Chapter 15

śrīpuruṣottama uvāca |
śṛṇu tvaṃ śivajanye śri vedhaso vatsare tataḥ |
aṣṭādaśe layabhāvā'bhidhe dvādaśakalpake || 1 ||
[Analyze grammar]

ekādaśe manau tatra yugahrāsabalāt khalu |
vināśe sādhudharmāṇāṃ sādhudīkṣākṣaye tathā || 2 ||
[Analyze grammar]

mokṣamārgasya rodhe ca daivapaitryavidhau gate |
punastatsthāpanārthaṃ ca revayā sākaṃ hariḥ svayam || 3 ||
[Analyze grammar]

prāvirāsaṃ cā'grajasya vaṣaḍviprasya sadgṛhe |
vaṣaṭkāro'bhavannāmnā vipro vrataparāyaṇaḥ || 4 ||
[Analyze grammar]

tāpaso hṛtasarvasvo duṣṭanāstikamānavaiḥ |
pīḍito mama bhakto'sau tyaktvā grāme vanaṃ yayau || 5 ||
[Analyze grammar]

bhajate sma sadā māṃ śrīkṛṣṇanārāyaṇaṃ harim |
phalairmūlairdalaiḥ puṣpairbhāvanairmānasaistathā || 6 ||
[Analyze grammar]

nityaṃ māṃ prātarevā'sau pūjayatyeva vastubhiḥ |
bhāryā tasya tathā sādhvī japasevāparāyaṇā || 7 ||
[Analyze grammar]

nityaṃ tvāṃ śrīsatīṃ lakṣmīṃ nārāyaṇīṃ sanātanīm |
pūjayatyeva vidhinā bhojayatyeva satphalam || 8 ||
[Analyze grammar]

jalaṃ puṣpaṃ dalaṃ cāpi samarpayati sādaram |
kīrtanaṃ bhajanaṃ me ca te cobhau kurutaḥ sadā || 9 ||
[Analyze grammar]

madhyāhne ca tathā sāyaṃ mama dhyānaparāyaṇau |
araṇyavāsau nityaṃ ca tāvāstāṃ vai videhinau || 10 ||
[Analyze grammar]

dehārthaṃ vaibhavā bhogā yasya naiva kvacit khalu |
haryarthaṃ vaibhavā yasya videhaḥ sa bhavet priye || 11 ||
[Analyze grammar]

evaṃ vai vartamānau tāvanapatyau sukhāśrayau |
vārdhakyaṃ kiñcidāpannau vane vṛkṣanivāsinau || 12 ||
[Analyze grammar]

tayorevaṃ hi vasatoḥ putraputryeṣaṇā'bhavat |
vaṣaṭkārasya manasi putraiṣaṇā vyajāyata || 13 ||
[Analyze grammar]

svadhāvatyāśca manasi putryeṣaṇā vyajāyata |
mātā tvicchati kanyāṃ vai sarvakārye sahāyinīm || 14 ||
[Analyze grammar]

pitā precchati putraṃ vai sarvakārye sahāyakam |
putraputryeṣaṇāvantau gṛhadharmaparāyaṇau || 15 ||
[Analyze grammar]

ubhau tau māṃ prārthayataḥ pūjanānte manoratham |
loke lakṣmi janānāṃ vai tryeṣaṇā jāyate muhuḥ || 16 ||
[Analyze grammar]

lokaiṣaṇā tathā vittaiṣaṇā putraiṣaṇā khalu |
nārāyaṇasya bhaktānāṃ lokaiṣaṇā praśāmyati || 17 ||
[Analyze grammar]

yato bhaktyā paraṃ dhāma bhaktāḥ prāpsyanti vai dhruvam |
sādhūnāṃ toṣiṇāṃ cāpi vittaiṣaṇā praśāmyati || 18 ||
[Analyze grammar]

jalā'nnā'mbaralābhaśca yātrāmātraḥ satāṃ yataḥ |
putraiṣaṇā saputrāṇāṃ jñānināṃ ca praśāmyati || 19 ||
[Analyze grammar]

uttamarṇā dhanāptyarthaṃ jāyante'patyarūpiṇaḥ |
tādṛśānāmapatyānāmasattve sukhameva yat || 20 ||
[Analyze grammar]

apatyānāṃ garbhake'pi janane pālane tathā |
poṣaṇe lagnakaraṇe vyaye roge hi duḥkhakam || 21 ||
[Analyze grammar]

tathāpi lokavākyānāṃ sparśo yeṣāṃ prajāyate |
vidhuro'yaṃ hyaputro'yaṃ nirvaṃśo'yaṃ tathaikalaḥ || 22 ||
[Analyze grammar]

evaṃvidhānāṃ vākyānāṃ yeṣāṃ nāsti sahiṣṇutā |
teṣāṃ māyābhibhūtānāmeṣaṇādruḥ prajāyate || 23 ||
[Analyze grammar]

jñānahīnasya bhaktasya mūlyaṃ bhavati laukike |
jñānino mama bhaktasya dagdhaṃ māmantarā'khilam || 24 ||
[Analyze grammar]

yasya dagdhaṃ hi sarvaṃ vai māyikaṃ tasya kiṃ nviha |
putreṇa lokakāryeṇa rājyena vaibhavena vā || 25 ||
[Analyze grammar]

bhautikasya tu putrasyaiṣaṇā bandhāya kalpyate |
vaṣaṭkārasya viprasya putraiṇaṣā hyabhūt kila || 26 ||
[Analyze grammar]

kintu sā madgocarā'bhūt harirme sutatāṃ vrajet |
svadhāvatyāścaiṣaṇā'pi lakṣmīrme bālikā bhavet || 27 ||
[Analyze grammar]

evaṃ madyogasaṃkalpau tayorāstāṃ śubhāśrayau |
tau saṃkalpau sadā divyau māyābandhanavarjitau || 28 ||
[Analyze grammar]

āstāṃ tayoḥ śubhau tasmānmayā dhyānaṃ kṛtaṃ tayoḥ |
pitarau tau vidhātavyo dharmasthāpanahetave || 29 ||
[Analyze grammar]

tayostu bhaktayoścāpi saṃkalpayoḥ prapūrtaye |
anādiśrīkṛṣṇanārāyaṇo'haṃ ca tvayā saha || 30 ||
[Analyze grammar]

vimṛśya tadvanaṃ yāto gocarastāpaso'bhavam |
atithībhūtaścāhaṃ tvaṃ mama sārthā ca bhikṣukī || 31 ||
[Analyze grammar]

gatavantau tayorvāsaṃ vane vai bhaktayoḥ puram |
tāpasau sajaṭau cīravalkalau rūkṣaveṣiṇau || 32 ||
[Analyze grammar]

viprau nārāyaṇaṃ nāma raṭantau mālikānvitau |
sādhudharmau bhikṣukau vai madhyāhne samupasthitau || 33 ||
[Analyze grammar]

tadā tau hṛṣṭamanasau cakratuḥ svāgataṃ śubham |
pādyamarghyaṃ cāsanaṃ ca madhuparkaṃ phalādikam || 34 ||
[Analyze grammar]

salilaṃ śubhavacanaṃ dadatustau tadā hi nau |
mayā bhikṣā svīkṛtā ca tvayā'pi svīkṛtā tataḥ || 35 ||
[Analyze grammar]

pādasaṃvāhanaṃ tau cakrāte nau ca praṣevaṇam |
dhanyau svo yat satoḥ sevā sādhvoścādya prapadyate || 36 ||
[Analyze grammar]

sādhusevāpāpahantrī dibyapuṇyapradāyinī |
bhuktidātrī muktidātrī sarvasaṃkalpapūraṇī || 37 ||
[Analyze grammar]

kalpavallīsamā kalpadrumatulyā phalapradā |
cintāmaṇisamā sevā kāmadhenusamā satām || 38 ||
[Analyze grammar]

sādhavo yasya vai gehe samāyānti haripriyāḥ |
tadgṛhaṃ sarvadā tīrthaṃ vanaṃ vā pattanaṃ ca vā || 39 ||
[Analyze grammar]

anyatīrthāni kālena pāvayanti yathābalam |
sādhutīrthaṃ tūrṇameva punanti sevino janān || 40 ||
[Analyze grammar]

yatra sādhvāgamastatrāgamo vai śrīharerdhruvaḥ |
yatra haryāgamastatra muktānāmāgamo dhruvaḥ || 41 ||
[Analyze grammar]

yatra muktāgamastatra muktyāgamaśca vai tathā |
mukteryatrāgamastatra bhaktyāgamo'pi vai dhruvaḥ || 42 ||
[Analyze grammar]

yatra bhaktyāgamastatra dharmāgamo'pi vai dhruvaḥ |
jñānavairāgyayoścāpyāgamaśca sampadāṃ dhruvaḥ || 43 ||
[Analyze grammar]

yatra nārāyaṇaḥ kṛṣṇaḥ sadbhiḥ sahopapadyate |
tatra lakṣmīśca kamalā śrīḥ siddhiḥ śāśvatī dhruvā || 44 ||
[Analyze grammar]

yatra nārāyaṇaḥ kṛṣṇastatra yajñā vratāni ca |
tapāṃsi cāpi sarvāṇi surāḥ sarve'pi tatra ca || 45 ||
[Analyze grammar]

yatra nārāyaṇaḥ sadbhirbhuṃkte phalajalādikam |
tatra vai bhuṃjate devāḥ pitaraśca jagattrayam || 46 ||
[Analyze grammar]

adya vai vanavāso nau sādhvorāgamakāraṇāt |
saphalaḥ khalu sañjāto rājyādhiko'pi modadaḥ || 47 ||
[Analyze grammar]

adya nau tvanapatyatvaṃ vilīnaṃ satprasevanāt |
adya nau nirdhanatvaṃ ca mahatyarthe phalapradam || 48 ||
[Analyze grammar]

adya nau jīvanaṃ jātaṃ sārthakaṃ suprajīvanam |
adya nau mānasau bhāvau pūritau niścitau tviha || 49 ||
[Analyze grammar]

manyāvahe'dya kālo'pi pavitratāṃ prayāsyati |
śakunāni śubhānyeva jāyante bhavadāgamāt || 50 ||
[Analyze grammar]

sphuranti śubhabodhāni cāṅgāni nau tvadāgamāt |
vasatāmatra pūjyau vai sevayiṣyāva ādarāt || 51 ||
[Analyze grammar]

satāṃ sevāprasaṃgena taranti dehino'bhavam |
vane ca nirjane cātra bhavadvāsena śobhanaḥ || 52 ||
[Analyze grammar]

satsaṃgo modajanako naḥ pratyahaṃ bhaviṣyati |
eṣā bakulavṛkṣā'dhobhāge vai parṇaśālikā || 53 ||
[Analyze grammar]

bhavadbhyāmarpitā ramyā śītātapanivāraṇī |
āvāṃ tvanyāṃ kariṣyāvaḥ kuṭiṃ svāśrayadāyinīm || 54 ||
[Analyze grammar]

ityuktvā viprayugalaṃ patitaṃ pādayorhi nau |
mayoktaṃ ca tadā tābhyāṃ kuśalaṃ bhavatoḥ sadā || 55 ||
[Analyze grammar]

nirāmayaṃ cābhyudayaḥ sukhamastu ca śāśvatam |
āvāṃ vanecarau svo'tra naikasthānanivāsinau || 56 ||
[Analyze grammar]

nirbandhanau sarvavāsau guptakuṭinivāsinau |
bhavadvidhānāṃ viprāṇāṃ bhaktānāṃ tu samāgame || 57 ||
[Analyze grammar]

daivecchayā jāyamāne tiṣṭhāvo gopradohanam |
tathāpīśvarabhaktānāṃ nirmalānāṃ tapasvinām || 58 ||
[Analyze grammar]

gṛhe sañjāyate kvāpi pakṣapāto hi nau mudhā |
premṇā''tithyaṃ gṛhītaṃ ca gṛhītaṃ svāgataṃ tathā || 59 ||
[Analyze grammar]

ājñāṃ prāpya gamiṣyāvo vanāntaraṃ ca vo'stu śam |
tadā tau cāśrūṇi muktvā prāhaturnau mudānvitau || 60 ||
[Analyze grammar]

kuṭiryatra satāṃ saṃgaḥ sā kuṭirna tu pārṇikī |
vāso yatra satāṃ yogaḥ sa vāso na tu bhūmigaḥ || 61 ||
[Analyze grammar]

jīvanaṃ ca saha sadbhirjīvanaṃ na tu bhojanam |
sukhaṃ sevā satāṃ nityaṃ kartavyaṃ nā'paraṃ śubham || 62 ||
[Analyze grammar]

āvāṃ sādhusvarūpau svo yāsyāvo'nubhavatpadam |
yadvā'tra kurutāṃ vāsaṃ sevālābho hi nau bhavet || 63 ||
[Analyze grammar]

bhavadāgamane vṛkṣā modante vanapakṣibhiḥ |
bhavadāgamane vallyo vikāsante supuṣpakaiḥ || 64 ||
[Analyze grammar]

bhavadāgamane'ṅgāni hṛdayāḍhyāni sarvathā |
anubhavantyapūrvāṇi sukhānyānandakāni ca || 65 ||
[Analyze grammar]

tiṣṭhate ca tato'traiva dāsau svo bhavatoriha |
mayoktau ca tadā tau vai kathamīdṛk parā''grahaḥ || 66 ||
[Analyze grammar]

kriyate'tra bhavadbhyāṃ vai vadataṃ hārdameva nau |
tāvubhāvāhatustatra vane tvekākinau sadā || 67 ||
[Analyze grammar]

āvāṃ vāsaṃ prakurvaśca bhavatāṃ tu sthitāviha |
sārthavāso bhavedeva satāṃ saṃgo hi durlabhaḥ || 68 ||
[Analyze grammar]

sapatnīkagṛhasthasya vāsastvekākino vane |
bhayado vai tataḥ stheyaṃ gṛhasthena sahāyinā || 69 ||
[Analyze grammar]

dvayorgṛhasthayorvāsaḥ śobhano vai vanāntare |
trayāṇāṃ cādhikānāṃ ca vāso vai cātiśobhanaḥ || 70 ||
[Analyze grammar]

nārīṇāṃ tu satīdharmānvitānāṃ dharmapālane |
sāhāyyaṃ syāt pramadā hi sādhvyaḥ sādhvyaḥ sukhāśrayāḥ || 71 ||
[Analyze grammar]

tasmād vāṃ rocayāvo'tra vāsaṃ sādhupradharmiṇoḥ |
vinā vai bhavatorvāsaṃ śāntinau na bhaviṣyati || 72 ||
[Analyze grammar]

tadā mayoktaṃ ca tathā'stvityomityabhinoditau |
sukhaṃ cāvāpatustūrṇaṃ harṣānvitau babhūvatuḥ || 73 ||
[Analyze grammar]

āvāṃ sukhasthitau tayoścāvāse kṛtapūjanau |
mudā sāyaṃ gataṃ vārtālāpaiḥ saddharmabodhanaiḥ || 74 ||
[Analyze grammar]

sandhyāṃ kṛtvā niśāyāṃ ca harervārtā vidhāya ca |
suṣvupuścāpi catvāro niśānte ca dvayorapi || 75 ||
[Analyze grammar]

brāhmamuhūrte pūrve vai samaye śobhane tadā |
viprasya cāpi viprāṇyāḥ svapne cāvāmupāgatau || 76 ||
[Analyze grammar]

lakṣmīnārāyaṇau sākṣāttāpasau samupāgatau |
putrarūpo'pyahaṃ jātastvaṃ svapne putrikā'bhavaḥ || 77 ||
[Analyze grammar]

yamalaṃ ca dvijābhyāṃ vai prāptaṃ bālasvarūpi tat |
prāpya viprau sumuditau tataḥ svapnaṃ nyavartata || 78 ||
[Analyze grammar]

āvāmadṛśyatāṃ prāptau tau tu jāgaritau tadā |
abhavatāṃ tato draṣṭuṃ tau svakuṭyāṃ tu nāvubhau || 79 ||
[Analyze grammar]

adṛṣṭvā sumahāścaryaṃ prāptau ca muditau tataḥ |
āvāṃ tatra tadā lakṣmi vāyudevaṃ hi garbhagam || 80 ||
[Analyze grammar]

samāhūya dadatuśca garbhājñāṃ garbhadarśanam |
prakārasya yathā garbhavatī vai pramadā bhavet || 81 ||
[Analyze grammar]

vāyuścaivaṃ cakārā'pi garbhakukṣau vasan sadā |
yathā garbhavatī nārī tathaudaramadarśayat || 82 ||
[Analyze grammar]

āvāmadṛśyarūpeṇa vartamānau tadāśraye |
pratimāyāṃ samaye tvāgate yamalameva ha || 83 ||
[Analyze grammar]

prādurbhūtau yadā vāyurgarbhadvārād viniryayau |
śaṃkhacakragadāpadmadhāriṇau yamalātmakau || 84 ||
[Analyze grammar]

kanyākumārakau cobhāvajāyevahi tatpuraḥ |
ayonijāvapi yadvad yonijāviva vai tadā || 85 ||
[Analyze grammar]

ākāśātpuṣpavṛṣṭiśca devamuktakṛtā'bhavat |
dundubhayo nineduśca vane jāto mahotsavaḥ || 86 ||
[Analyze grammar]

ṛṣayaśca samājagmustatra darśanahetave |
maṃgalaṃ bahudhā tatra jātaṃ janestadā''vayoḥ || 87 ||
[Analyze grammar]

kṛtasaṃskārakau sarvavidhau ca yamalātmakau |
āvāṃ vṛddhiṃ gatau tatrā'raṇye ca brahmacāriṇau || 88 ||
[Analyze grammar]

sādhudharmaparau sādhudīkṣāyuktau svayaṃkṛtau |
ajāyevahi tatraiva brahmasūtrānvitāvapi || 89 ||
[Analyze grammar]

athā'raṇyanivāsebhyo grāmavāsebhya ityapi |
upādiśāvaḥ sādhūnāṃ dharmān tyāgāśramārthinām || 90 ||
[Analyze grammar]

kāmadevasya vai tyāgo jihvārāsanavarjanam |
mohadarśanasantyāgaḥ snehaspārśanavarjanam || 91 ||
[Analyze grammar]

calaśabdādisantyāgo vikṛtigandhavarjanam |
parigrahasyā'saṃgaśca rāgadveṣavivarjanam || 932 ||
[Analyze grammar]

yātrāmātrā'nnasalilagrahaṇaṃ cā'niketanam |
maunaṃ karmaparityāgo harau sarvārpaṇātmanā || 93 ||
[Analyze grammar]

tapodharmo nigrahaśca vāsanātyajanaṃ sadā |
mamā'haṃtyājanaṃ cāpi daihyabhinnaprabodhanam || 94 ||
[Analyze grammar]

sarvadrohākaraṇaṃ ca kṣamā sahiṣṇutā dayā |
adhyātmacintanaṃ nityaṃ parameśasya pūjanam || 95 ||
[Analyze grammar]

brahmasthityā vartanaṃ ca śokamohavivarjanam |
ayācite ca samprāpte santoṣaścārjavaṃ tathā || 96 ||
[Analyze grammar]

kāṣāyāmbaradhāritvaṃ karapātrakatā tathā |
yathā'pekṣā'mbaragrāho yathāsukhaṃ vane sthitiḥ || 97 ||
[Analyze grammar]

oṃ namaḥ śrīśīlanārāyaṇāya paramātmane |
itimātrajapaścāpi bhaktiśca paramātmani || 98 ||
[Analyze grammar]

ityevaṃ vai narāṇāṃ ca nārīṇāṃ sādhuvṛttitā |
śikṣitā vai tadā''vābhyāṃ mānavebhyaḥ sukhāvahā || 99 ||
[Analyze grammar]

anādiśrīkṛṣṇanārāyaṇena paramātmanā |
mayā tvayā tadā'nādisādhudharmāḥ pravartitāḥ || 100 ||
[Analyze grammar]

anādiśrīśīlanārāyaṇena paramātmanā |
anādisvāminīnārāyaṇyā tvayā'nvitena ha || 101 ||
[Analyze grammar]

sahodareṇa vai bhrātrā mayā sādhusvarūpiṇā |
sahodaryā ca vai svasrā tvayā sādhvyā suyoṣitā || 102 ||
[Analyze grammar]

koṭiśo mānavā jātāḥ sādhavaḥ śīlavartanāḥ |
sādhvyaśca koṭiśo jātāḥ śīlavrataparāyaṇāḥ || 103 ||
[Analyze grammar]

tato yajñāśca saṃjātā vratāni vividhāni ca |
bhajanaṃ pūjanaṃ cāpi mandirāṇi mamāpi ca || 104 ||
[Analyze grammar]

śīlasya niyamaścāpi daivapaitryakriyāstathā |
tīrthasevā sādhusevā sarve dharmāḥ pravartitāḥ || 105 ||
[Analyze grammar]

anādiśrīśīlanārāyaṇena vai mayā tadā |
sarvaṃ jānāmyahaṃ lakṣmi smara prākaṭyameva yat || 106 ||
[Analyze grammar]

anye'pi ca tadā tatrā'vatārā mama naikaśaḥ |
abhavan kāryavaśagā jānāmyahaṃ na cetaraḥ || 107 ||
[Analyze grammar]

ityevaṃ kathitaṃ me te prākaṭyaṃ śīlahetave |
smaraṇācchravaṇāccāpi pāṭhanānbhuktimuktidam || 108 ||
[Analyze grammar]

ākalpāntaṃ tvāvayośca tadā'bhavaṃ nivāsanam |
dharmārthaṃ sādhurūpeṇa koṭibhiḥ sādhubhiḥ saha || 109 ||
[Analyze grammar]

śiṣyapraśiṣyaśākhāśca vyavardhanta tadā kṣitau |
mātre pitre tato muktiṃ datvā gatau nijākṣaram || 110 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vedhaso'ṣṭādaśe vatsare sādhudharmasthāpanārtham anādiśrīśīlanārāyaṇasya prākaṭyamityādinirūpaṇanāmā pañcadaśo'dhyāyaḥ || 15 ||
[Analyze grammar]