Chapter 142

śrīnārāyaṇīśrīruvāca |
nārāyaṇa jagatkānta sarvarakṣaka sarvaga |
kathaṃ trikālajaṃ mṛtyuṃ jayati mānavo bhuvi || 1 ||
[Analyze grammar]

mṛtyuraniparāvṛtto balavān kena vāryate |
kena rūpeṇa vā mṛtyurmānavān paridhāvati || 2 ||
[Analyze grammar]

śrīpuruṣottama uvāca |
śṛṇu śrīśivarājñīśri nārāyaṇīrame'pi ca |
lakṣmi samudraje cāpi śṛṇu cākṣaramāṇiki || 3 ||
[Analyze grammar]

garuḍo mama bhakto vai samāsīno'bhavadgṛhe |
japan mālāṃ mama dhyāyan manmūrtiṃ divyarūpiṇīm || 4 ||
[Analyze grammar]

pṛṣṭastadā janakena kaśyapena suto nijaḥ |
kathaṃ putra mahābhakta yogin mṛtyurnivartate || 5 ||
[Analyze grammar]

kena rūpeṇa mṛtyurvai samāyāti haratyapi |
kathaṃ niḥsparśanaṃ tasya dehinastviha caryate || 6 ||
[Analyze grammar]

śrutvā pakṣī ca pitaraṃ samuvāca vadāmi tat |
bhaktyā nivartate mṛtyurāśrayātparamātmanaḥ || 7 ||
[Analyze grammar]

daṇḍī śastradharo bhikṣurnagnādiḥ kāladūtakaḥ |
samāyāti varṣma dhṛtvā taddaṃśena na jīvati || 8 ||
[Analyze grammar]

citāvalmīkaśailādau kūpe ca vivare taroḥ |
daṃśe daṃṣṭrātrayaṃ lagnaṃ daṣṭo dehī na jīvati || 9 ||
[Analyze grammar]

ṣaṣṭhyāṃ ca karkaṭe meṣe mūlā''śleṣāmaghādiṣu |
kakṣāśroṇigale sandhau śaṃkhakarṇodarādiṣu || 10 ||
[Analyze grammar]

vaktre bāhau ca grīvāyāṃ pṛṣṭhe daṣṭo na śrīpati |
śeṣo'rkaḥ phaṇipaścandrastakṣako bhauma īritaḥ || 11 ||
[Analyze grammar]

karkoṭo jño guruḥ padmo mahāpadmastu bhārgavaḥ |
śaṃkhaḥ śanaiścaro rāhuḥ kulikaśceti te grahāḥ || 12 ||
[Analyze grammar]

tattadgraheṣu tajjātisarpadaṣṭo na jīvati |
pādāṃ'guṣṭhaḥ pratipadaḥ syāt pādapṛṣṭhau dvitīyakā || 13 ||
[Analyze grammar]

gulphau nu vai tṛtīyā syājjānunī ca caturthikā |
liṃgaṃ bhagaṃ pañcamīti nābhiḥ ṣaṣṭhīstithirmatā || 14 ||
[Analyze grammar]

hṛdayaṃ saptamī proktā stanau cāṣṭamikādinam |
kaṇṭhastu navamī proktā daśamī nāsikāpuṭau || 15 ||
[Analyze grammar]

netre caikādaśī bodhyā karṇau dvādaśikā matā |
bhruvau trayodaśīrūpe śaṃkhaścaturdaśī matā || 16 ||
[Analyze grammar]

mastakaṃ pañcadaśikā tattithau tatsthale daśet |
tadā kālakavalena daṣṭo dehī na jīvati || 17 ||
[Analyze grammar]

puṃso dakṣiṇabhāge tu nāryā vāme tvidaṃ matam |
etādṛśakṣaṇe daṣṭā na jīvanti kadācana || 18 ||
[Analyze grammar]

kintu oṃ garuḍa svāhā japellakṣapravartanam |
japan spṛśetpadāṃguṣṭhe tale pṛṣṭhe ca gulphake || 19 ||
[Analyze grammar]

jaṃghāyāṃ jānubhāge ca sakthnoliṃge bhage kaṭau |
jaghane nābhideśe ca nitambe codare hṛdi || 20 ||
[Analyze grammar]

stanayoḥ pārśvadeśe ca bāhvośca karayostale |
aṃguliṣu kaphoṇe ca kaṇṭhe gale kṛkāṭake || 21 ||
[Analyze grammar]

hanau mukhe gaṇḍake ca nāsāyāṃ ca kapolake |
karṇayoḥ karṇapṛṣṭhe ca lalāṭe netrayorbhruvoḥ || 22 ||
[Analyze grammar]

kapāle mastake cāpi śikhāyāṃ vinyasenmuhuḥ |
sa eva garuḍo dehī jāyate mantramantraṇāt || 23 ||
[Analyze grammar]

nākramanti ca tacchāyāṃ svapne'pi viṣapannagāḥ |
kālarūpāścāpi sarpāstadbhayād vidravanti vai || 24 ||
[Analyze grammar]

viṣaṃ mantrasya vinyāsāt sarvaṃ naśyati līyate |
oṃ śeṣeśvara nāginīpate garuḍapṛṣṭhaga || 25 ||
[Analyze grammar]

āstīkavākphalada śrīhare viṣiviṣaṃ hara |
itimantraṃ lakṣavāraṃ japet siddho bhavettataḥ || 26 ||
[Analyze grammar]

prayuñjīta mahākālo'pyapi dūrāyate bhayāt |
mamā'nādikṛṣṇanārāyaṇanāmajapāttadā || 27 ||
[Analyze grammar]

mahākālo'pi saṃyāti viprakṛṣṭo bhayānmama |
jīvā'yogyo'pi dehyatra jīvatyeva na saṃśayaḥ || 28 ||
[Analyze grammar]

śrīdharasyā'rcanaṃ kuryāt parivārānvitasya me |
dhyātvā''tmānaṃ śrīdharākhyaṃ śaṃkhacakragadādharam || 29 ||
[Analyze grammar]

oṃ śrīmate puruṣottamāya namaḥ parātmane |
akṣarāya namaśceti māṇikyāyai namo namaḥ || 30 ||
[Analyze grammar]

padmāvatyai jayāyai ca lalitāyai namo namaḥ |
sukhadāyai ca prajñāyai lakṣmyai cāpi namo namaḥ || 31 ||
[Analyze grammar]

rādhikāyai kriyāyai ca jñānāyai ca namo namaḥ |
icchāyai kamalāyai ca mahālakṣmyai namo namaḥ || 32 ||
[Analyze grammar]

oṃ hrīṃ śrīdharāyāpi viṣṇave me namo namaḥ |
abhiṣekaṃ tathā vastraṃ tato yajñopavītakam || 33 ||
[Analyze grammar]

gandhaṃ puṣpaṃ tathā dhūpaṃ dīpamannaṃ pradakṣiṇam |
dadyājjapenmanuṃ me ca dhyāyenmāṃ ca hṛdi sthitam || 34 ||
[Analyze grammar]

śuddhasphaṭikasaṃkāśaṃ koṭisūryasamaprabham |
prasannavadanaṃ saumyaṃ sphuranmukuṭakuṇḍalam || 35 ||
[Analyze grammar]

kirīṭinamudārāṃgaṃ vanamālāvibhūṣitam |
parabrahmasvarūpaṃ me cintayecchobhanaṃ param || 36 ||
[Analyze grammar]

śrīnivāsāya kṛṣṇāya namaḥ śrīpataye namaḥ |
śrīdharāya saśārṅgāya śrīpradāya namo namaḥ || 37 ||
[Analyze grammar]

śrīvallabhāya śāntāya śrīmate te namo namaḥ |
śrīparvatanivāsāya namaḥ śreyaskarāya ca || 38 ||
[Analyze grammar]

śreyasāmpataye cāpi śrīviśrāmāya te namaḥ |
namaḥ śreyaḥsvarūpāya śrīkarāya namo namaḥ || 39 ||
[Analyze grammar]

śriyā sākaṃ śayānāya śaraṇyāya namo namaḥ |
puṣpāñjaliṃ tato datvā śrīśvaraṃ vai visarjayet || 40 ||
[Analyze grammar]

evaṃ pūjāprakartā ca nirviṣo jāyate dhruvam |
sa vidhūyeta pāpāni me prayāti paraṃ padam || 41 ||
[Analyze grammar]

oṃ śrīṃ hrīṃ śrīdharāya śrīviṣṇave jiṣṇave namaḥ |
sarvavyādhiharaścāyaṃ sarvapīḍāharo manuḥ || 42 ||
[Analyze grammar]

sarvapāpaharaścāpi bhuktimuktipradāyakaḥ |
sarvagaralasaṃhartā hyabhicāravināśakaḥ || 43 ||
[Analyze grammar]

sarveṣṭapūrakaścāpi mama dhāmaprado'pi ca |
matsvarūpaḥ svayaṃ bhūtvā japejjīvenna saṃśayaḥ || 44 ||
[Analyze grammar]

yanmāse yadṛtau yaśca sūryeṇa saha bhogavān |
sarpo'pi vartate tasya nāmnā śapathamādiśet || 45 ||
[Analyze grammar]

tena sarpaviṣaṃ tūrṇaṃ śāmyatyeva na saṃśayaḥ |
śṛṇu lakṣmi kathayāmi māsasarpārkaprabhṛtīn || 46 ||
[Analyze grammar]

saptakaṃ saha vasati vyūhaṃ sūryātmano hareḥ |
ekaḥ sūryaḥ kriyākalpairbahudhā varṇyate tathā || 47 ||
[Analyze grammar]

dhātā sūryo'psarā puñjikasthalī hetirākṣasaḥ |
nāgo vāsukī rathakṛdyakṣaḥ pulastyaṛṣīśvaraḥ || 48 ||
[Analyze grammar]

tumburuścāpi gandharvaścaitre'nuvartayanti te |
sūryo'ryamā'psarā puñjikasthalī hetirākṣasaḥ || 49 ||
[Analyze grammar]

nāgaḥ kacchanīro'thaujā yakṣaḥ pulaho vai ṛṣiḥ |
nāradaścāpi gandharvo vaiśākhe vartayanti te || 50 ||
[Analyze grammar]

mitraḥ sūryo'psarā menakā pauruṣeyarākṣasaḥ |
nāgastakṣako rathasvano yakṣo'triḥ ṛṣistathā || 51 ||
[Analyze grammar]

hāhā caivāpi gandharvo jyeṣṭhe'nuvartayanti te |
varuṇaḥ sūryo'psarā raṃbhā citrasvanastu rākṣasaḥ || 52 ||
[Analyze grammar]

śukro nāgaḥ sahajanyo yakṣo vaśiṣṭhakaḥ ṛṣiḥ |
hūhūścaivāpi gandharvaścāṣāḍhe vartayanti te || 53 ||
[Analyze grammar]

indraḥ sūryo'psarā pramlocā varyo rākṣasastathā |
nāga elāpatraḥ śrotrā yakṣo'ṅgirāḥ ṛṣistathā || 54 ||
[Analyze grammar]

viśvāvasuśca gandharvaḥ śrāvaṇe vartayanti te |
vivasvān sūryo'psarā'numlocā vyāghrastu rākṣasaḥ || 55 ||
[Analyze grammar]

śaṃkhapālo nāga āsāraṇo yakṣo bhṛguḥ ṛṣiḥ |
ugrasenastu gandharvo bhādrapade bhavanti te || 56 ||
[Analyze grammar]

pūṣā sūryo'psarā ghṛtācī vāto rākṣasastathā |
nāgo dhanañjayo yakṣaḥ surucirgautamaḥ ṛṣiḥ || 57 ||
[Analyze grammar]

suṣeṇaśceti gandharvo māghamāse bhavanti te |
parjanyo'rko'psarā senajitī varcāstu rākṣasaḥ || 58 ||
[Analyze grammar]

nāga airāvato yakṣaḥ ṛturbhāradvājaḥ ṛṣiḥ |
viśvo gandharva ityete phālgune'nuvrajanti vai || 59 ||
[Analyze grammar]

aṃśuḥ sūryo'psarā corvaśī vidyucchatrurākṣasaḥ |
nāgo mahāśaṃkhastārkṣyo yakṣaśca kaśyapaḥ ṛṣiḥ || 60 ||
[Analyze grammar]

ṛtusenaśca gandharvo mārgaśīrṣe bhavanti te |
bhagaḥ sūryaḥ pūrvacitirapsarāḥ sphūrjarākṣasaḥ || 61 ||
[Analyze grammar]

nāgaḥ karkoṭaka ūrṇo yakṣa āyuḥ ṛṣistathā |
ariṣṭanemirgandharvaḥ pauṣe'nuvartayanti te || 62 ||
[Analyze grammar]

tvaṣṭā sūryo'psarāstilottamā brahmāpetarakṣaḥ |
nāgaḥ kambalaḥ śatajidyakṣo jamadagniḥ ṛṣiḥ || 63 ||
[Analyze grammar]

dhṛtarāṣṭrastu gandharvaścāśvine vartayanti te |
viṣṇuḥ sūryo'psaro raṃbhā makhāpetastu rākṣasaḥ || 64 ||
[Analyze grammar]

nāgo'śvataro yakṣaḥ satyajidviśvāmitraḥ ṛṣiḥ |
sūryavarcāstu gandharvaḥ kārtike vartayanti te || 65 ||
[Analyze grammar]

sthānābhimānino hyete gaṇā dvādaśasaptakāḥ |
sūryā bhinnāni tejāṃsi pākān praracayanti ca || 66 ||
[Analyze grammar]

apsarasaśca gandharvā nṛtyagītiṃ caranti vai |
vidyāgrāmaṇito yakṣā rathaṃ saṃyojayantyapi || 67 ||
[Analyze grammar]

sarpāste rajjavo bhūtvā yanti vai rathabandhanam |
rākṣasāḥ pṛṣṭhato yāntaḥ prerayanti rathaṃ khalu || 68 ||
[Analyze grammar]

ṛṣayo vedamantraiśca stuvanti rathinaṃ prabhum |
vālakhilyādayaste vai cāstaṃ prati nayantyapi || 69 ||
[Analyze grammar]

eteṣāmeva devānāṃ yathāvīryaṃ yathātapaḥ |
yathāyogaṃ yathādharmaṃ yathātattvaṃ yathābalam || 70 ||
[Analyze grammar]

tathā tapatyasau sūryasteṣāmiddhastu tejasā |
bhūtānāmaśubhaṃ sarvaṃ vyapohati svatejasā || 71 ||
[Analyze grammar]

mānavānāṃ śubhairetairhriyate duritantu vai |
duritaṃ śubhacārāṇāṃ vyapohati mamājñayā || 72 ||
[Analyze grammar]

tapantaśca japantaśca hlādayantaśca vai prajāḥ |
gopāyanti sma bhūtāni cehante hyanukampayā || 73 ||
[Analyze grammar]

tasmāllakṣmi smṛtāḥ sūryā rakṣanti dinakālataḥ |
apsarasaśconmādanavibhramād rakṣayanti ca || 74 ||
[Analyze grammar]

rākṣasā niśi rakṣaughai rakṣanti duṣṭakālataḥ |
nāgā nāgaviṣādyaiśca rakṣanti pūjitāstadā || 75 ||
[Analyze grammar]

yakṣā rakṣanti ca yakṣavāsādyairvivaraiḥ sadā |
ṛṣayastapasā mantrai rakṣanti pūjitāśca te || 76 ||
[Analyze grammar]

gandharvāḥ pūjitā lokān rakṣanti sampadāmpradāḥ |
evaṃ kālamayāḥ sarve svasvakālena yojitāḥ || 77 ||
[Analyze grammar]

pūjitā vanditāścāpi prasannā rakṣayanti te |
atha lakṣmi kathayāmi mantraṃ mṛtyuñjayaṃ varam || 78 ||
[Analyze grammar]

yena mṛtyurbhavejjanmavatā japtena sañcitaḥ |
ahaṃ nārāyaṇo'nādiḥ parameśo'sti madvapuḥ || 79 ||
[Analyze grammar]

mahākālo mama śaktistatputrī mṛtyureva ha |
mamaiśvaryasya putrī sā mṛtyurmayā vinirmitā || 80 ||
[Analyze grammar]

kālajidahaṃ bhagavān mṛtyujidahaṃ mādhavaḥ |
mama nāma japennityaṃ mṛtyuñjayeti vai naman || 81 ||
[Analyze grammar]

oṃ namo mṛtyuñjayāya svāhā japedaharniśam |
tena mṛtyuḥ svayaṃ tasmānnivartate na saṃśayaḥ || 82 ||
[Analyze grammar]

duḥsvapnāni praṇaśyanti duṣṭāri śakunānyapi |
duṣṭagrahā nivartante durbhāgyaṃ līyate'pi ca || 83 ||
[Analyze grammar]

mahābhayaṃ vilīyeta cetayo yanti vai layam |
upadravāḥ praṇaśyanti daivāśca bhautikāśca ye || 84 ||
[Analyze grammar]

ādhyātmikā vyādhayaścādhayo naśyantyupādhayaḥ |
ākasmikāni duḥkhāni vilīyante dravanti ca || 85 ||
[Analyze grammar]

yatrā'haṃ tatra vai nāsti duḥkhaṃ manāk kuto'ti ca |
smṛto'haṃ satataṃ lakṣmi pūjito'haṃ vasāmi ca || 86 ||
[Analyze grammar]

hṛdaye tatra cānandaḥ śāśvato vai mayā saha |
bhavatyeva hi bhaktānāṃ yatra śrīstatra modanam || 87 ||
[Analyze grammar]

ahaṃ tvaṃ cākṣaraṃ brahma muktā vasanti taddhṛdi |
kālo mṛtyuśca pāpāni pāvanāni hi tatra tu || 88 ||
[Analyze grammar]

sukhadānyeva jāyante sadbhāgyāni bhavanti ca |
abhaktasyaiva loke'tra pīḍā grahādisaṃbhavā || 89 ||
[Analyze grammar]

nāgādisaṃbhavā cāpi duḥkhadāridryasaṃbhavā |
anāśritānāṃ duṣṭāśca bhavanti pīḍakā rame || 90 ||
[Analyze grammar]

mamā''śritebhyastvaritaṃ palāyante hi pīḍakāḥ |
yamadūtāḥ palāyante nimittāni ca mṛtyavaḥ || 91 ||
[Analyze grammar]

ātmānamātmanā sākaṃ yojayed bhaktivarmakaḥ |
antarātmātmako bhūtvā tādātmyenā''sthito bhavet || 92 ||
[Analyze grammar]

karmaṇā manasā vācā dehenendriyadhārayā |
mama tādātmyamāptasya kālagandho na vartate || 93 ||
[Analyze grammar]

māyāgandho na cā''ste'sya mṛtyugandhastataḥ kutaḥ |
modate mama pārśve'yaṃ mamāṃśo mamatāṃ gataḥ || 94 ||
[Analyze grammar]

yathā śrīmordate loke ramā lakṣmīḥ pramodate |
ananto modate yadvad garuḍo'pi pramodate || 95 ||
[Analyze grammar]

sanatkumāraḥ satataṃ śaṃkaro modate yathā |
yathā viṣṇurmodate ca nārāyaṇaḥ pramodate || 96 ||
[Analyze grammar]

naro nārāyaṇaścāpi hariḥkṛṣṇo'pi modate |
tathā pramodate bhaktaḥ kālapāśavivarjitaḥ || 97 ||
[Analyze grammar]

nārī nāmajapā yā sā māṇikyā sadṛśī bhavet |
māṇikyāśrīḥ sadā'dhiṣṭhānātmikā mama padmaje || 98 ||
[Analyze grammar]

yatrā'haṃ tatra sarvāṇyaiśvaryāṇi mama santi hi |
kālamāyādike tatra karma duḥkhaṃ na vidyate || 99 ||
[Analyze grammar]

anādiśrīkṛṣṇanārāyaṇāya oṃ namo namaḥ |
ityevaṃ japato lakṣmi pātakaṃ na spṛśet kvacit || 100 ||
[Analyze grammar]

ityuktaṃ me mantrabalaṃ bādhyate durlabhaṃ balāt |
mama nāmabalaṃ sarvabalādhikaṃ pravidyate || 101 ||
[Analyze grammar]

mama mūrtibalaṃ sarvabalādhikaṃ sadā priye |
madbalaṃ cāpi sarvebhyo balebhyo'dhikameva ha || 102 ||
[Analyze grammar]

tadādāya jayet kālaṃ māyāṃ pāpaṃ ca karma ca |
saṃsārasya viṣaṃ cāpi śatrūn viṣayagocarān || 103 ||
[Analyze grammar]

sarvaṃ viṣaṃ vijityaivā'mṛtaṃ pītvā madātmakam |
bhuktiṃ muktiṃ labhenmartyo'maraḥ prajāyate'kṣare || 104 ||
[Analyze grammar]

paṭhanācchravaṇādasya smaraṇāccintanādapi |
kālamāyābhayaṃ tyaktvā modate matkṛtāśrayaḥ || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne kālamṛtyusvarūpatadbalapradarśanaṃ tajjayārthaṃ tattanmantrajapasya parameśvarādipūjanaprakārasya ca nirūpaṇanāmā dvācatvāriṃśadadhikaśatatamo'dhyāyaḥ || 142 ||
[Analyze grammar]