Chapter 98

śrīnārāyaṇīśrīruvāca |
mahatyāpadgatasyāpi yathoddhāro drutaṃ bhavet |
tathā me darśaya kṛṣṇakānta lokahitāya vai || 1 ||
[Analyze grammar]

śrīpuruṣottama uvāca |
praṇamāmi sadā sadbhyo yeṣāṃ brahmaparaṃ dhanam |
yeṣāṃ karatale svargo mokṣo'pi vacane sthitaḥ || 2 ||
[Analyze grammar]

ye bālā vā yuvāno vā vṛddhā vā sādhavo'malāḥ |
udvahanti harerbhakterdhuraṃ namāmi tānaham || 3 ||
[Analyze grammar]

brahmavidyāsu niṣṇātā vinītā vaśamānasāḥ |
brahmabhāṣāḥ śrutavanto vratinaḥ sādhubhūṣaṇāḥ || 4 ||
[Analyze grammar]

akṣarabrahmarūpāṇāṃ saṃsatsu brahāvādinaḥ |
māṃgalyarūpā rucirā ye tānnamāmi sajjanān || 5 ||
[Analyze grammar]

ye teṣāmapi saṃsevyā brahmasadasi cāgragāḥ |
vijñānadhyānasampannāstebhyo'dhispṛhayāmyaham || 6 ||
[Analyze grammar]

satsu śuśrūṣamāṇeṣu pretya ceha sukhaṃ mahat |
sarvāpadāṃ vināśaśca ta uddhārakarāḥ śubhāḥ || 7 ||
[Analyze grammar]

susaṃskṛtāni cānnāni śītāni salilāni ca |
ramyāṇi cāmbarāṇyebhyo dātavyāni sadā rame || 8 ||
[Analyze grammar]

dhanyaḥ syād yaḥ sādhukule janma labheta puṇyavān |
bhaved yaścottare kāle koṭidehipramokṣadaḥ || 9 ||
[Analyze grammar]

na me tvattaḥ priyatarā lakṣmi kā'pi bhuvastale |
brahmapriyāḥ priyāḥ sarvāḥ santa priyatamā mama || 10 ||
[Analyze grammar]

na me pitarau kamale tathā priyatarau tviha |
yathā me sādhavaḥ śāntāḥ priyottamottamāḥ sadā || 11 ||
[Analyze grammar]

mahatyāpadgatasyā'pi sādhavo'tra śubhāvahāḥ |
bhajanīyāḥ pūjanīyāḥ surāṇāmapi devatāḥ || 12 ||
[Analyze grammar]

sāttvataśceti māṃ lokāḥ prāhustuṣyāmi tena ca |
satāṃ yogena sādhvīśaṃ māmāhurbhaktikāriṇaḥ || 13 ||
[Analyze grammar]

yathā bhartrāśrayo dharmo nārīṇāṃ vidyate tathā |
sarveṣāṃ tu sadācāraḥ sādhvāśrayo vṛṣo mataḥ || 14 ||
[Analyze grammar]

viprakṣatraviśāṃ cāpi sādhavo guravo matāḥ |
devavat kṛṣṇavat pūjyāḥ sevanīyā hi sādhavaḥ || 15 ||
[Analyze grammar]

agnivat sevanīyāste brāhmaṇaiḥ sādhavo'malāḥ |
sādhūnāṃ sevanaistiṣṭhed brāhmaṇyaṃ sarvapāvanam || 16 ||
[Analyze grammar]

patyabhāve yathā nārī devaraṃ kurute patim |
prajāstathā sādhvabhāve pratimāṃ kurute prabhum || 17 ||
[Analyze grammar]

ṛjūn sataḥ satyaśīlān sarvaprāṇihite ratān |
suhṛdaḥ sarvajīvānāṃ sādhūn paricaret sadā || 18 ||
[Analyze grammar]

rājā svajanakaṃ yadvad rakṣet sāghujanaṃ tathā |
āśrame cānvavekṣeta kiṃsvidastīti jīvanam || 19 ||
[Analyze grammar]

brahmiṣṭhān brahma ca tathā sarvathā pālayed dhanī |
bhikṣātṛptasatāmāśīrvādānāsādayeddhanī || 20 ||
[Analyze grammar]

pratiśrutya na dātavyaṃ tadeva narakaṃ mahat |
āśāhanturhi yatpāpaṃ sarvasukṛtanāśakam || 21 ||
[Analyze grammar]

hutaṃ dattaṃ tapastaptaṃ cāśāhanturvihanyate |
āśādānaṃ tvaśvamedhayajñapuṇyaṃ karoti vai || 22 ||
[Analyze grammar]

āśāpūrtirviṣṇuyāgasahasraphaladā bhavet |
tasmādāśāṃ pradāyaitāṃ pūrayecca yathābalam || 23 ||
[Analyze grammar]

ekadā śvapacagṛdhrau śmaśāne militau tadā |
gṛdhraṃ parāsuṃ khādantaṃ papraccha śvapacaḥ śanaiḥ || 24 ||
[Analyze grammar]

kiṃ tvayā vai kṛtaṃ pāpaṃ yadaśnāsi prapūtikam |
kutsitaṃ mṛtakaṃ cātidurgandhaṃ kleditaṃ tviha || 25 ||
[Analyze grammar]

gṛdhraḥ prāha purā cā'hamabhūvaṃ lobhavān dhanī |
pratiśrutyā'pi ca dadau naiva vā'pūrṇameva vā |
tena pāpena saṃjāto gṛdhraścātra śmaśānagaḥ || 26 ||
[Analyze grammar]

tasmādevaṃ cātiduṣṭaṃ bhakṣayāmi bubhukṣitaḥ |
paraṃ te śvāpacaṃ janma kathaṃ jātaṃ nu me vada || 27 ||
[Analyze grammar]

śvapaca prāha pūrve'haṃ dhanadhānyayuto'pi san |
sādhūnāṃ nindakaścā''saṃ brāhmaṇo'pi ghṛṇī sati || 28 ||
[Analyze grammar]

dṛṣṭvā sādhūn dhikkaromi tiraskaromi narma ca |
na dadāmi kvacid bhikṣāṃ vārayāmi paraṃ hyapi || 29 ||
[Analyze grammar]

tena pāpena sarvasvaṃ gṛhadārasutādikam |
naṣṭaṃ vahniprakopena dagdhaṃ dagdho'hamityataḥ || 30 ||
[Analyze grammar]

yamalokaṃ gatastatra yāmyairandhatamisrake |
nikṣiptau bahuvarṣāṇi niṣkāsya netrajihvike || 31 ||
[Analyze grammar]

athā'hamabhavaṃ vāgurikā viṣṭāmukhī tataḥ |
sarpo'hamabhavaṃ paścād ghūkastato'tha godhikā || 32 ||
[Analyze grammar]

tato'smi jātaścāṇḍālaḥ sādhūnāṃ nindanāt khalu |
tasmānna sādhavaḥ kvāpi tiraskāryā hareḥ priyāḥ || 33 ||
[Analyze grammar]

bhikṣā naiṣāṃ vāraṇīyā dānaṃ vāryaṃ na vai kvacit |
teṣāṃ vastu na hartavyaṃ deyaṃ teṣāṃ tu tuṣṭaye || 34 ||
[Analyze grammar]

brahmiṣṭhaiḥ sādhubhiḥ sākaṃ sādhvībhiśca tathā janaiḥ |
samaṃ vivādo moktavyo dātavyaṃ ca pratiśrutam || 35 ||
[Analyze grammar]

na kāryaṃ nindanaṃ teṣāṃ śravaṇīyaṃ na karhicit |
vipratvasya na vai garvaḥ kartavyaḥ sannidhau satām || 36 ||
[Analyze grammar]

viprā ye gṛhiṇaste tu strīśmaśānaprasevinaḥ |
sādhubhyo nimnamārgasthā vipraiḥ pūjyā hi sādhavaḥ || 37 ||
[Analyze grammar]

ye mūtraklinnasaṃsaktāste vai nirayagāminaḥ |
tānuddhartuṃ samarthāste sādhavaḥ śīlayoginaḥ || 38 ||
[Analyze grammar]

na stenastārayet stenamasteno yaḥ sa tārayet |
na kāmī tārayet kāmādakāmastārayed ratam || 39 ||
[Analyze grammar]

na hartavyaṃ sādhuvastu kṣantavyaṃ teṣu nityaśaḥ |
bālāśca nā'vamantavyāḥ kṛpaṇā vā'pyaśaktayaḥ || 40 ||
[Analyze grammar]

āśā kāryā na satataṃ sādhubhyaḥ svārthasādhikā |
naiva sādhūn niyuñjīta bhṛtyavad bhojanāptaye || 41 ||
[Analyze grammar]

jalāptaye tathā khaṣṭvāgendukādyupalabdhaye |
āsanārthaṃ ca vāsārthaṃ cāśrayārthaṃ ca mandire || 42 ||
[Analyze grammar]

nā''yāse yojayet sādhuṃ yataḥ puṇyaṃ vinaśyati |
sādhuvāse gṛhasthairvai vastavyaṃ nahi karhicit || 43 ||
[Analyze grammar]

satsaṃgārthaṃ pragantavyaṃ kleśārthaṃ nahi karhicit |
nidrārthaṃ malamūtrādityāgārthaṃ vā sadāśrame || 44 ||
[Analyze grammar]

gantavyaṃ naiva naijīyāṃ'gikakāryanivarttaye |
sādhūnāṃ śāntikāle vā vikṣepaścalatā tathā || 45 ||
[Analyze grammar]

ayogyācāra evāpi kartavyo na kadācana |
sādhūnāṃ sannidhāvuccāsane stheyaṃ na karhicit || 46 ||
[Analyze grammar]

vivādo naiva kartavyo vācā dhanena karmaṇā |
jñānena svasya nirvāhārthaṃ vā balena lobhinā || 47 ||
[Analyze grammar]

duṣṭamānuṣasaṃgena vādaḥ kāryo na sajjanaiḥ |
taddhanāśā na kartavyā vaśe kāryā na sādhavaḥ || 48 ||
[Analyze grammar]

nirīkṣaṇaṃ hi sādhūnāṃ kāryaṃ na daihikaṃ kvacit |
rāgadveṣasvabhāvāḥ svāḥ prayoktavyā na sādhuṣu || 49 ||
[Analyze grammar]

sādhvāśrame grāmyakathāḥ kleśakathā mṛṣākathāḥ |
bhogakathā na kartavyā noccāryaṃ cā'pamānakṛt || 50 ||
[Analyze grammar]

yojanīyo na garvaśca balaṃ sattā na sādhuṣu |
nimnīkāryā na vai santo yataḥ puṇyaṃ vinaśyati || 51 ||
[Analyze grammar]

ahaṃ jānāmi sādhuḥ kiṃ jānatītyeva garvitā |
kartavyā naiva vai kvāpi garvaḥ patanakāraṇam || 52 ||
[Analyze grammar]

sādhuṃ dṛṣṭvā praṇameccā'namanaṃ puṇyaghātakam |
svasya kāmādikān doṣān nārīdoṣān nijātmakān || 53 ||
[Analyze grammar]

svasvabhāvasya kāluṣyaṃ na prayuñjīta sādhuṣu |
sādhvāśrame pragantavyaṃ guṇalābhārthameva ha || 54 ||
[Analyze grammar]

bahavaḥ santi loke'tra khaleśvarā janā api |
svasya viṣayatṛptyarthaṃ sparśatṛptyarthamityapi || 55 ||
[Analyze grammar]

dṛṣṭitṛptyarthamevā'pi yānti strīsaṃghabhūsthalīm |
mandire cotsave tīrthe yatra strījanamardanam || 56 ||
[Analyze grammar]

sammarde samprayāntyeva līlākhyānakathādiṣu |
doṣān gṛhṇanti tatraiva sādhūnāṃ yoṣitāṃ tathā || 57 ||
[Analyze grammar]

tena pāpena jātyandhāḥ kuṣṭhinaśca napuṃsakāḥ |
jāyante dīrgharogāśca daridrāḥ kṛpaṇāstathā || 58 ||
[Analyze grammar]

nāryo'pi ca tathāceṣṭā jāyante rogasaṃbhṛtāḥ |
apatyādivihīnāśca dhanadhānyādivarjitāḥ || 59 ||
[Analyze grammar]

tasmād doṣānna gṛhṇīyāt sādhvīnāṃ ca satāmapi |
guṇāneva hi gṛhṇīyāt sukhadān puṇyadān śubhān || 60 ||
[Analyze grammar]

yathekṣudaṇḍataḥ sūkṣmakaṇṭakāṃścamarān dalān |
tvakkūrcān saṃvihāyaiva rasaṃ gṛhṇanti mānavāḥ || 61 ||
[Analyze grammar]

yathā bhojyagatān śāke kṣiptān dagdhamarīcakān |
patrādikān parityajya śākamātraṃ prabhuñjate || 62 ||
[Analyze grammar]

yathā phalagatān bījatvagādīn saṃvihāya vai |
bhuñjate garbhamātraṃ vai rasān cūṣanti dehinaḥ || 63 ||
[Analyze grammar]

yathā vṛkṣagatān doṣāṃstyaktvā gṛhṇanti tatphalam |
yathā vallīgatān doṣāṃstyaktvā gṛhṇanti puṣpakam || 64 ||
[Analyze grammar]

tathā sādhugatāṃstyājyāṃstyaktvā'rjayeta tadguṇān |
evaṃ vai vartamānasya puṇyaprāptiḥ pade pade || 65 ||
[Analyze grammar]

āyurvidyāyaśovṛddhirdhanadhānyarddhisampadām |
anantatvaṃ prajāyeta sādhusadguṇasaṃjuṣām || 66 ||
[Analyze grammar]

sādhavo hi yadā tuṣṭāḥ pratinandanti sevakam |
tadgṛhaṃ saṃbhavatyeva sarvaratnopabṛṃhitam || 67 ||
[Analyze grammar]

putrān pautrān paśūṃścāpi bāndhavāṃśca kuṭumbinaḥ |
grāmaṃ janapadaṃ cāpi sādhutuṣṭiḥ prapoṣayet || 68 ||
[Analyze grammar]

sādhujanasya dattena dhruvaṃ svargo hyanuttamaḥ |
mokṣaścā'rjayituṃ śakyaḥ sādhusevā parā kriyā || 69 ||
[Analyze grammar]

sadbhyo dattena jīvanti devatāḥ pitaro'pi ca |
muktāstuṣyanti bhagavān bhuṃkte sādhujaneṣu vai || 70 ||
[Analyze grammar]

tasmād dānāni deyāni sādhubhyaḥ pravijānatā |
tīrthaṃ sudivyamevā''ste sādhumūrtiḥ sucetanā || 71 ||
[Analyze grammar]

adhamoddhārakāḥ santi sādhavo mama mūrtayaḥ |
anāthānāṃ sanāthāste duḥkhināṃ duḥkhahārakāḥ || 72 ||
[Analyze grammar]

pāpānāṃ kṣālakāścāparādhināṃ doṣanāśakāḥ |
tiraskṛtānāṃ śaraṇapradātāro hi sādhavaḥ || 73 ||
[Analyze grammar]

śṛṇu pūrvakathāṃ vacmi sādhubhistārito dvijaḥ |
himālaye'bhavad ramyamāśramamṛṣisevitam || 74 ||
[Analyze grammar]

ṛṣidhāmāśramaṃ nāma siddharṣivipraśobhitam |
vratibhistāpasaiścāpi niyamibhiśca dīkṣitaiḥ || 75 ||
[Analyze grammar]

kṛtātmabhistathā sādhuyatibhiḥ sanniveśitam |
ṛṣestu dīrghatapaso dvijaśreṣṭhasya yoginaḥ || 76 ||
[Analyze grammar]

tatra kaścit samāyātaḥ śabaro vanajīvanaḥ |
dadarśarṣigaṇān devakalpāṃstaporatān śubhān || 77 ||
[Analyze grammar]

niścikāya tapastaptuṃ papraccha dīrghatāpasam |
dharmaṃ me bhagavan vaktuṃ pravrājayitumarhasi || 78 ||
[Analyze grammar]

śūdro'hṛṃ kartumicchāmi śuśrūṣāṃ te prasīda me |
dīrghatapāstadovāca śūdrastvaṃ vartase yataḥ || 79 ||
[Analyze grammar]

pravrājayituṃ śakyaṃ na hyadhikāravivarjanāt |
āsyatāṃ caivamevā'tra śuśrūṣāṃ kuru rocate || 80 ||
[Analyze grammar]

śuśrūṣayā parāṃllokānavāpsyasi vanecara |
ityuktaḥ sa śabaro'pi mumude cāśramāntike || 81 ||
[Analyze grammar]

vṛkṣā'dhobhāgake naijāṃ sthalīṃ kṛtvā hyuvāsa ha |
bhojanaṃ phalapuṣpādi cakre śuśrūṣaṇamṛṣeḥ || 82 ||
[Analyze grammar]

ekadā svasvabhāvena vanyaṃ śaśaṃ dadhāra saḥ |
mārayitvā'danaṃ cakre ṛṣerāśramasannidhau || 83 ||
[Analyze grammar]

athainaṃ hiṃsakaṃ śūdraṃ tatyajuḥ ṛṣayaśca te |
śepuśca rākṣaso bhūtvā bhava duḥkhī vanāntare || 84 ||
[Analyze grammar]

tūrṇaṃ sa rākṣaso bhūtvā vikṛto vyacaradvane |
kṣudhātṛṣātiduḥkhāḍhyo yayau gaṃgātaṭe tataḥ || 85 ||
[Analyze grammar]

tatrā'nena tapomagnaḥ sādhurbhaktiparāyaṇaḥ |
nāmnā nārāyaṇamunirdṛṣṭo vaiṣṇavasattamaḥ || 86 ||
[Analyze grammar]

sādhuṃ bhakṣayituṃ tūrṇaṃ rākṣasaḥ prayayau taṭam |
sādhurdṛṣṭvā rākṣasaṃ taṃ dṛṣṭyā vyalokayattathā || 87 ||
[Analyze grammar]

jalaṃ cikṣepa śirasi rākṣasasya ca varṣmaṇi |
pavitro bhava dharmātmā duḥkhād virahito bhava || 88 ||
[Analyze grammar]

śāpamukto bhavā'traiva sādhorme sannidhau hyaghin |
ityevamuktaḥ śabaro jalasparśena satvaram || 89 ||
[Analyze grammar]

vihāya rākṣasaṃ bhāvaṃ divyo babhūva mānavaḥ |
atha coddhārakaṃ sādhuṃ nārāyaṇamuniṃ tataḥ || 90 ||
[Analyze grammar]

siṣeve parayā prītyā pāvanī lokapāvanaḥ |
śūdro'pi sādhuyogena bhaktimānabhavattataḥ || 91 ||
[Analyze grammar]

sādhorājñāṃ gṛhītvaiva yayau vanāntaraṃ prati |
bheje nārāyaṇaṃ nityaṃ tapaścacāra dāruṇam || 92 ||
[Analyze grammar]

śabaraḥ sa tu dehānte rājyaṃ śreṣṭhamavāptavān |
ujjayinīnṛpo vīravikramo hyabhavaddhi saḥ || 93 ||
[Analyze grammar]

bhuktvā bhogān hareścāpi kṛtvā bhaktiṃ tathottamām |
yayau dhāmā'kṣaraṃ mukto babhūva satprasaṃgataḥ || 94 ||
[Analyze grammar]

tatkuṭumbaṃ sāghusevāṃ kṛtvā yayau paraṃ padam |
tasmād gṛdhra sadā sevyāḥ sādhavaḥ sādhubhūṣaṇāḥ || 95 ||
[Analyze grammar]

āgacchā'trasamīpe'sti sādhuḥ kṛṣṇastavā'bhidhaḥ |
tamāśritya bhaviṣyāvo dhūtapāpau hi pāvanau || 96 ||
[Analyze grammar]

ityuktvā lakṣmi yayatuḥ kṛṣṇastavābhidhaṃ prati |
nematustuṣṭuvatuścā'rthayāmāsatureva ca || 97 ||
[Analyze grammar]

mokṣaṇaṃ cātha sādhustau pāyayāmāsa vāri ca |
prasādaṃ bhojayāmāsa kṛtavān pāvano drutam || 98 ||
[Analyze grammar]

pāpaṃ prajvālayāmāsa śrāvayāmāsa kīrtanam |
nāma nārāyaṇaṃ cāpi dadau tūrṇaṃ hi tāvubhau || 99 ||
[Analyze grammar]

bhautikau tu tadā dehau tyaktvā sādhupratāpataḥ |
yayatustau pāpahīnau svargaṃ devau babhūvatuḥ || 100 ||
[Analyze grammar]

sādhvāśrayeṇa vai svargaṃ bhuktvā prasādasatphalam |
kālena tau yayatuśca vaikuṇṭhaṃ paramātmanaḥ || 101 ||
[Analyze grammar]

lakṣmītyevaṃ sādhusaṃgo lavamātraṃ kṛto'pi vai |
pāvayatyeva puṇyānāṃ puñjaṃ dadāti satvaram || 102 ||
[Analyze grammar]

rājyaṃ svargaṃ dadātyeva mokṣaṇaṃ ca dadātyapi |
prayacchati mahānandaṃ satsaṃgaḥ kṛṣṇayoginām || 103 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne āpadgatasyā'pi sādhusaṃgatiḥ kalyāṇadetyarthe gṛdhraśvapacayoḥ śabarasya ca svargādyuttaraṃ mokṣaṇaṃ cetyādi |
nirūpaṇanāmā'ṣṭanavatitamo'dhyāyaḥ || 98 ||
[Analyze grammar]