Chapter 153

śrīnārāyaṇīśrīruvāca |
yātrāyāṃ kā diśā śreṣṭhā kaniṣṭhā kā kadā matā |
prasthānaṃ ca kadā śreṣṭhaṃ kadā kiṃ karma śobhanam || 1 ||
[Analyze grammar]

aśobhanaṃ kadā syācca nakṣatravārayuktithau |
tatsarvaṃ me samācakṣva lokakalyāṇahetave || 2 ||
[Analyze grammar]

śrīpuruṣottama uvāca |
kṛttikā tvagnidaivatyā rohiṇī brahmadevatā |
mṛgaśirā somadevā cā''rdrā tu rudradevatā || 3 ||
[Analyze grammar]

punarvasuḥ sūryadevā puṣyaṃ tu gurudaivatam |
aśleṣā sarpadaivatyā maghā tu pitṛdevatā || 4 ||
[Analyze grammar]

pūrvāphālgunikā bodhyā padmaje bhagadevatā |
uttarāphālgunī bodhyā padmaje'ryamadevatā || 5 ||
[Analyze grammar]

hastā savitṛdevā ca citrā tu tvaṣṭradevatā |
svātī tu vāyudaivatyā viśākhendrāgnidevatā || 6 ||
[Analyze grammar]

anurādhā mitradevā jyeṣṭhā tu śakradevatā |
mūlā nirṛtidaivatyā pūrvāṣāḍhā''pyadevatā || 7 ||
[Analyze grammar]

uttarāṣāḍhikā vaiśvadevatā parikīrtitā |
abhijit brahmadaivā ca śravaṇā viṣṇudevatā || 8 ||
[Analyze grammar]

dhaniṣṭhā vasudevā vāruṇadevā śatabhiṣā |
ajadevā pūrvabhādrottarabhādrā'hirbudhnikā || 9 ||
[Analyze grammar]

puṣādevā revatī cāśvinīdevā tathā'śvinī |
bharaṇī yamadevā ca proktāste ṛkṣadevatāḥ || 10 ||
[Analyze grammar]

brahmāṇī saṃsthitā pūrve pratipannavamītithau |
māheśvarī cottare ca dvitīyādaśamītithau || 11 ||
[Analyze grammar]

pañcamyāṃ ca trayodaśyāṃ vārāhī dakṣiṇe sthitā |
ṣaṣṭhyāṃ cāpi caturdaśyāmindrāṇī paścime sthitā || 12 ||
[Analyze grammar]

saptamyāṃ paurṇamāsyāṃ ca cāmuṇḍā vāyukāṣṭhikā |
aṣṭamyamāvāsyadine lakṣmīstvīśānagā matā || 13 ||
[Analyze grammar]

ekādaśyāṃ trayodaśyāmagnikoṇe tu vaiṣṇavī |
dvādaśyāṃ ca caturthyāṃ tu kaumārī nairṛte satī || 14 ||
[Analyze grammar]

yoginīsammukhe naiva gamanādi prakārayet |
aśvinī revatī cāpi mṛgā mūlā punarvasuḥ || 15 ||
[Analyze grammar]

puṣyā hastā tathā jyeṣṭhā prasthāne śreṣṭhatāpradāḥ |
hastyādipañcaṛkṣāṇi hyuttarātrayamityapi || 16 ||
[Analyze grammar]

aśvinī rohiṇī puṣyā dhaniṣṭhā ca punarvasuḥ |
vastraprāvaraṇe śreṣṭhā saubhāgyavardhakā api || 17 ||
[Analyze grammar]

kṛttikā bharaṇyaśleṣā maghā mūlā viśākhinī |
tisraḥ pūrvā adhovaktrā adhaḥkāryāṇi tatra vai || 18 ||
[Analyze grammar]

vāpīkūpataḍāgādibhūmikhanipragahvaram |
devāgārasya khananaṃ nidhānakhananaṃ tṛṇam || 19 ||
[Analyze grammar]

gaṇitaṃ jyotiṣārambhaṃ khanibilapraveśanam |
kuryāttānyeva siddhyanti cādhaḥkāryāṇi sarvathā || 20 ||
[Analyze grammar]

revatī cāśvinī citrā svātī hastā punarvasuḥ |
anurādhā mṛgo jyeṣṭhā hyetāḥ pārśvamukhā matāḥ || 21 ||
[Analyze grammar]

gajoṣṭrā'śvabalīvardadamanaṃ mahiṣasya goḥ |
bījānāṃ vapanaṃ kuryānnāvādīnāṃ pravāhaṇam || 22 ||
[Analyze grammar]

cakrayantrarathānāṃ ca gamanaṃ cā''gamādikam |
rohiṇyārdrā tathā puṣyā dhaniṣṭhā cottarātrayam || 23 ||
[Analyze grammar]

śatabhīṣā śravaṇaṃ ca nava tūrdhvamukhā matāḥ |
āsu rājyābhiṣekaṃ ca paṭṭabandhaṃ prakārayet || 24 ||
[Analyze grammar]

ūrdhvamukhānyucchritāni sarvāṇyetāsu kārayet |
caturthī tvaśubhā ṣaṣṭhī cāṣṭamī navamī tathā || 25 ||
[Analyze grammar]

amāvāsyā pūrṇimā ca dvādaśī ca caturdaśī |
atha śubhā pratipattu kṛṣṇā budhe dvitīyakā || 26 ||
[Analyze grammar]

tṛtīyā maṃgalayuktā caturthī śanivāsare |
gurau tu pañcamī ṣaṣṭhī śubhā maṃgalaśukrayoḥ || 27 ||
[Analyze grammar]

saptamī budhasomasthā'ṣṭamī maṃgalasūryagā |
navamī somavārasthā daśamī guruvārikā || 28 ||
[Analyze grammar]

ekādaśī guruvyāptā dvādaśī budhavāsare |
trayodaśī śukrabhaumau śanau śreṣṭhā caturdaśī || 29 ||
[Analyze grammar]

paurṇamāsyapyamāvāsyā śreṣṭhā bodhyā bṛhaspatau |
dvādaśīṃ dahati sūryaḥ śaśī tvekādaśī dahet || 30 ||
[Analyze grammar]

bhaumo dahecca daśamīṃ navamīṃ tu budho dahet |
gururdahati cāṣṭamīṃ saptamīṃ bhārgavo dahet || 31 ||
[Analyze grammar]

śanaiścaro dahetṣaṣṭhīṃ gamanaṃ cāsu nāsti vai |
pratipannavamīṣveva caturdaśyaṣṭamīṣu ca || 32 ||
[Analyze grammar]

budhavāre ca prasthānaṃ dūrataḥ parivarjayet |
meṣe karkaṭake ṣaṣṭhī kanyāyāṃ mithune'ṣṭamī || 33 ||
[Analyze grammar]

vṛṣe kuṃbhe caturthī ca dvādaśī makare tule |
daśamī vṛścike siṃhe dhanurmīne caturdaśī || 34 ||
[Analyze grammar]

etā dagdhā na gantavyaṃ dehijīvādimānavaiḥ |
viśākhātrayamāditye pūrvāṣāḍhātraye śaśī || 349 ||
[Analyze grammar]

dhaniṣṭhātritayaṃ bhaume budhe tu revatītrayam |
rohiṇyāditrayaṃ gurau śukre puṣyatrayaṃ rame || 36 ||
[Analyze grammar]

śanaiścare varjayecca tūttarāphālgunītrayam |
eṣa autpātiko yogo mṛtyurogādikārakaḥ || 37 ||
[Analyze grammar]

mūle'rkaḥ śravaṇe candraḥ proṣṭhapadyuttare kujaḥ |
kṛttikāsu budhaścaiva gurau lakṣmi punarvasuḥ || 38 ||
[Analyze grammar]

pūrvaphālgunikā śukre svātiścaiva śanaiścare |
ete hyamṛtayogāḥ syuḥ sarvakāryaprasādhakāḥ || 39 ||
[Analyze grammar]

viṣkaṃbhe ghaṭikāḥ pañca śūle sapta prakīrtitāḥ |
ṣaḍgaṇḍe cātigaṇḍe ca nava vyāghātavajrayoḥ || 40 ||
[Analyze grammar]

vyatīpāte parīghe ca vaidhṛte ca dine dine |
varjanīyā mṛtyuyogā hyete kāryavināśakāḥ || 41 ||
[Analyze grammar]

haste'rkaśca guruḥ puṣye hyanurādhābudhe śubhā |
rohiṇī tu śanau śreṣṭhā some ca śatabhīṣaṇā || 42 ||
[Analyze grammar]

śukre tu revatī śreṣṭhā hyaśvinī maṃgale śubhā |
ete te siddhiyogāḥ syuḥ sarvadoṣavināśakāḥ || 43 ||
[Analyze grammar]

bhārgave bharaṇī cāpi some citrā tu padmaje |
bhaume caivottarāṣāḍhā dhaniṣṭhā tu budhe yadā || 44 ||
[Analyze grammar]

gurau śatabhiṣā cāpi śukre vai rohiṇī tathā |
śanau tu revatī cāpi viṣayogā hi te matāḥ || 45 ||
[Analyze grammar]

puṣyaḥ punarvasuścaiva revatī cāpi citrikā |
śravaṇā ca dhaniṣṭhā ca hastā'śvinī mṛgā tathā || 46 ||
[Analyze grammar]

śatabhīṣā cāpi yogyā jātakarmādikarmaṇām |
viśākhā cottarā tisro maghā''rdrā bharaṇī tathā || 47 ||
[Analyze grammar]

aśleṣā kṛttikā caitāḥ prasthāne maraṇapradāḥ |
ṣaḍāditye daśā bodhyāḥ some pañcadaśa smṛtāḥ || 48 ||
[Analyze grammar]

aṣṭau tu maṃgale bodhyā budhe saptadaśa smṛtāḥ |
śanaiścare daśa bodhyā gurāvekonaviṃśatiḥ || 49 ||
[Analyze grammar]

rāhau dvādaśavarṣāṇi hyekaviṃśatirbhārgave |
raverdaśā duḥkhadā syādudveganṛpanāśakṛt || 50 ||
[Analyze grammar]

vibhūtidā somadaśā sukhamiṣṭānnadā tathā |
duḥkhapradā bhaumadaśā rājyādeḥ syād vināśinī || 51 ||
[Analyze grammar]

divyastrīdā budhadaśā rājyadā koṣavṛddhidā |
śanerdaśā rājyanāśabandhuduḥkhakarī bhavet || 52 ||
[Analyze grammar]

gurordaśā rājyadā syāt sukhadharmādidāyinī |
rāhordaśā rājyanāśavyādhidā duḥkhadā bhavet || 53 ||
[Analyze grammar]

hastyaśvadā śukradaśā rājyastrīlābhadā bhavet |
meṣamaṃgārakakṣetraṃ vṛṣaṃ śukrasya kīrtitam || 54 ||
[Analyze grammar]

mithunasya budhaḥ kṣetraṃ somaḥ karkaṭakasya ca |
sūryakṣetraṃ bhavet siṃhaḥ kanyākṣetraṃ budhasya ca || 55 ||
[Analyze grammar]

bhārgavasya tulākṣetraṃ vṛściko maṃgalasya ca |
dhanurbṛhaspateḥ kṣetraṃ śanermakarakuṃbhakau || 56 ||
[Analyze grammar]

mīnaḥ suragurośceti kṣetreṣṭaṃ lābhadaṃ kraye |
paurṇamāsyādvayaṃ yatra pūrvāṣāḍhādvayaṃ bhavet || 57 ||
[Analyze grammar]

dvirāṣāḍhaḥ sa vijñeyo viṣṇuḥ svapiti karkaṭe |
aśvinī revatī citrā dhaniṣṭhā syādalaṃkṛtau || 58 ||
[Analyze grammar]

mṛgā'hikapimārjāraśvānaḥ śūkarapakṣiṇaḥ |
nakulo mūṣikaścaiva yātrāyāṃ dakṣiṇe śubhāḥ || 59 ||
[Analyze grammar]

viprakanyā śavaṃ hastī śaṃkho bherī vasundharā |
veṇuḥ strī pūrṇakumbhaśca yātrāyāṃ śubhadarśanāḥ || 60 ||
[Analyze grammar]

jambukoṣṭrakharādyāśca yātrāyāṃ vāmake śubhāḥ |
kārpāsauṣadhitailāni pakvāṃgārabhujaṃgamāḥ || 61 ||
[Analyze grammar]

muktakeśī raktamālā nagnaścā'śubhalakṣaṇāḥ |
hikkā pūrve phaladā cā'gneye santāpaśokadā || 62 ||
[Analyze grammar]

dakṣiṇe hānidā śokasantāpadā tu nirṛte |
miṣṭānnadā paścime tu vāyavye'rthapradā matā || 63 ||
[Analyze grammar]

uttare kalahā ceśāne tu mṛtyupradā bhavet |
sūryaṃ narasvarūpaṃ tu vilikhya tasya ṛkṣakam || 64 ||
[Analyze grammar]

tadāditrayamāstheyaṃ mastake trayamānane |
ekaikaṃ skandhayorbāhuyugme ca hastayornyaset || 65 ||
[Analyze grammar]

hṛdaye pañca nābhau tvekaṃ guhye caikamityapi |
ekaikaṃ jānuke śiṣṭāni tu pāde niyojayet || 66 ||
[Analyze grammar]

caraṇasthena ṛkṣeṇa tvalpāyurjāyate naraḥ |
videśagamanaṃ jānau guhyasthe paradāravān || 67 ||
[Analyze grammar]

nābhisthenā'lpasantuṣṭo hṛtsthena tu maheśvaraḥ |
pāṇisthena bhaveccauraḥ sthānabhraṣṭo bhaved bhuje || 68 ||
[Analyze grammar]

skandhasthena dhanapatirmukhe miṣṭānnamāpnuyāt |
mastake paṭṭavastrāḍhyaśceti tadṛkṣavatphalam || 69 ||
[Analyze grammar]

saptamopacayaścandraḥ śreṣṭhaḥ śukle dvitīyajaḥ |
pañcamo navamaścāpi lābhadaḥ saṃbhavatvapi || 70 ||
[Analyze grammar]

candrasya dvādaśā'vasthā bhavanti śṛṇu padmaje |
āśvinyāstu samārabhya tritriṛkṣeṣu vai daśā || 71 ||
[Analyze grammar]

sārdhadvayeṣu bodhyā prathamā tu pravāsadā |
dvitīyā hānidā cāpi tṛtīyā mṛtyudā matā || 72 ||
[Analyze grammar]

caturthī jayadā hāsyapradā tu pañcamī daśā |
ṣaṣṭhī krīḍāratidā saptamī sukhamodadā || 73 ||
[Analyze grammar]

aṣṭamī śokadā bhogapradā tu navamī daśā |
daśamī jvaradā kampapradā caikādaśī daśā || 74 ||
[Analyze grammar]

susthitidā dvādaśī ca daśātulyaṃ phalaṃ matam |
janmasthaḥ kurute tuṣṭiṃ dvitīye sukhanāśakaḥ || 75 ||
[Analyze grammar]

tṛtīye rājyasammānaṃ caturthe kalahapradaḥ |
pañcame strīpradaḥ ṣaṣṭhe dhanadhānyaprado bhavet || 76 ||
[Analyze grammar]

saptame ratipūjādo'ṣṭame prāṇasandehakṛt |
navame koṣasañcayaprado daśame siddhidaḥ || 77 ||
[Analyze grammar]

ekādaśe jayadaśca dvādaśe mṛtyudaḥ śaśī |
kṛttikādau pūrvayātrāṃ saptakṣāṇi tu saṃvrajet || 78 ||
[Analyze grammar]

maghādau dakṣiṇe gacchedanurādhādau paścime |
dhaniṣṭhādisaptasu yātrottare śreṣṭhā matā sadā || 79 ||
[Analyze grammar]

aśvinī revatī citrā dhaniṣṭhā veṣadhāraṇe |
mṛgā'śvicitrāpuṣyāśca mūlā hastā śubhāstu vai || 80 ||
[Analyze grammar]

kanyāpradāne yātrāyāṃ pratiṣṭhādiṣu karmasu |
śukracandrau tu janmasthau śubhadau sarvadā matau || 81 ||
[Analyze grammar]

candrabudhaguruśukrāḥ śubhadā vai dvitīyake |
tṛtīye bhaumamandārkaśaśāṃkāḥ śubhadā matāḥ || 82 ||
[Analyze grammar]

budhaścaturthake śreṣṭhaḥ śukragurū tu pañcamau |
candraketū tathā śreṣṭhau paccamau parikīrtitau || 83 ||
[Analyze grammar]

śaniścārkaśca bhaumaśca ṣaṣṭhe śreṣṭhā matāḥ sadā |
guruścandraḥ saptame ca budhaḥ śukrastathā'ṣṭame || 84 ||
[Analyze grammar]

navame tu guruḥ śreṣṭho daśame'rkā'rkicandrakāḥ |
ekādaśe grahāḥ sarve dvādaśe budhabhārgavau || 85 ||
[Analyze grammar]

siṃhena makaraḥ śreṣṭhaḥ kanyayā meṣa uttamaḥ |
tulayā saha mīnastu kuṃbhena saha karkaṭaḥ || 86 ||
[Analyze grammar]

dhanuṣā vṛṣabhaḥ śreṣṭho mithunena tu vṛścikaḥ |
evaṃ prītyai bhavatyeva sarvaṃ śubhaphalapradam || 87 ||
[Analyze grammar]

udayādeva cārabhya sūryo rāśau pratiṣṭhati |
ahni ṣaṭsu niśi ṣaṭsu rātrīṣu saṃpravartate || 88 ||
[Analyze grammar]

ghaṭikāḥ pañca mīne ca meṣe cāpi tathāvidhāḥ |
vṛṣe kuṃbhe catasraśca tisro mithune nakrake || 89 ||
[Analyze grammar]

pañca cāpe karkaṭe ca ṣaṭ siṃhe vṛścike tathā |
sapta tule ca kanyāyāṃ ghaṭikā parikīrtitāḥ || 90 ||
[Analyze grammar]

meṣalagne bhaved vandhyā vṛṣe bhavati kāminī |
mithune subhagā kanyā veśyā bhavati karkaṭe || 91 ||
[Analyze grammar]

siṃhe caivā'lpaputrā sā kanyāyāṃ rūpasaṃyutā |
tulāyāṃ rūpamaiśvaryaṃ vṛścike karkaśā bhavet || 92 ||
[Analyze grammar]

saubhāgyaṃ dhanuṣi syācca makare nīcagāminī |
kuṃbhe caivālpaputrā ca mīne vairāgyasaṃyutā || 93 ||
[Analyze grammar]

tulā karkaṭako meṣo makaraḥ sthiracāriṇaḥ |
pañcānano vṛṣaḥ kumbho vṛścikaśca sthirā matāḥ || 94 ||
[Analyze grammar]

kanyā dhanuśca mīnaśca mithunaṃ dvisvabhāvinaḥ |
yātrā cireṇa kartavyā praveṣṭavyaṃ sthireṇa ha || 95 ||
[Analyze grammar]

devasthāpanavaivāhyaṃ dvisvabhāvena kārayet |
nandā bhadrā jayā śreṣṭhā riktā varjyā tithiḥ sadā || 96 ||
[Analyze grammar]

nandā pratipat ṣaṣṭhī caikādaśīti tithitrayam |
bhadrā dvitīyā saptamī dvādaśīti tithitrayam || 97 ||
[Analyze grammar]

jayā'ṣṭamī tṛtīyā ca trayodaśī tithitrayam |
riktā caturthī navamī caturdaśī tithitrayam || 98 ||
[Analyze grammar]

pūrṇā pañcamī daśamī pūrṇimā tāḥ śubhā matāḥ |
budhaścaro guruḥ kṣipro mṛduḥ śukro ravirdhruvaḥ || 99 ||
[Analyze grammar]

śaniśca dāruṇo bhauma ugraḥ śaśī samo'pi ca |
carakṣipraiḥ prayātavyaṃ praveṣṭavyaṃ mṛdudhruvaiḥ || 100 ||
[Analyze grammar]

dāruṇograiśca yoddhavyaṃ vijayaḥ syānna saṃśayaḥ |
nṛpā'bhiṣeko'gnikāryaṃ somavāre praśasyate || 101 ||
[Analyze grammar]

some tule prayāṇaṃ ca gṛhaṃ ca bhavanādikam |
saināpatyaṃ śauryayuddhaṃ śastrābhyāsaḥ kuje śubhaḥ || 102 ||
[Analyze grammar]

siddhikāryaṃ ca mantraśca yātrā ceti budhe śubhāḥ |
paṭhanaṃ devapūjā ca vastrādyābharaṇaṃ gurau || 103 ||
[Analyze grammar]

kanyādānaṃ gajārohaḥ strīsaṃgo bhārgave śubhāḥ |
sthāpyaṃ gṛhapraveśaśca gajabandhaḥ śanau śubhāḥ || 104 ||
[Analyze grammar]

ityevaṃ sarvamālakṣya kāryārambhaṃ pravartayet |
bhuktirmuktirbhaveccāpi paṭhanācchravaṇād rame || 105 ||
[Analyze grammar]

nakṣatrāṇi ca yoginyastithayo yogakā api |
daśāścāpi śakunāni hikkā sthānāni vai tathā || 106 ||
[Analyze grammar]

lagnāni ghaṭikā sarvaṃ matsvarūpaṃ vibhāvaya |
yathāpuṇyaṃ dehino vai tathā samupatiṣṭhate || 107 ||
[Analyze grammar]

ahaṃ lakṣmi smṛtastatra pūjito bhojito'pi ca |
sevito vanditaḥ prasāditaśca paricāritaḥ || 108 ||
[Analyze grammar]

karomi sarvaṃ sadbhāgyaṃ duḥsthaṃ susthaṃ karomi ca |
māṃ vijñāya ca sarvatra kāryadhvaṃso na vidyate || 109 ||
[Analyze grammar]

sarvaṃ bhaktasya saphalaṃ nāstikasya tu niṣphalam |
ātmavataḥ phalaṃ śreṣṭhaṃ cānātmanaḥ kaniṣṭhakam || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne nakṣatrayoginītithiyogadaśāśakunahikkāsthānalagnaghaṭikāviśeṣe kāryākāryaphalā'phalādinirūpaṇanāmā tripañcāśadadhikaśatatamo'dhyāyaḥ || 153 ||
[Analyze grammar]