Chapter 67

śrīpuruṣottama uvāca |
śṛṇu nārāyaṇīśri tvaṃ hṛdyaṃ nivedayāmi te |
ahaṃ vai sarvajīvānāṃ sādhāraṇo mahāprabhuḥ || 1 ||
[Analyze grammar]

māmārādhyaiva sarve'tra sṛṣṭāvaiśvaryaśālinaḥ |
bhavantyeva tatastebhyo dadāmyaiśvaryamarthitam || 2 ||
[Analyze grammar]

yathākarmaphalaṃ deyaṃ nyāyo'yaṃ mama sarvadā |
prasannatā phalaṃ riktaṃ viśeṣo'yaṃ mama gṛhe || 3 ||
[Analyze grammar]

paritoṣikarūpā me prasannatā hi sevake |
kāryakare yatnavati prasannatā nisargajā || 4 ||
[Analyze grammar]

nāryā nare ca vā sṛṣṭau karomi yatra tatra vā |
pārvatyāṃ cāpi sāmudryāṃ dvīpinyāṃ vā'nyayoṣiti || 5 ||
[Analyze grammar]

hārityāṃ vā'pyamaryāṃ vā gauryāṃ paryāṃ ca vā tathā |
rāśiyānyāṃ ca vā brāhmyāṃ raudryāṃ vaninyāṃ yoṣiti || 6 ||
[Analyze grammar]

mānasyāṃ vā tatheśānyāṃ daridrāyāṃ tathā ca vā |
antyajāyāṃ pūrvajāyāṃ madhyajāyāṃ tathāpi vā || 7 ||
[Analyze grammar]

dhīvaryāṃ vā śabaryāṃ vā yavanyāṃ vā tathā punaḥ |
piśaṃgyāṃ prācīnakāyāṃ cābriktāyāmathāpi vā || 8 ||
[Analyze grammar]

śvetāyāṃ vāpi kṛṣṇāyāṃ citrāyāṃ vāpi yoṣiti |
tathāvidhe nare vāpi bhakte deve tathārṣake || 9 ||
[Analyze grammar]

īśvare vāpi mukte vā yatra prasannatā mama |
tatra tatra hi sarveṣāṃ ratnānāṃ syādasaṃkhyatā || 10 ||
[Analyze grammar]

aiśvaryāṇāṃ samastānāṃ siddhīnāṃ syādasaṃkhyatā |
sampadāṃ ca samastānāmṛddhīnāṃ syādasaṃkhyatā || 11 ||
[Analyze grammar]

ānandānāṃ sukhānāṃ ca pramodānāmasaṃkhyatā |
utsavānāṃ tathotsāhavilāsānāmasaṃkhyatā || 12 ||
[Analyze grammar]

lakṣmīnāṃ śreyasāṃ cāpi bhogyānāṃ syādasaṃkhyatā |
sarveṣāmapi kāmānāṃ tṛptīnāṃ syādasaṃkhyatā || 13 ||
[Analyze grammar]

yatrā'haṃ ca prasannaḥ syāṃ pāritoṣikarūpavān |
tatrā'kṣaraṃ padaṃ me ca svargaॆ paraṃ vasatyapi || 14 ||
[Analyze grammar]

vada lakṣmi kathaṃkāraṃ nyūnatvaṃ saṃbhavettataḥ |
sarvaṃ divyaॆ bhavatyeva sarvaॆ sarvottamaṃ mama || 15 ||
[Analyze grammar]

bhaktagṛhaṃ mama gṛhaṃ bhakto'haṃ cā'hameva saḥ |
ityevaṃ vartate hṛdyaṃ tatkuṭumbaṃ mamaiva ha || 16 ||
[Analyze grammar]

mama sarvaṃ ca bhaktasya bhedo manāṅ na vidyate |
kā māyā kaśca kālo vā prabhurvai manniveśane || 17 ||
[Analyze grammar]

yatrā'haṃ saṃvasāmyeva dhāmā'kṣaraṃ paraṃ hi tat |
mṛttikāgṛharūpaṃ vai śāśvataṃ tatparaṃ padam || 18 ||
[Analyze grammar]

yatrā'haṃ nāsmi tatsaudhaṃ vimānamapi nārakam |
yatrā'haṃ na vasāmyeṣā bhūmiḥ śmaśānarūpiṇī |
yatrā'haṃ sevito naiva ramaṇī sā'pi rākṣasī || 19 ||
[Analyze grammar]

nā''śliṣṭo'haṃ yayā lakṣmi sā bhūtī ca piśācinī |
yenā'haṃ vandito naiva samāśliṣṭo na mādhavaḥ || 20 ||
[Analyze grammar]

sa cātra vidyate bhūto rākṣaso janmakhādakaḥ |
māmāśritya piśācāśca bhavanti devatottamāḥ || 21 ||
[Analyze grammar]

piśācinyo'pi māṃ prāpya jāyante brahmayoṣitaḥ |
doṣāḥ piśācāstadvatyaḥ piśācinyo bhavanti vai || 22 ||
[Analyze grammar]

guṇā muktā hi tadvatyo muktānyastā bhavanti vai |
ahaṃbrahmetijñāninyo brahmapatnyo bhavanti vai || 23 ||
[Analyze grammar]

parabrahmaśritāḥ sarvā haripatnyo bhavanti vai |
hariṃ māṃ vai parityajya tapo duḥkhaṃ kathaṃ caret || 24 ||
[Analyze grammar]

pareśena vinā kācinnaiva siddhimavāpnuyāt |
brahmaṇā nirmitā dehā dehadharmā hyanantakāḥ || 25 ||
[Analyze grammar]

brahmadharmā dehadharmā mano dharmāstathā''ntarāḥ |
lokadharmāstathā tena nirmitāḥ sarvasaukhyadāḥ || 26 ||
[Analyze grammar]

mama dharmāstu nityā vai brahmāpi nirmito mayā |
mama nityān parān dharmānāśritya māṃ prayāti saḥ || 27 ||
[Analyze grammar]

mama prasannatā hyeva dharmo me divyatāpradaḥ |
brahmadharmān susatkṛtya mama dharmān samācaret || 28 ||
[Analyze grammar]

kartavyaṃ vidyate nā'syā mama dharmārthayoṣitaḥ |
svadharmo'yaṃ mama dharmaḥ śuklaśca nirguṇaśca saḥ || 29 ||
[Analyze grammar]

śukladharmeṇa vai stheyaṃ śuklaṃ deyaṃ na me sadā |
svalpaṃ śuklaṃ ca me dattamānantyāya prajāyate || 30 ||
[Analyze grammar]

śuklaṃ madarthamevā'tra līlayā'pi kṛtaṃ ca vā |
indriyādyaiḥ kṛtaṃ vāpi śuklaṃ dhāmani cāpyate || 31 ||
[Analyze grammar]

puṇyaṃ śuklaṃ mama kāryaṃ tadvato'ghaṃ na jāyate |
duḥkhaṃ naiva tathā māyā naiva janma kuto mṛtiḥ || 32 ||
[Analyze grammar]

tasmāt stheyaṃ sadānandapūrṇatayā madāśritaiḥ |
māmanāśritya bandhena karmaṇā'tra vahanti ye || 33 ||
[Analyze grammar]

bhāraṃ vai vāsanājanyaṃ te bhavanti punaḥ punaḥ |
śākhāmṛgo yathā yāti prativṛkṣaṃ tathā hi saḥ || 34 ||
[Analyze grammar]

nīyate karmaṇā jīvaḥ saṃsāravanayoniṣu |
krīḍārthaṃ kanduko yadvat kṣipyate raṃgabālakaiḥ || 35 ||
[Analyze grammar]

tathā'yaṃ karmabhiḥ kṣetre kṣipyate māyike stare |
baddho'śvo na svatantro'sti vihartuṃ yātumeva vā || 36 ||
[Analyze grammar]

karmabaddho na svatantraḥ surarṣipitṛmānuṣe |
manuṣyā bhūtale śreṣṭhāḥ kintu te pakṣavarjitāḥ || 37 ||
[Analyze grammar]

pakṣiṇo vyomagāścāpi hastasādhanavarjitāḥ |
devā divyasvarūpāśca kṣitisthaulyādivarjitāḥ || 38 ||
[Analyze grammar]

nāryo rūpaguṇāḍhyāśca niyāmyāstāstathākṛtāḥ |
vṛddhāḥ pūjyā nirmitāśca kintvadhikāravarjitāḥ || 39 ||
[Analyze grammar]

sādhikārā yuvānaśca dīrghānubhavavarjitāḥ |
gajo hi balavānāste kintu sādhanavarjitaḥ || 40 ||
[Analyze grammar]

siṃho vai balavān rājā paśustāmasasattamaḥ |
hariṇaḥ pāvanaścāste kintu vanyaḥ paśuḥ kṛtaḥ || 41 ||
[Analyze grammar]

viprā vidyānidhayo'pi dāridryaroṣapīḍitāḥ |
kākāḥ śakunacaturāḥ kintu malinayonijāḥ || 42 ||
[Analyze grammar]

maṇayo mauktikāḥ śreṣṭhāḥ kintu te durlabhāḥ kṛtāḥ |
kaṭutṛṇāni bahūni miṣṭāni durlabhāni vai || 43 ||
[Analyze grammar]

sulabhā vai kāpuruṣā durlabhāḥ sādhavaḥ priye |
satyaḥ sādhvyo durlabhāśca sulabhā vārayoṣitaḥ || 44 ||
[Analyze grammar]

patrāṇi santi bahūni phalāni durlabhāni vai |
bhoginaḥ santi sulabhā durlabhāstu virāgiṇaḥ || 45 ||
[Analyze grammar]

kīṭakāḥ santi sarvatra phaṇādhrā durlabhāḥ priye |
maraṇaṃ sulabhaṃ lakṣmi cāmṛtaṃ durlabhaṃ bahu || 46 ||
[Analyze grammar]

kalahaḥ sulabho lakṣmi melanaṃ durlabhaṃ bahu |
svārthaḥ sarvatra sulabhaḥ parārtho durlabhaḥ sadā || 47 ||
[Analyze grammar]

bhogastu sulabho lakṣmi mokṣo'sti durlabhaḥ sadā |
pumāṃsaḥ sulabhā lakṣmi pumuttamastu durlabhaḥ || 48 ||
[Analyze grammar]

puruṣaḥ sulabhaścāste durlabhaḥ puruṣottamaḥ |
nāryaḥ sarvatra labhyante nārāyaṇī tu durlabhā || 49 ||
[Analyze grammar]

udyogaḥ sarvathā prāpyaḥ sevā tu durlabhā priye |
dehastu bahudhā labhyaścā''tmā vai durlabhaḥ priye || 50 ||
[Analyze grammar]

gṛhaṃ tu sulabhaṃ labhyaṃ dhāmā'kṣaraṃ tu durlabham |
garbhastu sulabho lakṣmi hiraṇyagarbho hi durlabhaḥ || 51 ||
[Analyze grammar]

khanayaḥ sulabhā lakṣmi brahmaśṛṃgaṃ hi durlabham |
vāsanāḥ sulabhā lakṣmi vāsudevo hi durlabhaḥ || 52 ||
[Analyze grammar]

patayaḥ sulabhā lakṣmi durlabhaḥ śāśvataḥ patiḥ |
svāminaḥ sulabhā loke parasvāmī hi durlabhaḥ || 13 ||
[Analyze grammar]

sarvaṃ vai sulabhaṃ lakṣmi kṛṣṇo'haṃ durlabhaḥ sadā |
māyā vai sulabhā loke māyeśo'haṃ tu durlabhaḥ || 54 ||
[Analyze grammar]

samarthasvāminā lakṣmi karmayonirnirasyate |
karmabaddhaṃ jagatsarvaṃ kṛṣṇo'haṃ tārayāmi vai || 55 ||
[Analyze grammar]

toyaṃ sarvatra sulabhaṃ viṣṇupadvāri durlabham |
durlabheṣu samasteṣu viṣṇupadaṃ hi durlabham || 56 ||
[Analyze grammar]

durlabhaṃ sulabhaṃ bhaktimatāṃ karomi sarvathā |
evaṃ kṛtvā sevināṃ me karma sarvaṃ hi muktidam || 57 ||
[Analyze grammar]

vada lakṣmi kṛpā me'tra kāraṇaṃ pāritoṣikam |
tallabdhvā puṇyamutkṛṣṭaṃ mamā''nandapadaṃ vrajet || 58 ||
[Analyze grammar]

mayi tyāgo durlabho vai tadanyaḥ sulabhaḥ khalu |
mayi nyāso durlabho vai tadanyaḥ sulabhaḥ sadā || 59 ||
[Analyze grammar]

anyārpaṇaṃ tu sulabhaṃ mayyarpaṇaṃ hi durlabham |
anyayatno'pi sulabho madarthaḥ sa tu durlabhaḥ || 60 ||
[Analyze grammar]

anyārthatā hi sulabhā madarthatā hi durlabhā |
anyavadhūtvaṃ sulabhaṃ vadhūtvaṃ mama durlabham || 61 ||
[Analyze grammar]

māyikaṃ sulabhaṃ sarvaṃ madīyaṃ durlabhaṃ priye |
kṛtaśrayā vijānāti hyaśramāyā na vedanam || 62 ||
[Analyze grammar]

kiyadyatnena labhyo'haṃ jānāti śrīrnarāyaṇī |
satī haimī vijānāti kathaṃ labhyo hi śaṃkaraḥ || 63 ||
[Analyze grammar]

māṇikyā'śvī vijānāti kathaṃ dhārmirhi labhyate |
rādhā kṛṣṇā ca kamalā vijānanti pariśramam || 64 ||
[Analyze grammar]

gāyatrī naiva jānāti naiva jānāti cābdhijā |
padmāvatī vijānāti kathaṃ labhyaḥ pareśvaraḥ || 65 ||
[Analyze grammar]

labdhakṛpāṃśavanitā na jānāti tapaḥśramam |
jānanti yogino yuktāḥ sādhvyo jānanti tacchramam || 66 ||
[Analyze grammar]

yoginyaśca vijānanti tāpasyo dehaśoṣikāḥ |
tvaṃ lakṣmi kiṃ vijānāsi hanūmatparvate tapaḥ || 67 ||
[Analyze grammar]

kṛtvā śrameṇa labdhavatyasi māṃ puruṣottamam |
mṛtyorvinimaye labhyo bhavāmi nā'nyathā priye || 68 ||
[Analyze grammar]

bāhyaṃ ca mānasaṃ sarvaṃ madarthaṃ yasya jīvitam |
madarthaṃ tyajanaṃ sarvaṃ sa māṃ prāpnoti vai śramāt || 69 ||
[Analyze grammar]

madarthaṃ yasya sarvasvaṃ yasyā madarthinī kṛtiḥ |
yasyāstyāgā madarthāśca sā māṃ prāpnoti vai śramāt || 70 ||
[Analyze grammar]

śuddhagehā''ptakāyā ca yoginī yogiputrikā |
madarthakṛtasarvasvā māṃ prāpnotīva bhārgavī || 71 ||
[Analyze grammar]

yoge māṃ yoginaṃ vetti dhyānaṃ māṃ ca smaratyapi |
madarthakṛtasarvasvā padmevā''pnoti sā hi mām || 72 ||
[Analyze grammar]

svalpayatnā'pi kalyāṇī madarthavirahāturā |
cidānandamayaṃ māṃ sā hyavāpnotīva mādhavī || 73 ||
[Analyze grammar]

sarvakāmakṛtā yajñā mayyeva sarvasaukhyadāḥ |
nityaṃ saukhyaṃ labhante tā bhaktimatyo mayi sthitāḥ || 74 ||
[Analyze grammar]

sarvākṣarapadaṃ rājyaṃ sarveśvaragataṃ sukham |
sarvāvatārānandādi labhate mama bhāminī || 75 ||
[Analyze grammar]

yasyā matirna bhidyeta madanyakāmanādibhiḥ |
sā māṃ tu durlabhaṃ kāntaṃ kṛtvā sulabhameti vai || 76 ||
[Analyze grammar]

kṛṣṇasevāparāṃ nārīṃ kālo yamaśca muñcataḥ |
aparādhasahasrāṃ vā karomi doṣavarjitām || 77 ||
[Analyze grammar]

rakṣako'haṃ hṛdayastho bahistiṣṭhāmi satvaram |
durlabho'pi bhavāmyeva sulabho gopaveśmavat || 78 ||
[Analyze grammar]

durlabho'pi bhavāmyeva sulabho vāmano yathā |
sudūro'pi bhavāmyeva nikaṭastho gajārthavat || 79 ||
[Analyze grammar]

adṛśyo'pi bhavāmīva dṛśyo prahlādakāṣṭhagaḥ |
agamyo'pi bhavāmyeva gamyaḥ svapatirīśavat || 80 ||
[Analyze grammar]

sarvaṃ snehārpaṇāllakṣmi dadāmi vitarāmi ca |
durlabhaṃ sulabhaṃ sarvaṃ sevikārthaṃ karomi ca || 81 ||
[Analyze grammar]

tvadarthaṃ kriyate sarvaṃ bhaktārthaṃ kriyate tathā |
brahmapriyārthaṃ kriyate sarvaṃ bhaktyā vaśena ha || 82 ||
[Analyze grammar]

ityevaṃ māṃ viditvaiva yā janmāntaṃ karoti sā |
divyaśrīriva sampannā madīyā jāyate'kṣare || 83 ||
[Analyze grammar]

svapanti mohanidrāyāṃ śarīrasukhamohitāḥ |
upadeśena me cedvai jāgṛtiṃ yānti bodhitāḥ || 84 ||
[Analyze grammar]

tadā labhyaṃ patiṃ kāntaṃ māṃ prayānti pumuttamam |
narā nāryaḥ sadā muktā bhavanti divyavigrahāḥ || 85 ||
[Analyze grammar]

divyānandabharā nityaṃ nyūnasaukhyaṃ na vidyate |
paripūrṇaṃ sukhaṃ sarvaṃ tatra loke pravidyate || 86 ||
[Analyze grammar]

manmūrtāviva sākṣācca mayyevānandaśevadhiḥ |
ānandānāṃ pravāhā vai sravante mama mūrtitaḥ || 87 ||
[Analyze grammar]

madbhaktānānandayitvā praviśanti ca te mayi |
manmūrtito hi niryānti prakṛṣṭānandavārdhayaḥ || 88 ||
[Analyze grammar]

madbhaktāsu ciraṃ sthitvā punaścāyānti vai mayi |
ete sarve mahānandā hrāsaṃ vrajanti naiva ha || 89 ||
[Analyze grammar]

nyūnā bhavanti naivāpi sāntā bhavanti naiva ca |
pravāhāṇāṃ pravāhāśca svecchājanyā bhavanti vai || 90 ||
[Analyze grammar]

akṣayā vardhamānāśca mama mūrtisuyogajāḥ |
brahmānandaḥ sa evāste muktānāṃ mama dhāmani || 91 ||
[Analyze grammar]

bhuṃkṣva taṃ paramānandaṃ sarvābhiḥ saha padmaje |
etāstvatkaragā ālyaḥ sakhyaste svasṛsaṃjñitāḥ || 92 ||
[Analyze grammar]

sapatnyaḥ koṭyabjalakṣārbudā manmayamūrtayaḥ |
tvadabhinnā hi tāḥ sarvā madabhinnā bhavantyapi || 93 ||
[Analyze grammar]

tato bhinnā hi me mūrtermadātmikā guṇātmikāḥ |
macchaktayaśca tāḥ sarvā mayā''jñaptāḥ striyo'bhavan || 94 ||
[Analyze grammar]

māṃ ca prāpya mayā naijasvarūpātmatvamāpitāḥ |
mayā sarvapṛthivyāṃ vai gatvā svayaṃ hi mārgitāḥ || 95 ||
[Analyze grammar]

anviṣya nijakāntātvaṃ prāpitā mama śaktayaḥ |
vadhūdharmān puraskṛtya bhuñjantāṃ nanditaṃ hi mām || 96 ||
[Analyze grammar]

akṣaraṃ cā'kṣayaṃ cā'pyavyayaṃ śāśvatamuttamam |
sarvānandanidhānaṃ māṃ bhuñjantāṃ parameśvaram || 97 ||
[Analyze grammar]

yā kācinmāṃ puraskṛtya kṛtvā māṃ hṛdi sarvathā |
vadhūgītāṃ maduktāṃ ca śrutvā kāntaṃ sanātanam || 98 ||
[Analyze grammar]

icchiṣyanti nijānandaṃ śrīpatiṃ puruṣottamam |
tāsāṃ prāpto bhaviṣyāmi grahīṣyāmi ca tatkaram || 99 ||
[Analyze grammar]

neṣyāmi paramaṃ dhāma kariṣye svāminīṃ hi tām |
muktānikāṃ brahmapriyāṃ kariṣye tāṃ haripriyām || 100 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ hareḥ kṛpāsarvasvaphalanirūpaṇanāmā saptaṣaṣṭitamo'dhyāyaḥ || 67 ||
[Analyze grammar]