Chapter 130

śrīpuruṣottama uvāca |
śṛṇu nārāyaṇīśri tvaṃ mahādānamataḥ param |
viśvasudarśanacakramahādānaṃ mahattamam || 1 ||
[Analyze grammar]

śreṣṭhaṃ palasahasreṇa tadardhena tu madhyamam |
tadardhena kaniṣṭhaṃ vā kārayeccakramujjvalam || 2 ||
[Analyze grammar]

ṣoḍaśāraṃ cā'ṣṭanemiṃ rūpyakapaṭṭarājitam |
viṃśatiphalataścordhvaṃ kārayeccakramuttamam || 3 ||
[Analyze grammar]

tannābhau śrīkṛṣṇanārāyaṇaṃ māṃ racayecchubham |
caturbhujaṃ samukuṭaṃ caturāyudhaśobhitam || 4 ||
[Analyze grammar]

ādyanemau brahmapriyeśvarīrhi kānakīḥ śubhāḥ |
vinyasyed rādhikāṃ lakṣmīṃ prajñāṃ padmāvatīṃ satīm || 5 ||
[Analyze grammar]

māṇikyāṃ lalitāṃ haimīṃ jayāṃ ceti mama priyāḥ |
dvitīyanemau tadvattu pūrvato jalaśāyinam || 6 ||
[Analyze grammar]

kambharāśrīyutaṃ śrīmadgopālakṛṣṇakaṃ prabhum |
pativratāyutaṃ patnīvrataṃ guruṃ narāyaṇam || 7 ||
[Analyze grammar]

lomaśaṃ kuṃkumavāpīsahitaṃ sadguruṃ śubham |
sāvitrīsahitaṃ cā'jaṃ śivāyuktaṃ śivaṃ tathā || 8 ||
[Analyze grammar]

matsyaṃ kūrmaṃ ca vārāhaṃ narasiṃhaṃ ca vāmanam |
rāmaṃ parśudharaṃ rāmaṃ kṛṣṇaṃ buddhaṃ ca kalkinam || 9 ||
[Analyze grammar]

tṛtīyanemau mātṛkāḥ sapta vasvaṣṭakaṃ tathā |
gaṇeśaṃ sakuṭumbaṃ ca kārayed vāhanānvitam || 10 ||
[Analyze grammar]

caturthe dvādaśādityān vedāṃścatura ityapi |
pañcame pañcabhūtāni rudrāścaikādaśā'pi ca || 11 ||
[Analyze grammar]

lokapālāṣṭakaṃ ṣaṣṭhe diṅmātaṅgāṃśca kārayet |
saptame'strāṇi sarvāṇi svastikādīni cāpi vai || 12 ||
[Analyze grammar]

aṣṭasiddhīraṣṭame cā'ṣṭaiśvaryāṇi ca vinyaset |
evaṃ sudarśanaṃ cakraṃ kārayitvā tu maṇḍape || 13 ||
[Analyze grammar]

kārite kadalīstaṃbhādyaiśca mahati cānayet |
vedikāsannidhau cakraṃ kṛṣṇājinatilopari || 14 ||
[Analyze grammar]

vinyasyet sarvasaṃbhārabhūṣaṇācchādanāni ca |
tathā'ṣṭādaśadhānyāni rasāṃśca lavaṇādikān || 15 ||
[Analyze grammar]

pūrṇakuṃbhāṣṭakaṃ cāpi ratnamaṇyambarāṇi ca |
mālekṣuphalapuṣpāṇi dānavastūni yāni ca || 16 ||
[Analyze grammar]

bhojyapeyāni śreṣṭhāni śarkarāśca dhanāni ca |
gāṃ kanyāṃ tulasīṃ cāpi rakṣayedanalaṃ tathā || 17 ||
[Analyze grammar]

tato maṃgalavādyāni vādayet snānaśuddhimān |
śuklāmbaradharo bhūtvā yajamānastu maṇḍape || 18 ||
[Analyze grammar]

āsane copaviṣṭaśca ṛtvigbhiḥ saha sādaram |
ācamanādikaṃ kṛtvā cā''vāhya devatāstataḥ || 19 ||
[Analyze grammar]

vidhinā pūjayitvā'thā'ṣṭottaraṃ homakāṃścaret |
kṛtvā'dhivāsanaṃ cāpi puṣpāñjaliṃ samarpayet || 20 ||
[Analyze grammar]

pradakṣiṇaṃ homacakraṃ kṛtvā samprārthayedapi |
namaḥ ṣaṭackrarūpāya sarvāntaryāmiṇe namaḥ || 21 ||
[Analyze grammar]

viśvacakrasvarūpāya sudarśanāya te namaḥ |
namo'nādikṛṣṇanārāyaṇahastā'ṅgulisthita || 22 ||
[Analyze grammar]

namaste pāpapuñjānāṃ jvālakāya dayājuṣe |
hemacakrapradānena bhuktiṃ muktiṃ pradehi me || 23 ||
[Analyze grammar]

paramānandamūrte te namo nārāyaṇātmane |
tejomayāya divyāyā'surapāṭanaśaktaye || 24 ||
[Analyze grammar]

hṛdayasthāya ca guṇātītāya te namo namaḥ |
nārāyaṇe sthitaṃ cakraṃ cakramadhye hariḥ sthitaḥ || 25 ||
[Analyze grammar]

dvayormadhye mahālakṣmīstasyai devyai namo namaḥ |
āyudhaṃ bhaktarakṣārthaṃ vartase māṃ prapāhi ca || 26 ||
[Analyze grammar]

evamuccārya gurave dadyāccakraṃ sudarśanam |
anyāni dānayogyāni dvijātibhyo'rpayettathā || 27 ||
[Analyze grammar]

dīnā'ndhakṛpaṇebhyaśca yoṣidbhyo'pyarpayettathā |
bālebhyo bālikābhyaśca dadyād dānāni vai tadā || 28 ||
[Analyze grammar]

bhojayet sarvabhojyāni ārārtrikaṃ tathā''caret |
parihāraṃ prakuryācca visṛjed bhūsurādikān || 29 ||
[Analyze grammar]

evaṃ pradātā cakrasya mucyate bhavabandhanāt |
viṣṇuloke pare svarge satye vairājabhūstare || 30 ||
[Analyze grammar]

bhuktvā bhogānanantāṃśca bhūtvā nārāyaṇātmakaḥ |
vaikuṇṭhalokamāsādya caturbāhuḥ sanātanaḥ || 31 ||
[Analyze grammar]

ciraṃ vasettato yāti golokaṃ dhāma cottamam |
tato brahmapuraṃ yāti cākṣaraṃ dhāma me param || 32 ||
[Analyze grammar]

nityaṃ vai kānakaṃ cakraṃ sudarśanaṃ hariśritam |
kārayitvā gṛhe bhaktaḥ pūjayet kusumā'kṣataiḥ || 33 ||
[Analyze grammar]

viśvacakraṃ taret so'pi hareścakrasya pūjanāt |
sudarśanaṃ gṛhe yasya tasyā'ghacakrakāṇi tu || 34 ||
[Analyze grammar]

naśyantyeva na jāyante jāyante puṇyaparvatāḥ |
rakṣāṃ karoti satataṃ gṛhasthaṃ vai sudarśanam || 35 ||
[Analyze grammar]

vardhayatyeva cā''yuṣyaṃ dadāti vipulāṃ śriyam |
sāmrājyacakraṃ yadvāpi cakravartitvamityapi || 36 ||
[Analyze grammar]

atha te śivarājñīśri kathayāmi tathottamam |
māhātmyaṃ mama cakrasya rahasyaṃ sarvato'dhikam || 37 ||
[Analyze grammar]

yasya dehe gṛhe haste vastre vāṭyāṃ ca vastuṣu |
sudarśanaṃ bhaveccakraṃ tatra pāpaṃ na tiṣṭhati || 38 ||
[Analyze grammar]

yāmyadūtā na cāyānti rākṣasā vidravanti ca |
bhūtapretapiśācādyāḥ palāyante'pi dūrataḥ || 39 ||
[Analyze grammar]

rogā jvarādikāḥ sarve na tiṣṭhanti kadācana |
vāsanā nirmūlatāṃ ca gacchatyeva sudarśanāt || 40 ||
[Analyze grammar]

rājadevādibādhāśca naśyantyeva sudarśanāt |
sarpavṛścikabādhāśca viṣāṇyanyāni yāni ca || 41 ||
[Analyze grammar]

naśyanti tejasā tūrṇaṃ sudarśanasya śārṅgiṇaḥ |
ṛddhayaḥ sarvathā tatra nivasanti surakṣitāḥ || 42 ||
[Analyze grammar]

bālagrahādayaścāpi pīḍayanti na tadgṛhe |
akālamaraṇaṃ tatra jāyate na sudarśanāt || 43 ||
[Analyze grammar]

anapatyagṛhaṃ naiva bhaved yatra sudarśanam |
utpātā na bhavantyeva yatra sudarśanaṃ mama || 44 ||
[Analyze grammar]

akasmātā na ca syuśca yatra me vai sudarśanam |
vijayaḥ sarvadā syācca sarvathā me sudarśanāt || 45 ||
[Analyze grammar]

cauravyāghrabhayādyāśca naiva jāyanta eva tu |
jalavahnibhayāścāpi bhūkampabhayamityapi || 46 ||
[Analyze grammar]

naiva tatra prajāyante yatra me'sti sudarśanam |
garbhasrāvabhayaṃ cāpi strauvaidhavyabhayādikam || 47 ||
[Analyze grammar]

sampannāśabhayaṃ naiva prajāyante sudarśanāt |
kleśā naiva prajāyante jantubhayaṃ na jāyate || 48 ||
[Analyze grammar]

śastrabhayaṃ bhavennaiva ghātabhayaṃ na jāyate |
grahapīḍā bhavennaiva yatra me'sti sudarśanam || 49 ||
[Analyze grammar]

rūpasaundaryasaubhāgyasamṛddhisadrasādikam |
sudarśanapratāpena jāyate'cintitaṃ bahu || 50 ||
[Analyze grammar]

śṛṇu lakṣmi tathā cakraṃ mālācakraṃ mahattamam |
svarṇamālā tulasyā vā mālikā cakramuttamam || 51 ||
[Analyze grammar]

brahmacakramidaṃ proktaṃ sudarśanaṃ hi tatparam |
aṣṭottaraśatāraṃ tat sādhucakraṃ mahattamam || 52 ||
[Analyze grammar]

sādhuhastagatā mālā nikṛntati hyaghāni vai |
māyādurgāṇi sarvāṇi nikṛntati samūlataḥ || 53 ||
[Analyze grammar]

janmamaraṇabhārāṇi cottārayati mastakāt |
gale mālā dhṛtā yena mastakaṃ tasya pūjyate || 54 ||
[Analyze grammar]

haste mālā dhṛtā haste padmā'sya saṃvaset sadā |
bhuje mālā prakoṣṭhe vā dhṛtā prajāyate ramā || 55 ||
[Analyze grammar]

lakṣmīvāso bhavettasya prakoṣṭhaḥ sarvadā priyaḥ |
mālācakraṃ gṛhe yatra tadgṛhaṃ rakṣitaṃ bhavet || 56 ||
[Analyze grammar]

nārāyaṇena sahasā mayā sarvātmanā rame |
mālājāpena daityānāṃ duṣṭendriyanivāsinām || 57 ||
[Analyze grammar]

kalmaṣāṇāṃ samastānāṃ vilayo jāyate dhruvam |
evaṃ brahmamahācakraṃ paraṃ mālāsudarśanam || 58 ||
[Analyze grammar]

sarvadā rakṣakaṃ lakṣmi dāne deyaṃ viśeṣataḥ |
svarṇāṃ mālāṃ rājatīṃ vā sphāṭikīṃ mauktikīṃ ca vā || 59 ||
[Analyze grammar]

taulasīṃ vā'rpayed dāne svargadā mokṣadā hi sā |
sate sadgurave dadyājjāpakāya mahātmane || 60 ||
[Analyze grammar]

pūjayitvā candanādyairmālikāṃ hṛdayaṃgamām |
śrīharerhṛdaye cāste mālā sphāṭikasaṃbhavā || 61 ||
[Analyze grammar]

taulasīmālikā haste lakṣmīto mānatāṃ gatā |
seyaṃ lakṣmīrmahālakṣmīrmālikā malanāśinī || 2 ||
[Analyze grammar]

svargamālāpradā bhuktimuktipradā samujjvalā |
aṣṭottaraśatamaṇiśobhitā svargatantunā || 63 ||
[Analyze grammar]

sphāṭikena suramyeṇa meruṇā rājatena vā |
śobhitā brahmagranthyādinaddhā śrīvāsinī satī || 64 ||
[Analyze grammar]

saccidānandarūpā sā mālā deyā vidhānataḥ |
saṃsthāpya sarvatobhadramaṇḍale kalaśopari || 65 ||
[Analyze grammar]

śarkarādiyutā deyā gomukhī vastraśobhitā |
āsanena yutā deyā pracchādanapaṭānvitā || 66 ||
[Analyze grammar]

phalasugandhayuktā ca pradeyā divyapārikā |
divyamaṇisusampannā hīratantuvirājitā || 67 ||
[Analyze grammar]

sadakṣiṇā pradeyā vai dhanadhānyasamanvitā |
mṛgājine ghaṭe sthālyāṃ vinyasya mālikāṃ ca tām || 68 ||
[Analyze grammar]

śrīharerme pratimāyāḥ kare datvā prapūjayet |
candanākṣatapuṣpādyaiḥ snāpayenmālikāṃ mama || 619 ||
[Analyze grammar]

candanādyaiḥ pūjayitvā punarhaste tu me'rpayet |
ārārtrikaṃ dhūpadīpau kṛtvā natvā ca māṃ tataḥ || 70 ||
[Analyze grammar]

naivedyaṃ me samapyā'pi mālāyai bhojayettataḥ |
cid devī mālikā me'sti lalitā lalanā mama || 71 ||
[Analyze grammar]

sadāśaktirmahādivyā sarvapuṇyapradāyinī |
svastikena saha dadyād dhanadhānyādibhiḥ saha || 72 ||
[Analyze grammar]

gurave vai namaskṛtya dadyānnatvā punaḥ punaḥ |
prārthayed gurave tatra mālādānaṃ karomi yat || 73 ||
[Analyze grammar]

tena puṇyena me kṛṣṇaparamātmā prasīdatām |
mālayā rādhayā lakṣmyā rakṣyo'haṃ sarvadā tathā || 74 ||
[Analyze grammar]

mama pāpāni naśyantu mālādānena sadguro |
mādhavo mālayā nityaṃ prasanno me'stu saukhyadaḥ || 75 ||
[Analyze grammar]

ityevaṃ mālikācakraṃ dadyād dāne bhayāpaham |
mālācaturthabhāgaṃ ca yatra vai saptaviṃśatiḥ || 76 ||
[Analyze grammar]

maṇayaḥ syuḥ śubhaṃ vā rakṣakaṃ dadyātu rājatam |
vā vikalpaśca sandehastasmād rakṣati saṃkhyayā || 77 ||
[Analyze grammar]

so'yaṃ vārakṣakastasyāḥ sutastamapi cārpayet |
mālādānaṃ mahādānaṃ sarvapāpavināśakam || 78 ||
[Analyze grammar]

mālayā nityajāpaḥ syānnārāyaṇasya me priye |
tena duṣṭāni pāpāni naśyantyeva kṣaṇe kṣaṇe || 79 ||
[Analyze grammar]

mayi nyastasamagrasya japato nāsti pātakam |
cakradvayamidaṃ proktaṃ dadato nāsti pātakam || 80 ||
[Analyze grammar]

mahācakradvayaṃ proktaṃ sudarśanaṃ ca mālikā |
mālikā bhavahantrī ca daityaghnaṃ tu sudarśanam || 81 ||
[Analyze grammar]

athāpi ca tṛtīyaṃ vai cakraṃ cāṃgulibhūṣaṇam |
svarṇabhūṣormikācakraṃ dāne deyaṃ viśeṣataḥ || 2 ||
[Analyze grammar]

ūrmikāsampradātā vai samrāḍ bhavati bhūtale |
sarvāṃgulīyakadātā svarge rājā bhavatyapi || 83 ||
[Analyze grammar]

ūrmikāṃ'gulīyakādipradātā viśvasṛṭ bhavet |
svarṇarūpyādibhiḥ kṛtvā pūjayitvā guruṃ dvijam || 8 ||
[Analyze grammar]

sādhuṃ satīṃ mahāsādhvīṃ pativratāṃ ca sadgurum |
ācāryaṃ vedavidvāṃsaṃ sādhuṃ nārāyaṇātmajam || 85 ||
[Analyze grammar]

acyutagotrakaṃ vāpi namaskṛtyā'rpayettataḥ |
ūrmikāṃ'ṅgulīyakāni pūjayitvā sukuṃkumaiḥ || 86 ||
[Analyze grammar]

arpayeddakṣahastena cāṃguṣṭheyaṃ ca bhūṣaṇam |
tatrā''ste sarvadā svarṇahāriṇī kamalā ramā || 87 ||
[Analyze grammar]

pūjayitvā prārthayettāmūrmikāṃ'gulibhūṣaṇam |
saṃsārasāgarajanyormibhyo rakṣa sadā hi mām || 88 ||
[Analyze grammar]

mama haste sadā svarṇe bhavatyeva ca mokṣaṇam |
dehi me bhagavannāmayute bhagavati priye || 89 ||
[Analyze grammar]

pāpapuñjāni sarvāṇi mama vināśya cormike |
brahmānandormisaṃmagnaṃ kuru māṃ kṛṣṇavallabhe || 90 ||
[Analyze grammar]

ityabhyarcya ca samprārthya dadyād dāne śubhormikām |
trivalīṃ pañcavalikāṃ saptavalīṃ suśobhanām || 91 ||
[Analyze grammar]

svarṇamātrakṛtāṃ ramyāmekāṃ vā daśa vā tathā |
viṃśatiṃ vā samarthaśced dadyād dāne dvijātaye || 92 ||
[Analyze grammar]

sādhave viṣṇubhaktāya pradadyācca subhaktitaḥ |
caturthaṃ valayaṃ haste kaṭakaṃ vā suvarṇajam || 93 ||
[Analyze grammar]

cakratulyaṃ ratnanaddhaṃ maṇihīrakaśobhitam |
mauktikamāṇikyanaddhaṃ khacitaṃ kaustubhena ca || 94 ||
[Analyze grammar]

siṃhāsanaṃ pradadyācca sarvadāridryanāśakam |
sarvasampatpradaṃ lakṣmīpradaṃ patnīpradaṃ tathā || 95 ||
[Analyze grammar]

svargarājyapradaṃ cāpi satyalokapradaṃ tathā |
brahmalokapradaṃ cāpi bhuktimuktipradaṃ tathā || 96 ||
[Analyze grammar]

evaṃ lakṣmi pradadyāttu pādaprakoṣṭhabhūṣaṇam |
kāmbikāṃ kadalīṃ cāpi śṛṃkhalā baṃgaḍīṃ tathā || 97 ||
[Analyze grammar]

svarṇarajatanirmāṇaṃ samaṇiyoktikānvitām |
sarvaśobhāsyadāṃ cāpi kiṃkiṇījālaniḥsvanām || 98 ||
[Analyze grammar]

evaṃ lakṣmi tathā dadyān natthikāṃ svarṇavālikām |
suvarṇavartulavālīṃ saratnāṃ śobhanāṃ diśet || 99 ||
[Analyze grammar]

etāni sarvacakrāṇi proktāni te mayā priye |
dātavyāni yathāśakti dāne puṇyakarāṇi vai || 100 ||
[Analyze grammar]

svargadāni mahāsmṛddhipradāni mokṣadānyapi |
dāridryarogavaimatyanāśakāni sukhāni ca || 101 ||
[Analyze grammar]

divyavaṃśapravaṃśādivistārakārakāṇi ca |
divyanārīpatiputrasaubhāgyavardhakāni ca || 102 ||
[Analyze grammar]

paṭhanācchravaṇāccāpi smaraṇāccānumodanāt |
dānānyetāni sarvāṇi bhuktimuktipradāni vai || 103 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne viśvasudarśanamahācakradānasya mālikāmahācakradānasya vārakṣakadānasya ūrmikāṃ'gulīyakāṃ'gadakaṭakaśṛṃkhalābiṃgi |
ḍīkaṃkaṇanatthikādimahācakradānānāṃ ca nirūpaṇanāma triṃśadadhikaśatatamo'dhyāyaḥ || 130 ||
[Analyze grammar]