Chapter 41

śrīpuruṣottama uvāca |
upavītaṃ rakṣayecca naro nārī samāhitaḥ |
sandhyāṃ kurvīta ca named guruvargaṃ sadā vadhūḥ || 1 ||
[Analyze grammar]

upādhyāyaṃ ca pitaraṃ jyeṣṭhabhrātaramityapi |
nṛpaṃ mātulaṃ śvaśuraṃ mātāmahapitāmahau || 2 ||
[Analyze grammar]

varṇaśreṣṭhaṃ ca pitṛvyaṃ mātāmahīṃ ca mātaram |
pitṛsahodarīṃ gurvīṃ śvaśrūṃ pitāmahīṃ tathā || 3 ||
[Analyze grammar]

dhātrīṃ jyeṣṭhāṃ sapatnīṃ ca bhaginīṃ praṇamed vadhūḥ |
anuvartanametāsāṃ manovākkāyakarmabhiḥ || 4 ||
[Analyze grammar]

prapālayecca tā dṛṣṭvottiṣṭhet samabhivādayet |
naitairupaviśet sārdhaṃ vivadennā''tmakāraṇāt || 5 ||
[Analyze grammar]

jīvitārthamapi dveṣād gurūn naivā'pamānayet |
udriktā'pi gurudveṣakarī vadhūḥ patatyadhaḥ || 6 ||
[Analyze grammar]

bhartā bhrātā tathā vidyāpradātā jananī pitā |
pūjanīyā viśeṣeṇa pañca te guravo'gragāḥ || 7 ||
[Analyze grammar]

ātmanaḥ sarvayatnena prāṇatyāgena cāpi vai |
teṣāṃ hitaṃ sadā kāryaṃ śvaśrvāśca śvaśurasya ca || 8 ||
[Analyze grammar]

mūtraṃ kṛtvā trirācāmet tathaiva bhojanottaram |
malaṃ tyaktvā snānameva samācaret sukhārthakam || 9 ||
[Analyze grammar]

keśānāṃ guptadehasya sparśe prakṣālanaṃ nasaḥ |
kartavyaṃ karṇanābhyādeḥ sparśe'pi caraṇaspṛśau || 10 ||
[Analyze grammar]

agnau śmaśāne kāṣṭhe vā śādvale gomaye na ca |
jale jīrṇe devagṛhe valmīke jantugartake || 11 ||
[Analyze grammar]

malamūtrādi kuryānna rājamārge tuṣādiṣu |
na kṣetre na bile tīrthe nodyāne nagarāśaye || 12 ||
[Analyze grammar]

nityamudyamamagnā syāt sādhvyācāraratā satī |
gurvyagre prauḍhapādā na bhaved vadhūḥ kadācana || 13 ||
[Analyze grammar]

gurornindā tathā gurvyāḥ parivādo'pi yatra vā |
pravartate tatra karṇau pidhātavyau yathā'nyataḥ || 14 ||
[Analyze grammar]

gantavyaṃ ca tathā sevā kartavyā bhāvanānvitā |
prayuñjīta sadā vācaṃ madhurāṃ hitakāriṇīm || 15 ||
[Analyze grammar]

laukikaṃ vaidikaṃ vāpi tathā''dhyātmikamityapi |
ādadīta yato jñānaṃ taṃ na druhyed vadhūjanaḥ || 16 ||
[Analyze grammar]

gurvīvatpratipūjyāśca savarṇā guruyoṣitaḥ |
abhyañjanasnāpanādyairgātrasammārdanādibhiḥ || 17 ||
[Analyze grammar]

keśaprasādhanādyaiśca gurvyaḥ sevyā vadhūjanaiḥ |
abhivādyā gurupatnī prādhīyīta śrutīstataḥ || 18 ||
[Analyze grammar]

sāvitrīṃ śrīhariṃ nāma vedāntāṃścātmaśoṣitān |
adhīyītā'bhyasennityaṃ brahmaniṣṭhā samāhitā || 19 ||
[Analyze grammar]

oṃkāramāditaḥ kṛtvā vyāhṛtīśca tataḥ param |
tato'dhīyīta mannāma śrīmatkṛṣṇanarāyaṇam || 20 ||
[Analyze grammar]

na jīrṇamalavadvastrā bhaved vadhūṭikā kvacit |
sakhyaṃ sakhībhiḥ kuryācca kuryādātmahitaṃ vadhūḥ || 21 ||
[Analyze grammar]

vayasaḥ karmaṇo'rthasya śrutasyā'bhijanasya ca |
deśavāgbuddhisārūpyamācarantī gṛhe vaset || 22 ||
[Analyze grammar]

vṛddhairvṛddhābhirutkṛṣṭaṃ sevitaṃ vṛṣameva sā |
niṣeveta na teneyaṃ yāntī duṣyati karhicit || 23 ||
[Analyze grammar]

trivargasevikā syācca syācca vibhāgaśālinī |
sā gṛhiṇī sadā proktā svargādisatyadhāriṇī || 24 ||
[Analyze grammar]

dharmasyā''yatanaṃ yatnāccharīraṃ paripālayet |
nahi dehaṃ vinā nārāyaṇo'haṃ prāptigocaraḥ || 25 ||
[Analyze grammar]

na hiṃsyāt sarvabhūtāni nānyā'hitaṃ caret kvacit |
na devadravyahartrī syād viṣaṃ devasya vai dhanam || 26 ||
[Analyze grammar]

devadrohaṃ na kurvīta gurudrohaṃ tathaiva ca |
svāmidrohaṃ na kurvīta śvaśrūdrohaṃ na cācaret || 27 ||
[Analyze grammar]

anṛtād bahubhogācca parapīḍāvidhāpanāt |
śāpād rogācca vai dīrghādāyuṣyaṃ nāśameti hi || 28 ||
[Analyze grammar]

na saṃvaset sumūrkhābhiḥ pāpābhiśca kvacid vadhūḥ |
sahavāsāt saṃgamādyaiḥ pāpaṃ saṃkramate yataḥ || 29 ||
[Analyze grammar]

na kuryācchuṣkavairāṇi marmabhīndi na coccaret |
bahvībhiśca samaṃ kuryānna virodhaṃ vadhūḥ kvacit || 30 ||
[Analyze grammar]

na devaguruviprāṇāṃ dīyamānaṃ nivārayet |
na cātmānaṃ praśaṃsecca nindāṃ cāpi vivarjayet || 31 ||
[Analyze grammar]

na pāpaṃ pāpināṃ brūyānmithyādoṣaṃ na cārpayet |
nā'śnīyāt svāminā sārdhaṃ tvekasthālyāṃ kadācana || 32 ||
[Analyze grammar]

na kuryāt kasyacit pīḍāṃ sutāṃ śiṣyāṃ tu śikṣayet |
nātmānaṃ cāvamanyeta dainyaṃ ca varjayet sadā || 33 ||
[Analyze grammar]

na saṃhatābhyāṃ pāṇibhyāṃ kaṇḍūyedātmanaḥ śiraḥ |
na gālīḥ saṃvadet kvāpi nā'ślīlāni vadettathā || 34 ||
[Analyze grammar]

naiva svapyācchūnyagehe nirjane vā parāsane |
caityavṛkṣaṃ na vai chindyād gurūnna vañcayet kvacit || 35 ||
[Analyze grammar]

na devāyatane gacched vāmaṃ kṛtvā tu mandiram |
na vyādhidūṣitābhiśca saṃsargaṃ racayed vadhūḥ || 36 ||
[Analyze grammar]

na ninded yoginaḥ siddhān vratino vā yatīṃstathā |
devān devanivāsāṃśca sādhvīḥ satīśca gurvikāḥ || 37 ||
[Analyze grammar]

rātrau tilasamāyuktaṃ dadhi tyajenna bhakṣayet |
nā'śnīyāt payasā takraṃ kṛmiduṣṭaṃ vivarjayet || 38 ||
[Analyze grammar]

arthānāmucite pātre dānaṃ dadyāddhi bhūtaye |
nityaṃ dadyājjalānnādi kvacid dadyād vratādiṣu || 39 ||
[Analyze grammar]

dadyādapatyavijayaiśvaryārthaṃ cāpi śobhanam |
harerme cātiprītyarthaṃ dadyādvai brahmavādiṣu || 40 ||
[Analyze grammar]

dānenopāsitaṃ pātraṃ tārayatyeva sarvathā |
bhaktipūrvaṃ pradātavyaṃ deyapātrapramodakṛt || 41 ||
[Analyze grammar]

bhūmiṃ dadyādikṣuyuktāṃ yavagodhūmaśālinīm |
vidyāṃ dadyāttathā dadyāt suvarṇaṃ rajataṃ maṇīn || 42 ||
[Analyze grammar]

hīrakaṃ ratnabhūṣādi dadyād vastrāṇi kambalān |
annaṃ śākaṃ ca pātrāṇi pradadyānmadhusarpiṣī || 43 ||
[Analyze grammar]

tilān dadyāt prīyatāṃ me hṛṣīkeśaḥ prabhuḥ patiḥ |
evamuktvā yatīn sādhūn sādhvīḥ prapūjya cārpayet || 44 ||
[Analyze grammar]

phalamūlāni pānāni śākāni cauṣadhaṃ tathā |
dadyācchatraṃ tathopānad yadiṣṭaṃ syāt samarpayet || 45 ||
[Analyze grammar]

kanyādānaṃ caret sādhvī rūpāḍhyaguṇaśālini |
kuline yuni samṛddhe vittapūrṇe nare dṛḍhe || 46 ||
[Analyze grammar]

sarvābharaṇasaṃyuktā dātavyā kanyakā nijā |
vikrayo naiva kanyāyāḥ kartavyaḥ śreyasāṃ prahan || 47 ||
[Analyze grammar]

bhūmiṃ gāṃ ca hiraṇyaṃ ca dhanaṃ vastraṃ ca dhānyakam |
jāmāturyautakaṃ dattvā sarvaṃ bhavati cā'kṣayam || 48 ||
[Analyze grammar]

yautakena vinā dattā dāsītvamupagacchati |
atyaśane vidūrasthe vyasanāḍhye'tidurjane || 49 ||
[Analyze grammar]

kulahīne ca mūrkhe ca na dātavyā kadācana |
ativṛddhe cātidīne rogiṇi sarvanāśake || 50 ||
[Analyze grammar]

atikruddhe'pyasantuṣṭe dātavyā na hi kanyakā |
kanyādātrī labhet svargaṃ patiṃ ca parameśvaram || 51 ||
[Analyze grammar]

kanyādātā labhet patnīṃ paratra varavarṇinīm |
kaṇḍanī peṣaṇī cūllī jalakuṃbhī pramārjanī || 52 ||
[Analyze grammar]

pañcasūnā gṛhasthānāṃ naśyanti pañcasanmakhaiḥ |
jantubhyaḥ saṃpradadyācca dadyāt pitṛbhya ityapi || 53 ||
[Analyze grammar]

yādobhyaśca tathā dadyād dadyād govṛkṣapatriṣu |
devatābhyaḥ pradadyāccā'tithibhyo'pi yathādhanam || 54 ||
[Analyze grammar]

evaṃ dānena vai doṣā naśyeyurnā'tra saṃśayaḥ |
dānaṃ śuddhiṃ tathā pātraṃ śuddhaṃ tārayati dhruvam || 55 ||
[Analyze grammar]

pāvakaḥ sarvathā medhyo medhyāśca yoṣitaḥ sadā |
sādhavaścātimedhyāśca devatāste trayo matāḥ || 56 ||
[Analyze grammar]

surāpī vyādhitā dveṣṭrī na kartavyā vadhūḥ kvacit |
virodhena na vai bhāvyaṃ patnyā patyādibhiḥ kvacit || 57 ||
[Analyze grammar]

yatrā'virodho dampatyostrivargastatra varddhate |
mṛte jīvati vā patyau yā nānyamupagacchati || 58 ||
[Analyze grammar]

seha kīrtimavāpnoti modate svagṛhe satī |
strībhirbhartṛvacaḥ kāryameṣa doṣo na vidyate || 59 ||
[Analyze grammar]

ājñāpitaṃ śubhaṃ cāpyaśubhaṃ kuryādasaṃśayā |
bhartṛbhrātṛpitṛjñātiśvaśrūśvaśuradevaraiḥ || 60 ||
[Analyze grammar]

bandhubhiśca striyaḥ pūjyā bhūṣaṇācchādanā'śanaiḥ |
saṃyatopaskarā dakṣā hṛṣṭā vyayaparāṅmukhī || 61 ||
[Analyze grammar]

śvaśrūśvaśurayoḥ kuryāt pādayorvandanaṃ sadā |
hitā bharturdivaṃ gacchediha kīrtiravāpya sā || 62 ||
[Analyze grammar]

krīḍāśarīrasaṃskārasamājotsavadarśanam |
hāsyaṃ paragṛhe yānaṃ tyajet proṣitabhartṛkā || 63 ||
[Analyze grammar]

patiṃ vinā na tiṣṭheta divā sandhau ca vā niśi |
pūjayed vidhinā kāntaṃ ramayed rāmayettathā || 64 ||
[Analyze grammar]

parapākarucirna syādanindyāmantraṇādṛte |
vākpāṇipādacāpalyaṃ varjayedvai vadhūjanaḥ || 65 ||
[Analyze grammar]

ācaret sadṛśīṃ vṛttimajihmāmaśaṭhāṃ tathā |
daṃbhahetukapāṣaṇḍibakavṛttīśca varjayet || 66 ||
[Analyze grammar]

pādau pratāpayennā'gnau na cainamabhilaṃghayet |
viruddhaṃ varjayetkarma pretadhūmaṃ vivarjayet || 67 ||
[Analyze grammar]

guruṃ śāstraṃ tathā''cāryaṃ rājānaṃ strīṃ patiṃ tathā |
nā''krāmejjananīṃ śvaśrūṃ tacchāyāṃ ca vivarjayet || 68 ||
[Analyze grammar]

varjayetparaśayyādi paradravyāṇi varjayet |
rasāsvādavatī bhūtvā nā'nyaṃ naraṃ samāśrayet || 69 ||
[Analyze grammar]

asnehā na bhavet kvāpi guptacārā ca no bhavet |
sauvarṇarājatābjānāṃ śaṃkharajjvādicarmaṇām || 70 ||
[Analyze grammar]

pātrāṇāmāsanānāṃ ca kāryā śuddhirhi vāriṇā |
uṣṇena sruksruvayośca dhānyānāṃ prokṣaṇena ca || 71 ||
[Analyze grammar]

takṣaṇād dāruśṛṃgāderyajñapātrasya mārjanāt |
trapusīsakatāmrāṇāṃ kṣārā'mlodakavāribhiḥ || 72 ||
[Analyze grammar]

bhasmā'dbhirlohakāṃsyānāṃ bhūśuddhirmārjanādinā |
amedhyāktasya mṛttoyairgandhalepā'pakarṣaṇāt || 73 ||
[Analyze grammar]

notsaṃge bhakṣayet bhakṣyān na nagnā ca svapet kvacit |
na dantairnakharomāṇi chindyāt suptaṃ na bodhayet || 74 ||
[Analyze grammar]

kudvāreṇa praviśenna bāhubhyāṃ na nadīṃ taret |
nā'ṅgārabhasmakeśādiṣvadhitiṣṭhet kadācana || 75 ||
[Analyze grammar]

yantracūllīpradīpādidīpane kuśalā bhavet |
sāvadhānā bhaved vāryāharaṇe'dhvani sarvadā || 76 ||
[Analyze grammar]

kūpasarittaṭākāditīre dhyānavatī bhavet |
pādanyāse'pi kṛṣyādau tṛṇādau kuśalā bhavet || 77 ||
[Analyze grammar]

karīṣakāṣṭhaprabhṛtyādāne'pi kuśalā bhavet |
koṇe jīrṇe jantumaye sthale'pi kuśalā bhavet || 78 ||
[Analyze grammar]

mārge yāne'pi ca vadhūrnijaṃ kāntaṃ hyanuvrajet |
sāvadhānā bhavet pṛṣṭhe yathā nānyabhramā bhavet || 79 ||
[Analyze grammar]

putrā'patyādibālānāṃ rakṣaṇe kuśalā bhavet |
pathyā'pathyādisaṃjñānā grāhyādau kuśalā bhavet || 80 ||
[Analyze grammar]

putrān saṃśodhayet sādhvī saṃskārayecchubhairvṛṣaiḥ |
upādiśet sukhān dharmāncāstikyaṃ pālayet sadā || 81 ||
[Analyze grammar]

snāyājjalena ca vadhūrvarjayitvā śiraḥ sadā |
tailasnānaṃ tu śiraso vidadhyānnityameva ha || 82 ||
[Analyze grammar]

udvartanaṃ śubhaṃ snānaṃ jñānasnānaṃ carettathā |
brahmacintanakaṃ snānaṃ śodhanaṃ cācaret sadā || 83 ||
[Analyze grammar]

sahasraparamāṃ nityaṃ śatamadhyāṃ daśāvarām |
mālikāṃ śruharernāmno japecchāntisthitā vadhūḥ || 84 ||
[Analyze grammar]

pitṝn prapūjayennityaṃ tredhā te pitaraḥ smṛtāḥ |
pratyakṣā mānavāścātra devāḥ svargagatāttathā || 85 ||
[Analyze grammar]

anye pretā janmalābhāstrayaste pitaro matāḥ |
mātā pitā guruḥ śvaśrūḥ patiḥ pratyakṣagocarāḥ || 86 ||
[Analyze grammar]

candramā'rko'gnirityete divi sthitā hi devatāḥ |
pretabhāvaṃ gatāścānyajanmāno mṛtapūrvajāḥ || 87 ||
[Analyze grammar]

tṛtīyāste praboddhavyāstānnamed gṛhadhāriṇī |
candraḥ pitā raviḥ pitāmaho'gniḥ prapitāmahaḥ || 88 ||
[Analyze grammar]

somapaśca barhiṣacca agniṣvāttaśca te kramāt |
yajñīyā ājyapā viprāḥ sādhavastān prabhojayet || 89 ||
[Analyze grammar]

cāndrā mātāpitrādyāśca sauryā dvijādayaḥ śubhāḥ |
āgnayo'tithayaḥ santaḥ pitaraste'kṣigocarāḥ || 90 ||
[Analyze grammar]

tān vadhūrbhojayennityaṃ yathāśakti yathādhanam |
gavādīn sevayellakṣmīsampatsaubhāgyavāñcchayā || 91 ||
[Analyze grammar]

devatābhyo namaḥ kuryād vṛddhānnityaṃ namettathā |
guruṃ namejjapenmālāṃ mama nāmayutāṃ vadhūḥ || 52 ||
[Analyze grammar]

japakāle na bhāṣeta smarecchrīpatimacyutam |
harerārādhanaṃ puṇyaṃ nityamārādhayeddharim || 93 ||
[Analyze grammar]

nivedayennijātmānaṃ vadhūḥ śrīparamātmani |
sandhyāyācchrīhariṃ nityaṃ sarvaśāntipradaṃ patim || 94 ||
[Analyze grammar]

devāyā'nnaṃ pradadyācca devayajñaḥ sa vai bhavet |
mūrtaye vā jale bhūmyāṃ vaiśvadeve'pi cā'rpayet || 95 ||
[Analyze grammar]

śeṣaṃ gobhyaḥ śvapacebhyaḥ śvabhyo bhūtebhya ārpayet |
dīnapatitapakṣibhyo bhūtayajñaḥ sa ucyate || 96 ||
[Analyze grammar]

sādhuṃ vipraṃ satīṃ bālān bhojayet pitṛyajñakaḥ |
atithiṃ bhojayet tṛptiṃ kārayet pitṛvat sadā || 97 ||
[Analyze grammar]

abhyāgatān yathāśakti pūjayedatithīn satīḥ |
bhikṣāṃ ca bhikṣave dadyāt sādhave brahmacāriṇe || 98 ||
[Analyze grammar]

arthibhyo'pi pradadyācca vadhūrvai lobhavarjitā |
mānuṣo'yaṃ yajña ukto mahāśīrvādasādhanam || 99 ||
[Analyze grammar]

mahyaṃ dadyāt sadā'nnaṃ ca śrīmate paramātmane |
brahmavettre pradadyācca brahmayajñaḥ sa vai mataḥ || 100 ||
[Analyze grammar]

sarvathā bhojanakārye karau prakṣālayet satī |
śuddhipūrvaṃ pradadyādvai tena tṛpyanti devatāḥ || 101 ||
[Analyze grammar]

bhojanārthaṃ copaviśet pādau prakṣālya vai karau |
āpośānakriyāṃ kṛtvā prāṇebhyaḥ prārpya vai tataḥ || 102 ||
[Analyze grammar]

praśaṃsāpūrvakaṃ cānnaṃ bhuñjyājjuhuyādātmani |
nā'dyātsūryagrahātpūrvaṃ pratisāyaṃ śaśigrahāt || 103 ||
[Analyze grammar]

grahakāle na cā'śnīyāt snātvā'śnīyāt samarpayet |
svārthārthaṃ bhojanaṃ yasyā bhogārthaṃ kāmamaithunam || 104 ||
[Analyze grammar]

vṛttyarthaṃ ca kalā yasyāstasyāḥ śūnyāntajīvanam |
na dakṣābhimukhī svapyāt paścimābhimukhī na ca || 105 ||
[Analyze grammar]

na cākāśe na nagnā vā nā'nyā''sane vadhūḥ satī |
saṃsmarecchrīhariṃ māṃ vai sarvakāryeṣu cānvaham || 106 ||
[Analyze grammar]

divāniśaṃ smarenmāṃ vai mokṣadaṃ puruṣottamam |
yatheṣṭaṃ māṃ praseveta vadhūḥ saṃkocamantarā || 107 ||
[Analyze grammar]

etān dharmān sadācārān pālayantī sukhasthitā |
pramodate gṛhe nityaṃ sukhādhikyavatī bhavet || 108 ||
[Analyze grammar]

paṭhanācchravaṇādasya dharmācāraphalaṃ labhet |
pālanātpāpanāśaḥ syānmokṣamārgagatirbhavet || 109 ||
[Analyze grammar]

tīrthadānavratabhaktiphalaṃ labhet satī vadhūḥ |
dharmārthakāmamokṣāṃśca putraputrīrlabhettathā || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ vadhūṭīdharmasadācārādivarṇananāmaikacatvāriṃśo'dhyāyaḥ || 41 ||
[Analyze grammar]