Chapter 29

śrīpuruṣottama uvāca |
śṛṇu nārāyaṇīśri tvaṃ vedhaso yākṣanāmake |
pañcatriṃśe vatsare ca kalpe'ṣṭāśītiyucchate || 1 ||
[Analyze grammar]

tṛtīye ca manau jātaṃ prākaṭyaṃ me śṛṇu priye |
aṃśukramatho rājarṣistadāsīd dakṣiṇe vratī || 2 ||
[Analyze grammar]

meroḥ sannihite deśe nālaveyaprajādhipaḥ |
samastasya nalavasya bhūkhaṇḍasya niyāmakaḥ || 3 ||
[Analyze grammar]

anye sahasrabhūpāśca karadāstasya cā'bhavan |
dānī dhyānī vratī bhaktaḥ sādhusevī śravī makhī || 4 ||
[Analyze grammar]

harinyāsī nivedī ca viśvāsī pūjako mama |
nṛpoṃ'śukramatho lakṣmi mahāvaiṣṇavasatkriyaḥ || 5 ||
[Analyze grammar]

yathā'bhavattathā tasya patnyo'pi haridīkṣitāḥ |
vaiṣṇavyaḥ śatasaṃkhyāścā'bhavan hariparāyaṇāḥ || 6 ||
[Analyze grammar]

dātryo dhyātryo vratinyaśca bhaktāḥ sādhuprasevikāḥ |
śraviṇyaśca makhinyaśca harinyāsinya ityapi || 7 ||
[Analyze grammar]

ātmanivedikāḥ sarvā viśvāsinyaśca pūjikāḥ |
pātivratyaparāścāpi mayi sarvakṛtādarāḥ || 8 ||
[Analyze grammar]

madarcāyāṃ lagnacittā matsādhudivyadṛṣṭikāḥ |
patyau harau satsu nityaṃ samasevāsamādarāḥ || 9 ||
[Analyze grammar]

rājñaḥ putrāstriśatāni putryaḥ śatadvayaṃ tathā |
pitṛvat mātṛvat satsu harau sevāparāyaṇāḥ || 10 ||
[Analyze grammar]

manasā vastubhirdehaiḥ sevante bhagavatkulam |
sarve cāsan divyabhāvā videhāḥ siddhapuṃgavāḥ || 11 ||
[Analyze grammar]

naiṣāṃ rājye kadā'pyāsan nītayo duḥkhaviplavāḥ |
nā'vagraho nātivṛṣṭirna yuddhaṃ bhūmikampanam || 12 ||
[Analyze grammar]

na śaityābhibhavaścauṣṇyopadravo'pi na vai kvacit |
na rogāścā'bhavan rāṣṭre nā'kālamṛtyavo janāḥ || 13 ||
[Analyze grammar]

annavastrādimodinyaḥ prajā bhūṣāmahotsavāḥ |
parasparaprasannā'nurāgiṇyaśca sadā'bhavan || 14 ||
[Analyze grammar]

parasparasahāyāśca nityamatpūjanānvitāḥ |
mahyamarpayya khādinyo bhoginyo'rpayya me'khilam || 15 ||
[Analyze grammar]

hṛṣṭapuṣṭā narā nāryo dveṣahiṃsādivarjitāḥ |
na stenā na kadaryāśca rājye teṣāṃ tadā'bhavan || 16 ||
[Analyze grammar]

sarvarasapradā pṛthvī ṛtavaḥ phalapuṣpadāḥ |
vṛthā vallīvirudhaścā''stambāt phalasumapradāḥ || 17 ||
[Analyze grammar]

asatyaṃ mānave nāsīt kāpaṭyaṃ na prajāsvapi |
tṛṣṇā nāsīd bhogavṛttiḥ santoṣaḥ saṃvyavartata || 18 ||
[Analyze grammar]

devā maharṣayaḥ santaḥ siddhāḥ sādhvyo'pyaharniśam |
yatayo brahmaśīlāśca bhuṃjate'sya sahasraśaḥ || 19 ||
[Analyze grammar]

annasatrāṇi rājyeṣu kṛtāni tena bhūbhṛtā |
bhuṃjate lakṣaśo vidyārthino vidyārthakanyakāḥ || 20 ||
[Analyze grammar]

pratikheṭaṃ pratigrāmaṃ pratigrāmaṃ pratipattanamasya vai |
annasatre'tithayaśca gṛhṇanti bhojanaṃ varam || 21 ||
[Analyze grammar]

prātarnityaṃ pratigrāmaṃ devānāṃ sarvasampadām |
pūjanaṃ nṛpatereva dhanādibhiḥ prajāyate || 22 ||
[Analyze grammar]

ghaṭikākālaparyantaṃ kṛtvā saṃkīrtanaṃ hareḥ |
bhuṃjate'tithivargāścā'nāthādyā asya satrake || 23 ||
[Analyze grammar]

sāyaṃ bhajante māṃ lokā rātrau saṃkīrtayantyapi |
divā matkāryaparamāstataḥ svārthaparā janāḥ || 24 ||
[Analyze grammar]

evaṃvidhāḥ prajāstvasya dehā'nādaratatparāḥ |
tapasyo bhaktimatyaśca sādhusevāparāyaṇāḥ || 25 ||
[Analyze grammar]

sādhurūpo hi bhagavān cetano'tra kṣitau sadā |
koṭirūpo rājate vai prajānāṃ śreyasāṃ karaḥ || 26 ||
[Analyze grammar]

sādhureva hi bhagavān sādhureva hi tārakaḥ |
sādhuḥ sadgatidātā ca sādhumūrtiḥ svayaṃ prabhuḥ || 27 ||
[Analyze grammar]

sādhuryanmānavaṃ rūpaṃ dṛśyate'smatsamaṃ hyapi |
divyaṃ tat tatkriyā divyā mokṣado bhagavān svayam || 28 ||
[Analyze grammar]

darśanaṃ sparśanaṃ pādasaṃvāhanaṃ prasevanam |
bhojanaṃ bahudhā sevā sarvaṃ sādhoḥ pramuktim || 29 ||
[Analyze grammar]

sādhūnāṃ paricaryā yā sakṛdvā bahudhāpi vā |
pāpanāśakarī sarvā brahmamuktipradāyinī || 30 ||
[Analyze grammar]

ye putrā dīkṣitā divyā harereva hi vaṃśina |
bhavanti janmabhūtyāgāsta eva harirūpiṇaḥ || 31 ||
[Analyze grammar]

tatkriyāyāṃ brahmacaryaṃ vrataṃ dānaṃ ca dakṣiṇā |
tapo dharmo vivekaśca bhaktiḥ sarvaṃ pratiṣṭhitam || 32 ||
[Analyze grammar]

sādhorhastau harerhastau satpādau caraṇau hareḥ |
satāṃ mukhaṃ kṛṣṇamukhaṃ tvak śrīhareḥ satāṃ tvacam || 33 ||
[Analyze grammar]

netre dve śrīharernetre sajihvā jihvikā hareḥ |
sanmastakaṃ harermūrdhā sannāsā nāsikā hareḥ || 34 ||
[Analyze grammar]

satkarṇau śrīhareḥ karṇau saddantā daśanā hareḥ |
satāṃ kaṇṭho hareḥ kaṇṭho harervakṣaḥ satāmuraḥ || 35 ||
[Analyze grammar]

satāṃ tundaṃ harestundaṃ satkaṭiḥ śrīhareḥ kaṭiḥ |
satāṃ dṛṣṭirharerdṛṣṭiḥ satāṃ sparśo harerhi saḥ || 36 ||
[Analyze grammar]

satāṃ prasannatā yā sā harereva prasannatā |
sukhaṃ satāṃ tu sevotthaṃ harereva sukhaṃ mama || 37 ||
[Analyze grammar]

modaḥ pramodaścānandaścotsavā ye satāṃ matāḥ |
te sarve śrīharereva mamānandāḥ pṛthaṅ na vai || 38 ||
[Analyze grammar]

satāṃ santoṣaṇaṃ sarvaṃ mama santoṣaṇaṃ hi tat |
satāmindriyavargo yo mamendriyāṇi tāni vai || 39 ||
[Analyze grammar]

satāṃ buddhirmama buddhiḥ santo'haṃ sarvadā bhuvi |
ahaṃ santaḥ sadā loke bhavāmi bahurūpavān || 40 ||
[Analyze grammar]

aparigrahadharmāṇaḥ santo me brahmamūrtayaḥ |
satāṃ dharmārthakāmā ye te me sarve matāḥ sadā || 41 ||
[Analyze grammar]

ityevaṃ kamale rājā rājñyaśca nirmalāntarāḥ |
kumārāśca kumāryaśca prajā bhṛtyāstathetarāḥ || 41 ||
[Analyze grammar]

sarve satāṃ prasaṃgaiste hyāsan mama parāyaṇāḥ |
siddhayaḥ kalpalatikāḥ kalpapātrāṇi tadgṛhe |
cintāmaṇaya evāpi kāmagāvaḥ sadā'vasan || 43 ||
[Analyze grammar]

lakṣaśaḥ sādhavaścāpi sādhvyaśca kṛtabhaktayaḥ |
bhajante māmāśramasthā niṣkāmā matparāyaṇāḥ || 44 ||
[Analyze grammar]

atha teṣāṃ bhaktiṃ vilokyā''tmaniveditām |
kṛpayā'haṃ tadeyeṣoṣitaṃ sādhvīsatāṃ gaṇe || 45 ||
[Analyze grammar]

mādhavākhye mama māse rājā cakāra kīrtanam |
māsikaṃ cā'khaṇḍitaṃ ca triṃśaddinaṃ makhātmakam || 46 ||
[Analyze grammar]

hare nārāyaṇa viṣṇo kṛṣṇa keśava mādhava |
parabrahma prabho śrīśa puruṣottama satpate || 47 ||
[Analyze grammar]

namo'nādikṛṣṇanārāyaṇāya paramātmane |
namo'ntarātmane sādhusvarūpāyā'khilātmane || 48 ||
[Analyze grammar]

namaḥ sādhvīsvarūpāya śrīkāntāya sadātmane |
namo bhaktipralabhyāya sevāsādhyāya cakriṇe || 49 ||
[Analyze grammar]

svatantrastvaṃ cā'kṣareśo vartase muktakoṭiṣu |
tathā'trā''yāhi sākṣādvai divyamūrtiryathā'si naḥ || 50 ||
[Analyze grammar]

ityevaṃ bhajanaṃ cakruḥ rājā prajāśca sādhavaḥ |
taiḥ sahā'yaṃ kīrtayāmi nṛtyāmi ca hasāmi ca || 51 ||
[Analyze grammar]

bhuñje tiṣṭhāmi saṃyāmi niṣīdāmi vadāmi ca |
pibāmi cāpi jighrāmi rasayāmi svapimyapi || 52 ||
[Analyze grammar]

pramode cānandayāmi viharāmi namāmi ca |
praseve sādhuveṣo'haṃ sādhuṣu tanmakhotsave || 93 ||
[Analyze grammar]

gūḍharūpaṃ ca māṃ te tu naiva jānanti mādhavam |
sādhuṃ kaṃcit prajānanti kecanaiva samājake || 14 ||
[Analyze grammar]

tva tadā'bhūḥ satī sādhvī bālā śīlaparāyaṇā |
kāṣāyā'mbaraveṣā ca pratyakṣā gūḍhasadguṇā || 55 ||
[Analyze grammar]

gūḍharūpā gūḍhacihnā sādhvīsevāparāyaṇā |
sādhvīnāṃ maṇḍale tatra vyacaraḥ samavartanā || 56 ||
[Analyze grammar]

na tāḥ sādhvyaḥ prajānanti lakṣmīṃ tvāṃ gocarāmapi |
mama māyā tathā cāste svatantrā''varaṇātmikā || 57 ||
[Analyze grammar]

annasatraṃ makhasatraṃ tathā kīrtanasatrakam |
mādhavānte prapūrṇaṃ ca jātaṃ vai pūrṇacandrake || 28 ||
[Analyze grammar]

dine sāyaṃ kathāṃ cakrurmama māhātmyabodhinīm |
sādhavaścāpi satyaśca rājā prajā mahotsave || 59 ||
[Analyze grammar]

mama pūjāṃ tataścakrurniśi mūrtau suvastubhiḥ |
nīrājanaṃ tataścakruḥ puṣpāñjalīrdadustataḥ || 60 ||
[Analyze grammar]

bhojanāni pradaduśca tataḥ savādyanartanam |
kīrtanaṃ tālamānādyaiḥ susvaraistālikādibhiḥ || 61 ||
[Analyze grammar]

kiṃkiṇīghurghuraśabdaiścakrurjāgaraṇānvitāḥ |
tadā'haṃ kīrtanā''kṛṣṭaḥ prāvirāsaṃ hi nartakaḥ || 62 ||
[Analyze grammar]

nartakī tvaṃ bālikā vai bālo'haṃ ṣoḍaśābdikaḥ |
caturdaśā''bdikī tvaṃ ca suveśābhūṣaṇānvitā || 63 ||
[Analyze grammar]

māyūrapicchamukuṭā divyakuṇḍalaśobhanā |
nṛtyārhasarvaveṣāḍhyā prasannā nāṭyakovidā || 64 ||
[Analyze grammar]

ahaṃ cāpi tathārūpaḥ sarvayogyaparigrahaḥ |
sabhāyāṃ raṅgamadhye cāgato'lakṣyapradeśataḥ || 65 ||
[Analyze grammar]

na vai kaiścidahaṃ jñāto jñātā vā ca kuto nvimau |
cakitā nau vilokyā''san rājādyāste sabhājanāḥ || 66 ||
[Analyze grammar]

āvayorvai mahattejaḥ sabhāyāṃ prāsarattadā |
ānandamodasaukhyāni prāsaran vai samājake || 67 ||
[Analyze grammar]

miṣṭaṃ sveṣṭaṃ kāmitaṃ ca mahāsaukhyaṃ tadā'bhavat |
janānāṃ tvāvayoryogānnṛtyagītipratālanaiḥ || 68 ||
[Analyze grammar]

asmallīnāstadā sarve pratyayaikapratānitāḥ |
cākṣuṣamātravegāśca śravaṇākṛṣṭamānasāḥ || 69 ||
[Analyze grammar]

vyapaśyan nirnimeṣā māṃ tvāṃ divyāṃ śrīṃ śriyaḥpatim |
anantakoṭisūryābhamasaṃkhyacandraśobhanām || 70 ||
[Analyze grammar]

māṃ tvāṃ vyalokayan lokāḥ kṛpāluṃ ca kṛpānvitām |
kīrtanaṃ snehabhajanaṃ kāraṇaṃ satprasevanam || 71 ||
[Analyze grammar]

divyabhāvaḥ sadā satsu hetavo darśane hi nau |
athā'nṛtyanta bhaktānyo bhaktāścākṛṣṇamānasāḥ || 72 ||
[Analyze grammar]

paramānandamagnāśca dehātibhānavarjitāḥ |
sarveṣāṃ dehināṃ tatra darśanaṃ cāvayoḥ śubham || 73 ||
[Analyze grammar]

divyaṃ yathā'kṣare dhāmni tathā'bhavat kṣaṇaṃ tadā |
athānantaramevā'haṃ tejastiro vyadhāpayam || 74 ||
[Analyze grammar]

ākṛṣṭā vṛttayasteṣāṃ svāsthyamāptā yathendriyam |
tato nau nijatulyau te vyalokayantupasthitau || 75 ||
[Analyze grammar]

vinivṛttā drutaṃ nṛtyād gāyanāt kīrtanādapi |
mahāścaryabharā nemurdaṇḍavattvāṃ ca māṃ janāḥ || 76 ||
[Analyze grammar]

dadurmukhyāsanaṃ svarṇasiṃhāsanaṃ nṛpādayaḥ |
āvāṃ siṃhāsanasthau ca pu'pūjuste kṛtādarāḥ || 77 ||
[Analyze grammar]

candanairakṣataiścāpi puṣpairhāraiḥ sugandhibhiḥ |
rājādyā ratnahāraiśca sauvarṇaraśanādibhiḥ || 78 ||
[Analyze grammar]

mukuṭādyaiśca bhūṣābhirdhūpainaiṃvedyābhojanaiḥ |
miṣṭapānaiśca tāmbūlairnīrājanena saṃstavaiḥ || 79 ||
[Analyze grammar]

namaskāraiśca te sarve daṇḍavadbhiḥ punaḥ punaḥ |
jayaśabdairharṣanādairvetradhṛgghoṣaṇaistathā || 80 ||
[Analyze grammar]

sarve prasādayāmāsuratyarthaṃ tvāṃ ca māṃ tadā |
tuṣṭuvuḥ parayā prītyā jñātvā vai parameśvaram || 81 ||
[Analyze grammar]

sādhava ūcuḥ |
yatra kvāpi bhavejjanma paścātpuṇyapratāpataḥ |
bhavaccharaṇamāpannāḥ putrāḥ smo bhagavaṃstava || 82 ||
[Analyze grammar]

acyuto vai pitā yasya te tvacyutā bhavanti vai |
vayaṃ cā'cyutatāṃ prāptāḥ kṛpaiṣā śrīhare tava || 83 ||
[Analyze grammar]

suputreṣu ca divyeṣu kṛpayā tvaṃ samāgataḥ |
snehapātrāṇi saṃvīkṣya pratyakṣaḥ sā kṛpā'parā || 84 ||
[Analyze grammar]

athā'to'pi sadā satsu vāso yathā tanau tathā |
satāṃ madhye vasa kṛṣṇa kṛpeyaṃ pāramārthikī || 85 ||
[Analyze grammar]

yathā dhāmni tathā satsu maṇḍaleṣu nivāsanam |
sadā sādhusvarūpeṇa karotu paramāṃ kṛpām || 86 ||
[Analyze grammar]

sādhvya ūcuḥ |
mātarlakṣmi mahāmātastvā vayaṃ śaraṇāgatāḥ |
mokṣārthinyo brahmasādhvyo bhavatyāḥ putrikā vayam || 87 ||
[Analyze grammar]

mātṛvātsalyamatyantaṃ sutāsu tu nisargajam |
tatpuraskṛtya janani dadāsi darśanaṃ hi naḥ || 88 ||
[Analyze grammar]

abalānāṃ balopetaṃ bhāgyamadya pravartate |
divyatāṃ prāpya te yogānmuktatāṃ yāma eva ha || 89 ||
[Analyze grammar]

karuṇā te'pyatulyā'sti yatsādhvīṣu vibhāvanam |
tatrāpi cātikāruṇyaṃ yadi vāsaṃ prarocayeḥ || 90 ||
[Analyze grammar]

prārthanāmurarīkṛtya yatheṣṭaṃ prakarotviha |
anādiśrīkṛṣṇanārāyaṇājñayā'kṣareśvari || 91 ||
[Analyze grammar]

rājñī provāca |
dhanyāhaṃ mama putryaśca putrā rājyaṃ nṛpastathā |
prajā dhanyā mama lakṣmi yadatra darśanaṃ tava || 92 ||
[Analyze grammar]

kuru vāsaṃ sadā cā'tra tava sarva bhavatyapi |
dāsyahaṃ sarvadā te'smi vasa lakṣmi kṛpāṃ kuru || 93 ||
[Analyze grammar]

saṃsāre lābha evā'tra prāptaḥ sādhvīsamāgamaḥ |
bhavatyā darśanaṃ sākṣāt sa evānanyalābhakaḥ || 94 ||
[Analyze grammar]

rājovāca |
kulaṃ rājyaṃ dhanaṃ vaṃśaḥ sarvaṃ kṛṣṇa bhavatkṛte |
mayā'rpitaṃ kṛtaṃ kṛtsnaṃ tvadātmakaṃ tvadarthakam || 95 ||
[Analyze grammar]

kṛpeyaṃ darśanaṃ sākṣāttavā'tra satsamāgamāt |
prāptavyaṃ sarvamevā'dya prāptaṃ cātyantikaṃ phalam || 96 ||
[Analyze grammar]

sarvadā vasa me gehe kṛpāṃ kṛtvā pareśvara |
ityuktvā praṇanāmaiva pavāta pādayornṛpaḥ || 97 ||
[Analyze grammar]

tathāstvomiti taṃ coktvā nyavasaṃ sādhumaṇḍale |
anādiśrīsādhunārāyaṇaḥ sākaṃ tvayā priye || 98 ||
[Analyze grammar]

ākalpāntaṃ tataḥ sādhvīnārāyaṇyā'vasaṃ kṣitau |
smara tvāṃ māṃ tathā sarvaṃ cāvatārān parānapi || 99 ||
[Analyze grammar]

paṭhanācchravaṇāccāpi smaraṇānmuktimāvrajet |
prākaṭyaṃ me tavoktaṃ vai mokṣadaṃ kṛpayā'nvitam || 100 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vedhasaḥ pañcatriṃśadvatsareṃ'śukramathanṛpaterbhaktyā'nādiśrīsādhunārāyaṇasya sādhvīnārāyaṇyā lakṣmyā saha prākaṭyamityādinirūpaṇanāmā navaviṃśatitamo'dhyāyaḥ || 29 ||
[Analyze grammar]