Chapter 116

śrīpuruṣottama uvāca |
śṛṇu tvaṃ śivarājñīśri tataḥ sainyāni yoṣitām |
mātṝṇāṃ divyadehānāṃ rejire ca viniryayuḥ || 1 ||
[Analyze grammar]

mahākṣmīstathā lakṣmīḥ sarasvatī ca śāradā |
durgā gaṅgā yamī revā rādhā ramā ca padminī || 2 ||
[Analyze grammar]

kamalā śrīḥ pāśavatī ramā māṇikī maṃjulā |
sukhadā kaṃbharālakṣmīḥ santuṣṭā vijayā jayā || 3 ||
[Analyze grammar]

suparṇā mādhavī haṃsī bhārgavī suguṇā satī |
nārāyaṇī vāsudevī hariṇī ca hiraṇmayī || 4 ||
[Analyze grammar]

śārdūlavāhanā mattā gajānanā ca haṃsinī |
viśvā bhūtiḥ piṃgalākṣī kāmākṣī vallabhā dayā || 5 ||
[Analyze grammar]

kārṣṇī vṛndā vaiṣṇavī ca jyoṣṭrī kāmadughā'naghā |
bhūrdyaurdhariṇī dhātrī ca bhāratī kariṇī kṛtiḥ || 6 ||
[Analyze grammar]

brāhmī raudrī revatī ca māheśvarī kumārikā |
śākrī saurī nairṛtī ca saumyā śikhaṇḍinī śivā || 7 ||
[Analyze grammar]

vārāhī nārasiṃhī ca balā raktā sunandinī |
śakunī revatī kālī jayantī cāditistathā || 8 ||
[Analyze grammar]

śyāmā vināyakī siddhiḥ ṛddhiśca vinatā svadhā |
uṣā svāhā vaṣaṭkārā jyeṣṭhālakṣmīśca muktikā || 9 ||
[Analyze grammar]

māyā ratirmaṃgalā cā'mṛtā ṣaṣṭiśca mānasā |
śāntirekādaśī haimī corjaskā puruṣottamī || 10 ||
[Analyze grammar]

etāḥ sarvā hi vaiṣṇavyo mūrdhanyā yoddhṛnāśikāḥ |
tathā'parāśca śāṃkaryo kātaro niryayū raṇe || 11 ||
[Analyze grammar]

śāṃkarī mālinī caṇḍī vāyavyā dūtikā khagā |
cāmuṇḍā ca śatānandā calacchikhā supicchalā || 12 ||
[Analyze grammar]

balā cātibalā mātṛnandā nandā'parājitā |
mahākālī bhairavī ca karālī ca gaṇī tathā || 13 ||
[Analyze grammar]

mṛtyurmārī mahāmārī ditirghaṭodarī danuḥ |
ulūkī karṇamoṭī ca vajrahastā kapālikā || 14 ||
[Analyze grammar]

piśācī rākṣasī kheṭā bhṛśuṇḍī lāṃgalī tathā |
dhūmrā karālinī caikavīrodumbarī kukkuṭī || 15 ||
[Analyze grammar]

kekarī pretayānā ca krauṃcī śailamukhī sakhī |
kapardinī kāmarūpā rocanā keśinī tathā || 16 ||
[Analyze grammar]

daṃṣṭrālolkāmukhī dhūmraśikhā kṣvelā prakampinī |
sarpakarṇī viśokā ca nikuṃbhā bagalāmukhī || 17 ||
[Analyze grammar]

mākarī kacchapī citrā koṇā ca lāṃgalāvatī |
ayomukhī krodhanā cāśanī hūṃkāriṇī tathā || 18 ||
[Analyze grammar]

mahādevī rudrasaṭā kātyāyanī karālinī |
gaurī sāṃkarṣiṇī devī prāleyī bhūtaḍāmarī || 19 ||
[Analyze grammar]

sṛṣṭigarbhā mahāmāyā khaṭīyārī ca pāśinī |
etāścānyāstamobhūṣā rudrāṇyo niryayurmṛdhe || 20 ||
[Analyze grammar]

atha sarvāḥ pārameṣṭhyo brahmāṇyaścāpi niryayuḥ |
saṃkrāntayaḥ susiddhānyaḥ siddhayaḥ brahmasārasāḥ || 21 ||
[Analyze grammar]

daṇḍanāthā mantranāthā dhūmorṇā mantranāyikā |
śyāmalā yantriṇī ghanaśyāmā saṃgītayoginī || 22 ||
[Analyze grammar]

tripurā cakranāthā ca sāmrājī cakravartinī |
mahāvidyā''mnāyanāthā vaidikī simagāstathā || 23 ||
[Analyze grammar]

brāhmī māheśvarī caiva kaumārī vaiṣṇavī tathā |
vārāhī caiva māhendrī caṇḍikā śoṇavigrahā || 24 ||
[Analyze grammar]

kṣobhiṇī drāviṇī cākarṣiṇī vaśaṃkarī tathā |
unmādinī khecarā ca yaṣṭirmahāṃkuśā tathā || 25 ||
[Analyze grammar]

sarvabījādhivāsinyaścānyāstattvādiśaktayaḥ |
koṭyarbudā'bjasaṃkhyākā niryayuryuddhadurmadāḥ || 26 ||
[Analyze grammar]

mātrākarṣaṇikā devyaścittākarṣaṇikāstathā |
ātmākarṣaṇikāścāpi śarīrākarṣikāstathā || 27 ||
[Analyze grammar]

anaṃgalekhā sarvajṛṃbhaṇā mṛtyupradāyinī |
sarvavyādhiharā rakṣānāmnī rahasyayoginī || 28 ||
[Analyze grammar]

vaśinī jīvanī vahnivāsinī kulasundarī |
śoṣiṇī ca ratiḥ prītiḥ kāntiḥ śāntiśca tuṣṭikā || 29 ||
[Analyze grammar]

puṣṭiḥ śraddhā ca bhūḥ pramāthinī ca nāgavīthikā |
mātaṃgī siddhalakṣmīśca durgā'mbā potriṇī tathā || 30 ||
[Analyze grammar]

yakṣiṇī śaṃkhinī cāpi lākinī hākinī tathā |
śākinī ḍākinī dhātunāthā vārtālikā'ndhinī || 31 ||
[Analyze grammar]

etā anyā arbudābjāḥ śaktayo niryayurmṛdhe |
athendro'psarasaścāpi sādhyāśca viśvadevatāḥ || 32 ||
[Analyze grammar]

viśvakarmā mayo'gniśca rudrāḥ piśācakāstathā |
rākṣasāścāpi gandharvā mitrāśca kinnarāstathā || 33 ||
[Analyze grammar]

vidyādhrāścāpi govindo bhagavān kamalāpatiḥ |
brahmā'śviputrau gaṇakā dhanvantariśca vāsukiḥ || 34 ||
[Analyze grammar]

nāgāśca bhūsurāścāpi purohitāśca niryayuḥ |
tadā mṛdaṃgamurajāḥ paṭaho'tukulīgaṇāḥ || 35 ||
[Analyze grammar]

selukā jhallarī rāndyā huḍukā huḍḍukā gharāḥ |
ānakāḥ paṇavāścāpi gomukhāścārdhacandrikāḥ || 36 ||
[Analyze grammar]

yavamadhyā mardalāśca ḍiṇḍimā jharjharāstathā |
varītāścoddhakāścāpi tuhuṇḍā barbarāstathā || 37 ||
[Analyze grammar]

huṃkārā bherayaścāpi dadhvanuḥ samarodyame |
sarvā'śeṣāstraśastraiśca hetibhirmantrakoṭibhiḥ || 38 ||
[Analyze grammar]

sahitāḥ sarvayoddhryaśca rathavājigajādibhiḥ |
mahāyānavimānaiścāyayurbhaṇḍāsurasthalīm || 39 ||
[Analyze grammar]

ambaraṃ sainyasamvyāptaṃ yuddhaghoṣasamanvitam |
vīkṣyā'surāstadā tresurlalitāgamasaṃbhramāt || 40 ||
[Analyze grammar]

tadā'surāṇāmabhavannarīṣṭāni pade pade |
akāla iva nirbhinnā bhittayo daityapattane || 41 ||
[Analyze grammar]

ghūrṇamānāḥ patanti sma maholkā gaganasthalāt |
bhūkampo hṛtkampanāni tadā'bhavan punaḥ punaḥ || 42 ||
[Analyze grammar]

dhvajāgravartinaḥ kaṃkā gṛdhrā bakāḥ khagāstathā |
ādityamaṇḍale cakraṃ nāśasūcakamāsa ca || 43 ||
[Analyze grammar]

vāmāṃgāni narāṇāṃ nārīṇāṃ dakṣāṃgabhūmayaḥ |
sphuritānyabhavaṃstatra dṛśyante ketavo'mbare || 44 ||
[Analyze grammar]

daityastrīṇāṃ ca vibhraṣṭā akāle bhūṣaṇasrajaḥ |
darpaṇānāṃ varmaṇāṃ ca dhvajānāṃ khaḍgasampadām || 45 ||
[Analyze grammar]

maṇīnāmambarāṇāṃ ca mālinyamabhavattadā |
apatan vedimadhyeṣu bindavaḥ śoṇitāmbhasām || 46 ||
[Analyze grammar]

utpātān vīkṣya santrastā daityāḥ prāhurhi bhaṇḍakam |
bhaṇḍo'pi krodhamāpannaścāhūya mantriṇau tadā || 47 ||
[Analyze grammar]

sabhāyāṃ mantraṇāṃ śīghraṃ cakre yuddhāvalambinīm |
viśukraśca viṣaṃgaśca mantriṇo buddhidāyinau || 48 ||
[Analyze grammar]

tathā sāmantadaityendrā ājñārthaṃ samupāgatāḥ |
avocata viśukraśca sarveṣāṃ śṛṇvatāṃ tadā || 49 ||
[Analyze grammar]

surādyā labdhakālāścā'srākṣuḥ strīṃ balagarvitām |
sajjīkṛtya ca tāṃ devāstayā sākaṃ samāgatāḥ || 50 ||
[Analyze grammar]

asmān jetuṃ samāyātā hā kaṣṭaṃ vidhinoditam |
abalā jeṣyate'smāṃścet parihāsāya tad bhavet || 51 ||
[Analyze grammar]

asmākaṃ vijayāyā'dya strījātirabhidhāvati |
yadyapi strī bhavecchatrurhantavyā vijigīṣubhiḥ || 52 ||
[Analyze grammar]

sakacagrahamākṛṣya sā''netavyā sadāsikā |
tavaiva ceṭikābhāvaṃ sā duṣṭā saṃśrayiṣyati || 53 ||
[Analyze grammar]

evamuktvā sa bhaṇḍasya krodhaṃ tatra vyavīvṛdhat |
viṣaṃgaśca tataḥ prāha buddhiyuktaṃ sukhāvaham || 54 ||
[Analyze grammar]

sarvaṃ vicārya kartavyaṃ vivekaḥ paramā gatiḥ |
avivekena yatkāryaṃ vināśāyopapadyate || 55 ||
[Analyze grammar]

cārairbalā'bale jñeye jayasiddhimabhīpsatā |
tiryagityapi nārīti kṣudrā cetyapi rājabhiḥ || 56 ||
[Analyze grammar]

nā'vajñā vairiṇāṃ kāryā śaktiḥ sarvatra vidyate |
śaktireva hi sarvatra kāraṇaṃ vijayaśriyaḥ || 57 ||
[Analyze grammar]

keyaṃ ca kiṃbalā kiṃsahāyiketi vicāryatām |
śrutvaivaṃ tu viṣaṃgasya bhaṇḍaḥ prāha ruṣānvitam || 58 ||
[Analyze grammar]

are vidvan matiṃ tyaktvā kimevaṃ śaṃkase striyam |
laliteyaṃ mayā cārairjñātā balavivarjitā || 59 ||
[Analyze grammar]

māyayā strīkadambaṃ sā kṛtvotpādya samāgatā |
nāsti bhayaṃ hi me tasyā dhṛtvā''nayantu māṃ prati || 60 ||
[Analyze grammar]

trailokyā''laṃghimahimā bhaṇḍaḥ kena vijīyate |
mayā pradaṇḍitā devāḥ śvasituṃ prabhavo'pi na || 61 ||
[Analyze grammar]

pātāle'bdhau gahvareṣu pracchannāste vasanti vai |
na jānanti striyo mūḍhā vṛthā kalpitasāhasā || 62 ||
[Analyze grammar]

vināśamanudhāvanti hyakāryakṛtadarpikāḥ |
athavā tāḥ puraskṛtya yadyāgacchanti nākinaḥ || 63 ||
[Analyze grammar]

sarve saṃbhūya śaṃbhvādyāstān sampeṣṭumahaṃ kṣamaḥ |
malakaśca kuraṇḍaśca karaṭako balāhakaḥ || 64 ||
[Analyze grammar]

vikaṭaḥ karkaṭakaśca humbako halamallucaḥ |
karkaśaḥ kukkuraścāpi jṛṃbhaṇo ghoṣakastathā || 65 ||
[Analyze grammar]

śirālakaḥ kūpakaśca laḍuno mārakastathā |
viṣeṇaśca parūṣaśca draghaṇaḥ kollaṭastathā || 66 ||
[Analyze grammar]

dāsero mūṣako mahāṇḍaśca kubhāṇḍakastathā |
ete daityā hiraṇyākṣahiraṇyakaśipuprabhāḥ || 67 ||
[Analyze grammar]

teṣāmagre sahasrākṣauhiṇyaḥ syurbhasmaśeṣitāḥ |
māyāvilāsā nāryāstu hāsyā samarasīmani || 68 ||
[Analyze grammar]

tasmāttāṃ keśapāśena dhṛtvā''nayantu māṃ prati |
anyāḥ sarvāśca gṛhṇantu yathāprāptāṃ nijāṃ nijām || 69 ||
[Analyze grammar]

kuṭilākṣottiṣṭha sainyaṃ sannāhya samantataḥ |
ityābhāṣya camūnāthaṃ sahasratritayādhipam || 70 ||
[Analyze grammar]

kuṭilākṣaṃ mahāsattvaṃ bhaṇḍaścāntaḥpuraṃ yayau |
tataḥ sajjāḥ kilā''rāvāḥ samanahyanta dānavāḥ || 71 ||
[Analyze grammar]

paṭṭiśairmudgaraiścāpi bhiṃdurairbhiṇḍipālakaiḥ |
druhaṇaiśca bhūśuṇḍībhiḥ kuṭhārairmusalairapi || 72 ||
[Analyze grammar]

gadābhiśca śataghnībhistriśikhairviśikhairapi |
ardhacakrairmahācakrairdhanurbhiḥ śārṅgadhanvibhiḥ || 73 ||
[Analyze grammar]

daṇḍaiḥ kṣepaṇikāśastrairvajrabāṇairdṛṣadvaraiḥ |
kaṭāraiḥ phaṇidantaiśca śaraiśca khaṇḍalaistathā || 74 ||
[Analyze grammar]

pāśā''yudhairgadābhiśca vahnigolaiśca khaḍgakaiḥ |
evaṃvidhairāyudhaiste sajjā daityā viniryayuḥ || 75 ||
[Analyze grammar]

sannaddhanijahastāgrā varmitā daityakoṭayaḥ |
aśvārohā gajārohā gardabhārohiṇastathā || 76 ||
[Analyze grammar]

uṣṭrārohā vṛkārohāḥ śunakārohiṇastathā |
kākārohāstathā gṛdhrārohā vyāghrādirohiṇaḥ || 77 ||
[Analyze grammar]

siṃhārohā śarabhasthā genḍakārohiṇastathā |
sūkarārohiṇo vyālārohiṇaḥ pretavāhanāḥ || 78 ||
[Analyze grammar]

yānavimānagāścāpi pracelurlalitāṃ prati |
kuṭilaṃ sainyabhartāraṃ durmadaṃ cāpi dānavam || 79 ||
[Analyze grammar]

daśā'kṣauhiṇikāyuktaṃ prāhiṇollalitāṃ prati |
kuṭilākṣastālajaṃghastālabhujastālakaṭiḥ || 80 ||
[Analyze grammar]

ete bhaṇḍapurasyaiva rarakṣurgopurāṇi vai |
catvāriṃśadakṣauhiṇikānvitāstasthurulbaṇāḥ || 81 ||
[Analyze grammar]

ekā'kṣauhiṇikāṃ naijamandirasyā'bhito'karot |
viśukraḥ preṣayāmāsa dūtaṃ tu kapiśīrṣakam || 82 ||
[Analyze grammar]

bhaṇḍāsurājñayā tūrṇaṃ so'pi gatvā nyavedayat |
patnī bhaṇḍamahārājasyaiva bhava suśobhane || 83 ||
[Analyze grammar]

anyathā te vadho bhāvī yatheṣṭaṃ kuru bhāmini |
śrutvā''ha ca mahālakṣmyāḥ sakhī durgā harapriyā || 84 ||
[Analyze grammar]

bhaṇḍatāṃ jahi nikṛṣṭa pātālaṃ yāhi satvaram |
anyathā tava nāśo'tra nārīkṛto bhaviṣyati || 85 ||
[Analyze grammar]

dūtaścāha yathārthaṃ tad bhaṇḍāya so'pi satvaram |
viśukrasya śṛṇvato vai jagādā'tha ca roṣavān || 86 ||
[Analyze grammar]

bhaṇḍāsurastata ājñāṃ cakāra yodhanāya tān |
senāpatīn samastāṃśca daityān raṇapraharṣitān || 87 ||
[Analyze grammar]

kṛtvā kilakilārāvaṃ bhaṭāstatra sahasraśaḥ |
lalitāsainyamabhito nipeturyuddhadurmadāḥ || 88 ||
[Analyze grammar]

mārayadhvaṃ ghātayadhvaṃ bhedayadhvaṃ hi cukruśuḥ |
dodhūyamānairasibhirnipetuḥ strīmahā'rṇave || 89 ||
[Analyze grammar]

devyaścāpi tadoddaṇḍāḥ samayudhyanta dānavaiḥ |
anargalāyudhairdevyo vyamṛdgurdānavīṃ camūm || 90 ||
[Analyze grammar]

śaktibhiḥ pātyamānānāṃ dānavānāṃ rasairmahī |
raktāruṇā'bhavat peturdaityānāṃ muṇḍarāśayaḥ || 91 ||
[Analyze grammar]

itastataḥ śaktiśastrairbheditā dānavā mṛtāḥ |
tadantare tu bāṇānāṃ vṛṣṭayaścā'bhavan raṇe || 92 ||
[Analyze grammar]

ambaraṃ sarvathā bāṇairvyāptaṃ jātaṃ nīrandhrakam |
durgā mumoca vahniṃ cā'jvālayaccharajālakam || 93 ||
[Analyze grammar]

daityānajvālayadvahnirvardhito hariṇībalāt |
durmadastu mṛtastatra viśukro'pi vipāṭitaḥ || 94 ||
[Analyze grammar]

prākārarakṣiṇaḥ sarve divyaśastrairnipātitāḥ |
gopurāṇāṃ rakṣikāśca catvāriṃśattadā tu yāḥ || 95 ||
[Analyze grammar]

akṣohiṇyaḥ samagrāstā lakṣmīsainyairvibheditāḥ |
bhaṇḍāsurasya saudhasya rakṣārthaṃ sainyameva yat || 96 ||
[Analyze grammar]

daśā'kṣauhiṇikārūpaṃ devībhistadvināśitam |
nagaraṃ śūnyavajjātaṃ bhaṇḍasya pretavāsavat || 97 ||
[Analyze grammar]

sarve sainyapraṇetāro naṣṭā bhaṇḍasya kāraṇāt |
svapne'pi yanna saṃbhāvyaṃ yanna śrutamitaḥ purā || 98 ||
[Analyze grammar]

yacca nā''śaṃkitaṃ daityaistatkaṣṭaṃ tvāgataṃ tadā |
vicāryetthaṃ śataṃ cākṣauhiṇīnāṃ samapreṣayat || 99 ||
[Analyze grammar]

divāniśaṃ mahāyuddhaṃ śastrāstrabalanoditam |
vyavartatā'suraiḥ sākaṃ lakṣmīnāṃ divyayoṣitām || 100 ||
[Analyze grammar]

śatamakṣauhiṇīnāṃ ca papātaikadinena ha |
śoṇitaṃ nagaraṃ sarvaṃ bhagnaṃ śoṇitasamplutam || 101 ||
[Analyze grammar]

atha bhaṇḍastriśatā'kṣauhiṇīsenā asajjayat |
apreṣayat sarvadevīsainyaṃ nāśayituṃ tataḥ || 102 ||
[Analyze grammar]

vīkṣya tallalitādevyāḥ ṣaṣṭikoṭyātmakaṃ tadā |
sainyaṃ kruddhamabhūd dṛṣṭvā nirdaityaṃ kartumāpatat || 103 ||
[Analyze grammar]

pāśinyo muśalinyaśca cakriṇyaḥ śaktidhārikāḥ |
mudgariṇyaḥ paṭṭiśinyaḥ kodaṇḍinyastriśūlagāḥ || 104 ||
[Analyze grammar]

pibantya iva daityābdhiṃ sannipeturhi koṭiśaḥ |
aspṛṣṭaparaśastrāstā divyā vibhedurāsurān || 105 ||
[Analyze grammar]

abhyantaraṃ dvayoḥ sainye vivaśatuḥ parasparam |
saṃkulākāratāṃ prāptāvāstāṃ vai sainyasāgarau || 106 ||
[Analyze grammar]

triśatā'kṣauhiṇikāstā devībhirvai nikṛntitāḥ |
mahālakṣmyāḥ prasādena bhidyante naiva yoṣitaḥ || 107 ||
[Analyze grammar]

prahārā naiva jāyante śastrāṇi na spṛśantyati |
jayo'bhavanmahālakṣmyā bhaṇḍaḥ śuśoca vai tadā || 108 ||
[Analyze grammar]

vijayo vā kathaṃ syānme bhaveyaṃ jīvitaḥ katham |
evaṃ bhūvivare gatvā vyacintayanmuhurmuhuḥ || 109 ||
[Analyze grammar]

kaikasān khalu daiteyān sasmāra bhaṇḍakastadā |
pūrve sūryādvaraṃ prāptān jaye yogyān mahāhave || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne mahālakṣmyāḥ sainyāni bhaṇḍanāśārthaṃ niryayuḥ bhaṇḍāsurasya mantraṇā bhaṇḍasainyānāṃ vināśo bhaṇḍasyakaikasādismaraṇamityādinirūpaṇanāmā ṣoḍaśādhikaśatatamo'dhyāyaḥ || 116 ||
[Analyze grammar]