Chapter 82

śrīnārāyaṇīśrīruvāca |
anādiśrīkṛṣṇanārāyaṇa kṛṣṇa prabho vibho |
svairiṇyāścāpi kāminyāḥ puṃścalyāścāpi yoṣitaḥ || 1 ||
[Analyze grammar]

savāsanāyāḥ pāpāni naśyeyurvai kathaṃ vada |
kā gatirvāpi tasyāḥ syāt kena śuddhiśca jāyate || 2 ||
[Analyze grammar]

kathaṃ vā sadgatiḥ syācca dayāṃ kṛtvā vadasva me |
anāthāyā hi nāthastvaṃ cā'balāyā balaṃ bhavān || 3 ||
[Analyze grammar]

śrīpuruṣottama uvāca |
śṛṇu nārāyaṇīśri tvaṃ pṛṣṭaṃ kalyāṇakṛdvacaḥ |
dayayā hi tvayā pṛṣṭaṃ tasmād ṛju vadāmi te || 4 ||
[Analyze grammar]

saṃgād balācca puṣṭeśca madād rasācca yauvanāt |
jāyante vāsanāstīvrā bhogātmikyo hi kāmanāḥ || 5 ||
[Analyze grammar]

ṛtavo dhātavaścāpīndriyadārḍhyaṃ sukheṣaṇā |
uttejakā hi kāmānāṃ tṛṣṇātantuvivardhakāḥ || 6 ||
[Analyze grammar]

aṃgānāṃ darśanāddhāsyādekāntasya prasevanāt |
prāyaśo hi vivardhante sparśādeḥ kāmavāsanāḥ || 7 ||
[Analyze grammar]

ayogyā api yujyante dehābhyāṃ vai parasparam |
lokaśāstravyavahārān parityajya svatantrataḥ || 8 ||
[Analyze grammar]

kāminītvaṃ puṃścalītvaṃ svairiṇītvaṃ tato bhavet |
kāmakāreṇa loke'tra yoṣitāṃ lagnamantarā || 9 ||
[Analyze grammar]

puruṣāṇāṃ ca svairatvaṃ strīcalatvaṃ ca kāmitā |
bhavatyevātikāmena tṛṣṇayā māyayā'pi ca || 10 ||
[Analyze grammar]

teṣāṃ pāpavināśārthaṃ sādhanāni bahūnyapi |
bhavanti padmaje prāyaścittāni ca vratāni ca || 11 ||
[Analyze grammar]

duṣkarāṇi tathā yāmyavedanāni bahūnyapi |
dehadaṇḍāni cānyāni rājadaṇḍāni santyapi || 12 ||
[Analyze grammar]

tyāgāśramāṇi ramyāṇi tāpasāśramaṇāni ca |
tīrthāni vividhānyeva bhavanti śuddhaye'pi ca || 13 ||
[Analyze grammar]

tadeteṣāṃ paraṃśreyaḥkaraṃ tu śaraṇāgatiḥ |
naitādṛśaṃ paraṃ cāsti sādhanaṃ cetarat tviha || 14 ||
[Analyze grammar]

pāpānāṃ nāśakaṃ sarvapuṇyānāṃ dāyakaṃ tathā |
sādhūnāṃ sevanaṃ tatra vāsanākṣālakaṃ matam || 15 ||
[Analyze grammar]

satsaṃgo jñānadastatra moharāganivārakaḥ |
kṛpācātmonnatiprāptikāraṇaṃ vai satāṃ matā || 16 ||
[Analyze grammar]

prasādabhojanaṃ pādavāryamṛtādipānakam |
satāṃ sadyaḥ punātyeva pāpakoṭiyutaṃ janam || 17 ||
[Analyze grammar]

santaḥ pratyakṣatīrthāni santaḥ pratyakṣavahnayaḥ |
santaḥ pratyakṣavarṣā ca santaḥ sākṣātsudhāmṛtam || 18 ||
[Analyze grammar]

santaḥ sākṣād dharmadehāḥ santo'haṃ bhagavān svayam |
santo yajñā gocarā vai santo devādhidevatāḥ || 19 ||
[Analyze grammar]

santo vratāni sarvāṇi santo nāvo bhavāmbudhau |
santo nārāyaṇāḥ sarve santastejāṃsi śārṅgiṇaḥ || 20 ||
[Analyze grammar]

santastapāṃsi sarvāṇi santo brahma hi pāvanam |
santaḥ kāmadughā bodhyāḥ santo vai kalpapādapāḥ || 21 ||
[Analyze grammar]

santaśca kalpalatikāḥ santaścintāmaṇīśvarāḥ |
santaścā'kṣayapātrāṇi puṇyānāṃ dharmakarmaṇām || 22 ||
[Analyze grammar]

santaścā'vyayakośāśca śāśvatānandavāridheḥ |
tārakā dhārakāḥ santaḥ pāpānāṃ kṣālakā drutam || 23 ||
[Analyze grammar]

harergṛhāṇi santo vai mūrtayaḥ sādhavo mama |
teṣāṃ samāgamāttūrṇa mahāpāpābdhayo'pi ca || 24 ||
[Analyze grammar]

anale tṛṇavad bhasmībhavanti sparśamātrataḥ |
mahāpāpābhirevā'tra strībhirnaijaviśuddhaye || 25 ||
[Analyze grammar]

sarvasvā'rpaṇabhāvena sevanīyā hi sādhavaḥ |
mama mantrān śaraṇādipradān sadbhyo'vagamya ca || 26 ||
[Analyze grammar]

mahābhāgyavatīrītyā praseveta sato janān |
darśanaṃ sparśanaṃ natiṃ paricaryā ca pūjanam || 27 ||
[Analyze grammar]

bhojanaṃ mardanaṃ pānaṃ snānaṃ ca śravaṇaṃ hareḥ |
satāṃ cāpi prakuryācca yeṣāṃ svāmī bhavāmyaham || 28 ||
[Analyze grammar]

tadā lakṣmi svāmivatpāvanāḥ santo matā mama |
santa iva ca śaraṇāgatāśca sevakāḥ khalu || 29 ||
[Analyze grammar]

sevikāśca bhavantyeva sudivyā nirguṇāstathā |
niṣpāpā pāvanāḥ sarve viṣṇuḥ santaśca sevakāḥ || 30 ||
[Analyze grammar]

ityetatparamaṃ guptaṃ rahasyaṃ mama te priye |
abalānāṃ kṛte coktaṃ sulabhaṃ pāvanaṃ param || 31 ||
[Analyze grammar]

yadāśritya satāṃ yogājjāyante vahnisannibhāḥ |
brahmanibhā bhavantyeva nāryo niṣpāpavigrahāḥ || 32 ||
[Analyze grammar]

śṛṇu te'tra kathayāmi pratyakṣaṃ te nidarśanam |
vārāṇasī purī lakṣmi śiveśvarasya te pituḥ || 33 ||
[Analyze grammar]

yatra gaṇāśca gaṇikāḥ sahasraśaḥ pitustava |
sevakāḥ sevikāścāpi vidyante cā'vivāhitāḥ || 34 ||
[Analyze grammar]

yatheṣṭakāmacārāśca śivasya bhaktikāriṇaḥ |
svairiṇyaścāpi puṃścalyaḥ kāminyo gaṇikāḥ khalu || 35 ||
[Analyze grammar]

vasanti te pituḥ puryāṃ pumāṃse'pi tathāvidhāḥ |
gaṇā bhāṇḍā nartakāśca gāyakā vādakā api || 36 ||
[Analyze grammar]

nagnā gaṇāstathā nagnā yoginyo gaṇikāstathā |
yathākāmaṃ pravartante yogiśaṃkarasaṃśrayāḥ || 37 ||
[Analyze grammar]

teṣāṃ tāsāmekadā vai gaṃgāyāstu jale'bhavat |
samājo hi tu naukāsu gānakīrtananartanaiḥ || 38 ||
[Analyze grammar]

gaṇikānāṃ nartanāni bhāṇḍānāṃ hasanāni ca |
vṛndalānāṃ ca narmāṇi prāvartanta niśāmukhe || 39 ||
[Analyze grammar]

pravṛddhamaṃgalanāmnā jāyate sa mahotsavaḥ |
tatra vai prekṣakā rātrau lakṣaśo mānavā api || 40 ||
[Analyze grammar]

abhavan saṃghaśo vārau naukāsu sarvatodiśi |
kṛtvotsavān sāptadainān vyaramanta pitustava || 41 ||
[Analyze grammar]

viśvanāthasvasūpasya mandire nartanādibhiḥ |
athātra bhagavān yogī vātsyāyano mahānṛṣiḥ || 42 ||
[Analyze grammar]

ājīvaṃ brahmacaryasthaḥ sādhudharmaparāyaṇaḥ |
ūrdhvaretāḥ śaṃbhuvacca mahāyogīndrasattamaḥ || 43 ||
[Analyze grammar]

samājagāma tatraiva dharmāraṇyāt sutīrthakṛt |
vivastro bhānahīnaśca sarvāṃgadhūlidhūsaraḥ || 44 ||
[Analyze grammar]

avikāro yuvā cāpi vārdhakyavṛttibhūṣitaḥ |
sarvaṃ brahmasvarūpaṃ ca yasya dṛṣṭau pravartate || 45 ||
[Analyze grammar]

naranārītibhāhīnaḥ svayaṃ sādhuḥ suśobhanaḥ |
dadarśa śaṃkaraṃ devaṃ gaṇān pūjanatatparān || 46 ||
[Analyze grammar]

gaṇikāśca samastā vai yuvatīrbhūṣitāstathā |
śṛṃgāritā yathā tāśca svairiṇīriva saṃsthitāḥ || 47 ||
[Analyze grammar]

puṃścalīḥ kāminīścāpi sarvaceṣṭāsamanvitāḥ |
utsave te pituḥ prasannatāprāptyai suyatnitāḥ || 48 ||
[Analyze grammar]

vahnikanyā iva ramyā devīriva samujjvalāḥ |
ratnahīrakamauktikādyalaṃkṛtāḥ suśobhanāḥ || 49 ||
[Analyze grammar]

vīkṣya sarvāṃ ṛṣirvātsyāyanaḥ sādhurnanāma ha |
harabhaktānikāḥ sarvā vīkṣya śāntaṃ sthitaṃ munim || 50 ||
[Analyze grammar]

yuvānaṃ raktapuṣṭaṃ ca nagnaṃ śaṃkarasadṛśam |
dhyānamagnaṃ dehabhānavarjitaṃ sūryabhāsvaram || 51 ||
[Analyze grammar]

mohotpādakarūpaṃ ca bhogyamānasasaṃśrayam |
puṇyapuñjaṃ sparśamātrāt pāpapuñjapradāhakam || 52 ||
[Analyze grammar]

etādṛśaṃ varaṃ vīkṣya mugdhā niścitya śaṃkaram |
mūrtimantaṃ cāgataṃ vai pasparśuḥ gaṇikāgaṇāḥ || 53 ||
[Analyze grammar]

yadyapi kāmabhāvena mohabhāvena kāścana |
kāścana devabhāvena sādhubhāvena kāścana || 54 ||
[Analyze grammar]

pādau cucumburdevasya ṛṣerligaṃ ca netrayoḥ |
sparśayāmāsuratyarthaṃ menire ca kṛtārthatām || 55 ||
[Analyze grammar]

āścaryaṃ tatra tāsāṃ vai jātaṃ śṛṇu hi padmaje |
ṛṣistu tiṣṭhate stabdho jaḍavat susamādhigaḥ || 56 ||
[Analyze grammar]

yāḥ spṛśanti gaṇikāstaṃ tāsāṃ rājasavṛttayaḥ |
yāścāsan prāksamastāstā vyalīyanta spṛśeḥ ṛṣeḥ || 57 ||
[Analyze grammar]

niṣkāmatāṃ gatāḥ sarvāḥ sattvapūrṇāḥ śubhāśayāḥ |
kāmavṛttivihīnā vai sparśamātrāt kṣaṇāntare || 58 ||
[Analyze grammar]

cāñcalyaṃ sarvathā naṣṭaṃ gaṇikānāṃ samantataḥ |
yonīnāṃ ca vikārā vai vegā nirvegatāṃ yayuḥ || 59 ||
[Analyze grammar]

mānasāni samastānāṃ nirvikārāṇi cā'bhavan |
saṃkalpā vāsanāḥ kāmā rāgā ratiśca kāmanā || 60 ||
[Analyze grammar]

sarve līnāḥ kṣaṇāt tāsāṃ yogisparśagayoṣitām |
divyāśca dṛṣṭayastāsāmabhavan śaṃbhuyoṣitām || 61 ||
[Analyze grammar]

athā''kāśe mahāścaryaṃ vyalokayaṃstataśca tāḥ |
lakṣaśaśca samudbhūtā vāgurikā hyadhomukhāḥ || 62 ||
[Analyze grammar]

gatāścākāśamārgeṇa gaṃgā'nugā himālayam |
gaṇikāstatra sañjātāḥ sarvāvaraṇavarjitāḥ || 63 ||
[Analyze grammar]

divyāśca divyadehāśca satīrādhāramā yathā |
tatastāḥ śuddhimāpannāḥ sarvāḥ pāpavivarjitāḥ || 64 ||
[Analyze grammar]

antardṛṣṭyā vilokyainaṃ vātsyāyanaṃ hi yoginam |
brahmarūpaṃ pāpanāśakaraṃ sparśena sarvathā || 65 ||
[Analyze grammar]

viditvā taṃ munīndraṃ vai sādhuṃ sādhuvibhūṣaṇam |
natvā spṛṣṭvā punaḥ santaṃ papracchurvinayānvitāḥ || 66 ||
[Analyze grammar]

sādho puṇyapratāpātte divyā no dṛṣṭayastviha |
dehāścāpi ca divyā no jātāḥ sparśanadarśanāt || 67 ||
[Analyze grammar]

kāmā hṛdayyā naṣṭāśca yuvatītvaṃ hi cañcalam |
sarvaṃ līnaṃ bhavadyogāt pādadhūlipravāhaṇāt || 68 ||
[Analyze grammar]

vayaṃ sarvāḥ pāvitāśca svairiṇyo gaṇikāstviha |
puṃścalyaścāpi kāminyo yathā sādhvyaḥ sma eva ha || 69 ||
[Analyze grammar]

śaṃkarasya prapūjāyāḥ phalaṃ mahotsavasya ca |
prāptaṃ tvadya hi loke'tra hṛndi yannirmalāni naḥ || 70 ||
[Analyze grammar]

paraṃ pṛcchāma evā'tra sādho vāgurikāśca yāḥ |
ambare tāḥ samuḍḍīya lakṣaśo vigatāstvitaḥ || 71 ||
[Analyze grammar]

kāstāḥ kathaṃ samāyātāḥ kva gatāśca kutaśca tāḥ |
vada nastad yathārthaṃ vai tvaṃ nau nairmalyakārakaḥ || 72 ||
[Analyze grammar]

śrutvā vātsyāyanaḥ prāha sādhvyaḥ śṛṇuta madvacaḥ |
mama sparśo bhavatībhiryena kenāpi karmaṇā || 73 ||
[Analyze grammar]

yena kenāpi bhāvena vihito'trāṃ'ganāstataḥ |
bhavatīnāṃ vāsanā yāḥ kāmapāpātmikāstathā || 74 ||
[Analyze grammar]

tṛṣṇāḥ pāpātmikāścāpi pāpānyasaṃkhyakāni ca |
gaṇikākṛtakarmāṇi tāni sarvāṇi yāni ca || 75 ||
[Analyze grammar]

mama pādasparśanena malliṃgasparśanena ca |
maddhūlidhāraṇenāpi dehebhyo nirgatāni vai || 76 ||
[Analyze grammar]

bhavatīnāṃ śarīrāṇāṃ pāvanatvaṃ vilokya ca |
aśaktāni hi saṃsthātuṃ niryātāni samantataḥ || 77 ||
[Analyze grammar]

tāni sarvāṇi pāpāni vāgulikātmakāni ca |
bhūtvā yātāni sarvāṇi himālaye tu mānasam || 78 ||
[Analyze grammar]

sarastatra bhaviṣyatyaddhā tanmokṣo vilīnatā |
mama yogena sarvāsāṃ pāpāni nirgatāni vai || 79 ||
[Analyze grammar]

atha yūyaṃ samastāśca gṛhṇata mantramuttamam |
ityuktvā pradadau mantraṃ gaṇikābhyo manuṃ mama || 80 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
gṛhītvā gaṇikādevyo mantraṃ tūrṇaṃ caturbhujāḥ || 81 ||
[Analyze grammar]

bhūtvā śrīvaiṣṇavīdevyo divyadehāḥ suśobhanāḥ |
nārāyaṇyo vimānaiśca yayurdhāmā'kṣaraṃ mama || 82 ||
[Analyze grammar]

sahasraśo gaṇikāstā haripriyāstato'bhavan |
vartante cā'kṣaredhāmni mama sevāparāyaṇāḥ || 83 ||
[Analyze grammar]

ityevaṃ sādhusaṃgena lakṣmi puṃścalikā api |
sadyaḥ śuddhyati dharmāḍhyā divyā bhavati sevikā || 84 ||
[Analyze grammar]

tasmāt pāpātipāpānāṃ śodhakaṃ sevanaṃ satām |
yena kenāpi bhāvena sevitāḥ śodhayanti te || 85 ||
[Analyze grammar]

athā'nyā gaṇikāḥ śrutvā cāyayustamṛṣiṃ prati |
śuddhyarthaṃ ca tadā tābhyaḥ kāmaśāstraṃ jagāda ha || 86 ||
[Analyze grammar]

śrāvayitvā śikṣayitvā sevāṃ datvā nijāṃ tataḥ |
tāsāṃ mokṣaṃ cakārā'pi vātsyāyano mahānṛṣiḥ || 87 ||
[Analyze grammar]

śaṃkaraśca svayaṃ mūrtimān bhūtvā gocaro'sya ca |
abhavat prāha dhanyo'si gaṇikāmokṣakṛd ṛṣe || 88 ||
[Analyze grammar]

sādho sādhusvarūpo'si kāmaṃ kṛtvā sucintitam |
api kāmena naiva tvaṃ lipto'si kāmaśāstrakṛt || 89 ||
[Analyze grammar]

yathā'haṃ dāhakaścā'smi kāmasya jīvako'pi ca |
yathā kṛṣṇo vijetā'sti kāmasya ramayannapi || 90 ||
[Analyze grammar]

tathā tvaṃ ca vijetā'si kāmasya varṇayannapi |
bhava sādho muktidātā pāpaṃ vināśya yoṣitām || 91 ||
[Analyze grammar]

śāstraṃ te tava nāmnaiva khyātaṃ loke bhaviṣyati |
ityuktvā śaṃkaro devo tirobhāvaṃ pitā tava || 92 ||
[Analyze grammar]

yayau kāśyāṃ ca sādhuḥ sa vyacacāra mahītale |
mokṣayan jīvajātāni vātsyāyano hi vaiṣṇavaḥ || 93 ||
[Analyze grammar]

paṭhanācchravaṇādasya smaraṇāt sevanādapi |
mahāpāpāni naśyanti mokṣagatirdhruvā bhavet || 94 ||
[Analyze grammar]

ityevaṃ kathitaṃ lakṣmi rahasyaṃ sādhusevanam |
bhuktimuktipradaṃ divyabhāvapradaṃ kathānakam || 95 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne svairiṇīkāminīpuṃścalīnāmapi gaṇikānāṃ kāśyāṃ sādhuvātsyāyanasamāgamena pāpanāśottaraṃ muktiprāptirityādi |
nirūpaṇanāmā dvyaśītitamo'dhyāyaḥ || 82 ||
[Analyze grammar]