Chapter 81

śrīpuruṣottama uvāca |
śṛṇu nārāyaṇīśri tvaṃ sāghusaṃgatisatphalam |
ahaṃ bhadrāvatītīre vihārārthaṃ gato'bhavat || 1 ||
[Analyze grammar]

gṛdhrā māṃsāśanāstatra kṣetre tīre'bhavan śatam |
śaucārthaṃ kalaśaṃ dhṛtvā kṣetramadhye gato'bhavam || 2 ||
[Analyze grammar]

gṛdhrāṇāṃ madhyato mārgaṃ kṛtvā'hamagamaṃ puraḥ |
gṛdhrāste miṣṭaśabdena cocurvākyāni vīkṣya mām || 3 ||
[Analyze grammar]

tiṣṭhanto yatra tatraiva viśvastā nirbhayāḥ sukhāḥ |
aho'smākaṃ mahad bhāgyaṃ bhūtale samupasthitam || 4 ||
[Analyze grammar]

ayaṃ nārāyaṇaḥ sākṣādasmanmadhye samāgataḥ |
sādhurūpaḥ sādhuśīlo muktido muktidastathā || 5 ||
[Analyze grammar]

pragṛhṇantu caraṇayoścāsya rajāṃsi pakṣayoḥ |
mūrghni mukhe jalaṃ cāsya kalaśādapi pāvanam || 6 ||
[Analyze grammar]

brahmakamaṇḍalūvāri sahasrāṃśe na tatsamam |
mokṣo'smākaṃ bhavitaiva spṛśantvasya pade hyubhe || 7 ||
[Analyze grammar]

pakṣābhyāṃ vījayantvenaॆ śrīkāntaṃ puruṣottamam |
susvaraiḥ kīrtayantvenaॆ nārāyaṇa narāyaṇa || 8 ||
[Analyze grammar]

mastakaiḥ praṇamantvenaṃ pāpaprajvālakaṃ harim |
padbhyāṃ tamabhigacchantu pradakṣiṇaṃ punaḥ punaḥ || 9 ||
[Analyze grammar]

cakṣurbhyāṃ śrīhariṃ kṛṣṇaṃ vilokayantu satpatim |
santaṃ satāṃ patiṃ sādhvīnāthaṃ pakṣipatiṃ prabhum || 10 ||
[Analyze grammar]

ityevamuccarantaścā''yayuḥ samantataśca mām |
nemuḥ pādau pasparśuśca cakruśca darśanaṃ muhuḥ || 11 ||
[Analyze grammar]

prārthayāmāsuratyarthaṃ mokṣārthaṃ pakṣiyonitaḥ |
ūcuśca vayamāsan vai śūdrā vyādhā hi mānavāḥ || 12 ||
[Analyze grammar]

abrahmaṇyā nṛśaṃsāśca kadaryāḥ pāpajīvinaḥ |
apahārakāścaurāśca dveṣṭāro dehināṃ tathā || 13 ||
[Analyze grammar]

mithyācārā vyabhicārā parasvaharaṇe ratāḥ |
devapitṛmakhadveṣṭāraśca bhīdā hi dehinām || 14 ||
[Analyze grammar]

dhanadhānyādisampattiṃ dṛṣṭvā'nyasyerṣyavastathā |
tena pāpena jātāḥ smo gṛdhrajātīyapakṣiṇaḥ || 15 ||
[Analyze grammar]

pakṣiṣu śvapacāḥ sarve durgandhiśavabhakṣiṇaḥ |
nikṛṣṭā nijapāpaistānnaḥ kṛpāṃ kuru coddhara || 16 ||
[Analyze grammar]

vyādhatve'pi vane sādhūn dṛṣṭvā datvā phalāni ca |
āśīrvādān gṛhītvā cā'rjitavantaḥ supuṇyakam || 17 ||
[Analyze grammar]

tatpuṇyena smṛtirnā'smān vijahāti hare prabho |
ityarthitastadā'haṃ tānavocaṃ saṃgaterbalāt || 18 ||
[Analyze grammar]

satāṃ sevāphalaṃ tvetat prāgjanmasmaraṇaṃ tathā |
mamāpi darśanaṃ cātra tiryagjanmanivārakam || 19 ||
[Analyze grammar]

atha yūyaṃ ca rājāno bhaviṣyatha tataḥ param |
viprā bhūtvā tato devāstato brahmarṣayaḥ śubhāḥ || 20 ||
[Analyze grammar]

satyaloke ciraṃ sthitvā prayāsyathā'kṣaraṃ mama |
tatra tatra hi sādhūnāṃ samāgamo bhaviṣyati || 21 ||
[Analyze grammar]

ityuktāste mayā lakṣmi gṛdhrāḥ sarve mṛtiṃ gatāḥ |
jātāste kṣatriyāḥ sarve mṛtvā viprāstato'bhavan || 22 ||
[Analyze grammar]

tato devāśca ṛṣayastato dhāmā'kṣaraṃ yayuḥ |
ityevaṃ sādhusaṃgasya phalaṃ te'bhihitaṃ mayā || 23 ||
[Analyze grammar]

tiraścāmapi yanme'pi darśanaṃ sulabhaṃ hyabhūt |
yenā'vāpuḥ padaṃ gṛdhrāḥ pūrṇaṃ brahma sanātanam || 24 ||
[Analyze grammar]

tasmāt samāgamaḥ kāryaḥ pāpinā'pi satāṃ muhuḥ |
pāpakṣālanamevā'pi puṇyaṃ muktiśca saṃbhavet || 25 ||
[Analyze grammar]

ekadā lomaśo bhūmau padbhyāṃ sādhuśatairyutaḥ |
vicacāra hi śreyo'rthaṃ lokānāṃ śuddhikāmyayā || 26 ||
[Analyze grammar]

mārge śrutvā padānāṃ vai śabdān jīvaṭakīṭakaḥ |
adhāvad vāṭadeśādvai bahirgantuṃ tvarānvitaḥ || 27 ||
[Analyze grammar]

lomaśaḥ paripapraccha dṛṣṭvā jīvaṭakīṭakam |
kathaṃ tvaritastrasto'si gamyate kva tvayā vada || 28 ||
[Analyze grammar]

śrutvā jīvaṭakīṭaśca prāhā'haṃ vīkṣya maṇḍalam |
satāṃ tu bahusaṃkhyākaṃ śrutvā pādasvanāṃstathā || 29 ||
[Analyze grammar]

bhayaṃ prāpto mṛtyujātaṃ pādakaccaramardanāt |
dhāvāmi satvaraṃ mārgād yathā bahiḥ prayāmi vai || 30 ||
[Analyze grammar]

gṛhaṃ me vidyate pārśve strīputrādisukhānvitam |
akālamaraṇaṃ me na bhavecchūnye kuṭumbinaḥ || 31 ||
[Analyze grammar]

ekalasya mṛtiḥ śūnye kuṭumbarahitasya me |
asadgatipradā syādvai śoceyurmama bāndhavāḥ || 32 ||
[Analyze grammar]

tasmācchīghraṃ pravadāmi mṛtyorduḥkhaṃ paraṃ yataḥ |
tvarayāmi jīvanārthaṃ jīvataḥ sukhamuttamam || 33 ||
[Analyze grammar]

lomaśastu samākarṇya jīvaṭaṃ prāha te kutaḥ |
kīṭayonau sukhaṃ cāste duḥkhayonau vadā'tra me || 34 ||
[Analyze grammar]

duḥkhayonestu maraṇaṃ tava śreyo bhavediha |
nābhijānāsi vai śreṣṭhān sparśabhogasukhottamān || 35 ||
[Analyze grammar]

na ca vetsi rasamiṣṭān yānavāhanasūtsavān |
tasmātpāpe'tra dehe te śreyo vai maraṇaṃ bhavet || 36 ||
[Analyze grammar]

jīvaṭaḥ prāha śrutvaiva lomaśaṃ dīrghadarśinam |
dehī sarvatra susukhī yatra dehe pravartate || 37 ||
[Analyze grammar]

vanaṃ paśyāmi vividhaṃ vividhān dṛśyasaṃbhavān |
kuṭumbaṃ strīsutāḍhyaṃ ca paśyāmi cotsavānvitaḥ || 38 ||
[Analyze grammar]

spṛśāmi strīṃ sutaṃ putrīṃ kuṭumbino'tra bhūtale |
śṛṇomi vividhā gītīścāraṇye svajanādiyuk || 39 ||
[Analyze grammar]

bhakṣayāmi rasān miṣṭān vṛkṣavallīsamudbhavān |
jighrāmi bahudhā gandhān bhuṃjāmi viṣayān bahūn || 40 ||
[Analyze grammar]

yathādehaṃ viṣayā me vartante cottamottamāḥ |
sakuṭumbo bhavāmyatra kuṭumbaṃ cottamaṃ mama || 41 ||
[Analyze grammar]

ityākarṇya ṛṣiḥ prāha śṛṇu kīṭa vadāmi te |
alpāyustvaṃ lakṣyase'tra kṛtayatno'pi sarvathā || 42 ||
[Analyze grammar]

mṛtyustava hi nikaṭe dhṛtapāśaḥ pratiṣṭhati |
tasmān mā vaha vāñcchāṃ vā jīvanārthaṃ sukhāya vā || 43 ||
[Analyze grammar]

sādhusamāgamaḥ kīṭa bahupuṇyāya kalpate |
mṛtyuste vidyate'vaśyaścā'dya kṣaṇe na saṃśayaḥ || 44 ||
[Analyze grammar]

yadi me darśanāt kīṭa śreṣṭhaṃ janma samicchasi |
vada te tad dadāmyatra śubhaṃ janma satāṃ balāt || 45 ||
[Analyze grammar]

etān sādhūnnamaskāraṃ kṛtvā yāhi mṛtiṃ tataḥ |
kalyāṇaṃ te kariṣyāmi vada kiṃ te mano'tra ha || 46 ||
[Analyze grammar]

jīvaṭaśca tataḥ prāha yadyevaṃ maraṇaṃ mama |
pārśve mama kuṭumbasya sannidhau mṛtirastu me || 47 ||
[Analyze grammar]

mānavaśca tato deho bhavatvatra ca bhūtale |
yena śreyo vividhaṃ me satāṃ yogād bhaviṣyati || 48 ||
[Analyze grammar]

ityuktvā tūrṇamevā'sau vāṭapārśvamupāgataḥ |
tṛṇamūle kṛtāvāsān kuṭumbinaśca gartagān || 49 ||
[Analyze grammar]

ājuhāva drutaṃ kīṭaḥ sammilya tān mṛtiṃ yayau |
tajjīvaṃ sthāpayāmāsa kṣattragarbhe surāṣṭrake || 50 ||
[Analyze grammar]

paurarājyakule jāto rājā prajāniyāmakaḥ |
lomaśaśca tato bhūyo yayāvabdhitaṭe mudā || 51 ||
[Analyze grammar]

dadarśabhūpaṃ bhūyo'pi jātismaro'rcayanmunim |
jagrāha caraṇau bhaktyā provāca sarvameva tu || 52 ||
[Analyze grammar]

ṛṣe te kṛpayā kīṭānnirgatyā'smi nṛpo'bhavan |
nāryo gajāśca turagā uṣṭrā yānāni sampadaḥ || 53 ||
[Analyze grammar]

bhavanti mama bhogyāste kṛpayā'tra guro sadā |
sādhukṛpāphalaṃ caitat prāśnāmi miṣṭamuttamam || 54 ||
[Analyze grammar]

śreṣṭhaśayyātale rājñīsevitaśca svapimyapi |
jāgarmi vanditaḥ sūtādyaiśca devo yathā hariḥ || 55 ||
[Analyze grammar]

dāsyo dāsā hyasaṃkhyā me'mātyāścājñāvahāḥ śubhāḥ |
namaste'stu guro sādho kiṃ karomi vadā'tra me || 56 ||
[Analyze grammar]

śrutvā hṛṣṭo lomaśastaṃ nṛpaṃ vai jīvacandrakam |
prāha rājaṃstvayā rājadehād gantavyameva ha || 57 ||
[Analyze grammar]

bhogā bhuktāstvayā rājan bahudhā me hyanugrahāt |
atha tvaṃ bhava vipro vai śreṣṭhajanma gṛhāṇa ca || 58 ||
[Analyze grammar]

mama te darśanaṃ jātaṃ tadeva sukṛtaṃ punaḥ |
vaiṣṇavastvaṃ bhava mantraṃ gṛhṇa śreyo bhaviṣyati || 59 ||
[Analyze grammar]

tyaja mohaṃ kuṭumbasya rājyasya strījanasya ca |
sādhukṛpāṃ gṛhāṇā'tra mā pramādī bhavā'tra vai || 60 ||
[Analyze grammar]

ityuktaḥ sa nṛpastūrṇaṃ jagrāha mantramuttamam |
oṃ namaḥ śrīkṛṣṇanārāyaṇāya svāmine svāhā || 61 ||
[Analyze grammar]

atha śrīlomaśastatra dadhyau nārāyaṇaṃ hṛdi |
tāvad rājā śarīraṃ svaṃ tatyāja sarvasannidhau || 62 ||
[Analyze grammar]

saurāṣṭre cā'bhavad vipro'kṣarakṣetre'tra cottame |
kuṃkumavāpikātīrthe cāśvapaṭṭasarontike || 63 ||
[Analyze grammar]

yogāyano maharṣiḥ sa jātismaro'ti bhaktimān |
janmataḥ siddhimān dharmī brahmiṣṭhaḥ pāvanaḥ paraḥ || 64 ||
[Analyze grammar]

atha śrīlomaśastaṃ ca kumāraṃ pratyapadyata |
anādiśrīkṛṣṇanārāyaṇaṃ bhaja mahāmate || 65 ||
[Analyze grammar]

mama yogāt kṣetrayogānmuktiste bhāvinī śubhā |
parameśvarabhakteśca phalaṃ te syānmahottamam || 66 ||
[Analyze grammar]

baṭuḥ sa vaiṣṇavaśreṣṭhaḥ sarvamantrān ṛṣermukhāt |
jagrāha ca tato naijāṃ jananīṃ tu kalāvatīm || 67 ||
[Analyze grammar]

pitaraṃ cāryaśīlākhyaṃ nanāma bhāvatastadā |
ājñāṃ labdhvā tatastūrṇaṃ kṛtvā tīrthaṃ supūjanam || 68 ||
[Analyze grammar]

māmabhigamya ca naijaṃ dehaṃ tyaktvā vimānagaḥ |
mama sālokyamagamad brahma dhāma sanātanam || 69 ||
[Analyze grammar]

avāpa sa padaṃ lakṣmi mama dhāmā'kṣaraṃ param |
sādhoḥ samāgamādevaṃ mokṣapadaṃ hi labhyate || 70 ||
[Analyze grammar]

sādhavo matpādajuṣaścakṣurdadati cāntaram |
vidhūnvanti ca pāpāni janmahrāsaṃ dadhatyapi || 71 ||
[Analyze grammar]

karmakṣayaṃ kārayanti kṛpayā puṇyaśevadhim |
dadatyapi svā'nugāya bhaktāya prahitātmane || 72 ||
[Analyze grammar]

bandhanāni vicitrāṇi dṛḍhāni yāni cātmanām |
tāni vibhedayitveha vitaranti śubhāni ca || 73 ||
[Analyze grammar]

svargasukhāni ramyāṇi satyakalpodbhavāni ca |
devatulyāni varṣmāṇi bhogyānīśvarabhāni ca || 74 ||
[Analyze grammar]

śāśvatadivyamūrtiṃ ca kṛtvā dhāmā'kṣaraṃ mama |
preṣayanti pratāpena naijena mama sādhavaḥ || 75 ||
[Analyze grammar]

sādhvyaścaiva śubhācārā mama bhaktiparāyaṇāḥ |
svayogamāgatān jīvān preṣayanti padaṃ mama || 76 ||
[Analyze grammar]

śṛṇu lakṣmi vinodinyā viprāyāśca kathāṃ śubhām |
dhārāgrāmanivāsinyā bhaktāyā mama pāvanīm || 77 ||
[Analyze grammar]

pativratā patiṃ sādhvī siṣeve ceśavat sadā |
bhāgavataṃ śatānandanāmānaṃ vipramuttamam || 78 ||
[Analyze grammar]

daśasāhasravarṣāṇi tayorgatāni bhūtale |
brahmaparāyaṇayorvai bhaktayoranapatyayoḥ || 79 ||
[Analyze grammar]

śatānandastvekadāṃ tāṃ patnīṃ prāha śubhāśayaḥ |
kathaṃ sādhvi ṛtusnātā dharmeṇa sevitā'pi vai || 80 ||
[Analyze grammar]

garbhe vaṃśakaraṃ naiva ghārayasyatra me vada |
kāraṇaṃ vā vibhāgyaṃ vā vandhyātvaṃ vāpi vetsi cet || 81 ||
[Analyze grammar]

mama doṣo'thavā cāste mama bhāgyaṃ na cāsti vā |
kathaṃ putravatī naiva cireṇā'pi vilokyase || 82 ||
[Analyze grammar]

śrutvā patnī patiṃ prāha kāraṇaṃ bhaktarāṭ śṛṇu |
garbhavāso mahad duḥkhaṃ jīvasyā'nalapācane || 83 ||
[Analyze grammar]

janmaduḥkhaṃ dehaduḥkhaṃ mṛtyorduḥkhaṃ punaḥ punaḥ |
aśuddhiśca punarduḥkhaṃ niraye gamanaṃ punaḥ || 84 ||
[Analyze grammar]

vāsanā'pi mahadduḥkhaṃ snehaduḥkhaṃ punastathā |
evaṃ duḥkhāni cālokyā'napatyatve paraṃ sukham || 85 ||
[Analyze grammar]

matvā nā'haṃ dhārayāmi garbhaṃ māyāviḍambanam |
śrutvā tāṃ ca patistvāha ṛṇaṃ pitṛkṛtaṃ priye || 86 ||
[Analyze grammar]

yāvannottīryate tāvat pitṝṇāṃ duḥkhamityapi |
mama duḥkhaṃ ca te duḥkhaṃ punnāmanarakodbhavam || 87 ||
[Analyze grammar]

vandhyātvasyā'pavādaṃ ca nirvaṃśatvādikiṃkathām |
apākartumapi sādhvī garbhaṃ dhartuṃ tvamarhasi || 88 ||
[Analyze grammar]

śrutvaivaṃ sādhvikā prāha yadyevaṃ kānta saṃśṛṇu |
putrā ye ye bhaveyuste preṣaṇīyā hariṃ prati || 89 ||
[Analyze grammar]

bhaktāḥ syuḥ sādhavaścaite muktiṃ dāsyanti me ca te |
ityevaṃ vāgbandhanena dhārayāmi ca daurhṛdam || 90 ||
[Analyze grammar]

tathā'stviti patiḥ prāha ṛtusnātā ca sevitā |
dadhāra garbhaṃ patitaḥ suṣuve kālataḥ sutam || 91 ||
[Analyze grammar]

vavṛdhe ca śanairbālo bodhitaścā''tmavid yathā |
mātrā vivekavān putraḥ kṛtopavītasaṃskṛtiḥ || 92 ||
[Analyze grammar]

niveditaśca mahyaṃ vai sādhutvārthaṃ samarpitaḥ |
muktyāyano mayā nāmnā kṛtaḥ sādhurviraktimān || 93 ||
[Analyze grammar]

śatānandaḥ prasanno'bhūt putraṃ sādhuṃ vilokya ha |
atha patnīṃ dvitīyaṃ ca garbhaṃ dadhāra kālataḥ || 94 ||
[Analyze grammar]

suṣuve kālataścāpi vardhayāmāsa bhāvataḥ |
bodhayāmāsa vijñānairdadau mahyaṃ ca taṃ sutam || 95 ||
[Analyze grammar]

so'pi sandīkṣito nāmnā brahmāyanaḥ kṛto mayā |
kavirjāto mahān sādhurmokṣamārgaparāyaṇaḥ || 96 ||
[Analyze grammar]

śatānandaśca taṃ vīkṣya prasannaḥ samajāyata |
dadau tṛtīyagarbhaṃ ca patnyai prasannamānasaḥ || 97 ||
[Analyze grammar]

suṣuve sā ca taṃ putraṃ śikṣayāmāsa sevanam |
jñānaṃ gānaṃ dadau mahyaṃ sādhudīkṣārthameva ca || 98 ||
[Analyze grammar]

mayā tu dīkṣito nāmnā premāyanaḥ kṛtaḥ sa ca |
gītikākuśalaḥ sādhuḥ so'pi mokṣaparo'bhavat || 99 ||
[Analyze grammar]

putrāḥ pañcaśatānyevaṃ samajāyanta vai cirāt |
sarve te sādhavo jātā mama dīkṣāparāyaṇāḥ || 100 ||
[Analyze grammar]

divyā divyavihārāśca divyakriyā hi sādhavaḥ |
tīrtharūpāḥ samastāste śīlavrataparāyaṇāḥ || 101 ||
[Analyze grammar]

jīvānāṃ mokṣadāḥ sarve jñānadhyānaparāyaṇāḥ |
mama bhaktiyutāḥ saumyā sādhavaḥ sādhubhūṣaṇāḥ || 102 ||
[Analyze grammar]

vidyāvantaḥ śīlavanto mama mūrtiparāyaṇāḥ |
aśvapaṭṭasaraḥkṣetre vasantyete hi yoginaḥ || 103 ||
[Analyze grammar]

śatānandasya putrāste mahābhāgavatāstvime |
vartante bhaktikartāraścā'kṣare kṣetrake mama || 104 ||
[Analyze grammar]

athā'nte śrīśatānandaḥ patnīṃ prāha sutaṃ tu me |
dehyekaṃ vaṃśakartāraṃ mā taṃ sādhuṃ vidhehi vai || 105 ||
[Analyze grammar]

ityuktvā brāhmaṇī vinodinī putraṃ tu cāntimam |
viśvāyanaṃ dadau saṃśikṣitaṃ kāntāya padmaje || 106 ||
[Analyze grammar]

viśvāyano'bhavannityaṃ gṛhadharmānvito hi saḥ |
vivāhito vaṃśakartā maharṣirlomaśāśrame || 107 ||
[Analyze grammar]

mahābhāgavato dīkṣāyuto vedāṃgapāragaḥ |
atha vinodinī ceyaṃ sādhvīdīkṣāsudīkṣitā || 108 ||
[Analyze grammar]

amṛtākhyā brahmasakhī vartate tyāgamāśritā |
śatānando'pi sādhutve vartate cāśrame mama || 109 ||
[Analyze grammar]

mama sevāparo divyagatimān padmaje sadā |
ityevaṃ kathitaṃ te'tra vinodinyāḥ kathānakam || 110 ||
[Analyze grammar]

mokṣārthaṃ samavartinyāḥ sarvaputrārpaṇātmakam |
paṭhanācchravaṇāccāsya mokṣamārgo bhaveddhruvaḥ || 111 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne sādhusaṃgatyā gṛdhrāṇāṃ mokṣo jīvaṭakīṭasya mokṣo vinodinyāḥ paṃcaśataputrāṇāṃ sādhutvaṃ cetyādi |
nirūpaṇanāmaikā'śītitamo'dhyāyaḥ || 81 ||
[Analyze grammar]