Chapter 121

śrīnārāyaṇīśrīruvāca |
lalitākhyamahālakṣmyā nāmānyasaṃkhyakāni vai |
tathāpyaṣṭottaraśataṃ sapādaṃ śrāvaya prabho || 1 ||
[Analyze grammar]

śrīpuruṣottama uvāca |
mukhyanāmnāṃ prapāṭhena phalaṃ sarvābhidhānajam |
bhavedeveti mukhyāni tatra vakṣyāmi saṃśṛṇu || 2 ||
[Analyze grammar]

lalitā śrīrmahālakṣmīrlakṣmīḥ ramā ca padminī |
kamalā sampadīśā ca padmālayendireśvarī || 3 ||
[Analyze grammar]

parameśī satī brāhmī nārāyaṇī ca vaiṣṇavī |
pareśvarī maheśānī śaktīśā puruṣottamī || 4 ||
[Analyze grammar]

vibhvī māyā mahāmāyā mūlaprakṛtiracyutī |
vāsudevī hiraṇyā ca hariṇī ca hiraṇmayī || 5 ||
[Analyze grammar]

kārṣṇī kāmeśvarī kāmākṣī cāpi bhagamālinī |
vahnivāsā sundarī ca saṃvicca vijayā jayā || 6 ||
[Analyze grammar]

maṃgalā mohinī tāpī vārāhī siddhirīśitā |
bhuktiḥ kaumārikī buddhiścāmṛtā duḥkhahā prasūḥ || 7 ||
[Analyze grammar]

subhāgyā''nandinī sampad vimalā bindvikā'bhidhā |
mātā mūrtiryoginī ca cakrikā'rcā ratirdhṛtiḥ || 8 ||
[Analyze grammar]

śyāmā manoramā prītiḥ ṛddhiḥ chāyā ca pūrṇimā |
tuṣṭiḥ prajñā padmāvatī durgā līlā ca māṇikī || 9 ||
[Analyze grammar]

udyamā bhāratī viśvā vibhūtirvinatā śubhā |
kīrtiḥ kriyā ca kalyāṇī vidyā kalā ca kuṃkumā || 10 ||
[Analyze grammar]

puṇyā purāṇā vāgīśī varadā vibhavā''tminī |
sarasvatī śivā nādā pratiṣṭhā saṃskṛtā trayī || 11 ||
[Analyze grammar]

āyurjīvā svarṇarekhā dakṣā vīrā ca rāgiṇī |
capalā paṇḍitā kālī bhadrā'mbikā ca māninī || 12 ||
[Analyze grammar]

viśālākṣī vallabhā ca gopī nārī narāyaṇī |
santuṣṭā ca suṣumṇā ca kṣamā dhātrī ca vāruṇī || 13 ||
[Analyze grammar]

gurvī sādhvī ca gāyatrī dakṣiṇā cānnapūrṇikā |
rājalakṣmīḥ siddhamātā mādhavī bhārgavī parī || 14 ||
[Analyze grammar]

hāritī rāśiyānī ca prācīnī gaurikā śrutiḥ |
ityaṣṭottaraśatakaṃ saptaviṃśatirityapi || 15 ||
[Analyze grammar]

lalitāmukhyanāmāni kathitāni tava priye |
nityaṃ yaḥ paṭhate tasya bhuktirmuktiḥ karasthitā || 16 ||
[Analyze grammar]

smṛddhirvaṃśasya vistāraḥ sarvānandā bhavanti vai |
oṃśrīlalitāmahālakṣmyai namaḥ śrīṃhrīṃklīṃ svāhā || 17 ||
[Analyze grammar]

iti mantraṃ japellakṣavāraṃ sā dṛśyate dhruvam |
atha lakṣmi mahāmantraṃ gurumantraṃ vadāmi te || 18 ||
[Analyze grammar]

om antarliṃgāya gurave lalāṭasthāya sarvātmane namaḥ svāhā |
itilakṣaṃ japet siddhirjāyate brahmasadṛśī || 19 ||
[Analyze grammar]

guruṃ dhyāyet snāpayecca pūjayed bahuvastubhiḥ |
bhojayet saṃpraseveta toṣayet sarvadānakaiḥ || 20 ||
[Analyze grammar]

gururbrahmā gururviṣṇurguruḥ śrīśaṃkaraḥ svayam |
gururnārāyaṇaḥ kṛṣṇo gururbrahmaparaṃ prabhuḥ || 21 ||
[Analyze grammar]

guruḥ pitā patiḥ putro bandhurmātā ca rakṣakaḥ |
mokṣadastārakaścāpi mahānandaprado guruḥ || 22 ||
[Analyze grammar]

anādiśrīkṛṣṇanārāyaṇaḥ sākṣādgururhariḥ |
ityuktvā praṇametāpi nīrājayedguru tataḥ || 23 ||
[Analyze grammar]

puṣpāñjaliṃ diśeccāpi daṇḍavadvai samācaret |
dānaṃ dadyācca gurave sveṣṭatamasya vastunaḥ || 24 ||
[Analyze grammar]

cetano vai bhagavān sa gurureva pareśvaraḥ |
trāyate cāpadāṃ vrātānnayatyevā'kṣaraṃ padam || 25 ||
[Analyze grammar]

nityaṃ vai prathamaṃ prātargurordarśanamuttamam |
guroḥ pādāṃguṣṭhajalaṃ pibet pāvanamuttamam || 26 ||
[Analyze grammar]

api hatyādipāpānāṃ nāśakaṃ caraṇāmṛtam |
api māyādibandhānāṃ kartanaṃ caraṇo guroḥ || 27 ||
[Analyze grammar]

yāmapāśavimokṣāya śaktaṃ vai smaraṇaṃ guroḥ |
anāthānāṃ sadā nātho nārāyaṇo guruḥ paraḥ || 28 ||
[Analyze grammar]

gaṃ gāḍhaṃ ca tamo guptaṃ ruṇaddhītigururmataḥ |
gurormūrtiṃ śubhāṃ kṛtvā gṛhe kaṇṭhe prarakṣayet || 29 ||
[Analyze grammar]

gurvadvaitamupāsītā'śnute'mṛtamanuttamam |
ityetat kathitaṃ lakṣmi sārāt sārataraṃ param || 30 ||
[Analyze grammar]

mātṛtīrthāt pitṛtīrthād gurutīrthaṃ mahattamam |
śvaśrūtīrthād patitīrthād gurutīrthaṃ mahattamam || 31 ||
[Analyze grammar]

satītīrthāt priyātīrthād gurutīrthaṃ mahattamam |
devatīrthājjaḍatīrthād gurutīrthaṃ mahattamam || 32 ||
[Analyze grammar]

arcātīrthānmakhatīrthādgurutīrthaṃ mahattamam |
vratatīrthāttapastīrthād gurutīrthaṃ mahattamam || 33 ||
[Analyze grammar]

jñānatīrthādyogatīrthāt gurutīrthaṃ mahattamam |
paropakārāditīrthebhyo gurutīrthaṃ mahattamam || 34 ||
[Analyze grammar]

anādiśrīkṛṣṇanārāyaṇena paramātmanā |
mayā sandiśyate tvetadgurutīrthaṃ pramāṇavat || 35 ||
[Analyze grammar]

satyatīrthaṃ sādhutīrthaṃ tīrthaścāhaṃ pareśvaraḥ |
trīṇi tīrthāni caitāni gurau tīrthe viśanti hi || 36 ||
[Analyze grammar]

ityetacchivarājñīśri hṛdayaṃ kathitaṃ tava |
paṭhanācchravaṇādasya catuḥpumarthabhāg bhavet || 37 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne lalitāmahālakṣmyāḥ pañcatriṃśaduttaraśatanāmāni gurutīrthamāhātmyaṃ cetyādinirūpaṇanāmaikaviṃśatyadhikaśatatamo'dhyāyaḥ || 121 ||
[Analyze grammar]