Chapter 110

śrīpuruṣottama uvāca |
vidyā cācaraṇaṃ lakṣmi janma dīkṣā śubhāśrayaḥ |
ete yatra pravidyante dānapātraṃ taduttamam || 1 ||
[Analyze grammar]

yācate yatpradattaṃ tacchreya eva nigadyate |
ayācate pradattaṃ tu dānaṃ svasvatvavarjitam || 2 ||
[Analyze grammar]

brahmiṣṭho dānapātraṃ vai sādhuḥ pātraprabhūṣaṇam |
labdhvā sādhuḥ suvidvān yat prīṇāti devatā gurūn || 3 ||
[Analyze grammar]

yācanā sarvathā lakṣmi nikṛṣṭodvegakāriṇī |
prakāśadasyuryācamāno bhavatyevā'ghakṛddhi saḥ || 4 ||
[Analyze grammar]

yācanā tu bhavenmṛtyurmṛtyureva tu yācanā |
sā tu duḥkhapradā tasmād yācato dānameva na || 5 ||
[Analyze grammar]

dātṛtvaṃ jīvanaṃ proktaṃ yācate dīyate yadi |
jīvanaṃ śreya evāsti dātā śreyaśca vindati || 6 ||
[Analyze grammar]

grahītā śreyasā yukto bhavatyeva tathā'dharmaḥ |
uttamo vai pradātā syāttasmāddānaṃ praśasyate || 7 ||
[Analyze grammar]

yācate dīyamānenā'nṛśaṃsatvaṃ vibhāvyate |
ayācate tu dānena svargaphalaṃ vibhāvyate || 8 ||
[Analyze grammar]

pūjyā hi jñānavijñānatapobhaktiyutā janāḥ |
yoginaḥ sādhavaḥ pūjyāstebhyo deyaṃ samastakam || 9 ||
[Analyze grammar]

dattamatithaye vidyāvate śīlavate'rthine |
akṣayaṃ vai phalaṃ tasya jāyate śāśvataṃ divam || 10 ||
[Analyze grammar]

yeṣāṃ śiṣyāḥ sutā dārāḥ pratīkṣante'nnavāriṇī |
tebhyo dattaṃ prabhuñjānāstretāgniṃ prīṇayanti te || 11 ||
[Analyze grammar]

sādhubhyo brahmacāribhyo dattaṃ prabhuñjate tu te |
brahmāgniṃ te prīṇayanti savanaṃ paramaṃ hi tat || 12 ||
[Analyze grammar]

madhyandinaṃ tu savanaṃ bhikṣukebhyo'rpaṇaṃ sadā |
devebhyaścāpi pitṛbhyo'rpaṇaṃ tadvaiśvadaivikam || 13 ||
[Analyze grammar]

savanaṃ tu tṛtīyaṃ tad yajñāstrayo divaṃpradāḥ |
nārāyaṇāya mahyaṃ yad dattaṃ divyamakho hi saḥ || 14 ||
[Analyze grammar]

ātmārpaṇātmako lakṣmi kartavyo'yaṃ vijānatā |
adrohaḥ sarvabhūtānāṃ saṃvibhāgo'nuyāyinām || 15 ||
[Analyze grammar]

sevā tuṣṭirdamastyāgo yajñā bhavanti sāttvikāḥ |
ta ete'vabhṛthāyante śraddhāpūtāḥ sadakṣiṇāḥ || 16 ||
[Analyze grammar]

pāpakṛtāṃ janānāṃ na pratigṛhṇanti sādhavaḥ |
tasmād dravyamaye yajñe dātavyaṃ pāpanāśanam || 17 ||
[Analyze grammar]

yadi gṛhṇanti santo'sya pāpinaḥ pāvanaṃ hi tat |
pāpaprakṣālanaśaktaṃ pātrabalāt prajāyate || 18 ||
[Analyze grammar]

brāhmaṇāṃstarpayed dravyaistattadiṣṭatamā'rparṇaiḥ |
maitrān sādhūn vedavidaḥ śīlavratatapojuṣaḥ || 19 ||
[Analyze grammar]

tarpayed bahudhā dānaiḥ svādvannairdakṣiṇādibhiḥ |
prajāvato bhaktajanān prajāvān jāyate hi ke || 20 ||
[Analyze grammar]

yāvataḥ sādhudharmān vai santaḥ saṃvardhayanti hi |
te bhartavyā bahudānairjīvakalyāṇakāriṇaḥ || 21 ||
[Analyze grammar]

dhenavo vṛṣabhā bhūṣā ambarāṇi dhanāni ca |
ājyānyannāni yānāni chātraṃ vāsāṃsyupānahau || 22 ||
[Analyze grammar]

aśvavanti ca yānāni veśmāni śayanāni ca |
ete deyāḥ sādhusadbhyaḥ svargadā mokṣadā hi te || 23 ||
[Analyze grammar]

dātā pāpairvinirmuktaḥ pūtaḥ svargaṃ prayāti hi |
upachannaṃ prakāśaṃ vā vṛttyā sādhūn prapālayet || 24 ||
[Analyze grammar]

rājasūyā'śvamedhānāṃ phalabhāk sa bhaved dhruvaḥ |
yogaṃ kṣemaṃ vindate'pi śāśvataṃ cākṣaraṃ padam || 29 ||
[Analyze grammar]

sādhavo yaṃ na śaṃsanti tanna kuryāt kadācana |
dadyādvai mahato bhogān kṣudbhayaṃ praṇudet satām || 26 ||
[Analyze grammar]

yatra deśe prapaśyanti svādubhojyāni bālakāḥ |
prapaśyantyeva nā'śnanti sa deśo'ghamalātmakaḥ || 27 ||
[Analyze grammar]

yatra deśe sādhavaścā'nāthāḥ striyaśca bālakāḥ |
kṣudhā sīdanti deśaḥ sa nāśamāyāti sarvathā || 28 ||
[Analyze grammar]

krośantyo yatra vai deśe dhriyante tarasā striyaḥ |
gāvaścāpi prajāścāpi sa deśo maraṇonmukhaḥ || 29 ||
[Analyze grammar]

tasmādabhayadānākhyaṃ dānaṃ paramakaṃ matam |
abhayasya pradātā vai yāti cā'bhayamakṣaram || 30 ||
[Analyze grammar]

puruṣottamasāmnaścodgātā yātyabhayā'kṣaram |
pṛthivīdānakṛllakṣmi yāti kṣmāmakṣarātmikām || 31 ||
[Analyze grammar]

dattā'tra kṣmā divyarūpaṃ dhṛtvottiṣṭhati cākṣare |
acalā cā'kṣayā dogdhrī divyakāmādipūraṇī || 32 ||
[Analyze grammar]

ratnavāsāṃsi ramyāṇi sudhāvrīhiyavā'mṛtān |
sarvavidhānyamṛtāni labhate bhūmido'kṣare || 33 ||
[Analyze grammar]

bhūmidaḥ sarvalokeṣu śāśvatīredhate samāḥ |
yāvadbhūmerihā''yuśca tāvadbhūmida edhate || 34 ||
[Analyze grammar]

bhūmiṃ daduśca ye dāne bhūmiṃ te bhuñjate parām |
bhūmirbhūtirmahālakṣmīrdātāraṃ kurute priyam || 35 ||
[Analyze grammar]

yathādānaṃ tathā bhogo dānaṃ śrīḥ paramā matā |
api pāpasamācāre brahmaghne bhaktivarjite || 36 ||
[Analyze grammar]

kṣitiḥ kṣiptā punātyeva grahītā sādhubhistu cet |
sā manyate dhanyabhāgyaṃ sādhuhastagatā satī || 37 ||
[Analyze grammar]

dātāraṃ kurute śuddhaṃ svāpatyaṃ jananī yathā |
pṛthvyā nāmā'sti dharmākhyaṃ priyadatteti sārthakam || 38 ||
[Analyze grammar]

bhūmiṃ tu sādhave datvā bhūmiṃ divyāṃ pravindate |
yaḥ sādhorbhūmimādatte na bhūmiṃ vindate hi saḥ || 39 ||
[Analyze grammar]

sādhorbhūmiḥ śasyate'tra sā tu nārāyaṇī matā |
pāpī gocarmamātreṇa bhūmidānena pūyate || 40 ||
[Analyze grammar]

yo yajetā'śvamedhena dadyādvā sādhave mahīm |
mahīdānaṃ praśastaṃ śāśvatānandaphalapradam || 41 ||
[Analyze grammar]

suvarṇaṃ rajataṃ vastraṃ maṇimuktāvasūni ca |
sarvametad dattavān syād yo dadāti vasundharām || 42 ||
[Analyze grammar]

tapo yajñaḥ śrutaṃ śīlaṃ guroḥ sevā gavārcanam |
sādhudaivatapūjā ca etā bhavanti bhūmide || 43 ||
[Analyze grammar]

dātṛniḥśreyase yuktā śreyaḥ paraṃ dadāti sā |
yathā jananī putraṃ svaṃ kṣīreṇa bharate'nvaham || 44 ||
[Analyze grammar]

tathā puṣṇāti dātāraṃ sarvagandharasairmahī |
mṛtyuḥ kālo yamadaṇḍo māyā vahnirjvaro hyariḥ || 45 ||
[Analyze grammar]

pāśo bādhāśca vighnāśca bhayaṃ durītamityapi |
akasmātā ītayaśca nopasarpanti bhūmidam || 46 ||
[Analyze grammar]

pitṝn devān maharṣīṃśca siddhān yogijanān satīḥ |
sādhvīryuktān brahmakāntāḥ santarpayati bhūmidaḥ || 47 ||
[Analyze grammar]

kṛśāya vṛttihīnāyā'nāthāya sīdate kṣitim |
jīvikājananīṃ datvā sarvasatrī bhavejjanaḥ || 48 ||
[Analyze grammar]

yathā dhenuḥ svavatsaṃ vai yacchati vatsalā payaḥ |
poṣayatyeva tadvat kṣmā dātāraṃ poṣayatyati || 49 ||
[Analyze grammar]

sasasyāṃ vā sabījāṃ vā sakaṇāṃ yaḥ prayacchati |
śreṣṭhaṃ gṛhaṃ cārpayati bhaved brahmā sa dānakṛt || 50 ||
[Analyze grammar]

yathā candramaso vṛddhiḥ śukle pratyahameva ha |
tathā bhūdaḥ parāṃ vṛddhiṃ sasye sasye pravindati || 51 ||
[Analyze grammar]

pṛthvī mūrtimatī prāha pṛthvīsvāmina eva sā |
māmādāya ca māṃ datta datvā māṃ māmavāpsyatha || 52 ||
[Analyze grammar]

prāyaścittaṃ mahīdānaṃ punātyubhayato daśa |
sa kulīnaḥ sa puruṣaḥ sa bandhuḥ sa hi puṇyakṛt || 53 ||
[Analyze grammar]

sa dātā sa makhī sādhuryo dadāti vasundharām |
yathā sasyāni rohanti tathā kṣmādasya kāmanāḥ || 54 ||
[Analyze grammar]

bhūmirmātā pitā lakṣmīrannaṃ jīvanamityapi |
bhūmau bhavanti puṣṭāśca niṣṭhāṃ vrajanti vai bhuvi || 55 ||
[Analyze grammar]

ādityā varuṇā rudrā brahmāṇo viṣṇavo'nalāḥ |
vasavaḥ śaśino devā bhūmiṃ datvā'bhavan surāḥ || 56 ||
[Analyze grammar]

suvarṇadānaṃ godānaṃ bhūmidānaṃ gṛhārpaṇam |
dadannetān sādhave'tra sarvapāpaiḥ pramucyate || 57 ||
[Analyze grammar]

bharturniḥśreyase yattā pativratā'rdhadehinī |
bhūdānamācaret tena bhartā yātyakṣarama padam || 58 ||
[Analyze grammar]

ratnopakīrṇāṃ vasudhāṃ sarvakāmaguṇānvitām |
dadyād rājādhirājaḥ syāt puṇyaḥ svarge mahīyate || 59 ||
[Analyze grammar]

sarvakāmadughāṃ dhenuṃ mahīṃ kāmapravarṣiṇīm |
kanyāṃ vaṃśakarīṃ sādhvīṃ dadan svarge mahīyate || 60 ||
[Analyze grammar]

madhusarpiḥpravāhiṇyaḥ payodadhivahāstathā |
saritastarpayantīha pare tu vasudhāpradam || 61 ||
[Analyze grammar]

mahīṃ śastrajitāṃ datvā yuddhapāpaṃ vyapohati |
na tasya lokāḥ kṣīyante svarge modanta eva te || 62 ||
[Analyze grammar]

bhūtiṃ cecchan pradadyād kṣmāṃ puṇyāmṛddhirasānvitām |
sāgarān saritaḥ śailān kānanāni ca sarvaśaḥ || 63 ||
[Analyze grammar]

taḍāgānyudapānāni srotāṃsi ca sarāṃsi ca |
snehān sarvarasāṃścaiva dadāti vasudhāṃ dadan || 64 ||
[Analyze grammar]

oṣadhīrvīryasampannā nagān puṣpaphalānvitān |
kānanopalaśailāṃśca dhātūn khanīśca sarvathā || 65 ||
[Analyze grammar]

jīvikāṃ sarvajīvānāṃ dadāti vasudhāṃ dadan |
ikṣubhiḥ santatāṃ bhūmiṃ yavagodhūmaśālinīm || 66 ||
[Analyze grammar]

go'śvavāhanapūrṇāṃ ca nidhigarbhāṃ sasādhanām |
dadāti yo'kṣayalokān labhate sa mahāsukhān || 67 ||
[Analyze grammar]

bhūmisatraṃ bhavettasya sarvakaluṣanāśakam |
satāṃ loke pare divye sadbhirdātā mahīyate || 68 ||
[Analyze grammar]

śataṃ divyā yoṣito'pi divyamālāvibhūṣitāḥ |
sampadaścopatiṣṭhanti brahmaloke dharāpradam || 69 ||
[Analyze grammar]

śaṃkhabhadrāsanaṃ chatraṃ varāśvāvaravāhanam |
dharmapuṇyāni puṣpāṇi hiraṇyanicayāṃstathā || 70 ||
[Analyze grammar]

ājñāṃ sadā'pratihatāṃ jayaśabdān vasūni ca |
hiraṇyapuṣpāścauṣadhīn kuśakāñcanaśādvalāḥ || 71 ||
[Analyze grammar]

amṛtaprasavāṃ bhūmiṃ bhūtiṃ kṣmādaḥ prapadyate |
nāsti bhūmisamaṃ dānaṃ nāsti mātṛsamo guruḥ || 72 ||
[Analyze grammar]

nāsti satyasamo dharmo nāsti dānasamo nidhiḥ |
nāsti sādhusamaṃ pātraṃ nāsti mokṣasamaṃ sukham || 73 ||
[Analyze grammar]

nāsti muktipradaṃ stotraṃ puruṣottamasāmavat |
dānakṛt stotravaktā ca yāti dhāmā'kṣaraṃ mama || 74 ||
[Analyze grammar]

dānaphalaṃ paraṃ bhuktvā svarge satye tathaiśvare |
divyaloke tato yāti stavāddhāmā'kṣaraṃ mama || 75 ||
[Analyze grammar]

yathā bhūmistathā cānnaṃ śasyate dānarūpakam |
lokayātrā bhavatyanne prāṇā anne pratiṣṭhitāḥ || 76 ||
[Analyze grammar]

annaṃ tat prathamaṃ brahma jīvakaṃ tṛptidaṃ sadā |
annabhūrjaskara śaktipradaṃ dhārakameva tat || 77 ||
[Analyze grammar]

tāpasā bhikṣavaḥ santo gṛhiṇo'nne pratiṣṭhitāḥ |
kṣudhitāyā'nnadātā tu paratra nidhimān dhruvaḥ || 78 ||
[Analyze grammar]

atithiṃ cāgataṃ śīghraṃ jalānnaiḥ pūjayed gṛhī |
annado labhate svarge ceha vā'mṛtamuttamam || 79 ||
[Analyze grammar]

annaṃ śvapāke śuniṃ vā dattaṃ na vipraṇaśyati |
dadyādadṛṣṭapūrvāya sa mahaddharmamāpnuyāt || 80 ||
[Analyze grammar]

pitṝn devānṛṣīn viprān sādhūn nārīranāthakān |
atithīn prīṇayatyannaistasya puṇyamanantakam || 81 ||
[Analyze grammar]

annadānaṃ sarvavarṇe śasyate puṇyadaṃ hi tat |
na pṛcched gotracaraṇaṃ svādhyāyaṃ deśamityapi || 82 ||
[Analyze grammar]

bhikṣukāya pradadyādvai yācito'nnaṃ samuttamam |
annadasyā'nnasasyāni sarvadā phaladāni vai || 83 ||
[Analyze grammar]

bhavanti cehā'mutrāpi sudhāsvāduphalāni hi |
pitaro'pi pratīkṣante kule'nnado bhaveddhi naḥ || 84 ||
[Analyze grammar]

santo viprā anāthāśca vyaṃgā annasya bhikṣavaḥ |
satkṛtāśca nivartante datvā puṇyāni daivatam || 85 ||
[Analyze grammar]

nityaṃ miṣṭānnadāyī tu svarge vasati satkṛtaḥ |
annadaḥ paśumān putrī dhanavān bhogavānapi || 86 ||
[Analyze grammar]

prāṇavān rūpavāṃścāpi jāyate pūjyate suraiḥ |
kṣetraṃ kṣudhāyutaṃ pātraṃ tatropyate prarohati || 87 ||
[Analyze grammar]

pratyakṣaṃ prītijananaṃ cāmṛtaṃ puṇyasatphalam |
bhokturdāturbhavatyeva jīvanāṃkurameva ha || 88 ||
[Analyze grammar]

dhātumūlaṃ kāmamūlaṃ garbhamūlaṃ sadā'nnakam |
prasavaścāpi dharmārthau roganāśo'nnato matāḥ || 89 ||
[Analyze grammar]

anne bhūḥ svaḥ satyalokaḥ sarve tiṣṭhanti padmaje |
annābhāve prabhidyante śarīre pañcadhātavaḥ || 90 ||
[Analyze grammar]

balaṃ rūpaṃ praśaktyādyā naśyantyannanirodhanāt |
utsavāśca vivāhāśca yajñāścānnairbhavanti hi || 91 ||
[Analyze grammar]

sthāvaraṃ jaṃgamaṃ yacca sarvamanne pratiṣṭhitam |
jaḍaṃ ca cetanaṃ cāpi puṣṭitattvamapekṣate || 92 ||
[Analyze grammar]

api yantrāṇi tailā''po'pekṣante kā kathā''tmanaḥ |
bhavanāni prakāśante divi cānnapradātmanām || 93 ||
[Analyze grammar]

tārāsaṃsthāni jāyante candraśubhrāṇi tāni vā |
taruṇādityavarṇāni kiṃkiṇījālavanti ca || 94 ||
[Analyze grammar]

anekaśatabhaumāni sāntarjalacarāṇi ca |
vaidūryā'rkaprakāśāni raupyarukmamayāni ca || 95 ||
[Analyze grammar]

sarvakāmaphaladāśca vallīvṛkṣāśca teṣvapi |
vāpyo vīthyaḥ sabhāḥ kūpā dīrghikāḥ santi teṣu ca || 96 ||
[Analyze grammar]

ghoṣavanti vimānāni labhyante bhavaneṣvapi |
bhakṣyabhojyamayāḥ śailā vāsāṃsyābharaṇāni ca || 97 ||
[Analyze grammar]

kṣīranadyo dadhinadyo ghṛtanadyo'tra santi ca |
prāsādā divyakāntāśca suśayyāḥ kāñcanojjvalāḥ || 98 ||
[Analyze grammar]

devyo manoharā yogyāḥ prāpyante tatra mandire |
annadānāṃ sadā lakṣmīrvardhate'mṛtavarṣiṇī || 99 ||
[Analyze grammar]

sudhānadyaḥ prasravanti pīyūṣavārdhayastathā |
evaṃ bhuktvā śubhān lokān yathāpuṇyamataḥ param || 100 ||
[Analyze grammar]

puruṣottamasāmnā vai lakṣmi yāti padaṃ mama |
akṣaraṃ dhāma paramaṃ bhuṃkte kāmān mayā saha || 101 ||
[Analyze grammar]

sādhūn viprāṃstarpayedvai sarpiṣā pāyasena ca |
kṛsaraiḥ polikādyābhiḥ sūpodanaiśca tarpayet || 102 ||
[Analyze grammar]

tilapakvānnakairbhakṣyaiḥ phāṇitaiḥ pāyasaiḥ śubhaiḥ |
śākaiḥ phalairmūlakaiśca kandairdalaiśca saktukaiḥ || 103 ||
[Analyze grammar]

rājamāṣaiśca miṣṭānnairlaḍḍukaistarpayet sataḥ |
dakṣiṇāyāṃ svarṇadānaṃ rūpyakaṃ cā'rpayettathā || 104 ||
[Analyze grammar]

svargān bhuktvā sāmapāṭhādakṣaraṃ saṃvrajatyapi |
śāśvataṃ paramānandaṃ bhuṃkte lakṣmi mayā saha || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne dānapātre dānaphalaṃ bhūdānaphalamannadānaphalaṃ puruṣottamasāmaphalaṃ cetyādinirūpaṇanāmā daśādhikaśatatamo'dhyāyaḥ || 110 ||
[Analyze grammar]