Chapter 73

śrīpuruṣottama uvāca |
śṛṇu nārāyaṇīśri tva yayāteruttarāṇi vai |
mānave divi vā satye viśeṣo naiva vai mṛtau || 1 ||
[Analyze grammar]

tasmāddehaṃ vihāyā'haṃ gamiṣyāmi na vai divam |
naiva kāyo vinā prāṇaṃ prāṇā jīvaṃ vinā na ca || 2 ||
[Analyze grammar]

jīvo nātmānamṛte ca hyātmā hariṃ vinā na ca |
etatsarva vihāyā'tra svarga me naiva rocate || 3 ||
[Analyze grammar]

yeṣāṃ prasādabhāvena sukhamaśnāmi bhūtale |
tān saṃtyaktvā svargabhogaṃ bhokṣye'haṃ naiva sarvathā || 4 ||
[Analyze grammar]

paśya me puṇyabhaktyāḍya kāyaṃ viṃśativarṣavat |
aśītivarṣajīrṇo'haṃ bhaje dehaṃ navaṃ yathā || 5 ||
[Analyze grammar]

naiva glānirna me hānirna bhramo vyādhayo na ca |
vardhate dharmabhaktibhyāṃ balavān kāya eva me || 6 ||
[Analyze grammar]

sarvāmṛtamayaṃ divyamoṣadhaṃ bhaktisaṃyutam |
dharmākhyaṃ kriyate cātra pāpavyādhipraṇāśanam || 7 ||
[Analyze grammar]

śrīhareḥ kīrtanenaiva kāyo mayā hi śodhitaḥ |
etadrasāyanaṃ nityaṃ pibāmi pācayāmi ca || 8 ||
[Analyze grammar]

tena me ca jarāmṛtyū vidyete naiva tadbalāt |
ye pibanti mahābhaktāḥ kṛṣṇanāmarasāyanam || 9 ||
[Analyze grammar]

teṣāṃ deho divyarūpo jāyate vai yathā mama |
harerdhyānena bhaktyā ca pūjayā sevayā tathā || 10 ||
[Analyze grammar]

satyena dānapuṇyena mantrajapena mātale |
bhaktisaṃsthāpanenā'pi kāyo me'sti nirāmayaḥ || 11 ||
[Analyze grammar]

āśīrvādaiḥ satāṃ jāto māyākālādinirbhayaḥ |
hareḥ kṛpāvaśādatra svargātsvargaṃ mamā'sti vai || 12 ||
[Analyze grammar]

hareḥ pūjopacāreṇa bhaktyā dhyānena kīrtanaiḥ |
satyadānaniyamādyaiḥ kāyo me divyatāṃ gataḥ || 13 ||
[Analyze grammar]

nā'haṃ svargaṃ gamiṣyāmi svargamatra karomi vai |
yāhi cendraṃ yathārthaṃ vai mayoktaṃ sannivedaya || 14 ||
[Analyze grammar]

śrutvā ca mātalistūrṇaṃ yayāvindraṃ nyavedayat |
indro'pi cintayitvaiva klṛptānāṃ cā'parāṃ tataḥ || 15 ||
[Analyze grammar]

vyaracayannṛpaṃ mohayituṃ cāha ca mātalim |
śṛṇu tvaṃ mātale rājā viṣṇubhakto dṛḍho'sti vai || 16 ||
[Analyze grammar]

sa tu bhaktiṃ parityajya divaṃ nā''yāsyati kvacit |
kintu sadeha evāsāvāmantraṇīya ādarāt || 17 ||
[Analyze grammar]

vijñāpanīyo vinayairdevādyaiḥ sṛṣṭinītitaḥ |
atha vai mātaliścājñāṃ prāpya yayau nṛpaṃ prati || 18 ||
[Analyze grammar]

rājā cakre ca sammānaṃ mātaliḥ prāha vai sphuṭam |
rājannindro varuṇaśca mamaḥ kuberako'nalaḥ || 19 ||
[Analyze grammar]

īśānaścāpyanilaśca nirvṛtaśca guruḥ kaviḥ |
sarve tvāṃ mānayāsurnijadhiṣṇyā'rhameva ca || 20 ||
[Analyze grammar]

sarve nivedayāmāsurlokahitārthameva yat |
sadehenā'pi vai svarge devahitārthamityapi || 21 ||
[Analyze grammar]

āgantavyaṃ tvayā rājannityāmantraṇamasti naḥ |
dṛṣṭvā śrutvā yatheṣṭaṃ ca sammilitvā surādikān || 22 ||
[Analyze grammar]

punargantavyamevā'tha bhūtale ca yathecchayā |
ityuktaḥ sa tu rājarṣiḥ sammānya daivataṃ vacaḥ || 23 ||
[Analyze grammar]

vimānavaramāruhya yayau mātalinā divam |
dikpālānāṃ sabhāyāṃ sa nṛpaḥ sammānitaḥ suraiḥ || 24 ||
[Analyze grammar]

surānnatvā niṣasāda yathārhaṃ ca tataḥ param |
maitrīṃ sāptapadīnāṃ ca kṛtvā parasparaṃ tataḥ || 25 ||
[Analyze grammar]

indro jagāda rājānaṃ śṛṇu rājan hitāvaham |
lokā vai māyayā vyāptā mānavā devatāsurāḥ || 26 ||
[Analyze grammar]

tvayā lokā nirjitāśca viṣṇubhaktyā hi bhūtale |
nṛpe dharmayute tasya prajā bhavati dhārmikī || 27 ||
[Analyze grammar]

nṛpe bhakte bhaktiyuktā duṣṭe duṣṭā bhavatyapi |
bhūtalaṃ vaiṣṇavaṃ dhāma tvayā kṛtaṃ śubhaṃ khalu || 28 ||
[Analyze grammar]

kintu rājan yamamārgaḥ svargamārgo'pi sā'rgalaḥ |
idānīṃ vartate bhaktyā vaikuṇṭhaṃ yānti mānavāḥ || 29 ||
[Analyze grammar]

dikpālānāṃ ca ye lokā nirjanā vai bhavanti yat |
brahmaṇā ca kṛtaḥ sṛṣṭeḥ pravāho'pi niruddhyate || 30 ||
[Analyze grammar]

devānāṃ cāpi pitṝṇāmāśā luptā bhavatyapi |
vaṃśavistārabhāvāśca pravardhante hi vaiṣṇavāḥ || 31 ||
[Analyze grammar]

sarve yāsyanti vaikuṇṭhaṃ na svargaṃ na yamālayam |
na janaṃ na tapaścāpi na satyaṃ brahmaṇo gṛham || 32 ||
[Analyze grammar]

evaṃ vai vartamāne tu ṛṇānubandhitā nṛpa |
luptaiva syāttato rājan pravāho na yathā kṣayet || 33 ||
[Analyze grammar]

tathā vicārya sarveṣāmānukūlyaṃ vidhehi vai |
icchāmo bhavate dātumapsaroratnamuttamam || 34 ||
[Analyze grammar]

gṛhāṇa bhuṅkṣva bhūlokaṃ yathā rājā tathā prajāḥ |
bhaviṣyanti tato mārgā yamādīnāmanargalāḥ || 35 ||
[Analyze grammar]

śrutvā prāha yayātirvai nā'haṃ kāpathago nṛpaḥ |
koṭipuṇyottarāṃ bhaktiṃ kṛtvā nārāyaṇapriyām || 36 ||
[Analyze grammar]

nimaṃkṣyāmi na saṃsāre sarvathā''lokite punaḥ |
mama puṇyaṃ vinaśyecca bhaktiḥ syād vyabhicāriṇī || 37 ||
[Analyze grammar]

saṃsārapāramāptasya punarme patanaṃ bhavet |
viṣṇurnārāyaṇaḥ kṛṣṇaḥ kuprasanno bhavenmama || 38 ||
[Analyze grammar]

sarvaṃ kṛtaṃ me vyarthaṃ syāt tannecchāmyapsarovarām |
ityuktvā maunamāsthāya sthitastāvat surādayaḥ || 39 ||
[Analyze grammar]

sasmarurviṣṇumīśānaṃ brahmāṇaṃ tatra vai drutam |
prāyayurdevavaryāśca pūjitā devatādibhiḥ || 40 ||
[Analyze grammar]

niṣeduścāsaneṣveva vijñāpitāḥ kathāṃ prati |
śrutvā viṣṇustadā prāha yayātiṃ tu nijānugam || 41 ||
[Analyze grammar]

rājan gṛhāṇa devānāṃ vākyaṃ hitaṃ yamasya ca |
gṛhāṇa cā'psadoratnaṃ prajāte tādṛśī tadā || 42 ||
[Analyze grammar]

bhaviṣyati mohayuktā dharmādikāryavarjitā |
yamādisṛtayaścāpi bhaviṣyantyapyanargalāḥ || 43 ||
[Analyze grammar]

mama vākyaṃ gṛhāṇedaṃ svasti te saṃbhaviṣyati |
brahmaharau tathaivaiva prāhatustaṃ nṛpaṃ tadā || 44 ||
[Analyze grammar]

nṛpo natvā'rthayāmāsa bandhanaṃ pāpameva me |
bhavettasmāt kṛpāsindho samuddhāraṃ kuru prabho || 45 ||
[Analyze grammar]

viṣṇuḥ prāha na te bandho'psarasā vai bhaviṣyati |
karma sarvaṃ tava rājan nirguṇaṃ vai mamā''jñayā || 46 ||
[Analyze grammar]

tāmasānāṃ rājasānāṃ mohanārthaṃ samācara |
apsaroratnamāsādya kāmabhogān samācara || 47 ||
[Analyze grammar]

muktiste bhavitā rājannā'tra kāryā vicāraṇā |
asmadvākyaṃ hi vedo'sti vidhirdharmaḥ sa eva saḥ || 48 ||
[Analyze grammar]

asmadvākyavidhānena muktirmuktiḥ śubhā gatiḥ |
asmadvākyavirodhena duḥkhaṃ bandho hyadhogatiḥ || 49 ||
[Analyze grammar]

ityuktaḥ sa tu rājarṣiḥ svīcakārā'psarovarām |
devatāḥ pūjayāmāsū rājānaṃ vākyavartinam || 50 ||
[Analyze grammar]

viṣṇū rakṣākaraṃ mantraṃ dadau naijaṃ tu nirguṇam |
viṣṇuprayojitaścā'haṃ karomi karma yadvidham || 51 ||
[Analyze grammar]

sarvaṃ samarpitaṃ viṣṇau nirbandhaṃ viṣṇave svāhā |
enaṃ mantraṃ tadā labdhvā nītvā cā'psarasaṃ nṛpaḥ || 52 ||
[Analyze grammar]

bindumatīṃ cā'tha natvā surān viṣṇuṃ prapūjya ca |
āyayau bhūtalaṃ rājā vimānavaramāsthitaḥ || 53 ||
[Analyze grammar]

reme sākaṃ tayā lakṣmi mohamāpto'bhavattataḥ |
cireṇā'yaṃ dharmakarmabhaktyādīn vismṛto'bhavat || 54 ||
[Analyze grammar]

prajā vīkṣya nṛpaṃ tadvad dharmakarmavivarjitāḥ |
cireṇā'pyabhavan lakṣmi yathā rājā tathā prajāḥ || 55 ||
[Analyze grammar]

bindumatī ratiputrī cā'psarogaṇamadhyagā |
rājapatnī hi rājānaṃ mohe cikṣepa sarvadā || 56 ||
[Analyze grammar]

kāmabhogaiśca vārdhakyaṃ hyavāpa nṛpa eva saḥ |
satṛṣṇasyā'ntikād bindumatī cā'dṛśyatāṃ yayau || 57 ||
[Analyze grammar]

rājā śokaṃ cakārā'syāḥ kṛte cāpi divāniśam |
atha sā dadṛśe rātrau rājānaṃ prati bhāvukī || 58 ||
[Analyze grammar]

vṛddhastvaṃ dṛśyase rājan naiva yogyo'si matkṛte |
yauvanaṃ prāpya vartethāstvāṃ seviṣye tadā nṛpa || 59 ||
[Analyze grammar]

rājā kāmāturaḥ putrānāhūya vākyamāha tat |
turuṃ yaduṃ kuruṃ puruṃ spaṣṭamāha nṛpastadā || 60 ||
[Analyze grammar]

eko'pi gṛhyatāṃ putrā jarā me'śaktikāriṇī |
dhīro bhūtvā tato naijaṃ tāruṇyaṃ mama dīyatām || 61 ||
[Analyze grammar]

mānasaṃ me'tisantaptaṃ stryāsaktaṃ bahucañcalam |
jarāyāścopagrahaṇaṃ kariṣyati sutastu yaḥ || 62 ||
[Analyze grammar]

sa bhunakti tu me rājyaṃ bhuvaṃ sandhārayiṣyati |
vipulā santatistasya yaśaḥ kīrtirbhaviṣyati || 63 ||
[Analyze grammar]

śrutvā putrāstamūcurvai bhavān dharmaparo nṛpa |
kasmātte cā'psaroyogādīdṛśī bhāvanā'dhamā || 64 ||
[Analyze grammar]

yayātiḥ prāha mohānme bhāvanā cedṛśī sutāḥ |
avaśyaṃbhāvino bhāvā bhavanti prakṛtervaśāḥ || 65 ||
[Analyze grammar]

evaṃ jñātvā prakartavyaṃ yatsukhaṃ mama putrakāḥ |
turuḥ prāha śarīraṃ prāpyate pitṛprasādataḥ || 66 ||
[Analyze grammar]

dharmaḥ sevā ca śuśrūṣā pitrostenaiva jāyate |
tena viṣayabhogaśca jāyate ca yunā sadā || 67 ||
[Analyze grammar]

so'yaṃ me dānakālo na na dāsye yauvanaṃ hi te |
bhavān vṛddhatvamāpanno yogyo'yaṃ samayastathā || 68 ||
[Analyze grammar]

śrutvā rājā śaśāpainaṃ taruṃ jyeṣṭhaṃ sutaṃ tadā |
apadhvastastvayā''deśo mamaivaṃ pāpacetana || 69 ||
[Analyze grammar]

tasmāt pāpī bhava tvaṃ vai sarvadharmabahiṣkṛtaḥ |
vedācāravihīnaśca brahmaghno madyapo bhava || 70 ||
[Analyze grammar]

sarvabhakṣaśca durmedhā mlecchācāro bhaviṣyati |
putrāḥ pautrāḥ prapautrādyāstādṛśāste bhavantviti || 71 ||
[Analyze grammar]

evaṃ śaptvā turuṃ cāpi niṣkāsya rājyamaṇḍalāt |
yaduṃ prāha pradehi me yauvanaṃ bhuṃkṣva rāṣṭrakam || 72 ||
[Analyze grammar]

yaduḥ prāha na śaknomi dātuṃ te yauvanaṃ nṛpa |
jarāyā hetavaḥ pañca cintā vṛddhastriyastathā || 73 ||
[Analyze grammar]

kadannaṃ nityamadhvā ca śītajāṭharapīḍanam |
sā jarā rocate me na bhogakālo hyayaṃ mama || 74 ||
[Analyze grammar]

śrutvā rājā śaśāpainaṃ rājyahīnaḥ savaṃśajaḥ |
tejohīnaḥ kṣatradharmavarjitaḥ paśupālakaḥ || 75 ||
[Analyze grammar]

bhaviṣyasi na sandeho yāhi rājyād bahirmama |
ityuktvā ca kuruṃ prāha śarmiṣṭhābālakaṃ nṛpaḥ || 76 ||
[Analyze grammar]

dehi me yauvanaṃ putra gṛhāṇa tvaṃ jarāṃ mama |
kuruḥ prāha kariṣyāmi bhajanaṃ śrīhareḥ sadā || 77 ||
[Analyze grammar]

kaḥ pitā ko'tra vai mātā sarve svārthaparā bhuvi |
na kāṃkṣe tava rājyaṃ vai na dāsye yauvanaṃ mama || 78 ||
[Analyze grammar]

ityuktvā pitaraṃ natvā himālayavanaṃ yayau |
tatra tepe tapaścāpi vaiṣṇavo dharmabhaktimān || 79 ||
[Analyze grammar]

kṛṣiṃ cakāra dharmātmā saptakrośamitakṣiteḥ |
halena karṣayāmāsa mahiṣeṇa vṛṣeṇa ca || 80 ||
[Analyze grammar]

ātithyaṃ sarvadā cakre nūtnadhānyādibhiḥ sadā |
viṣṇurviprasvarūpeṇa yayau kuroḥ kṛṣiṃ prati || 81 ||
[Analyze grammar]

ātithyaṃ ca gṛhītvaiva mokṣapadaṃ dadau tataḥ |
kurukṣetraṃ ca tannāmnā kṛtaṃ nārāyaṇena ha || 82 ||
[Analyze grammar]

sarvamokṣakaraṃ ramyaṃ pāpatāpapraṇāśakam |
atha rājā puruṃ prāha dehi me yauvanaṃ suta || 83 ||
[Analyze grammar]

bhuṃkṣva rājyaṃ mayā dattaṃ supuṇyaṃ hatakaṇṭakam |
pururnatvā''ha rājyaṃ vai bhoktavyaṃ daivayogataḥ || 84 ||
[Analyze grammar]

jarāṃ dehi gṛhāṇā'pi yauvanaṃ me pitardrutam |
tṛptiṃ yāhi mahārāja yatheṣṭāṃ yauvanena me || 85 ||
[Analyze grammar]

tavaiva yauvanaṃ tvetat tavaivāṃ'śo'hamasmi ca |
svatvaṃ tavaiva mayyasti gṛhāṇa yauvanaṃ mama || 86 ||
[Analyze grammar]

ityuktvā jalamādāya dadau haste piturjalam |
yauvanaṃ tāmravarṇaṃ vai tūrṇaṃ dehād vyapāsarat || 87 ||
[Analyze grammar]

praviveśa yayātestu śarīre sa ca vai yuvā |
babhūva ca jarā prāptā puruṃ putraṃ piśācinī || 88 ||
[Analyze grammar]

purumāha tato rājā prasannavadanekṣaṇaḥ |
mama rājyaṃ prabhuṃkṣva tvaṃ mayā dattaṃ mahāmate || 89 ||
[Analyze grammar]

yauvanaṃ te'pi cā'dyaiva punarbhavatu me'pi ca |
viṣṇoḥ prasādataḥ putra jarāvyapagamastava || 90 ||
[Analyze grammar]

āvayoryauvanaṃ nityaṃ viṣṇubhaktiprabhāvataḥ |
sarvadā'stu jagādaivaṃ putro yuvā babhūva ha || 91 ||
[Analyze grammar]

yayātiśca yuvā jātaḥ paśya lakṣmi balaṃ mama |
pitṛbhaktibalaṃ cāpi cā'psaraḥsaṃgamaṃ tathā || 92 ||
[Analyze grammar]

sarvametat phaladaṃ vai svānurūpaṃ kṣitau matam |
puruḥ rājyaṃ cakārā'pi yayātirbhogamāptavān || 93 ||
[Analyze grammar]

dhanūrājyaṃ ca chatraṃ ca gajamaśvaṃ dhanaṃ dharām |
kośaṃ veśaṃ balaṃ sarvaṃ cāmaraṃ vyajanaṃ gṛham || 94 ||
[Analyze grammar]

dadau rājā hi purave bindumatīpatistadā |
yayāvudyānabhāgaṃ covāsaikānte tayā saha || 95 ||
[Analyze grammar]

atha bindumatī prāha śṛṇu tvaddūṣaṇaṃ nṛpa |
śarmiṣṭhā devayānī ca tava bhārye hyubhe hyapi || 96 ||
[Analyze grammar]

anyāśca rājakanyāste bhāryāśataṃ bhavatyapi |
sāpatnakena bhāvena bhavān bhartā pratiṣṭhitaḥ || 97 ||
[Analyze grammar]

sasarpo'si mahārāja candanasya drumo yathā |
varamagnipraveśaṃ ca śikharātpatanaṃ varam || 98 ||
[Analyze grammar]

taṃ varaṃ naiva paśyāmi sapatnīviṣasaṃyutam |
ahaṃ rājan prabhoktrī syāṃ tava kāyasya bhūpate || 99 ||
[Analyze grammar]

ityarthe pratyayaṃ dehi mama vai svakare nṛpa |
yatra kvāpi nivāsena nā'tra sapatnikāgṛhe || 100 ||
[Analyze grammar]

rājā dadau pratyayaṃ ca tato vanādiṣu svayam |
yayau sārdhaṃ bindumatyā parvateṣu digantare || 101 ||
[Analyze grammar]

vai viṃśatisahasrāṇi varṣāṇyasya gatāni hi |
athā'psaro'bhavad garbhavatī caicchad divaṃ prati || 102 ||
[Analyze grammar]

gantumindragṛhaṃ kāmagṛhaṃ piturniveśanam |
rājānaṃ cāpi netuṃ sā mahāgrahaṃ cakāra ha || 103 ||
[Analyze grammar]

devānāṃ darśanaṃ rājan kariṣyasi divaṃ vraja |
ityuktaḥ sa tu rājarṣiḥ śuśoca vai kṣaṇaṃ hṛdi || 104 ||
[Analyze grammar]

sarvaṃ kālena bhavati kālo'yaṃ me hyupāgataḥ |
pṛthvyāstyāge vacanaṃ me satyaṃ kāryaṃ bhavedataḥ || 105 ||
[Analyze grammar]

evaṃ vicāryaṃ ca puruṃ jarāyuktaṃ sutaṃ nṛpaḥ |
āhūya nijatāruṇyaṃ dadau jagrāha vai jarām || 106 ||
[Analyze grammar]

rājyārthaṃ ca samādiśya bhaktimādiśya vaiṣṇavīm |
prajābhyaśca svajanebhyaścāśīrdatvā yayau divam || 107 ||
[Analyze grammar]

bhaktimatyaḥ prajā nārāyaṇaṃ smṛtvā ca tatparāḥ |
abhavan saha gantuṃ vai nārāyaṇaparāyaṇāḥ || 108 ||
[Analyze grammar]

divyadeho'bhavad rājā prajā divyāśca koṭiśaḥ |
abjakharvasahasrāṇi janāste parijagmire || 109 ||
[Analyze grammar]

svargaṃ gatvā ca tatraiva bindumatīṃ ratigṛhe |
nidhāya vaiṣṇavaiḥ sākaṃ viṣṇunā cā'numoditaḥ || 110 ||
[Analyze grammar]

yayātiḥ prayayau viṣṇorvaikuṇṭhaṃ vaiṣṇavaiḥ saha |
brahmalokaṃ yayuḥ sarve pūjitāścā'marādibhiḥ || 111 ||
[Analyze grammar]

evaṃ bhaktiprabhāvo'sti lakṣmi nirbandhakṛt sadā |
ahaṃ nayāmi vaikuṇṭhaṃ golokaṃ cā'kṣaraṃ param || 112 ||
[Analyze grammar]

bhaktaṃ karmasu magnaṃ vai nirbandhaṃ prakaromi ca |
rājā vaikuṇṭhamāsādya neme varāya yojitaḥ || 113 ||
[Analyze grammar]

yayāce sarvathā dāsyaṃ mayā dattaṃ hi śāśvatam |
dikpālānāmabhūt kāryaṃ prajāpravāha ityapi || 114 ||
[Analyze grammar]

paṭhanācchravaṇādasya smaraṇācca vicintanāt |
dharmo jñānaṃ virāgaśca bhaktirmokṣo bhavantyapi || 115 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne yayāteḥ svargataḥ pṛthivyāmadhikabhaktyādilābha iti tasya pṛthivyāstyāgārthamindrakṛtabindumatyāḥ pradānaṃ putrato |
yauvanapraptiścānte vaikuṇṭhagamana cetyādibhaktiprabhāvavarṇananāmā trisaptatitamo'dhyāyaḥ || 73 ||
[Analyze grammar]