Chapter 60

śrīnārāyaṇīśrīruvāca |
vaiṣṇavā iti ye proktā nārāyaṇaparāyaṇāḥ |
bhāgavatāḥ sāttvatā ye sarvasvātmanivedinaḥ || 1 ||
[Analyze grammar]

kāni cihnāni teṣāṃ vai tāsāṃ ca brūhi me prabho |
teṣāṃ tāsāṃ ca bhagavān kiṃ karoṣi hare vibho || 2 ||
[Analyze grammar]

śrīpuruṣottama uvāca |
śṛṇu nārāyaṇīśri tvaṃ mama bhaktasvarūpiṇīm |
premakathāṃ pāvanīṃ me tādātmyabhāvadhāriṇīm || 3 ||
[Analyze grammar]

yatrāste prama bhaktastu tatrā'ha sarvadā sthitaḥ |
ahameva sadā teṣāṃ tāsāṃ paramadevatā || 4 ||
[Analyze grammar]

kīrtyamāne harau nityaṃ romāñco jāyate muhuḥ |
kampaḥ svedastathā'kṣeṣu dṛśyante jalabindavaḥ || 5 ||
[Analyze grammar]

mama bhaktiparānpuṃso nārīrvā vīkṣya vai drutam |
prītirbhavati cāntargā yeṣāṃ yāsāṃ sa vaiṣṇavaḥ || 6 ||
[Analyze grammar]

nānyadācchādayed vastraṃ nānyādhīnā bhavet satī |
vaiṣṇavaṃ sāttvataṃ dṛṣṭvā premṇā sammukhasaṃsthitā || 7 ||
[Analyze grammar]

praṇāmādi karotyeva śrīkṛṣṇe ve yathā mayi |
bhaktaṃ bhaktāṃ ca vā vīkṣya bhakto bhaktā named drutam || 8 ||
[Analyze grammar]

madātmā mama bhaktaḥ sa bhaktā ca bhāminī mama |
jayaṃ labhate trailokye sarvadhāmasu sṛṣṭiṣu || 9 ||
[Analyze grammar]

vinā lajjāṃ bhajate māṃ nirākṛtya durītakān |
datte sarvaṃ madarthaṃ vai vaiṣṇavaḥ saḥ sā vaiṣṇavī || 10 ||
[Analyze grammar]

rūkṣā'kṣarāṇi vai śṛṇvan bhakteritāni vai kvacit |
pramodaṃ labhate tatra na roṣaṃ prakaroti hi || 11 ||
[Analyze grammar]

praṇāmapūrvakaṃ kṣāntyā gṛhṇīyād guṇameva tu |
vaiṣṇavo vaiṣṇavī saiva divyadṛṣṭiyutā satī || 12 ||
[Analyze grammar]

gandhapuṣpādikaṃ sarvaṃ śirasā yā hi dhārayet |
hareḥ sarvamitītyevaṃ matveyaṃ vaiṣṇavī hi sā || 13 ||
[Analyze grammar]

mama kṣetre śubhāneva karoti tu divāniśam |
māṃ sato mama bhaktāṃśca sevate snehasaṃyutaḥ || 14 ||
[Analyze grammar]

pratimāṃ pūjayennityaṃ mama sarvopacārakaiḥ |
karmaṇā manasā vācā sa sā bhaktottamā matā || 15 ||
[Analyze grammar]

roge kaṣṭe'thavā''pattau vighne codvejane tathā |
mānatāṃ mama sevāyāḥ satsaṃgasya tathā satām || 16 ||
[Analyze grammar]

mandirasya ca sādhūnāṃ bhaktānāṃ bhaktayoṣitām |
gurūṇāṃ cāpi sevāyāḥ kuryāt daharniśaṃ ca yaḥ || 17 ||
[Analyze grammar]

brahmapriyāṇāṃ sevāyāstathā kṣetrasya vai śubhām |
annavastrajalādānavastrakṣālanakātmikām || 18 ||
[Analyze grammar]

lepanakṣālanasaṃskāraṇamārjanakātmikām |
pātramajjanarūpāṃ ca gomahiṣīprasevanām || 19 ||
[Analyze grammar]

āgantvatithisevāṃ ca sevāṃ bhojanapānadām |
pādasaṃvāhanasevāṃ cāṃgamardanarūpiṇīm || 20 ||
[Analyze grammar]

oṣadhādipradānāṃ ca kāṣṭhāharaṇarūpiṇīm |
yathāśakti yathāyogyāṃ jātyavasthānurūpiṇīm || 21 ||
[Analyze grammar]

sevāṃ bhṛtyakriyāṃ dāsīdāsakriyāṃ suśobhanām |
mānatāṃ yaśca yā kuryāt kuryāttathaiva bhṛtyatām || 22 ||
[Analyze grammar]

nārāyaṇaparaṃ yasya yasyāḥ sarvasvameva tu |
satāṃ parāyaṇaṃ yasya yasyāḥ sarvasvameva ca || 23 ||
[Analyze grammar]

dharmārthaṃ cāpi mokṣārthaṃ yayoḥ sarvasvameva ca |
nārāyaṇaparāvetau mahābhāgavatau hi tau || 24 ||
[Analyze grammar]

bhojanā''rādhanaṃ sarvaṃ yathāśakti karoti yaḥ |
viṣṇubhaktasya vai nityaṃ sa vai bhāgavatottamaḥ || 25 ||
[Analyze grammar]

nārāyaṇaparo bhakto'śnāti yadannameva tat |
harerāsyaṃ samaśnāti tṛpyatyeva hariḥ svayam || 26 ||
[Analyze grammar]

viṣṇubhaktān pūjayed yo bhaktyā vai viṣṇuvannaraḥ |
nārī vā viṣṇusāmīpyaṃ yāti muktiṃ hi śāśvatīm || 27 ||
[Analyze grammar]

anyabhaktasahasrebhyo viṣṇubhakto viśiṣyate |
viṣṇubhaktasahasrebhyo harerbhakto viśiṣyate || 28 ||
[Analyze grammar]

harerbhakto brahmarūpaḥ pareśadhāmago bhavet |
avatārisvarūpasya mamaiva bhaktarāṭ hi saḥ || 29 ||
[Analyze grammar]

atraiva jīvamānāyā muktāyāḥ khalu rakṣaṇam |
karomyahaṃ sadā lakṣmi śṛṇu bhaktākathāṃ parām || 30 ||
[Analyze grammar]

cidambarā'bhavad rājñī samrājñī jiṣṇubhūbhṛtaḥ |
saurāṣṭre godale deśe mama bhaktiparāyaṇā || 31 ||
[Analyze grammar]

jiṣṇuśaktirhi nidhanaṃ prāpto bhaktyā mamālayam |
yayāvakṣarasaṃjñaṃ ca rājñī rājyamakārayat || 32 ||
[Analyze grammar]

bhaktā brahmaparā devītulyā śaucasamanvitā |
prātarutthāya māṃ kṛṣṇanārāyaṇaṃ pumuttamam || 33 ||
[Analyze grammar]

parameśaṃ cā'kṣareśaṃ śrīpatiṃ puruṣottamam |
arcayāmāsa satataṃ vāṅmanaḥkāyakarmabhiḥ || 34 ||
[Analyze grammar]

bhojanaṃ pūjanaṃ vāridānaṃ puṣpasrajarpaṇam |
gandhādipeṣaṇaṃ cāpi dhūpadravyaprasādhanam || 35 ||
[Analyze grammar]

bhūmerālepanaṃ cāpi haviṣāṃ pācanaṃ tathā |
bhaktikautukasarvasvā svayameva cakāra sā || 36 ||
[Analyze grammar]

śubhā cidambarā nityaṃ vācā nārāyaṇeti ca |
anādiśrīkṛṣṇanārāyaṇeti bhāṣate muhuḥ || 37 ||
[Analyze grammar]

daśavarṣasahasrāṇi tatparā cāntarātmanā |
arcayāmāsa māṃ kṛṣṇaṃ gandhapuṣpādibhiḥ sadā || 38 ||
[Analyze grammar]

viṣṇubhaktānaparāṃśca mahābhāgavatān śubhān |
dānamānārcanairnityaṃ dhanaiḥ ratnairatoṣayat || 39 ||
[Analyze grammar]

tataḥ kadācit sā rājñī suṣvāpa pūjanottaram |
dvādaśyāṃ ca niśānte tāṃ pratyakṣaḥ puruṣottamaḥ || 40 ||
[Analyze grammar]

ahameva svayaṃ lakṣmi sarvaśobhānvito'bhavam |
tayā svapnakṛtāṃ pūjāmaṅgīcakāra sarvaśaḥ || 41 ||
[Analyze grammar]

mayā dattāni cihnāni mālāṃ kaṇṭhe hi taulasīm |
bhāle satilakaścandraḥ kauṃkumaḥ śobhanastathā || 42 ||
[Analyze grammar]

netrayoḥ kajjalaṃ cāpi karṇayoḥ kuṇḍale tathā |
kaṇṭhe kamalamālāṃ ca bāhvorāyudhalekhikāḥ || 43 ||
[Analyze grammar]

śaṃkhacakragadāpadmarekhāḥ satilakāstathā |
ahaṃ tato'bhavaṃ lakṣmi cā'dṛśyastatkṣaṇāddhi sā || 44 ||
[Analyze grammar]

unnidrā hyabhavattūrṇa dadarśā'ṅkitavigrahām |
āścaryaṃ mahadāpannā'bhavat pramodasaṃbhṛtā || 45 ||
[Analyze grammar]

mahābhāgavatī jātā mahāsāttvatikā tathā |
madarthakṛtasarvasvā madartharājyavaibhavā || 46 ||
[Analyze grammar]

madarthā'rpaṇasarvasvā bheje tato hi māṃ satī |
mahāvairāgyamūrtiḥ sā parameśaparāyaṇā || 47 ||
[Analyze grammar]

brahmacaryaparā nityaṃ satsaṃgatiparāyaṇā |
tyaktaviṣayarāgā ca sādhvīvad vartate sadā || 48 ||
[Analyze grammar]

ātmanivedinī dāsī kiṃkarīva hi vartate |
atha kālāntare cā'haṃ parīkṣitumupāyayau || 49 ||
[Analyze grammar]

airāvatamivā'cintyaṃ kṛtvā vai garuḍaṃ nijam |
svayaṃ śakro'bhavaṃ cāpi rājñīsaudhamupāgataḥ || 50 ||
[Analyze grammar]

indro'hamasmi bhadraṃ te kiṃ dadāmi varaṃ ca te |
sarvasvargeśvaraścā'haṃ dātuṃ tvāṃ svargamāgataḥ || 51 ||
[Analyze grammar]

gṛhāṇa nākaṃ śreṣṭhaṃ vā māhendraṃ padamuttamam |
te dāsī bhavatu dyauśca bhūśca dāsī sadā tava || 52 ||
[Analyze grammar]

gṛhāṇa rājyaṃ subhage vaidhavyaṃ vipravāsaya |
gṛhāṇa śreṣṭhaṃ saubhāgyaṃ manvantarasamaṃ śubham || 53 ||
[Analyze grammar]

mā dehaṃ kṣapayerdivyaṃ bhogayogyaṃ sukomalam |
yadṛcchayā''gataṃ prāpya sukhinī bhava bhāminī || 54 ||
[Analyze grammar]

vinā kāntaṃ sadā rūkṣaṃ jagad dagdhaṃ hi yoṣitām |
tasmāt kāntaṃ sukāntaṃ māṃ gṛhāṇa puṇyaśālinī || 55 ||
[Analyze grammar]

śrutvā cidambarovāca namasyāmīndrayogine |
devatāyai namo me'stu mā doṣaṃ paśya devate || 56 ||
[Analyze grammar]

deho'yaṃ mānavaścāste devatā taijasī sadā |
aindrapadasya hantrī ca mānavīyonirulbaṇā || 57 ||
[Analyze grammar]

mā manuṣye puṇyahāre manaḥ kṛthāḥ surottama |
mā tathā macchāpadagdho bhava kṣamāṃ vidhehi mām || 58 ||
[Analyze grammar]

pūjāṃ prāpya namo labdhvā prayāhi tvaṃ sureśvara |
rājasyo devatā pūyaṃ strīvanto vai svabhāvajāḥ || 59 ||
[Analyze grammar]

strīkāmāstatra nāścaryaṃ kintu me tanna rocate |
nā'haṃ tvāmabhisandhāya rājyaṃ karomi bhūtale || 60 ||
[Analyze grammar]

tvayā dattaṃ ca neṣyami yāhi cendra nijālayam |
mama nārāyaṇo nāthastaṃ kāntaṃ prabhajāmi hi || 61 ||
[Analyze grammar]

gacchendra mā kṛthāstvatra mama buddhivilopanam |
anādiśrīkṛṣṇanārāyaṇadāsī bhavāmyaham || 62 ||
[Analyze grammar]

śrutvaivaṃ bhagavānindro vivṛtya cendrarūpatām |
śārṅgacakragadāpadmapāṇirūpo'bhavat svayam || 63 ||
[Analyze grammar]

garuḍopari lakṣmīśrīsahito'haṃ hariḥ prabhuḥ |
pratyakṣatāṃ gatastasyāḥ sā tuṣṭāva nanāma mām || 64 ||
[Analyze grammar]

prasīda devadeveśeśvareśvareśvareśvara |
anādiśrīkṛṣṇanārāyaṇa śrīpuruṣottama || 65 ||
[Analyze grammar]

tvamanādiḥ patirnāthaḥ svāmī kāntaḥ śriyaḥ patiḥ |
aprameyo vibhurviṣṇurgovindaḥ kamalekṣaṇaḥ || 66 ||
[Analyze grammar]

brahmapriyāpatirharipriyāpatiḥ parameśvaraḥ |
tvāṃ prapannā'smi govinda godaleśa priya prabho || 67 ||
[Analyze grammar]

tvāṃ vinā kāṃkṣaye naiva rājyaṃ svargaṃ sukhaṃ param |
nānyā gatistvadanyā me tvameva śaraṇaṃ mama || 68 ||
[Analyze grammar]

satyendrastvaṃ mahendratvaṃ cātmendrastvaṃ pareśvara |
mama sarvendriyāṇāṃ tvāṃ yayārthendraṃ bhajāmi hi || 69 ||
[Analyze grammar]

namāmi prāṇanāthaṃ tvāṃ namāmi cāntarasthitam |
namāmi sukhaśayyāsthaṃ turyapadasuyoginam || 70 ||
[Analyze grammar]

śrutvā stutimavocaṃ tāṃ kiṃ te hṛdi cikīrṣitam |
tatsarvaṃ te pradāsyāmi vada bhaktā'si me parā || 71 ||
[Analyze grammar]

bhaktipriyo'haṃ satataṃ yadicchasi dadāmi tat |
śrutvā cidambarā prāha nityaṃ me mānasaṃ ca hṛt || 72 ||
[Analyze grammar]

anādiśrīkṛṣṇanārāyaṇakāntaparāyaṇam |
vartatāṃ mayi nāthastvaṃ kāntākānto hṛdi sthitaḥ || 73 ||
[Analyze grammar]

yathā hare bhavānāste sarvāntarātmavit prabhuḥ |
tathā bhavāmyahaṃ kṛṣṇa tvadāntarātmabhūyasī || 74 ||
[Analyze grammar]

kṛpayā te yāvadasti pālayiṣyāmi medinīm |
vaiṣṇavaṃ ca kratuṃ kṛtvā tarpayiṣyāmi devatāḥ || 75 ||
[Analyze grammar]

vaiṣṇavān pālayiṣyāmi bhavān vasatu me gṛhe |
mama kānto bhavānāste sadā rakṣākaro bhava || 76 ||
[Analyze grammar]

yadvā dhāma nijaṃ nītvā māṃ lakṣmīmaparāṃ kuru |
yatheṣṭaṃ cara gopāla ramāpāla cidaṃ prati || 77 ||
[Analyze grammar]

cidambaroktaṃ śrutvaiva mayā lakṣmi gadā mama |
sarvasaṃhāratejobhiryuktā tasyai samarpitā || 78 ||
[Analyze grammar]

rājyarakṣākarī śatrunāśinī pārśvayāyinī |
sahasrāṇāṃ sahasrāṇi gadānāṃ yatsvarūpataḥ || 79 ||
[Analyze grammar]

jāyante raṇakāle vai śāparogārināśikāḥ |
tāṃ datvā'haṃ mama sthānaṃ samāyayau kṛpāmayaḥ || 80 ||
[Analyze grammar]

sā'pi pramuditā rāṣṭraṃ godalaṃ pālayatyapi |
sarvavarṇān dharmamārge svasvakarmasvayojayat || 81 ||
[Analyze grammar]

gṛhe gṛhe'kārayacca bhaktiṃ śrīpauruṣottamīm |
gṛhe gṛhe haristasthau vedaghoṣo gṛhe gṛhe || 82 ||
[Analyze grammar]

nāmaghoṣo hareścaiva yajñaghoṣaḥ pure pure |
kārayāmāsa yajñāṃśca vaiṣṇavān nṛpanandinī || 83 ||
[Analyze grammar]

cidambarāyāṃ śāstryāṃ ca bhūmirāsīd rasapradā |
satṛṇā rogahīnāśca prajāśca nirupadravāḥ || 84 ||
[Analyze grammar]

durbhikṣādirahitāśca mahotsavotsavāḥ śubhāḥ |
akālamṛtyurnāstyeva vyādhirādhirna vidyate || 886 ||
[Analyze grammar]

evaṃ lakṣmi tayā rājñyā kṛtaṃ rājyaṃ hi vaiṣṇavam |
sādhavo rakṣitāścāpi mandireṣu sthale sthale || 86 ||
[Analyze grammar]

santaḥ sampūjitāścāpi vāryambarā'nnabhojanaiḥ |
satyaḥ sādhvyo rakṣitāśca sevitāḥ satataṃ tayā || 87 ||
[Analyze grammar]

gāvaśca rakṣitāḥ sādhvyāḥ anāthāḥ pālitāstathā |
nityaṃ prātastathā sāyaṃ kāritaṃ bhajanaṃ mama || 88 ||
[Analyze grammar]

maṇḍalyaḥ sthāpitāścāpi bhaktanārījanānvitāḥ |
hare kṛṣṇa hare nārāyaṇa śrīpuruṣottama || 89 ||
[Analyze grammar]

hare lakṣmīpate rādhāpate brahmapriyāpate |
evaṃ tayā kāritaṃ ca kīrtanaṃ mama sarvataḥ || 90 ||
[Analyze grammar]

annasatrāṇi ramyāṇi kāritāni tayā tathā |
jalaprapāḥ kāritāśca vṛkṣacchāyāḥ prakāritāḥ || 91 ||
[Analyze grammar]

dharmaśālāḥ kāritāśca gośālā kāritāstathā |
vidyālayāḥ kāritāśca brahmavidyālayāstathā || 92 ||
[Analyze grammar]

kṛṣikāryodayāścāpi nadāśca kāritāstayā |
kuṃkumavāpikākṣetre cidambarāsatīkṛtam || 93 ||
[Analyze grammar]

mandiraṃ me śobhate'tra paśya gaganaśṛṃgavat |
nityaṃ prātarhi sā rājñī snātvā sampūjya māṃ tataḥ || 94 ||
[Analyze grammar]

sabhāyāṃ brahmavijñānāṃ samāyāti hi nityaśaḥ |
brahmakathāṃ sadā tatra karoti godalāyanaḥ || 95 ||
[Analyze grammar]

lakṣmīnārāyaṇasaṃhitāyāḥ karoti vācanam |
kīrtanaṃ jāyate paścāt tataścāpi visarjanam || 96 ||
[Analyze grammar]

sādhūnāṃ ca satīnāṃ ca satsaṃgo jāyate śubhaḥ |
brahmaśīlaparāṇāṃ vai sevā hṛdyā prajāyate || 97 ||
[Analyze grammar]

nityaṃ bhavanti pañcāpi yajñāstasyā hi rāṣṭrake |
ityevaṃ dhyāyamānā māṃ karoti rājyanirvaham || 98 ||
[Analyze grammar]

divyā divyaramātulyā cidambarā haripriyā |
hariṃ patiṃ prabhuṃ prāpya vairāgyavṛttimāśritā || 99 ||
[Analyze grammar]

bhajantāṃ bhagavantaṃ taṃ prāṇeśaṃ parameśvaram |
prayāntu śāśvataṃ dhāma labhantāṃ mudamuttamam || 100 ||
[Analyze grammar]

ityevaṃ sā prajāḥ sarvāḥ śikṣāṃ śrāvayati dhruvām |
dhruvapuṇyaphalāṃ sādhvī divyadehavatī hyabhūt || 101 ||
[Analyze grammar]

etādṛśīnāṃ bhaktānāṃ rakṣāṃ karomi sarvadā |
dadāmi pārśvavāsaṃ ca sevāṃ caraṇayostathā || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ mahābhāgavatabhaktacihnāni cidambarārājñyāḥ parīkṣaṇaṃ bhaktiścetyādinirūpaṇanāmā ṣaṣṭitamo'dhyāyaḥ || 60 ||
[Analyze grammar]