Chapter 44

śrīpuruṣottama uvāca |
śṛṇu nārāyaṇīśri tvaṃ kathāṃ pūrvabhavāṃ śubhām |
vedāyano maharṣiḥ svāṃ bhāryāmakathayat purā || 1 ||
[Analyze grammar]

śreṣṭhatamaṃ pravakṣyāmi pātivratyamanuttamam |
vācā sumanasā caiva karmaṇā śṛṇu bhāmini || 2 ||
[Analyze grammar]

āgrāyaṇe śṛṇu dharmān vadhvāḥ śreyaskarān mudā |
śuśrūṣāṃ kurute bhartuḥ pratyahaṃ svīyabhāvanaiḥ || 3 ||
[Analyze grammar]

kruddhaṃ ca nirdhanaṃ vāpi na tyajet taṃ pativratā |
tasya doṣaṃ na gṛhṇāti tāḍitā'pi pratuṣyati || 4 ||
[Analyze grammar]

bhartuḥ karmasu sarveṣu puratastiṣṭhate sadā |
kuṣṭhinaṃ vṛndalaṃ vāpi kāntaṃ yā sevate satī || 5 ||
[Analyze grammar]

patyulaukaṃ prayātyeva prasādāt svāminaḥ śubham |
patitaṃ vyādhitaṃ kubjaṃ vikalaṃ rogiṇaṃ ca vā || 6 ||
[Analyze grammar]

ṣaṇḍhaṃ dharmavihīnaṃ pātakinaṃ vyasanānvitam |
api nāthaṃ tyajennaiva vadhūḥ śreyo yadīcchati || 7 ||
[Analyze grammar]

kāntaṃ tyaktvā vrajedanyatkāryārthaṃ snehavarjitā |
sā patyuḥ śāpamāsādya puṃścalītvamavāpnuyāt || 8 ||
[Analyze grammar]

gate bhartari śṛṃgāraṃ laulyaṃ ca sevate yadi |
sā tu kāmasya vegena bhraṣṭā bhavejjanāntarāt || 9 ||
[Analyze grammar]

yā patiṃ svaṃ parityajya piturgehe vaset sadā |
vidhihīnā dharmahīnā sā nārī śāsanārhaṇā || 10 ||
[Analyze grammar]

gārhasthyaṃ hi parityajya yā'ṭate'nyatra veśmani |
sā na bhavati sampūrṇā patidevā hyabhāginī || 11 ||
[Analyze grammar]

bhartāraṃ ca parityajya mahodyānādivartinī |
śṛṃgārabhūṣāveṣāḍhyā nirghṛṇā sā tu pāpinī || 12 ||
[Analyze grammar]

bhavati puṃścalī nāma yayā tyaktaḥ svakaḥ patiḥ |
pṛthakśayyā vadhūḥ proktā puṃścalī dharmavarjitā || 13 ||
[Analyze grammar]

cakṣurhīnā dharmanetravihīnā pativarjitā |
sarvasthāne patirhyeko bhāryāyā dharmadhṛṅnaraḥ || 14 ||
[Analyze grammar]

piturgehe sthitā kanyā ciraṃ nāśaṃ prayāti sā |
patyurgehe sthitā kāntā ciramāyuṣyamṛcchati || 15 ||
[Analyze grammar]

pativratā mahābhāgā sarvatīrthamayī satī |
devī sarvamayī nityā sarvadharmamayo hi sā || 16 ||
[Analyze grammar]

asadgatiṃ gatāyai ca yasyai kasyaicidapyatha |
dadātyekadinasyāpi puṇyaṃ pativratodbhavam || 17 ||
[Analyze grammar]

piśācinyā bhavenmokṣaḥ pāpaśāntirbhavettathā |
śarīraṃ śīryate'vaśyaṃ pātivratyamupārjayet || 18 ||
[Analyze grammar]

piṃgalā śṛṃgalī nāma dvau kṛmīkarṇamūlayoḥ |
capalaḥ pippalaścaiva dvāvetau nāsikāgrayoḥ || 19 ||
[Analyze grammar]

bhṛṃgalī jaṃgalī caito netrayorāntarasthitau |
kṛmayo vai tathā santi sarvāṃgeṣu navā navāḥ || 20 ||
[Analyze grammar]

taiśca saṃbhakṣyate dehaḥ patidharmaparāyaṇaḥ |
vadhvā vicārya sādhyo'to dharmaḥ pativratātmakaḥ || 21 ||
[Analyze grammar]

tejaḥprabhāvo hyatulaḥ satīnāṃ patidaivataḥ |
dhātā soḍhuṃ samartho na na sūryo na ca pāvakaḥ || 22 ||
[Analyze grammar]

satkārayogyāḥ satyaśca satītvaṃ pūjyate sadā |
kṣamā śāntirbrahmacaryaṃ dayā damaśca sauhṛdam || 23 ||
[Analyze grammar]

prajñā santoṣa aiśvaryamārjavaṃ śuddhatā tathā |
siddhayaḥ kalpalatikāḥ satyā dehe vasanti hi || 24 ||
[Analyze grammar]

guravaḥ pitaraścāpi viṣṇurlakṣmyā samanvitaḥ |
haraśca satyā sahitaḥ sāvitryā saha viśvasṛṭ || 25 ||
[Analyze grammar]

satīgehaṃ samāyānti devāścāgnipurogamāḥ |
mokṣamārgasthitāyāṃ vai yoṣiti gṛhayoṣiti || 26 ||
[Analyze grammar]

jñānaudāryasthitāyāṃ ca satīṣu dharmavatsvapi |
sādhuṣvapi gṛhastheṣu nityaṃ tiṣṭhanti devatāḥ || 27 ||
[Analyze grammar]

bhaktasyā'pi kuṭumbasya gṛhe vasāmi mādhavaḥ |
samarthāḥ sādhavaḥ sādhvyo yatra tatra vasāmi ca || 28 ||
[Analyze grammar]

satīgṛhaṃ gṛhaṃ me vai brahmapriyāyutasya ha |
sañcarāmi sadā gehe pātivratyādiśobhite || 29 ||
[Analyze grammar]

īśvarāḥ svāminaḥ sarve darśanārthaṃ prayāntyapi |
pativratāgṛhaṃ yatra nivasāmi narāyaṇi || 30 ||
[Analyze grammar]

rūpasaubhāgyaśṛṅgārasukhaṃ sampattirityapi |
nārīṇāṃ sarvathā kānte sarvasvaṃ śobhate'niśam || 31 ||
[Analyze grammar]

kāntā kāntena riktā na tyaktavyā vai kadācana |
tyāgakartā doṣabhāk syāt satīdharmasya lopakṛt || 32 ||
[Analyze grammar]

vinītāṃ vimalāṃ puṇyāṃ vadhūṃ tyaktvā prayāti yaḥ |
tasya puṇyaṃ kṛtaṃ sarvaṃ vṛthā vadhūvilāpanāt || 33 ||
[Analyze grammar]

dharmācāraparāṃ puṇyāṃ bhāryāṃ tyaktvā prayāti yaḥ |
sādhvīṃ suguṇāṃ vatsāṃ sa dharmaphalaṃ na vindati || 34 ||
[Analyze grammar]

sarvācāraparā sādhvī puṇyapuñjārjane ratā |
satīvrataratā sevāratā vijñā vinodinī || 35 ||
[Analyze grammar]

jñānaguṇā bhavedbhāryā yasya bhaktimatī śubhā |
mahāsatī ca tadgehe devāstiṣṭhanti sarvadā || 36 ||
[Analyze grammar]

pitarastādṛśaṃ putraṃ vadhūṃ cecchanti sarvathā |
puṇyā satī vadhūrgehe vartate satyaśālinī || 37 ||
[Analyze grammar]

tatra yajñāśca devāśca tīrthāni puṇyadāni ca |
kāmadughāḥ kalpalatāstatra vasanti sarvadā || 38 ||
[Analyze grammar]

tatra sarvāṇi puṇyāni tīrthāni sarito nadāḥ |
tatra lakṣmyo nivasanti sampadaśca vasantyapi || 39 ||
[Analyze grammar]

bhāryātīrthe sarvapuṇyaśīlāstiṣṭhanti yoginaḥ |
bhāryāyogena patyuśca pādau tīrthasvarūpiṇau || 40 ||
[Analyze grammar]

satībhāryānivāsena sugārhasthyaṃ sudaivatam |
sarvayajñamayaṃ syādvai sarvavratārthasampradam || 41 ||
[Analyze grammar]

gṛhasthasya gṛhaṃ puṇyaṃ bhāryā puṇyā pativratā |
yatra tatra pravartante sarve dharmā sanātanāḥ || 42 ||
[Analyze grammar]

dānācārāḥ pravartante utsavāśca mahāsukhāḥ |
bhāryāhīnaṃ vanaṃ vyāghrākulitaṃ duḥkhasaṃbhṛtam || 43 ||
[Analyze grammar]

nāsti bhāryāsamaṃ tīrthaṃ dharmasādhanamuttamam |
vane grāme'pyaraṇye vā satītīrthaṃ hi mokṣadam || 44 ||
[Analyze grammar]

nāsti bhāryāsamaṃ puṇyaṃ nāsti bhāryāsamaṃ sukham |
nāsti bhāryāsamaṃ jñānaṃ tāraṇāya hitāya ca || 41 ||
[Analyze grammar]

dharmabhāryāṃ satīṃ tyaktvā yo'nyatra kurute matim |
gṛhadharmaṃ parityajya phalaṃ kvā'sya bhavennanu || 46 ||
[Analyze grammar]

patnīṃ vinā yadā tīrthe śrāddhaṃ dānaṃ kṛtaṃ śubham |
sarvaṃ prayāti viphalaṃ tasmād vadhūṃ na saṃtyajet || 47 ||
[Analyze grammar]

yathā'mṛtapradānena pitṛtṛptiḥ prajāyate |
bhāryādattena piṇḍena tathā tṛptiḥ prajāyate || 48 ||
[Analyze grammar]

gārhasthyasya tu dharmasya bhāryā bhavati svāminī |
tayā vinā'rpitaṃ śrāddhaṃ kavoṣṇaṃ jāyate hi tat || 49 ||
[Analyze grammar]

bhāryā pacati caivānnaṃ svahastenā'mṛtopamam |
tadannameva bhuñjanti pitaro hṛṣṭamānasā || 50 ||
[Analyze grammar]

tenaiva tṛptimāyānti santuṣṭāśca bhavanti te |
tasmād bhāryā vinā dharmaḥ puruṣāṇāṃ na siddhyati || 51 ||
[Analyze grammar]

bhāryā satī vadhūrnityaṃ dharmaṃ sādhayati dhruvam |
yajñāḥ siddhiṃ na cā''yānti gṛhiṇīrahite gṛhe || 52 ||
[Analyze grammar]

satyadharmamukhāḥ puṇyā jñānādyāḥ prabalāḥ sutā |
dharmasya te sahāyā vai satīṃ rakṣanti sarvathā || 13 ||
[Analyze grammar]

satī rakṣāparā cāste damaśāntiparāyaṇā |
na tāṃ jetuṃ samartho vai kālo vā yama eva vā || 54 ||
[Analyze grammar]

bhartrā vinā satīṃ kaścinnirīkṣeta yadā janaḥ |
satīnetrāgninā so'pi bhasmībhūto bhavet khalu || 55 ||
[Analyze grammar]

yatra satī mahābhāgā vadhūrvai sarvamaṃgalā |
tasyāḥ satyena santuṣṭā devā varaṃ dadatyapi || 56 ||
[Analyze grammar]

satīṃ yāntīṃ cā'bhiyanti vahnayo devatā api |
gṛhadevā abhiyanti vanadevyo'bhiyanti ca || 57 ||
[Analyze grammar]

satīṃ yāntīṃ jale snātuṃ jaladevyo'bhiyanti ca |
satīṃ yāntīṃ tīrthayātrāṃ tīrthāni cābhiyantyapi || 58 ||
[Analyze grammar]

satīṃ yāntīṃ devagṛhaṃ devāttāmabhiyanti ca |
satīṃ yāntīṃ vāṭikāyāṃ kṣetradevyo'bhiyanti tām || 59 ||
[Analyze grammar]

satīṃ yāntī yajñabhūmiṃ makhadevyo'bhiyanti tām |
satīṃ yāntīṃ pravāsaṃ ca pṛthvī yāti satīmanu || 60 ||
[Analyze grammar]

satīṃ snāntīṃ prasevante pitryo devyo jalārthikāḥ |
satītanvā jalaṃ tāśca pibanti vastrapīḍitam || 61 ||
[Analyze grammar]

vadhūryā modate pātivratyena svagṛhe sadā |
svarge'pi tatsukhaṃ nāsti siddhilabhyaṃ satīsukham || 62 ||
[Analyze grammar]

siddhayaścāṇimādyāśca sevante vai pativratām |
satīcchāḥ pūrṇatāṃ yānti yathātathāpi kalpitāḥ || 63 ||
[Analyze grammar]

viṣṇurbrahmā haraścendraḥ sūryaścandro yamo guruḥ |
satīṃ namanti sādhvīṃ ca pūjayanti satīṃ ca te || 64 ||
[Analyze grammar]

nijapatnīṃ satīṃ sarve devā icchanti sarvathā |
rājāno'pi diśāṃ pālā bibhyati strīsatībalāt || 65 ||
[Analyze grammar]

satyaṃ vrataṃ bhaved yatra satī sā sarvathā matā |
patyurvrataṃ bhaved yatra satī sā tu pativratā || 66 ||
[Analyze grammar]

brahmavratavatī yā sā satī brāhmī pativratā |
mama caikāntikā yā sā satī śrīpuruṣottamī || 67 ||
[Analyze grammar]

bahupuṇyena labhyo'haṃ patiḥ śrīpuruṣottamaḥ |
śatajanmaśīlakośānmama prāptirbhavediha || 68 ||
[Analyze grammar]

satīsaṃkalpamātreṇa rogā dūraṃ prayānti ca |
vighnā dūraṃ prayāntyeva gaṇeśo'pi bibheti vai || 69 ||
[Analyze grammar]

yamarājo bhayaṃ caiti kālo gacchati dūrataḥ |
mātaraśca prasannāḥ syuryatra gehe pativratā || 70 ||
[Analyze grammar]

caṇḍyādyāḥ śāntimāsādya rakṣanti tāḥ satīgṛham |
bālagrahā na cāyānti sīmni satīgṛhasya vai || 71 ||
[Analyze grammar]

mārīrogāśca mantrāśca mohabhrāntikarā api |
uccāṭanādyā bhīṃ prāpya varjayanti satīgṛham || 72 ||
[Analyze grammar]

hanumān brahmaśīlo'pi senānīḥ śīlavānapi |
brahmacaryākhyapuruṣaḥ satīṃ namanti dūrataḥ || 73 ||
[Analyze grammar]

vidyudvṛṣṭisamudrāṇāmutpātā bhīṃ prayānti ca |
satīvākyena santo'pi svānurodhaṃ jahatyapi || 74 ||
[Analyze grammar]

pativratāyā vadhvāśca sannidhau ceśvarā api |
parājayaṃ kvacit prāpya satyājñāṃ mānayanti ca || 75 ||
[Analyze grammar]

satīkopena sarpādyāḥ saviṣā yānti bhasmatām |
parvatādyā vilīyante śuṣkāyante'bdhayo'pi ca || 76 ||
[Analyze grammar]

grahā gatiṃ vihāyaiva stabdhā bhavanti daṇḍitāḥ |
kāmādyā mānasā devā layaṃ yānti satībalāt || 77 ||
[Analyze grammar]

vāsanā bhavadā satyāśīrvādena pradahyati |
mahāmāyāvilayaśca jāyate tu satīcchayā || 78 ||
[Analyze grammar]

avagrahaḥ satīkopād vṛṣṭiḥ satīprarañjanāt |
vaṃśarekhā satīśāpānnaśyatyapi jagatsu ca || 79 ||
[Analyze grammar]

satīcchayā navaṃ sarvaṃ jagatpunaḥ prajāyate |
yatra satī vadhūścāste tatrā'haṃ bhagavān svayam || 80 ||
[Analyze grammar]

virāje dhāmasahito muktādisahitastathā |
virāje pārṣadairyukto virāje dharmasaṃyutaḥ || 81 ||
[Analyze grammar]

virāje bhaktiyuktaśca śrīpatiḥ puruṣottamaḥ |
virāje sampadā yuktaḥ pratyakṣo'haṃ satīgṛhe || 82 ||
[Analyze grammar]

satī sādhvī brahmaparā bhaktā nārāyaṇī hi sā |
pativratā sāttvatī sā mahābhāgavatī matā || 83 ||
[Analyze grammar]

saccidānandasaṃjño'haṃ nivasāmi satīgṛhe |
tadvaṃśe prakaṭīsaṃbhavāmi cāpi satīcchayā || 84 ||
[Analyze grammar]

prasanno'haṃ sadā bhaktavatsalaḥ śrīsatīgṛhe |
anādiśrīkṛṣṇanārāyaṇo'haṃ bhagavān svayam || 85 ||
[Analyze grammar]

paripūrṇatamaścāsmi tatra kṣatirna vidyate |
nyūnatā naiva bhavati saṃśayo na bhavatyapi || 86 ||
[Analyze grammar]

tasya vai saphalaṃ janma saphalaṃ gṛhamityapi |
saphalo vaṃśavistāro yasya gehe hariḥ satī || 87 ||
[Analyze grammar]

dharmastasyāpi saphalo kriyāśca saphalāḥ sadā |
prayāsāḥ saphalāḥ sarve yasya gehe hariḥ satī || 88 ||
[Analyze grammar]

sadā''nandāśca kuśalaṃ svāsthyaṃ sarvavidhaṃ tathā |
yatra sādhvyo harirdharmo yatayaḥ sādhavaḥ surāḥ || 89 ||
[Analyze grammar]

tatra yato bhavet siddhiḥ laukikī pāralaukikī |
yatra kṣaṇaṃ sthitā sādhvī santastatra hariḥ svayam || 90 ||
[Analyze grammar]

kṛtaṃ tena paraṃ puṇyaṃ pūrvajanmani cātulam |
yena prāptā satī bhāryā hariḥ śrīpuruṣottamaḥ || 91 ||
[Analyze grammar]

satīṃ draṣṭuṃ mukhyadevāḥ santaścāyānti nityaśaḥ |
aśvapaṭṭasaraścedaṃ gṛhaṃ me śivasaṃjñike || 92 ||
[Analyze grammar]

tasmāt paraṃ hi sukṛtaṃ deśasyā'sya pravartate |
yatra satyo mama patnyo bhavanti koṭiśo'rbudāḥ || 93 ||
[Analyze grammar]

tvayā nibhālitā lakṣmi svatulyāśca madātmikāḥ |
paripūrṇatamaścā'haṃ kṛṣṇanārāyaṇo hariḥ || 94 ||
[Analyze grammar]

vadhūbhiḥ saha saṃrāje divye surāṣṭrake sthale |
ākṣare mama satkṣetre divye kuṃkumanāmake || 95 ||
[Analyze grammar]

sṛṣṭidhāmādhipaścāhaṃ tava bhaktyā vaśīkṛtaḥ |
lakṣmi vasāmi te'gre ca svavaśastava mandire || 96 ||
[Analyze grammar]

aho brahmapriyāḥ sarvā rasaṃ gṛhṇanti me hareḥ |
kṛpayā''nandasandohaṃ pibanti mama cā'mṛtam || 97 ||
[Analyze grammar]

yūyaṃ brahmapriyāḥ parabrahmarūpā madātmikāḥ |
mama dharmaparāḥ santu kalyāṇadā hi yoṣitām || 98 ||
[Analyze grammar]

dhanyā kuṃkumavāpīyaṃ dhanyaṃ vyāghravanaṃ tvidam |
dhanyaṃ cāśvasaraścāpi dhanyā bhūśca surāṣṭrikā || 99 ||
[Analyze grammar]

dhanyo deśaḥ prajāścāpi vṛkṣāśca vallikāstathā |
dhanyāstṛṇastambavṛkṣāḥ paśavo narayoṣitaḥ || 100 ||
[Analyze grammar]

dhanyaścāpi samayo'yaṃ dhanyāśca jantavo'pi ca |
yeṣāṃ me śrīhareryogaḥ kṣaṇe kṣaṇe'tra jāyate || 101 ||
[Analyze grammar]

yatra dharmaḥ kuṭumbāḍhyo vartate śāśvataḥ sukhaḥ |
yatra muktistathā bhaktiḥ prītiśca santi vai dhruvāḥ || 102 ||
[Analyze grammar]

evaṃ matvā narā nāryo dhanyamātmānameva ye |
smariṣyanti satīdharmāste'pi yāsyanti dhāma me || 103 ||
[Analyze grammar]

paṭhanācchravaṇāccāsya satīdharmasya vācanāt |
pālanādapi muktiśca siddhiścāpi bhaved dhruvā || 104 ||
[Analyze grammar]

vaṃśaḥ sampad yaśo mānaṃ cārogyaṃ ca prabhāvitā |
prabhūtā ceśvarabhāvo bhavantyasya vicāraṇāt || 105 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ satīsatyasāmarthyanirūpaṇanāmā catuścatvāriṃśo'dhyāyaḥ || 44 ||
[Analyze grammar]