Chapter 100

śrīnārāyaṇīśrīruvāca |
parameśa kṛpāsindho sādhūnāṃ paramaṃ dhanam |
muktānāṃ jīvanaṃ kṛṣṇo devānāṃ daivataṃ param || 1 ||
[Analyze grammar]

kṛpayaiva bhavān kṛṣṇanārāyaṇo'tra bhūtale |
samāyāsyathavā cānyat kāraṇaṃ vidyate nu kim || 2 ||
[Analyze grammar]

śrīpuruṣottama uvāca |
kṛpā'tra kāraṇaṃ mukhyaṃ śivarājñīpriye sadā |
icchaiva kāraṇaṃ sṛṣṭau mamāgamasya sarvathā || 3 ||
[Analyze grammar]

tathāpi niyataṃ hetumudbhāvayāmi cāparam |
yadā yadā samāyāmi sṛṣṭyantare ca kalpake || 4 ||
[Analyze grammar]

ādau kvacinmaharṣeśca bhṛgornimittamāpya ha |
samāyāmi muhuśceti bhaktānāmicchayā'pi ca || 5 ||
[Analyze grammar]

śrīnārāyaṇīśrīruvāca |
bhṛgoḥ kiṃ kāraṇaṃ jātaṃ yadarthaṃ vai tvayā prabho |
muhurmānuṣabhāve'tra prākaṭyaṃ gṛhyate vada || 6 ||
[Analyze grammar]

śrīpuruṣottama uvāca |
śṛṇu lakṣmi kathayāmi purāvṛttaṃ tu kāraṇam |
bhṛgustrīkhyātivadhato bhṛguśāpena mānuṣe || 7 ||
[Analyze grammar]

prākaṭyaṃ sarvathā viṣṇorbahuvāraṃ prajāyate |
devakāryārthalagnasya divyaiśvaryasya śārṅgiṇaḥ || 8 ||
[Analyze grammar]

yugadharme parāvṛtte śithile ca vṛṣe tataḥ |
kartuṃ dharmavyavasthānaṃ jāyate viṣṇuravyayaḥ || 9 ||
[Analyze grammar]

hiraṇyakaśipurdaityo rājye trilokamaṇḍale |
śāstā'bhavatpurā rājā daśakoṭisamāstathā || 10 ||
[Analyze grammar]

dvāsaptatilakṣāṇi varṣāṇyanyāni vai tathā |
tathā'śītisahasrāṇi samrāṭ nirāmayo'bhavat || 11 ||
[Analyze grammar]

tato daśayugaṃ rājā prahlādaścā'bhavad bhuvaḥ |
tato rājā baliścāsīd daśakoṭisamāstathā || 12 ||
[Analyze grammar]

triṃśallakṣāṇi ca ṣaṣṭisahasrāṇi samā bhuvaḥ |
trayaste indrā vikhyātā daityānāmabhavaṃstadā || 13 ||
[Analyze grammar]

daityasaṃsthamidaṃ sarvamāsīd rājyaṃ trilokagam |
atrāntare ca saṃgrāmāḥ surāsurakṣayāvahāḥ || 14 ||
[Analyze grammar]

āsan dvādaśa cogrāśca viṣṇuryatra surā'rthitaḥ |
daityān vyanāśayad divyacakreṇa saṃgato muhuḥ || 15 ||
[Analyze grammar]

vārāhakalpe te sarve saṃgrāmāstān priye śṛṇu |
prathamo nārasiṃhastu hiraṇyakaśipurhataḥ || 16 ||
[Analyze grammar]

dvitīyaścāpi vārāho yatra hato hiraṇyadṛk |
prahlādo nirjitaścāpi tṛtīyo'mṛtamanthane || 17 ||
[Analyze grammar]

virocanaścaturthaśca hato vai tārakāmaye |
tārakā sā bṛhaspateḥ patnī candreṇa cāhṛtā || 18 ||
[Analyze grammar]

tannimittaṃ tu tadyuddhaṃ babhūva romaharṣaṇam |
vāmanena balirbaddho yuddhaṃ mahadabhūttadā || 19 ||
[Analyze grammar]

ṣaṣṭhe hyāḍībako jambho hataḥ śakreṇa viṣṇunā |
saptame śaṃbhunā daityāstripurādyā vināśitāḥ || 20 ||
[Analyze grammar]

aṣṭame cā'ndhako nighātitaḥ sadaityadānavaḥ |
navame vipracittyādyā lakṣaśaḥ śakrasūditāḥ || 21 ||
[Analyze grammar]

vṛtrāsuro ghātitaśca daśame vajrapāṇinā |
ekādaśe tu rajinā daityāḥ sarve vināśitāḥ || 22 ||
[Analyze grammar]

dvādaśe ca suraiḥ ṣaṇḍāmarkādyā vinipātitāḥ |
ete devāsurāṇāṃ vai saṃgrāmā dvādaśā'bhavan || 23 ||
[Analyze grammar]

viṣṇustatra ca sarvatra sāhāyyo'bhūd dyuvāsinām |
paryāyeṇa ca samprāptaṃ trailokyaṃ pākaśāsanam || 24 ||
[Analyze grammar]

tato yajñasya bhāgāṃśca yajñe devā hyupāgaman |
yajñanārāyaṇaścāpi devapakṣī tato'bhavat || 25 ||
[Analyze grammar]

yajñe devānatha gate śukraṃ prāhurhi dānavāḥ |
daityāścāsuramūrdhanyāstrāsamāptvā hi nirbalāḥ || 26 ||
[Analyze grammar]

sthātuṃ na śaknumo bhūmau praviśāmo rasātalam |
evamukto'suragururviṣaṇṇaḥ sāntvayan girā || 27 ||
[Analyze grammar]

mā'bhaiṣṭa dhārayiṣyāmi tejasā svena vo'surān |
vṛṣṭimoṣadhīn bhojyāni rasānsudhāḥ sukhāni ca || 28 ||
[Analyze grammar]

yuṣmadarthaṃ pradāsyāmi dhārayitvā svatejasā |
yāsyāmyahaṃ mahādevaṃ mantrārthe vijayāya ca || 29 ||
[Analyze grammar]

yuṣmānanugrahīṣyāmi punaḥ paścādihāgataḥ |
yūyaṃ tapaścaradhvaṃ vai saṃvṛtā valkalairvane || 30 ||
[Analyze grammar]

no ced devā haniṣyanti yāvadāgamanaṃ mama |
ataścogrān mahāmantrān samprāpyā'haṃ maheśvarāt || 31 ||
[Analyze grammar]

āgacchāmi tato yotsyāmahe jeṣyāma eva tān |
piturbhṛgoścāśramasthāḥ sampratīkṣata dānavāḥ || 32 ||
[Analyze grammar]

saḥ sandiśyā'surān kāvyo mahādevaṃ prapadya ca |
samprapūjya svāgataṃ prāpya praṇamyovāca śaṃkaram || 33 ||
[Analyze grammar]

mantrānicchāmi śaṃbho tvat ye na santi bṛhaspatau |
parābhavāya devānāmasureṣvabhayāvahān || 34 ||
[Analyze grammar]

śrutvā maheśvaraḥ prāha caravrataṃ mayoditam |
pūrṇaṃ varṣasahasraṃ vai kuṇḍadhūmamavākchirāḥ || 35 ||
[Analyze grammar]

pāsyasi brahmacārī saṃstato mantrānavāpsyasi |
tayoktaḥ śukra evā'sau dhūmrapastāpaso'bhavat || 36 ||
[Analyze grammar]

vaṭaśākhāṃ samālambya kailāse'vākśirāḥ sadā |
tasmin chidre tadā'marṣād devā daityānupādravan || 37 ||
[Analyze grammar]

pragṛhītāyudhā bṛhaspatipurogamā drutam |
atha jetuṃ surānnaiva śakṣyāma iti dānavāḥ || 38 ||
[Analyze grammar]

natvā yayustadā śukramātaraṃ khyātimeva ha |
śaraṇaṃ bhītabhītāste prāpadyanta tadā'bhayam || 39 ||
[Analyze grammar]

cakre rakṣāṃ bhṛgoḥ patnī kintu devā ruṣānvitāḥ |
asurān jaghnuḥ paritaḥ khyātiḥ kruddhā'bhavattadā || 40 ||
[Analyze grammar]

pātivratyabalenendraṃ saṃstabhyā'bhyacarat satī |
saṃstambhito drutaṃ cendro vaśīkṛto jaḍo'bhavat || 41 ||
[Analyze grammar]

vyadravanta vilokyainaṃ devāstato diśo daśa |
atha viṣṇuḥ prāha śakraṃ śīghraṃ tvāṃ nyasya vai mayi || 42 ||
[Analyze grammar]

praveśayitvā rakṣāmi mā'bhaiṣīstvaṃ surottama |
indraṃ viṣṇuḥ svamūrtau prāveśayitvā rarakṣa ha || 43 ||
[Analyze grammar]

viṣṇunā rakṣitaṃ vīkṣya khyātiḥ kruddhā vaco'vadat |
eṣā viṣṇuṃ mahendraṃ ca dahāmi kṣaṇamātrataḥ || 44 ||
[Analyze grammar]

indraḥ śrutvā hariṃ prāha śīghraṃ kuru pareśvara |
jahi sudarśanenaināṃ yāvanno na dahet satī || 45 ||
[Analyze grammar]

viṣṇuḥ sasaṃbhramaścakraṃ mumoca prāṇahetave |
khyāteściccheda mūrdhānaṃ patitā sā mṛtā'bhavat || 46 ||
[Analyze grammar]

svastrīvadhaṃ samākarṇya bhṛguścukopa satvaram |
śaśāpa strīvihantā tvaṃ mānuṣeṣu punaḥ punaḥ || 47 ||
[Analyze grammar]

janma dhṛtvā'tiduḥkhāni cānubhava muhurmuhuḥ |
strīnimittāni duḥkhāni bhuṃkṣva loke punaḥ punaḥ || 48 ||
[Analyze grammar]

evaṃ bhṛgoḥ pratāpena jāyate viṣṇuracyutaḥ |
naṣṭe dharme lokakāryahitārthaṃ mānuṣeṣviha || 49 ||
[Analyze grammar]

atha bhṛguḥ śiro dhṛtvā kāye drāk samayojayat |
yadi kṛtsno mayā dharmaścirito jñāyate'pi vā || 50 ||
[Analyze grammar]

patnīvrataparaścā'haṃ tvaṃ pativratatatparā |
tena satyena jīvasva jīvasva viṣṇusannidhau || 51 ||
[Analyze grammar]

ityuktvā prokṣya vārbhiśca jīvayāmāsa tāṃ bhṛguḥ |
khyātistūrṇaṃ gatanidrevā'bhibubodha tatkṣaṇam || 52 ||
[Analyze grammar]

indrasya staṃbhanaṃ viṣṇurnāśayāmāsa yogataḥ |
bhṛguḥ śānto'bhavat paścāt tuṣṭāva parameśvaram || 53 ||
[Analyze grammar]

kṣamāṃ yayāce satataṃ bhojanādi dadau śubham |
viṣṇurnaiva hi jagrāha bhṛguṃ prāha hi mādhavaḥ || 54 ||
[Analyze grammar]

tava putrī mama patnī bhāvinī bhārgavī yadā |
tadā grahīṣyāmyāgatya tayā sākaṃ hi bhojanam || 55 ||
[Analyze grammar]

ityuktvā prayayau viṣṇustyaktvā daityādikāṃstadā |
indraḥ svastho yayau svargaṃ devā yayurnijālayān || 56 ||
[Analyze grammar]

daityādyāśca bhṛgoḥ kṣetre svasthā āśramasannidhau |
tapanti ca pratīkṣante śukrasyāgamanaṃ prati || 57 ||
[Analyze grammar]

śukro'pi harapārvatyoḥ sannidhau vaṭavṛkṣake |
adhaḥśirāstapaścograṃ karoti śaṃkarājñayā || 58 ||
[Analyze grammar]

pūrṇe varṣasahasre tu vigate śaṃkaraḥ svayam |
divyarūpeṇa nikaṭe'dṛśyatā''gatya vai vaṭe || 59 ||
[Analyze grammar]

śakrastuṣṭāva śaṃbhuṃ taṃ lambamāno vaṭe'pi ca |
namo'stu śitikaṇṭhāya kapardine ca śaṃbhave || 60 ||
[Analyze grammar]

mīḍhuṣe vasuvīryāya rudrāya rohitāya te |
girīśāyā'rkanetrāya takṣakakrīḍanāya ca || 61 ||
[Analyze grammar]

pinākine ca śvetāya bhīmāyogrāya te namaḥ |
mahādevāya śarvāya mṛgavyādhāya te namaḥ || 62 ||
[Analyze grammar]

sthāṇave bahurūpāya trinetrāya ca mṛtyave |
tryambakāya namaste'stu śaṃkarāya śivāya ca || 63 ||
[Analyze grammar]

dhyānine vyāpine sadyojātāyeśāya te namaḥ |
vāmadevāya ca kṛttivastrāya prabhave namaḥ || 64 ||
[Analyze grammar]

bhaganetravihantre te paśūnāṃ pataye namaḥ |
bhūtānāṃ pataye pūṣāhantaghnāya ca te namaḥ || 65 ||
[Analyze grammar]

arkarūpāya ca nyagrodhāya kālāya te namaḥ |
saṃkarṣaṇāya rudrāya vahnaye yogine namaḥ || 66 ||
[Analyze grammar]

pṛthivyādyaṣṭarūpāya liṃgāyā'liṃgine namaḥ |
pārvatīpataye tubhyaṃ gopataye namo namaḥ || 67 ||
[Analyze grammar]

maheśāya ca ḍamarūvāditrāya ca te namaḥ |
kailāsasthāya devānāṃ stutyāya te namo namaḥ || 68 ||
[Analyze grammar]

mahāvaiṣṇavasannāmne gaṇānāṃ pataye namaḥ |
brahmiṣṭhāya ca śukrasya pitre bhūyo namo namaḥ || 69 ||
[Analyze grammar]

ityuktvā virarāmā'sau śukrastaṃ prāha śaṃkaraḥ |
mā tapaḥ kuru viprendra saṃkalpaste bhayāvahaḥ || 70 ||
[Analyze grammar]

tathāpi vatsarānte'haṃ pūrayiṣye tu śīline |
śīlavratāya te śukra dāsye yatheṣṭamantrakān || 71 ||
[Analyze grammar]

ityuktvā śaṃkaro devastatraivā'ntaradhīyata |
athendreṇa nijākanyā jayantī preṣitā tadā || 72 ||
[Analyze grammar]

kathitā putri śakro vai dāruṇaṃ carate tapaḥ |
anidrārthaṃ trilokyāṃ vai tato yāhi drutaṃ ca tam || 73 ||
[Analyze grammar]

śukraṃ prasevayasvainaṃ śayyāsevādibhirdrutam |
taistairmano'nukūlaiśca hyupacārairatandritā || 74 ||
[Analyze grammar]

śrutvā surūpā kanyā sā jayantī prayayau hi tam |
pitrā yathoktaṃ vākyaṃ sā śukre kṛtavatī satī || 75 ||
[Analyze grammar]

śukrastāṃ prāha suśroṇi daśavarṣāṇi vai mayā |
saha tiṣṭhā'dṛśyarūpā samprayogaṃ ca me kuru || 76 ||
[Analyze grammar]

ityājñaptā daśa samāḥ śukreṇa saha sā sthitā |
śukravat tāpasī bhūtvā sūkṣmayogavatī sadā || 77 ||
[Analyze grammar]

atha bṛhaspatirdaśavatsareṣu nijaṃ vapuḥ |
śukrarūpātmakaṃ kṛtvā'surānaśikṣayattadā || 78 ||
[Analyze grammar]

atha śukro daśavarṣottare daityānupāgamat |
ahaṃ śukro'smi daityendrā madvacaḥ sannibodhata || 79 ||
[Analyze grammar]

daityāḥ prāhurna naḥ svāmī bhavān śukro na vai ṛtaḥ |
daśavarṣāṇi naḥ svāmī satyo'yaṃ śukra eva ha || 80 ||
[Analyze grammar]

ityevamasuraiḥ śukro'vamānitaḥ śaśāpa tān |
daityā yūyaṃ satyaśukraṃ bodhitā nā'bhyanandatha || 81 ||
[Analyze grammar]

tasmāt praṇaṣṭavīryā vai parābhavamavāpsyatha |
iti śaptā asurāste jñātvā śāpaṃ ca devatāḥ || 82 ||
[Analyze grammar]

yuyudhurdānavādyaiśca hatavanto'surān bahūn |
kāvyaśāpā'bhibhūtāśca śukrādhāravivarjitāḥ || 83 ||
[Analyze grammar]

asurā hanyamānāste viviśuśca rasātalam |
devānāṃ vijayo jāto viṣṇunā tu sahāyinā || 84 ||
[Analyze grammar]

etatte kathitaṃ lakṣmi viṣṇorjanmasu kāraṇam |
bhṛgornimittamālambya viṣṇuḥ saṃjāyate muhuḥ || 85 ||
[Analyze grammar]

dharmānnārāyaṇo jātaścākṣuṣe ca manau hariḥ |
vaivasvate pṛthurviṣṇurvāmanaścāditeḥ sutaḥ || 86 ||
[Analyze grammar]

dattātreyo'bhavatso'pi parśurāmo'pi caiva saḥ |
rāmādityastathā viṣṇurvyāso bhavati sarvadā || 87 ||
[Analyze grammar]

vāsudevo'pi viṣṇuśca kalkī viṣṇurbhaviṣyati |
evamanye'pyavatārā viṣṇorbhavanti mānavāḥ || 88 ||
[Analyze grammar]

daityānāṃ tu vināśārthaṃ dharmarakṣaṇahetave |
kvacinnārīnimittena kvacitsurā'vanāya ca || 89 ||
[Analyze grammar]

kvaciddharmanimittena kvacicca kṛpayā kila |
ete sarve mama lakṣmi hyavatārā vibhūtayaḥ || 90 ||
[Analyze grammar]

anādiśrīkṛṣṇanārāyaṇo'haṃ puruṣottamaḥ |
icchayā'nugraheṇāpi cāyāmi hitavān satām || 91 ||
[Analyze grammar]

sādhūn viprān vṛṣaṃ gāśca rakṣāmi mānavo muniḥ |
sādhavo me'vatārāśca hetayo'pi tathāvidhāḥ || 92 ||
[Analyze grammar]

aiśvaryāṇi cāvatārāḥ śaktayo'pi tathāvidhāḥ |
muktā me hyavatārāśca bhaktāścāpi tathāvidhāḥ || 93 ||
[Analyze grammar]

devāścāpyavatārā me dharmāvanāya sarvathā |
ājñayā sṛṣṭilokeṣu jāyante'ntarbhavanti ca || 94 ||
[Analyze grammar]

mūrtayo mama yāḥ santi divyāḥ sarvā hi tāstu me |
avatārāḥ sadā sevāgrāhakā bhaktavatsalāḥ || 95 ||
[Analyze grammar]

mamā'vatārayogaṃ ye labdhavantaḥ surā'surāḥ |
daityāśca dānavā yakṣā rākṣasāśca narāḥ striyaḥ || 96 ||
[Analyze grammar]

paśavo vāhanātmāno gajāśca vājino'pi ca |
uṣṭrāśca vṛṣabhāścānye mama yogamupāgatāḥ || 97 ||
[Analyze grammar]

matsādhuyogamāpannā yātā yānti paraṃ padam |
ityevaṃ me kṛpā cāste svabhāvo me'pi tādṛśaḥ || 98 ||
[Analyze grammar]

madyogaṃ samavāptasya mattulyatvaṃ prajāyate |
sādhuyogātsādhurbhavati daivayogāśca devatā || 99 ||
[Analyze grammar]

mama yogādbhavatyeva mādṛśo bhaktarāṭ svayam |
nārāyaṇasya yogena naro nārāyaṇo bhavet || 100 ||
[Analyze grammar]

nārī nārāyaṇī syācca muktānikā ramā yathā |
yathā padmāvatī jātā nārāyaṇyau priye mama || 101 ||
[Analyze grammar]

śrīnārāyaṇīśrīruvāca |
anādiśrīkṛṣṇanārāyaṇasvāmin pate mama |
jijñāsāṃ pūraya jāte nrāyaṇyau tu ramā'bjake || 102 ||
[Analyze grammar]

kathaṃ kena nimittena saṃjātā saṃgatistava |
padmāvatyā ramāyāśca sphuṭaṃ kṛṣṇa vadā'tra me || 103 ||
[Analyze grammar]

śrīpuruṣottama uvāca |
śṛṇu nārāyaṇīśri tvaṃ sarvajñā'si hi mādṛśī |
tathāpi mānavaṃ bhāvamāpya jijñāsasi tvidam || 104 ||
[Analyze grammar]

kathayāmi purā vṛttaṃ yena ye saṃgamo'nayoḥ |
kakupsūryātmajayorvai kuṭumbe kārave'bhavat || 105 ||
[Analyze grammar]

purā sūryo yadotpannaḥ sahasrakiraṇo'bhavat |
uccāvacapradeśaśca brahmāṇḍadāhakā'gnikaḥ || 106 ||
[Analyze grammar]

asahyatejāścātyugro vivarāṇyajvalan yataḥ |
sūryaṃ tejasvinaṃ jñātvā yā'rpitā viśvakarmaṇā || 107 ||
[Analyze grammar]

saṃjñānāmnī kanyakā'pi sā jajvālārkatejasā |
vihāyeyaṃ patiṃ svasyāḥ chāyāṃ kṛtvā nijāṃ striyam || 108 ||
[Analyze grammar]

svadhiṣṇye tāṃ samāsthāya niryayau sā gṛhānnijāt |
kliṣṭacittā gūhatī svāṃ viśvakarmālayaṃ yayau || 109 ||
[Analyze grammar]

pitropadiṣṭā sūryasya gṛhe gantuṃ tathāpi sā |
na yātā vaḍavā bhūtvā himādrau vyacarat satī || 110 ||
[Analyze grammar]

tadā'rkastāṃ mārgayituṃ samāyāddhimaparvate |
aśvo bhūtvā''rabdhavāṃstāṃ sā na kāmaṃ dadau tadā || 111 ||
[Analyze grammar]

mukhaṃ dadau tadā sūryo dhātuṃ nasorvyasarjayat |
nāsikādvayato jātāvaśvinyāḥ sukumārakau || 112 ||
[Analyze grammar]

tataḥ sā prayayau sākaṃ sūryeṇa sūryamaṇḍalam |
kintu sūryasya tejobhirjajvālaiṣā purā yathā || 113 ||
[Analyze grammar]

sovāca pitaraṃ sūryamandatārthaṃ pitā tataḥ |
viśvakarmā divānāthaṃ śāṇollīḍhaṃ cakāra ha || 114 ||
[Analyze grammar]

śātitaścābhitaḥ sūryaścātirūpo'timohakaḥ |
sahyatejāḥ samabhavat saṃjñā tasmin sthirā'bhavat || 111 ||
[Analyze grammar]

tadā surūpaṃ sukhadaṃ sahyaṃ bhogapradaṃ suram |
vīkṣya cakame yuvatī diśā bhūtvā sukanyakā || 116 ||
[Analyze grammar]

hāvabhāvavilāsādyaiśceṣṭābhistaṃ digicchati |
rantukāmāṃ sumugdhāṃ ca pārśve prāptāṃ rajonvitām || 117 ||
[Analyze grammar]

sūryastāṃ vīkṣya tatrāha digdevate kimacchasi |
digdevī sveṣṭamāhā'smai kāmaṃ dehi sutṛptidam || 118 ||
[Analyze grammar]

sūryaḥ prāha na me bhogo vyarthaḥ syāt tadvicāraya |
yadīṣṭaste'sti ced garbho gṛhāṇa mama saṃgamam || 119 ||
[Analyze grammar]

tadā diśā svayaṃ devī garbho neṣṭa iti svayam |
vicāryā'pi mahāmugdhā bhogamaicchad dinādhipāt || 120 ||
[Analyze grammar]

sūryaḥ prāha priye devi bhogaṃ dāsye phalānvitam |
kadācinmānave bhāve tvaṃ kanyā saṃbhaviṣyasi || 121 ||
[Analyze grammar]

tadā te mānavīnāryai madyogaḥ saphalo bhavet |
yadā'nādikṛṣṇanārāyaṇaḥ śrīpuruṣottamaḥ || 122 ||
[Analyze grammar]

pṛthvyāṃ mānavarūpeṇa vicariṣyati kāmadaḥ |
gopālabālakaḥ kṛṣṇaḥ kaṃbharānandanaḥ prabhuḥ || 123 ||
[Analyze grammar]

tadā te janmasāphalyaṃ sarvathā saṃbhaviṣyati |
ityuktvā virarāmā'rko diśā kanyā tiro'bhavat || 124 ||
[Analyze grammar]

atha sūryaḥ śvaśuraṃ svaṃ prasannaḥ prāha sāñjaliḥ |
varaṃ vṛṇu pradātye'tra yanmano'nugataṃ priyam || 125 ||
[Analyze grammar]

viśvakarmā tadā prāha prasanno'si yadi prabho |
jāmātā putrarūpo vai tathāpi putravāñcchayā || 126 ||
[Analyze grammar]

arthayāmi varaṃ ramyaṃ putro me bhava bhāskara |
sūryastathā'stviti prāha prajagāda ca tatparām || 127 ||
[Analyze grammar]

yadā'nādikṛṣṇanārāyaṇaḥ pṛthvyāṃ bhaviṣyati |
gopālabālakaḥ satyāḥ kambharāyāḥ sukhātmajaḥ || 128 ||
[Analyze grammar]

tadā tadyogalābhārthamahaṃ cecchāmi janma vai |
adya vā ca yugānte vā yugānāmayute'pi vā || 129 ||
[Analyze grammar]

śrīhareryogalābhārthaṃ bhaviṣyāmi sumānavaḥ |
tatra kāle viśvakarman bhavatā pṛthivītale || 130 ||
[Analyze grammar]

prākaṭyaṃ mānave kāryaṃ matpitṛtvasya siddhaye |
bhavantaṃ pitaraṃ prāpya kāruyonau tvadātmajaḥ || 131 ||
[Analyze grammar]

bhaviṣyāmi suputraste pūrayiṣye manoratham |
ityetat samayaṃ prāpya pṛthvyāṃ yadā hariḥ svayam || 132 ||
[Analyze grammar]

gopālabālako'nādikṛṣṇanārāyaṇo'bhavat |
kabharāśrīgṛhe tatra viśvakarmā''pya vai kṣaṇam || 133 ||
[Analyze grammar]

maṃkaṇakasukārorvai gṛhe bālujaśilpirāṭ |
viśvakarmā svayaṃ jajñe jaṭilāpatirityayam || 134 ||
[Analyze grammar]

bālujaṃśilpinaṃ viśvakarmāvatāramuttamam |
pitaraṃ samprakalpyaiva sūryaḥ putro'bhavattataḥ || 135 ||
[Analyze grammar]

nākamicchilpirāṭ sarvaśilpivaryaḥ suyogirāṭ |
tasyā'sya pūrṇarūpasya bhāryā'bhavattu sā kakub || 136 ||
[Analyze grammar]

yā jātā kanyakā digaṃśātmikā mānavī satī |
ambāmātā śilpivaryamanojitputrikā śubhā || 137 ||
[Analyze grammar]

vivāhitā digaṃśā sā'rkāṃ'śanākajitā bhuvi |
dampatyoḥ putrikā jātāḥ pañca jyeṣṭhā'tra cābjikā || 138 ||
[Analyze grammar]

diśāmaṃśasvarūpā yā sā'mbāyāḥ putrikā'grajā |
padmāvatī satītulyā kṛṣṇakāntasya satpriyā || 139 ||
[Analyze grammar]

sūryaprabhā svayaṃ sūryajanyā harau sumohitā |
hariṃ patiṃ prakartuṃ sā sūryaputrī tu mānavī || 140 ||
[Analyze grammar]

vyajāyata surūpā vai sūryamānavaputrikā |
dvitīyā sā ramā jātā sūryāṃśanākajitsutā || 141 ||
[Analyze grammar]

sūryaputrī ramā sā'mbādevyāṃ vyajāyatottamā |
padminīrūpasaubhāgyaguṇayuktā haripriyā || 142 ||
[Analyze grammar]

brahmaṇo ye purā putryau ramāpadmāvatībhidhe |
puruṣottamamāsasya trayodaśyā vratena vai || 143 ||
[Analyze grammar]

prāpte'kṣaraṃ paraṃ dhāma te punaḥ śrīharīcchayā |
bhuvi śrībhagavatsevākaraṇāyā'rkaputrikā || 144 ||
[Analyze grammar]

ramā jātā'tha dikputrī jātā padmāvatī tathā |
mānave tu harau patnīrūpeṇobhe'rpite bhuvi || 145 ||
[Analyze grammar]

pārṣadau me dhāmasaṃsthau bhargo hemanta ityamū |
sevārthaṃ nītavānetau sahā'haṃ tau sahodarau || 146 ||
[Analyze grammar]

prajātau tau yatra patnījanma tatra gṛhe tvimau |
bhargo'bhavaddhi bhagavān hemanto hemasaṃjñakaḥ || 147 ||
[Analyze grammar]

siṣevāte hariṃ māṃ tau parabrahmaparāyaṇau |
bhagavān sa suto madhye jāto vai bhagavadgaṇaḥ || 148 ||
[Analyze grammar]

hemantaśca tato jāto'nujo hemasamottamaḥ |
tatastisraḥ sutā yā mālatī haṃsī ca sadguṇā || 149 ||
[Analyze grammar]

vaikuṇṭhasakhyastisrastā abhavannambikāsutāḥ |
evaṃ sarvaṃ bhaktiyuktaṃ kṛṣṇanārāyaṇāśrayam || 150 ||
[Analyze grammar]

kuṭumbaṃ devatārūpaṃ jātaṃ bhaktyarthamuttamam |
sevārthaṃ śrīkṛṣṇanārāyaṇasyaivā'bhavat kṣitau || 151 ||
[Analyze grammar]

ityeṣaḥ kathitaḥ pūrvavṛttāntaste'tra matpriye |
padmāvatyāramā yāśca priyayormama sarvadā || 152 ||
[Analyze grammar]

yathā lakṣmīrjayā rādhā māṇikyā lalitā priyā |
yathā śrīstvaṃ tathā padmāvatī ramā'tra me priyā || 153 ||
[Analyze grammar]

brahmapriyā'ṣṭakaṃ tvetat koṭyarbudā'ṅganottamam |
paṭhanācchravaṇādasya bhuktiṃ muktiṃ labhettathā || 154 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne bhagavadavatārāṇāṃ sṛṣṭāvāgamane kṛpā vā bhṛgoḥ śāpo nimittaṃ daityānāṃ dvādaśasaṃgrāmāḥ padmāvatīramākuṭumbasya prāgvṛttāntādiścetyādinirūpaṇanāmā śatatamo'dhyāyaḥ || 100 ||
[Analyze grammar]