Chapter 169

śrīnārāyaṇīśrīruvāca |
kathaṃ nityā api jīvā jñānavanto'pi dehinaḥ |
jānanto'pi mṛtyupadaṃ prayānti kāraṇaṃ vada || 1 ||
[Analyze grammar]

śrīpuruṣottama uvāca |
sarvaṃ jihmaṃ mṛtyupadaṃ jihmā mṛtyuṃ prayānti hi |
kuṭilāṃ vṛttiṃ kurvanti kāmādyāste hi mārakāḥ || 2 ||
[Analyze grammar]

ta eva nijadehasthāḥ śatravo ghātakāḥ sadā |
taddhīnānāṃ na vai mṛtyuryogināṃ ca satāṃ rame || 3 ||
[Analyze grammar]

mṛtyurvai narakaḥ proktaḥ sa ca janmādinirmitaḥ |
janma karmabalāt prāptaṃ karma vāsanayā'rjitam || 4 ||
[Analyze grammar]

sā cennirdahyate śāntyā damena sevayā satām |
harerbhaktyā kṣālayeccātmānaṃ viśadatāṃ diśet || 5 ||
[Analyze grammar]

tato mṛtyuḥ kaṣṭarūpo maraṇākhyo na jāyate |
divyabhāvamupāyāto yāti brahma sanātanam || 6 ||
[Analyze grammar]

ciraṃjīvo bhavatyeva śāśvataiśvaryavān bhavet |
mṛtyuśīlā dhātavo'sya divyā bhavanti madbalāt || 7 ||
[Analyze grammar]

pramādaścāpi mohaśca vinaśyato'sya sarvathā |
tāveva mṛpyurūpau hi nāsyā''viśato vai kvacit || 8 ||
[Analyze grammar]

māyāhīnasya bhaktasya mama yoge sthitasya ca |
māyā divyā jāyate'pi bandhanādivivarjitā || 9 ||
[Analyze grammar]

tato'sau nityamuktātmā brahmaṇyeva pravartate |
evaṃ lakṣmi bhavatyeva tvaṃ yathā cābdhijā hyapi || 10 ||
[Analyze grammar]

vartase mama yogena divyā māyāvivarjitā |
nityā susamasaṃsthānā vṛddhihāsavivarjitā || 11 ||
[Analyze grammar]

yathā'haṃ ca tathā tvaṃ vai tathā bhakto bhavatyapi |
madicchā tādṛśī lakṣmī tayā tathaiva jāyate || 12 ||
[Analyze grammar]

ātmanastu purā'haṃkāreṇa yuddhamavartata |
ahaṃkāreṇa deho'yaṃ nijarājyātmakaḥ kṛtaḥ || 13 ||
[Analyze grammar]

sugandhaśca hṛtastena sarvo'pi nijarājyajaḥ |
durgandhaścāvaśiṣṭaśca mṛtyudo duḥkhado garaḥ || 14 ||
[Analyze grammar]

cidātmā vīkṣya duṣkṛtyaṃ jñānanāśātmakaṃ hyapi |
anātmyācaraṇaṃ vīkṣya śastraṃ vivekamādadhe || 15 ||
[Analyze grammar]

ahaṃkārasya duṣṭasyā'vāsṛjanmṛtyudasya tat |
vadhyamāno'pyahaṃkāraḥ śastreṇa cātiveginā || 16 ||
[Analyze grammar]

viveśa pṛthivīṃ tyaktvā jalabhāgaṃ nirāmayam |
surasaśca hṛtastena sarvo'pi nijarājyajaḥ || 17 ||
[Analyze grammar]

druṣṭaraso'vaśiṣṭaśca mṛtyudo duḥkhado garaḥ |
ātmā śastraṃ punastasyā'vāsṛjad vadhahetave || 18 ||
[Analyze grammar]

vadhyamāno viveśā'haṃkāro jyotiḥpradeśakam |
tatra rūpaṃ surūpaṃ ca jagrāha nijarājyagam || 19 ||
[Analyze grammar]

kurūpaṃ cā'vaśiṣṭaṃ ca cidātmā punareva ca |
tīkṣṇaṃ śastraṃ vivekākhyamasya cā'vāsṛjattataḥ || 20 ||
[Analyze grammar]

tāḍyamāno'pyahaṃkāro viveśa vāyubhūstaram |
tatra sparśaṃ suṣṭusaṃjñaṃ jagrāha nijarājyagam || 21 ||
[Analyze grammar]

kusparśaścāvaśiṣṭo vai taṃ vilokya punastathā |
śastraṃ cā'vāsṛjattasya vināśārthamathāpi saḥ || 22 ||
[Analyze grammar]

ahaṃkāro'viśad vyoma śabdaṃ jagrāha tadgatam |
kuśabdaścāvaśiṣṭaśca vīkṣya taṃ tu punastathā || 23 ||
[Analyze grammar]

cidātmā śastramāgṛhya mārayāmāsa yāvatā |
ahaṃkāro viveśā'pi cidātmani nirāśritaḥ || 24 ||
[Analyze grammar]

cidātmā ca gururbhūtvopādideśāpyahaṃkṛtim |
ahaṃ brahmasvarūpo'smītyahaṃkāro'pi tad dadhau || 25 ||
[Analyze grammar]

tato brahmasvarūpasyā'bhimatyā brahmatāṃ yayau |
māyiko'pi gurorvākyādupāstyā brahmatāṃ yayau || 26 ||
[Analyze grammar]

cidātmā taṃ vivekena jaghānāpi na vai hatim |
yayau cātmasthitastasmājjāto mṛtyuvivarjitaḥ || 27 ||
[Analyze grammar]

svasvabhāvaṃ parityajya cidātmarūpatāṃ gataḥ |
avadhyabhāvamāsādya divyā'haṃbhāvamāśritaḥ || 28 ||
[Analyze grammar]

buddhiṃ divyāṃ samāśritya paramātmānamāptavān |
avadhyaḥ sa sadā jāto divyabuddhyā''tmasaṃsthitaḥ || 29 ||
[Analyze grammar]

parameśa parābhaktyā muktabhāvamupāgataḥ |
muktānāṃ divyatattvānāṃ vyāghāto naiva jāyate || 30 ||
[Analyze grammar]

evaṃ lakṣmi vināśo vai mṛtyorbhavati cārpaṇāt |
ātmārpaṇaṃ samastānāmindriyāṇāṃ ca karmaṇām || 31 ||
[Analyze grammar]

vṛttīnāṃ cātmanā sākaṃ brahmārpaṇaṃ hi nirguṇam |
nirguṇe mayi nāstyeva mṛtyurlokābhiduḥkhadaḥ || 32 ||
[Analyze grammar]

vyādhayo dvividhā lakṣmi śārīrā mānasāstathā |
teṣāṃ parasparaṃ janma parasparamapekṣiṇām || 33 ||
[Analyze grammar]

vātapittakaphānāṃ tu vaiṣamye dehajā hi te |
avaiṣamye svasthabhāvaścārogyaṃ gīyate hi tat || 34 ||
[Analyze grammar]

oṣadhena yathāmṛdyaṃ mṛdyate tadvirodhinā |
uṣṇena mṛdyate śītaṃ śītenoṣṇyaṃ ca mṛdyate || 35 ||
[Analyze grammar]

mānase'pi tathā doṣe mṛdustīkṣṇena mṛdyate |
harṣeṇa bādhyate śoko harṣaḥ śokena bādhyate || 36 ||
[Analyze grammar]

sattvarajastamasāṃ cet sāmyaṃ svāsthyaṃ tadātmanaḥ |
vaiṣamyaṃ vyādhirevā'yaṃ tatra mardanamiṣyate || 37 ||
[Analyze grammar]

duḥkhavān yatate saukhye sukhī duḥkhaṃ smaratyapi |
guṇajau tāvubhau bhāvau mānasau na tu cātmanaḥ || 38 ||
[Analyze grammar]

tathāpi vegamāsādya vahate tatpravāhaṇe |
saṃgaṃ ca labhate dehī manute mānasānnije || 39 ||
[Analyze grammar]

yadi cellabhate prajñāṃ purāṇīṃ sadgurormukhāt |
saccidānandabhāvāṃ svāṃ mano nāśaṃ tadecchati || 40 ||
[Analyze grammar]

yatate tadvināśārthaṃ prajñāśastreṇa cātmanaḥ |
ātmā yoddhā svayaṃ syācca brahmarathe niṣadya vai || 41 ||
[Analyze grammar]

pārabrahmapadaṃ lakṣmi tadā cātmā vijeṣyati |
bāhyaṃ sarvopakaraṇaṃ vaiśyaṃ dravyaṃ samutsṛjet || 082 ||
[Analyze grammar]

asaṃgaścā'parigrahastataḥ siddhiṃ pralapsyate |
mameti jāyate yāvanmṛtyustāvadupasthitaḥ || 43 ||
[Analyze grammar]

na mameti yadā bhāvo mṛtyustasya gato mṛtim |
so'haṃ brahmeti tasyaiva śāśvataṃ samprakāśate || 44 ||
[Analyze grammar]

etādṛśasya tu vivekino lakṣmi hyasīmakam |
brahmāṇḍarājyamasyā'sti jaṃgamasthāvarātmakam || 45 ||
[Analyze grammar]

tathāpi nā'sya mamatā mṛtyustaṃ kiṃ kariṣyati |
mṛtyumūrdhapadaṃ kṛtvā sa yātā brahma śāśvatam || 46 ||
[Analyze grammar]

kāmaṃ vai vasato lakṣmi vane vanyena jīvataḥ |
mamatāmatyajatastu mṛtyuḥ keśeṣu tiṣṭhati || 47 ||
[Analyze grammar]

bāhyāntarāṇāṃ mamatāṃ māyāṃ vīkṣyā''ntarātmanā |
antarbrahmasvarūpeṇa sthāturmuktirmahābhayāt || 48 ||
[Analyze grammar]

sarvāḥ pravṛttayo loke kāmodbhāvyā bhavanti tāḥ |
vicāryā'kāmago bhūtvā yadi saṃharate manaḥ || 49 ||
[Analyze grammar]

kāraṇasyaiva saṃhārād bhūyo'bhyāsabalaidhitaḥ |
māyāpravāhamuttīrya yāti brahmasanātanam || 50 ||
[Analyze grammar]

sāramārgaṃ pralambeta dānaṃ vrataṃ tapo makham |
sāramapi hyasāraṃ cā'kāmaṃ kṛtvā'nusañcaret || 51 ||
[Analyze grammar]

haryarpaṇaṃ mahāsāraṃ kṛtvā yadvā'nusañcaret |
sarvaṃ tasyottaraṇāya bhaveduta sahāyakṛt || 52 ||
[Analyze grammar]

nigraho mokṣabījaṃ vai pragraho bhavabījakam |
śṛṇu lakṣmi purāgāthāṃ vṛttāṃ jīvātmano yathā || 53 ||
[Analyze grammar]

ātmā sukhī svayaṃ pārśvasthitaṃ papraccha caikadā |
abhimānaṃ sukhe vighnakartāraṃ balinaṃ muhuḥ || 54 ||
[Analyze grammar]

kathaṃ kena vināśaste yadi satyavrato bhavān |
vad me yena prayate tvannāśe sukhavānaham || 55 ||
[Analyze grammar]

tadā'haṃkārapuruṣaḥ śmaśrubalaṃ pradarśayan |
saroṣaṃ dehinaṃ prāha śṛṇu satyaṃ vadāmi tat || 56 ||
[Analyze grammar]

na kaścinmama nāśaṃ vai kartumatra bhavotthitaḥ |
ṛte nārāyaṇaṃ yadvā mahābhāgavataṃ janam || 57 ||
[Analyze grammar]

nā'haṃ śakyaḥ saṃgavatā hantu bhūtena kenacit |
yadbalena hanyate tadbalaṃ praharaṇaṃ ca vā || 58 ||
[Analyze grammar]

na māṃ hantuṃ samarthaṃ vai yāvattvena bhavatyuta |
bījapuṣṭikaraṃ syād yat punaḥ prādurbhavāmyaham || 59 ||
[Analyze grammar]

yajñādyairdakṣiṇāḍhyairmāṃ hantu prayatate yadi |
dharmecchā'sya mama puṣṭistayā prādurbhavāmyaham || 60 ||
[Analyze grammar]

japena cāpi maunena māṃ hantuṃ yatate yadi |
sāhaṃbhāvo'tra puṣṭirme tayā prādurbhavāmyaham || 61 ||
[Analyze grammar]

vedāntairjñānamārgairvā māṃ hantuṃ yatate yadi |
mayā hatetyahaṃpuṣṭistayā prādurbhavāmyaham || 62 ||
[Analyze grammar]

sannyāsena virāgeṇa māṃ hantuṃ yatate yadi |
pramādo'nyatra puṣṭirme tayā prādurbhavāmyaham || 63 ||
[Analyze grammar]

pramādino bahiścittāḥ piśunāḥ kalahotsukāḥ |
sannyāsino'pi vartante devasandūṣitāśayāḥ || 64 ||
[Analyze grammar]

dhṛtyā brahmavratenāpi māṃ hantuṃ yatate yadi |
jayā'bhimānabījākhyapuṣṭyā punarbhavāmyaham || 65 ||
[Analyze grammar]

tapasaiśvaryalabdhyā māṃ prahantuṃ yatate yadi |
madhumatyādibhiścamatkṛtibhiryāṃgasiddhibhiḥ || 66 ||
[Analyze grammar]

bījātmikābhiratyarthapuṣṭyā punarbhavāmyaham |
mokṣārthaṃ sādhanaiścāpi māṃ hantuṃ yatate yadi || 67 ||
[Analyze grammar]

tamajñaṃ sādhanatuṣṭaṃ nṛtyāmi ca hasāmi ca |
evaṃvidhābhilaṣiṇāmavadhyo'haṃ sanātanaḥ || 68 ||
[Analyze grammar]

mamatvaṃ viparīte vā sveṣṭe manāg bhaved yadi |
tatrā'haṃ jīvanaṃ labdhvā bhavāmi bhavabandhakṛt || 69 ||
[Analyze grammar]

mamatā manaso bhāvo manonāśe vinaśyati |
kācabhāve kṣiterdoṣā vinaśyanti na saṃśayaḥ || 70 ||
[Analyze grammar]

tathāpi bhagnatābhāvaḥ kācasyāpi na naśyati |
tathā''tmano mamatātmā bhāvo'ntato na naśyati || 71 ||
[Analyze grammar]

pralayaṃ tu samāsādya pṛthvī jale vilīyate |
evaṃkrameṇa tattvānāṃ mahattattve layo bhavet || 72 ||
[Analyze grammar]

manasaśca laye māyālaye jīvatvarodhane |
ātmatvabhāsane mṛtyurmama syādapunarbhavaḥ || 73 ||
[Analyze grammar]

ātmāvabhāsaḥ sahasā parameśakṛpāvaśaḥ |
tadarpaṇena sarvasya mama nāśo yato mataḥ || 74 ||
[Analyze grammar]

evamuktaḥ purā cātmā'bhimānena garīyasā |
so'yaṃ lakṣmi yatetaiva parameśe mayi dhruve || 75 ||
[Analyze grammar]

sarvārpaṇādibhāvena tadā'hantā vinaśyati |
mamatā līyate cāpi patitā paramātmani || 76 ||
[Analyze grammar]

lavaṇasya yathā pāte samudre līnatā sadā |
na praroho bhavet kvāpi tathā kṛṣṇo'sya nāṃ'kuram || 77 ||
[Analyze grammar]

jñātvaivaṃ yatate sādhuḥ sarvātmārpaṇamuttamam |
dehendriyamanaḥprāṇā'haṃkāramahatāmapi || 78 ||
[Analyze grammar]

sattvarajastamasāṃ ca saccidānandadharmaṇām |
astitvasyā'rpaṇaṃ cāpi sarvārpaṇaṃ karoti hi || 79 ||
[Analyze grammar]

mayyarpaṇena bhaktānāṃ sarvaṃ madyogataḥ kila |
matsvarūpaṃ bhavatyeva na tadbandhāya jāyate || 80 ||
[Analyze grammar]

śṛṇu lakṣmi kathayāmi mama bhaktasya vai kathām |
bhakto nāmnā sādhubhāvāyanaścātra sarastaṭe || 81 ||
[Analyze grammar]

saṃkucya vṛttīḥ sarvāstu samādhau saṃsthito'bhavat |
tāvattasya samīpastho'haṃkārapuruṣo'bhavat || 82 ||
[Analyze grammar]

vikarālaścograrūpaḥ kṛṣṇavarṇo'tipuṣṭimān |
hasannuvāca taṃ sādhubhāvāyanaṃ hṛdantare || 835 ||
[Analyze grammar]

kastvaṃ kasmādito māṃ vai niṣkāsayasi madgṛhāt |
vrate cā'hamahaṃkāro puṇyaviṣayasaṃsthitaḥ || 84 ||
[Analyze grammar]

dāne cāhamahaṃkāraḥ svargadharmavyavasthitaḥ |
yajñe cāhamahaṃkāraḥ kartṛvṛttivyavasthitaḥ || 85 ||
[Analyze grammar]

dakṣiṇāviṣayaścāpi yajamānatvasaṃsthitaḥ |
tīrthe cāhamahaṃkāraḥ pāvitryaviṣayasthitaḥ || 86 ||
[Analyze grammar]

sevāyāmapyahaṃkāraḥ karomītyeva saṃsthitaḥ |
jape cā'hamahaṃkāro'ghanāśavṛttimāsthitaḥ || 87 ||
[Analyze grammar]

brahmacarye'pyahaṃkāro vratī cāhamitisthitaḥ |
vidyāyāmapyahaṃkāro vidvāniti vyavasthitaḥ || 88 ||
[Analyze grammar]

vairāgye cāpyahaṃkāro hyadoṣo'hamiti sthitaḥ |
sannyāse cāpyahaṃkāraḥ saṃsārakṣapaṇo nvaham || 89 ||
[Analyze grammar]

dhyāne cāpi hyahaṃbhāvo dhyātā'haṃ yogavānaham |
samādhāvapyahaṃkāraścaiśvaro'haṃ vimāyikaḥ || 90 ||
[Analyze grammar]

evaṃ me vigame caike'pare pakṣe tu jīvanam |
vartate ceti tasmānna mṛto bhavāmi karhicit || 91 ||
[Analyze grammar]

ekenā'rpaṇabhāvena gacchāmi cārpite śraye |
puṇyaṃ karma phalaṃ bhaktiścātmā vṛttiśca mānasam || 92 ||
[Analyze grammar]

arpitāni matiścā'haṃ yadi śrīparamātmani |
tadā sarve pragacchāmo'rpaṇāśraye śubhāśraye || 93 ||
[Analyze grammar]

arpitāraṃ vihāyaiva gacchāmo dānakarmaṇā |
tasmāt sādho'rpaya buddhiṃ māyāṃ triguṇaśobhanām || 94 ||
[Analyze grammar]

avidyāṃ ca tathā vidyāṃ mahattattvaṃ vṛṣāśrayam |
dharmādikān sarvabhāvān mānasaṃ cāpi dharmavat || 95 ||
[Analyze grammar]

indriyāṇi samastāni devatā vṛttīrantaram |
bāhyaṃ ca karaṇaṃ sarvaṃ tanmātrāṇi ca gocarān || 96 ||
[Analyze grammar]

viṣayān pañcabhūtāni bhautikāni gṛhāṇi ca |
golakān tatphalaṃ cāpi guṇān karmāṇi yāni ca || 97 ||
[Analyze grammar]

sarvāṇi ceṣaṇāḥ sarvā vāsanāścāpi bhāvanāḥ |
sambandhāṃśca tathā sarvasaṃskārānapi cārpaya || 98 ||
[Analyze grammar]

anādiśrīkṛṣṇanārāyaṇe bhaktyā'rpaṇaṃ kuru |
tadā'haṃ svakuṭumbena yuto yāsyāmi nānyathā || 99 ||
[Analyze grammar]

śrutvaivaṃ sahasā mitraṃ matvotthāya samādhitaḥ |
anādiśrīkṛṣṇanārāyaṇe mayi samarpaṇam || 100 ||
[Analyze grammar]

sarvasya karmakāṇḍasyā'karot sādhubhavāyanaḥ |
madbhāḥva sarvathā bhūtvā''rpayaccātmaniveditām || 101 ||
[Analyze grammar]

evaṃ yogasamādhyādīṃstyaktvā śrīpauruṣottamīm |
sevātmikāṃ kriyāṃ sarvāṃ nārāyaṇe samārpayat || 102 ||
[Analyze grammar]

abhimānastadā tasya vilīnaḥ paramātmani |
nityamukto'bhavat so'pi madātmā'kṣaravāsakṛt || 103 ||
[Analyze grammar]

evaṃ sarvārpaṇaṃ lakṣmi sādhanaṃ duḥkhanāśanam |
mokṣasya sādhanaṃ caitanmamā'rpaṇaṃ samastataḥ || 104 ||
[Analyze grammar]

paṭhanācchravaṇādasya nirmamatvaṃ prajāyate |
anādimuktatā cāpi jāyate vartanāttathā || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne mṛtyupradakāraṇāni tadvināśasādhanaṃ sādhubhāvāyanarṣidṛṣṭāntenā'bhimānasya kṛṣṇārpaṇavidhayā |
nāśaścetyādinirūpaṇanāmā navaṣaṣṭyadhikaśatatamo'dhyāyaḥ || 169 ||
[Analyze grammar]