Chapter 7

atha nārāyaṇīśri tvaṃ samākarṇaya matkathām |
daityānāṃ pāvanīṃ ramyāṃ sutalābhinivāsinām || 1 ||
[Analyze grammar]

brahmaṇaścāsanākhye vatsare vai navame purā |
kalpe caturdaśe cādye manau sutalake tale || 2 ||
[Analyze grammar]

āsīd rājā calavarmā sārvabhaumo mahābalaḥ |
atalasya vitalasya sutalasya janeśvaraḥ || 3 ||
[Analyze grammar]

trilokyāṃ yasya vai yānaṃ vyomagaṃ tvabhavattadā |
atalasya vitalasya sutalasya prajā janāḥ || 4 ||
[Analyze grammar]

caladevaṃ pupūjurvai pratyakṣaṃ rakṣakaṃ nṛpam |
rājā'pi dharmavānāsīt prajāpālanatatparaḥ || 5 ||
[Analyze grammar]

mama bhakto śivakanye devapūjāparāyaṇaḥ |
anāthā'tithinārīṇāṃ śaraṇyaḥ śīlaśobhanaḥ || 6 ||
[Analyze grammar]

dinārdhe yasya nityaṃ vai yāti devasya pūjane |
tadardhaṃ ca tato yāti rājyāvalokane tataḥ || 7 ||
[Analyze grammar]

śeṣārdhaṃ nijalokeṣu pravāse yāti sarvadā |
evaṃ kṛtavatastasya jijñāsā'bhūttapomayī || 8 ||
[Analyze grammar]

karmabhūmau tapaḥ śīghraṃ phalatyayutadhā yataḥ |
pṛthvyāṃ gatvā tapaḥ kāryaṃ vicāryeti vimānagaḥ || 9 ||
[Analyze grammar]

ṛṣyārṣe sadguruṃ pṛṣṭvā rājyaṃ sarvaṃ tataḥ sa ca |
kṛtvā tu gurusād rājā prāyayau mānavīkṣitau || 10 ||
[Analyze grammar]

kumudācalamāsādya śītavyāpte vane sadā |
tapastepe nirāhāraḥ sahasravatsarāṇi saḥ || 11 ||
[Analyze grammar]

tatra tapasi rājā'sau divyadṛṣṭyā vyalokayat |
nārāyaṇaṃ pareśānaṃ devaṃ śrīpuruṣottamam || 12 ||
[Analyze grammar]

māmeva paramātmānaṃ natvovāca manogatam |
namaste parameśāya tapaḥphalapradāyine || 13 ||
[Analyze grammar]

bhaktamānasapūrāya haraye paramātmane |
ityuktvā daṇḍavaccakre papau maccaraṇāmṛtam || 14 ||
[Analyze grammar]

yayāce preryamāṇaśca mayā calanṛpastadā |
acalatvaṃ dehi me'tra calaṃ tu nāśameti vai || 15 ||
[Analyze grammar]

calaṃ rājyaṃ calaṃ vittaṃ calaṃ kuṭumbakaṃ tathā |
calaṃ ca jīvanaṃ kṛṣṇa sutalādi calaṃ tataḥ |
acalatvaṃ vṛṇe tvatto bhakto'haṃ dehi me matam || 16 ||
[Analyze grammar]

śrīparameśvara uvāca |
śṛṇu rājan calaṃ sarvaṃ brahmāṇḍaṃ calamityapi |
kālaścalaścalā māyā calaṃ manaśca jīvanam || 17 ||
[Analyze grammar]

cale bhavet calaṃ sarvaṃ hyacalaṃ te mataṃ vada |
śrīcaladeva uvāca |
calaṃ cittaṃ calā lakṣmīścalaṃ śāsanamityapi || 18 ||
[Analyze grammar]

acalā tava bhaktirhi tāṃ vṛṇe dehi me prabho |
acalāyāstataḥ pātramacalaṃ syāṃ ca keśava || 19 ||
[Analyze grammar]

śrīparameśvara uvāca |
acalā me premabhaktiḥ sevā sā premapūrvikā |
tatpātramacalaṃ tvaṃ ced bhavituṃ vai samicchasi || 20 ||
[Analyze grammar]

tadā muktirmama loke te dadāmyacalāṃ dhruvām |
gṛhāṇa śīghraṃ me mantraṃ yāhi dhāmā'kṣaraṃ mama || 21 ||
[Analyze grammar]

śrīcaladeva uvāca |
calo'haṃ cā'calo jātaścedānīṃ kṛpayā tava |
acalasyā'calo vaṃśo bhavedevaṃ vidhehi me || 22 ||
[Analyze grammar]

śrīparameśvara uvāca |
yathā tvamacalo jāto matkṛpāṃśāttathā tava |
vaṃśo'pyacalatāṃ rājan madyogāt samprayāsyati || 23 ||
[Analyze grammar]

anapatyo bhavānāste sāpatyo bhava bhūpate |
māṃ vinā tu calaṃ sarvaṃ tavā'patyaṃ bhavāmyaham || 24 ||
[Analyze grammar]

acalo'haṃ tavā'patyaṃ bhavāmyatra vilokaya |
ityuktvā'haṃ tadā lakṣmi tasya vai mānasaḥ sutaḥ || 25 ||
[Analyze grammar]

abhavaṃ tvārṣadevākhyo rājā'titoṣaṇaṃ yayau |
tapaḥ samāpayitvaiva nītvā nṛpaṃ mayā saha || 26 ||
[Analyze grammar]

sutalaṃ tatra ṛṣyāryo gururmā jñātavān prabhum |
madājñayā'pi lakṣmi tvam ṛṣyārṣasya sutā'bhavaḥ || 27 ||
[Analyze grammar]

rājā svaṃ mānasaṃ putraṃ tvārṣadevaṃ vidhānataḥ |
rājye'bhyaṣecayat ṛṣyārṣo'pi sutāṃ dadau sa me || 28 ||
[Analyze grammar]

ārṣapadmābhidhā tvaṃ cā'sevayaḥ śrīpatiṃ ca mām |
ārṣadevaṃ cāvatāriprabhuṃ śrīpuruṣottamam || 29 ||
[Analyze grammar]

pālanārthaṃ vacanasya mayā'pi mānasaḥ sutaḥ |
viṣṇureva svayaṃ putrarūpeṇa prakaṭīkṛtaḥ || 30 ||
[Analyze grammar]

dṛḍhadhruvā'bhidhaḥ śaṃkhacakragadāsumāyudhaḥ |
jātamātro yuvā viṣṇurekhaiśvaryādiśobhanaḥ || 31 ||
[Analyze grammar]

acale vai pade cordhve svargānte viniyojitaḥ |
padādhāraṃ jagatāṃ vai grahāṇāṃ jyotiṣāṃ tathā || 32 ||
[Analyze grammar]

nakṣatrāṇāṃ tārakāṇāmṛṣīṇāṃ maṇḍalāni ca |
bhramanti sma diśāṃ dhrauvyād dhruvanāmnā dṛḍhīkṛtaḥ || 33 ||
[Analyze grammar]

caladevo mayā nārāyaṇīśri preṣito'kṣaram |
acalaṃ cā'vyayaṃ dhāma pālitaṃ madvaco mayā || 34 ||
[Analyze grammar]

acalo'haṃ tathā'nādikṛṣṇanārāyaṇaḥ sutaḥ |
parabrahma svayaṃ cā'nādyārṣanārāyaṇā'bhidhaḥ || 35 ||
[Analyze grammar]

mama putraḥ svayaṃ viṣṇurdṛḍhadhruvā'bhidhastathā |
ākalpāntaṃ tvacalo'pi mayā kṛto vacobalāt || 36 ||
[Analyze grammar]

evaṃ vai bhūtale lakṣmi prākaṭyaṃ me purā'bhavat |
rājyaṃ ca sutale loke putrasya tu divopari || 37 ||
[Analyze grammar]

tadā tvam ṛṣyārṣaputrīṃ cā''rṣapadmāṃ nijāṃ smara |
prākaṭyaṃ kathitaṃ cārṣanārāyaṇi prabhormama || 38 ||
[Analyze grammar]

tataḥ paraṃ pravakṣyāmi prākaṭyaṃ me śṛṇu priye |
atha lakṣmi mama vaṃśe dṛdadhruvasya va sutaḥ || 35 ||
[Analyze grammar]

thurānandātmakaścāsīd bhaktarāṭ tāpaso muniḥ |
tapaścacāra vipulaṃ vaiṣṇavo manukālikam || 40 ||
[Analyze grammar]

prasanno bhagavān brahmā varadānaṃ dadau tadā |
mā tapaḥ kuru rājendra varaṃ vṛṇu yathepsitam || 41 ||
[Analyze grammar]

ityukto brahmaṇā prāha tava varṣadvayā''yuṣam |
sahasradvayakalpātmajīvanaṃ māṃ ciraṃ kuru || 42 ||
[Analyze grammar]

tathā'stviti dadau vedhā varadānaṃ thurāya ha |
thurānando'pi bubhuje satyaloke yathāyatham || 42 ||
[Analyze grammar]

divārātrivimiśraṃ vai varṣadvayā''yureva ha |
navame vatsare dvedhā varṣadvayā''yuridgatam || 44 ||
[Analyze grammar]

sahasrakalpā divasā niśāḥ sahasrakalpikāḥ |
athaivaṃ daśame prāpte vatsare prāṇarodhane || 45 ||
[Analyze grammar]

vedhasaścāpi divase kalpe caturdaśe tadā |
manau ca prathame tatra thurānandasya vai priye || 46 ||
[Analyze grammar]

brahmavarṣadvayakālo gato rātridivādibhiḥ |
so'pi jātismarastatra punaścārabdhavāṃstapaḥ || 47 ||
[Analyze grammar]

trilokīnāṃ hi rājyārthaṃ sa ca devairnivāritaḥ |
satyalokādṛṣibhiśca janādibhyaśca pitṛbhiḥ || 48 ||
[Analyze grammar]

divaḥ surairmānavaiśca bhūtalād vinivāritaḥ |
yayau tapo'rthamatalaṃ satkṛto dānavaistadā || 49 ||
[Analyze grammar]

daityaiśca satkṛtaścāpi satkṛtaścāsurairapi |
tapaścacāra raudraṃ vai rudramārādhayanmakhe || 50 ||
[Analyze grammar]

mastakaṃ netrasahitaṃ juhāva kuṇḍage'nale |
rudrastāvattatra sākṣādabhavad divyabhāsuraḥ || 51 ||
[Analyze grammar]

vada kiṃ rocate te'tra vṛṇu sarvaṃ dadāmi te |
thurānandastadā prāhā'vadhyatvaṃ dehi me prabho || 52 ||
[Analyze grammar]

haraḥ prāha vinā kṛṣṇaṃ parabrahma sanātanam |
avadhyatvaṃ tava jātaṃ lagnaṃ bhavatu te śiraḥ || 53 ||
[Analyze grammar]

ityuktaḥ sa thurānando dhruvaputro'tiharṣitaḥ |
parihāraṃ tapasaśca pracakre svā'dhvarasya ca || 558 ||
[Analyze grammar]

atha rājā'pi cā''dātuṃ prasthānaṃ dānavānvitaḥ |
cakre bhuvaṃ divaṃ satyaṃ daityāsurasamanvitaḥ || 55 ||
[Analyze grammar]

yatra yatrā'bhavadrājyābhiṣiktaṃ padamuttamam |
sattāśritaṃ nṛpāṇāṃ ca surāṇāṃ cā'nyalokinām || 56 ||
[Analyze grammar]

tāṃstān sattāvataḥ sarvān vijitya yuddhadurmadaḥ |
nijāśritān vaśān kṛtvā tattatpadeṣu dānavān || 57 ||
[Analyze grammar]

daityānasurān svavaśān nṛpatīnabhyaṣecayat |
bhūtale sarvakhaṇḍeṣu nṛpā daityāśca dānavāḥ || 58 ||
[Analyze grammar]

sattādhīśā asurāścā'bhavan prajāprapīḍakāḥ |
dharmakarmavihīnāśca bhraṣṭācārasamanvitāḥ || 59 ||
[Analyze grammar]

aśīlāḥ kāmakārāśca hiṃsādaurātmyasaṃbhṛtāḥ |
ayajñaśīlāḥ bhoktāro'bhavan prajādhanasya te || 60 ||
[Analyze grammar]

tīrthadānārhaṇariktā vipathā brahmavarjitāḥ |
surā api ca pitaro maharṣayaśca tadbhayāt || 61 ||
[Analyze grammar]

duḥkhitā abhavan sarve mānavā rākṣasā'rditāḥ |
thurānando'pi sarveṣu lokeṣu tvasurānvitaḥ || 62 ||
[Analyze grammar]

vimānena prayātyevoddhoṣayatyeva sarvathā |
māṃ yajantu mānayantvārādhayantu janādhipam || 63 ||
[Analyze grammar]

parameśaṃ ca māṃ sākṣānmatvā'rpayantu copadāḥ |
yajñe māṃ pūjayantveva devatāyataneṣvapi || 64 ||
[Analyze grammar]

gaṇeśasya sthale māṃ ca pūjayantu sadā janāḥ |
āharantu karaṃ mahyaṃ kīrtayantu guṇānmama || 65 ||
[Analyze grammar]

paśyantu matpratimāṃ copacārānarpayantu me |
prātargṛhṇantu mannāma viṣṇuścā'haṃ na cetaraḥ || 66 ||
[Analyze grammar]

thurānando thurānando thurānando raṭantviti |
thurānande mahānando brahmānando miliṣyati || 67 ||
[Analyze grammar]

thuro'haṃ brahmasaṃjño'smi thure māyā na vidyate |
thuraṃ prāpya ca saṃsevya kaṣṭaṃ naṣṭaṃ bhavet sadā || 68 ||
[Analyze grammar]

māṃ thuraṃ māthuraṃ labdhvā bhavantu sukhinaḥ sadā |
astyahaṃ yogināṃ rājā pitṝṇāṃ dyusadāṃ tathā || 69 ||
[Analyze grammar]

mānavānāmṛṣīṇāṃ ca daityānāṃ rakṣasāṃ tathā |
vasūnāṃ ca nidhīnāṃ ca dikpālānāṃ nṛpo'smyaham || 70 ||
[Analyze grammar]

samudrāṇāmaraṇyānāṃ gandharvāṇāṃ nṛpo'smyaham |
ityajasya prāṇarodhākhye varṣe daśame tathā || 71 ||
[Analyze grammar]

kalpe caturdaśe tatra manau ca prathame nṛpaḥ |
balavānabhavad rājā daityadānavapūjitaḥ || 72 ||
[Analyze grammar]

atha bhaktaḥ prajā devāḥ pitaro munayaḥ striyaḥ |
satyaśca sādhavo māmārādhayāmāsurīśvari || 73 ||
[Analyze grammar]

pracchannāḥ svagṛhe svasvahṛdayeṣu samāhitāḥ |
tuṣṭuvuḥ śrīhariṃ māṃ ca rakṣārthaṃ mānavādayaḥ || 74 ||
[Analyze grammar]

hare nātha kṛpāsindho dīnabandho janārdana |
adharmārdana daityānāmantakṛt parameśvara || 79 ||
[Analyze grammar]

rakṣa rakṣa hare kṛṣṇā'nādinārāyaṇa prabho |
parabrahmā'ntarātmaṃstvaṃ rakṣa no dānavārditān || 76 ||
[Analyze grammar]

ityevaṃ prārthanāṃ cakrurbahudhā sarvadehinaḥ |
tadā'haṃ saṃvicāryaiva thurānandasya karma tat || 97 ||
[Analyze grammar]

varadānāntamevā'pi tvayā sākaṃ samāgamam |
bhūtale mānave loke meroḥ paścimakhaṇḍake || 78 ||
[Analyze grammar]

nāmnā bhāmantake khaṇḍe samprajñānadvijālaye |
viśokānāmapatnyāstu sannidhau darśanāttadā || 79 ||
[Analyze grammar]

prāvirāsaṃ bālarūpaḥ śaṃkhacakragadādharaḥ |
cakravajraśaktiśūladaṇḍapāśadharaḥ prabhuḥ || 80 ||
[Analyze grammar]

aṣṭabāhurhariḥ so'haṃ parabrahmanarāyaṇaḥ |
ujjvalaḥ koṭikāmordhvaprabhāvān kuśalo mṛdhe || 81 ||
[Analyze grammar]

sarvā'stramantravidvijño brahmabhāvaparāyaṇaḥ |
tadā tvaṃ ca samādiṣṭā mayā lakṣmi drutaṃ gatā || 82 ||
[Analyze grammar]

thurānandālaye naijaṃ prākaṭyamāptumīśvarī |
thurānandasya putrī tvaṃ jātamātrā tu mānasī || 83 ||
[Analyze grammar]

jyotsnākumārikānāmnī sarvalakṣaṇalakṣitā |
abhavaśca svayaṃvarayogyā nṛpālaye tadā || 84 ||
[Analyze grammar]

rājā svayaṃvarākhyaṃ ca samājaṃ kṛtavān kṣitau |
bhāmantake mahākhaṇḍe trilokyāhvānamācarat || 85 ||
[Analyze grammar]

svayaṃvarasya tatraiva maṇḍapo devamaṇḍapaḥ |
indrapurīsamastena nṛpeṇa kāritastadā || 86 ||
[Analyze grammar]

nirṇīte divase tatrā''yayurdaityāśca dānavāḥ |
rājānaḥ pārthivāḥ pātālādhipāśca divo'dhipāḥ || 87 ||
[Analyze grammar]

caturdaśabhuvanānāṃ dikpālā lokapālinaḥ |
āyayurmaṇḍape tatra jyotsnākumārikāṃ''kṣayā || 88 ||
[Analyze grammar]

samājo'bhūccārbudānāṃ rājñāṃ tatra nṛpālaye |
jyotsnā śṛṃgāritā śreṣṭhe muhūrte varamālikām || 89 ||
[Analyze grammar]

nītvā bandhubhirutkṛṣṭāyudhavedibhirānvitā |
yathārthajyotsnikā kanyā sarvākarṣaṇakāriṇī || 90 ||
[Analyze grammar]

suparicārayitryā ca kulaśuddhijñayoṣitā |
guruṇā cāpi vipreṇa yuktā maṇḍapamāyayau || 91 ||
[Analyze grammar]

lokottarasvarūpā tvaṃ samājajāḍyakāriṇī |
mugdhaḥ sarvaḥ samātstvāṃ vilokyā'kṣaravāsinīm || 92 ||
[Analyze grammar]

na dṛṣṭā na śrutā kvāpi kanyedṛśī mamā'stviyam |
ityevaṃ bhūbhṛtāṃ tatra hṛdayānyabhavan kṣaṇam || 93 ||
[Analyze grammar]

apūrṇarūpayogānāṃ bhagnānyāsan manāṃsi vai |
pūrṇānāmapi sandehāspadānyāsan manāṃsi vai || 94 ||
[Analyze grammar]

tava kāntyā tadā lakṣmi samājo'rbudabhūbhatām |
nistejā iva nikaṭe'bhavattatra kṣaṇāntare || 95 ||
[Analyze grammar]

svargasyāpi tu rājāno prabhagnāśāstadā'bhavan |
nā'smān variṣyatīyaṃ vai svā'yogyān rūpavarjitān || 96 ||
[Analyze grammar]

ityevaṃ caiṣaṇāhīnāstadā'nyeṣāṃ tu kā kathā |
atha tvaṃ gopuraṃ gatvā natvā gopuradevatām || 97 ||
[Analyze grammar]

praviṣṭā maṇḍapaṃ divyamārgeṇa svarṇaśobhinā |
dṛṣṭavatī ca rājanyaṃ śrutavatī ca vṛddhayā || 98 ||
[Analyze grammar]

alabdhahṛcchayā tatrā'lagnacittā punaḥ punaḥ |
vāratrayaṃ bhramitvaiva maṇḍapaṃ vīkṣya sarvataḥ || 99 ||
[Analyze grammar]

adṛṣṭvā māṃ varamālāyutā gopuramāgatā |
tatrā'hamabhavaṃ vipro'labdhapraveśa eva ha || 100 ||
[Analyze grammar]

daridraḥ pītadhautraśca pītakañcuka eva ca |
saveṣṭanaśirā vipraḥ ṣoḍaśavārṣiko yuvā || 101 ||
[Analyze grammar]

rūpasaundaryayuktaśca sūkṣmasarvā''yudhānvitaḥ |
daityasaṃhārakṛtsūkṣmaṃ rūpaṃ pracchādya cāgataḥ || 102 ||
[Analyze grammar]

kṛtacandrastathā bhāle kare tu japamālikaḥ |
pādayoḥ pāduke bibhran lokavilakṣaṇo'bhavam || 103 ||
[Analyze grammar]

itiśrīlakṣmīnārāyaṇīyasaṃhitāyāṃ tṛtīye dvāparasantāne vedhaso navamavatsare caladevavaṃśe dhruvasyā'calatārtham anādyārṣanārāyaṇasya daśamavatsare dhruvadevaputrasya thurānandasya dānavardhitasya parābhavārtham anādiprājñanārāyaṇasya prākaṭyaṃ jyotsnākumārikālakṣmyāḥ svayaṃvaraścetyādinirūpaṇanāmā saptamo'dhyāyaḥ || 7 ||
[Analyze grammar]