Chapter 132

śrīpuruṣottama uvāca |
śṛṇu nārāyaṇīśri tvaṃ saptasāgaradānakam |
mahādānamidaṃ sarvapāpaghnaṃ svargadhāmadam || 1 ||
[Analyze grammar]

pavitraṃ dinamāsādya kārayenmaṇḍapaṃ śubham |
vedīṃ ca kārayed ramyāṃ dānavastūni cāharet || 2 ||
[Analyze grammar]

svastiśabdān puṇyadinaṃ vācayed vedakovidaiḥ |
āsaneṣu maṇḍape cāvāhayellokapālakān || 2 ||
[Analyze grammar]

parameśaṃ hariṃ māṃ ca śrīramāmudadheḥ sutām |
saptakuṇḍāni ramyāṇi kārayenmaṇḍape khalu || 4 ||
[Analyze grammar]

kāñcanāni saptapalādūrdhvāṇi śobhanāni ca |
āsahasrapalātmāni sthālītulyāni tatra ca || 5 ||
[Analyze grammar]

prathamaṃ pūrayet kuṇḍaṃ lavaṇena tu kāṃcanam |
dvitīyaṃ payasā tadvat tṛtīyaṃ tu ghṛtena vai || 6 ||
[Analyze grammar]

caturthaṃ tu guḍenaiva dadhnā tu paṃcamaṃ tathā |
ṣaṣṭhaṃ śarkarayā cāpi saptamaṃ miṣṭavāribhiḥ || 7 ||
[Analyze grammar]

ete saptasamudrā vai pūjanīyā viśeṣataḥ |
brahmāṇaṃ kāñcanaṃ cādye samudre sthāpayecchubham || 8 ||
[Analyze grammar]

dvitīye keśavaṃ māṃ ca tṛtīye tu haraṃ tathā |
caturthe bhāskaraṃ cāpi pañcame candramityapi || 9 ||
[Analyze grammar]

ṣaṣṭhe lakṣmīṃ mama patnīṃ saptame pārvatīṃ satīm |
sthāpayed dāsadāṃsīśca ratnahīrakamauktikān || 10 ||
[Analyze grammar]

sarvadhānyānyuttamāni dānavastūni yāni ca |
homaṃ vāruṇamantraiśca kṛtvā sampūjayet surān || 11 ||
[Analyze grammar]

triḥpradakṣiṇamāvṛtya prārthayenmāṃ sasāgaram |
sarvarasān samutpādya bhavantaḥ sāgarāḥ sadā || 12 ||
[Analyze grammar]

sarvasṛṣṭiṃ sukhayanti tathā kuruta māṃ sukham |
bhavatāṃ vāribhiḥ sarvapāpāni yānti saṃkṣayam || 13 ||
[Analyze grammar]

sampadaśca pravardhante mamāpi kuruta śriyam |
dattā dāne bhavantaśca vardhayantu mama śriyam || 14 ||
[Analyze grammar]

mama kośāḥ svarṇarūpyamayāḥ syuḥ sāgarā iva |
mama saukhyaṃ cā'kṣayaṃ ca bhavatvatra paratra ca || 15 ||
[Analyze grammar]

bhavanto'trā'rpitāḥ santu madarthaṃ divyadehinaḥ |
bhuktimuktipradāḥ sarve mahāsāmrājyadāyinaḥ || 16 ||
[Analyze grammar]

svargasatyapradāścānte bhaumavairājalokadāḥ |
śrīpurā'mṛtadhāmā'vyākṛtadāścā'kṣarapradāḥ || 17 ||
[Analyze grammar]

rādhāputrā bhavanto vai golokaṃ no dadatvapi |
ānandānāṃ sāgarāṃśca dadatveva ca me sadā || 18 ||
[Analyze grammar]

pitṝṇāṃ tṛptidaścāpi bhavantūddhārakāriṇaḥ |
sarvavaṃśapravaṃśānāṃ bhavantu sukhadāyinaḥ || 19 ||
[Analyze grammar]

ityabhyarthya pradeyāste kāñcanāḥ saptasāgarāḥ |
gurave sādhave cāpi haraye svāmine tathā || 20 ||
[Analyze grammar]

dīnā'ndhakṛpaṇebhyastu deyāni vividhāni ca |
annaratnāmbarapātradhanāni ca yathāyatham || 21 ||
[Analyze grammar]

bhojayed viprasādhūṃśca satīḥ sādhvīśca yoṣitaḥ |
bālāṃśca bālikāścāpi dadyād dānāni sarvaśaḥ || 22 ||
[Analyze grammar]

ityevaṃ dānakṛllakṣmi yāti vairājadhāma ha |
śrīpuraṃ cāmṛtaṃ dhāma golokaṃ cākṣaraṃ tataḥ || 23 ||
[Analyze grammar]

brahmalokaṃ paraṃ lokaṃ prayati śāśvataṃ padam |
svarṇavarṇavimānena cāpsarobhiḥ prasevitaḥ || 24 ||
[Analyze grammar]

pārṣadairmānito yāti padaṃ me śāśvataṃ priyam |
tatrānandamahābdhau ca modate sumahīyate || 25 ||
[Analyze grammar]

śṛṇu lakṣmi tathā cānyanmahādānamanuttamam |
ratnadhenvātmakaṃ dhenulokapradaṃ sukhapradam || 26 ||
[Analyze grammar]

pavitradinamāsādya maṇḍapaṃ kārayecchubham |
vedīṃ kuṇḍaṃ kārayecca ratnāni sannyasettathā || 27 ||
[Analyze grammar]

dānavastūni sarvāṇi tathā ratnāni sannyaset |
gopradānārthayogyāni kṛṣṇājine nyased budhaḥ || 28 ||
[Analyze grammar]

lavaṇe droṇapuñje ca mṛgacarmaṇi vai tadā |
ratnadhenuṃ sthāpayecca savatsāṃ cāpyalaṃkṛtām || 29 ||
[Analyze grammar]

rājā kuryānmahatīṃ vai dhenuṃ sarvārthakāmadām |
sthāpayet padmarāgāṇāmekāśītiṃ mukhe tu goḥ || 30 ||
[Analyze grammar]

puṣparāgaśataṃ cāpi ghoṇāyāṃ parikalpayet |
lalāṭe hematilakaṃ muktāphalaśataṃ dṛśoḥ || 31 ||
[Analyze grammar]

bhrudvaye vidrumaśata śuktī ca karṇayostathā |
kānakāni tu śṛṃgāṇi śiro vajramaṇikṛtam || 32 ||
[Analyze grammar]

grīvāyāṃ paṭakaṃ cāpi gomedādiśatodbhavam |
indranīlaśataṃ pṛṣṭhe pārśve vaidūryaśobhite || 33 ||
[Analyze grammar]

sphāṭikairudaraṃ cāpi saugandhiśatakaiḥ kaṭim |
khurān rājatarūpāṃśca pucchaṃ muktāvalīkṛtam || 34 ||
[Analyze grammar]

sūryakāntendukāntau ca ghrāṇe karpūracandane |
kauṃkumāni ca romāṇi raupyanābhiṃ ca kārayet || 35 ||
[Analyze grammar]

gārutmataśataṃ pucchamūle staneṣu sanmaṇīn |
tathā'nyānyapi ratnāni yathāśakti prakalpayet || 36 ||
[Analyze grammar]

jihvāṃ ca śarkarārūpāṃ guḍaṃ gomayarūpiṇam |
ghṛtaṃ mūtrasvarūpaṃ ca dadhidugdhe svarūpataḥ || 37 ||
[Analyze grammar]

pucchāgre cāmaraṃ cāpi tāmradohaṃ samīpataḥ |
kuṇḍalāni ca haimāni bhūṣaṇāni yathādhanam || 38 ||
[Analyze grammar]

ghāsagrāsān dhānyakāṃśca rakṣayettatra sannidhau |
caturthāṃśena vatsīṃ ca sarvadhānyāni sannyaset || 39 ||
[Analyze grammar]

ikṣupādān kārayecca pañcavarṇāṃ tu jhullarīm |
nānāphalāni ramyāṇi maṇḍape sannyasettathā || 40 ||
[Analyze grammar]

homaṃ kṛtvā'nale devā''vāhanaṃ kārayettathā |
pūjayed vidhinā māṃ ca devān dhenuṃ pradakṣiṇam || 41 ||
[Analyze grammar]

kṛtvā'rthayed dānakartā natvā viprān hariṃ ca gām |
tvaṃ devi sarvadevānāṃ vāsarūpā'si tāriṇī || 42 ||
[Analyze grammar]

kāmadhenusamastānāṃ pratimāyai ca te namaḥ |
sarvakāmaprade mātargolokavāsini priye || 43 ||
[Analyze grammar]

pāpahe puṇyade mokṣaprade mātaśca te namaḥ |
māmasmātsāgarāllakṣmīrūpe tāraya sarvathā || 44 ||
[Analyze grammar]

sarvasampatprade kṛṣṇapriye tāraya sāgarāt |
svargaṃ dehi ca vairājaṃ śrīpuraṃ cāmṛtaṃ tathā || 45 ||
[Analyze grammar]

golokaṃ cā'kṣaraṃ dhāma pradehi kamale hi me |
iti samprārthya dātavyā gurave sādhave hi sā || 46 ||
[Analyze grammar]

viprāya yogyapātrāya dātavyā vaiṣṇavāya ca |
anyaratnāni dhānyāni deyavastūni yāni ca || 47 ||
[Analyze grammar]

tāni sarvāṇi deyāni bhikṣukebhyo'tibhāvataḥ |
bhojanīyāḥ sādhavaśca viprāśca bālabālikāḥ || 48 ||
[Analyze grammar]

evaṃ dānapradānā syāt svargabhāk mokṣabhāk tathā |
bhuktimuktimahāmuktisampanno jāyate sadā || 49 ||
[Analyze grammar]

pitṛṇāṃ tārakaścāpi kuṭumbināṃ ca tārakaḥ |
sarvapuṇyasupātraṃ vai brahmānandamayo bhavet || 50 ||
[Analyze grammar]

athānyatte pravakṣyāmi mahādānaṃ tathā rame |
mahābhūtakalaśākhyaṃ paraṃ sarvārthasādhakam || 591 ||
[Analyze grammar]

pavitratithimāsādya kṛtvā maṇḍapamuttamam |
svastivācaśca puṇyāhavācanaṃ kārayettataḥ || 52 ||
[Analyze grammar]

kuṇḍasya sannidhāvājyavrīhyādīn samupanyaset |
dānasambhārabhūṣādyācchādanānnaphalādikam || 53 ||
[Analyze grammar]

saṃsthāpya lokapālānāṃ mamāvāhanamācaret |
pūjayed vidhinā sarvān svarṇaghaṭaṃ ca vinyaset || 54 ||
[Analyze grammar]

mahāratnādisaṃyuktaṃ pañcapallavaśobhitam |
prādeśādaṅgulaśatapramāṇamānaśobhitam || 55 ||
[Analyze grammar]

kṣīrā''jyapūritaṃ kalpāmbarapuṣpādisaṃyutam |
sthāpayet pūjayeccāpi tatra tīrthāni cāharet || 56 ||
[Analyze grammar]

pṛthvīṃ vārāhasahitāṃ kamalādyairalaṃkṛtām |
sthāpayenmaṇḍape tatra vināyakaṃ prapūjayet || 57 ||
[Analyze grammar]

indramagniṃ yamaṃ rakṣo varuṇaṃ cānilaṃ tathā |
kuberaṃ ca maheśānaṃ pūjayeddhānyapuñjake || 58 ||
[Analyze grammar]

akṣasūtrayutaṃ tatra ṛgvedaṃ pūjayet tathā |
padmayuktaṃ yajurvedaṃ sāmavedaṃ viṇāyutam || 59 ||
[Analyze grammar]

atharvāṇaṃ sruksruvāḍhyaṃ padmāḍhyaṃ pūjayettathā |
brahmāṇaṃ rudramevāpi viṣṇuṃ sampūjayettataḥ || 60 ||
[Analyze grammar]

māṇikyāsahitaṃ māṃ śrīkṛṣṇanārāyaṇaṃ prabhum |
pūjayed bhaktibhāvena tataścārātrikaṃ caret || 61 ||
[Analyze grammar]

sarvadhānyāni bhūṣāśca ratnāni vividhāni ca |
upānatpādukāchatracāmarāsanadarpaṇam || 62 ||
[Analyze grammar]

śayyāṃ kuṃbhān dīpikāṃ ca dravyāṇi vividhāni ca |
dānārthakāni sarvāṇi kṛtvā māṃ triḥpradakṣiṇam || 63 ||
[Analyze grammar]

dadyād dāne tu vidhinā prārthayet kalaśaṃ tadā |
namo brahmāṇḍarūpāya kṛṣṇavāsāya vedhase || 64 ||
[Analyze grammar]

rudrarūpāya śāntāya viṣṇave kalaśāya te |
namaḥ sarvādhivāsāya mokṣadāya namo namaḥ || 65 ||
[Analyze grammar]

namo'mṛtādhivāsāya suvarṇasvargadāya ca |
śrīpurā'kṣaradātre te svarṇakalaśa te namaḥ || 66 ||
[Analyze grammar]

sarvadevanivāso'si sarvadevīsamāśritaḥ |
sarvarddhibhūtisampadbhiryukto'sya te namo namaḥ || 67 ||
[Analyze grammar]

pañcabhūtātmarūpo'si dadāmi dānarūpiṇam |
sāmrājyaṃ me pradehyatra paratra mokṣaṇaṃ tataḥ || 68 ||
[Analyze grammar]

iti prārthya ca gurave sādhave yogine tathā |
haraye me pradātavyo ghaṭaḥ svarṇamayaḥ śubhaḥ || 69 ||
[Analyze grammar]

anyāni sarvadānādi deyāni ca yathocitam |
bhojanāni pradeyāni sarvebhyo maṇḍapāntike || 70 ||
[Analyze grammar]

mahotsavaṃ prakuryād ya evaṃ ghaṭārpaṇātmakam |
tasya rājyaṃ mahārājyaṃ bhuvi svarge bhaved dhruvam || 71 ||
[Analyze grammar]

satye vairājake loke vaiṣṇave śrīpure'mṛte |
vaikuṇṭhe'vyākṛte dhāmni goloke cā'kṣare'pi ca || 72 ||
[Analyze grammar]

mahāmuktiṃ prapadyeta bhogān bhuktvottamottarān |
pitṝn sarvān mocayecca bhavet vimānagaḥ sadā || 73 ||
[Analyze grammar]

svalpasyāpi kalaśasya dānaṃ kuryād yathādhanam |
mahāghaṭasya haṇḍasya droṇyā golyāḥ samarpaṇam || 74 ||
[Analyze grammar]

kusulāyāḥ pradānaṃ ca kośasyāpi pradānakam |
kuryāttena bhaved bhuktirmuktiścāpi sukhapradā || 75 ||
[Analyze grammar]

paṭhanācchravaṇāccāpi smaraṇāccānumodanāt |
ghaṭadānaphalaṃ syādvai sarvapāpapraṇāśanam || 76 ||
[Analyze grammar]

athā'nyatte pravakṣyāmi dānaṃ lakṣmi nibodha me |
lakṣmīdānaṃ mahādānaṃ kartavyaṃ bhūtimicchatā || 77 ||
[Analyze grammar]

maṇḍapaṃ kārayecchreṣṭhaṃ maṇiratnādibhūṣitam |
sarvapallavakadalīstambhatoraṇaśobhitam || 78 ||
[Analyze grammar]

citrāmbarā''darśayuktaṃ svarṇakalaśaśobhitam |
sadhvajaṃ vedikāyuktaṃ kuṇḍāsanavirājitam || 79 ||
[Analyze grammar]

dhānyabhūṣāmbararatnamaṇimāṇikyarājitam |
deyavastūpasampannaṃ ṛtvigādikṛtasthalam || 80 ||
[Analyze grammar]

jalakuṃbhayutaṃ pūtrāyogyasāmagrikānvitam |
tatra madhye suvarṇasyā''sane lakṣmīṃ mahāsatīm || 81 ||
[Analyze grammar]

kānakīṃ sthāpayed ramyāṃ yathādhanaṃ vinirmitām |
sarvālaṃkārasaṃyuktāṃ sarvaśṛṃgāraśobhitām || 82 ||
[Analyze grammar]

sarvabhūṣāmbarayuktāṃ nārāyaṇasamanvitām |
svarṇanārāyaṇamūrtiṃ caturbhujāṃ sabhūṣaṇām || 83 ||
[Analyze grammar]

varayogyāṃ sthāpayecca svastivācanamācaret |
nārāyaṇaṃ tathā lakṣmīṃ pūjayecca vidhānataḥ || 84 ||
[Analyze grammar]

snānādyārabhya kuryādvai puṣpāñjalyantamarhaṇam |
vivāhavidhinā sarvaṃ vidhiṃ kuryād yathocitam || 85 ||
[Analyze grammar]

varamālāṃ hareḥ kaṇṭhe nidhāpayecchriyāḥ karaiḥ |
naivedyaṃ ca jalaṃ tāmbūlakamārārtrikaṃ caret || 86 ||
[Analyze grammar]

kṛtvā pradakṣiṇaṃ juhuyādghṛtādisupāyasam |
tato dānaṃ mahālakṣmyā dadyānnārāyaṇāya vai || 87 ||
[Analyze grammar]

prārthayed vidhinā lakṣmīṃ nārāyaṇaṃ paraṃ prabhum |
yuvāṃ mātāpitarau sthaḥ rakṣakau pālakau prabhū || 88 ||
[Analyze grammar]

lakṣmīdānena bhagavan mama sampad vivardhatām |
pāpānāṃ sarvabhāgānāṃ layo bhavatu vai dhruvam || 89 ||
[Analyze grammar]

mahārājyaṃ ca vairājyaṃ padaṃ me'stu tavā'rpaṇāt |
pitṝṇāṃ mama mokṣo'stu vaṃśavṛddhistathā'stu me || 90 ||
[Analyze grammar]

vaikuṇṭhadhāmalābho me tato me'stvākṣaraṃ padam |
sarvavidhāḥ śriyaḥ santu madgṛhe te kṛpāvaśāt || 91 ||
[Analyze grammar]

iti samprārthya dātavyā lakṣmīrnārāyaṇāya vai |
lakṣmīnārāyaṇamūrtistato deyā sate'rthine || 92 ||
[Analyze grammar]

gurave sādhave deyā mandirāya śubhārthine |
anyaratnādikaṃ sarvaṃ dātavyaṃ bhikṣuvargiṇe || 93 ||
[Analyze grammar]

sādhūn viprān bhojayecca bālān dīnān subālikāḥ |
anāthāndhān dvijān bhaktān yogino bhojayed vadhūḥ || 94 ||
[Analyze grammar]

annadānādikaṃ kuryād vastradānādikaṃ api |
dhanadānādikaṃ kuryād yathāśraddhaṃ yathādhanam || 95 ||
[Analyze grammar]

evaṃ lakṣmīpradānena lakṣmīdānaphalaṃ bhavet |
kanyādānaphalaṃ cāpi patnīdānaphalaṃ vrajet || 96 ||
[Analyze grammar]

vratayajñaphalaṃ cāpi satreṣṭāpūrtijaṃ phalam |
sarvadānaphalaṃ cāpi cāturmāsyaphalaṃ vrajet || 97 ||
[Analyze grammar]

sāmrājyaṃ ceha loke'pi bhuktvā lakṣmīprasādataḥ |
svargarājyaṃ satyarājyaṃ vairājaṃ padamāpnuyāt || 98 ||
[Analyze grammar]

tataḥ śrīpurarājyaṃ ca bhuktvā golokamāpnuyāt |
vaikuṇṭhaṃ ca paraṃ bhuktvā tato yātyakṣaraṃ padam || 99 ||
[Analyze grammar]

brahmānandahrade magno brahmaloke mahīyate |
bhuktiṃ muktiṃ yatheṣṭāṃ vai labhate dānakṛttathā || 100 ||
[Analyze grammar]

evamuktāni te lakṣmi mahādānāni yāni vai |
tathā'nyāni bhavantyatra dānāni vividhānyapi || 101 ||
[Analyze grammar]

sūryadānaṃ candradānaṃ mahendradānamityapi |
brahmadānaṃ viṣṇudānaṃ śaṃbhudānaṃ tathā param || 102 ||
[Analyze grammar]

kuberadānamevāpi yamadānaṃ śubhāspadam |
prāṇadānaṃ cendriyādidānaṃ svarṇapratikṛtim || 103 ||
[Analyze grammar]

dadyāt tatraiva sarvatra yantradānaṃ yathocitam |
ākṣarabrahmadānaṃ ca golokadānamityapi || 104 ||
[Analyze grammar]

vaikuṇṭhadānamevāpi śrīpurasyā'rpaṇaṃ tathā |
evamanyāni dānāni yāni sveṣṭāni santi ca || 105 ||
[Analyze grammar]

tāni dadyāt samagrāṇi labdhyarthaṃ vai bhavāntare |
mokṣārthaṃ vā pradadyācca bhaktidānaṃ mahottamam || 106 ||
[Analyze grammar]

paṭhanācchravaṇādasya smaraṇāccānumodanāt |
dānapuṇyaṃ bhavet sarvaṃ yathāśraddhaṃ yathāśuci || 107 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne saptasāgaramahādānasya ratnadhenumahādānasya mahābhūtakalaśadānasya lakṣmīmahādānasya tathā'nyamahādānānāṃ vidhinirūpaṇanāmā dvātriṃśādhikaśatatamo'dhyāyaḥ || 132 ||
[Analyze grammar]