Chapter 183

puruṣottama uvāca |
śṛṇu nārāyaṇīśri tvaṃ śatrūṃjayānadītaṭe |
āsīd bhaktaḥ sāgarākhyaḥ śūdro'raṇyaprapālakaḥ || 1 ||
[Analyze grammar]

saputraparivāro'yaṃ saśastro'raṇyarakṣaṇam |
karoti pālikātāne pālikārājyayojitaḥ || 2 ||
[Analyze grammar]

ekadā'raṇyabhāgeṣu pālikātānajo nṛpaḥ |
yayau vai mṛgayārthaṃ saḥ parimeyasubhṛtyayuk || 3 ||
[Analyze grammar]

araṇyaṃ tatpraviṣṭo'yaṃ rājā ca sāgaraṃ tu tam |
bhṛtyaṃ ninye saha tatra mṛgādimārgadarśakam || 4 ||
[Analyze grammar]

śūdro'pyayaṃ harerbhakto hiṃsāṃ naiva karoti saḥ |
ahiṃsako hi rājānaṃ hiṃsāpāpabhayāt khalu || 5 ||
[Analyze grammar]

udvāṭaṃ mṛgaśūnyaṃ vai pradeśaṃ prati nītavān |
atra mṛgāḥ samāyānti prayānti ca vasantyapi || 6 ||
[Analyze grammar]

ityuktvā nītavān kṣmeśaṃ vanapālābhidhaṃ nṛpam |
yatra jalaṃ vanaṃ ramyaṃ pradeśāścāpi sundarāḥ || 7 ||
[Analyze grammar]

kvacit kvacijjanavāsāstaṃ pradeśaṃ tu nītavān |
āsāyaṃ tu samāraṇye'ṭavīto'pyaṭavīṃ bhraman || 8 ||
[Analyze grammar]

atra mṛgastatra mṛgaścetyevaṃ sampradarśayan |
rājānaṃ bhrāmayāmāsa japan śrīpuruṣottamam || 9 ||
[Analyze grammar]

āntare prārthayan māṃ vai kṣamasva bhagavanmama |
aparādhaṃ nṛpeṇātra sārdhaṃ vai mṛgayodbhavam || 10 ||
[Analyze grammar]

nā'hamicchāmi vanajān mṛgān hantuṃ svayaṃ kvacit |
anyadvārā tathā hiṃsā kārayituṃ kvacit prabho || 11 ||
[Analyze grammar]

ato mayā nṛpaścā'yamudvāṭena praṇīyate |
yatra mṛgā na prāpyante hiṃsā me na yathā bhavet || 12 ||
[Analyze grammar]

hiṃsāpāpaṃ naiva syāttattathā rakṣa hi mādhava |
kaścidvanyaḥ paśustvatra mārge naiva milennṛpam || 13 ||
[Analyze grammar]

antaryāmiṃstathā sarvaṃ vidhehi klṛptanaṃ prabho |
evaṃ māṃ prārthayan bhaktaḥ śūdro'pi dharmavān śuciḥ || 14 ||
[Analyze grammar]

yātyagre taṃ nṛpaṃ karṣan mṛgavāso'tra tatra ca |
varṇanaṃ bahudhā kurvan rājan khaḍgo'tra vai bhavet || 15 ||
[Analyze grammar]

atra citramṛgaḥ syācca śṛṃgī sṛmaraścātra tu |
gavayaścātra śaśako geṇḍuko vā bhavediha || 16 ||
[Analyze grammar]

tarakṣurvā kṛṣṇamṛgo varāho vā bhavediha |
evamāśāṃ bandhayaṃśca yātyagre'gre samutsukaḥ || 17 ||
[Analyze grammar]

jalaṃ phalāni rājñeścārpayatyapi prasevate |
tathāpi sa tu rājā na tuṣṭimeti mṛgān vinā || 18 ||
[Analyze grammar]

evaṃ sāyaṃ samayo vai vanāntare vyajāyata |
mṛgā'labdhau nṛpaścāpi nirāśo'pyabhavattadā || 19 ||
[Analyze grammar]

sarve te'staṃgate cārke viśaśramurvanāntare |
sarastaṭe vaṭādho vai bubhukṣitā nirāśayāḥ || 20 ||
[Analyze grammar]

athātra bhāgyayogena vanecarastadā paraḥ |
araṇyaṃ svaṃ bhramitvaiva svagṛhaṃ pratiyāti yaḥ || 21 ||
[Analyze grammar]

sa tatra vaṭavṛkṣā'dhaḥ śrutvā śabdāṃstu mānavān |
pārśvasṛtyā nirgato'pi vaṭāśrayaṃ samāyayau || 22 ||
[Analyze grammar]

apaśyattatra rājānaṃ parimeyajanānvitam |
nanāma bhāvataścaitān tasthau papraccha taṃ nṛpam || 23 ||
[Analyze grammar]

kathaṃ rājannatra rātrau viśrāmaścādya vidyate |
dāsavargasya kāryaṃ cettiṣṭhāmi sevanā''jñayā || 24 ||
[Analyze grammar]

dāso'haṃ vanamārgajño vanyajño vanavāsakṛt |
vane sarvaṃ vijānāmi nṛpājñāṃ vitarāmi ca || 25 ||
[Analyze grammar]

śrutvā rājā tu vṛttāntaṃ dinacaryāṃ ca niṣphalām |
mṛṣāmṛgayābhramaṇaṃ sarvaṃ jagāda vai tadā || 26 ||
[Analyze grammar]

atha śrutvā dakṣagarvo'paro vanecaro nṛpam |
rājannaitadvanaṃ tādṛṅ mṛgādhivāsitaṃ kvacit || 27 ||
[Analyze grammar]

kenā'yaṃ darśitaḥ panthāḥ kevalakleśadāyakaḥ |
vane'tra na mṛgāḥ santi kāṣṭhahārā bhramanti yat || 28 ||
[Analyze grammar]

mṛgāṇāṃ tu vanaṃ cānyad dakṣiṇe saritastaṭe |
vartate tatra mṛgayāsāphalyaṃ jāyate sadā || 29 ||
[Analyze grammar]

kenacid bhrāmitastvaṃ vai rājannatra pravartase |
vṛthāprayāso bhavato vane'tra kaṣṭameva ha || 30 ||
[Analyze grammar]

evamuktastadā rājā jñātavān svapratāraṇam |
sāgareṇa hi śūdreṇa kṛtaṃ vṛthā'ṭanaṃ prati || 31 ||
[Analyze grammar]

aho viśvāsaghātā vai mānavā nṛpatiṃ kvacit |
vimārge samprakṛṣyaiva nayanti maraṇaṃ prati || 32 ||
[Analyze grammar]

viśvāso naiva kartavyo vane gṛhe raṇe tathā |
ajñātānāṃ kvacid bhūpairviśvāse kaṣṭamāpnuyāt || 33 ||
[Analyze grammar]

sāgareṇa vayaṃ cātra pratāritā mṛgārthinaḥ |
amṛgāḍhye vane dūraṃ bhrāmitā niṣphalīkṛtāḥ || 34 ||
[Analyze grammar]

so'yaṃ daṇḍasya pātraṃ vai vidyate chadmavṛttavān |
tyaktavyo daṇḍadānena śikṣā deyā mayā'tra ha || 35 ||
[Analyze grammar]

evaṃ vicārya nṛpatirdakṣagarvābhidhaṃ param |
vanecaraṃ tadā prāha tiṣṭha vā yāhi te gṛham || 36 ||
[Analyze grammar]

prātaścātra samāyāhi mṛgayārthaṃ vane saha |
dāsye'haṃ cepsitaṃ te vai pāritoṣikamuttamam || 37 ||
[Analyze grammar]

mṛgayāṇāṃ sulābhe vai nānyathā yāhi tiṣṭha vā |
dakṣagarvo namaskṛtyā''vaśyakatāṃ pradarśya ca || 38 ||
[Analyze grammar]

yayau naijaṃ gṛhaṃ rātrau nā''yāt prātaśca tatsthalam |
rājā'pi krodhamāpannaḥ prātareva tu sāgaram || 39 ||
[Analyze grammar]

papraccha tvaṃ kathaṃ tvatra vane māṃ nītavān vada |
mṛgayā yatra naivāsti vṛthā'raṇye bhramo'bhavat || 40 ||
[Analyze grammar]

duḥkhaṃ tvayā kṛtaṃ tvetattasmāddaṇḍyo'si sarvathā |
māsikaṃ vetanaṃ tvaṃ vai prāpnosi mama kośataḥ || 41 ||
[Analyze grammar]

ahaṃ pratāritaścātra tvayā bhṛtyena vai yataḥ |
tato'haṃ prakaromyatra daṇḍaṃ te kapaṭārthinam || 42 ||
[Analyze grammar]

ityuktvā bhūpatiścānyān bhṛtyānāha drutaṃ vacaḥ |
pāṣāṇairasya duṣṭasya prakoṣṭhau pādayoriha || 43 ||
[Analyze grammar]

cūrṇayantu nikṣipantu vaṭo'dho duṣṭamānavam |
ityuktāste pare bhṛtyā bhaṭā āsan praroṣiṇaḥ || 44 ||
[Analyze grammar]

te dhṛtvā prastarān kaṣṭāṃścūrṇayāmāsurulbaṇāḥ |
pādayorghūṭike cobhe bhaṅktvā taṃ vaṭamūlake || 45 ||
[Analyze grammar]

prakṣipya prayayuḥ sarve sanṛpāste tataḥ sthalāt |
mṛgayārthaṃ cāparaṃ vai vanaṃ garvānvitāḥ khalāḥ || 46 ||
[Analyze grammar]

athā'yaṃ sāgarastatra matvā daivāt samāgatam |
kaṣṭaṃ ruroda bahudhā smṛtvā māṃ puruṣottamam || 47 ||
[Analyze grammar]

kathaṃ he bhagavannatra bhaktarakṣāṃ karoṣi na |
pāpināṃ tu tathā nāśaṃ kṛṣṇa kathaṃ karoṣi na || 48 ||
[Analyze grammar]

hiṃsāyāṃ tu mahatpāpaṃ viditvā mṛgarakṣayā |
mayā rājā tūdvāraṃ vai pravartito dayālunā || 49 ||
[Analyze grammar]

tvadbhakto'haṃ dayāsindho dayāvān mṛgabālakān |
mṛgān hantuṃ kathaṃkāraṃ nayāmi hiṃsakaṃ nṛpam || 50 ||
[Analyze grammar]

ahiṃsāyāḥ phalaṃ hiṃsātmakaṃ prāptaṃ mayā'dya tat |
kaṣṭaṃ kṛṣṇa tvayā cāpi sahyate svāśritasya yat || 51 ||
[Analyze grammar]

āścaryaṃ paramaṃ tvetad bhaktarakṣāṃ karoṣi na |
hare kṛṣṇa hare viṣṇo hare nārāyaṇa prabho || 52 ||
[Analyze grammar]

anādiśrīkṛṣṇanārāyaṇa jiṣṇo'vanaṃ kuru |
vane vaṭe'tra gahane yadi nāyāsyasi drutam || 53 ||
[Analyze grammar]

kaścijjano'pi divase tadā me mṛtyuratra vai |
bhaveccaraṇakaṣṭena jalaṃ kaścinna dāsyati || 54 ||
[Analyze grammar]

prāṇāvane prayāsyanti gatirduṣṭā bhaviṣyati |
kuṭumbino me naivāpi vetsyanti mṛtyumatra me || 55 ||
[Analyze grammar]

harenātha harekṛṣṇa bālakṛṣṇa prabho hare |
hare śrīkambharāputra rādhāpate ramāpate || 56 ||
[Analyze grammar]

śīghramāyāhi kamalāpate lakṣmīpate prabho |
padmāvatīpate prajñāpate śrīmāṇikīpate || 57 ||
[Analyze grammar]

muktapate brahmapate sṛṣṭipate jagatpate |
bhaktapate dīnapate brahmapriyāpate hare || 58 ||
[Analyze grammar]

śīghramāyāhi bhagavan bhaktarakṣārthadehavān |
saurāṣṭrādhipate śrīmadgopālabālakaprabho || 59 ||
[Analyze grammar]

kathaṃkāramidaṃ kaṣṭaṃ pādasandhipracūrṇajam |
sahe vai bhagavannatra prāṇā mūrchā prayānti vai || 60 ||
[Analyze grammar]

ityuktā māṃ praṇamyaiva mūrchābhāvamupāgataḥ |
lakṣmi yāvat sāgaro me bhaktastāvadahaṃ drutam || 61 ||
[Analyze grammar]

tatpārśve prayayau śīghraṃ vanecarasvarūpavān |
patrāṇi sandhinīvallyā nītvā tadrasamuttamam || 62 ||
[Analyze grammar]

niṣkāsyā'ṅgulibhistatra dadau bhagnapradeśayoḥ |
tāvat praghūṭike cāpi prakoṣṭhau sandhitau drutam || 63 ||
[Analyze grammar]

asthinī ca yathāpūrvaṃ jātau svasthau nīrugṇakau |
saśaktau cāpi raktāḍhyau mayā spṛṣṭau punaḥ punaḥ || 64 ||
[Analyze grammar]

mūrchāyā vāraṇaṃ cāpi kṛtaṃ bhaktasya vai mayā |
utthāpitaśca kaṣṭaṃ tad dūrīkṛtaṃ samastataḥ || 65 ||
[Analyze grammar]

bhojitaḥ suprasādaṃ ca jalaṃ tadā prapāyitaḥ |
snehitaḥ premadṛṣṭyā ca prāpitaśca gṛhaṃ nijam || 66 ||
[Analyze grammar]

vanecarasvarūpaṃ māṃ pupūja bahubhāvataḥ |
gṛhe ramyāsanaṃ datvā paricaryāṃ cakāra me || 67 ||
[Analyze grammar]

tasya patnī hīrukā'pi putrāḥ putryaśca sevanam |
cakrurme bahudhā lakṣmi madhyāhne bhojanādibhiḥ || 68 ||
[Analyze grammar]

mayā bhuktaṃ jalaṃ pītaṃ sevā cāṃgīkṛtā tathā |
pādasammardanagātramardanādisvarūpiṇī || 69 ||
[Analyze grammar]

athā'yaṃ sāgaro bhaktaḥ papraccha māṃ nijaṃ prati |
hare nātha kṛpāsindho kaṣṭametat kathaṃ mama || 70 ||
[Analyze grammar]

pādabhañjanarūpaṃ vai kena pāpena cāgatam |
na hiṃsitā mayā jīvā na māṃsamadirādikam || 71 ||
[Analyze grammar]

spṛśyate'pi harekṛṣṇa nā'satyaṃ kriyate kvacit |
na cauryaṃ pāradāryaṃ vā kriyate vai kadācana || 72 ||
[Analyze grammar]

prāṇirakṣākṛte tvetat pratāraṇaṃ nṛpasya tu |
kṛtaṃ mayā prabho nā'tra pāpaṃ mayā kṛtaṃ bhavet || 73 ||
[Analyze grammar]

kathaṃ me pādahananaṃ kathaṃ kaṣṭaṃ janasya te |
vada nātha yathārthaṃ me karma vā tādṛśaṃ bhavet || 74 ||
[Analyze grammar]

atra janmani naivā'haṃ kṛtavānna smarāmyapi |
ajñātena kṛtaṃ cet syād vada me saṃśayāpaham || 75 ||
[Analyze grammar]

tadā'haṃ kamale tasmai nyavedayaṃ purākṛtam |
nā'tra janmani tasyā'bhūt karma krūraṃ hi tādṛśam || 76 ||
[Analyze grammar]

tato'haṃ kathayāmāsa śṛṇu sāgara prākkṛtam |
tvamāsīrvai hastipako rājño gajasya rakṣakaḥ || 77 ||
[Analyze grammar]

asya rājñaḥ piturdharmapālasya gajarakṣakaḥ |
nāmnā dharodarastvaṃ vai śūdraḥ kuṭumbavāniha || 78 ||
[Analyze grammar]

bhṛtyatāṃ vidadhan hastipālane tvekadā bhavān |
gajasya tu madaprākaṭye yuvānaṃ gajaṃ tadā || 79 ||
[Analyze grammar]

unmādinaṃ vaśaṃ kartuṃ prayatnaṃ bahudhā vyadhāt |
gokṣurādyairlohajaiśca nyastaiḥ pādataleṣu vai || 80 ||
[Analyze grammar]

tathā lohārgalaiścāpi lohaśṛṃkhalikādibhiḥ |
bhallaiścograiśca vaṃśaiśca dīrghaiśca lohajaiḥ phalaiḥ || 81 ||
[Analyze grammar]

pādau vibhidya kariṇaḥ kṛtvā śaktivihīnakam |
gatiśūnyaṃ gataṃ tatra bhavān rurodha sarvathā || 82 ||
[Analyze grammar]

adhikaṃ pādayostasya mūḍhamāramamārayat |
bhagnamasthi gajasyāpi pādasyaikasya vai tadā || 83 ||
[Analyze grammar]

athāpyutthātukāmaṃ taṃ hastinaṃ tu bhavān punaḥ |
lohadaṇḍaiścāgrapade mārayāmāsa nirdayaḥ || 84 ||
[Analyze grammar]

asthi dvitīyapādasya cūrṇatāṃ pārśvato'gamat |
evaṃ pādadvayāsthinī bhagne te krūratāvaśāt || 85 ||
[Analyze grammar]

hastinā tvaṃ tadā śapto rakṣako mārako bhavān |
mamaiva tu kareṇaiva bhagnapādo bhaviṣyasi || 86 ||
[Analyze grammar]

sa tvaṃ kālena nidhanaṃ gato'si sāgaro'dya vai |
hastī ca nidhanaṃ prāpro rājaputro'yamasti saḥ || 87 ||
[Analyze grammar]

vanapālābhidhaḥ so'yaṃ bhagnapādaḥ purā gajaḥ |
rājā'dya vartate tvaṃ cāraṇyapālo'dya vartase || 88 ||
[Analyze grammar]

tava pādau tena bhagnau purābhagnasya tatphalam |
mā śokaṃ kuru bhakto'si rakṣito'si mayā'dya vai || 89 ||
[Analyze grammar]

na kṛtaṃ tu purā karma kaṃcit tyajati dehinam |
tvayā prāptaṃ kṛtaṃ karma phalarūpeṇa bhaktaka || 90 ||
[Analyze grammar]

kintu bhaktyā mayā rakṣā kṛtā cāhiṃsayā tava |
rājño'parādhaḥ svalpo'pi nimitto'tra vyajāyata || 91 ||
[Analyze grammar]

araṇye pādabhaṃge te mā śokaṃ kartumarhasi |
bhaja māṃ paramātmānaṃ paśya me rūpamaiśvaram || 92 ||
[Analyze grammar]

ahaṃ nārāyaṇaḥ sākṣāccaturbhujo'smi cāgataḥ |
yāhi tvadyaiva rājānaṃ sāyaṃ gṛhaṃ samāgatam || 93 ||
[Analyze grammar]

vada me sarvavṛttāntaṃ rakṣākaraṃ sukhapradam |
so'pi śrutvā nṛpo me saṃbhajanaṃ vai kariṣyati || 94 ||
[Analyze grammar]

tava yogena muktiṃ vai kariṣyāmi nṛpasya ha |
mā bhayaṃ kuru bhaktendra tvayā sākaṃ bhavāmyaham || 95 ||
[Analyze grammar]

ityuktvā bhagavāṃstatra tirodadhe tu padmaje |
bhakto yayau niśāyāṃ tu nṛpagṛhaṃ smaran harim || 96 ||
[Analyze grammar]

rājñe sarvaṃ tu vṛttāntaṃ kathayāmāsa śobhanam |
śrutvā rājā vismito'bhūd yayāce ca kṣamāṃ muhuḥ || 97 ||
[Analyze grammar]

bhaktarakṣākaraṃ māṃ ca tuṣṭāva śaraṇaṃ gataḥ |
viditvā prāgjanma naijaṃ gajātmakaṃ muhurmuhuḥ || 98 ||
[Analyze grammar]

āścaryaṃ paramaṃ prāpya matvā dehaṃ tu gatvaram |
bhakto bhūtvā prabheje māṃ kuṭumbasahito nṛpaḥ || 99 ||
[Analyze grammar]

pitā ca bāndhavāścāpi bhejire māṃ tataḥ sadā |
kṛtvā rājyaṃ satāṃ sevāṃ bhaktiṃ kṛtvā yathākṣaṇam || 100 ||
[Analyze grammar]

prāpuste māṃ parameśaṃ śrīdhāmā'kṣarasatpadam |
paṭhanācchravaṇāccāsya lakṣmi bhuktiśca mokṣaṇam || 101 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sāgarākhyaśūdrasya bhagnapādasya bhagavatkṛtanīrujapādatvaṃ tatpūrvabhavavṛttāntaṃ cetyādinirūpaṇanāmā tryaśītyadhikaśatatamo'dhyāyaḥ || 183 ||
[Analyze grammar]