Chapter 11

śrīpuruṣottama uvāca |
śṛṇu nārāyaṇīśri tvaṃ caturdaśe tu vatsare |
mānanākhye vedhaso vai tatra kalpe ca saptake || 1 ||
[Analyze grammar]

pañcame tu manau cā'haṃ yathā prākaṭyamāptavān |
tatra vai vedhasaścāgrajaghanasya pradeśataḥ || 2 ||
[Analyze grammar]

kośastenā'bhidho nāma jajñe rākṣasapuṃgavaḥ |
vedhasa bhakṣituṃ so'pi jātamātraḥ samāpatat || 3 ||
[Analyze grammar]

brahmā prāha are mūḍha vṛthā bhakṣitumicchasi |
vada te kṣunnivārārthaṃ dadāmi vṛṇu mā ciram || 4 ||
[Analyze grammar]

ityevaṃ bodhitaścāśvāsitaḥ kṣaṇaṃ sthirīkṛtaḥ |
kośasteno vicāryaiva samuvāca pitāmaham || 5 ||
[Analyze grammar]

yadyevaṃ me balārthaṃ vai bījaṃ bhakṣyaṃ pradehi vai |
sarvavyāpitvamevā'pi sūkṣmā'saṃkhyakarūpitām || 6 ||
[Analyze grammar]

brahmā prāha vṛthā bījaṃ prasaṃbhakṣaya dehinām |
sarvaṃ tvadabhipretaṃ ca tatrā'stu bhava tṛptimān || 7 ||
[Analyze grammar]

ityukto brahmaputro'sau rākṣaso brahmaṇo gṛhāt |
viniṣkramya yayau tatra brahmacāriṣu cāviśat || 8 ||
[Analyze grammar]

kośabhāgeṣu teṣāṃ vai praviśya bījasañcayam |
abhakṣayat tadā te ca vairājā brahmacāriṇaḥ || 9 ||
[Analyze grammar]

nirbalā abhavan sarve vinā kāraṇamuttamam |
atha te jñātavantaśca nirbalatve tu kāraṇam || 10 ||
[Analyze grammar]

samādhinā praveśaṃ vai rākṣasasyā'jadād varāt |
tataste yogapāśaiśca babandhustaṃ tu rākṣasam || 11 ||
[Analyze grammar]

śarīrakośeṣvevātra rākṣaso'pi bhayānvitaḥ |
parādhīno'tidīnaśca bhūtvā''rthayadvimocanam || 12 ||
[Analyze grammar]

nā'haṃ cātra nivatsyāmi brahmacāriṣu vai kvacit |
satyalokaṃ tathā vairājakān lokān vihāya ca || 13 ||
[Analyze grammar]

adholokān gamiṣyāmi dīnaṃ māṃ mocayantvitaḥ |
ityarthitāḥ śīladharmā vairājā brahmacāriṇaḥ || 14 ||
[Analyze grammar]

mumucuste pāśabandhebhyaśca so'pi drutaṃ tadā |
viniryayau satyalokāt ṛṣīn tyaktvā samantataḥ || 15 ||
[Analyze grammar]

pitṛlokān tathā tyaktvā svargalokamupāyayau |
kośastenaḥ samavyāpnod devadeheṣu sarvataḥ || 16 ||
[Analyze grammar]

vṛthābījaṃ hi devānāṃ yato'patyāni santi na |
na jāyante tatra garbhā na ca śīlaṃ pravartate || 17 ||
[Analyze grammar]

bhogamātrāvasānaṃ hi bījaṃ vṛthā tu tanmatam |
vicāryetthaṃ sa deveṣu praviśya kośago'bhavat || 18 ||
[Analyze grammar]

nirbhayastatra tatraiva bhakṣayāmāsa bījakam |
na jānantyapi te devā bījabhakṣaṇameva ha || 19 ||
[Analyze grammar]

rākṣasaḥ sarvakośebhyo nityamaśnāti bījakam |
indro napuṃsako jāto bṛhaspatirnapuṃsakaḥ || 20 ||
[Analyze grammar]

sūryo napuṃsako jātaścandraḥ śukro napuṃsakaḥ |
budhaśca maṃgalaścāpi śanirnapuṃsako'bhavat || 21 ||
[Analyze grammar]

vasavaśca tathā rudrā ādityā maruto'pi ca |
īśānānāgivaruṇāḥ kuberayamanirṛtāḥ || 22 ||
[Analyze grammar]

vāyuraśvīkumārau ca napuṃsakāśca te'bhavan |
nidhayaścāpi ṛṣayo dhruvaḥ kāmo manustathā || 23 ||
[Analyze grammar]

sādhyā devā viśvadevā lokapālagaṇāstathā |
anye'pi devavaryāśca gandharvāḥ kinnarāstathā || 24 ||
[Analyze grammar]

kiṃpuruṣāśca dūtāśca surā jātā napuṃsakāḥ |
kośabījadarakṣo vai kṛtavāṃstu napuṃsakān || 25 ||
[Analyze grammar]

svargaṃ sarvaṃ tadā jātaṃ nirvīrya hi napuṃsakam |
nistejaskaṃ kāmaśūnyaṃ gārhasthyaṃ vilayaṃ gatam || 26 ||
[Analyze grammar]

devāḥ śokaṃ paraṃ jagmu visāmarthyā visattvitaḥ |
kāraṇaṃ mārgayāmāsurbrahmāṇaṃ śaraṇaṃ yayuḥ || 27 ||
[Analyze grammar]

sarve nivedayāmāsurnijāṃ niḥsattvatāṃ tadā |
vaidyo'pyayaṃ hi devānāṃ niḥsattvo'pi vyajāyata || 28 ||
[Analyze grammar]

kva yāmo viśvasṛṭ cādyauṣadhārthaṃ sattvalabdhaye |
yo hi balapradātā'sti so'pi nirbalatāṃ gataḥ || 29 ||
[Analyze grammar]

kalpavṛkṣāḥ kalpalatā kalpacintāmaṇistathā |
kalpapātrāṇi sarvāṇi tathā ca kāmadhenavaḥ || 30 ||
[Analyze grammar]

kalpakanyāḥ kalpadevāścintitā kalpabuṭṭikāḥ |
dhātūnāṃ labdhaye cāti tathāpi niṣphalatā hi te || 31 ||
[Analyze grammar]

nā'tra kepi pravartante dhātukṣaye maholbaṇe |
akāryakāriṇaḥ sarve kalpābhidhā bhavanti vai || 32 ||
[Analyze grammar]

tasmāt pitāmaha te'tra śaraṇaṃ vayamāgatāḥ |
kiṃ kāraṇaṃ kathaṃ vā vai jātā vayaṃ napuṃsakāḥ || 33 ||
[Analyze grammar]

amṛtaṃ sarvathā bhakṣyaṃ jātaṃ mṛtamivā'pi naḥ |
kiṃ kurmaḥ kva prayāsyāmo mariṣyāmaḥ pitāmaha || 34 ||
[Analyze grammar]

ityasattvāḥ sarvadevā nyapatat brahmapādayoḥ |
brahmā vicārayāmāsa bījastenasya karma tat || 35 ||
[Analyze grammar]

yathābījaṃ sadā svarge devānāṃ vidyate yataḥ |
devabījasya vai bhakṣayitā sa saphalo'dhunā || 36 ||
[Analyze grammar]

varadānapradānena bījasteno jayaṃ gataḥ |
svarge vighnaṃ kṛtaṃ tena svargaṃ cā'svargatāṃ gatam || 37 ||
[Analyze grammar]

satsu dhaveṣu devyaśca vidhavā iva tatkṛtāḥ |
tadupāyaṃ mārgayāmi yena rakṣaḥ kṣayaṃ vrajet || 38 ||
[Analyze grammar]

kṣaṇaṃ brahmā hṛdayastho dhyānamagno'bhavattadā |
hṛdaye'sya vicāro'bhūd vinā śrīpuruṣottamam || 39 ||
[Analyze grammar]

nā'sya kaścid vihantā syād yato napuṃsakāḥ surāḥ |
mayā datto varaścāsmai so'haṃ hantuṃ nu ca kṣamaḥ || 40 ||
[Analyze grammar]

tasmānmayā suraiḥ sārdhaṃ prasmartavyo hariḥ svayam |
anādiśrīkṛṣṇanārāyaṇaḥ śrīpuruṣottamaḥ || 41 ||
[Analyze grammar]

rājādhirājaḥ sarvātmā'ntarātmā parameśvaraḥ |
sa evā'sya bījahasya paraṃ pāraṃ nayiṣyati || 42 ||
[Analyze grammar]

pitāmahena vai tūrṇaṃ devebhyo viniveditam |
hareḥ satraṃ kariṣyāmaḥ sāhāyyaṃ sa vidhāsyati || 43 ||
[Analyze grammar]

ityuktā devatāvrātāḥ satyaloke tu saṃhatāḥ |
brahmasatraṃ vyadhustatra mamā'nuṣṭhānatatparāḥ || 44 ||
[Analyze grammar]

mama bhaktiparāḥ sarve mama kīrtanatatparāḥ |
mama pūjāstavanādijāpadhyānaparāyaṇāḥ || 45 ||
[Analyze grammar]

keciccakruḥ puraścaryāṃ stotrāṇāṃ mama vai tadā |
anye ca havanaṃ cakrurbṛhaspatipurogamāḥ || 46 ||
[Analyze grammar]

pare mālājapaṃ cakruścānye pūjāṃ pracakrire |
tathā'nye ca vyadhurdhyānaṃ vidadhuścetare smṛtim || 47 ||
[Analyze grammar]

apare tvarcanaṃ cakrurmama mūrteśca vai tadā |
evaṃ sarve devagaṇāścakrurārādhanāṃ mama || 48 ||
[Analyze grammar]

anādiśrīharestatra satyaloke'jamandire |
vandanaṃ cakrire me te samāyāhi narottama || 49 ||
[Analyze grammar]

sarvabījasvarūpastvaṃ kāraṇānāṃ hi kāraṇam |
sarvaśaktisvarūpastvaṃ sarvasāmarthyaśobhanaḥ || 50 ||
[Analyze grammar]

sarvasṛṣṭipramūlaṃ tvaṃ sarvānandaprado bhavān |
sarvasattvamayastvaṃ vai cāntarātman samāvraja || 51 ||
[Analyze grammar]

tvayā sarvaṃ yugalākhyaṃ racitaṃ paramātmanā |
tvayā rakṣyaṃ yugalākhyaṃ dayālunā hi śārṅgiṇā || 52 ||
[Analyze grammar]

tvāṃ vinā na samartho'nyo rakṣituṃ cāvatāriṇam |
samāyāhi nijān trāhi rakṣa poṣaya sevaya || 53 ||
[Analyze grammar]

kurvānandabhṛtān devān śaraṇāgatavatsala |
tvamannaṃ tvaṃ jīvanaṃ ca tvaṃ garbhastvamasustathā || 54 ||
[Analyze grammar]

tvameva mātā janako rakṣakaḥ poṣakaḥ prabhuḥ |
tvaṃ brahmā tvaṃ virāḍ viṣṇurmahān kālaḥ pumānparaḥ || 55 ||
[Analyze grammar]

tvaṃ devastvaṃ ca nārīṇāṃ priyaḥ patiḥ prabhuḥ paraḥ |
tvaṃ sukhastvaṃ mahānandaḥ samāyāhi prarakṣa naḥ || 56 ||
[Analyze grammar]

ityastuvan surā māṃ ca tadā'haṃ ca tvayā saha |
tūrṇaṃ satyaṃ brahmavāsaṃ samāyayau hariḥ svayam || 57 ||
[Analyze grammar]

devānāṃ sannidhau sākṣādahaṃ tatrā'bhavaṃ yadā |
mayā devāḥ kṛṣṇavarṇāḥ sattvahīnā vilokitāḥ || 58 ||
[Analyze grammar]

yathā vai mṛtakā yadvā rugṇā vā kṣayaśālinaḥ |
tathā sarve mayā dṛṣṭāḥ surāḥ sūryādayo'pi ca || 59 ||
[Analyze grammar]

mayā pṛṣṭāḥ kāraṇaṃ te jagaduḥ satvahīnatām |
kena kṛtāṃ na jānīmo bhagavaṃstvaṃ pravetsi tat || 60 ||
[Analyze grammar]

rakṣāṃ kuru hare kṛṣṇa kṛṣṇanārāyaṇa prabho |
amṛtānmṛtimāpannān rakṣayā'tra janārdana || 61 ||
[Analyze grammar]

atha tatra mayoktaṃ vai mama śaktyā'nvito'pyaham |
praviśāmi bhavatsveva vidrāvayāmi rākṣasam || 62 ||
[Analyze grammar]

kośastenaṃ mahākrūraṃ vedhaso jāghanaṃ sutam |
ityukte mayi tatraiva devāḥ prāñjalayo'bhavan || 63 ||
[Analyze grammar]

dhyānaparāḥ kṣaṇaṃ tāvatteṣvahaṃ cāviśaṃ drutam |
tvayā sākaṃ śivakanye sarvadeveṣu sarvathā || 64 ||
[Analyze grammar]

patidevasvarūpo'haṃ bhūtvā saṃstabhya rākṣasam |
gṛhītavān gale taṃ ca sūkṣmātisūkṣmarūpiṇam || 65 ||
[Analyze grammar]

rākṣasasya svarūpāṇi nāśitāni mayā tadā |
mūlarūpo mahendro'pi vartamāno mayā dhṛtaḥ || 66 ||
[Analyze grammar]

prārthayan jīvanārthaṃ sa svargād gantumaraṇyakam |
phalapuṣpādihīneṣu codbhijjeṣu nivāsanam || 67 ||
[Analyze grammar]

prārthayat sa mayā''diṣṭo yayau tṛṇādike tadā |
atha devāḥ sattvavanto'bhavaṃstatra hi pūruṣāḥ || 68 ||
[Analyze grammar]

satejaskāḥ prabhāvanto yathāpūrvāḥ sudehinaḥ |
sānandaḥ sarva evaite jātā mahotsavānvitāḥ || 69 ||
[Analyze grammar]

cakrurmahotsavaṃ svarge cendrālaye hi saṃhitāḥ |
mama mūrtiṃ vidhāyaiva svarṇamayīṃ ca te tadā || 70 ||
[Analyze grammar]

lakṣmyā sākaṃ praśṛṃgārya pupūjurdyunivāsinaḥ |
pāyasāni cāmṛtāni naivedyāni daduśca te || 71 ||
[Analyze grammar]

ārārtrikaṃ vyadhuḥ sarve tadā'haṃ svecchayā prabhuḥ |
tvayā sākaṃ tadā lakṣmi pratyakṣaścā'bhavaṃ hariḥ || 72 ||
[Analyze grammar]

śaṃkhacakragadāpadmasvastikadhvajaśūlavān |
yathā'haṃ tvakṣare dhāmni varte tathā'bhavaṃ śubhaḥ || 73 ||
[Analyze grammar]

svatantro bhagavān śrīśaḥ śrīpatiḥ puruṣottamaḥ |
apitṛjaścā'mātṛjo dhṛtarūpo babhūva ha || 74 ||
[Analyze grammar]

anādiśrībījanārāyaṇaḥ sarveśvareśvaraḥ |
devaiḥ sthātuṃ sadā svarge prārthitaḥ parameśvaraḥ || 75 ||
[Analyze grammar]

sadā mahendrabhavane vyarājaṃ puruṣottamaḥ |
ākalpāntaṃ tvayā sākaṃ śriyā'vatārakāraṇam || 76 ||
[Analyze grammar]

anye tathā'vatārā me bahavo'pyabhavaṃstathā |
jānāmyahaṃ tu tān sarvān smara lakṣmi nijāṃ tadā || 77 ||
[Analyze grammar]

rākṣaso yastṛṇarūpaḥ sa tu kalpāntare priye |
bījastenā oṣadhayo'bhavan sattvavināśikāḥ || 78 ||
[Analyze grammar]

tāni tṛṇāni cā'jñāśca paśavo mānavā api |
pṛthivyāṃ pakṣiṇaścāpi ye ke'pyabhakṣayan kṣitau || 79 ||
[Analyze grammar]

te sarve bījahīnāśca babhūvurvai tadā janāḥ |
atha vai mānave loke duḥkhaṃ tat punareva ha || 80 ||
[Analyze grammar]

sañjātaṃ sarvathā bījahīnatākhyaṃ ca dehiṣu |
tadā'haṃ mānavaiścā'bhyarthitaścāgatya vai bhuvi || 81 ||
[Analyze grammar]

bījastenaṃ rākṣasaṃ taṃ jagrāha pāśabandhane |
so'pi mṛtyubhayodvignastuṣṭāva māṃ tu dīnavat || 82 ||
[Analyze grammar]

tadā mayā kṛtā tasya maryādā sthānadāyinā |
ye prasahya paradārāgāmino vai narā bhuvi || 83 ||
[Analyze grammar]

teṣu vāso mayā dattastatra ṣaṇḍhatvamāvaha |
svapatnyai duḥkhadātāro vratakhaṇḍanakāriṇaḥ || 84 ||
[Analyze grammar]

prasahya bhogakartārasteṣu ṣaṇḍhatvamāvaha |
svapatnyai tṛptyadātāro vyabhicāraparāyaṇāḥ |
vṛṣaṇocchedakartārasteṣu ṣaṇḍhatvamāvaha || 85 ||
[Analyze grammar]

nāryarthaṃ ghātakartāro mantreḥ rativināśinaḥ |
garbhastambhanakartāraḥ ṛtustambhanakāriṇaḥ || 86 ||
[Analyze grammar]

vandhyāmantraprakartāro garbhasrāvaprakāriṇaḥ |
stanadugdhavihantāro mūtrastambhaprakāriṇaḥ || 87 ||
[Analyze grammar]

liṃgapātaprakartāro bhagabandhanakāriṇaḥ |
purīṣastaṃbhakartāro durbhagatvaprakāriṇaḥ || 88 ||
[Analyze grammar]

klībaprayogakartāro vīryā'nudbhavakāriṇaḥ |
ye ratidveṣakartārasteṣu ṣaṇḍhatvamāvaha || 89 ||
[Analyze grammar]

kāmadharmaprasaktānāṃ paśūnāṃ kāmanāśakāḥ |
ghātakāḥ svārthiduṣṭā ye gārhasthyanāśakāriṇaḥ || 90 ||
[Analyze grammar]

teṣāṃ tathāvidhānāṃ ca ṣaṇḍhatvaṃ samupācara |
bījastena bhavānāste brahmaputro hi rākṣasaḥ || 91 ||
[Analyze grammar]

ājñāyāṃ vartamānaśced vartate tarhi te'kṣayan |
anyathā tava nāśaḥ syānmā vimārge prayāhi vai || 92 ||
[Analyze grammar]

adhārmikāṇāṃ pāpānāṃ kṣīṇaṃ dhātuṃ prabhakṣaya |
ityevaṃ te mayā loke mānave cātalādiṣu || 93 ||
[Analyze grammar]

lokeṣvapi pradattāni sthānāni teṣu cāviśa |
ityevaṃ vai mayā lakṣmi maryādā rakṣasaḥ kṛtā || 94 ||
[Analyze grammar]

tata ārabhya vai lokā narā nāryaśca sarvathā |
dharmavanto vratinaśca proktadoṣādyakāriṇaḥ || 95 ||
[Analyze grammar]

sarve'tyantaṃ sukhinaśca babhūburgṛhadharmiṇaḥ |
ahaṃ ca mānavaiścāpi pūjito yakṣarākṣasaiḥ || 96 ||
[Analyze grammar]

nyavasaṃ bahudhā bhūmau puruṣottama eva ha |
anādiśrībījanārāyaṇaḥ śrīparameśvaraḥ || 97 ||
[Analyze grammar]

svatantrāśrīśca vai lakṣmi tvaṃ mayā nyavasaḥ saha |
ityevaṃ mānave loke'vatārā me hyanantakāḥ || 98 ||
[Analyze grammar]

kāryavaśāttadā jātāḥ sarve mamāvatāriṇaḥ |
akṣarādhipateḥ śrīmannārāyaṇasya śārṅgiṇaḥ || 99 ||
[Analyze grammar]

śrīmannārāyaṇaṃ māṃ ye pūjayiṣyanti bhūtale |
teṣāṃ bhuktiśca muktiśca bhaviṣyati na saṃśayaḥ || 100 ||
[Analyze grammar]

anādiśrīkṛṣṇanārāyaṇo'haṃ puruṣottamaḥ |
upāsito'tra yailaukaisteṣāṃ duḥkhalavo'pi na || 101 ||
[Analyze grammar]

vivāhito'pi yairloke lakṣmīvivāhakarmabhiḥ |
te yāsyanti caturvargasiddhiṃ cā''nandapūraṇīm || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vedhasaścaturdaśe vatsare kośastenā'bhidharākṣasakṛtasya naṣṭabījasya svargasya rakṣaṇārtham anādiśrībījanārāyaṇasya prākaṭyaṃ tato bījastenasya nivāsasthānamaryādākaraṇaṃ cetyādinirūpaṇanāmaikādaśo'dhyāyaḥ || 11 ||
[Analyze grammar]