Chapter 35

| śrīpuruṣottama uvāca |
śṛṇu lakṣmi tataścordhvaṃ prākaṭyaṃ me'psaro'bdake |
vedhasaḥ pañcacatvāriṃśā'bde kalpe sahasrake || 1 ||
[Analyze grammar]

dvitīye ca manau sarvāpsarasāṃ bhaktibhāvanaiḥ |
ākṛṣṭo'haṃ mokṣadātā'nādikṛṣṇanarāyaṇaḥ || 2 ||
[Analyze grammar]

āvirāsaṃ pṛthivyāṃ vai śṛṇu tatpadmaje yathā |
svarge satye mahendrasya sabhāyāṃ devakoṭiṣu || 3 ||
[Analyze grammar]

tathā'nyatra praśaṃsā vai sarvatra mama jāyate |
rūpe guṇe svabhāve caiśvarye sukhe vilāsane || 4 ||
[Analyze grammar]

sparśe śabde vihāre ca śīle tṛptau rase bale |
ānande sahavāse ca yoge hāsye ca narmaṇi || 5 ||
[Analyze grammar]

śayane sevane mohe hāve bhāve vikarṣaṇe |
mode pramode ramaṇe utsave bhojane sthitau || 6 ||
[Analyze grammar]

āsane vāhane yāne gṛhe pāne ca nartane |
śṛṃgāre ca sugandhe ca vīrye parākrame kṛtau || 7 ||
[Analyze grammar]

rañjane ca kriyāyāṃ ca prasannatve prabhogane |
anādiśrīkṛṣṇanārāyaṇatulyo na cāparaḥ || 8 ||
[Analyze grammar]

evaṃ praśaṃsāṃ śrutvaivā'psarasaḥ koṭiśo divi |
spṛhāṃ cakrurmama yoge bhāge vilāsane ratau || 9 ||
[Analyze grammar]

tāstu bhogān vihāyaiva mama prāptyarthamutsukāḥ |
vratāni cakrurbahūni mānava iva yoṣitaḥ || 10 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
asmatpatirbhavedyena tṛptāḥ syāma hi sarvathā || 11 ||
[Analyze grammar]

iti saṃkalpya sarvāstāḥ pūjanaṃ mama savyadhuḥ |
mayā'pyākāśavāṇyā vai tābhyastato niveditam || 12 ||
[Analyze grammar]

sarvā bhavantu mānuṣyo nijāṃśaiḥ kanyakāḥ śubhāḥ |
rājaputryo vipraputryo bhaktaputryaśca sarvathā || 13 ||
[Analyze grammar]

adyārabhya yatheṣṭaṃ vai gṛhṇantu janma bhūtale |
meroḥ paścimato bhāge khaṇḍe hemarathāhvaye || 14 ||
[Analyze grammar]

tatrā'haṃ mānavo miliṣyāmi vai kṣatrapuṃgavaḥ |
varciṣṇuvaṃśamūrdhanyaḥ parabrahma svayaṃ hariḥ || 15 ||
[Analyze grammar]

ityuktāstā apsaraso dadhrurjanmāni sarvaśaḥ |
ahaṃ sākaṃ tvayā lakṣmi khaṇḍe hemarathābhidhe || 16 ||
[Analyze grammar]

varciṣṇukṣatriyavaṃśe bṛhadindranṛpālaye |
prabhāsvatīmahiṣyāṃ vai prādurāsaṃ drutaṃ tadā || 17 ||
[Analyze grammar]

śaṃkhacakragadāpadmakaustubhādivirājitaḥ |
bhaktau me pitarau dhanyaṃ bhāgyaṃ menāta eva ca || 18 ||
[Analyze grammar]

devadundubhayo nedurmaharṣayo'pi maṃgalam |
smaraṇaṃ pūjanaṃ cakrurvardhayāmāsurīśvarāḥ || 19 ||
[Analyze grammar]

puṣpavṛṣṭirvyomamārgādabhavacchubhaśaṃsikā |
utsavaṃ cakrire rājā prajāḥ surā maharṣayaḥ || 20 ||
[Analyze grammar]

atha tvaṃ rukmacampāyā rājñyā gavendrabhūpateḥ |
kukṣau tadā'bhavaḥ prāduḥ sarvasaubhāgyasundarī || 21 ||
[Analyze grammar]

śātakuṃbhā''bhadehā ca sarvalakṣmasamanvitā |
prāpte vivāhayogye ca kāle mahyaṃ samarpitā || 22 ||
[Analyze grammar]

tava pitrā tathā mātrā pradattā mama bhāminī |
mayā ca vidhinā tatra vivāhitā'tisundarī || 23 ||
[Analyze grammar]

samrājastasya rājñaścotsave vaivāhike mama |
ādeśānnṛpavaṃśāśca śreṣṭhivaṃśāstathā pare || 24 ||
[Analyze grammar]

dvijavaṃśāḥ kṣatravaṃśā vaiśyavaṃśāḥ samāyayuḥ |
apsarasaśca yāḥ kanyā māṃ svapne dadṛśurniśi || 25 ||
[Analyze grammar]

vivāho jāyate naśca hariṇā paramātmanā |
tava vivāharātrau tā dadṛśurmāṃ patiṃ prabhum || 26 ||
[Analyze grammar]

atha tā nirṇayaṃ cakrurmadarthaṃ vai svayaṃvare |
patiṃ svayaṃ grahīṣyāmo varamālāpradānataḥ || 27 ||
[Analyze grammar]

athā'ha paramātmā ca mahaiśvaryasamanvitaḥ |
tāsāṃ madarthakanyānāṃ pitṛbhyāṃ darśanaṃ dadau || 28 ||
[Analyze grammar]

svapne tābhyāṃ nijā putrī mahyaṃ datteti cotsave |
tata utthāya pitarau sarvāsāṃ vai svabhāvataḥ || 29 ||
[Analyze grammar]

tāṃ tāṃ sutāṃ dattavantau mahyaṃ śrīparamātmane |
koṭiśo'psaraso māṃ vai prāpya kāntaṃ yathepsitam || 30 ||
[Analyze grammar]

ānandaṃ paramaṃ prāpuḥ sukhaṃ prāpuranuttamam |
ekamanvantaraṃ rājā cakravartī tadā'bhavam || 31 ||
[Analyze grammar]

nāmnā samrāḍbṛhadbrahmanārāyaṇanṛpeśvaraḥ |
mama putrāstadā koṭyarbudābjāḥ putrikāstathā || 32 ||
[Analyze grammar]

tathāsaṃkhyā abhavaṃśca rājavaṃśeṣu cārpitāḥ |
mama pautrāśca dauhitrā brahmakṣatraviśātmakāḥ || 33 ||
[Analyze grammar]

prajātmakāstathā jātā rājāno'pi ca bhūtale |
manvantarānte patnīstā mokṣayitvā tataḥ param || 34 ||
[Analyze grammar]

ahaṃ vanaṃ jagāmā'pi sākaṃ tvayā narāyaṇi |
araṇye cā'dṛśyabhāvaṃ tvayā sākaṃ gato'bhavam || 35 ||
[Analyze grammar]

evaṃ mamāpi lokeṣu pūjā tataḥ pravartitā |
anādiśrībṛhadbrahmanārāyaṇasya sarvadā || 36 ||
[Analyze grammar]

rukmavatyā tvayā sārdhaṃ cā''kalpāntaṃ hi padmaje |
smara sarvaṃ śivarājñi prākaṭyaṃ te ca me'pi ca || 37 ||
[Analyze grammar]

evamanye'pyavatārāstatkalpe bahavo'bhavan |
paṭhanācchravaṇāccāpi bhuktirmuktiḥ parā bhavet || 38 ||
[Analyze grammar]

sarvatīrthaphalaṃ syācca yāvadvrataphalaṃ tathā |
yāvaddānaphalaṃ cāpi yāvacchrautaphalaṃ bhavet || 39 ||
[Analyze grammar]

sarvapāpavināśaḥ syāt sarvā''nandāptirityapi |
sarvapramodabhāk syācca mama prāptistathā bhavet || 40 ||
[Analyze grammar]

athā'paraṃ pravakṣyāmi prākaṭyaṃ mama tacchṛṇu |
vedhaso vatsare ṣaṭacatvāriṃśe brahmasārase || 41 ||
[Analyze grammar]

kalpe navaśate ṣaṣṭhe manau cādye kṛte purā |
brahmaṇā nirmitā viprā medhāvanto maharṣayaḥ || 42 ||
[Analyze grammar]

ūṣuste bhūtale karmabhūmau tvaravyavāsinaḥ |
pratyakṣadarśinaḥ sarve sarvadharmaparāyaṇāḥ || 43 ||
[Analyze grammar]

brahmavidyā'bhavat teṣāṃ svābhāvikī pravartikā |
atha tretāyuge prāpte sāṃ'śe hrāsaṃ gatā tadā || 44 ||
[Analyze grammar]

tarkavādā abhavaṃśca maharṣayaḥ parasparam |
vismṛtayo'bhavaṃścāpi kālenā'vidyayā hatāḥ || 45 ||
[Analyze grammar]

tataścārādhayāmāsurmāṃ śrīśaṃ puruṣottamam |
anādiśrīkṛṣṇanārāyaṇaṃ śrīparameśvaram |
ahamāvirbhavaṃ teṣāṃ madhye jñānapradāpakaḥ || 46 ||
[Analyze grammar]

vidyāmadhyāpayāmāsa brāhmīṃ parāṃ tathā'parām |
vedavidyā tathā cātmavidyāṃ dharmakriyātmikāḥ || 47 ||
[Analyze grammar]

vidyāścānyā maharṣibhyo'dhyāpayāmāsa trai tadā |
kutarkanāśinīṃ pūjābhaktibodhabhṛtāṃ śubhām || 48 ||
[Analyze grammar]

mokṣadāṃ svargadāṃ vidyāmadhyāpayaṃ hitapradām |
maharṣīṇāṃ guruścā'haṃ vedavidyāprado'bhavam || 49 ||
[Analyze grammar]

brahmasvararṣiputraḥ san gaurave ca pade sthitaḥ |
vipro bhūtvā'vartayaṃ vai maharṣigaṇasevataḥ || 50 ||
[Analyze grammar]

ādvāparāntāyuṣko'haṃ tvayā sākaṃ suvidyayā |
hṛdantararṣisutayā nāmnā suvidyayā śriyā || 51 ||
[Analyze grammar]

anādiśrīgurunārāyaṇaḥ śrīpuruṣottamaḥ |
smara tvaṃ tvāṃ sarvavidyādhiṣṭhātrīṃ tu tadā priye || 52 ||
[Analyze grammar]

evamanye'pyavatārā bahavo'pi tadā'bhavan |
jānāmyetānahaṃ sarvān smara tān parameśvari || 53 ||
[Analyze grammar]

paṭhanācchravaṇāccāsya tamo līyeta mūlataḥ |
brahmaprakāśo jāyeta tathā''tmadarśitāṃ vrajet || 54 ||
[Analyze grammar]

ityevaṃ mama kamale prākaṭyaṃ kathitaṃ tava |
athā'nyadapi kathaye parabrahmaṇa eva me || 55 ||
[Analyze grammar]

svardhūnīvatsare saptacatvāriṃśe tu vedhasaḥ |
kalpe'ṣṭādaśake triṃśacchatottare'ṣṭame manau || 56 ||
[Analyze grammar]

rājā'bhavanmama bhakto bṛhaddharmā janeśvaraḥ |
sa tu yajñaṃ rājasūyaṃ samārabhata śobhanam || 57 ||
[Analyze grammar]

rājadhānyāṃ prasiddhāyām ojasvatyāṃ nṛpaḥ svayam |
iṣṭīṃśca paśuyāgau ca somayāgān vyadhāpayat || 58 ||
[Analyze grammar]

navatriṃśadviśiṣṭaikaśatamiṣṭīnakārayat |
ṣaṭsomayajñakān sapta darvīhomānakārayat || 59 ||
[Analyze grammar]

phālgune śuklapakṣasya prathame pratipaddine |
samārabhaddhi tajyajñaṃ varṣamekaṃ tu tatra ca || 60 ||
[Analyze grammar]

cāturmāsyā'nuṣṭhānaṃ tvakārayadvidhinā nṛpaḥ |
vaiśvānarasya ca parjanyasyeṣṭiṃ cāpyakārayat || 61 ||
[Analyze grammar]

āgneyaṃ saumyaṃ sāvitraṃ sārasvataṃ tataḥ param |
pauṣṇaṃ ca mārutaṃ vaiśvadevaṃ dyāvāpṛthivyakam || 62 ||
[Analyze grammar]

yāgānetānaṣṭasaṃkhyān vaiśvadevākhyaparvaṇi |
akārayat svayaṃ rājā tatra kramācca devatāḥ || 63 ||
[Analyze grammar]

agnaye'ṣṭākapālaṃ ca puroḍāśaṃ samārpayat |
somāya ca caruṃ savitre dvādaśakapālakam || 64 ||
[Analyze grammar]

caruṃ samārpayat sarasvatyai caruṃ dadau tathā |
pūṣṇe piṣṭacaruṃ marute tu saptakapālakam || 65 ||
[Analyze grammar]

puroḍāśaṃ dadau viśvedevebhya āmikṣakāṃ dadau |
dyāvāpṛthivībhyāṃ dadāvekakapālakaṃ śubham || 66 ||
[Analyze grammar]

puroḍāśaṃ tatastatra madhuṃ ca mādhavaṃ tathā |
śukraṃ śuciṃ ghṛtahomairatarpayannṛpaḥ svayam || 67 ||
[Analyze grammar]

evaṃ kṛtvā vaiśvadevaparva tato dvitīyakam |
varuṇapraghāsaparva cakre tu vidhinā nṛpaḥ || 68 ||
[Analyze grammar]

āgneyaṃ saumyaṃ sāvitraṃ sārasvataṃ ca pauṣṇakam |
aindrāgnaṃ mārutaṃ cāpi vāruṇaṃ kāyameva ca || 69 ||
[Analyze grammar]

akārayannavayāgān tatrāgniṃ stomamityapi |
savitāraṃ tathā sarasvatīṃ pūṣāṇamityapi || 70 ||
[Analyze grammar]

indrāgnī marutaścāpi varuṇaṃ kaṃ krameṇa vai |
tattaddravyairnṛpaḥ samyagavartayat havādibhiḥ || 71 ||
[Analyze grammar]

nabhaṃ nabhasyam iṣaṃ corjaṃ ceti hutvā'pyatarpayat |
avabhṛthaṃ cakārā'pi niyamān jagṛhe'pi ca || 72 ||
[Analyze grammar]

tataśca tṛtīyaṃ sākamedhaparvā'pyakārayat |
anīkavatyādīṣṭīśca mahāhavīṃṣi cetyapi || 73 ||
[Analyze grammar]

pitṛyajñaṃ tryambakahavīṃṣi cāpi vyadhāpayat |
ṛṣabhaṃ cāhvayaccāpi krīḍaneṣṭiṃ hyakārayat || 7 ||
[Analyze grammar]

sahaṃ sahasyaṃ tapasaṃ tapasyaṃ cetyatarpayat |
tataśca vidhinā mahāpitṛyajñe hyakārayat || 75 ||
[Analyze grammar]

pitṛmantaṃ barhiṣado'gniṣvāttānapyatarpayat |
piṇḍān dadau ca vidhinā tryambakahavīṃṣi dadau || 76 ||
[Analyze grammar]

rudrāya homaṃ pradadau cakārā'ditidaivatam |
yāgaṃ ca caruṇā paścāt śunāsīrīyaparvakam || 77 ||
[Analyze grammar]

kārayāmāsa nṛpatirāgneyādīn yathāyatham |
kārayāmāsa ca tathā aindrāgnaṃ vaiśvadaivakam || 78 ||
[Analyze grammar]

śunāsīrīyakaṃ vāyavyaṃ sauryaṃ yāgamityapi |
akārayattathā tattaddevatāścāpyatarpayat || 79 ||
[Analyze grammar]

adhikamāsanāmnā caikakapālaṃ dadau tathā |
aiṣṭikāni samastāni samvatsareṇa cā'karot || 80 ||
[Analyze grammar]

tato rājā pavitrādīn ṣaṭ somayāgakānapi |
krameṇā''kārayaccāpi sahasradhenudakṣiṇāḥ || 81 ||
[Analyze grammar]

dadau cāpyanumatyādīnaṣṭau yāgān vyadhāpayat |
anumatyai puroḍāśamaṣṭākapālakaṃ dadau || 81 ||
[Analyze grammar]

ādityaṃ ca caruṃ cāpi pradadau nṛpatistathā |
āgnāvaiṣṇavakaṃ caikādaśakapālakaṃ dadau || 83 ||
[Analyze grammar]

agnīṣomīyakaṃ caikādaśakapālakaṃ dadau |
aindraṃ caikādaśakapālakaṃ cāgneyakaṃ tataḥ || 84 ||
[Analyze grammar]

aṣṭākapālakaṃ caindraṃ dadhi nṛpo dadau tayā |
aindrāgnaṃ dvādaśakapālaṃ caruṃ vaiśvadaivatam || 85 ||
[Analyze grammar]

saumyaṃ śyāmākaṃ ca caruṃ sārasvataṃ caruṃ dadau |
aṣṭākapālamāgneyaṃ raudraṃ gāvīdhukaṃ carum || 86 ||
[Analyze grammar]

aindraṃ dadhi yavamayaṃ vāruṇaṃ ca caruṃ dadau |
apāmārgakṛtān homān nṛpaścākārayattataḥ || 87 ||
[Analyze grammar]

dhātre dadau puroḍāśaṃ tad dvādaśakapālakam |
anumatyai caruṃ rākāyai caruṃ ca dadau nṛpaḥ || 88 ||
[Analyze grammar]

sinīvālyai caruṃ kuhvai caruṃ dadau ca dakṣiṇāḥ |
govṛṣabhau dadau cātha tato'nyahavanānyapi || 89 ||
[Analyze grammar]

āgnāvaiṣṇavamekādaśakapālaṃ dadau nṛpaḥ |
puroḍāśaṃ tathendrāvaiṣṇavaṃ ca tādṛśaṃ dadau || 90 ||
[Analyze grammar]

vaiṣṇavaṃ trikapālaṃ ca pradadau nṛpatistathā |
agnīṣomīyakaṃ caikādaśakapālakaṃ tadā || 91 ||
[Analyze grammar]

puroḍāśaṃ dadāvindrāsomīyakaṃ ca tādṛśam |
saumyaṃ caruṃ dadau cāpi saumapauṣṇaṃ caruṃ dadau || 92 ||
[Analyze grammar]

aindrāpauṣṇaṃ caruṃ pauṣṇaṃ ca dadau nṛpastathā |
tato vaiśvānarīyāṃ dvādaśakapālikāṃ śubhām || 93 ||
[Analyze grammar]

iṣṭiṃ cakāra ca vāruṇaṃ caruṃ pradadau tataḥ |
bārhaspatyaṃ carumaindramaikādaśakapālakam || 94 ||
[Analyze grammar]

puroḍāśaṃ dadau cāthā''dityaṃ caru dadau tataḥ |
nai'rṛtaṃ ca carumaṣṭākapālamagnidaivatam || 95 ||
[Analyze grammar]

puroḍāśaṃ dadau daśakapālaṃ vāruṇaṃ tathā |
puroḍāśaṃ dadau saptakapālaṃ mārutaṃ tathā || 96 ||
[Analyze grammar]

sāvitraṃ dvādaśakapālaṃ puroḍāśakaṃ dadau |
āśvinaṃ dvikapālaṃ ca puroḍāśaṃ dadau tathā || 97 ||
[Analyze grammar]

pauṣṇaṃ caruṃ raudramapi caruṃ dadau nṛpastataḥ |
dvādaśeṣṭīstato rājā kārayāmāsa bhūsuraiḥ || 98 ||
[Analyze grammar]

cakāra dīkṣaṇīyeṣṭiṃ mitraṃ bṛhaspatiṃ tathā |
ayajacca tataścāgnīṣomīye'ṣṭau havīṃṣi ca || 99 ||
[Analyze grammar]

dadau yathā'gnaye puroḍāśamaṣṭākapālakam |
somāya śyāmākacaruṃ dadau svayaṃ nṛpastataḥ || 100 ||
[Analyze grammar]

savitre dvādaśakapālaṃ puroḍāśakaṃ dadau |
gāvīdhukaṃ ca rudrāya caruṃ dadau nṛpastataḥ || 101 ||
[Analyze grammar]

caruṃ naivārakaṃ bṛhaspataye ca dadāvapi |
indrāyaikādaśakapālaṃ puroḍāśakaṃ dadau || 102 ||
[Analyze grammar]

mitrāya ca caruṃ varuṇāya yavamayaṃ carum |
evaṃ datvā sarvayāgān kṛtvā rājā sthito'bhavat || 103 ||
[Analyze grammar]

brahmā rājñaḥ karaṃ spṛṣṭvā prajābhyaḥ sannyavedayat |
ayaṃ rājā bhavatīnām aṅgīcakruḥ prajāḥ nṛpe || 107 ||
[Analyze grammar]

abhiṣekaṃ jalaiścakruḥ rājāṣaṭhomamācarat |
sarvadravyādisampannaṃ devatāhlādakārakam || 105 ||
[Analyze grammar]

pārthahomottaraṃ bhūpau rathaṃ samāruroha ca |
rathamocanahomāṃśca kṛtvā'sanasthito nṛpaḥ || 106 ||
[Analyze grammar]

kathāṃ śṛṇvan bhūsurebhyo datvā svarṇaṃ tataḥ param |
vaiśvadevaṃ tathā māhendrayāgaṃ ca vyadhāttataḥ || 107 ||
[Analyze grammar]

avabhṛtheṣṭiṃ kṛtvā ca havīṃṣi daśa cātanot |
aṣṭākapālamāgneyaṃ puroḍāśaṃ dadau tataḥ || 108 ||
[Analyze grammar]

sārasvataṃ caruṃ cāpi dadau rājā tataḥ param |
sāvitraṃ dvādaśakapālaṃ puroḍāśakaṃ dadau || 109 ||
[Analyze grammar]

pauṣṇaṃ caruṃ tathā bārhaspatyaṃ caruṃ dadāvapi |
aindramekādaśakapālaṃ dadau ca nṛpastataḥ || 110 ||
[Analyze grammar]

vāruṇaṃ ca daśakapālaṃ saumyaṃ ca caruṃ dadau |
tvāṣṭramaṣṭākapālaṃ ca vaiṣṇavaṃ trikapālakam || 111 ||
[Analyze grammar]

puroḍāśaṃ dadau caivaṃ saṃsṛpāmapyavartayat |
dakṣiṇāḥ pradadau śreṣṭhāṃ rājā svayaṃ ca maṇḍape || 112 ||
[Analyze grammar]

adhvaryave svarṇamayau darpaṇau ratnaśobhitau |
udgātre mālikāṃ hiraṇmayīṃ hotre tu vartulām || 113 ||
[Analyze grammar]

prastotre pratihartre ca dadāvaśvaṃ sabhūṣaṇam |
brahmaṇe bālagarbhiṇīrdaśa gāḥ sandadau nṛpaḥ || 114 ||
[Analyze grammar]

maitrāvaruṇāya ca vandhyāṃ gāṃ dadau nṛpatistadā |
brāhmaṇācchaṃsine balīvardaṃ dadau nṛpastadā || 115 ||
[Analyze grammar]

neṣṭe potre pradadau ca dhautāmbare śubhe tadā |
acchāvākāya śakaṭaṃ yavapūrṇaṃ dadau tadā || 116 ||
[Analyze grammar]

agnīdhe ṛṣabhaṃ cāpi dadau nṛpastathāvidhim |
daśapeyaṃ kratuṃ kṛtvā vrataṃ jagrāha vai tataḥ || 117 ||
[Analyze grammar]

keśānāmavapanākhyaṃ samvatsarāvadhi nṛpaḥ |
tataścātirātrasaṃsthātmakaṃ somakratuṃ vyadhāt || 118 ||
[Analyze grammar]

vyuṣṭidvirātramevāpi kṣatradhṛtiṃ vyadhāpayat |
sautrāmaṇiṃ cakārāpi vidhinā nṛpatistataḥ || 119 ||
[Analyze grammar]

aindraṃ tathā''śvinaṃ sārasvataṃ caindravāyodhasam |
payograhātmakaṃ homaṃ dadau rājā hyavabhṛtham || 120 ||
[Analyze grammar]

cakāraivaṃ ca dānāni dadau rājā bahūnyapi |
iyeṣa rājyaṃ datvaiva dīkṣāṃ ca sādhavīṃ śubhām || 121 ||
[Analyze grammar]

grahītuṃ sveṣṭadevādvai viprebhyaḥ sa nyavedayat |
sarvāṃ pṛthivīṃ viprebhyo dadau dāne hi dakṣiṇām || 122 ||
[Analyze grammar]

vrataṃ tvanaśanaṃ cakre sapatnīko madarthakaḥ |
anādiśrīkṛṣṇanārāyaṇaḥ śrīpuruṣottamaḥ || 123 ||
[Analyze grammar]

svayamāgatya māṃ dīkṣayitvā sādhuṃ vyadhāpayet |
rājasūyādiyajñānāṃ phalaṃ harau tadā''rpayat || 124 ||
[Analyze grammar]

ahaṃ tanniścaya jñācvā viprāṇāṃ prārthanāmapi |
bhaktecchāpūraṇārthaṃ vai tvayā sākaṃ hi padmaje || 125 ||
[Analyze grammar]

āvirbabhūva sahasā koṭibhāskarasannibhaḥ |
svāgataṃ me ca te cakruḥ pūjanaṃ ca tato'pyaham || 126 ||
[Analyze grammar]

dadau rājñe mahādīkṣāṃ sādhavīṃ mokṣadāṃ śubhām |
rājñyai dīkṣāṃ dadau cāpi vīkṣya viprā maharṣayaḥ || 127 ||
[Analyze grammar]

lakṣamitā mahādīkṣāṃ jagṛhurmatta eva te |
ahamācāryarūpaśca sādhudharmānabodhayam || 128 ||
[Analyze grammar]

vaiṣṇavyastāḥ prajā jātāḥ samastā mokṣagāḥ priye |
tvaṃ satīnāṃ mahācāryāṇī tadā saṃvyajāyathāḥ || 129 ||
[Analyze grammar]

anādiśrīmahācāryanārāyaṇo'bhavaṃ tataḥ |
anādiśrīmahācāryāṇīśrīyuto hariḥ svayam || 130 ||
[Analyze grammar]

sadbhiḥ samprārthitaścāhaṃ manvantaraṃ bhuvastale |
vyacaraṃ divyarūpo vai mokṣadharmaparāyaṇaḥ || 131 ||
[Analyze grammar]

smara tvaṃ tvāṃ ca māṃ lakṣmi mahācāryasvarūpiṇau |
evamanye'pyavatārā mamā'bhavan sahasraśaḥ || 132 ||
[Analyze grammar]

rājā nāmnā'bhavat rājasūyāyano hi dīkṣitaḥ |
rājñī ca rājasūyaśrīrabhavat sādhvikā tadā || 133 ||
[Analyze grammar]

paṭhanācchravaṇādasya bhuktirmuktirbhavet priye |
svargo mokṣo bhaveccāpi rāgo virāgatāṃ vrajet || 134 ||
[Analyze grammar]

avidyā vilayaṃ gacchedīyurbandhā vilopatām |
divyarūpo bhavet puṇyaśālisevyo bhavediha || 135 ||
[Analyze grammar]

itiśrīlakṣmīnārāyaṇīyasaṃhitāyāṃ tṛtīye dvāparasantāne vedhasaḥ pañcacatvāriṃśe vatsare'psarasāṃ mānuṣībhūtānāṃ manorathapūraṇārtham anādiśrībṛhadbrahmanārāyaṇasya rukmavatīśrīsahitasya ṣaṭcatvāriṃśe vatsare ca maharṣibhyo brahmavidyādidānārtham anādiśrīgurunārāyaṇasya suvidyāśrīsahitasya saptacatvāriṃśe vatsare ca haribhaktasya bṛhaddharmanṛpateḥ rājasūyayajñe sarvasvadānottaraṃ sādhvīmahādīkṣārthaṃ prārthitasyā'nādiśrīmahācāryanārāyaṇasya ācāryāṇīśrīyutasya ca prākaṭyamityādi |
nirūpaṇanāmā pañcatriṃśo'dhyāyaḥ || 35 ||
[Analyze grammar]