Chapter 54

śrīpuruṣottama uvāca |
śṛṇunārāyaṇīśri tvaṃ gurorbalaṃ mahattamam |
mahāpāpātipāpānāṃ nāśakaṃ paramojjvalam || 1 ||
[Analyze grammar]

jālandhare mahāpīṭhe deśe dāsakriyāparam |
khaśajātikuṭumbaṃ vai nyavasanmāmake pure || 2 ||
[Analyze grammar]

viṣṇudāso hi nāmnā'bhūt khaśo dharmaparāyaṇaḥ |
anivedya viṣṇave ca gurave'pyanivedya saḥ || 3 ||
[Analyze grammar]

naiva bhuṃkte'nnavastrādi phalaṃ jalādyapi kvacit |
viṣṇudāsasya vai tatra gururmokṣaparāyaṇaḥ || 4 ||
[Analyze grammar]

sādhurnāmnā ṛṣidharmo mokṣado bhaktikārakaḥ |
nityaṃ triṣavaṇasnāyī trikāladevatārhaṇaḥ || 5 ||
[Analyze grammar]

vyavasthāparavṛttiśca triguṇakleśavarjitaḥ |
ayācitānnapatrādivṛttirdigambaraḥ sadā || 6 ||
[Analyze grammar]

nadītīre kṛtāvāso vṛkṣā'dho nirjane sthitaḥ |
nityaṃ vai bhajate nārāyaṇaṃ māṃ puruṣottamam || 7 ||
[Analyze grammar]

dvandvasahiṣṇurevā'yaṃ rāgadveṣavivarjitaḥ |
nirīho'pyatiniṣkāmo vṛddho doṣavivarjitaḥ || 8 ||
[Analyze grammar]

vāksiddhaścāpi maunī ca jayatyeva ca māṃ sadā |
ārtāścāyānti cārtīnāṃ nāśārthaṃ śaraṇaṃ yadā || 9 ||
[Analyze grammar]

āśīrvādairjaladānaiḥ rajodānairvyapohati |
duḥkhāni śaraṇārthināṃ paropakārabhūṣaṇaḥ || 10 ||
[Analyze grammar]

lokāḥ phalāni vastrāṇi miṣṭānnāni dhanāni ca |
agre samarpya tiṣṭhanti prayānti taṃ prapūjya ca || 11 ||
[Analyze grammar]

sādhurvastūni naivā'yaṃ spṛśati nāpi paśyati |
anye tu bhikṣukā yadvā paśavo vā haranti ca || 12 ||
[Analyze grammar]

nirmoho nirmamaścā'yaṃ vartate cāpyamāyayā |
evaṃvidhaṃ gurum ṛṣidharmaṃ khaśo niṣevate || 13 ||
[Analyze grammar]

khaśapatnī rāmaṇī ca sevate mārjanādibhiḥ |
patrapuṣpādyarpaṇaiśca pādasaṃvāhanādibhiḥ || 14 ||
[Analyze grammar]

khaśasyā''sīt kanyakā ca nāmnā līlāvatī śubhā |
dvādaśābdā hi sādhoḥ sā sevāyāṃ vartate sadā || 15 ||
[Analyze grammar]

devārthaṃ puṣpavallīnāṃ jalasekādikarmaṇi |
śraddhāvatī bhaktimatī bhaktānāṃ svāgatādiṣu || 16 ||
[Analyze grammar]

sā cā'jñānavaśā kanyā vṛkṣeṣu jalasecane |
bilavāsāṃ mūṣikāṃ sāpatyāṃ dadarśa nirgatām || 17 ||
[Analyze grammar]

bālabhāvena kanyā sā dhṛtvā'patyāni tāni ca |
dūraṃ gatvā nicikṣepa bālān mātṛviyojitān || 18 ||
[Analyze grammar]

mūṣikā bhayamāpannā tṛṇapuṃjāntare sthitā |
svalpān bālānādadānā kanyāṃ śaśāpa vai tadā || 19 ||
[Analyze grammar]

madviyuktāśca me bālā yathā duḥkhagatāstathā |
bhavatī pitṛmātrādiviyuktā duḥkhinī bhava || 20 ||
[Analyze grammar]

mūṣikāyāstu śāpo'yaṃ dāruṇo vai vyajāyata |
dināntare ca tatpākaphalaṃ prāptaṃ hi kanyayā || 21 ||
[Analyze grammar]

kanyā sāyaṃ guruṃ saṃsevya gṛhaṃ yāti yāvatā |
mārge mleccho yuvā kaścitprāpto jagrāha kanyakām || 22 ||
[Analyze grammar]

rorūyamāṇāṃ śīghraṃ tāṃ nināya balavān vanam |
vanād vanāntaraṃ rātrau dūradeśaṃ gato'bhavat || 23 ||
[Analyze grammar]

mlecchena svagṛhe dāsī kṛtā sā kanyakā khaśī |
madyaṃ vai pāyitaṃ cāpi māṃsaṃ ca bhojitaṃ tathā || 24 ||
[Analyze grammar]

vyavāyitaṃ tathā pāpaṃ hiṃsādi kāritaṃ muhuḥ |
mlecchakarma samastaṃ vai kāritaṃ tena kanyayā || 25 ||
[Analyze grammar]

mlecchī sā hyabalā cāpyajñātā'raṇyasya mārgakam |
naiva jānāti vai nityaṃ śocatyeva gṛhāgamam || 26 ||
[Analyze grammar]

athaikadā pure mlecchotsavo'bhavad vivāhajaḥ |
tatrā''yayurgāyikāśca gaṇikāścotsave tadā || 27 ||
[Analyze grammar]

saiṣā khaśī surūpā ca gaṇikāḥ samalokayat |
dāsībhāvena tāmbūlaṃ dadāti nartanādiṣu || 28 ||
[Analyze grammar]

niyojitā hi mlecchena gaṇikāsevanaṃ vyadhāt |
gaṇikā tāṃ samapṛcchat kva te mātā pitā sute || 29 ||
[Analyze grammar]

khaśī śrutvā jagādaiva sarvaṃ vṛttāntakaṃ nijam |
bhāvaṃ jñātvā gamanasya haraṇārthaṃ mano vyadhāt || 30 ||
[Analyze grammar]

viśvāsaṃ sampradāyaiva saṃketaṃ cā'karot tataḥ |
atha kālāntare saṃketānusāreṇa kanyakām || 31 ||
[Analyze grammar]

mlecchagṛhāddhi niṣkāsyā'prāpayad gaṇikā gṛham |
gaṇikāyāḥ śubhā dāsī tato'bhavaddhi kanyakā || 32 ||
[Analyze grammar]

vyavāyādau pravṛttā cā'bhavaddharmavivarjitā |
mahāpāpātipāpāni karoti gaṇikāvaśā || 33 ||
[Analyze grammar]

atha kālāntare rugṇā'bhavadvai gaṇikā hyati |
udarendriyarogārtā'bhakṣayaccauṣadhānyapi || 34 ||
[Analyze grammar]

naivā''rogyaṃ labhate vai gaṇikā sā śuśoca ha |
kathaṃ rogo bhaved dūraṃ bhagandarātmako mama || 35 ||
[Analyze grammar]

dāsī khaśī tadovāca gururme'sti mahān prabhuḥ |
samartho roganāśāya vāksiddhistatra yāhi vai || 36 ||
[Analyze grammar]

śrutvaivaṃ gaṇikā jñātvā vṛttāntaṃ tu guroḥ śubham |
sajjā babhūva sahasā dravyakhaśīsamanvitā || 37 ||
[Analyze grammar]

anyā dāsīśca gaṇikā bhāṇḍāṃśca puruṣānapi |
ādāya gaṇikā'raṇyamullaṃghya yatra rājate || 38 ||
[Analyze grammar]

sādhustatra nadītīre samāyātā'tibhāvataḥ |
khaśī līlāvatī cā'tiprasannā'bhūddhṛdantare || 39 ||
[Analyze grammar]

sādhuṃ nanāma bhāvena prāptā svaṃ pitaraṃ yathā |
guruṃ devaṃ praṇamyaiva vṛttāntaṃ svaṃ nyavedayat || 40 ||
[Analyze grammar]

gaṇikāyāśca vṛttāntaṃ roganāśārthakaṃ hyapi |
nyavedayattataḥ sādhuḥ prāha karmaphalaṃ tadā || 41 ||
[Analyze grammar]

yayā yādṛk kṛtaṃ pūrvaṃ tayā tādṛk prabhujyate |
līlāvati tvayā bālā mūṣikāyā viyojitāḥ || 42 ||
[Analyze grammar]

vṛkṣāṇāṃ vāridānārthakāle mūṣikayā tadā |
śaptā tvaṃ ca viyogena pitrorduḥkhaṃ gatā tataḥ || 43 ||
[Analyze grammar]

gaṇikeyaṃ vyavāyena rogaṃ bhuṃkte nikṛṣṭakam |
kintu tvayā mama sevā kṛtā pūrvaṃ phalaṃ hi tat || 44 ||
[Analyze grammar]

kārayāmāsa me prāptiṃ punaścā'syā miṣeṇa vai |
gaṇikeyaṃ cātithīnāṃ sevāparāyaṇā'bhavat || 45 ||
[Analyze grammar]

bhaktāyāstava yogena madyogaṃ samupāgatā |
sādhuṃ nayati satsaṃgaḥ kusaṃgastu hyasādhukam || 46 ||
[Analyze grammar]

duṣṭaṃ karma duḥkhayati satī sukhayati kriyā |
sādhusaṃgastu puṇyena jāyate nānyathā sute || 47 ||
[Analyze grammar]

tava pāpāni sarvāṇi mārjaye mlecchajāni vai |
gaṇikāyāśca pāpāni mārjaye cāpi putrike || 48 ||
[Analyze grammar]

mamā'tra sannidhau vāsaṃ parṇaśālāṃ vidhāya vai |
kurvantyatraiva ca vrataṃ kāyaśodhārthamityapi || 49 ||
[Analyze grammar]

ityuktāstāḥ samastāśca vṛkṣā'dhobhūtale śubhām |
parṇakuṭīṃ vidhāyaiva vāsaṃ cakrurhi sannidhau || 50 ||
[Analyze grammar]

ekabhuktaṃ vrataṃ tābhyo dadau ca ṛṣidharmakaḥ |
pañcagavyaṃ vrate cāpyaprāśayad vai dinatrayam || 51 ||
[Analyze grammar]

tato mantrān dadau lakṣmi tābhyaḥ ṛṣivaraḥ śubhān |
oṃ namaḥ śrīkṛṣṇanārāyaṇāya pataye namaḥ || 52 ||
[Analyze grammar]

kālamāyāpāpakarmaśatruyāmyakuhṛdbhayāt |
śūlamīnadhvajadhanuścakrasvastikavānava || 53 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
brāhmyahaṃ śrīkṛṣṇanārāyaṇabhaktā'smi śāśvatī || 54 ||
[Analyze grammar]

anādiśrīkṛṣṇanārāyaṇaḥ svāmī patiśca me |
itimantrān dadau karṇe haste jalaṃ dadau tathā || 55 ||
[Analyze grammar]

o namaḥ śrīkṛṣṇanārāyaṇāya svāmine svāhā |
ityuktvā ṛṣidharmaḥ sa jalaṃ vyāmocayad bhuvi || 56 ||
[Analyze grammar]

tāvattatrā'bhavallakṣmi mahāścaryaṃ ca tacchṛṇu |
līlāvatyāstathā tāsāṃ gaṇikānāṃ śarīrataḥ || 57 ||
[Analyze grammar]

samantato nīlavarṇā niryayuḥ kākapakṣiṇaḥ |
niryayuśca tato ghūkāstataśca maśakā api || 58 ||
[Analyze grammar]

piśācāśca tataścāpi kadrūpāḥ krūravigrahāḥ |
vṛkṇāḥ kṛśāḥ kṣudhitāśca durbalāḥ kāṇakhañjakāḥ || 59 ||
[Analyze grammar]

kuṣṭhinaśca jaḍāścāndhā durgandhā malasaṃbhṛtāḥ |
niryayuśca rudhirāḍhyāḥ sarvāṃgaviṣamāstadā || 60 ||
[Analyze grammar]

ruruduste ṛṣiṃ vīkṣya nagnāḥ sarve nirāśrayāḥ |
līlāvatī gaṇikādyā āpuścāścaryameva ca || 61 ||
[Analyze grammar]

tāstu ṛṣiṃ guruṃ natvā papracchuḥ ke ime guro |
guruḥ prāha sute sarvapāpāni santi vaḥ khalu || 62 ||
[Analyze grammar]

mayā mantrapradānena niṣkāsitāni dehataḥ |
kākā ime śvapacānāṃ saṃgajāni hyaghāni vai || 63 ||
[Analyze grammar]

ghūkāśceme gaṇikātve kṛtānyaghāni santi vai |
maśakā madyapānasya pāpāni santi tāni vai || 64 ||
[Analyze grammar]

piśācāśca bhavatīnāṃ māṃsā'śanānyaghāni vai |
tāni sarvāṇi dehebhyo yuṣmākaṃ nirgatāni vai || 65 ||
[Analyze grammar]

rudanti tāni sarvāṇi paśyantvimāni yoṣitaḥ |
pāpānyapi tadā lakṣmi cakrurvai prārthanāṃ mune || 66 ||
[Analyze grammar]

nirādhārāṇi sarvāṇi vayaṃ suduḥkhitāni ha |
ṛṣe mokṣaṃ vidhehyatra jaladānena sarvathā || 67 ||
[Analyze grammar]

śrutvā ṛṣirnijaṃ pādaṃ dakṣaṃ prakṣālya teṣu vai |
añjalinā nicikṣepa gṛhītā bindavaśca taiḥ || 68 ||
[Analyze grammar]

pītāḥ sarve bindavaśca tṛptānyaghāni vai tadā |
evamṛṣiḥ punaścāpi cikṣepāpi jalāñjalim || 69 ||
[Analyze grammar]

atha divyasvarūpāste yathā devāstathā'bhavan |
athā'ñjaliṃ tṛtīyaṃ ca cikṣepa devatopari || 70 ||
[Analyze grammar]

tūrṇaṃ tryakṣā gaṇāḥ sarve babhūvuḥ śūladhāriṇaḥ |
pāpānyapi puṇyajanā abhavaṃste sahasraśaḥ || 71 ||
[Analyze grammar]

sarve narākṛtayaśca divyarūpadharāḥ śubhāḥ |
ṛṣerājñāṃ samādāya natvā himālayaṃ yayuḥ || 72 ||
[Analyze grammar]

tato meruṃ yayuḥ sarve puṇyajanā hi te'bhavan |
khyātā devagaṇāḥ sarve sādhoreva pratāpataḥ || 73 ||
[Analyze grammar]

atha pāpādiśūnyāśca gaṇikā devatā yathā |
abhavan divyarūpāśca tābhyaḥ pādajalaṃ dadau || 74 ||
[Analyze grammar]

ṛṣeḥ pādajalaṃ pītvā nīrugṇā gaṇikā'bhavat |
anyāścāpi jalaṃ pītvā naṣṭasaṃsāravāsanāḥ || 75 ||
[Analyze grammar]

yoginyaśca yathā sādhvyastathā sarvāstadā'bhavan |
rogā nirgatya tūrṇaṃ vai natvā kailāsakaṃ yayuḥ || 76 ||
[Analyze grammar]

sarvā dīkṣāṃ jagṛhuśca sādhvīnāṃ gaṇikā hi tāḥ |
bhāṇḍāśca jagṛhurdīkṣāṃ sādhūnāṃ tatra vai tadā || 77 ||
[Analyze grammar]

hare kṛṣṇa hare viṣṇo hare nārāyaṇa prabho |
anādiśrīkṛṣṇanārāyaṇā'kṣarapate vibho || 78 ||
[Analyze grammar]

ityevaṃ bhajanaṃ cakrustatrāśrame ca saṃhitāḥ |
līlāvatyāḥ pitarau ca prāpya putrīṃ sukhānvitau || 79 ||
[Analyze grammar]

babhūvaturhi kamale bhaktau gurupratāpataḥ |
sādhudīkṣāṃ jagṛhatuḥ khaśau tau tatra sa sadguroḥ || 80 ||
[Analyze grammar]

pāpanāśātmikī vārtā prāsarat sarvatodiśi |
mānavāḥ pāpanāśārthaṃ cāyayuścakitāstadā || 81 ||
[Analyze grammar]

narānāryo jagṛhuśca dīkṣāṃ śrīvaiṣṇavīm ṛṣeḥ |
tāḥ saṃvidhāya muktāṃśca preṣayāmāsa cā'kṣaram || 82 ||
[Analyze grammar]

śiṣyāścāpi ca śiṣyāṃśca preṣayāmāsa cākṣaram |
ṛṣeḥ saṃkalpamātreṇa vimānāni cidambarāt || 83 ||
[Analyze grammar]

pārṣadaiḥ sahitānyeva viṣṇumūrtiyutāni vai |
āgatāni ca tānyāruhyaiva yayuḥ paraṃ padam || 84 ||
[Analyze grammar]

vaikuṇṭhavāsā abhavan gaṇikādyā gurorbalāt |
līlāvatī tathā tasyāḥ sakhyaḥ pañca tathā'parāḥ || 85 ||
[Analyze grammar]

sahasraśo'bhavan dhāmni vaikuṇṭhe śrīharermama |
seyaṃ līlāvatī te'sti kāśīrājasutā'dhunā || 86 ||
[Analyze grammar]

bhaginī tava cā'trā''ste brahmapriyā vivāhitā |
gaṇikā sā suśīlā''ste sakhī te'tra samudraje || 87 ||
[Analyze grammar]

ityevaṃ śivarājñīśri mama yogena nirguṇaḥ |
ṛṣidharmo nirguṇaśca tadyogena narāḥ striyaḥ || 88 ||
[Analyze grammar]

nirguṇā eva jāyante muktā eva na saṃśayaḥ |
kāmāt krodhād bhayāllobhānmā ye yāḥ paryupāsate || 89 ||
[Analyze grammar]

madbhaktāṃścāpi sādhūṃśca gurūn tānuddharāmyaham |
api pāpā durācārā guroryogena pāvanāḥ || 90 ||
[Analyze grammar]

jāyante dhāmavāsāśca kimuta vratināṃ tu me |
gurau vai kṛtasarvasvā gurutīrśenaṣeviṇaḥ || 91 ||
[Analyze grammar]

gurau viśvāsamāpannāḥ prayānti paramaṃ padam |
gururdevo guruḥ kṛṣṇo gururdīkṣā hi pāvanī || 92 ||
[Analyze grammar]

gururvrataṃ gururdānaṃ gururyasyā mato hariḥ |
gurutīrthapratāpena bhavā'bdhiṃ sā taratyapi || 93 ||
[Analyze grammar]

prayāti paramānandaṃ dhāmā'kṣaraṃ hi śāśvatam |
mama vāsamayaṃ divyaṃ sarvadhāmaparaṃ priyam || 94 ||
[Analyze grammar]

sarvatṛptipradaṃ sarvakāmanāpūrakaṃ padam |
na nyūnaṃ vartate tatrā'śnute bhogān mayā saha || 95 ||
[Analyze grammar]

vadhvo vāpi vidhavā vā hyadhavā vā nirāśritāḥ |
gurutīrthaṃ paraṃ prāpya mucyante bhavasāgarāt || 96 ||
[Analyze grammar]

paṭhanācchravaṇāccā'sya smaraṇāt kathanādapi |
bhuktirmuktirdivyagatirdhāmaprāptiḥ prajāyate || 97 ||
[Analyze grammar]

sakāmānāṃ svargalabdhirniṣkāmānāṃ pramokṣaṇam |
matkāmānāṃ mama prāptiḥ puruṣottamaśārṅgiṇaḥ || 98 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ gurutīrthe ṛṣidharmamaharṣeryogena līlāvatyāḥ suśīlādīnāṃ ca pāpānāṃ vigame brahmapriyātvaprāptyādi |
nirūpaṇanāmā catuṣpañcāśattamo'dhyāyaḥ || 54 ||
[Analyze grammar]