Chapter 154

śrīpuruṣottama uvāca |
śṛṇu nārāyaṇīśri tvaṃ sarojinīkathāṃ śubhām |
purā kanyā'bhavat kuṃbhakārasya kardamārthinī || 1 ||
[Analyze grammar]

ghaṭādisarvabhāṇḍānāṃ racanāya tu mṛttikām |
samānayati yogyāṃ ca gardabhādyaistu vāhanaiḥ || 2 ||
[Analyze grammar]

mātrā pitrā samaṃ bhrātrā kvacit svasrā kumārikā |
varayogyā'pi sā naiveyeṣa vai varituṃ tataḥ || 3 ||
[Analyze grammar]

pitṛgṛhe'vasat sādhvī brahmacaryaparāyaṇā |
vṛddhasevāparā cāpi śīladharmaparāyaṇā || 4 ||
[Analyze grammar]

vyavasāye nije raktā tuṣṭā svalpaiśca vastubhiḥ |
nirdhanasya gṛhe bhūtā tato vāñcchā na vardhate || 5 ||
[Analyze grammar]

svabhāvatoṣayuktā vai vartate sādhvikā yathā |
atha kāle gatā mātā nāmnā ghoṇāvatī jvaram || 6 ||
[Analyze grammar]

samāsādya yayau svargaṃ sarojinī śuśoca ha |
mātṛsamaṃ sukhaṃ nāsti nāstyādhāraḥ prasūprakhaḥ || 7 ||
[Analyze grammar]

kanyānāṃ sarvadā mātā svargaṃ gṛhe virājate |
api nirdhanabālānāṃ dhanaṃ mātā paraṃ matam || 8 ||
[Analyze grammar]

adatvā nijabālāyai bhuṃkte pibati no prasūḥ |
asmṛtvā na dinaṃ yāti māturnijodbhavātmajān || 9 ||
[Analyze grammar]

vismṛtau vāpi nidrāyāṃ samāhvayati bālakān |
devavat poṣaṇaṃ mātā karoti sevate nijān || 10 ||
[Analyze grammar]

māturutsaṃga evā''ste'mṛtaṃ vai pakṣiṇāmapi |
aṇḍānyapi prapuṣyanti sadā mātrudaroṣmaṇā || 11 ||
[Analyze grammar]

viyoge kṣaṇamātraṃ vā mātā sukhaṃ na vindati |
sā mātā svargagā cā'dya pitā vṛddho bhavatyapi || 12 ||
[Analyze grammar]

so'pi putrādhīnavṛttirgamiṣyatyapyato divam |
tato mayā sadā stheyaṃ bhrātṛjāyākare bhavet || 13 ||
[Analyze grammar]

asnehena nivāso'pi nirayo'tra hi gocaraḥ |
kiṃ kāryaṃ vai mayā tvadya kartavyaṃ kiṃ tathottare || 14 ||
[Analyze grammar]

ityevaṃ nityameveyaṃ śocatyeva virāgiṇī |
atha dvādaśake śrāddhe mahīmānāḥ samāyayuḥ || 135 ||
[Analyze grammar]

sambandhināṃ ca sambandhavanto'pi jñātiyoginaḥ |
tatraikena kṛtā vāñcchā sarojinyarthameva ha || 16 ||
[Analyze grammar]

pitā niveditastasyā so'pi prasvīcakāra tat |
vāgdānena pradattā sā kanyakā kuṃbhakāriṇe || 17 ||
[Analyze grammar]

nāmnā nāladharāyeti pitrā cakraidhasaṃjñinā |
atha yogye kṣaṇe kanyā vivāhitā sumaṃgalaiḥ || 18 ||
[Analyze grammar]

kanyā'pi sā prasannābhūcchokaṃ tatyāja sarvathā |
yayau gṛhaṃ svāmino vai bhogān bhuṃkte sukhasthitā || 19 ||
[Analyze grammar]

kintu śārīracihnāni kanyāyāḥ kāntahāni vai |
śmaśruścauṣṭhasya dairghyaṃ ca tathā cipiṭanāsikā || 20 ||
[Analyze grammar]

kekarākṣī padāṃguṣṭhānāmike spṛśato na kṣmām |
etādṛśī gṛhāyātā yadā patyustadā kṣaṇāt || 21 ||
[Analyze grammar]

patirjvaraṃ samāpede kṛśatāṃ prāpya vai mṛtaḥ |
vidhavā sā ca sañjātā śārīracihnadoṣataḥ || 22 ||
[Analyze grammar]

atha pitṛgṛhaṃ prāptā bhrātṛbhiścābhirakṣitā |
anapatyā nirādhārā śocati sma nijāṃ muhuḥ || 23 ||
[Analyze grammar]

varṣottare punaścānyakuṃbhakāreṇa cārthitā |
pitrā vivāhitā sāpi punaḥ patyurgṛhaṃ yayau || 24 ||
[Analyze grammar]

sukhaṃ bhuṃkte'dhikaṃ sā tu pūrvato'pi sukhigṛhe |
kintu cihnapratāpena grahadoṣaistathā punaḥ || 5 ||
[Analyze grammar]

patistasyā dvitīyo'pi mṛto nāmnā hi ratnakaḥ |
anapatyaiva sā taṃ ca śuśoca satpatiṃ muhuḥ || 26 ||
[Analyze grammar]

bhāgyaṃ nijaṃ śuśocāpi punaḥ pitṛgṛhaṃ yayau |
pitā'pi pūrṇakālaḥ san mṛtyuvaśaṃ tato gataḥ || 27 ||
[Analyze grammar]

bhrātradhīnā'bhavat sā'pi sarojinī tataḥ param |
varṣottaraṃ tṛtīyena kuṃbhakāreṇa vāñchitā || 28 ||
[Analyze grammar]

bhrātrā'rpitā yayau tasyāḥ patyurgṛhaṃ sarojinī |
sukhaṃ prāptā pūrvato'pi viśeṣaṃ tatra vatsaram || 29 ||
[Analyze grammar]

tṛtīyo'pi mṛto lāladāsākhyaḥ svapatistataḥ |
śuśocā'tīva manasā bhāgyaṃ dhikkurvatī hi sā || 30 ||
[Analyze grammar]

atha bhrātṛgṛhaṃ prāptā duḥkhena vartate sadā |
punarvarṣāntare cā'nyakuṃbhakāreṇa cā'rthitā || 31 ||
[Analyze grammar]

vidhinā svāgrajadattā yayau patyurgṛhaṃ hi sā |
varṣamātraṃ sukhaṃ prāptā caturtho'pi patirmṛtaḥ || 32 ||
[Analyze grammar]

punarbhrātṛgṛhaṃ prāptā nirapatyā'tiduḥkhitā |
parādhīnā ca divasān duḥkhān nirgamayatyapi || 33 ||
[Analyze grammar]

athaikadā bhrātṛjāyā dideśa kaccarārthinī |
āmapātrāṇi paktuṃ vai kaccarendhanahetave || 34 ||
[Analyze grammar]

yāhi sīmni cendhanāni samidhaḥ patrakaccaram |
kāṇḍakāṣṭhāni nālāni bhraṣṭryarthaṃ tvaṃ samānaya || 35 ||
[Analyze grammar]

sarojinī jvarārtā'bhūttadaiva śītadūṣitā |
niṣiṣedha pragantuṃ ca suptā'bhavad bhuvastale || 36 ||
[Analyze grammar]

atha kruddhā bhrātṛjāyā gālīdānaṃ cakāra ha |
sā śrutvā na pratyuvāca yato jvarābhiduḥkhinī || 37 ||
[Analyze grammar]

āhūtā'pi na cāyāti yadā sarojinī tadā |
bhrātṛjāyā kuṭīṃ gatvā dhṛtvā haste sarojinīm || 38 ||
[Analyze grammar]

vicakarṣa balāccāpi dideśā''hartumindhanam |
na yāsyāmīti cukrośa sarojinī jvarānvitā || 39 ||
[Analyze grammar]

tatāḍa bhrātṛjāyāṃ ca sā'pi tatāḍa tāṃ mithaḥ |
keśākeśi tayoryuddhaṃ sākrośaṃ samabhūttadā || 40 ||
[Analyze grammar]

pārśvavāsāḥ praśrutvā'pi militāstadgṛhe'bhavan |
kuṭumbinaḥ samāyātā grāmīṇāḥ suhṛdo'pi ca || 41 ||
[Analyze grammar]

sarve sāmnā vividhena kleśaṃ śāntaṃ pracakrire |
atha vairaṃ tayorjātaṃ nityaṃ netraruṣā'dhikam || 42 ||
[Analyze grammar]

netrayoścāpi yuddhaṃ vai jāyate nityaśastataḥ |
vācāṃ yuddhaṃ gālikābhiḥ kalahaścāpi jāyate || 43 ||
[Analyze grammar]

evaṃ dineṣu yāteṣu bhrātā kālavaśaṃ gataḥ |
rakṣitā'syā naiva cāsti bhrātṛjāyā suputriṇī || 44 ||
[Analyze grammar]

prasahya tāṃ gṛhānniṣkāsayāmāsa nijāttataḥ |
sāpi prauḍhasthitistyaktvā grāmaṃ nadītaṭe'svapat || 45 ||
[Analyze grammar]

svapnaṃ dadarśa tatraiva duḥkhahetuṃ purākṛtam |
svāṃ dadarśa ghātakartrīṃ niṣādinīṃ purābhave || 46 ||
[Analyze grammar]

svagṛhe vikrayārthaṃ sā hanti vai barkaraṃ tvajam |
bahūn sā barkarān hatvā karoti codarabhṛtim || 47 ||
[Analyze grammar]

evaṃvidhāṃ ghātakinīṃ svāṃ vilokya mṛtā'bhavat |
yamapūryāṃ tato yātā bhuktvā duḥkhāni tatra ca || 48 ||
[Analyze grammar]

piśācinī tato bhūtvā sahasravarṣameva ha |
kuṃbhakāragṛhe jātā sarojinī bhavāmyaham || 49 ||
[Analyze grammar]

ityevaṃ svapnameveyaṃ dṛṣṭavatī nadītaṭe |
samuttasthau tataśceyaṃ karmaphalaṃ bubodha ha || 50 ||
[Analyze grammar]

pūrvakṛtaṃ hi paścādvai prāpyate sarvadehibhiḥ |
mayā pūrve hatāścā'jāstena naśyanti me varāḥ || 51 ||
[Analyze grammar]

patayo me sarva eva mriyante mama karmabhiḥ |
ato mayā bhikṣukinyā bhūtvā gantavyameva ha || 52 ||
[Analyze grammar]

vicāryetthaṃ karmapīḍāṃ grahapīḍāṃ svabhāvajām |
pīḍāṃ pūrvaphalaṃ matvā sādhvyāśramaṃ vane yayau || 53 ||
[Analyze grammar]

yatra sannyāsinī divyā rājate śrīsatīśvarī |
sahasraśiṣyāsaṃyuktā vaiṣṇavī brahmacāriṇī || 54 ||
[Analyze grammar]

divyatejomayī mūrtirdarśanātpāpanāśinī |
anādiśrīkṛṣṇanārāyaṇabhaktiparāyaṇā || 55 ||
[Analyze grammar]

dūraśravaṇadṛṣṭyādicamatkārayutā śubhā |
paraduḥkhaharā yogābhyāsaparā jitendriyā || 56 ||
[Analyze grammar]

yadāśrame na puruṣāḥ praviśanti kadācana |
kāściddhomaparā yajñopavītinyaśca kanyakāḥ || 57 ||
[Analyze grammar]

kāściddhyānaparāḥ santi mālājapaparāyaṇāḥ |
kāścittapaḥparā sādhvyo jaṭāsamastaśobhanāḥ || 58 ||
[Analyze grammar]

nirambarā vṛkṣaśālaparāścarmaparāstathā |
patravaṃśakaṭavastrāḥ kambalādiparāstathā || 59 ||
[Analyze grammar]

sarvābrahmaparāḥ satyaḥ sādhvyaḥ kṛṣṇavratānvitāḥ |
sākṣāt kṛṣṇe kṛtasnehā muktimārgaparāyaṇāḥ || 60 ||
[Analyze grammar]

vāyusūryaśaśidevā vahnayo'pi spṛśanti na |
sakanyāste pravartante tāsāṃ vāseṣu sevakāḥ || 61 ||
[Analyze grammar]

vairaṃ mṛge mṛgarāje svābhāvikaṃ na yatra vai |
kāmakrodhādayo yatra nijabhāvaṃ tyajanti vai || 62 ||
[Analyze grammar]

yuvatvaṃ yatra nāstyeva vidyamānaṃ tu sāttvikam |
nirguṇatvaṃ bhajate'tra satīnāmāśrame śubhe || 63 ||
[Analyze grammar]

rājasvalyaṃ satīnāṃ vai tapasā līnatāṃ gatam |
divyadehā virājante devyo yathā cidambare || 64 ||
[Analyze grammar]

jalavahnibāṣpakuṇḍā yatra śītoṣṇayoginaḥ |
siddhayo yatra vartante vacaḥsaṃkalpamānase || 65 ||
[Analyze grammar]

kāścid devyo gahvarasthāḥ kāścit kuṭīgatā api |
kāścid vyomakṛtāvāsā viharantyapi cāmbare || 66 ||
[Analyze grammar]

kāścid vedasya vetryaśca kāścit karmaṭhikā api |
kāścit sāmaparāḥ satyaḥ kāścidṛcāṃ prabodhikāḥ || 67 ||
[Analyze grammar]

kāścid jñānaparā nityaṃ bahurūpadharāstathā |
samādhisthā aparāśca rājante sādhvikā iti || 68 ||
[Analyze grammar]

tatra gatvā virūpākṣī kumukhī dīrghakādharā |
romajaṃghā cipiṭikānāsā cipiṭapādikā || 69 ||
[Analyze grammar]

sthūlaghoṇā raktakeśā sūkṣamukhī kṛśastanī |
sarojinī kuṃbhakāraputrī nirāśrayā satī || 70 ||
[Analyze grammar]

āśramasyaiva godvāre bhramanti yatra vai mṛgāḥ |
tatra rajomayībhūmau luloṭha mahimānvitā || 71 ||
[Analyze grammar]

pāvanī sā dhūlikā vai śarīre marditā tayā |
tāṃ vīkṣya pāvanīṃ bhaktāṃ kintu cāṃgairamaṃgalām || 72 ||
[Analyze grammar]

yuvatīṃ duḥkhinīṃ lakṣmi kanyakāścābhisaṃyayuḥ |
sarvābhyo yuvatī natvā sahāśramāntaraṃ yayau || 73 ||
[Analyze grammar]

yatra sā rājate sādhvī śrīsatīśvariṇī guruḥ |
namaskṛtya rurodā'pi papāta gurupādayoḥ || 74 ||
[Analyze grammar]

dṛṣṭvā duḥkhaparāṃ dīnāṃ dayāṃ kṛtvā satīśvarī |
mā bhaiṣṭeti jagādenāṃ valkalāni dadau tathā || 75 ||
[Analyze grammar]

pṛṣṭā hyu'dantaviṣaye jñātvā virāgamāśritā |
rakṣitā ca satīmadhye dehaśuddhiṃ prakāritā || 76 ||
[Analyze grammar]

vrataṃ dattavatī tasyai satīśvarī tu māsikam |
pañcāgnitapanaṃ cāpi bhojanaṃ phalamūlakam || 77 ||
[Analyze grammar]

japanaṃ mama mantrasya nityaṃ sahasrasaṃkhyayā |
anādiśrīkṛṣṇanārāyaṇaḥ svāmī patiśca me || 78 ||
[Analyze grammar]

ityevaṃ sā jajāpaiva caikāgramanasā sadā |
triṃśatsahasrajāpaiśca māsānte śrīsatīśvarī || 79 ||
[Analyze grammar]

tuṣṭā cāhūya tāmāha piba vāri prasādajam |
sarojinī papau vāri śrīkṛṣṇapūjanāmṛtam || 80 ||
[Analyze grammar]

tāvat sā divyarūpā vai sūryatulyā vyajāyata |
yathā lakṣmīryathā durgā yathā sāvitrikā śacī || 81 ||
[Analyze grammar]

divyaśaktimahaiśvaryacamatkārayutā'bhavat |
divyacakṣurdivyakarṇadivyamānasampadā || 82 ||
[Analyze grammar]

vyadyotata satīmadhye yathā muktānikā parā |
śarīraṃ sarvamevā'bhūd divyapadminikā yathā || 83 ||
[Analyze grammar]

sadrekhāsarvaśreṣṭhāṃgacihnaśobhaṃ śubhaṃ param |
vyomagāmi kṛpālabdhaṃ śarīraṃ saṃvyajāyata || 84 ||
[Analyze grammar]

kuṃbhakartrī kṛpayā vai brahmadhartrī babhūva ha |
atha sā sevate nityaṃ satīśvarīṃ tu gauravīm || 85 ||
[Analyze grammar]

tapoyogena divyena cājñayā puṇyapuñjakaiḥ |
sevābhiścāpi bahvībhistoṣayāmāsa gauravīm || 86 ||
[Analyze grammar]

satīśvarī tataścaināṃ papraccha vada mānasam |
kimiṣṭaṃ te brahmadhartri dadāmi tava mānasam || 87 ||
[Analyze grammar]

sarojinī tadā prāha kṛṣṇanārāyaṇaḥ patiḥ |
anādiśrīkṛṣṇanārāyaṇo me'stu pareśvaraḥ || 88 ||
[Analyze grammar]

lakṣmyāḥ pādatale sthitvā seviṣye parameśvaram |
yatra lakṣmīstatra cāhaṃ vasāmi sahayoginī || 891 ||
[Analyze grammar]

vinā lakṣmīpatiṃ kāntaṃ nānyanme rocate hṛdi |
muktiṃ tāmeva vāñcchāmi sevārūpāṃ hi dāsikām || 90 ||
[Analyze grammar]

sā'haṃ prāptyā bhaviṣyāmi kṛtakṛtyā tathā kuru |
tathā'stviti tadā prāha satīśvarī sarojinīm || 91 ||
[Analyze grammar]

dadau tasyai mahāmantradvayaṃ japārthameva ha |
oṃ mahālakṣmyai vidmahe viṣṇupatnyai ca dhīmahi |
tanno lakṣmīḥ pracodayāt || 92 ||
[Analyze grammar]

oṃ nārāyaṇāya vidmahe vāsudevāya dhīmahi |
tanno viṣṇuḥ pracodayāt || 93 ||
[Analyze grammar]

prāpya mantrāvubhau nityaṃ jajāpa sā pupūja tau |
lakṣmīnārāyaṇau nityaṃ dhyānasevāparāyaṇā || 94 ||
[Analyze grammar]

varṣānte suprasannau tau pratyakṣagocarau puraḥ |
lakṣmīnārāyaṇau jātāvūcatuśca sarojinīm || 95 ||
[Analyze grammar]

vada kiṃ te manasyatra vartate dvandva eva tat |
śrutvā nanāma bhāvena varayāmāsa taṃ varam || 96 ||
[Analyze grammar]

lakṣmīpādatale sthitvā sevayāmi sadā harim |
tathā'stviti prāhatuśca jagṛhatuḥ sarojinīm || 97 ||
[Analyze grammar]

rūpadvayaṃ sarojinyāścakratuḥ śrīrameśvarau |
kamalaṃ nālapuṣpāḍhyaṃ divyaṃ sugandhi caikakam || 98 ||
[Analyze grammar]

dvitīyaṃ kanyakārūpaṃ padminītyeva bhāṣitam |
padminīṃ tāṃ haristatra jagrāha svakareṇa vai || 99 ||
[Analyze grammar]

patnīṃ lakṣmīsamāṃ divyāṃ lakṣmīsvasṛsvarūpiṇīm |
sarojinī vallikā ca jalamadhye tato'bhavat || 100 ||
[Analyze grammar]

nālakamalapatrāḍhyā lakṣmīstatrā'vasat sadā |
lakṣmyāścaraṇasevāḍhyā sarojinī sadā'bhavat || 101 ||
[Analyze grammar]

tadārabhya sadā lakṣmīḥ rājate kamale rame |
lakṣmīpādarajaḥpūtā sevate śrīnarāyaṇam || 102 ||
[Analyze grammar]

evaṃ lakṣmi sadā bhaktyā sarojinī purā'bhavat |
kuṃbhakartrī gurorbhaktyā brahmadhartrī tato'bhavat || 103 ||
[Analyze grammar]

satīśvarīgurorbhaktyā grahādyāśca nirābhavan |
dehacihnāni sarvāṇi yāni durbhāgyadānyapi || 104 ||
[Analyze grammar]

tāni vyāvṛttimāsādya divyarūpāṇyatho'bhavan |
ityevaṃ sarvadā bhaktyā satāṃ sevābhiranvaham || 105 ||
[Analyze grammar]

sādhvīnāṃ brahmavetrīṇāṃ kṛpayā divyatāṃ vrajet |
pāpāni darśanādeva naśyanti sādhuyoginā || 106 ||
[Analyze grammar]

labhyante sevayā divyaguṇāḥ paramamokṣadāḥ |
kālakarmādayaścāpi vighnā ye duḥkhakāriṇaḥ || 107 ||
[Analyze grammar]

sarve te vilayaṃ yānti guroḥ sevāphalena vai |
duṣṭā grahāḥ sukhāścaiva kālā duṣṭāḥ sukhāstathā || 108 ||
[Analyze grammar]

kubhāgyaṃ subhagaṃ syācca deho bhaumo'pi dīvyati |
anāyuṣyaṃ cirāyuṣyaṃ dāridryaṃ dhanitāṃ vrajet || 109 ||
[Analyze grammar]

pāpāni puṇyabhāvaṃ ca prayāntyeva hi sevayā |
paṭhanācchravaṇāccā'sya smaraṇādapi tatphalam || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sarojinyāḥ kuṃbhakāraputryāḥ pūrvajanmapāpena catuṣpatimaraṇottaraṃ vairāgyeṇa śrīsatīśvarīsādhvyāśrame gamanaṃ tatra śrīlakṣmīnārāyaṇabhaktyā gurusevayā ca grahadoṣaśārīradoṣanāśottaraṃ śrīlakṣmyāśrayāyāḥ kamalinīvallikāyāstathā padminyākhyaramāyāḥ svarūpaprāptirityādinirūpaṇanāmā catuḥpañcāśadadhikaśatatamo'dhyāyaḥ || 154 ||
[Analyze grammar]