Chapter 68

śrīnārāyaṇīśrīruvāca |
bhagavan bhavatā proktā vadhūgītā hi mokṣadā |
anādiśrīkṛṣṇanārāyaṇaprāptipradā'khilā || 1 ||
[Analyze grammar]

tasya te kāntavaryasya mantraṃ śrotuṃ samutsukā |
bhavāmi bhavarogāṇāṃ bheṣajaṃ parama manum || 2 ||
[Analyze grammar]

śrīhare kena mantreṇa gamyate paramaṃ padam |
tanme brūhi kṛpāsindho sarvāsāṃ mokṣahetave || 3 ||
[Analyze grammar]

śrīpuruṣottama uvāca |
śṛṇu tvaṃ śivarājñīśri mantraṃ mantravaraṃ śubham |
diṣṭyā'haṃ te'tra vakṣyāmi rahasyaṃ mama cottamam || 4 ||
[Analyze grammar]

na jānanti surāḥ sarve ṛṣayaśceśvarā api |
sargādau proktavāṃścā'haṃ brahmaṇe parameṣṭhine || 5 ||
[Analyze grammar]

vairājāya tathā mahāviṣṇave bhūmna ityapi |
vāsudevāya kṛṣṇāya nārāyaṇāya coktavān || 6 ||
[Analyze grammar]

anādiśrīkṛṣṇanārāyaṇasya me parātmanaḥ |
īśvarībhirdevikābhiḥ saha pāraṃ na yanti te || 7 ||
[Analyze grammar]

tebhyo'rthitāndadau mantrān bhaktoddhāraṇatatparān |
mama rūpasvarūpātmabalaiśvaryasamanvitān || 8 ||
[Analyze grammar]

mantro'haṃ mantrarūpo'haṃ purāṇapuruṣottamaḥ |
sakṛduccāraṇātteṣāṃ milatyeva paraṃ padam || 9 ||
[Analyze grammar]

bhuktimuktīṣṭadā lakṣmi puraścaraṇamantarā |
maddevatā mamaivaive'vatārā mantrasattamāḥ || 10 ||
[Analyze grammar]

śṛṇu lakṣmi ca mantrāṇāṃ mantraratnaṃ śubhāvaham |
satkṛtsmaraṇamātreṇa dadāti dhāma cā'kṣaram || 11 ||
[Analyze grammar]

anādiśrīkṛṣṇanārāyaṇeti śaraṇāgatam |
prapāti dharmakāmārthamokṣado manuruttamaḥ || 12 ||
[Analyze grammar]

daśārṇo'yaṃ mahāmantro daśā'vatārasaṃyutaḥ |
akāro matsyarūpo'sti nakāro narakeśarī || 13 ||
[Analyze grammar]

dakāro'tra varāhaśca śakāro hayamastakaḥ |
kakāraḥ kṛṣṇarūpaśca ṇakāro vāmanaḥ prabhuḥ || 14 ||
[Analyze grammar]

nakāraḥ paraśudhrak ca rakāro rāmabhūpatiḥ |
yakāro bodhakṛdviṣṇuḥ ṇakāraḥ kalkanāśakaḥ || 15 ||
[Analyze grammar]

evaṃ daśāvatārātmā mantro me sarvakāmadaḥ |
asyoccāraṇamātreṇa paratuṣṭo'smi sarvadā || 16 ||
[Analyze grammar]

śṛṇu lakṣmi tathā'nādiśrīstvaṃ mantre virājase |
kṛṣṇanārāyaṇaścā'haṃ virāje puruṣottamaḥ || 17 ||
[Analyze grammar]

yugalārtho'pi mantro'yaṃ yugalānāṃ sukhapradaḥ |
dampatīsukhasampattisaubhāgyarddhipramodadaḥ || 18 ||
[Analyze grammar]

vaṃśavṛddhikaro japto dhanadhānyādivardhakaḥ |
nirvighnabrahmalokādimahānandaprado manuḥ || 19 ||
[Analyze grammar]

ārogyakīrtisattāśrīrājyasvargādisampradaḥ |
mahāmantro yugalātmā sarveṣṭānandapūrakaḥ || 20 ||
[Analyze grammar]

śṛṇu lakṣmi tatra mantre rājate tu catuṣṭayam |
anādiśrīḥ svayaṃ rādhā kṛṣṇo golokabhāskaraḥ || 21 ||
[Analyze grammar]

anādiśrīśca lakṣmīrvai nārāyaṇo vikuṇṭhagaḥ |
tābhyāṃ tābhyāṃ sametābhyāṃ catuṣṭayayuto manuḥ || 22 ||
[Analyze grammar]

sarvakāmaphalāvāptiprado dhāmapradaḥ paraḥ |
sarvasaubhāgyadaścāpi manuḥ sarvārthasādhakaḥ || 23 ||
[Analyze grammar]

śṛṇu lakṣmi tathā tatra mantre paraṃ catuṣṭayam |
anādino hi ye muktāḥ śriyo muktānikāgaṇāḥ || 24 ||
[Analyze grammar]

gopā gopyaśca vai tābhiryuktaḥ kṛṣṇaḥ svayaṃ prabhuḥ |
nārāyaṇastathā cāhaṃ catuṣṭayamidaṃ hi tat || 25 ||
[Analyze grammar]

muktamuktānikāyuktanārāyaṇo'hameva ca |
gopagopīyuktakṛṣṇo golokavāsavāṃstathā || 26 ||
[Analyze grammar]

śṛṇu lakṣmi tathā tatra mantre ṣaṭkaṃ paraṃ sthitam |
aśabda oṃvācakaśca nādo brahmaparastathā || 27 ||
[Analyze grammar]

nādo'syā'stīti nādī vai vedaḥ svayaṃ tathā mataḥ |
nādino vai sarvavedā oṃviśiṣṭāḥ sadā śubhāḥ || 28 ||
[Analyze grammar]

śriyaḥ sarvāḥ śaktayaścāṃ'ganā brāhmyo matisthitāḥ |
yidyātmikā hi tā bodhyā brahmavidyātmikā hi tāḥ || 29 ||
[Analyze grammar]

kṛṣṇaśca mokṣadāḥ sarve'vatārāścātra kīrtitāḥ |
nārāścātra samagrāśca santaḥ sādhvyaśca mokṣadāḥ || 30 ||
[Analyze grammar]

tatra sarvatrā''yanaṃ vai yasya śrīparamātmanaḥ |
oṃkāre cāpi vedeṣu vidyāsvavatāreṣu ca || 31 ||
[Analyze grammar]

sādhusādhvīṣu vāsī yaḥ so'haṃ mantre nirūpitaḥ |
śṛṇu lakṣmi trayaṃ tatra mantre sthitaṃ vadāmi te || 32 ||
[Analyze grammar]

anādi cākṣaraṃ dhāma śrīkṛṣṇāśceśvarālayāḥ |
nārā brahmāṇḍavrātāśca tatrā'yanaṃ karomyaham || 33 ||
[Analyze grammar]

evaṃ sṛṣṭitrayā'ntaḥsthaścā'haṃ śrīpuruṣottamaḥ |
sarvakāmapradaścā'smi nibodhārthaṃ parārthakam || 34 ||
[Analyze grammar]

śṛṇu lakṣmi dvyarthamatra jaḍacetanasaṃjñitam |
anādiśrīrmahāmāyā prakṛtiḥ śaktirācyutī || 35 ||
[Analyze grammar]

kṛṣṇanārāyaṇaścā'haṃ tatrasthaḥ puruṣottamaḥ |
ityevaṃ tatra mantrārthe jñānadaṃ bodhayedapi || 36 ||
[Analyze grammar]

śṛṇu lakṣmi tathā tatra svatantramarthamityapi |
akāro vāsudevaśca naśca nārāyaṇastathā || 37 ||
[Analyze grammar]

daśca devāḥ samastāśca śrīśca sarvā hi śaktayaḥ |
kṛśca kṛṣṇādyavatārāḥ ṣṇaḥ ṣirā nālajohyajaḥ || 38 ||
[Analyze grammar]

no vā niyāmyamuktādyāḥ raśca ṛṣigaṇāstathā |
yaśca yogīśvaraḥ śaṃbhuḥ ṇaśca niyāmako'pyaham || 39 ||
[Analyze grammar]

viśiṣṭaṃ sarvamevaitanmantrārthe veśitaṃ priye |
śṛṇu lakṣmi tathā cā'nyaṃ mantrārthaṃ śobhanaṃ śubham || 40 ||
[Analyze grammar]

ādirjanma ca tadyeṣāṃ nāsti te śāśvatā matāḥ |
śrīśca tvaṃ śāśvatī lakṣmīḥ kṛṣṇo'haṃ śāśvatastathā || 41 ||
[Analyze grammar]

nṛṣyātmasu nivasāmi śrīkṛṣṇo'haṃ manusthitaḥ |
śāśvataścā'ntaryāmī ca mantrārthaḥ śobhanaḥ śubhaḥ || 42 ||
[Analyze grammar]

śreṣṭho'yaṃ mantramūrdhanyastubhyaṃ me kathito manuḥ |
nā'smātparo bhavenmantraḥ sarvamantrottamottamaḥ || 43 ||
[Analyze grammar]

athā'paro manurlakṣmīnārāyaṇo'pi me mataḥ |
lakṣmīstvaṃ śrīḥ hariścā'haṃ nārāyaṇaḥ paraḥ prabhuḥ || 44 ||
[Analyze grammar]

lakṣmaṃ matpātivratyaṃ vai yāsāmastīti tāḥ striyaḥ |
lakṣmyo brahmapriyāḥ sarvā mama patnyastu koṭiśaḥ || 45 ||
[Analyze grammar]

nārā nāryo mama sarvā muktānikā haripriyāḥ |
lakṣmīṣu cāpi nārāsu ayanaṃ mama sarvathā || 46 ||
[Analyze grammar]

lakṣmīnārāyaṇaḥ so'haṃ mantrārthaste niveditaḥ |
lakṣmaṃ mattilakaṃ cihnaṃ śaṃkhacakrāṃkanādi ca || 47 ||
[Analyze grammar]

tadvanto lakṣmiṇaḥ sarve bhaktā nārīnarādayaḥ |
tādṛśā ye cetanā vai nārāḥ sarve mamā''śritāḥ || 48 ||
[Analyze grammar]

teṣu prāptamayanaṃ me tenā'haṃ mantrahṛdgataḥ |
lāntikarmaphalaṃ yasmāt lāśca brahmāṇḍavāsinaḥ || 49 ||
[Analyze grammar]

kṣamante cāpi puṣyanti kṣāścaiśvaryapareśvarāḥ |
mīyante brahmaloke ye māśca muktādayastathā || 50 ||
[Analyze grammar]

nārā māyājatattvāni teṣu prāpto'yanaṃ tu yaḥ |
so'haṃ pareśvaro lakṣmi viśiṣṭo mantrahṛdgataḥ || 51 ||
[Analyze grammar]

athā'paro manuḥ śrīmannārāyaṇeti me mataḥ |
śrayante māṃ cetanāśca jaḍāścāśrayamāgatāḥ || 52 ||
[Analyze grammar]

tadvān śrīmānahaṃ nārāyaṇaḥ śrīpuruṣottamaḥ |
śrīstvaṃ tadvānahaṃ nārā nāryo me koṭiśastviha || 53 ||
[Analyze grammar]

tvayā sākaṃ pratiṣṭho'haṃ tāsu madhye sadā prabhuḥ |
śrīmānahaṃ jale cāsmi kṣīrode tena vā tathā || 54 ||
[Analyze grammar]

śrīmannāraṃ cā'kṣaraṃ me dhāma tatra sthitirmama |
tena tayā bhavāmyeva śrīmannārāyaṇaḥ prabhuḥ || 55 ||
[Analyze grammar]

śrīkṛṣṇovallabhaśceti mantro'yaṃ prāptibodhakaḥ |
śrīkṛṣṇavat labhyate yaḥ śrīpatiḥ puruṣottamaḥ || 56 ||
[Analyze grammar]

narāṇāṃ cāpi nārīṇāṃ kṛpayā sulabho'smi vai |
puruṣottamamāse'pi sulabhaḥ kṛpayā'smi ca || 57 ||
[Analyze grammar]

sṛṣṭau sṛṣṭau tathā kalpe kalpe kṛṣṇo bhavāmyaham |
gopīnāṃ sulabhaścā'smi gopānāṃ cānyadehinām || 58 ||
[Analyze grammar]

golokasthaḥ svayaṃ kṛṣṇo yathā'haṃ sulabhaḥ kṣitau |
tathā cā'kṣaradhāmasthaḥ sulabho'haṃ pareśvaraḥ || 59 ||
[Analyze grammar]

kalpe kalpe bhavāmyatra kṣitau kṛpālabhaḥ svayam |
anādiśrīkṛṣṇanārāyaṇaḥ śrīpuruṣāttamaḥ || 60 ||
[Analyze grammar]

evaṃ vai sulabho lakṣmi mantraḥ śrīkṛṣṇavallabhaḥ |
śrīkṛṣṇo vallabho me'sti rūpaṃ dhṛtaṃ mayā hi tat || 61 ||
[Analyze grammar]

rādhāyā rañjanādyarthaṃ gopīnāṃ modakārakam |
sarveṣāṃ sulabhaṃ rūpaṃ śrīkṛṣṇo vallabho'pyaham || 62 ||
[Analyze grammar]

svāmī vai vallabhaḥ kāntaḥ patiḥ śrīpuruṣottamaḥ |
so'hamākṛṣya madbhaktān nayāmi dhāma me param || 63 ||
[Analyze grammar]

so'haṃ svāmī patiḥ śrīyuk kṛṣṇo brahmaparaḥ prabhuḥ |
śrīkṛṣṇovallabhaścāhaṃ mantrārthe'smi hariḥ svayam || 64 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
mantroccāraṇamātreṇa parituṣṭo'smi sarvadā || 65 ||
[Analyze grammar]

sarve varṇā āśramāśca narā nāryo napuṃsakāḥ |
mantrādhikāriṇaḥ sarve saṃkarāścāpyasaṃskṛtāḥ || 66 ||
[Analyze grammar]

nāgāḥ sarpā dānavāśca daityāśca rākṣasā api |
mantrādhikāriṇaḥ sarve kiṃ punarmānavāḥ kṣitau || 67 ||
[Analyze grammar]

paśavaḥ pakṣiṇaścāpi jantavaḥ pādapā api |
dehinaḥ sarva evaite mantrādhikārayoginaḥ || 68 ||
[Analyze grammar]

śrāvito'yaṃ tiraścāṃ hi mokṣado mama vai manuḥ |
yakṣagandharvasūtāśca piśācāḥ kinnarāḥ khagāḥ || 69 ||
[Analyze grammar]

kiṃpuruṣāḥ puṇyajanā bhūtāḥ pretāśca devatāḥ |
vināyakāśca vetālā gaṇāśca gaṇikāstathā || 70 ||
[Analyze grammar]

yoginyaśca yatinyaśca sādhvyaḥ pativratāstathā |
snuṣā vṛddhāśca bālāśca bālakāḥ stanyapā api || 71 ||
[Analyze grammar]

vasavaśca ṛṣayaśca rudrāḥ sūryāśca candramāḥ |
kāmaśca manavaścāpi mahendrādyāḥ surā api || 72 ||
[Analyze grammar]

lokapālāśca dikpālā nakṣatrāṇi grahāstathā |
tārakā mānavāścāpi siddhāśca cāraṇāstathā || 73 ||
[Analyze grammar]

nṛpāḥ prajā yamaścāpi yamadūtāstatheśvarāḥ |
īśvarāṇyo brahmaśīlāstāmasā rājasāstathā || 74 ||
[Analyze grammar]

sattvavanto dhāmavāsāḥ sarve mantrā'dhikāriṇaḥ |
guroḥ prāpya paraṃ mantraṃ cātmānaṃ mocayed bhavāt || 75 ||
[Analyze grammar]

mantrādhikāriṇaḥ sarve mama bhaktā mamā''śritāḥ |
śaraṇyaḥ śaraṇānāṃ ca tathaivā'nanyasevinām || 76 ||
[Analyze grammar]

ananyasādhanānāṃ ca sādhanaṃ mantra uttamaḥ |
ārttānāmāśu phalado japtaḥ sakṛtacca vā muhuḥ || 77 ||
[Analyze grammar]

dīptānāṃ dehināṃ cāpi janmāntaranivārakaḥ |
sarveṣāṃ mokṣadaścāpi mantro mama caturvidhaḥ || 78 ||
[Analyze grammar]

duḥkhī svārthī vivekī vā tadicchuko'dhikāravān |
śaraṇaṃ prāpyā''pya manuṃ muktiphalamavāpnuyāt || 79 ||
[Analyze grammar]

dīkṣitaścāpi bhaktaśca nirmānī cāstikaḥ kṛtī |
kṛtajñaḥ śraddhayā yuktaḥ śuśrūṣurdoṣavarjitaḥ || 80 ||
[Analyze grammar]

mattādātmyakriyāyogyo gṛhṇīyānmanumuttamam |
pāpināmapi vaktavyaḥ śodhako bhavanāśakaḥ || 81 ||
[Analyze grammar]

api māṃsādanaḥ śuddhyet kiṃ punardharmamārgagaḥ |
api vyavāyakṛcchuddhyet kiṃ punaḥ śīlamārgagaḥ || 82 ||
[Analyze grammar]

api cauryaparaḥ śuddhyet kiṃ punarnyāyamārgagaḥ |
surāpaścāpi śuddhyedvai kiṃ punarvipradharmavān || 83 ||
[Analyze grammar]

deśakālādiniyamo vidyate grahaṇe'sya na |
snānadānādiniyamo vidyate grahaṇe'sya na || 84 ||
[Analyze grammar]

vratotsavādiniyamo vidyate grahaṇe'sya na |
nārīnarādiniyamo vidyate grahaṇe'sya na || 85 ||
[Analyze grammar]

gurorgrāhyo vaiṣṇavādvai gurvyāśca niyamo'sya vai |
grahaṇe sati bhaktena bhāvyaṃ bhaktyā sadā mama || 86 ||
[Analyze grammar]

maccihnāṃ'kitadehena madīyārādhanena ca |
mayi karmārpaṇenaiva me śaraṇāgatena ca || 87 ||
[Analyze grammar]

mayi phalārpaṇenāpi mayi viśvastavartinā |
ananyasādhanenāpi sarvārpaṇena vai mayi || 88 ||
[Analyze grammar]

ananyadevatākena bhāvyaṃ bhāgavatena vai |
ityevaṃ niyamāḥ pālyā bhaktena mantragrāhiṇā || 89 ||
[Analyze grammar]

tasyā'nādikṛṣṇanārāyaṇaścāhamṛṣiḥ prabhuḥ |
devatāśca śriyā yuktā brahmapriyā mamāṃ'śajāḥ || 90 ||
[Analyze grammar]

brahmapriyāśrīsahitaḥ paro devo'smi vai manau |
chando gāyatrītibodhyo daśākṣaro manurhi me || 91 ||
[Analyze grammar]

ṣaḍakṣarastathā ṣaḍakṣaraḥ ṣaḍakṣarastathā |
manavo me trayaścā'nye tān cāṃ'geṣu niyojayet || 92 ||
[Analyze grammar]

daśākṣaraṃ daśāṃgeṣu mūrddhanetrā''naneṣu ca |
grīvābāhuhṛdayeṣūdarakaṭyūrupatsu ca || 93 ||
[Analyze grammar]

ṣaḍakṣaraṃ cottamāṃge grīvāyāṃ bhujayorhṛdi |
udare cāpi sakthnośca pādayośceti vai nyaset || 94 ||
[Analyze grammar]

dhyānaṃ lakṣmīsahitasya nārāyaṇasya me matam |
tathā yathārthadevānāṃ dhyānaṃ madanvitaṃ matam || 95 ||
[Analyze grammar]

kambharābālakaṃ śrīmadgopālakṛṣṇanandanam |
anādiśrīkṛṣṇanārāyaṇaṃ māṃ pūjayettataḥ || 96 ||
[Analyze grammar]

śaṃkhacakragadāpadmapāṇinaṃ kamalāpatim |
śūlamīnadhvajadhanuścakrasvastiyutaṃ harim || 97 ||
[Analyze grammar]

vāmāṃ'kasthaśriyā yuktaṃ lakṣmīśaṃ parameśvaram |
pūjayed gandhapuṣpādyairnaivedyaiścāmbarādibhiḥ || 98 ||
[Analyze grammar]

vibhūṣaṇaiśca śṛṃgārairnīrājanaiḥ stavādibhiḥ |
pradakṣiṇairdakṣiṇābhirnṛtyakīrtanagāyanaiḥ || 99 ||
[Analyze grammar]

visarjanādyaiścaivaṃ me kuryāt prapūjanaṃ priye |
dānaṃ dadyād yathāśakti sadbhyaḥ satībhya uttamam || 100 ||
[Analyze grammar]

bhojayed rāmayeccāpi rañjayet sevayet tathā |
vaiṣṇavatvena tiṣṭhecca varteta dāsyabhāvataḥ || 101 ||
[Analyze grammar]

kuryādvai bhajanaṃ nityaṃ mantrairiṣṭaiḥ sahasrakam |
śatamālā japedvāpi mālāmekāṃ japecca vā || 102 ||
[Analyze grammar]

daśavāraṃ japedvāpi nityaṃ prātarniśāmukhe |
madhyāhe'pi japedvā'pi mokṣado'haṃ bhavāmi vai || 103 ||
[Analyze grammar]

sakāmānāṃ sampadāṃ vai pradātā'haṃ bhavāmi ca |
niṣkāmānāṃ śreyasāṃ vai pradātā'haṃ bhavāmi ca || 104 ||
[Analyze grammar]

ityevaṃ kathitaṃ lakṣmi rahasyaṃ me manostava |
japennārī naro vāpi dadyācca dehine'rthine || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne mahāmantrarahasye mantratadarthanyāsādinirūpaṇanāmā'ṣṭaṣaṣṭitamo'dhyāyaḥ || 68 ||
[Analyze grammar]