Chapter 96

śrīnārāyaṇīśrīruvāca |
santo harirbhavān dharmaḥ satī mokṣaśca sādhanam |
bhaktiścetyādiṣu kānta pramāṇāni tu kāni vai || 1 ||
[Analyze grammar]

nahyapramāṇasaṃghuṣṭaṃ hṛdaye cādhyavasyati |
tasmāt prāmāṇikaṃ kartuṃ pramāṇaṃ teṣu kiṃ matam || 2 ||
[Analyze grammar]

vada me lokanātha tvaṃ sarvavidyādiśevadhiḥ |
yatra me saṃśayo na syāllokānāṃ tu hitāya vai || 3 ||
[Analyze grammar]

śrīpuruṣottama uvāca |
śṛṇu tvaṃ śivarājñīśri pramāṇaṃ jyeṣṭhameva tu |
pratyakṣaṃ svena yadvastu tvālocitaṃ muhurmuhuḥ || 4 ||
[Analyze grammar]

paricayenendriyaiśca sākṣānnirṇāyakaṃ hi tat |
santaḥ śīlavratā bhaktimanto nirvāsanāstathā || 5 ||
[Analyze grammar]

parīkṣaṇīyāḥ suptvā'pi śayyāyāṃ śīladharmaṇi |
sahavāsena bhaktau ca bhogadānena vāsane || 6 ||
[Analyze grammar]

parīkṣaṇīyāḥ santo vai sākṣānna tvanyathā kvacit |
āliṃgane prayāse vā vikṛtiryasya naiva ha || 7 ||
[Analyze grammar]

śīlinaste mahāsanto nārāyaṇāḥ svayaṃ tviha |
satataṃ bahudhāyāṃ tu bhaktau yasya śramo na vai || 8 ||
[Analyze grammar]

nartane gāyane sevādau ca lajjā na ruddhyati |
bhaktimantaśca te sākṣād boddhavyāḥ sādhavaḥ śubhāḥ || 9 ||
[Analyze grammar]

bhogā bahuvidhā deyā ghaṭitā'nyāstu sādhave |
na bhuṃkte nirmanāśca syāt sākṣāt sādhutvanirṇayaḥ || 10 ||
[Analyze grammar]

vāsanā rasanā liṅgaṃ parīkṣāviṣayādi vai |
pratyakṣaṃ tu bhavettatra nirṇāyakaṃ hitāvaham || 11 ||
[Analyze grammar]

gatānugatikā vāṇī na vaktavyā kadācana |
nā'numānaṃ hi nirdoṣaṃ sadā saddhenumantarā || 12 ||
[Analyze grammar]

asaddhetusamāpannaṃ niścāyakaṃ na tadbhavet |
harau kṛṣṇe mayi sākṣāccihnānāṃ darśanaṃ mama || 13 ||
[Analyze grammar]

hastayoḥ pādayoścāpi mūrtau cihnādidarśanam |
pratyakṣaṃ tu bhagavattve pramāṇaṃ cātra kīrtitam || 14 ||
[Analyze grammar]

cihnānāṃ tu pramāṇaṃ vai śāstraṃ paramparāgatam |
āptavākyātmakaṃ cāpi tanmūlaṃ vaidikaṃ tathā || 15 ||
[Analyze grammar]

vedāścāpi pramāṇaṃ vai yanmūrteścāyudhaṃ ca yat |
likhitaṃ divyacakṣuṣkairdṛṣṭvā matpārśvavartibhiḥ || 16 ||
[Analyze grammar]

tadāyudhasya rekhā syāt kare yasya ca vā pade |
sa eva bhagavān sa syānmānavādisvarūpadhṛk || 17 ||
[Analyze grammar]

yathā'haṃ matsyaśūlādyairasmi kare pracihnitaḥ |
sākṣād divyasvarūpaśca koṭyabjaśrīramāpatiḥ || 18 ||
[Analyze grammar]

ṣoḍaśacihnavān varte pādayoścāpi varṣmaṇi |
asaṃkhyacihnavānasmi sākṣāccakragadādimān || 19 ||
[Analyze grammar]

evaṃ pramāṇairboddhavyo bhagavān puruṣottamaḥ |
dharmo lokavyavahārasaukhyārthaṃ pūjyamānavaiḥ || 20 ||
[Analyze grammar]

eṣā rītiḥ saraṇīyā cetyevaṃ niścitaḥ sa vai |
dānaṃ paropakaraṇaṃ vivāhaḥ pararakṣaṇam || 21 ||
[Analyze grammar]

śuddhirnyāyārjanaṃ cāpi pūjanaṃ codyamastathā |
ityevamādyā mārgāśca deśakālānusārataḥ || 22 ||
[Analyze grammar]

saukhyārthaṃ cāpyavighnārthaṃ niścito dharma eva saḥ |
āptavākyaṃ cāptakarma dharmarūpaṃ prakāśate || 23 ||
[Analyze grammar]

satī sādhvī sadā bodhyā pātivrapyādisadvṛṣaiḥ |
sahavāsena sā sahavāsinyā buddhyate sadā || 24 ||
[Analyze grammar]

satyaiśvaryāṇi śāstreṣu likhitāni bhavanti vai |
camatkārāstathā yāsu dṛśyante tāḥ satīstriyaḥ || 25 ||
[Analyze grammar]

mokṣaścātmani riktatvaṃ kleśādyaiścātra buddhyate |
sadā śāntiḥ sukhaṃ naijaṃ śāśvataśca tathā bhavet || 26 ||
[Analyze grammar]

ityevaṃ sukhalokānāṃ śāśvatānandadāyinām |
anādiśrīkṛṣṇanārāyaṇasyāpi mayāpi ca || 27 ||
[Analyze grammar]

akṣarādisthalānāṃ ca nivāsatvena cā'rjanam |
mokṣaścaiva śāstrarītyā pratyakṣeṇā'pi vai manāk || 28 ||
[Analyze grammar]

niścetavyaḥ sadā lakṣmi bhaktyā prāpyaḥ sa vai mataḥ |
jñānamārgeṇa vā bhrāntināśe vijñamayī sthitiḥ || 29 ||
[Analyze grammar]

vijñeyā mokṣarūpā sā śāstraṃ tatra pramāṇakam |
camatkārasamaṃ mānaṃ vidyate nāparaṃ priye || 30 ||
[Analyze grammar]

camatkāre namaskārastatra sarvaṃ vilumpati |
pratyakṣamanumānaṃ vopamānaṃ śabda ityapi || 31 ||
[Analyze grammar]

arthāpattiścopalabdhiḥ saṃbhavaścetihāsanam |
ceṣṭā maunaṃ cābhivittiḥ svapnaṃ daivaṃ ca mānasam || 32 ||
[Analyze grammar]

caturdaśā'pi mānāni camatkāre layanti vai |
tasmāt siddhisvarūpaṃ vai pramāṇaṃ balavattathā || 33 ||
[Analyze grammar]

pratyakṣaṃ siddhamevāpi siddhyā'nyathayate punaḥ |
kā vārtā tatra cānyānāṃ pramāṇānāṃ tu padmaje || 34 ||
[Analyze grammar]

sādhujanān prasevasva lakṣmi satkṛtya mānataḥ |
satsu bhuktistathā muktiḥ sadgatiḥ satsu sarvathā || 35 ||
[Analyze grammar]

harirdharmaśca bhaktiśca mokṣaḥ satsu pravartate |
sādhutā ca satītā ca sarvaṃ satsu pravartate || 36 ||
[Analyze grammar]

jñānaṃ sevā mama bhaktirdānaṃ sarvavidhaṃ tathā |
dharmā hyete sarvamūrddhanyāśca santoṣaṇānvitāḥ || 37 ||
[Analyze grammar]

sukhaṃ teṣu pramodaśca teṣvānandaḥ paro mataḥ |
mokṣasteṣu hareryogaḥ sādhuṣveva bhavet priye || 38 ||
[Analyze grammar]

rajasā tamasā vyāptā nāstikāḥ sādhunindakāḥ |
nirayaṃ pratipadyante sādhudharmādyasūyakāḥ || 39 ||
[Analyze grammar]

ye tu sādhūn sādhudharme sevāṃ sādhorupāsate |
satyā'rjavaparāḥ santaste bhūtvā yānti matpadam || 40 ||
[Analyze grammar]

dharmabhaktirgatisteṣāṃ matsevopāsanād bhavet |
bhaktimanto mama dhāma prayānti sādhavo hi te || 41 ||
[Analyze grammar]

puṇyamātrāḥ svargalokaṃ prayānti gṛhamedhinaḥ |
sādhavaḥ śīlasampannāḥ śiṣṭācārā upāsakāḥ || 42 ||
[Analyze grammar]

pañcānāmaśanaṃ datvā śeṣamaśnanti sādhavaḥ |
gāṃ devaṃ bhāskaraṃ sādhuṃ satīṃ guruṃ tapasvinam || 43 ||
[Analyze grammar]

vipraṃ vṛddhaṃ dhārmikaṃ ca ye kurvanti pradakṣiṇam |
atithīnāṃ ca bhṛtyānāṃ kuṭumbināṃ ca yoṣitām || 44 ||
[Analyze grammar]

āśritānāṃ śaraṇe cāgatānāṃ rakṣakāśca ye |
guroḥ sevāratāścāpi vṛddhānāṃ sevakāśca ye || 45 ||
[Analyze grammar]

sadā hyekāntaśīlāśca tīrthavāsā haripriyāḥ |
jñānavantaśca santuṣṭāḥ sadā cātaḥ sukhabhṛtāḥ || 46 ||
[Analyze grammar]

vṛddhavacaḥprakartāraḥ svādhyāyaniratāstathā |
nivṛttendriyaviṣayā vinā śrīpuruṣottamam || 47 ||
[Analyze grammar]

vyādhitānāṃ ca sarveṣāmāyuṣyādyabhinandinaḥ |
tvaṃkāravācā rahitāḥ sādhavaḥ sādhubhūṣaṇāḥ || 48 ||
[Analyze grammar]

yathā lavaṇamambhobhirāplutaṃ pravilīyate |
tathā sadbhyo'rpitaṃ pāpaṃ sarvaṃ sadyo vinaśyati || 49 ||
[Analyze grammar]

buddhaḥ pāpaṃ na gūheta gūhamānaṃ vivardhate |
kṛtvā sādhuṣu cākhyeyaṃ te tatpraśamayanti hi || 50 ||
[Analyze grammar]

bhaktiyuktaṃ careddharmaṃ na dharmadhvajiko bhavet |
dharmavāṇijakāḥ svargaṃ bhuktvā punaḥ patanti yat || 51 ||
[Analyze grammar]

arced devānadambhena sevetā'māyayā sataḥ |
gurūnanusared bhaktyā mokṣārthaṃ dānamācaret || 52 ||
[Analyze grammar]

bhāgyaṃ samarjayed bhaktyā sevayā tapasā vrataiḥ |
bhāgadheyaṃ tato vindetā'yatno'pi vinā śramam || 53 ||
[Analyze grammar]

nā'lābhakāle labhate prayatne'pi kṛte sati |
lābhakāle sataḥ prasevyā'rjayet tatparaṃ padam || 54 ||
[Analyze grammar]

kṛtaṃ kāle hyanākṛṣṭaṃ svayamāgatya tiṣṭhati |
niṣphalā na bhavet sevā''śīrvādaiḥ saha karhicit || 55 ||
[Analyze grammar]

adhītya nītiśāstrāṇi nītiyukto na ced yadi |
adhītaṃ viphalaṃ tasya nirayāṇāṃ pradāyakam || 56 ||
[Analyze grammar]

samprāpya mānuṣaṃ janma kartavyā''rādhanā mama |
yadi neha kriyāttāṃ cet kṛtamanyattu niṣphalam || 57 ||
[Analyze grammar]

vidyāyukto na cedvidyāmātmārthaॆ yojayetyapi |
aśāntaḥ kṛtatṛṣṇaśca vidyā tasya hi niṣphalā || 58 ||
[Analyze grammar]

vidvān śāntiॆ parityajya vihāyā''tmapramokṣaṇam |
lokadṛṣṭyā cedvahati niṣphalaṃ tasya jīvanam || 59 ||
[Analyze grammar]

idaṃ kṛtaṃ kariṣye'pi kurvanti rājasādayaḥ |
sāttvikāścettathāmārgā niṣphalaṃ tatprajīvanam || 60 ||
[Analyze grammar]

paropakāraṃ lokebhyo darśayatyeva mānitam |
svasamebhyaḥ śikṣayitvā vācayatyeva sadyaśaḥ || 61 ||
[Analyze grammar]

bhaktimārgaṃ na kurvanti dehikhyātiṃ gatāḥ khalāḥ |
ta eva dharmahantāro bahirdṛśā na cāntare || 62 ||
[Analyze grammar]

yadi vidyāmupāśritya janaḥ śāntiṃ samaśnute |
sarvotkṛṣṭaṃ phalaṃ tasya sampannaṃ nā'dhikaṃ tataḥ || 63 ||
[Analyze grammar]

na vidvān vidyayā hīnaṃ vṛttyarthamupasaṃśrayet |
na vidvān dhanino mūḍhān stuvīta kṣudrakāmyayā || 64 ||
[Analyze grammar]

viduṣaḥ kṣudrakāmā na vidyā kṣudramaterna ca |
nityasantoṣavān vidvān sādhurbrahmapramodavān || 65 ||
[Analyze grammar]

sādhuviduṣoḥ samatā santoṣe cātmadarśane |
satye ca vacane bhaktau brahmiṣṭhatve pareśvare || 66 ||
[Analyze grammar]

athecchati samāraṃbhān sāhāyyaṃ cenna vindati |
ugraṃ tapaḥ samāroheddhyanuptaṃ na prarohati || 67 ||
[Analyze grammar]

dattamāsādyate paścāt sevā smṛddhiṃ dadāti ca |
adroheṇa ca dīrghāyurbhaktyā satāṃ paraṃ padam || 68 ||
[Analyze grammar]

sadbhyo dadyāttu vipulaṃ seveta satataṃ sataḥ |
priyaṃ kuryād dehināṃ ca jayaṃ labdhvā'kṣaraṃ vrajet || 69 ||
[Analyze grammar]

kaṃjuṣo naiva yāceta daridreṣu vasenna ca |
khalamaitrīṃ na vai kuryāt sādhūn seveta muktaye || 70 ||
[Analyze grammar]

sukhaṃ cātmasthitaṃ bhuñjyād dāyādaḥ syāt sadā hareḥ |
putro bhavet satāṃ vaśyo mokṣamicchet pare'kṣare || 71 ||
[Analyze grammar]

satīḥ sādhvīrnamaskuryād bhajeta māṃ hariṃ prabhum |
arpayet svasamastaṃ vai mayyeva matparāyaṇaḥ || 72 ||
[Analyze grammar]

anarpitaṃ vinaśyecca viphalaṃ cārjitaṃ śramāt |
samarpya tadvidhāyaiva śāśvataṃ mokṣaṇe labhet || 73 ||
[Analyze grammar]

dānaṃ dharmasya śānteśca pramodasyotsavasya ca |
ānandasya ca kartavyaṃ cāmṛtasyā'pi labdhaye || 74 ||
[Analyze grammar]

sevādānaṃ prakartavyaṃ sampadāmapi sarvathā |
gṛhakuṭumbadānaṃ ca kartavyaṃ tattadāptaye || 75 ||
[Analyze grammar]

satkārye cāśvasītaiva nā'satkārye kadācana |
dharmabuddhāvāśvasīta pravarteta drutaṃ tadā || 76 ||
[Analyze grammar]

dharmaḥ śīghraṃ tvācarito bhaktau manaḥ pravartayet |
bhaktiṃ kurvannavāpnoti putraṃ māṃ parameśvaram || 77 ||
[Analyze grammar]

evamevā''tmanā''tmānaṃ prāpayanti hi dhārmikāḥ |
paramātmā'rjanaṃ syādvai dharmo vai vijayapradaḥ || 78 ||
[Analyze grammar]

pañcabhūtaśarīrāṇāṃ sarveṣāṃ sadṛśātmanām |
yatra dharmo dhruvo naijastatrā'haṃ niyato hariḥ || 79 ||
[Analyze grammar]

sarveṣāṃ tulyabhāvānāṃ dehināṃ dharmavartmanām |
bhaktiḥ sevā mokṣadātryau guroḥ sataḥ piturhareḥ || 80 ||
[Analyze grammar]

sādhuvaṃśasya sevā vai śreyaḥ paramamucyate |
vipāpmā ca bhavettadvat sukhameti prasevanāt || 81 ||
[Analyze grammar]

kalmaṣāṇāṃ nāśakaṃ vai sādhūnāṃ sevanaṃ śubham |
ahotpannaṃ varṣmaṇā vendriyaiḥ pāpaṃ tathā''ntaraiḥ || 82 ||
[Analyze grammar]

jñātvā'jñātvā'pi sarvaṃ tallīyate sādhusevayā |
rātrau sandhyādikāle vā jātaṃ japato naśyati || 83 ||
[Analyze grammar]

sādhusevā japo me ca kurvāte svastiyoginam |
tiryagyonirvinaśyedvai narakaṃ saṃkarādikam || 84 ||
[Analyze grammar]

na bhayaṃ na maraṇaṃ cā''kasmikaṃ satprasevayā |
sarvagurustvanādiśrīkṛṣṇanārāyaṇo'smyaham || 85 ||
[Analyze grammar]

sarvaprāṇaścāntarātmā''tmanāṃ patiḥ pareśvaraḥ |
smaraṇīyaḥ sadā lakṣmi tathā'vatārakoṭayaḥ || 86 ||
[Analyze grammar]

mahāviṣṇurvāsudevo nārāyaṇo'pi viśvasṛṭ |
viṣṇuḥ śivaḥ satī lakṣmīḥ rādhā sūryaśca candramāḥ || 87 ||
[Analyze grammar]

smaraṇīyā naranārāyaṇau tatpārṣadā api |
yamo dhūmorṇayā sākaṃ gauryā sākaṃ jaleśvaraḥ || 88 ||
[Analyze grammar]

ṛddhyā dhaneśvaraścāpi gauḥ surabhirmarudgaṇaḥ |
vālakhilyāḥ ṛṣayaśca nāradādyā maharṣayaḥ || 89 ||
[Analyze grammar]

urvaśī śrīhareḥ putrī smaraṇīyā prage sadā |
ādityā vasavo rudrāḥ sāśvinaḥ pitaro'pi ca || 90 ||
[Analyze grammar]

dharmaḥ śrutaṃ tapo dīkṣā bhaktirbṛhaspatistathā |
aśvapaṭṭasaraścāpi prabhāsaṃ gomatī tathā || 91 ||
[Analyze grammar]

gaṃgā revā gaṇḍakī ca yamī sarayūrgauttamī |
nārāyaṇī cendratoyā brahmaputrī hiraṇvatī || 92 ||
[Analyze grammar]

puṣkaraṃ bālakṛṣṇaṃ ca saraścāpi sarasvatī |
merurhimālayo vindhya uralo raivatastathā || 93 ||
[Analyze grammar]

mahendro malayaḥ sahyo gandhanamādana ityapi |
samudrāścāpi tattvāni smaraṇīyāni sarvadā || 94 ||
[Analyze grammar]

pāntu sarve divyadevāḥ kīrtitā'kīrtitā api |
pāntu sarve sādhavaśca sādhvyaḥ pāntu sadā tu mām || 95 ||
[Analyze grammar]

kambharāśrīḥ sadā pātu pātu gopālakṛṣṇakaḥ |
pātu māṃ pārvatī devī prajñā pātu ca rādhikā || 96 ||
[Analyze grammar]

brahmapriyāḥ sadā pāntu haripriyāḥ prapāntu ca |
bhagavāṃśca śukaścāpi vallabhaśca prapāntu mām || 97 ||
[Analyze grammar]

patnīvrato brāhmaṇarṣiḥ svataḥprakāśa īśvaraḥ |
lomaśaśca gururvṛddhaḥ sarve pāntu sadā tu mām || 98 ||
[Analyze grammar]

kuṃkumavāpikā devī kṣetraṃ cā'kṣarasaṃjñakam |
sādhulālāyanādyāśca pāntu māṃ parameśvarāḥ || 99 ||
[Analyze grammar]

ityevaṃ kīrtayānaśca mucyate sarvakilbiṣaiḥ |
stuvaṃśca pratinandaṃśca mucyate sarvatobhayāt || 100 ||
[Analyze grammar]

mamāśritānāṃ sādhūnāṃ saṃhitāgaditātmanām |
līlāḥ smṛtvā labhante vai paraṃ padaṃ mamā'kṣaram || 101 ||
[Analyze grammar]

madāśritānāṃ nārīṇāṃ sādhvīnāṃ brahmayoṣitām |
smṛtvā divyacamatkārān labhante paramaṃ padam || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne śrīharisatpuruṣadharmasatījanamokṣasādhanabhaktyādiṣu pramāṇānāṃ gatiḥ sādhūnāṃ samāgamo balavatpramāṇaṃ camatkāro balavattamaṃ cetyādinirūpaṇanāmā ṣaṇṇavatitamo'dhyāyaḥ || 96 ||
[Analyze grammar]