Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 124 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīpuruṣottama uvāca |
śrūyatāṃ śivarājñīśri nārāyaṇīrame śṛṇu |
sādhusevāvratavrātān kathayāmyadhikān hivām || 1 ||
[Analyze grammar]

gomahiṣyavyajoṣṭrīṇāṃ dogdhrīṇāṃ doharodhane |
abhicāre kṛte'nyena sādhuvrataṃ samāśrayet || 2 ||
[Analyze grammar]

sādhupādarajo labdhvā prasavetyabhidhāya ca |
paśoḥ pṛṣṭhe nyasettenā'bhicāro naśyati dhruvam || 3 ||
[Analyze grammar]

dogdhuṃ dadāti sahasā dogdhrī nārī tu pāśavī |
yadvā caikadinaṃ sādhvāśrame dugdhaṃ samastakam || 4 ||
[Analyze grammar]

dadyāt sevāṃ prakuryācca satāṃ dogdhuṃ tadā'rpayet |
paśūnāṃ rogapīḍāyāṃ kartavyā mānatā tadā || 5 ||
[Analyze grammar]

paśvarpaṇaṃ kariṣye'haṃ yadi rogo vinaśyati |
yadvā sādhūn sevayiṣye'harniśaṃ bhṛtyavanmaṭhe || 6 ||
[Analyze grammar]

gajavājigaruḍānāṃ haṃsavṛṣabhapakṣiṇām |
vāhanānāṃ tu pīḍāyāṃ kartavyā mānatā śubhā || 7 ||
[Analyze grammar]

pīḍānāśe vāhanaṃ vai kārayitvā satāṃ tadā |
arpayiṣye vāhanaṃ tad yadvā'harniśayādarāt || 8 ||
[Analyze grammar]

satāṃ maṭhe praseviṣye sato janān yathāsukham |
niṣādya vāhane sādhūn neṣyāmi vāṭikāṃ prati || 9 ||
[Analyze grammar]

svagṛhaṃ cāpi cānāyya pūjayiṣye'mbarārpaṇaiḥ |
arpaṃyiṣye dhanaṃ dhānyaṃ paśurakṣā bhaved yadi || 10 ||
[Analyze grammar]

gṛhakoṇe catvare me rathyāyāṃ bhūtasañcaraḥ |
yo'sti tasya vināśārthaṃ kartavyā mānatā śubhā || 11 ||
[Analyze grammar]

sādhūnāṃ bhojanaṃ cātra pūjanaṃ harikīrtanam |
kārayiṣye jalasekaṃ prasādāmṛtavarṣaṇam || 12 ||
[Analyze grammar]

mūtrendriyādistaṃbhe tu kartavyā mānatā śubhā |
māsaṃ maṭhe sthitiṃ kṛtvā seviṣye sādhusattamān || 13 ||
[Analyze grammar]

bhojayiṣye pūjayiṣye vartiṣye tadvacasyaham |
sasyakaṇiśayoge cejjanturogaḥ prajāyate || 14 ||
[Analyze grammar]

kartavyā mānatā tatra janturogāpanuttaye |
dhānyānāṃ daśamo bhāgo dātavyo devamandire || 15 ||
[Analyze grammar]

sādhūnāṃ bhojanaṃ cāpyatithidīnā'nnadānakam |
mayā kāryaṃ tathā śreṣṭhaścānnakūṭasamutsavaḥ || 16 ||
[Analyze grammar]

mayā kāryaḥ supākaṃ me kṣetraṃ bhavatu ṛddhimat |
udyāneṣu phalivṛkṣādiṣu rogāpanuttaye || 17 ||
[Analyze grammar]

kartavyā mānatā śreṣṭhā yadi rogo vinaśyati |
sādhubhyaḥ satphalānyevā'rpayiṣye vai daśāṃśataḥ || 18 ||
[Analyze grammar]

kandamūlādisatpāke yadi hāniḥ pradṛśyate |
patrapuṣpādipāke ca śākapāke tadā śubhā || 19 ||
[Analyze grammar]

kartavyā mānatā pākaḥ samṛddho me bhavedyadi |
sādhubhyaḥ prathamaṃ nityaṃ dāsye kandadalādikam || 20 ||
[Analyze grammar]

sādhuvāsaṃ kārayiṣye kṣetramadhye śubhāśraye |
ikṣupāke śṛgālondurvādikṛte hyapakṣaye || 21 ||
[Analyze grammar]

mānatā tatra kartavyā tadupadravaśāntaye |
ikṣukhaṇḍān pratyahaṃ vai dāsye sādhubhya uttamān || 22 ||
[Analyze grammar]

pañca vā daśa vā tvekādaśyāṃ vā pratyahaṃ tathā |
gūḍaṃ cotpannaphalato daśāṃśaṃ sādhave śubham || 23 ||
[Analyze grammar]

arpayiṣye śarkarādi kārayiṣye mahotsavam |
vyāpāre lābhabhāgaḥ syādutkṛṣṭo vipulo yadi || 24 ||
[Analyze grammar]

tadā daśāṃśaṃ sādhubhyo dāsye devāya vā dhruvam |
adhikaśced dhāraṇāto lābho me vai bhaviṣyati || 25 ||
[Analyze grammar]

tadā dāsye'rdhamevāpi bhāgaṃ śrīharaye sate |
sarvanāśakṣaṇe kāryā mānatā sarvadānikā || 26 ||
[Analyze grammar]

mṛtyorbhaye samutpanne kartavyā mānatā śubhā |
samarpito bhaviṣyāmi sādhave haraye ca vā || 27 ||
[Analyze grammar]

yadi jīvan rakṣito'tra bhaveyaṃ kālavegataḥ |
kuṣṭhe śuṣke jaḍībhāve raktasrāve vibhedane || 28 ||
[Analyze grammar]

dhāturoge phullaroge pākaroge jalodare |
bhagandare'rśe raktoṣṇavikṛtau pradare vṛṇe || 29 ||
[Analyze grammar]

pramehe kṣīṇabhāve vā kartavyā mānattottamā |
ebhyo rogebhya evā'haṃ yadi mukto bhavāmi ca || 30 ||
[Analyze grammar]

tadā sādhūn sevayiṣye cāturmāsye maṭhe sthitaḥ |
dehasevāṃ cānuvṛttirūpāṃ prasannatāpradām || 31 ||
[Analyze grammar]

kariṣye sarvathābhāvairdāsyabhāvamupāśritaḥ |
ṛṇī kuryānmānatāṃ vai ṛṇamukto bhavāmi cet || 22 ||
[Analyze grammar]

daśāṃśaṃ vā viṃśāṃśaṃ vā pañcamāṃśaṃ dhanasya me |
dhānyādervā sampradāsye sādhubhyaḥ sunavārjanāt || 33 ||
[Analyze grammar]

dvyahaṃ māse satāṃ sevāṃ kariṣye dāsyatāṃ tathā |
śuśrūṣaṇaṃ maṭhe sthitvā kariṣye dinapañcakam || 34 ||
[Analyze grammar]

nirvaṃśasyā'napatyasya putryādyarthaṃ tu mānatā |
kartavyā garbhalābhārthaṃ godānaṃ sādhusevanam || 35 ||
[Analyze grammar]

maṭhasammārjanaṃ cāpi devālayasya mārjanam |
lepanaṃ sādhuvāse ca jalāharaṇamityapi || 36 ||
[Analyze grammar]

āmānnārpaṇamevā'pi nityaṃ satāṃ ca darśanam |
pādasaṃvāhanaṃ cāpyāśīrvādagrahaṇaṃ sadā || 37 ||
[Analyze grammar]

evaṃ kṛte bhavatyeva garbhādhānaṃ tataḥ param |
mānatā tatra kartavyā garbharakṣaṇahetave || 38 ||
[Analyze grammar]

samvatsaraṃ nityameva dīpadānaṃ ghṛtārpaṇam |
āmānnasampradānaṃ ca kariṣye haraye sate || 39 ||
[Analyze grammar]

prasavopadrave kāryā mānatā sukhajanmane |
putrabhāreṇa sauvarṇaṃ rajataṃ śarkarāṃ ca vā || 40 ||
[Analyze grammar]

vitariṣyāmi bālebhyaḥ sadbhyaḥ sadbhojanaṃ tathā |
dravyadānaṃ ca haraye bālikābhyo dhanārpaṇam || 41 ||
[Analyze grammar]

satāṃ gamāgamaṃ devadarśanaṃ kaṇṭhikārjanam |
bālakasya kārayiṣye manugrahaṇamityapi || 42 ||
[Analyze grammar]

sādhūnāṃ sevanaṃ dinapañcakaṃ tanmaṭhe vasan |
kariṣye sevanaṃ śuśrūṣaṇaṃ putravivṛddhaye || 43 ||
[Analyze grammar]

garbhasrāvo na me bhūyāt putramṛtyurna me bhavet |
kartavyā tu tadarthaṃ vai mānatā devatārhaṇā || 44 ||
[Analyze grammar]

mahāpūjāṃ kārayiṣye satāṃ pūjāṃ ca bhojanam |
tīrthayātrāṃ kariṣye'haṃ satāṃ dāsyaṃ daśāhakam || 45 ||
[Analyze grammar]

mandire bhṛtyatāṃ cāpi kariṣye mahiṣīgavām |
bhaktānāṃ sevanaṃ cāpi kariṣye japakīrtanam || 46 ||
[Analyze grammar]

dhānyasauvarṇadānaṃ ca kariṣye vai satāṃ maṭhe |
bahuṣvapi ca putreṣu kariṣye putrakārpaṇam || 47 ||
[Analyze grammar]

yadi rogo bhavennaiva prāṇanāśo bhavenna ca |
vighnaṃ cāpi bhavennaiva kariṣye putrakārpaṇam || 48 ||
[Analyze grammar]

sādhuvāse sukūpādiṃ kārayiṣye prapāsthalīm |
chāyāvāsaṃ kārayiṣye śāntiśālāṃ tathottamām || 49 ||
[Analyze grammar]

sādhuvāsaṃ parṇakuṭīṃ kārayiṣye sadāśrayam |
sabhāsthānaṃ kārayiṣye vyākhyānapīṭhamuttamam || 50 ||
[Analyze grammar]

arpayiṣye svagurave sādhave tu tadiṣṭakam |
ciraṃ jīvetyāśiṣaśca dāpayiṣye sutasya me || 51 ||
[Analyze grammar]

yajñopavītavidhyarthe yadi vighno vilokyate |
kartavyā mānatā tatra kariṣye makhamuttamam || 52 ||
[Analyze grammar]

sādhūnāṃ bhojanaṃ sveṣṭadevasya tu nivedanam |
vedyaṃ vividhaṃ cāpi jalaṃ phalaṃ dalādikam || 53 ||
[Analyze grammar]

dānaṃ cā'mbarabhūṣāṇāṃ śṛṃgārāṇāṃ tu yoṣite |
sādhvyai tvaṃ devabhaktāyai sukhayiṣye dhanārpaṇāt || 54 ||
[Analyze grammar]

vāgdāne lagnake vivāhotsave punarāvṛtau |
vighno vilokyate cedvai kartavyā mānatā śubhā || 55 ||
[Analyze grammar]

vāgdānaṃ lagnakaṃ cāpi vivāhanaṃ punargṛham |
nirvighnaṃ ced bhavenme'tra kariṣye mandire'rpaṇam || 56 ||
[Analyze grammar]

sahasrādisuvarṇānāṃ rūpyakāṇāṃ tathā'rpaṇam |
yadvā ṣaṇmāsaparyantaṃ satāṃ śuśrūṣaṇaṃ sadā || 57 ||
[Analyze grammar]

mandirasya tathā sevāṃ kariṣye dehasaṃbhavām |
naivedyajīvikāṃ sveṣṭadevārthaṃ cottamottamām || 58 ||
[Analyze grammar]

prathamo mama putro vā devārpito bhaviṣyati |
kanyā vā sādhvikādevyarpitā mayā bhaviṣyati || 59 ||
[Analyze grammar]

gavāṃ dānāni bahūni kariṣye vā susādhave |
kṣetrārpaṇaṃ gajāśvānāṃ kariṣye vā samarpaṇam || 60 ||
[Analyze grammar]

dāsadāsyarpaṇaṃ vāpi grāmārpaṇaṃ parātmane |
mandirāya sate cāpi gurave ca dvijātaye || 61 ||
[Analyze grammar]

anāthebhyaśca dīnebhyo dāsye vṛttyarpaṇaṃ tathā |
nārībhyaśca kumārībhyo dāsye'nnadhanabhūṣaṇam || 62 ||
[Analyze grammar]

apatyānāmabhicāraparābhave kudṛṣṭike |
upadrave'pare jāte kartavyā mānatā śubhā || 63 ||
[Analyze grammar]

apatyaṃ me bhavet svasthaṃ dāsye tadbhāraśarkarām |
mahāpūjāṃ kārayiṣye satāṃ ca bhojanaṃ tathā || 64 ||
[Analyze grammar]

yadvā dinadvayaṃ sevāṃ kariṣye sādhumandire |
yadvā godhūmataṇḍulayavān dāsye tu sādhave || 65 ||
[Analyze grammar]

pitāputravaimanasye kuṭumbakleśane ca vā |
bāndhavānāmasammele kartavyā mānatā tathā || 66 ||
[Analyze grammar]

yadi caiṣāṃ saumanasyaṃ sauhārdaṃ ca parasparam |
bhavettarhi kariṣye'haṃ sādhave haraye'thavā || 67 ||
[Analyze grammar]

dhanabhojyārpaṇādyaṃ ca jñātisammelana śubham |
devasevādikaṃ cāpi kariṣye ca yathāyatham || 68 ||
[Analyze grammar]

dampatyostu vivāde vā vaimanasye viyojane |
mānatā tatra kartavyā saumanasyārthamuttamā || 69 ||
[Analyze grammar]

mahāpūjāṃ kārayiṣye sādhūnāṃ tryahasevanam |
bhojanaṃ mālikāvartanaṃ ca sevāṃ ca mandire || 70 ||
[Analyze grammar]

niṣkāsitā svapatinā tiraskṛtā'vamānitā |
kuryādvai mānatāṃ tatra snehodbhāvanakāriṇīm || 71 ||
[Analyze grammar]

mahāpūjāṃ kārayiṣye kariṣye sādhusevanam |
devasevāṃ dhanādyaiśca kariṣye'nnādidānakaiḥ || 72 ||
[Analyze grammar]

mantrajapaṃ mālikāvartanaṃ puṣpadalārpaṇam |
sarvārpaṇaṃ kariṣye māṃ patirnibhālayiṣyati || 73 ||
[Analyze grammar]

gṛhasya mānavaḥ kaścid digbhrameṇa digantaram |
kumārgago bhraman bhraṣṭo gato'nāgamanāya cet || 74 ||
[Analyze grammar]

mānatā tatra kartavyā tadāgamanakāriṇī |
gṛhā''yāte kariṣyāmi godānaṃ devamandire || 75 ||
[Analyze grammar]

sādhoḥ sevāṃ dvyahaṃ miṣṭabhojanādyaiśca pūjanam |
kanyāyā apaharaṇe manuṣyaharaṇe tathā || 76 ||
[Analyze grammar]

kartavyā strīharaṇe'pi mānatā cāgamārthinī |
gṛhā''gate kariṣyāmi mahāpūjāṃ satāṃ tathā || 77 ||
[Analyze grammar]

bhojanaṃ pañcadivasān sevāṃ maṭhe ca mandire |
dravyārpaṇaṃ svarṇaratnādyarpaṇaṃ harikīrtanam || 78 ||
[Analyze grammar]

jīvikākāryarodhe tu kartavyā mānatā śubhā |
jīvikāyāḥ pravāho me yadyaruddho bhaviṣyati || 79 ||
[Analyze grammar]

yadvā'nyajīvikālābho bhaviṣyati tadā tvaham |
pañcāhaṃ sādhusevāṃ ca prathamā''yadhanārpaṇam || 80 ||
[Analyze grammar]

mahāpūjāṃ kariṣyāmi sādhūnāṃ bhojanādikam |
vyāpārārambhaṇe kāryā mānatā lābhadāyinī || 81 ||
[Analyze grammar]

yāvān lābhastaddaśāṃśaṃ dāsye nārāyaṇāya vai |
dharmārthaṃ ca vyayaṃ samyak kariṣye sādhusevanam || 82 ||
[Analyze grammar]

rājyālaye nyāyavāde vivāde pañcasākṣiṇi |
svalābhārthe tu kartavyā mānatā sādhusevanam || 83 ||
[Analyze grammar]

lābhārthe haraye dāsye sādhubhyo bhojanādikam |
vijaye tu śubhaṃ dravyaṃ datvā navaṃ sumandiram || 84 ||
[Analyze grammar]

sādhvāśramaṃ kārayiṣye tathā'nnasatramuttamam |
devodyānaṃ kārayiṣye mahotsave ghanārpaṇam || 85 ||
[Analyze grammar]

rathārpaṇaṃ gopradānaṃ gṛhadānaṃ sthalārpaṇam |
akasmādiṣṭalābhe tu kartavyaḥ sumahotsavaḥ || 86 ||
[Analyze grammar]

nāmakīrtanavādyādyaiḥ śobhito bhojanātmakaḥ |
pūjotsavāḥ kāraṇīyā dhvajadānārpaṇaṃ tathā || 87 ||
[Analyze grammar]

nārikelādyarpaṇaṃ ca tailārpaṇaṃ ghṛtārpaṇam |
laḍḍūkānāmarpaṇaṃ ca saṃyāvādyarpaṇaṃ tathā || 88 ||
[Analyze grammar]

karanaktakagucchānāṃ puṣpāṇāmarpaṇaṃ tathā |
ākasmike bhaye prāpte bhayanāśārthameva ha || 89 ||
[Analyze grammar]

kartavyā mānatā śreṣṭhā guroḥ sevātmikā tathā |
hareḥ sevā sādhusevā dhanadhānyārpaṇatmikā || 90 ||
[Analyze grammar]

upādhau jāyamāne tu lokānāṃ bhajanādiṣu |
tannāśārthaṃ prakartavyā mālā''varttanamānatā || 91 ||
[Analyze grammar]

durbhikṣopadrave kṛṣṇanāmakīrtanamānatā |
yajñakāryasya viprāṇāṃ bhojyadānasya mānatā || 92 ||
[Analyze grammar]

sādhūnāṃ svāgatādyaṃ ca prasannatāsamarjanam |
pativratāyāḥ satkāro gavāṃ grāsā'rpaṇādikam || 93 ||
[Analyze grammar]

mahāmāryādyupaplave deśopaplavane tathā |
rakṣārthaṃ sarvadevānāṃ grahāṇāṃ śrīharestathā || 94 ||
[Analyze grammar]

devīnāṃ ca satāṃ sevāpūjābhaktyātmamānatā |
kartavyā'harniśaṃ nārīnarādyaiḥ prāṇahetave || 95 ||
[Analyze grammar]

sāmudre yānabhaṃge vā rakṣārthaṃ mānatā śubhā |
ākāśe yānabhaṃge vā bhajanaṃ satataṃ hareḥ || 96 ||
[Analyze grammar]

guruṃ sādhuṃ sevayiṣye ṣaṇmāsān mandire sthitaḥ |
kartavyā mānatā cāpi hyutpāteṣvanivartiṣu || 97 ||
[Analyze grammar]

utpātānāṃ vināśe'haṃ kariṣye makhamuttamam |
sādhūnāṃ bhojanaṃ cāpi devānāṃ tu prapūjanam || 98 ||
[Analyze grammar]

devatānāṃ tu naivedyaṃ yathocitaṃ yathādhanam |
kārāgrahādiduḥkhānāṃ nivṛttaye hi mānatā || 99 ||
[Analyze grammar]

kartavyā svārpaṇaṃ śrīmatkṛṣṇanārāyaṇe'khilam |
sādhūnāṃ bhojanaṃ śrīmadbālakṛṣṇasya pūjanam || 100 ||
[Analyze grammar]

anādiśrīkṛṣṇanārāyaṇasya mama sevanam |
rājyalābhe tu tadyogyā mahatī mānatā matā || 101 ||
[Analyze grammar]

prāṇalābhe tu tadyogyā matā sarvārpaṇātmikā |
sampallābhe vaṃśalābhe yathāyogyā hi sā matā || 102 ||
[Analyze grammar]

sarvatra sādhusādhvīnāṃ sevāśuśrūṣaṇātmikā |
mānatā cottamā śīghrasiddhidā'nugrahātmikā || 103 ||
[Analyze grammar]

kālamāyāpāpakarmaśatruyāmyakuhṛdbhayāt |
śūlamīnadhvajadhanuścakrasvastikavānava || 104 ||
[Analyze grammar]

bālakṛṣṇaḥ parabrahma mama vai śāśvataḥ patiḥ |
pitā bandhuḥ suhṛnmitraṃ rakṣakaḥ pālako'stu saḥ || 105 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
sādhavo me rakṣakāśca santu duḥkhāpahārakāḥ || 106 ||
[Analyze grammar]

evaṃ me śaraṇaṃ gatvā yatra kvāpi sthale jale |
gagane gartake vahnau vāyau rakṣaṇamarthayet || 107 ||
[Analyze grammar]

dhyātvā kṛṣṇaṃ guruṃ sādhuṃ devaṃ dharmaṃ sanātanam |
dhyātvā'ntaryāmiṇaṃ cāpi kuryād rakṣārthamānatā || 108 ||
[Analyze grammar]

hānau lābhe sukhe duḥkhe kartavyā mānatā rame |
sādhudevādipūjādi rakṣatyeva sukalpitā || 109 ||
[Analyze grammar]

antaryāmī virāje'haṃ śṛṇomi hṛdayaṃgatam |
dīnabhaktādirakṣāṃ vai drāk karomi samarpaṇāt || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sukhaduḥkhādau sādhudevādisevāvratamānatādinirūpaṇanāmā caturviṃśatyadhikaśatatamo'dhyāyaḥ || 124 ||
[Analyze grammar]

Other editions:

Also see the following editions of the Sanskrit text or (alternative) English translations of the Lakshminarayana Samhita Chapter 124

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: