vaiṣṇavīḥ sarvā yathākālaṃ mamā'kṣaram || 110 ||
[Analyze grammar]

anayaṃ bhaktiyuktāṃścetyevaṃ vai pāradārikam |
bhaktaṃ śuddhaṃ vidhāyā'haṃ lakṣmi muktiṃ nayāmi tam || 111 ||
[Analyze grammar]

paṭhanācchravaṇādasya smaraṇānmananādapi |
api pāpasamācāraḥ śuddho yāsyati matpadam || 112 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne yuddhapurādhipena saha dhaniṣṭhakoṣasya śreṣṭhino vārāṃganāvyasaninaḥ svastrīkṛtabhaktivratārādhanādinā śrīhariṇā mokṣaḥ kṛta ityādinirūpaṇanāmā dvānavatyadhikaśatatamo'dhyāyaḥ || 192 ||
[Analyze grammar]