Chapter 155

śrīnārāyaṇīśrīruvāca |
manavo ye bhavatoktāḥ kimeśā lokapūjitāḥ |
caturdaśeti teṣāṃ cotpattiṃ kṛṣṇa vadātra me || 1 ||
[Analyze grammar]

śrīpuruṣottama uvāca |
manavo vai madaṃśāste kalpe kalpe caturdaśa |
bhavanti sarvarājyeśā dharmapravartakā api || 2 ||
[Analyze grammar]

nyāyapravartakāścāpi caturdaśastarādhipāḥ |
mayaiva kalpitāḥ sarve vartante nijakarmasu || 3 ||
[Analyze grammar]

svāyaṃbhuvaḥ svārociṣa auttamastāmasastathā |
raivataścākṣuṣaścāpi vaivasvatastu saptamaḥ || 4 ||
[Analyze grammar]

sāvarṇirdakṣasāvarṇirbrahmasāvarṇirityapi |
dharmasāvarṇiśca rudrasāvarṇirdvādaśaḥ smṛtaḥ || 5 ||
[Analyze grammar]

devasāvarṇistathendrasāvarṇivaiṃ caturdaśaḥ |
pratyekasya manorāyuḥ sādhikāstvekasaptatiḥ || 6 ||
[Analyze grammar]

caturdaśamanūnāṃ tu sahasrasādhikā sthitiḥ |
sahasrasādhikāścāpi dinamekaṃ tu vedhasaḥ || 7 ||
[Analyze grammar]

sahasrasādhikāścānyā rātrirekā ca vedhasaḥ |
sādhikādvayasāhasrānte prātaḥ sṛṣṭidānavā || 8 ||
[Analyze grammar]

pātālāt svargaparyantā daśalokātmikī bhavet |
pūrve bahusabhā devanadyāstaṭe tu vaiṣṇavam || 9 ||
[Analyze grammar]

yāgaṃ cakāra dharmātmā dharmatapā mahānṛṣiḥ |
nāmnā dharmatapāstasya prasanno'haṃ narāyaṇaḥ || 10 ||
[Analyze grammar]

varadānaṃ dadau tasya vāñcchānusāramuttamam |
pravṛttāvapi nivṛttiṃ vāñchitāṃ tena śobhanām || 11 ||
[Analyze grammar]

mayā tapaḥphalaṃ yajñaphalaṃ manvantarasthalam |
prathamaṃ dattamasmai vai so'yaṃ svāyaṃbhuvo'bhavat || 12 ||
[Analyze grammar]

brahmaṇo mānasaḥ putraḥ prajāpālanatatparaḥ |
śatarūpāṃ satīṃ nārīṃ patnītve jagṛhe sa ca || 13 ||
[Analyze grammar]

priyavratottānapādau tayoḥ putrau babhūvatuḥ |
atha vipro vāraṇākhyo varaṇāsaritastaṭe || 14 ||
[Analyze grammar]

tasya buddhiriyaṃ tvāsīd drakṣyāmyahaṃ vasundharām |
tāvattasya gṛhe sādhurvyomago'tithirāyayau || 15 ||
[Analyze grammar]

nāmnā khākhapadastasmai bhojanaṃ pradadau dvijaḥ |
yātrārthaṃ ca manaścakre tadā sādhuruvāca tam || 16 ||
[Analyze grammar]

mantrauṣadhīliptapādo bhūtvā vihara golakam |
ityuktvā piṣṭamevāsyauṣadhaṃ pādadvaye dadau || 17 ||
[Analyze grammar]

sahasraṃ yojanānāṃ hi dinārdhenāmbare dvijaḥ |
yayau tuṣārabhūmyadrau jalapṛthvyāmavātarat || 18 ||
[Analyze grammar]

kṣālito'bhūtpādalepaḥ paramauṣadhikodbhavaḥ |
gantuṃ cākāśamārgeṇā'samartho bhūtale sthitaḥ || 19 ||
[Analyze grammar]

taṃ dadarśā'psarovaryā varūthinītināmataḥ |
mumoha cintayāmāsa sevāṃ kartuṃ hṛdantare || 20 ||
[Analyze grammar]

puro gatvā cātibhaktyā dharmeṇa ca vratena ca |
śīlenāpi satīrītyā sevayāmāsa taṃ hi sā || 21 ||
[Analyze grammar]

dvijastuṣṭo varadānaṃ dadau tasyai prajāvatī |
bhava putravatī pautravatī trailokyapūjitā || 22 ||
[Analyze grammar]

ityāśiṣaṃ pradatvaiva dvijaḥ sasmāra māṃ tathā |
vahniṃ prāha praṇipatya gārhapatyamupāṃśunā || 23 ||
[Analyze grammar]

brahmarūpaḥ kṛṣṇarūpo rakṣako bhava cānala |
yathā'hamadya svaṃ gehaṃ paśyeyaṃ sati bhāskare || 24 ||
[Analyze grammar]

yathā vai sādhavaḥ santaścābhyāgatāḥ prasevitāḥ |
yathā ca vaidikaṃ karma svakāle nojjhitaṃ mayā || 25 ||
[Analyze grammar]

yathā ca na paradravye paradārāsu me matiḥ |
yayā nārāyaṇo nityaṃ pūjitaḥ parameśvaraḥ || 26 ||
[Analyze grammar]

tena satyena māṃ vahne svaṃ gṛhaṃ prāpayā'tha vai |
evaṃ tu vadatastasya gārhapatyānalaḥ svayam || 27 ||
[Analyze grammar]

āyayau purato meṣātmakaḥ pakṣānvitastataḥ |
dvijaścāruhya tatpṛṣṭhe prāpa naijaṃ gṛhaṃ drutam || 28 ||
[Analyze grammar]

varūthinyapi taṃ vipraṃ natvā''śīrvādasaṃyutā |
prāpa divyaṃ sugandharvaṃ devakeliṃ tu nāmataḥ || 29 ||
[Analyze grammar]

tasmād garbhaṃ dadhārā'pi viprāśīrvādavarcasam |
jajñe sa bālo dyutimān jvalanniva vibhāvasuḥ || 30 ||
[Analyze grammar]

svarocibhiryato bhāti svarocirnāmato'bhavat |
svarociśca vimānenā'mbare vinirjagāma ha || 31 ||
[Analyze grammar]

manoramā sarid yā'bhūt kanyakendīvarasya vai |
gandharvasya purā devī vaiṣṇavī tapasā'bhavat || 32 ||
[Analyze grammar]

sāptasārasvate kṣetre sarasvatī manoramā |
sarayūsaṃgamā sādhvī cakame sā svarociṣam || 33 ||
[Analyze grammar]

prārthayāmāsa patnyarthaṃ dharmeṇa vinayena tam |
patiṃ kṛtvā tena sākaṃ tadgṛhaṃ prayayau sarit || 34 ||
[Analyze grammar]

tayā sākaṃ vimānena vaneṣūpavaneṣu ca |
vicarannaikadā'raṇye mṛgīṃ dadarśa śobhanām || 35 ||
[Analyze grammar]

divyāṃ divyaguṇopetāṃ nirbhayāṃ niścalasthitām |
samīpe cāgatāṃ tāṃ ca pasparśa dakṣapāṇinā || 36 ||
[Analyze grammar]

mṛgī sā tu tirobhūya jātā divyā hi devatā |
tataḥ sa vismayāviṣṭaḥ kā tvamityabhyabhāṣata || 37 ||
[Analyze grammar]

sā cā'smai kathayāmāsa vanasyā'syā'smi devatā |
ahaṃ ca prārthitā devaiḥ preṣitā tvāṃ prati sthitā || 38 ||
[Analyze grammar]

utpādanīyo hi manustvayā mayi mahāmate |
ityuktaḥ svarocireva jagrāha tāṃ nijapriyām || 39 ||
[Analyze grammar]

tasyāṃ ca janayāmāsa putraṃ tejasvinaṃ tadā |
tatkṣaṇājjātamātrasya devavādyāni sasvanuḥ || 40 ||
[Analyze grammar]

jagurgandharvapatayo nanṛtuścāpsarogaṇāḥ |
pitā bālasya svanāmnā nāma svārociṣaṃ vyadhāt || 41 ||
[Analyze grammar]

svārociṣo manurlakṣmi bhavitā dvitīyo manuḥ |
padminī nāma yā vidyā lakṣmīryasyāstu devatā || 42 ||
[Analyze grammar]

yadādhārāśca nidhayastāmadhyagāt samastataḥ |
yayā tu jñāyate bhūmau padmādinidhayaḥ sphuṭāḥ || 43 ||
[Analyze grammar]

devatānāṃ prasādena sādhusaṃsevanena ca |
nidhibhiścārpitaṃ vittaṃ mānuṣye'pi vivardhate || 44 ||
[Analyze grammar]

padmaścāpi mahāpadmo makaraḥ kacchapastathā |
mukundo nandakaścāpi nīlaḥ śaṃkhaśca te manoḥ || 45 ||
[Analyze grammar]

gṛhe evā'bhavannityaṃ sarvecchāparipūrakāḥ |
dravyaṃ ratnāni śastrāṇi rasā vādyaṃ ca dhātavaḥ || 46 ||
[Analyze grammar]

dhānyāni bhogaśṛṃgārā manordivyāḥ sadā'bhavan |
atha lakṣmi manuṃ cāpi tṛtīyaṃ śṛṇu śobhanam || 47 ||
[Analyze grammar]

uttānapādaputro'bhūduttamo nāma nāmataḥ |
surucyāstanayaḥ khyāto babhau bhānuparākramaḥ || 48 ||
[Analyze grammar]

bābhravyāṃ bahulāṃ nāma copayeme sa dharmavit |
viṣṇubhaktiparaḥ so'pi tayā sākaṃ tu saṃyayau || 49 ||
[Analyze grammar]

śeṣanārāyaṇaṃ draṣṭuṃ pupūja śrīnarāyaṇam |
śeṣaṃ cāpi pupūjā'sau śeṣaputrīṃ pupūja ha || 50 ||
[Analyze grammar]

dadāvābhūṣaṇānyasyai kalyāṇyai sā tutoṣa ha |
kalyāṇī śeṣaputrī ca dadāvāśīrvacaḥ śubham || 51 ||
[Analyze grammar]

tava putro mahāvīryo patnyāmasyāṃ bhaviṣyati |
manvantareśvaro dhīmānavyāhatasucakrakaḥ || 22 ||
[Analyze grammar]

tato rājño'bhavat kāle prāpte putrottamaḥ sutaḥ |
devadundubhayo neduḥ puṣpavṛṣṭiḥ papāta ha || 13 ||
[Analyze grammar]

auttamaśceti munayo nāma cakruḥ samāgatāḥ |
uttamasya sutaḥ so'yaṃ nāmnā khyātaḥ sadauttamaḥ || 54 ||
[Analyze grammar]

manutve sthāpayiṣyanti tamenamṛṣayaḥ surāḥ |
atha lakṣmi caturthaṃ tu manuṃ vakṣyāmi taṃ śṛṇu || 55 ||
[Analyze grammar]

rājā'bhūd bhuvi vikhyātaḥ svarāṣṭro nāma vīryavān |
tapastepe bahukālaṃ vitastāpuline hi saḥ || 96 ||
[Analyze grammar]

tasya bhāryā satī rājñī yoginī rūpadhāriṇī |
mṛgī bhūtvā vane cāste nityaṃ rājñastu sannidhau || 57 ||
[Analyze grammar]

brahmacaryaparo rājā śuśrāva vyomaśāradām |
rājaṃstapobalenā'syāmutpalāyāṃ striyāṃ tava || 568 ||
[Analyze grammar]

putro divyo hi bhavitā manurnāmnā hi tāmasaḥ |
tataścā'syai dehi bījaṃ lokopakārakāraṇāt || 59 ||
[Analyze grammar]

śrutvaivaṃ ca ṛtumatyai cotpalāyai nṛpo dadau |
saṃgamaṃ sparśamātraṃ vai garbhamāpotpalāvatī || 60 ||
[Analyze grammar]

tataḥ sā suṣuve putraṃ mṛgīdehotpalāvatī |
tatastasyarṣayaḥ sarve sametya kānane tadā || 61 ||
[Analyze grammar]

avekṣya mātaraṃ tāṃ tu tāmasīṃ hariṇīṃ khalu |
tāmaso'yaṃ bhavatveva nāmnā manuścaturthakaḥ || 62 ||
[Analyze grammar]

so'yaṃ putro'pi sahasā samārādhya hi bhāskaram |
avāpya divyānyastrāṇi sasaṃhārāṇyaśeṣataḥ || 63 ||
[Analyze grammar]

rājiṣyate manurbhūtvā tāmasākhyo manuḥ rame |
atha lakṣmi manuṃ cāpi pañcamaṃ śṛṇu vacmi te || 64 ||
[Analyze grammar]

ṛṣirāsīnmahābhāgaḥ ṛtavāgiti nāmataḥ |
revatyante'bhavattasya durbhāgyo rogavardhanaḥ || 65 ||
[Analyze grammar]

putro tenāpi ṛṣirāḍ dīrgharogamavāpa ha |
ṛtavāg revatīṃ prāha tava yogena me sutaḥ || 66 ||
[Analyze grammar]

duḥśīlo rogadā jātaḥ patasvā''śu hi revati |
tenaivaṃ vyāhṛte śāpe revatyṛkṣaṃ papāta ha || 67 ||
[Analyze grammar]

saurāṣṭre kumudādrau vai vastrāpathe mama sthale |
kumudādriśca tatpātāt khyāto raivatako'bhavat || 68 ||
[Analyze grammar]

raivatādrau revatī sā kanyā jātā sarovare |
pramuco nāma munirāṭ kanyāṃ cāśramasannidhau || 69 ||
[Analyze grammar]

navotpannāṃ hi jagrāha poṣayāmāsa putrikām |
atha kālāntare tatra durgamo nāma bhūpatiḥ || 70 ||
[Analyze grammar]

āyayau cāhvayāmāsa priyāṃ ceti hi revatīm |
pramuco nijaputrīṃ tāṃ durgamāya dadau tadā || 71 ||
[Analyze grammar]

tatra tapaḥprabhāveṇa revatyṛkṣaṃ yathā'mbare |
somayogi vyadhāt prāgvajjāmātaramathā'bravīt || 72 ||
[Analyze grammar]

audvāhikaṃ te bhūpāla kathyatāṃ kiṃ dadāmyaham |
rājā''harṣe prasādātte manuṃ putraṃ vṛṇomyaham || 73 ||
[Analyze grammar]

ṛṣiḥ prāha tathā'stvevaṃ manuste tanayo bhavet |
tāmādāya yayau rājā cāśvapaṭṭasarovaram || 74 ||
[Analyze grammar]

snātvā māṃ saṃprapūjyaiva natvā ca lomaśaṃ munim |
durgamo durganagaraṃ yayau gaṃgāvatītaṭe || 75 ||
[Analyze grammar]

tataścā'jāyata putro revatyāṃ raivato manuḥ |
kalpāntare sūryaputro revanto'pi bhaviṣyati || 76 ||
[Analyze grammar]

evaṃ lakṣmi raivato'yaṃ bhavitā pañcamo manuḥ |
kathitaste tataḥ ṣaṣṭhaṃ manuṃ śṛṇu vadāmyaham || 77 ||
[Analyze grammar]

pūrvajanmani jāto'sau cakṣuṣaḥ parameṣṭhinaḥ |
cākṣuṣatvamatastasya janmanyasminnapi priye || 78 ||
[Analyze grammar]

jātismaraḥ sa jāto'tra māturutsaṃgamāsthitaḥ |
avanīndrakṣatriyasya giribhadrākhyayoṣitaḥ || 79 ||
[Analyze grammar]

giribhadrāśayanāttamādade jātahāriṇī |
rājño vikrāntanāmnaśca haiminiyoṣito gṛhe || 80 ||
[Analyze grammar]

nyasya taṃ tatrajanmānaṃ bālaṃ cādāya niryayau |
rājabālaṃ bodhavipragṛhe nyasya tadarbhakam || 81 ||
[Analyze grammar]

viprabālaṃ jahārā'pi bhakṣayāmāsa rākṣasī |
evaṃ rājagṛhe rājñīparyaṃke vardhito'pi saḥ || 82 ||
[Analyze grammar]

ānandanāmnā vikhyāto'bhavattatho'rthamānasaḥ |
tapastepe cātitīvraṃ brahmā tvāgatya sannidhau || 83 ||
[Analyze grammar]

cākṣuṣetyāha taṃ brahmā tapaso vinivartayan |
manuṃ ṣaṣṭhaṃ vyadhāt so'yaṃ bhavitā ṣaṣṭhako manuḥ || 84 ||
[Analyze grammar]

atha lakṣmi saptakaṃ te manuṃ vadāmi saṃśṛṇu |
sūryabhāryā viśvakarmasutā saṃjñeti viśrutā || 85 ||
[Analyze grammar]

vaivasvataṃ śubhaṃ putraṃ tasyāmajanayat raviḥ |
vaivasvato hyayaṃ lakṣmi bhavitā saptamo manuḥ || 86 ||
[Analyze grammar]

pūrvasavarṇajātatvāt sāvarṇiriti viśrutaḥ |
athā'ṣṭamaṃ manuṃ vacmi śṛṇu nārāyaṇi priye || 87 ||
[Analyze grammar]

svārociṣe'ntare pūrve rājā'bhūt surathābhidhaḥ |
jagāma sa vanaṃ duḥkhī śatrubhiḥ samare jitaḥ || 88 ||
[Analyze grammar]

athā''yayau tatra duḥkhī vaiśyaḥ samādhināmakaḥ |
rājā taṃ duḥkhitaṃ dṛṣṭvā papraccha kinnu śocasi || 89 ||
[Analyze grammar]

uvāca nṛpatiṃ vaiśyastava rājye'bhavaṃ sukhī |
putradārairnirasto'dha dhanalobhādasādhubhiḥ || 90 ||
[Analyze grammar]

vihīnaśca dhanairdāraiḥ putrairādāya me dhanam |
vayamabhyāgato duḥkhī nirastaścāptabandhubhiḥ || 91 ||
[Analyze grammar]

so'haṃ na vedmi putrāṇāṃ kuśalākuśalāsthitim |
nārīṇāṃ svajanānāṃ ca kanyānāṃ ca kuṭumbinām || 92 ||
[Analyze grammar]

kinnu teṣāṃ gṛhe kṣemamakṣemaṃ kinnu sāmpratam |
kathante kinnu sadvṛttā durvṛttāḥ kinnu me sutāḥ || 92 ||
[Analyze grammar]

rājā prāha nirasto yairbhavān dārasutādibhiḥ |
teṣu kiṃ bhavataḥ snehamanubadhnāti mānasam || 94 ||
[Analyze grammar]

vaiśya āha evametat tathāpi duḥkhadaṃ manaḥ |
kiṃ karomi hi māyāpi manasteṣu pradhāvati || 95 ||
[Analyze grammar]

yaiḥ santyajya pitṛsnehaṃ dhanalubdhairnirākṛtaḥ |
patisvajanahārdaṃ ca hārditeṣvapi me manaḥ || 96 ||
[Analyze grammar]

jānāmi viparītāṃstān jānannapi tyajāmi na |
yatpremapravaṇaṃ cittaṃ viguṇeṣvapi bandhuṣu || 97 ||
[Analyze grammar]

teṣāṃ kṛte me niḥśvāsā daurmanasyaṃ ca jāyate |
karomi kiṃ yanna manasteṣvaprītiṣu niṣṭhuram || 98 ||
[Analyze grammar]

divāndhāḥ prāṇinaḥ kecid rātrāvandhāstathā'pare |
keciddivā tathā rātrau prāṇinastulyadṛṣṭayaḥ || 99 ||
[Analyze grammar]

jñānavanto'pi jāyante mohāndhā duḥkhaduḥkhinaḥ |
niḥsvārthāḥ paśavaścāpi pakṣiṇo'pi tathāvidhāḥ || 100 ||
[Analyze grammar]

kliśyanti dāraputrārthaṃ tulyā mṛgāśca mānavāḥ |
māyayā mamatāgarte mohāvartte bhramanti vai || 101 ||
[Analyze grammar]

saiṣā tu viṣṇubhaktānāṃ varadā muktaye matā |
sā vidyā paramā mukterhetubhūtā sanātanī || 102 ||
[Analyze grammar]

saṃsārabandhahetuḥ sā hyabhaktānāṃ vimohinī |
nityā sā jagadambā vai jagadātmā bhaviṣyati || 103 ||
[Analyze grammar]

yoganidrātmikā cāpi viṣṇukṣetre pravartate |
tapasā sādhyate māyā mokṣadātrī bhavatyapi || 104 ||
[Analyze grammar]

ityevaṃ nṛpa vaiśyau tau saha vai jñānakāriṇau |
tepaturvai tapastīvraṃ lakṣmīṃ smṛtvā narāyaṇam || 105 ||
[Analyze grammar]

darśanaṃ ca dadau tābhyāṃ lakṣmīrnārāyaṇānvitā |
varadānaṃ dadau rājñe mṛtvā janma labhiṣyasi || 106 ||
[Analyze grammar]

sūryāt sāvarṇiko nāma manurbhavān bhaviṣyasi |
vaiśyo'yaṃ jñānavān sampatsukhavāṃśca bhaviṣyati || 107 ||
[Analyze grammar]

iti datvā tayorlakṣmīryathābhilaṣitaṃ varam |
babhūvāntarhitā sadyo bhaktyā tābhyāmabhiṣṭutā || 108 ||
[Analyze grammar]

evaṃ lakṣmyā varaṃ prāpya surathaḥ kṣatriyottamaḥ |
sūryaputraḥ sa sāvarṇirbhavitā manuraṣṭamaḥ || 109 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne 'ṣṭamanūnāṃ janmādivarṇananāmā pañcapañcāśadadhika śatatamo'dhyāyaḥ || 155 ||
[Analyze grammar]