Chapter 167

śrīnārāyaṇīśrīruvāca |
āpadgatasya bhaktasya bhaktāyāstava keśava |
āpannāśaḥ kathaṃ syācca pāpanāśaḥ kathaṃ bhavet || 1 ||
[Analyze grammar]

śrīpuruṣottama uvāca |
avratasyā'pyaśaktasya jñānahīnasya dehinaḥ |
āpatpāpādināśārthaṃ stotraṃ vyāpahanaṃ matam || 2 ||
[Analyze grammar]

ekāgramānaso bhūtvā stuvīta parameśvaram |
avatārāṃstathā muktānīśvarān pitṛdevatāḥ || 3 ||
[Analyze grammar]

ṛṣīn gurūn bhāgavatān sādhūn bhaktān stuvīta ca |
ananyaśaraṇo bhūtvā prārthayet sukhavān bhavet || 4 ||
[Analyze grammar]

sarvasiddhipradaṃ stotraṃ divyaṃ vadāmi te rame |
śroturvakturvācayituḥ sarveṣṭānāṃ drutaṃ pradam || 5 ||
[Analyze grammar]

namo'nādikṛṣṇanārāyaṇāya paramātmane |
mahābhagavate muktā'kṣareśāya parātmane || 6 ||
[Analyze grammar]

sṛṣṭitrayādhināthāya sarvāntaryāmiṇe namaḥ |
parabrahmaṇe puruṣottamāya cāvatāriṇe || 7 ||
[Analyze grammar]

sarvavit sarvavāsaḥ śrīnivāsaḥ sarvasaṃsthitaḥ |
parā'kṣarastho mukteśaścāpatpāpaṃ vyapohatu || 8 ||
[Analyze grammar]

avatārī parabrahma divyātmā śrīnarāyaṇaḥ |
parameśo hi bhagavānāpatpāpaṃ vyapohatu || 9 ||
[Analyze grammar]

anādyanantaḥ sarveśaḥ sarvavidyādharo hariḥ |
sarvapradaḥ sukhadaśca pāpā''pado vyapohatu || 10 ||
[Analyze grammar]

aṇoraṇīyānmahato mahīyān viśvapūjitaḥ |
anādiśrīkṛṣṇanārāyaṇaḥ pāpaṃ vyapohatu || 11 ||
[Analyze grammar]

brahmapriyāpriyaḥ kāntaḥ śāntaḥ snehabharaḥ prabhuḥ |
haripriyāmanohārī pāyā''pado vyapohatu || 12 ||
[Analyze grammar]

muktamaṇḍalasaṃsevyo muktānikāprasevitaḥ |
kamanīyaḥ paraḥ kāntaḥ pāpā''pado vyapohatu || 13 ||
[Analyze grammar]

avatārī paripūrṇaḥ parabrahma parātparaḥ |
parāvareśaḥ paramaḥ pāpā''pado vyapohatu || 14 ||
[Analyze grammar]

śrīpatiḥ śrīdharaḥ śrīhṛt śrīmān śrīdaḥ śriyā'nvitaḥ |
śrīpādaḥ śrīhariḥ kṛṣṇaḥ pāpā''pado vyapohatu || 15 ||
[Analyze grammar]

lakṣmīpatirlakṣmīdharo lakṣmīhṛt lakṣmadā'nvitaḥ |
lakṣmīsevā'tisantuṣṭaḥ pāpā''pado vyapohatu || 16 ||
[Analyze grammar]

rādhāpatiśca rādhādhṛg rādhāhṛdrādhikā'nvitaḥ |
rādhātmā rādhikākṛṣṇaḥ pāpā''pado vyapohatu || 17 ||
[Analyze grammar]

māṇikīvāhano māṇikīśvaro māṇikīprabhuḥ |
māṇikyā'bhinavahāraḥ pāpā''pado vyapohatu || 18 ||
[Analyze grammar]

golokeśo gopikeśo gopīgopaprapūjitaḥ |
gopālakṛṣṇo godhṛṅ me pāpā''pado vyapohatu || 19 ||
[Analyze grammar]

nṛvaro nṛpatirnātho nārāyaṇo narottamaḥ |
vaikuṇṭhavāsī bhagavān pāpā''pado vyapohatu || 20 ||
[Analyze grammar]

vasudo vāsudevaśca dharmārthakāmamokṣadaḥ |
amṛtādo'mṛtado ye pāpā''pado vyapohatu || 21 ||
[Analyze grammar]

bhūmido bhūsthito bhūmā bhūmatāṃ bhāgyavardhanaḥ |
bhūsattā'vyākṛtasvāmī pāpā''pado vyapohatu || 22 ||
[Analyze grammar]

vedā'vano dharādhṛkca mandradhṛg jñānadhṛg hariḥ |
godhṛg godohano haṃsaḥ pāpā''pado vyapohatu || 23 ||
[Analyze grammar]

tāpaso vatsalaḥ sādhurbhikṣuḥ krūro'dhvaro vanī |
bālo bhiṣagvaraḥ kleśī pāpā''pado vyapohatu || 24 ||
[Analyze grammar]

samrāṭ śāstrī kṛṣṇakāntaḥ prājño'vatārakāraṇam |
āveśoṃ'śaḥ kalā bhūtiḥ pāpā''pado vyapohatu || 25 ||
[Analyze grammar]

pūrṇaḥ paro vyūha aiśo'ntaryāmyarcā svarūpakṛt |
vibhavaścaityaḥ sunyāsī pāpā''pado vyapohatu || 26 ||
[Analyze grammar]

sarvadhāmanivāso yo'nekarūpaḥ pareśvaraḥ |
jaḍacetanaśāstā me pāpā''pado vyapohatu || 27 ||
[Analyze grammar]

nārāyaṇī śrīpureśī mādhavī puruṣottamī |
kārṇīṃ śrīlalitālakṣmīḥ pāpā''pado vyapohatu || 28 ||
[Analyze grammar]

bhārgavī duḥkhahālakṣmīḥ śivarājñī ca vaiṣṇavī |
padminikā padmajā me pāpā''pado vyapohatu || 29 ||
[Analyze grammar]

kaṃbharāśrīrmahālakṣmīrvāsudevī pareśvarī |
ākṣarī śrīrbhagavatī pāpā''pado vyapohatu || 30 ||
[Analyze grammar]

pauruṣī prākṛtī devī māyeśī pārvatī prabhā |
pārabrāhmī ramā mātā pāpā''pado vyapohatu || 31 ||
[Analyze grammar]

bhūmnī padmā ca vairājī gaṃgā revā sarasvatī |
gāyatrī gomatī gopī pāpā''pado vyapohatu || 35 ||
[Analyze grammar]

sādāśaivī ca māheśī brāhmī brahmapriyā satī |
sādhvī ca svāminī cāndrī pāpā''pado vyapohatu || 33 ||
[Analyze grammar]

hiraṇmayī kānakī ca hariṇī svarṇarūpiṇī |
vaikuṇṭhā tūlasī vṛndā pāpā''pado vyapohatu || 34 ||
[Analyze grammar]

siddhā paitrī siddhirūpā camatkṛtiḥ sudhainavī |
sudhā'mṛtā pāśavatī pāpā''pado vyapohatu || 35 ||
[Analyze grammar]

prabhā saurī pārṣadānī caiśvarī devatā ratiḥ |
prītirbhaktirvratarūpā pāpā''pado vyapohatu || 36 ||
[Analyze grammar]

saumyā purātanī divyā santuṣṭā tṛptirabjikā |
kamalā'mbā śāradā me pāpā''pado vyapohatu || 37 ||
[Analyze grammar]

aindrī cānandamātrā ca cicchaktirjñānarūpiṇī |
yoginī naiṣṭhikī hṛtsthā pāpā''pado vyapohatu || 38 ||
[Analyze grammar]

mohinī nandinī padmekṣaṇorvaśī pativratā |
jananī svarṇavarṇā me pāpā''pado vyapohatu || 39 ||
[Analyze grammar]

puṇyā ca pāvanī vidyā dhanadā vittadhāriṇī |
ārttihā'bdhisutā śāntā pāpā''pado vyapohatu || 40 ||
[Analyze grammar]

bhāvajñā bhuktimuktyādipradā bhaktā'bhayaṃkarī |
sarvārdhāṃgā jīvanī śrīḥ pāpā''pado vyapohatu || 41 ||
[Analyze grammar]

saubhāgyayuktā śobhāḍhyā sarvābharaṇabhūṣitā |
sarvaśṛṃgāradīptāṃgā pāpā''pado vyapohatu || 42 ||
[Analyze grammar]

sasyalakṣmīḥ ratnalakṣmīḥ sampallakṣmīḥ kuṭumbinī |
dhānyā'nnadhāriṇī gaurī pāpā''pado vyapohatu || 43 ||
[Analyze grammar]

rohiṇī poṣaṇakartrī kanyakā navayauvanā |
rāmayitrī surāmā me pāpā''pado vyapohatu || 44 ||
[Analyze grammar]

sattvamayī sattvadātrī sattvadhrā sattvayoginī |
sāttvikī saccidānandā pāpā''pado vyapohatu || 45 ||
[Analyze grammar]

muktāśca pārṣadā bhaktā bhaktānyaḥ sādhya īśvarāḥ |
īśvarāṇyo mahāmuktā vyapohantvaghamāpadaḥ || 46 ||
[Analyze grammar]

śaṃkhaścakraṃ gadā padmaṃ kaustubho mukuṭo hareḥ |
vanamālā puṣpamālā vyapohantvaghamāpadaḥ || 47 ||
[Analyze grammar]

yaṣṭiśchatraṃ cāmaraṃ cāṃgadaśca kaṭakastathā |
śṛṃkhalā raśanā kārṣṇī vyapohantvaghamāpadaḥ || 48 ||
[Analyze grammar]

guṇaiśvaryāṇi sarvāṇi camatkārāśca siddhayaḥ |
śaktayaḥ śrīhareḥ sarvā vyapohantvaghamāpadaḥ || 49 ||
[Analyze grammar]

śālagrāmastathā śālaṃkāyanarṣiśca gaṇḍakī |
triveṇī śālavṛkṣaśca vyapohantvaghamāpadaḥ || 50 ||
[Analyze grammar]

badarī badarīvāsāḥ ṛṣayaśca naro hariḥ |
gaṃgā himāśrayo haimā vyapohantvaghamāpadaḥ || 51 ||
[Analyze grammar]

śeṣaśāyī kṣīranidhiḥ kṣīrajā śvetabhogirāṭ |
nirannamuktabhaktāśca vyapohantvaghamāpadaḥ || 52 ||
[Analyze grammar]

brahmā viṣṇuḥ śaṃkaraśca gaṇeśaśca prabhākaraḥ |
gaṇā rudrāśca rudrāṇyo vyapohantvaghamāpadaḥ || 53 ||
[Analyze grammar]

siddhā yakṣāśca gandharvāścandrastārāśca taijasāḥ |
grahāśca ketavaścāpi vyapohantvaghamāpadaḥ || 54 ||
[Analyze grammar]

haṃso garuḍo vṛṣabhaḥ siṃhaśca hariṇo gajaḥ |
śeṣaḥ śikhī ṭivyavāhā vyapohantvaghamāpadaḥ || 55 ||
[Analyze grammar]

kārtikeyo mahākālo mahāvajraṃ triśūlakam |
kāladaṇḍo hetayaste vyapohantvaghamāpadaḥ || 56 ||
[Analyze grammar]

ādityā vasavo rudrā aśvināvīśvareśvarāḥ |
dikpālā lokapālāśca vyapohantvaghamāpadaḥ || 57 ||
[Analyze grammar]

gaganaṃ sparśanaṃ tejo rasaśca pṛthivī tathā |
tanmātrāṇi tathā prāṇā vyapohantvaghamāpadaḥ || 58 ||
[Analyze grammar]

sādhyā viśve marutaśca kinnarā guhyakāstathā |
gandharvā kiṃpuruṣakā vyapohantvaghamāpadaḥ || 59 ||
[Analyze grammar]

devānāṃ mātaraścāpi gaṇānāṃ mātarastathā |
bhūtānāṃ mātaraḥ sarvā vyapohantvaghamāpadaḥ || 60 ||
[Analyze grammar]

apsarasastathā devyo rāśayastithayastathā |
pakṣā māsā vatsarāśca vyapohantvaghamāpadaḥ || 61 ||
[Analyze grammar]

jvarā rogāśca ṛtavaḥ ṛṇāni rākṣasāstathā |
daityāśca dānavā duṣṭā vyapohantvaghamāpadaḥ || 62 ||
[Analyze grammar]

sāgarāḥ saritaḥ kūpāstaḍāgāni ca dīrghikāḥ |
vāpyaḥ sarāṃsi varuṇo vyapohantvaghamāpadaḥ || 63 ||
[Analyze grammar]

gāvo yāḥ kāmavarṣiṇyaḥ kalpapūrāśca vallikāḥ |
tathā ca kalpataravo vyapohantvaghamāpadaḥ || 64 ||
[Analyze grammar]

yajñā yajñakriyāścāpi vidhayaḥ śratayo'pi ca |
ṛcaḥ sāmāni chandāṃsi vyapohantvaghamāpadaḥ || 659 ||
[Analyze grammar]

sahasraśīrṣā puruṣaḥ sahasrākṣaḥ sahasrapāt |
sahasrabāhuḥ sarvajño vyapohantvaghamāpadaḥ || 66 ||
[Analyze grammar]

pāvakaḥ pāvano vahniḥ saptārciḥ saptajihvikaḥ |
svarṇapitā brahmamukhaṃ pāpā''pado vyapohatu || 67 ||
[Analyze grammar]

dānaṃ damo dayā daivaṃ devā devyaśca sādhavaḥ |
santaḥ satpuruṣāḥ puṇyā vyapohantvaghamāpadaḥ || 68 ||
[Analyze grammar]

vṛddhā vandyā bhāgavatā bhaktāścaikāntino hareḥ |
daivajñā devapuruṣā vyapohantvaghamāpadaḥ || 69 ||
[Analyze grammar]

vratāni puṇyakarmāṇi sukṛtāni prasevanam |
sevā śraddhā bhāvanā ca vyapohantvaghamāpadaḥ || 70 ||
[Analyze grammar]

yogā jñānāni sarvāṇi satyaṃ vairāgyamīśitā |
upāsanā harerājñā vyapohantvaghamāpadaḥ || 71 ||
[Analyze grammar]

gṛhadevā grāmadevāḥ kṣetradevāśca sīmagāḥ |
dvāradevā bahirdevā vyapohantvaghamāpadaḥ || 72 ||
[Analyze grammar]

vāstudevāḥ śrāddhadevā makhadevā mahotsavāḥ |
tīrthāni devavāsāśca vyapohantvaghamāpadaḥ || 73 ||
[Analyze grammar]

devālayā mandirāṇi maṭhāḥ kathāsthalāni ca |
muktikṣetrāṇi sarvāṇi vyapohantvaghamāpadaḥ || 74 ||
[Analyze grammar]

mātaraḥ pitaraḥ śreṣṭhā bāndhavāśca satīśriyaḥ |
bhaktā bālā bālikāśca vyapohantvaghamāpadaḥ || 75 ||
[Analyze grammar]

prāyaścittāni sarvāṇi darbhāśca devahetayaḥ |
havyakavyāni daivāni vyapohantvaghamāpadaḥ || 76 ||
[Analyze grammar]

devarathā devayānā devamārgāśca devatāḥ |
ātivāhikadevāśca vyapohantvaghamāpadaḥ || 77 ||
[Analyze grammar]

vidyutaśca ghanā meghā bhūkampā ītayastathā |
balihārāśca ye devā vyapohantvaghamāpadaḥ || 78 ||
[Analyze grammar]

nidhayaśca diśāścāpi manavaśca kalāstathā |
caturdaśabhavanāni vyapohantvaghamāpadaḥ || 79 ||
[Analyze grammar]

vyāhṛtayaḥ prāṇayamā yāmyāśca dharmavaṃśajāḥ |
dharmadevaśca tatpatnyo vyapohantvaghamāpadaḥ || 80 ||
[Analyze grammar]

kuṇḍamaṇḍapadevāśca dhvajaśākhānivāsinaḥ |
samitpātrādidevāśca vyapohantvaghamāpadaḥ || 81 ||
[Analyze grammar]

sadguroścaraṇau lakṣmi caraṇāmṛtavāri ca |
gurubhuktaprasādaśca vyapohantvaghamāpadaḥ || 82 ||
[Analyze grammar]

satīpatipādavāri sādhucaraṇavāri ca |
viṣṇupādodakaṃ puṇyaṃ vyapohantvaghamāpadaḥ || 83 ||
[Analyze grammar]

satāṃ samāgamaḥ sevā''śrayaścā''jñāvacāṃsi ca |
prasannatā''śīrvādāśca vyapohantvaghamāpadaḥ || 84 ||
[Analyze grammar]

mātṛtīrthaṃ pitṛtīrthaṃ gurutīrthaṃ tathottamam |
patitīrthaṃ satītīrthaṃ vyapohantvaghamāpadaḥ || 85 ||
[Analyze grammar]

gotīrthaṃ cā'vabhṛthatīrthaṃ paṃktitīrthaṃ ca dakṣiṇam |
sanyāsatīrthaṃ mantraśca vyapohantvaghamāpadaḥ || 86 ||
[Analyze grammar]

yajñopavītakaṃ kaṇṭhī taulaseyī samarpaṇam |
ātmaniveditākhyaṃ ca vyapohantvaghamāpadaḥ || 87 ||
[Analyze grammar]

yogitvaṃ sādhutā naiṣṭhikatā śrotriyatā tathā |
brahmasattā bhaktatā ca pāvayantu hi māṃ sadā || 88 ||
[Analyze grammar]

pāvanī kuṃkumavāpī pāvanaḥ śrīnarāyaṇaḥ |
pāvanīśrīḥ pāvayantu māṃ sadā śaraṇāgatam || 89 ||
[Analyze grammar]

dharmo viṣṇuḥ śrīśca bhaktiḥ sevā māṃ pāvayantviha |
eṣaḥ samarpitaścā'smi taṃ māṃ bhaktaṃ punantviha || 90 ||
[Analyze grammar]

evaṃ stuvan named bhūmau lakṣmi pāvanavṛttimān |
āpadastasya naśyanti nivartante hyaghāni ca || 91 ||
[Analyze grammar]

vyapohanastavaṃ divyaṃ yaḥ paṭhecchṛṇuyādapi |
patraṃ puṣpādyarpayeśca śuddho bhavati tatkṣaṇāt || 92 ||
[Analyze grammar]

kanyārthī labhate kanyāṃ jayakāmo jayaṃ labhet |
arthakāmo labhedarthaṃ putrakāmaḥ sutān labhet || 93 ||
[Analyze grammar]

vidyārthī labhate vidyāṃ bhogārthī bhogamāpnuyāt |
sampadarthī sampadaśca rājyārthī rājyamāpnuyāt || 94 ||
[Analyze grammar]

svargārthī svargamādadyānmokṣārthī mokṣamāpnuyāt |
duḥkhanāśābhilāṣī ca duḥkhanāśamavāpnuyāt || 95 ||
[Analyze grammar]

patyarthinī patiṃ ramyaṃ dhanārthinī dhanaṃ labhet |
sukhārthinī sukhaṃ cāpi saubhāgyaṃ labhate tathā || 96 ||
[Analyze grammar]

yaśo'rthinī yaśaścāpi prādhānyaṃ labhate tathā |
yān yānarthayate kāmān sarvānavāpnuyāt stavī || 97 ||
[Analyze grammar]

paṭhyamānamidaṃ puṇyaṃ yamuddiśya tu paṭhyate |
tasya rogā na bādhante vātapittādisaṃbhavāḥ || 98 ||
[Analyze grammar]

nā'mṛtyurbhavettasya na daṃṣṭrāviṣasaṃgamaḥ |
nā'kāladuḥkhavāṃścāpi bhaved vyapohanastavī || 99 ||
[Analyze grammar]

sarvatīrthaprapuṇyāni yajñapuṇyāni yāni ca |
dānavratānāṃ puṇyāni labhed vyapohanastavī || 100 ||
[Analyze grammar]

goghnaḥ kṛtaghno vīrahā brahmahā bālahā tathā |
śaraṇāgatahā mitraviśvāsaghātako'pi ca || 101 ||
[Analyze grammar]

mātṛhā pitṛhā nārīhā tathā paśughātakaḥ |
vyapohya sarvapāpāni śuddho bhavati saṃstavī || 102 ||
[Analyze grammar]

bhaktiṃ kṛtvā sarvapuṇyo yāti mokṣapradaṃ tataḥ |
agatikasya gatidaṃ stotraṃ vyapohanaṃ tvidam || 103 ||
[Analyze grammar]

lakṣmi stutvā'nena māṃ tu namet praprārthayettataḥ |
dhyātvā brahmamayo bhūtvā mucyate bandhanāditaḥ || 104 ||
[Analyze grammar]

etaduccārya bhāvena stotavyaṃ nāvaśiṣyate |
tasmādāpatprade kāle vyapohanaṃ samuccaret || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sarvā''patpāpabandhanādināśārthakaṃ vyapohanastavanamuktamiti saptaṣaṣṭyadhikaśatatamo'dhyāyaḥ || 167 ||
[Analyze grammar]