Chapter 66

śrīpuruṣottama uvāca |
śṛṇu tvaṃ śivarājñīśri caiko'haṃ bahudhā'pi ca |
nāmarūpavibhedena yugabhedena vai tathā || 1 ||
[Analyze grammar]

bhaktabhedena ca kāryabhedena saṃbhavāmi vai |
pratyātmaniyataścā'smi sarvajantuṣu sarvadā || 2 ||
[Analyze grammar]

madicchā hi mahāmāyā mūlaprakṛtireva sā |
rādhā lakṣmīrmama śaktidvayaṃ madātmakaṃ hi tat || 3 ||
[Analyze grammar]

pradhānaṃ triguṇaṃ cāpi mayā tādṛgvidhaṃ kṛtam |
tatra jīvā anantā vai cetanā nivasanti hi || 4 ||
[Analyze grammar]

pradhānāt prabhavantyeva bhūtāni dehahetavaḥ |
dehāstasmātprajāyante jīvādīnāṃ gṛhāṇi vai || 5 ||
[Analyze grammar]

sattvamāyāmayo viṣṇuścāhaṃ bhavāmi padmaje |
rajomāyāmayo brahmā cāhaṃ bhavāmi padmajaḥ || 6 ||
[Analyze grammar]

tamomāyāmayaḥ śaṃbhuścāhaṃ bhavāmi bhālajaḥ |
tatra sarvatra vai cāhaṃ parameśo vasāmi ca || 7 ||
[Analyze grammar]

ataḥ sarvagataścāhaṃ tridevasṛṣṭimaṇḍale |
avidyayā na jānanti gūḍhaṃ lokā guhāśayam || 8 ||
[Analyze grammar]

vidyayā vai prajānanti sādhavo yatisattamāḥ |
brahmajñānaṃ hi sā vidyāparā yatra mamāśrayaḥ || 9 ||
[Analyze grammar]

vedāvasānamevaitad yatrā'haṃ varṇitaḥ priye |
ātmanā cāpyate brahma paraṃ vibhu sanātanam || 10 ||
[Analyze grammar]

manasā cintyate brahma cakṣuṣā dṛśyate tathā |
dehenā''śliṣyate brahma kṛpayā prāpyate hariḥ || 11 ||
[Analyze grammar]

śuddhena manasā yuktātmanā saṃsevyate hariḥ |
manasā bandhunā grāhyaṃ parabrahma sanātanam || 12 ||
[Analyze grammar]

manasā bandhunā tyājyaṃ māyāyāḥ paṭalaṃ khalu |
manasā bandhunā jīvāstīryante brahmayoginā || 13 ||
[Analyze grammar]

manasā śatruṇā jīvāḥ pātyante viṣayārthinā |
divyena manasā dhyātvā śrīpatiṃ māṃ pareśvaram || 14 ||
[Analyze grammar]

divyāṃ kriyāṃ prakurvan vai kurvannapi na lipyate |
padmapatraṃ yathā nīragataṃ vārbhirna lipyate || 15 ||
[Analyze grammar]

mano māyāgataṃ cāpi madyogi lipyate na vai |
yadā brahmarasaṃ vetti tadā'nyallavaṇāyate || 16 ||
[Analyze grammar]

yadā bhaktirasaṃ vetti tadānyad garalāyate |
yadā sevārasaṃ vetti rājyaṃ tasya malāyate || 17 ||
[Analyze grammar]

yadā premarasaṃ vetti sarvamanyad ghṛṇāyate |
yadā mūlyaṃ mama vetti sarvaṃ vai kaccarāyate || 18 ||
[Analyze grammar]

yadā''nandāśanaṃ vetti muktyādyasya na rocate |
mamā''nandapravāhasthaṃ cānyadvetti na vai yadā || 19 ||
[Analyze grammar]

tadā pravāhabhāvena dravatāmeti mānasam |
dravabhaktyā prāpya māṃ tādātmyayogamṛcchati || 20 ||
[Analyze grammar]

guroryogācchāstrayogājjñānaṃ divyamavāpyate |
vijñānaṃ cāpyate'bhyāsaistato jñeyamavāpyate || 21 ||
[Analyze grammar]

jñeyo'haṃ paramātmā ca śrīpatiḥ puruṣottamaḥ |
yadā prāptastadā śūnyaṃ māyāmayaṃ prajāyate || 22 ||
[Analyze grammar]

bhāvaśuddhiścāgrapadā manaḥśuddhistataḥ parā |
ātmaśuddhiścordhvapadā tābhiścāvāpyate hariḥ || 23 ||
[Analyze grammar]

nāryo bahuvidhāḥ santi hyāśliṣyanti ca naikadhā |
yathā bhāvaśca sambandhastathā phalaṃ kriyādikam || 24 ||
[Analyze grammar]

āliṅgyate nijā kāntā yathā bhāvastathā phalam |
āliṅgyate harirjīvairyathā bhāvastathā phalam || 25 ||
[Analyze grammar]

samprāpyate yayā buddhyā tathā cāvāpyate phalam |
yathā buddhyā hi māmeti tathā dadāmi vai phalam || 26 ||
[Analyze grammar]

śreṣṭhaṃ cātmānandaphalaṃ prāptavyaṃ sevayā sadā |
prasannatāprayojyo vai mahānandā mayā'rpyate || 27 ||
[Analyze grammar]

prasannatā'nukūlyena prātikūlyavivarjanāt |
aśaṃkasevayā bhaktyā prasannatā prajāyate || 28 ||
[Analyze grammar]

na sā krayeṇa labhyā vā na vā kṣaṇādibuddhibhiḥ |
na vā tātkālikī prāpyā svārthavṛttyā na labhyate || 29 ||
[Analyze grammar]

na mānena na vai cāturyeṇa naipuṇyakena na |
na sā sveṣṭamanovṛttyā kintu sarvārpaṇe na sā || 30 ||
[Analyze grammar]

sarvājñāpālanenaiva dainyabhāvena labhyate |
kaiṃkaryeṇa ca dāsyena tadīyatvena labhyate || 31 ||
[Analyze grammar]

so'haṃ matvā madīya taṃ tāṃ ca vai tādṛśīṃ satīm |
matvā prasannatāṃ kurve prāpto bhavāmi vai tataḥ || 32 ||
[Analyze grammar]

yenā'hamasmi prāptavyastena bhāvyaṃ nivedinā |
svopānaddhāraṇe yadvat pṛthvī niṣkaṇṭakā tathā || 33 ||
[Analyze grammar]

svasmin dāsye'rjite māyā nirbandhā divyatāpradā |
svasmin bhṛtye'rjite māyā svāmitāvirahā'sya vai || 34 ||
[Analyze grammar]

svasmin dainye'rjite māyā sattāśūnyā'sya sarvathā |
svasmin sarvārpite prāpte māyā nirāśatāṃ vrajet || 35 ||
[Analyze grammar]

buddhirbrahmavidhā syāccenmāyākāryaṃ vilīyate |
māyāmayī tu yā buddhiḥ sā jagajjanmadāyinī || 36 ||
[Analyze grammar]

viṣavallī dugdhasiktā viṣabhāvaṃ na muñcati |
buddhirāsurabhāvā cedāsuratāṃ na muñcati || 37 ||
[Analyze grammar]

śarkarārasapāno'pi nimbaḥ kaṭutaro bhavet |
tathā''surasvabhāvo vai māṃ na kadāpi rocate || 38 ||
[Analyze grammar]

tādṛśānāṃ jagajjānāṃ śāstravrāto nirarthakaḥ |
naiva svabhāvaṃ tyajati satsaṃgaṃ na karotyapi || 39 ||
[Analyze grammar]

bhaktirna rocate yasya sneho naisargiko na ca |
mumukṣutā na yasyā'sti nāstikatvaṃ pramodate || 40 ||
[Analyze grammar]

tasya śāśvatamodāśā vyomapuṣpāyate sadā |
chitvā cāmradrumaṃ kasmāt phalaṃ puṣpaṃ samīyate || 41 ||
[Analyze grammar]

bhittvā bhaktiṃ ca sevāṃ ca kathaṃ sukhamavāpyate |
indriyāṇāṃ sukhārthitve vṛthā janma hi dehinaḥ || 42 ||
[Analyze grammar]

chitvā karpūrakhaṇḍāni kutṛṇāni prarakṣati |
rasapuṣpādihīnāni vṛthā yatno'sya tatra vai || 43 ||
[Analyze grammar]

satāṃ sevāṃ vinindyaiva duṣṭasevāṃ karoti ca |
puṇyakarmavihīnāṃ vai vṛthā yatno'sya sarvathā || 44 ||
[Analyze grammar]

svarṇasthālyāṃ vṛṣalena pacyate saramāmiṣam |
naradehe tu pāpena pacyate yamayātanā || 45 ||
[Analyze grammar]

janmarogī vṛthājanmā māyārogī vṛthāmanuḥ |
vṛthāśramo'gṛhakośī vṛthāmṛtyurhariṃ vinā || 46 ||
[Analyze grammar]

vṛthā vāco mahāmūrkhe cā'saṃyame vṛthauṣadham |
hariṃ vinā vṛthā yātrā viḍvāhi janma vai vṛthā || 47 ||
[Analyze grammar]

sarvanāthaṃ hariṃ tyaktvā vānaraṃ sevate tu yaḥ |
tattulyo dehamātrasya poṣako mokṣavarjitaḥ || 48 ||
[Analyze grammar]

vinā bhaktiṃ bahuvidyāgamasyāpi phalaṃ nu kim |
yenā''tmaśāntirnaivāsti tasmācchāntipradaṃ bhajet || 49 ||
[Analyze grammar]

kiṃ tena lakṣmi dehena candanādiprasevinā |
yena sevāharernaiva naiva satāṃ na mokṣaṇam || 50 ||
[Analyze grammar]

śvapaco'pi yadi bhaktiyuto janmā'sya sārthakam |
vipradeho'pi nirbhakto janmā'sya nirayapradam || 51 ||
[Analyze grammar]

maṇikaṃkaṇamābaddhvā darpaṇaṃ niṣphalaṃ yathā |
satāṃ satsaṃgamāsādya vṛthā tadanyasādhanam || 52 ||
[Analyze grammar]

dṛḍhāśritā na gṛhṇanti dattaiśvaryaṃ surādibhiḥ |
dṛḍhabhaktā na gṛhṇanti dattaiśvaryaṃ harerapi || 53 ||
[Analyze grammar]

anicchukasya bhaktasya jayaścāste pade pade |
na taṃ pralobhituṃ śaktaḥ svayaṃ nārāyaṇo'pi vai || 54 ||
[Analyze grammar]

icchayā badhyate dehī tṛṣṇayā tu vinaśyati |
dvābhyāmūrdhvasthitāyā'tra dātuṃ nā'laṃ hyapi prabhuḥ || 55 ||
[Analyze grammar]

nityatṛptasya śāntasya dhairyaṃ tyājayituṃ hyalam |
nirbhayasyāpi bhaktasya kaścinnāsti jagattraye || 56 ||
[Analyze grammar]

bhaktaṃ caitādṛśaṃ naijaṃ rañjayituṃ narāyaṇaḥ |
bhavāmyahaṃ dṛśyavacca yena dhyāto bhavāmi ca || 57 ||
[Analyze grammar]

anādiśrīkṛṣṇanārāyaṇaṃ dhyātvā ca māṃ janāḥ |
sākāraṃ divyarūpaṃ vai śāśvataṃ dhāmagaṃ hi mām || 58 ||
[Analyze grammar]

asaṃkhyadehino bhaktā gatā me paramā'kṣaram |
pūjāṃ bhaktiṃ divyasevāṃ vidhāya bhṛtyatāṃ tathā || 59 ||
[Analyze grammar]

dāsatāṃ savidhāyā'pi pātivratyaṃ vidhāya ca |
vidhāya mama dāsītāṃ gatā nāryo mamā'kṣaram || 60 ||
[Analyze grammar]

śūnye bhaktirna bhavati bhaktirbhavati sākṛtau |
ādhārarūpe nāthe śrīpatau mayi pareśvare || 61 ||
[Analyze grammar]

vidhāya premabhaktiṃ vai śrīvanmāṃ svāminaṃ patim |
prāpuḥ pūrvatarā nāryo jārabhāvamupāśritāḥ || 62 ||
[Analyze grammar]

kiṃ punarnijayoṣāśca sarvasvārpaṇasaṃśritāḥ |
tasmāllakṣmi svayaṃ svāmī sākāro'haṃ prabhuḥ patiḥ || 63 ||
[Analyze grammar]

sukhadaḥ śāśvatānandaprado bhūtvā nayāmyapi |
kāsāñciddarśane snehaḥ kāsāñcitsparśane'dhikaḥ || 64 ||
[Analyze grammar]

kāsāñcidramaṇe snehaḥ kāsāñcit svapane'pi ca |
kāsāñcitkāmasaṃbhoge kāsāñcidrāsakarmaṇi || 65 ||
[Analyze grammar]

kāsāñcid bhojane snehaḥ kāsāñcit snānakeliṣu |
kāsāñciccūmbanādau ca kāsāñcittu mahotsave || 66 ||
[Analyze grammar]

kāsāñcitsahavāse ca kāsāñcit tvaviyojane |
kāsāñcinnijaśayyāyāṃ kāsāñcinnarmakarmasu || 67 ||
[Analyze grammar]

kāsāñcittu rahasye vai sneho mayi vibhāvyate |
tāsāṃ sampūrya kāmāṃśca namāmi dhāma me'kṣaram || 68 ||
[Analyze grammar]

guṇī tāṃ guṇavadbhāryāṃ muktānikāṃ vidhāya vai |
nayāmi kāntarūpo'haṃ śāśvatānandadhāma me || 69 ||
[Analyze grammar]

sevāraso hi sākāre labhyate sundarīgaṇaiḥ |
bhaktaiḥ sevārasaḥ pūrṇaḥ prāpyate mayi dhāmani || 70 ||
[Analyze grammar]

mamaiva hi prasādena romāñcitaśarīriṇī |
nayanānandasalilā muktidāsī vadhūrbhavet || 71 ||
[Analyze grammar]

vāṇyā gāyati māṃ dāsī manasā māṃ smaratyapi |
karmaṇā māṃ harṣayati kaṭidānārpaṇādibhiḥ || 72 ||
[Analyze grammar]

pūjājapārcanasevāpādasammardanādibhiḥ |
rahasyā'rpaṇabhāvaiśca labhate śāśvataṃ sukham || 73 ||
[Analyze grammar]

sākāre mayi bhaktā me dehabhāvaiḥ prasevayā |
sarvendriyairmahāsaukhyaṃ labhate lokavat sakhī || 74 ||
[Analyze grammar]

vadhūrbhūtvā varaṃ kāntaṃ sevate māṃ patiṃ prabhum |
sarvān kāmān pūrayāmi kāmadvārā hi yoṣitaḥ || 75 ||
[Analyze grammar]

na me kāmo ratirnaiva na me kāmasukhaṃ priye |
pūrṇakāmasya me ratyā kiṃ kāmena prayojanam || 76 ||
[Analyze grammar]

sarvānandaparipūrṇamūrterme nāstyapūrṇatā |
nendriyā'dhīnatā cāpi kiṃ kāmena prayojanam || 77 ||
[Analyze grammar]

kāmo mayā kṛtaḥ pūrvaḥ karmiṇāṃ sukhalabdhaye |
māyāmayo hi kāmo vai ratirmāyāmayī tathā || 78 ||
[Analyze grammar]

tayā tena na me kāryaṃ prayojanaṃ hi māyikam |
kintu dehavaśā lokā narā nāryo nijāniva || 79 ||
[Analyze grammar]

kāmān bhāvān kalpayanti mayi pūrṇe sanātane |
taistairbhāvaistathā tāṃstāḥ saṃgṛhya kāmabhāvitāḥ || 80 ||
[Analyze grammar]

kāmadvārā'pi me yogaṃ datvā nayāmi dhāma me |
mokṣapadaṃ prāpayāmi kāmināmapi sundarīḥ || 81 ||
[Analyze grammar]

kṛpā me tādṛśī bodhyā saṃsāro hi tathāvidhaḥ |
aindriyikā hi me bhaktāḥ saṃmatāḥ santi bhūtale || 82 ||
[Analyze grammar]

vaiṣayikāstathā bhaktāḥ sthale sthale vasanti vai |
ātmikā brahmabhāvāstu kvacitsanti hi paṇḍitāḥ || 83 ||
[Analyze grammar]

ato ye māṃ yathā yānti tathā tān prāpya tadvidhaḥ |
mokṣayogaṃ pradatvaivaṃ nayāmi dhāma me'kṣaram || 84 ||
[Analyze grammar]

prāyaśo yoṣitāṃ siddhiṃ kartuṃ bhavāmi kāmavān |
tāsāṃ kāmaprasaktānāṃ kathamuddharaṇaṃ bhavet || 85 ||
[Analyze grammar]

tasmād dayāvaśo bhūtvā seve kāmīva tāḥ sadā |
divyarūpā vidhāyaiva nayāmi mokṣamuttamam || 86 ||
[Analyze grammar]

vadhūḥ kanyā yuvatīśca vṛddhā vāpi pativratāḥ |
napuṃsakī ca vidhavā sadhavā brahmacāriṇī || 87 ||
[Analyze grammar]

yatinī yoginī sādhvī satī cāryā virāgiṇī |
sanyāsinī vicittā ca tāpasī vānaprasthinī || 88 ||
[Analyze grammar]

tyāginī sāṃkhyayogasthā śaktirvā gaṇikā'pi vā |
puṃścalī svairiṇī cāpi kāminī kāmavarjitā || 89 ||
[Analyze grammar]

raṇḍā ṣaṇḍhā ratiśūnyā rajaḥsthā cā'rajo'nvitā |
gaurī vā rohiṇī cāpi kumārikā śavātmikā || 90 ||
[Analyze grammar]

saṃskṛtā cā'saṃskṛtā vā śuddhā'śuddhā ca varjitā |
tyaktā mantravatī cāpi dīkṣitā vā ca nyakkṛtā || 91 ||
[Analyze grammar]

vivāsitā vanahāristrī yadvā śvapacī khasī |
pramadā vā nirmadā vā vyabhicāraparāyaṇā || 92 ||
[Analyze grammar]

muṇḍā vā keśinī vāpi durbhāgyā subhagā'thavā |
kubjā hrasvā sendriyā vā nirindriyā hyudāsinī || 93 ||
[Analyze grammar]

yādṛśī tādṛśī vāpi sūtikā pāśavī ca vā |
godharmā vā mṛgīdharmā yā vā kā vā bhavatyapi || 94 ||
[Analyze grammar]

kāṣāmbarā vā raktā vā viraktā haridambarā |
dhvajāmbarā vā devī vā daityānī rākṣasī ca vā || 95 ||
[Analyze grammar]

dānavī nāginī nagnā pakṣiṇī jāntavī ca vā |
vārkṣī vā vallikābhāvā śarabhī siṃhikā'pi vā || 96 ||
[Analyze grammar]

śvāpadī vā bahupadī pṛṣṭhapadī piśācikā |
ārṣī brāhmī paitṛkī vā mātā vā kṣetrarakṣikā || 97 ||
[Analyze grammar]

pakṣiṇī kinnarī vāpi gāndharvī nartakī ca vā |
veśyā vāpi vyavāyasthā sahasraliṃginī ca vā || 98 ||
[Analyze grammar]

īśvarī vā mānavī vā bhūtī pretī ca ḍākinī |
nikṛṣṭā pāpakartrī vā yā kācinmāmupāgatā || 99 ||
[Analyze grammar]

yathā bhāvena tāṃ labdhvā pāvayitvā nṛpīmapi |
aśuddhāṃ saṃskṛtāṃ kṛtvā nayāmi dhāma me'kṣaram || 100 ||
[Analyze grammar]

tadarthaṃ puṃsvarūpo'haṃ bhavāmi mānavo hariḥ |
samuddhartuṃ yoṣitāṃ vai gaṇām koṭisahasraśaḥ || 101 ||
[Analyze grammar]

rahasyaṃ kathitaṃ te'tra lakṣmi kāmaguṇo vṛṣaḥ |
māmāsādya hi dharmātmā kāmo bhavati mokṣakṛt || 102 ||
[Analyze grammar]

nārīṇāṃ yonisambandhaścotkṛṣṭasnehakārakaḥ |
tathā kṛtvā nayāmyeva nārīḥ sarvā pare'kṣare || 103 ||
[Analyze grammar]

śrutvā cāpi paṭhitvedaṃ rahasyaṃ divyatāpradam |
nārāyaṇīyaṃ mokṣāḍhyaṃ dhāma yāsyanti matpadam || 104 ||
[Analyze grammar]

saṃśayaṃ tvatra yā nāryo narā vā yānti tāstu te |
puṇyaṃ pūrvaṃ kṛtaṃ hitvā hyadho yāsyanti doṣiṇaḥ || 105 ||
[Analyze grammar]

apātrāṇāṃ saṃśayā vai bhavanti lokavādinām |
matpātrāṇāṃ saṃśayā no bhavanti divyavedinām || 106 ||
[Analyze grammar]

vadhūgītārahasyaṃ vai yaccāste hṛdaye mama |
vadhūmokṣapradaṃ te'tra niḥsaṃkocena bodhitam || 107 ||
[Analyze grammar]

vadhūmūlyaṃ mamā''vāsādākṛṣṭiḥ priyatā'pi ca |
boddhavyaṃ śiṣyate naivā'dhikaṃ loke hi yoṣitām || 108 ||
[Analyze grammar]

kāmabhāvena yuktānāṃ mokṣado'haṃ na saṃśayaḥ |
nijadharmaṃ prathamaṃ vai puraskṛtya bhajeddharim || 109 ||
[Analyze grammar]

nārīdharmo hi ratyā'sti kāmadharmaḥ puraskṛtaḥ |
madyoge brahmacaryaṃ tat kāmo nāryāṃ vrataṃ param || 110 ||
[Analyze grammar]

svadharme maraṇaṃ śreyaḥ harerdharmo hi mokṣadaḥ |
svadharme mokṣaṇaṃ syādvai hareyogānna saṃśayaḥ || 111 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ vadhūbhaktirahasyanirūpaṇanāmā ṣaṭṣaṣṭitamo'dhyāyaḥ || 66 ||
[Analyze grammar]