Chapter 114

śrīpuruṣottama uvāca |
śṛṇu tvaṃ śivarājñīśri sādhvāśrayeṇa mokṣaṇam |
sādhvāśrayeṇa vai rakṣāṃ jīvanaṃ ca tathā śubham || 1 ||
[Analyze grammar]

āsīd romapado nāma paśupālo vanottame |
ojasvatyāstaṭe deśe saurāṣṭre siṃhasevite || 2 ||
[Analyze grammar]

romapādaḥ paśuvadvai vartate dharmavarjitaḥ |
na snānaṃ bhajanaṃ dānaṃ karoti gṛhadharmyapi || 3 ||
[Analyze grammar]

dugdhadadhyannavanyādyaiḥ prāṇayātrāṃ karoti ca |
vanyapaśūn mārayitvā māṃsādanaṃ karotyapi || 4 ||
[Analyze grammar]

anyasattākamannādi dūraṃ gatvā niśāmukhe |
kṣetrādibhyaścānayati cauryaṃ karoti vai muhuḥ || 5 ||
[Analyze grammar]

evamadharmamārgasya putro'bhavad vṛṣaṃgamaḥ |
vavṛdhe sa yuvā jāto mahiṣīpālako'bhavat || 6 ||
[Analyze grammar]

pitrā sākaṃ kadācit sa yayau vane paśuvrataḥ |
pitrā tvāsāditastatra hariṇaḥ sañcaran vane || 7 ||
[Analyze grammar]

śvabhiḥ pitrā kṛṣṇamṛgo nipātito vane'ntike |
vṛṣagamo'pi pitrā yuk tūrṇaṃ yayau mṛgaṃ prati || 8 ||
[Analyze grammar]

mṛgasya mriyamāṇasya śvabhirvipāṭitasya ha |
krandamānasya duḥkhaṃ ca pādānāṃ bhūmighātanam || 9 ||
[Analyze grammar]

vīkṣya dayāparo bhūtvā trāsaṃ paraṃ jagāma saḥ |
kampaṃ cāti jagāmāpi tatyāja taṃ mṛgaṃ hi saḥ || 10 ||
[Analyze grammar]

jagṛhe na mṛgaṃ tatra nisargadayayā'rditaḥ |
nā'haṃ māṃsaṃ bhakṣayiṣye mārayiṣyāmi na kvacit || 11 ||
[Analyze grammar]

pāpaṃ cedṛk prasahyaiva prāṇānāṃ tyājanātmakam |
kaḥ kuryādudarasyā'rthe mānavo nirdayo yathā || 12 ||
[Analyze grammar]

ityevaṃ dayayā yuktastatyāja prāṇihiṃsanam |
vṛṣaṃgamastato yātaḥ kvacidvai kārtike svayam || 13 ||
[Analyze grammar]

somanāthasya tīrthārthaṃ sasnau dadarśa śaṃkaram |
ātmakṛtaṃ ca tatpāpaṃ harāya sannyavedayat || 14 ||
[Analyze grammar]

pāpaṃ tasya vinaṣṭaṃ ca śuddhirjātā hṛdo'sya ca |
sādhavastatra cāyātā dṛṣṭāstena natāstataḥ || 15 ||
[Analyze grammar]

pūjitāḥ sevitāścaiṣāṃ satsaṃgaśca kṛtastathā |
prāpto mantra oṃ śrīkṛṣṇanārāyaṇo gatirmama || 16 ||
[Analyze grammar]

tulasyā mālikā prāptā bhaktiḥ prāptā śubhāśrayā |
anivedya śrīharaye bhoktavyaṃ na kadācana || 17 ||
[Analyze grammar]

sādhusatībhyo dātavyaṃ dugdhaṃ dadhi ghṛtaṃ tathā |
sevanīyāḥ sādhavaśca bhajanīyo janārdanaḥ || 18 ||
[Analyze grammar]

evaṃ labdhvā sa niyamān nijagṛhamupāyayau |
vartate sā tathaivāpi bhajate śrīnarāyaṇam || 19 ||
[Analyze grammar]

sādhavastatra cāyānti varṣe sakṛd vanāntare |
sevāṃ labdhvā prayāntyeva grāmāntaraṃ vanāntaram || 20 ||
[Analyze grammar]

vṛṣaṃgamo'pi cānnasya roṭakasya pradānakam |
payasāścāpi dadhnaśca dānaṃ karoti vai tadā || 21 ||
[Analyze grammar]

evaṃ dānaphalaṃ puṇyaṃ bahvasyātivyajāyata |
athaivaṃ prāptakālo'sya pitā mṛtyumupāgataḥ || 22 ||
[Analyze grammar]

yamadūtāḥ śastrahastā āyayurvai bhayaṃkarāḥ |
cukrośa bahudhā trasto mārayantīti vai muhuḥ || 23 ||
[Analyze grammar]

mocayantu ca māṃ ke'pi yāmyebhyo bāndhavā mama |
mama nāḍīstroṭayanti praharanti ca mudgaraiḥ || 24 ||
[Analyze grammar]

rakṣayantu janā māṃ vai māṃ gṛhiṇi prarakṣaya |
putra māṃ rakṣaya dīnaṃ tāḍyamānaṃ yamānugaiḥ || 25 ||
[Analyze grammar]

ityevaṃ krośamānaṃ taṃ putra uvāca re pitaḥ |
nārāyaṇaṃ prabhuṃ kṛṣṇaṃ smara rakṣāṃ kariṣyati || 26 ||
[Analyze grammar]

japa mantraṃ oṃ śrīkṛṣṇanārāyaṇo gatirmama |
ityevaṃ pradadau mantraṃ pitre lakṣmi sa putrakaḥ || 27 ||
[Analyze grammar]

harekṛṣṇa harekṛṣṇa kṛṣṇanārāyaṇa prabho |
hare viṣṇo hare svāmin śrīpate puruṣottama || 28 ||
[Analyze grammar]

evaṃ saṃkīrtanaṃ cakre tāvad dūtā bhayaṃ gatāḥ |
visṛjya pitaraṃ tasthurdūre ca jagadurmithaḥ || 29 ||
[Analyze grammar]

asmadbhāgo hyayaṃ gopaḥ putreṇa vipramocitaḥ |
mantra datvā harerasmai bhajanena ca pāvitaḥ || 30 ||
[Analyze grammar]

ityevaṃ pravadantyeva yamadūtā yadā tadā |
sādhūnāṃ maṇḍalaṃ tatra yadṛcchayā samāgatam || 31 ||
[Analyze grammar]

putraḥ svāgatasammānaṃ pracakāra ca satvaram |
sādhavo vīkṣya kālāntaṃ dadau vāri prasādajam || 32 ||
[Analyze grammar]

pitā papau haristāvat samāyāto gajasthitaḥ |
anādiśrīkṛṣṇanārāyaṇo'haṃ svayameva ha || 33 ||
[Analyze grammar]

romapādaṃ viniṣkāsya dehānninye paraṃ padam |
putrayogena sādhūnāṃ darśanaṃ cāntakālikam || 34 ||
[Analyze grammar]

piturjātaṃ mokṣaṇaṃ ca dānaphalaṃ subhaktiyuk |
evaṃ lakṣmi bhaktiyogād bhaktayogāt kṣaṇāntare || 35 ||
[Analyze grammar]

pāpināmapi mokṣaḥ syāt kāryo'taḥ satsamāgamaḥ |
vṛṣaṃgamo'pi dehānte mama dhāma gato hyanu || 36 ||
[Analyze grammar]

śṛṇu tvanyāṃ kathāṃ lakṣmi rakṣaṇaṃ sādhusaṃgataḥ |
āsīdeko mahān cauro nagrabhaṃgo'tidāruṇaḥ || 37 ||
[Analyze grammar]

viṃśaticaurayug rātrau sahetiluṇṭati gṛhān |
yeṣāṃ śrutaṃ mahādravyaṃ tacchidraṃ cintayatyatha || 38 ||
[Analyze grammar]

prāpte'nukūlasamaye cauryaṃ karoti dāruṇam |
mārayitvā tāḍayitvā mardayitvā janān dhanam || 39 ||
[Analyze grammar]

svarṇarūpyamayaṃ ratnamayaṃ harati modate |
evaṃ vai vartamānasyaikadā kāryavaśād dine || 40 ||
[Analyze grammar]

rājasaudhe svarṇabhūṣānirmātā svarṇakārakaḥ |
ciramitraṃ dṛṣṭipathaṃ rājapathe tadā || 41 ||
[Analyze grammar]

nagrabhaṃgo'pi taṃ dṛṣṭvā saharṣo militaḥ pathi |
kuśalaṃ cāpi papracchodyogaṃ papraccha vai tataḥ || 42 ||
[Analyze grammar]

svarṇakāraḥ samastaṃ svaṃ vṛttāntaṃ prāha taṃ nijam |
adya māse tu nṛpaterbhūṣāracanakāryakṛt || 43 ||
[Analyze grammar]

gacchāmi rājasaudhaṃ ca yatrā''ste svarṇakoṭikam |
mauktikānāṃ sahasrāṇi ratnānāmayutānyapi || 44 ||
[Analyze grammar]

yatra kośe bhavantyeva tatpārśve śubhamandire |
svarṇaśilpāḥ svarṇakārāḥ kurmastvābharaṇāni vai || 45 ||
[Analyze grammar]

nagrabhaṃgastataḥ prāha yadi te rocate vacaḥ |
kathayā'ntaḥpraveśasya rātrimārgaṃ tu nirjanam || 46 ||
[Analyze grammar]

corayāmi suvarṇādi bhāgaṃ dāsyāmi te'pi ca |
ityuktaḥ svarṇakāro vai darśayāmāsa tatpatham || 47 ||
[Analyze grammar]

sthānaṃ ca niḥsṛtiṃ cāpi guptadvārāṇi yāni ca |
upayuktāni śastrāṇi dṛḍhahetīnadarśayat || 48 ||
[Analyze grammar]

yuktaguptahārikāṃ cā'darśayannirgamaṃ tathā |
tato rātrau svasārthena nagrabhaṃgo viveśa tam || 49 ||
[Analyze grammar]

saudhaṃ dhanaṃ svarṇarūpyaratnamauktikamuttamam |
corayitvā cāti gupto dudrāvā'lakṣito janaiḥ || 50 ||
[Analyze grammar]

datvā sarvaṃ sahāyebhyo'preṣayattān vanāntare |
bhūgarte tad vinikṣeptuṃ samādiśad drutaṃ nijān || 51 ||
[Analyze grammar]

sa tu śramāpanodārthaṃ gañjāpānārthamutsukaḥ |
śanairbrāhme muhūrte vai yayau śrīnagarād bahiḥ || 52 ||
[Analyze grammar]

yatrā''san sādhavaḥ śaivā gañjāpānā'gnitāpasāḥ |
tatra gatvā yayāce vai pānaṃ tāmālagāñjikam || 53 ||
[Analyze grammar]

neme bhaktyā kṛtrimayā cakāra daṇḍavattathā |
niṣasāda samīpe ca mudrāmupāyanaṃ dadau || 54 ||
[Analyze grammar]

sādhavo'pi yathā bhaktaṃ tathā matvā'nusevakam |
labdhvā mudrāṃ ca pūjāyāṃ dadustasmai tamālakam || 55 ||
[Analyze grammar]

papau nidrāṃ kṛtavāṃśca prātaḥ sūryodayaṃ prati |
jajāgāra tatastatra tasthau mādhyandināvadhi || 56 ||
[Analyze grammar]

bhojanādi cakāraiva śramaṃ cāpanudattathā |
sārthacaurāḥ samastāste garte nikṣipya taddhanam || 57 ||
[Analyze grammar]

yayuste vanamārgeṇa nijagrāmaṃ hi yojanam |
tāvannṛpagṛhe vyaktaṃ jātaṃ cauryaṃ dhanasya tat || 58 ||
[Analyze grammar]

pādacikitsakān kṛtvā cāgre rājñastu sainikāḥ |
caurān mārgayituṃ prātarnirgatāḥ śastradhāriṇaḥ || 59 ||
[Analyze grammar]

śrīnagarādaśvavārāḥ saha pādacikitsakaiḥ |
vane gatvā jagṛhustān gacchataḥ kheṭakaṃ nijam || 60 ||
[Analyze grammar]

tāḍayāmāsuratyarthaṃ cānayāmāsureva tān |
nṛpaṃ prati tathā kārāgāre rurudhurulbaṇān || 61 ||
[Analyze grammar]

atha sādhuprasaṃgena nagrabhaṃgastu rakṣitaḥ |
rājaikagārikaścāpi rājabhaṭairna lakṣitaḥ || 62 ||
[Analyze grammar]

anye caurā nigaḍeṣu nikṣiptā daṇḍitā hatāḥ |
śrutvā'yaṃ nagrabhaṃgastu jīvanaṃ sādhusaṃgataḥ || 63 ||
[Analyze grammar]

nirbādhaṃ vai nijaṃ matvā sādhūnaprārthayanmudā |
sādhudharmo mayā pālyo dīkṣā grāhyā ca sādhavī || 64 ||
[Analyze grammar]

sādhusevā prakartavyā sādhurbhavāmi cā'dyataḥ |
vacmyahaṃ niṣkapaṭaṃ me kṛtyaṃ sādhujanāgrataḥ || 65 ||
[Analyze grammar]

caurye bahuvidhaṃ cāhaṃ kṛtavānasmi vai muhuḥ |
taddoṣaiśca yathā mukto bhavāmi kuruto'naghāḥ || 66 ||
[Analyze grammar]

śaraṇāgatarakṣārthamudyatāḥ sādhavaḥ sadā |
teṣāṃ prasaṃgataścā'haṃ jīvāmyanye mṛtāḥ kila || 67 ||
[Analyze grammar]

tasmādvairāgyamāsādya bhajāmi parameśvaram |
sādhusevāṃ kariṣye'pi sādhurbhūtvā nirantaram || 68 ||
[Analyze grammar]

ityarthitāḥ sādhavaste cidambarāyanādayaḥ |
prāyaścittaṃ kārayitvā kṣālayitvā'ghasañcayān || 69 ||
[Analyze grammar]

pāvayitvā nagrabhaṃgaṃ dīkṣāṃ bhāgavatīṃ vyadhuḥ |
so'pi pāpavinirmukto nāmnā bhāgavatāyanaḥ || 70 ||
[Analyze grammar]

bhakto'bhavat sadā sādhuścā'bhajanmāṃ pareśvaram |
sādhusevāṃ parāṃ kṛtvā tīrthārthaṃ cākṣarasthalīm || 71 ||
[Analyze grammar]

āyayau kuṃkumavāpīṃ mokṣaṃ yayau sarastaṭe |
ityevaṃ kathitaṃ lakṣmi sādhusaṃgena rakṣaṇam || 72 ||
[Analyze grammar]

svātmārpaṇena mokṣaśca mayā tasya kṛto'tra vai |
athā'nyatte kathayāmi kathānakaṃ purābhavam || 73 ||
[Analyze grammar]

āsīt purā mahāsādhuḥ śukāyano'tidhārmikaḥ |
bhajate māṃ sadā rātridinaṃ śroparameśvaram || 74 ||
[Analyze grammar]

aparigrahasarvasvo digvāsā matparāyaṇaḥ |
āmravṛkṣatale vāsaṃ kurute bhojanaṃ phalaiḥ || 75 ||
[Analyze grammar]

vanyaiḥ patrairdalaiḥ kandaiḥ kusumairvahate'danam |
kuṃkumavāpikāpūrve vane vasati sarvadā || 76 ||
[Analyze grammar]

śaityaṃ tāpaṃ ca sahate vṛṣṭiṃ sahate kṣuttṛṣām |
nityaṃ pradakṣiṇaṃ prātaḥ snātvā ca kurute saraḥ || 77 ||
[Analyze grammar]

evaṃ madhyāhnake bhikṣāmekabhuktāṃ karoti ca |
sāyaṃ me kīrtanaṃ divyaṃ kṛtvā svāpaṃ karoti ca || 78 ||
[Analyze grammar]

mūrtiṃ me tvāmravṛkṣasya stambe citramayīṃ sadā |
saṃrakṣati prapūjyaināṃ dhyāyati hṛdaye'nvaham || 79 ||
[Analyze grammar]

āmravaṇaṃ paraṃ śreṣṭhaṃ priyaṃ cā'sya sadā'bhavat |
so'pi cāmraphalānyeva nivedayati me muhuḥ || 80 ||
[Analyze grammar]

evaṃ vai vartamānasya cāmravṛkṣaprapoṣiṇaḥ |
ekadā daivayogena vane vahnirvyajāyata || 81 ||
[Analyze grammar]

tṛṇapuñjāḥ stambapuñjāḥ patrapuñjāstathauṣadhiḥ |
jvalitā jvālayā sarvā vṛkṣāśca jvalitāstadā || 82 ||
[Analyze grammar]

nijasthānasya niyataścāmro'pi jvalitastadā |
tato vahniḥ samantādvai prajajvālā'tivegataḥ || 83 ||
[Analyze grammar]

vāyunā preritastīkṣṇo bhayaṃkaro'tidāruṇaḥ |
sādhuścā'yaṃ sthito dhyāne'cintayanmāṃ hariṃ tadā || 84 ||
[Analyze grammar]

mayā tvākāśavāṇyā vai bodhitaḥ sa muhurmuhuḥ |
yāhi dūraṃ vihāyaitān vṛkṣān dagdho'tra mā bhava || 85 ||
[Analyze grammar]

sa cāha vāṇīṃ naivā'haṃ tyaktvā yāsyāmi cāśrayān |
yatrā'haṃ sarvathā naijaṃ sthānaṃ ca jīvanaṃ gṛham || 86 ||
[Analyze grammar]

āśrayaṃ ca sukhaṃ bhakṣyaṃ prāpnomi tāṃstyajāmi na |
ime me bāndhavāḥ sarve pitaro vāpi bālakāḥ || 87 ||
[Analyze grammar]

mātaro vallikāḥ sarvāstāḥ kathaṃ cotsṛjāmi vai |
nā'haṃ kṛtaghnaḥ svārthaśca nāhaṃ pāpo bhavāmi ca || 88 ||
[Analyze grammar]

yeṣāṃ phalaiḥ sujīvāmi yacchāyāyāṃ vasāmi ca |
yadrasaiḥ poṣaṇaṃ yāmi tāṃstyaktvā kva prayāmyaham || 89 ||
[Analyze grammar]

neme bandhanakartāro jaḍā vijātayastvime |
na me kuṭumbinaḥ kintu kṛtasevā ime mama || 90 ||
[Analyze grammar]

tādṛśān sevakān nityaṃ paropakāraśālinaḥ |
divāniśaṃ sahāyāṃśca madāśrayāniva sthitān || 91 ||
[Analyze grammar]

sadguṇaśālino vanyān kathaṃ dagdhvā prayāmyaham |
dagdho bhavāmi cātraiva nāhaṃ yāsyāmi cāparam || 92 ||
[Analyze grammar]

sādhuścā'haṃ titikṣuśca titikṣavo drumā ime |
sādhavaḥ sādhubhūṣāśca tāṃstyaktvā na vrajāmyataḥ || 93 ||
[Analyze grammar]

yadvā tadvā bhavatvatra bhasma vā jīvanaṃ ca vā |
sahayogena bhāvyaṃ vai sahapoṣyeṇa sādhunā || 94 ||
[Analyze grammar]

ityuktvā noccacālāpi nottasthau dhairyaśevadhiḥ |
brahmadhyātā niṣasāda yathā tathaiva cāsthitaḥ || 95 ||
[Analyze grammar]

dayā snehaśca sādhūnāṃ mahān dharmo bhavet sadā |
samarthamupajīvyemaṃ tyajeyaṃ kakṣamadya vai || 96 ||
[Analyze grammar]

nārāyaṇa hare kṛṣṇa śrīpate puruṣottama |
anādiśrīkṛṣṇanārāyaṇa rakṣa drumānimān || 97 ||
[Analyze grammar]

ityevaṃ śrāvayan vāṇīṃ sādhurjajāpa mānase |
māṃ dhyātvā ca tadā pratyayaikatānena bhāvataḥ || 98 ||
[Analyze grammar]

athā'gnirdāhayāmāsa pārśvabhāgaṃ hi yoginaḥ |
pādau hastau jaṭāṃ skandhau romāṇi carma sarvataḥ || 99 ||
[Analyze grammar]

tathāpi māṃ bhajaṃstasmāt sthānāccacāla naiva ha |
athā'haṃ taṃ satyasādhuṃ śaraṇāgatarakṣakam || 100 ||
[Analyze grammar]

dehādyanādaradharmaṃ cātmaniṣṭhāparāyaṇam |
bhaktaṃ me ca videhaṃ taṃ jñātvā'vocaṃ varaṃ vṛṇu ||1 || || 1 ||
[Analyze grammar]

prasanno'smi virāgātte sādhudharmasamanvitān |
dayādharmasya bāhulyād bhakterme mānase sthiteḥ || 102 ||
[Analyze grammar]

varaṃ vṛṇu samartho'smi so'haṃ sākṣānnarāyaṇaḥ |
yaṃ tvaṃ vidvan dhyāyasi vai yadarthaṃ tvaṃ niveditaḥ || 103 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
ānṛśaṃsyaṃ tava vṛttāntakaṃ dṛṣṭvā pratoṣitaḥ || 104 ||
[Analyze grammar]

varaṃ vṛṇīṣva sādho tvaṃ dadāmi sarvamiṣṭakam |
sādhuśca manasā vavre vṛkṣasya ca vanasya ca || 105 ||
[Analyze grammar]

saṃbhavaṃ rasasampannaṃ yatharddhaṃ prāk tathaiva ha |
ahaṃ jñātvā dṛḍhāṃ bhaktiṃ tatsādhau parasaukhyadām || 106 ||
[Analyze grammar]

prīto'haṃ cā'mṛtadṛṣṭyā siktavān cāmramuttamam |
sarvān drumān vallikāśca kṣetraṃ vanaṃ samastakam || 107 ||
[Analyze grammar]

siktavān pīyūṣadṛṣṭyojjīvayaṃ vanamuttamam |
tataḥ phalāni patrāṇi śākhāḥ puṣpāṇi sarvaśaḥ || 108 ||
[Analyze grammar]

vane pūrvasthiteścāpi smṛddhāni cā'bhavan punaḥ |
vahniḥ śāntiṃ gataḥ sarvo bhasmāpi tatra nāsti ca || 109 ||
[Analyze grammar]

sarvaṃ vahnikṛtaṃ karma līnaṃ matkṛtirudgatā |
evaṃ divyaṃ vanaṃ cāmravaṇaṃ jātaṃ saro'ntike || 110 ||
[Analyze grammar]

bhāgavatāyanaṃ sādhuṃ bhaktimantaṃ samāśritam |
sarvārthasiddhimāpat tadvanaṃ tathā satastu yaḥ || 111 ||
[Analyze grammar]

āśritaḥ sa labhet siddhiṃ sādhunā kalpitāṃ śubhām |
sādhuḥ so'yaṃ bhāgavatāyano me dhāmni rājate || 112 ||
[Analyze grammar]

muktiṃ gato hi kālena kṛpayā bhajanena me |
paṭhanācchravaṇādasya bhuktirmuktirbhavettathā || 113 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sādhvāśrayeṇa romapādapaśupālasya mokṣaṇaṃ nagrabhaṃgākhyacaurasya sādhusamāgamena rājabhayād rakṣaṇam āmravaṇavṛkṣādinām vahnidagdhānāṃ bhāgavatāyanasādhusahavāsena punarujjīvanamityādinirūpaṇanāmā caturdaśādhikaśatatamo'dhyāyaḥ || 114 ||
[Analyze grammar]