Chapter 65

śrīpuruṣottama uvāca |
śṛṇu tvaṃ śivarājñīśri māhātmyaṃ parameśituḥ |
anādiśrīkṛṣṇanārāyaṇasya gururūpiṇaḥ || 1 ||
[Analyze grammar]

mamaiva khalu māhātmyaṃ yathāvat pravadāmi te |
na ca tṛpyāmyahaṃ vaktuṃ nārīdayāvaśaṃvadaḥ || 2 ||
[Analyze grammar]

nityaṃ sampūjayet sādhvī mokṣasaubhāgyakāṃkṣiṇī |
snāpayeta jalairbhaktyā madhukṣīraghṛtena mām || 3 ||
[Analyze grammar]

pañcagavyena salilairgandhacandanavāribhiḥ |
candanena sugandhena kuṃkumena gulālakaiḥ || 4 ||
[Analyze grammar]

abīreṇa tathā kāśmīreṇa kesaravāribhiḥ |
karpūrośīramiśreṇa lopayenmāṃ draveṇa ca || 5 ||
[Analyze grammar]

arcayed ruciraiḥ puṣpairgandhadhūpasamanvitaiḥ |
guggulaṃ goghṛtāktaṃ vai dadenme sannidhau satī || 6 ||
[Analyze grammar]

dīpakaṃ ca divārātrau dadyād ghṛtena sundarī |
naivedyaṃ dugdhapānādi kṣīrānnaṃ paramarpayet || 7 ||
[Analyze grammar]

evamabhyarcayenmāṃ ca praṇamyā'bhipraṇamya ca |
oṃ namaḥ kṛṣṇakāntāya japedaṣṭottaraṃ śatam || 8 ||
[Analyze grammar]

juhuyācca ghṛtābhyaktaistilavrīhiyavādibhiḥ |
tathaiva nāmnā mahyaṃ vai sarvamuktābhitṛptaye || 9 ||
[Analyze grammar]

kamalairmama caraṇau pūjayed bhaktivardhinī |
bilvapatrairjānudeśaṃ pūjayenme vilāsinī || 10 ||
[Analyze grammar]

jaghanaṃ me pūjayecca rājacampakapuṣpakaiḥ |
vakṣo me pūjayetsādhvī sthalapadmasupadmakaiḥ || 11 ||
[Analyze grammar]

mastakaṃ pūjayed rāmā mālatyā vṛndayā tathā |
candanena samagraṃ ca śarīraṃ pūjayenmama || 12 ||
[Analyze grammar]

dehabuddhiṃ parityajya haribuddhyā prapūjayet |
sarvavidhāṃ mama sevāṃ brahmacaryayutā''caret || 13 ||
[Analyze grammar]

patnībhirbhartṛvākyena kartavyaṃ pūjanaṃ mama |
vidhavābhirmama vākyānmokṣasaukhyavivṛddhaye || 14 ||
[Analyze grammar]

sarvakāmasamṛddhyarthaṃ kanyābhiḥ pūjanaṃ mama |
sarvasmṛddhipralābhārthaṃ naraiḥ kāryaṃ prapūjanam || 15 ||
[Analyze grammar]

etādṛśaṃ pūjanaṃ me mokṣadaṃ smṛddhidaṃ priye |
nārīvikrayapāpasya nāśakaṃ pūjanaṃ tvidam || 16 ||
[Analyze grammar]

pūjā bhaktiḥ kathitā te lakṣmi śreṣṭhāṃ ca tāṃ śṛṇu |
mallīnacittā yā bhaktiḥ sā bhaktiḥ paramā matā || 17 ||
[Analyze grammar]

premapravāhamagnāyā madvirahā'sahiṣṇutā |
matsvarūpākāracittā bhaktiḥ sā paramottamā || 18 ||
[Analyze grammar]

uttamā cātmanā bhaktirmadhyamā manasā tu sā |
kaniṣṭhā varṣmaṇā bhaktistredhā bhavati mokṣadā || 19 ||
[Analyze grammar]

muktānāmātmanā bhaktiryogināṃ mānasī tathā |
ajñānāṃ dehajā bhaktistredhā'pi mokṣadā matā || 20 ||
[Analyze grammar]

ātmabhaktyā sukhaṃ śreṣṭhaṃ manasā madhyamaṃ sukham |
dehena vai sukhaṃ svalpaṃ tredhā vibhidyate sukham || 21 ||
[Analyze grammar]

ātmanā brahmarūpeṇa hyānandaḥ śāśvato mama |
manasā divyabhāvena hyānando yogasāvadhiḥ || 22 ||
[Analyze grammar]

dehena kriyayā''nando dehakṣaṇādyapekṣakaḥ |
svārthānandaparā bhaktistāmasī mama sā matā || 23 ||
[Analyze grammar]

ubhayānandagarbhā sā rājasī bhaktirācyutī |
haryānandaparā bhaktiḥ sāttvikī svārthavarjitā || 24 ||
[Analyze grammar]

gurorbhaktirharerbhaktistādātmyena kṛtā yadi |
śīghraṃ sā phaladā lakṣmi sākṣādgururhi vai hariḥ || 25 ||
[Analyze grammar]

bhaktimatyāḥ striyā nityaṃ śāntiṃ kurvanti devatāḥ |
kṣemaṃ kurvanti śaṃbhvādyāḥ svasti yacchanti sādhavaḥ || 26 ||
[Analyze grammar]

puṇyaṃ yacchanti ṛṣayaścāśīrvādaparāyaṇāḥ |
śubhaṃ yānti grahāścāpi śubhaṃ yānti piśācakāḥ || 27 ||
[Analyze grammar]

rākṣasāśca śubhaṃ yānti prasannā munayo'pi ca |
lakṣmīḥ sthirā gṛhe tasyātiṣṭhatyeva sadā śubhā || 28 ||
[Analyze grammar]

rasāstiṣṭhanti tasyā vai madhūni mandire yathā |
miṣṭāmṛtāni tiṣṭhanti sudhā bhaktiyutāgṛhe || 29 ||
[Analyze grammar]

pīyūṣāṇi samastāni tiṣṭhanti ca mahotsavāḥ |
sarvavidhāni svargāṇi tiṣṭhanti bhaktiyuggṛhe || 30 ||
[Analyze grammar]

bhaktimatī sadā nārī rādhā lakṣmīrmatā mama |
śāradā kamalā kāntā śrīḥ padmā sā matā mama || 31 ||
[Analyze grammar]

yā kāpi jātisampannā bhajate māmananyagā |
sā mamaiva priyā bhaktā mokṣe muktānikā bhavet || 32 ||
[Analyze grammar]

yasyā darśanamātreṇa brahmahā api śuddhyati |
tadgṛhaṃ sarvatīrthānāṃ vāsarūpaṃ varaṃ matam || 33 ||
[Analyze grammar]

yatra bhaktaitādṛśī syānnārī nārāyaṇī śubhā |
iyaṃ sā kamalāmūrtirbhaktā vai pāpahāriṇī || 34 ||
[Analyze grammar]

kaivalyaphaladā sā vai yathā gaṃgā ramā yamī |
tiṣṭhatyetādṛśī bhaktā yatsthāne yatra mandire || 35 ||
[Analyze grammar]

yatkule bhūtale vāpi sarvaṃ mokṣapradaṃ hi tat |
kimatra bahunoktena bhaktā ramā ramā hi sā || 36 ||
[Analyze grammar]

ramāṃ matvā mama bhaktāṃ yā namiṣyanti satstriyaḥ |
tāsāṃ darśanamātreṇa brahmaghnī śuddhyati hyapi || 37 ||
[Analyze grammar]

dāsī bhāvena yā tasyāḥ sevanaṃ kurute'balā |
tasyāḥ puṇyaṃ na jānāti brahmā'pi khalu padmaje || 38 ||
[Analyze grammar]

śaṃkhacakrānvitāṃ bhaktāṃ pūjayed yā tu vaiṣṇavī |
pūjitaṃ tena vai sarvaṃ jagatsthāvarajaṃgamam || 39 ||
[Analyze grammar]

sa eva divaso dhanyo dhanyā mātā'pi tatkulam |
pitā dhanyastathā sādhvyā yayā bhaktā prapūjitā || 40 ||
[Analyze grammar]

sarvā dhanyatamā sādhvyo mama bhaktiparāyaṇāḥ |
tāsāṃ darśanamātreṇa mahāpāpaṃ vilīyate || 41 ||
[Analyze grammar]

upapāpāni sarvāṇi prakīrṇakāni tāni vai |
sarvāṇyeva vinaśyanti vaiṣṇavīnāṃ hi darśanāt || 42 ||
[Analyze grammar]

pāvakā iva pāvanyo viṣṇubhaktāḥ striyaḥ sadā |
ārdraṃ śuṣkaṃ laghu sthūlaṃ nāśayanti hi kalmaṣam || 43 ||
[Analyze grammar]

prāmādikaṃ hi yatpāpaṃ jñānā'jñānakṛtaṃ tathā |
saṃsargajaṃ ca pāpaṃ ca naśyati drutameva ha || 44 ||
[Analyze grammar]

satīnāṃ darśanāllakṣmi sādhūnāṃ sevanāttathā |
svargaṃ prayānti niṣpāpāḥ pāpiṣṭhā yānti śuddhatām || 45 ||
[Analyze grammar]

saṃsārakarmapāśānāṃ mokṣaṇe vai viśāradī |
pāvanī pāvanānāṃ ca mama bhaktā sadā śubhā || 46 ||
[Analyze grammar]

pratyaha mama bhaktā yā māṃ prasmaratyaharniśam |
sā tu madrūpiṇī bodhyā hariṇī sā na saṃśayaḥ || 47 ||
[Analyze grammar]

bhrājatkarpūraśubhraṃ māṃ padmapatrāyatekṣaṇam |
śaṃkhacakragadāpadmamīnadhvajadhanurdharam || 48 ||
[Analyze grammar]

pītāmbaraṃ virājantaṃ kaustubhena samujjvalam |
śrīvatsavakṣasaṃ puṣṭaṃ vanamālādibhūṣitam || 49 ||
[Analyze grammar]

svarṇakuṇḍalabhāvyāptakapolavadanaṃ harim |
valayāṃ'gadanūpurakirīṭaraśanānvitam || 50 ||
[Analyze grammar]

prasannavadanaṃ kṛṣṇanārāyaṇaṃ prabhuṃ vibhum |
vāmasakthisthapāṇḍuraśrīcihnapravirājitam || 51 ||
[Analyze grammar]

sapādapañcaṣaṣṭyaṃgulordhvamāna pumuttamam |
caturbāhuṃ candraśubhrānanaṃ bhrūśararājitam || 52 ||
[Analyze grammar]

māmanādikṛṣṇanārāyaṇaṃ dhyāyati yā satī |
sā bhaktā vaiṣṇavīrūpā śrīrūpā matsvarūpiṇī || 53 ||
[Analyze grammar]

tasyāstu darśanenāpi bhaktyā vā bhojanena ca |
pūjanena kamale vai muktigā jāyate sakhī || 54 ||
[Analyze grammar]

tṛṣāturā yathā vāri tadvanmāṃ sā smaratyapi |
himākulā yathāgniṃ ca tadvanmāṃ sā smaratyapi || 55 ||
[Analyze grammar]

yathā patiṃ patidharmā tadvanmāṃ sā smaratyapi |
bhītā yathā svagoptāraṃ tadvanmāṃ sā smaratyapi || 56 ||
[Analyze grammar]

lobhavatī yathā dravyaṃ tadvanmāṃ sā smaratyapi |
putrakāmā yathā putraṃ tadvanmāṃ sā smaratyapi || 57 ||
[Analyze grammar]

vivāsitā yathā gehaṃ tadvanmāṃ sā smaratyapi |
cātakī ca yathā meghaṃ tadvanmāṃ sā smaratyapi || 58 ||
[Analyze grammar]

brahmavettrī yathā brahma tadvanmāṃ sā smaratyapi |
pitaraśca yathā piṇḍaṃ devā havyaṃ yathā'dhvare || 59 ||
[Analyze grammar]

ṛṣayaśca yathā mantrān mānavāḥ sampado yathā |
haṃsāśca mānasaṃ yadvat tadvanmāṃ sā smaratyapi || 60 ||
[Analyze grammar]

kāmukī kāminaṃ yadvad bhaktā bhajantameva yam |
mātā'patyaṃ yathā tadvanmāṃ sā smarati sādhvikā || 61 ||
[Analyze grammar]

bhaktimanto yathā kṛṣṇaṃ bhaktiṃ ca vaiṣṇavā yathā |
paśavaśca tṛṇaṃ yadvat tadvanmāṃ sā smaratyapi || 62 ||
[Analyze grammar]

santo dharmaṃ sādhavaśca kṣamāṃ śreṣṭhī samarhaṇām |
prāṇī prāṇān vadhuścātmā tadvanmāṃ sā smaratyapi || 63 ||
[Analyze grammar]

jīvāścāyurbhramarāśca puṣpaṃ sūryaṃ tu cāṭikā |
vallabhā vallabhaṃ yadvat tadvanmāṃ sā smaratyapi || 64 ||
[Analyze grammar]

rātristhāśca yathā jyotiḥ śramārtāḥ śrāntimeva ca |
nidrāṃ jāgariṇo yadvat tadvanmāṃ sā smaratyapi || 65 ||
[Analyze grammar]

anālasā yathā siddhiṃ kariṇo'raṇyabhūmikām |
siṃhā gāḍhavanaṃ yadvat tadvanmāṃ sā smaratyapi || 66 ||
[Analyze grammar]

sūryakiraṇamāsādya sūryakānte'nalo yathā |
evaṃ sādhvīsusatsaṃgāddharau premavatī bhavet || 67 ||
[Analyze grammar]

candrakiraṇayogena candrakāntaḥ sravetsudhām |
evaṃ vai vaiṣṇavīyogāddharau bhaktistavo bhavet || 68 ||
[Analyze grammar]

kaumudīṃ prāpya ca yathā kumudaṃ saṃvikāsate |
gurvīṃ bhaktāṃ tathā prāpya hṛtpadmaṃ saṃvikāśate || 69 ||
[Analyze grammar]

yathā kīṭī bhramarīṃ ca smṛtvā bhramarī jāyate |
yogasmṛtyā tathā sādhvī smṛtvā māṃ matsamāyate || 70 ||
[Analyze grammar]

vadhvaśca kāmabuddhyaiva kṛṣṇarūpaṃ paraṃ gatāḥ |
tathā gopī ca māṃ smṛtvā kṛṣṇanārāyaṇāyate || 71 ||
[Analyze grammar]

kāciddhāsyāyate māṃ ca kācit snehāyate ca mām |
kācit spṛhāyate māṃ ca kācit svāmyāyate satī || 72 ||
[Analyze grammar]

premāyate ca kācicca kṛṣṇāyate ca bhāminī |
evaṃ māṃ bhaktiyogena samīpe vindate kṣaṇāt || 73 ||
[Analyze grammar]

sānnidhye'pi sthitaścā'haṃ dūre bhaktiṃ vinā sadā |
bhaktiyogena dṛśyeya bhaktābhiḥ parameśvaraḥ || 74 ||
[Analyze grammar]

devādyairamṛtaṃ prāptaṃ tathāpi duḥkhino hi te |
bhaktimevā'mṛtaṃ prāpya duḥkhaṃ sarvaṃ vinaśyati || 75 ||
[Analyze grammar]

bhaktyā vaikuṇṭhamāsādya modate viṣṇusannidhau |
anyatsarvaṃ parityajya mama bhaktiṃ samāśrayet || 76 ||
[Analyze grammar]

prāpya dehaṃ vinā bhaktiṃ kriyate yad vṛthā hi tat |
viṣṇubhaktiṃ vinā naiva saṃsārābdhitarirbhavet || 77 ||
[Analyze grammar]

duḥkhadāvānaladagdhaṃ mama bhaktiḥ praśāmyati |
janmāntare'pi bhaktirme māmakīṃ vidadhāti vai || 78 ||
[Analyze grammar]

bhūtvā ca māmakī dāsī lakṣmīḥ prajāyate tataḥ |
reṇumātramapi bhaktermama dhāma dadāti vai || 79 ||
[Analyze grammar]

śataiśca śrūyate bhaktiḥ sahasrairapi budhyate |
lakṣaiśca bhajyate tatra bhaktā kācid ramā bhavet || 80 ||
[Analyze grammar]

buddhidā bahavo loke bhajamānastu kaścana |
tatrāpi ca tadātmatvaṃ prāptaḥ koṭigaṇe'dvayaḥ || 81 ||
[Analyze grammar]

pūjayā hasyate bhaktirjapairhāsayate tathā |
bhaktyā bhaktiḥ śaṃsyate ca mayā bhaktiḥ pragṛhyate || 82 ||
[Analyze grammar]

mūle siktasya vṛkṣasya śākhādalaphalodbhavaḥ |
tathā sikto harirbhaktyā bhaktānandaphalodbhavaḥ || 83 ||
[Analyze grammar]

yasyā vṛttiryādṛśī sā tathā bhaktiṃ karoti vai |
bhajanādeva me lakṣmi phalamagre hyavāpyate || 84 ||
[Analyze grammar]

pānīyahāriṇī yadvad ghaṭe tīre prakarṣaṇe |
cittaṃ dadāti tadvaccenmayi dadāti mucyate || 85 ||
[Analyze grammar]

yathā loke sthitaṃ vyoma bhūtairnaiva hi lipyate |
tathā loke sthitā bhaktā karmabhirnahi lipyate || 86 ||
[Analyze grammar]

divārātrau hi me bhaktā mamānandopajīvinaḥ |
te'trasthā api dhāmasthā divyā muktā hi te matāḥ || 87 ||
[Analyze grammar]

sarvamedhādiyajñānāṃ phalaṃ svargaṃ prapātavat |
mama bhaktyadhvaraphalaṃ punarāgamavarjitam || 88 ||
[Analyze grammar]

dṛṣṭamānantyamevā'syā bhakterme matprasādataḥ |
pāṣāṇo jalamadhyastho jalena lipyate na saḥ || 89 ||
[Analyze grammar]

bhakto māyāntarastho'pi māyayā lipyate na saḥ |
me bhaktasyāntare śaityaṃ vinā jalena madvaśāt || 90 ||
[Analyze grammar]

darduro vasati nīre gandhaṃ vetti na padmajam |
bhramaro'raṇyavāso'bjagandhaṃ pravetti vai sa tu || 91 ||
[Analyze grammar]

ahaṃ vasāmi hṛdaye bahirvṛttirna vetti mām |
premabhaktiyuto dūrastho'pi vetti hṛdi sthitam || 92 ||
[Analyze grammar]

gaṃgātaṭe vasantyeke vasantyanye'rbudācale |
māhātmyavit phalaṃ tvatti tathā bhaktiyuto janaḥ || 93 ||
[Analyze grammar]

gardabhaścandanabhāraṃ vahate gandhameti na |
bahiḥsthaścāntarasthaṃ māṃ na vetti naiti matsukham || 94 ||
[Analyze grammar]

mṛgā jighranti rasyāni kastūrīgandhavedinaḥ |
svanābhisthaṃ na jānanti tathā māṃ vai bahirmukhāḥ || 95 ||
[Analyze grammar]

mūrkhāṇāṃ jñānaśūnyānāmupadeśo nirarthakaḥ |
tathā madbhaktiśūnyānāmānando'pi nirarthakaḥ || 96 ||
[Analyze grammar]

sarpapītaṃ payaḥ kṣveḍaṃ śaṭhabhaktistathāvidhā |
andho dīpaṃ vīkṣate na tathā māṃ vai bahirmukhaḥ || 97 ||
[Analyze grammar]

veṣeṇa ca yathā carmaṃ carmaṇā varṣma saṃvṛtam |
varṣmaṇendriyakaṃ yadvattathendriyairhi vāsanā || 98 ||
[Analyze grammar]

tayā''vṛtaśca jīvātmā tenā'haṃ vai samāvṛtaḥ |
aṇoraṇīyān cāntaḥstho vasāmyātmā na caiti mām || 99 ||
[Analyze grammar]

dugdhe ghṛtaṃ tile tailaṃ vidyate'haṃ tathā vidhaḥ |
vidye sarvatra māṃ naiva jānanti bahiricchavaḥ || 100 ||
[Analyze grammar]

ekasūtre yadā protā maṇayo mayi tattathā |
sṛṣṭayaḥ sarvathā protāścātmāno na vidanti mām || 101 ||
[Analyze grammar]

yathā kāṣṭhādigo vahnirmathanād dṛśyate bahiḥ |
tathā tvātmasthitaścā'haṃ dṛśye bhaktipramanthanāt || 102 ||
[Analyze grammar]

yathā dīpāt prabhavanti dīpāścānye hyapekṣitāḥ |
tathā guroḥ prajāyante sarvajñā bhaktimuktigāḥ || 103 ||
[Analyze grammar]

yathā'rkasyodaye jyotiḥ sarvatraiva prakāśate |
tathā bhāgyodaye svāmī guruḥ svayaṃ prakāśate || 104 ||
[Analyze grammar]

yathā vāyuḥ sarvagaśca sarvagandhavahastathā |
gururhariḥ sarvagaśca karmabhaktiphalāvahaḥ || 105 ||
[Analyze grammar]

nīraṃ yādṛgrasāḍhyaṃ vai tādṛgraso mukhe bhavet |
ātmā yādṛkpremapūrṇastathā'nandaraso nije || 106 ||
[Analyze grammar]

pṛthvī naikarasairyuktā nānāsasyasvarūpiṇī |
ātmā naikasukhāḍhyaśca nānābrahmasukhānvitaḥ || 107 ||
[Analyze grammar]

saccidānandarūpo'yaṃ hyātmā bhakto'timodavān |
mamā''nandena saṃyukto mahānandī prajāyate || 108 ||
[Analyze grammar]

mamā''nandaṃ mama bhaktiṃ lakṣmi yā vetti vai hṛdi |
sā bhaktā kamalātulyā mama dhāmā'bhiyāyinī || 109 ||
[Analyze grammar]

ahaṃ vasāmi sarvatra lokā jānanti naiva mām |
avidyayā na jānanti cā'bhaktyā na vidanti mām || 110 ||
[Analyze grammar]

sarvakarmāṇi cet kuryurviṣṇudaivatakāni vai |
taireva nirguṇairyogaiścāpnuvanti puraḥsthitam || 111 ||
[Analyze grammar]

evamuktaṃ mayā lakṣmi mama sānnidhyamadbhutam |
vicārya prāpya vijñāya bhajitvā māmavāpnuyāt || 112 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ bhagavaduktabhaktimāhātmyotkarṣanirūpaṇanāmā pañcaṣaṣṭitamo'dhyāyaḥ || 65 ||
[Analyze grammar]