Chapter 5

puruṣottama uvāca |
śṛṇu nārāyaṇīśri tvaṃ ṣaṣṭhe tāpasavatsare |
vedhaso'sya dvitīye kalpake ca prathame manau || 1 ||
[Analyze grammar]

prākaṭyaṃ tava rudrācca mamā'pi brahmato'bhavat |
pratikalpaṃ trilokīnāmutpattistatra jāyate || 2 ||
[Analyze grammar]

utpādako'tra vai brahmā sāyaṃ saṃhārako haraḥ |
poṣaṇasya prakartā tu viṣṇustatra sadā mataḥ || 3 ||
[Analyze grammar]

kintu taṃ niyamaṃ tyaktvā rudro devo maheśvaraḥ |
brahmāṇamāha mā sṛṣṭiṃ kuru tvaṃ yat karomyaham || 4 ||
[Analyze grammar]

sāyaṃkālasya kāryaṃ tvaṃ gṛhāṇa lokasaṃhṛtim |
na me tad rocate brahman saṃhārākhyaṃ hi karma yat || 5 ||
[Analyze grammar]

yogināṃ mādṛśānāṃ tanmahad duḥkhaṃ vivekinām |
saṃhṛtirnahi yogyā me hiṃsātmikā'tinirghṛṇā || 6 ||
[Analyze grammar]

satāṃ dharmo na vai hiṃsā paraduḥkhapradātṛtā |
paraduḥkhā'sahiṣṇutve mama hiṃsā na rocate || 7 ||
[Analyze grammar]

api kāyena manasā necchāmi parahiṃsanam |
kutaśca karmaṇā kurve pāpakṛt karma bhīṣaṇam || 8 ||
[Analyze grammar]

apadebhyaḥ sapadānāṃ hiṃsā pāpā'dhikānvitā |
sapadeṣvapi likṣāṇāṃ makṣikāṇāṃ tato'dhikā || 9 ||
[Analyze grammar]

caṭakānāṃ ca gṛdhrāṇāṃ garuḍānāṃ tato'dhikā |
śvādīnāṃ gomahiṣāṇāmuṣṭrāṇāṃ kariṇāṃ tataḥ || 10 ||
[Analyze grammar]

nāgānāṃ ca piśācānāṃ bhūtānāṃ ca tato'dhikā |
daityānāṃ rakṣasāṃ hiṃsā dānavānāṃ tato'dhikā || 11 ||
[Analyze grammar]

sūtamāgadhabandīnāṃ bhṛtyānāṃ ca śvapākinām |
mānavānāṃ ca viprāṇāṃ nārīṇāṃ ca tato'dhikā || 12 ||
[Analyze grammar]

kanyakānāṃ kumārāṇāṃ bālānāṃ ca satāṃ tathā |
yogināṃ cāpi bhaktānāṃ sādhūnāṃ brahmacāriṇām || 13 ||
[Analyze grammar]

sagarbhāṇāṃ sūtikānāṃ satīnāṃ ca tato'dhikā |
tīrthānāṃ cāpi caityānāṃ pratimānāṃ tato'dhikā || 14 ||
[Analyze grammar]

mandirāṇāmṛṣīṇāṃ ca devānāṃ ca tato'dhikā |
mumukṣūṇāṃ tāpasānāṃ hiṃsā pāpādhikā tathā || 15 ||
[Analyze grammar]

yajñīyānāṃ nṛpāṇāṃ ca gurūṇāṃ ca tato'dhikā |
vedānāṃ cāpi śāstrāṇāṃ hiṃsanaṃ sarvato'dhikam || 16 ||
[Analyze grammar]

haryeśānāṃ vibhūtīnāṃ hiṃsanaṃ ca tato'dhikam |
ityeṣāṃ pāpavistāro hiṃsātmā me na rocate || 17 ||
[Analyze grammar]

kariṣye'haṃ sarjanaṃ vai kuru tvaṃ vai visarjanam |
ciraṃ mayā kṛtaṃ visarjanaṃ tvayā prasarjanam || 18 ||
[Analyze grammar]

āyatau tvaṃ vidhehyeva visarjanaṃ na sarjanam |
ahaṃ sadā kariṣye sarjanaṃ na tu visarjanam || 19 ||
[Analyze grammar]

ityuktaśca tadā lakṣmi brahmā lokapitāmahaḥ |
śaṃkaraṃ prāha mā maivaṃ tvādṛśo hiṃsako'smi na || 20 ||
[Analyze grammar]

śreṣṭhaṃ kāryaṃ vihāyaiva kaḥ kaniṣṭhe viśejjanaḥ |
brāhmaṇo'haṃ na tatkartuṃ śaknomyatra kadācana || 21 ||
[Analyze grammar]

rudrasya tava kāryaṃ tat krūrasya nirghṛṇasya ca |
brāhmaṇā dayayā yuktā na niṣādāḥ kadāpi vai || 22 ||
[Analyze grammar]

mayā naiṣādikaṃ kāryaṃ manasā'pi na manyate |
jālaṃ pāśo ghātanaṃ ca kartanaṃ kūrcanaṃ tathā || 23 ||
[Analyze grammar]

vidalanaṃ rodhanaṃ ca naiṣādikaṃ hi tadbhavet |
dāhanaṃ bhedanaṃ cāpi peṣaṇaṃ prāṇakarṣaṇam || 24 ||
[Analyze grammar]

māraṇaṃ pāpakarmaitanme na śaṃbho prarocate |
nāhaṃ tatra kṛtaprajño bhavāṃstat kartumarhati || 25 ||
[Analyze grammar]

ityuktaḥ śaṃkaro lakṣmi raudrabhāvamupāgataḥ |
asahamāno vākyāni jagrāha vedhasaṃ gale || 26 ||
[Analyze grammar]

nyapātayat kṣitau tatrottānaṃ vai vedhase haraḥ |
pādaṃ datvā balād vakṣasyeva śūlaṃ gale nyadhāt || 27 ||
[Analyze grammar]

hāhākāro mahānāsīttadā trailokyavāsiṣu |
brahmaṇo'dya vināśo vai bhaviṣyatīti menire || 28 ||
[Analyze grammar]

ṛṣayaḥ pitaro devā jaḍāśca cetanā api |
cakampire rudraroṣānmadhyasthaḥ ko'pi nā''gamat || 29 ||
[Analyze grammar]

bhayaṃ gato'pi viṣṇuścā'nyasya tatra tu kā kathā |
brahmā sasmāra māṃ tatra trātāraṃ parameśvaram || 30 ||
[Analyze grammar]

akṣarānmama vai sthānāttūrṇaṃ tatra samāyayau |
tvayā sārdhaṃ tadā lakṣmi śūlaṃ jagrāha pāṇinā || 31 ||
[Analyze grammar]

tvamādiṣṭā praveṣṭuṃ ca hare śāntikarī satī |
hararoṣo'bhavacchāntastavā''veśāttadā priye || 32 ||
[Analyze grammar]

vivedā'kāryamevaitannamro māṃ vīkṣya lajjitaḥ |
śaṃkhacakragadāpadmadharaṃ śrīpuruṣottamam || 33 ||
[Analyze grammar]

koṭisūryasamābhāsaṃ sarvābhūṣaṇabhūṣitam |
sarveśvaraṃ dhṛtaśūlaṃ brahmarakṣākaraṃ prabhum || 34 ||
[Analyze grammar]

akasmādāgataṃ śāntaṃ sarvāntaranivāsinam |
anādiśrīkṛṣṇanārāyaṇaṃ śrīparameśvaram || 35 ||
[Analyze grammar]

brahmaṇo vakṣasi nyastaḥ śaṃbhupādo mayā tadā |
śūlaṃ ca mama hastābhyāmuddhṛtau līlayā priye || 36 ||
[Analyze grammar]

śaṃbhuḥ papāta vegenottāno mama balāttadā |
pārśve patantaṃ śaṃbhuṃ taṃ devāścālambanaṃ daduḥ || 37 ||
[Analyze grammar]

rakṣa rakṣa harekṛṣṇa bālakṛṣṇa pareśvara |
ajaṃ rakṣa haraṃ rakṣa rakṣa naḥ śaraṇāgatān || 38 ||
[Analyze grammar]

sarve vayaṃ tava bālāḥ poṣyā rakṣyāḥ sadā tvayā |
ityuktvā te nipeturme pādayordaṇḍavat tadā || 39 ||
[Analyze grammar]

puṣpādyairmānasairbhāvaiḥ pupūjurmāṃ dayābhṛtam |
parabrahmā'kṣarātītaṃ brahmavakṣogataṃ harim || 40 ||
[Analyze grammar]

śaṃkaro'pi ca me bhakto prayayāce kṣamāpanam |
mayā śaṃbhubodhitaśca saṃhāre dūṣaṇaṃ na te || 41 ||
[Analyze grammar]

mama śaktisvarūpo'si kartā'haṃ tava rūpavān |
mayā sṛṣṭamidaṃ sarvaṃ vijñavedhaḥsvarūpiṇā || 42 ||
[Analyze grammar]

mayā sampuṣyate sarvaṃ dātṛviṣṇusvarūpiṇā |
mayā saṃhriyate sarvaṃ hartṛharasvarūpiṇā || 43 ||
[Analyze grammar]

yo'haṃ so'haṃ haro viṣṇurbrahmā bhinnābhidhānvitaḥ |
pṛthagbhāvo na bhavatāṃ mama māyā durāsadā || 44 ||
[Analyze grammar]

tayā bhedaṃ gataścā'haṃ mamecchayaiva māyayā |
karomi bhedavat sarvaṃ vibhinnaṃ cetaro yathā || 45 ||
[Analyze grammar]

ajñānivacceṣṭayāmi līlā me sārvakālikī |
tatra te dūṣaṇaṃ śaṃbho hiṃsādoṣātmakaṃ na vai || 46 ||
[Analyze grammar]

utpannaṃ syād vinaṣṭaṃ vai svabhāva eṣo vastunaḥ |
tatra draṣṭā bhavān rudro vināśe nyāyato mama || 47 ||
[Analyze grammar]

nimittāni pralayādyāḥ kālo yugā niśāstathā |
kālasīmā nimittaṃ vai mayā maryādayā kṛtā || 48 ||
[Analyze grammar]

tasmātte dūṣaṇaṃ śaṃbho saṃhāre nāsti sarvathā |
ityuktaḥ śaṃkaro lakṣmi mayā svāsthyamupāgataḥ || 49 ||
[Analyze grammar]

kalahaṃ taṃ parityajya sadā saṃhāramānasaḥ |
sevate manniyogaṃ vai harate'nte yathoditam || 50 ||
[Analyze grammar]

athā'haṃ saṃvinīyaiva śaṃbhuṃ brahmasuto'bhavam |
anādiśrībrahmanārāyaṇaḥ śrīpuruṣottamaḥ || 51 ||
[Analyze grammar]

tvaṃ ca lakṣmi haradehānniṣkrāntā kanyakā tataḥ |
vaiṣṇavī rudraputrī vai mahyaṃ hareṇa cārpitā || 52 ||
[Analyze grammar]

ityevaṃ mama vai tatra prākaṭyaṃ ca tavā'pyabhūt |
ākalpāntaṃ tataścā'haṃ brahmanārāyaṇo'vasam || 53 ||
[Analyze grammar]

tvayā sākaṃ hi vaiṣṇavyā nārāyaṇīśri tatsmara |
evamanye'pyavatārāḥ koṭiśastatra me'bhavan || 54 ||
[Analyze grammar]

na tān śaktāḥ prasaṃkhyātuṃ cānye māmantarā priye |
athā'nye vatsare cāpi prākaṭyaṃ mama saṃśṛṇu || 55 ||
[Analyze grammar]

yamākhye vatsare cādye kalpe cādye manau tathā |
devatānāṃ vivādo'bhūd dhiṣṇyārthaṃ svargavāsinām || 56 ||
[Analyze grammar]

ekaḥ prāha mahendrasya padaṃ bhokṣye'hameva ha |
cā'paraśca tadā prāha sūryo'haṃ nā'paro bhavet || 57 ||
[Analyze grammar]

tṛtīyaḥ prāha candro'haṃ turyaḥ prāha dhanī tvaham |
kaścit prāha jaleśo'haṃ kaścitprāha maruttvaham || 58 ||
[Analyze grammar]

vasuścā'haṃ devaguruścā'haṃ ceśānadevatā |
ahamagnirgaṇeśo'haṃ senānyahaṃ dhruvo'pyaham || 59 ||
[Analyze grammar]

merurmama divaṃ me'pi maruccā'haṃ bhavāmyapi |
yamaścā'hamahaṃ viṣṇurbhavāmi śaṃkaro'pyaham || 60 ||
[Analyze grammar]

dikpālo'haṃ lokapālaḥ sādhyo'haṃ saṃbhavāmi vai |
viśvadevapadaṃ cā'haṃ bhokṣye pitṛpadaṃ tvaham || 61 ||
[Analyze grammar]

ityevaṃ vadamānānāṃ surāṇāṃ kalaho mithaḥ |
varivarti mahānevā'śāmyaḥ kenāpi śāsinā || 62 ||
[Analyze grammar]

parasparaṃ tadā lakṣmi balino devasattamāḥ |
prasahyeṣṭapadānyeva svāyattokṛtya sarvathā || 63 ||
[Analyze grammar]

sthitavanto nirbalāśca nirādhārāstadā'bhavan |
andharājyaṃ yathā svargaṃ tatrā'bhavad balārjitam || 64 ||
[Analyze grammar]

sāttvikā devatāścendravasucandrādayastadā |
āndhyasya vāraṇārthaṃ vai mimilurvai gurorgṛhe || 65 ||
[Analyze grammar]

kathamāndhyaṃ nivartetetyevaṃ vicāraṇā vyadhuḥ |
brahmaṇo vāpi śaṃbhorvā viṣṇorvā vacanāni vai || 66 ||
[Analyze grammar]

amaryādā na manyante devā garvapravegitāḥ |
tasmādatra prakartavyaḥ sarveṣāṃ hitakṛd vidhiḥ || 67 ||
[Analyze grammar]

yathā suragururmārgaṃ darśayet kurma eva tam |
śrutvaivaṃ tu tadā devānāha suraguruḥ svayam || 68 ||
[Analyze grammar]

dyauḥ sadā devamātā vai devān garbhe prarakṣati |
seyaṃ mūrtimatī cāste kurmastat sā vadecca yat || 69 ||
[Analyze grammar]

viṣṇurnāma tathā''dityo rājate'tra sadasyapi |
yathā vadet tathā sarve kurmastadvacanaṃ hitam || 70 ||
[Analyze grammar]

ityuktau tau namaskṛtya devān sarvānupasthitān |
prāhaturnirṇaye cāndhye yogyau nā''vāṃ tathāpi vaḥ || 71 ||
[Analyze grammar]

sūcayāvo hariṃ kṛṣṇaṃ paraṃ brahma sanātanam |
ārādhayāmaścā'traivā'dhikārapadada prabhum || 72 ||
[Analyze grammar]

sa eva nirṇayaṃ naśca dāsyatyevā'kṣarādhipaḥ |
yena sampālitaṃ sarvaṃ yena sannoditaṃ tvidam || 73 ||
[Analyze grammar]

yena sañcālitaṃ yāti sa no dāsyati nirṇayam |
yena ṛddhiḥ pradattā ca yathākarma yathāguṇam || 74 ||
[Analyze grammar]

yathāsthānaṃ yathaiśvaryaṃ yathādhiṣṇyaṃ padāni ca |
ārādhitaḥ samāgatya sa no dāsyati nirṇayam || 75 ||
[Analyze grammar]

ityuktāḥ sarvadevāste prasahya balavādinām |
śāsanārthaṃ sasmaruśca parabrahma sanātanam || 76 ||
[Analyze grammar]

akṣareśaṃ bhagavatāṃ bhagavantaṃ pareśvaram |
tūrṇaṃ cā'kṣaradhāmno'haṃ samāyāto mahāprabhuḥ || 77 ||
[Analyze grammar]

tvayā sākaṃ tadā nārāyaṇīśri pareśvaraḥ |
devaguroḥ sabhāyāṃ vai viṣṇvākhyā''dityasannidhau || 78 ||
[Analyze grammar]

divyo divyāmbarabhūṣo divyaiśvaryasamanvitaḥ |
koṭicandrārkarūpaśca sabhāmadhye vyavasthitaḥ || 79 ||
[Analyze grammar]

tvamādiṣṭā tadā lakṣmi dyutanau samavasthitā |
adṛśyā śāsayitrī tvaṃ sarveṣāṃ hitakāriṇī || 80 ||
[Analyze grammar]

surā dṛṣṭvā tu māṃ sarveśvareśvareśvareśvaram |
praṇatāścāsanaṃ cāpi madhuparkaṃ dadustataḥ || 81 ||
[Analyze grammar]

kuśalaṃ pṛṣṭavāṃścā'haṃ tebhyaste'pyanivedayan |
āndhyaṃ svarge pradhiṣṇyārthaṃ tacchāntiṃ cārthayannapi || 82 ||
[Analyze grammar]

mayā nārāyaṇīśri vai tadā sudarśanāni me |
samarthamuktarūpāṇi śāsakāni samantataḥ || 83 ||
[Analyze grammar]

krūrāṇi sāyudhānyeva prahitāni divi priye |
yatra yatra surāḥ santi paradhiṣṇyasthitāstadā || 84 ||
[Analyze grammar]

tāṃstānāhūya sarvān vai mama yuktāḥ sudarśanāḥ |
dhṛtvā dhṛtvā gurordvāraṃ samāninyurmadantike || 85 ||
[Analyze grammar]

mayā pṛṣṭāścāndhyapravartayitāraśca vai tadā |
nocuste lajjitāḥ kiñcit kṣamāṃ matto yayācire || 86 ||
[Analyze grammar]

daṇḍitā vai mayā sarve yamitāśca nije pade |
sthāpitāśca yathāyogye pade devā divi sthitāḥ || 87 ||
[Analyze grammar]

sarveṣāmadhikāre vai vyavasthā ca mayā kṛtā |
tadā tvaṃ ca mayā''diṣṭā sarvaniyāmikā satī || 88 ||
[Analyze grammar]

paradhiṣṇyā'yogyapātranirodhinī tadā'bhavaḥ |
aiśvaryaṃ ca mayā lakṣmi tadā tubhyaṃ samarpitam || 89 ||
[Analyze grammar]

dhiṣṇye dhiṣṇye tvayā tatra sthātavyaṃ sarvadā priye |
ayogyaścet samāgacchet prasahya padamuttamam || 90 ||
[Analyze grammar]

anyasyā'nyastadā lakṣmi tvayā kṣepyo vidūrataḥ |
tadārabhya hi deveṣu cā'nyapade'paraḥ kvacit || 91 ||
[Analyze grammar]

upaviṣṭaṃ samartho vai jāyate kṣipyate drutam |
evaṃ sarvapadeṣveva tvaṃ tadā saṃsthitā priye || 92 ||
[Analyze grammar]

ahaṃ putro'bhavaṃ viṣṇorādityasya tadā priyaḥ |
tvaṃ tataḥ kanyakā jātā dyugarbhā śrīrnarāyaṇī || 93 ||
[Analyze grammar]

dyāvā tadā'rpitā mahyaṃ tadā tvaṃ dyunarāyaṇī |
ahamāsaṃ tadā kalpe'nādyādityanarāyaṇaḥ || 94 ||
[Analyze grammar]

anādiśrīkṛṣṇanārāyaṇaḥ śrīpatiracyutaḥ |
ākalpāntaṃ tadādityagṛhe'vasaṃ sutaḥ sadā || 95 ||
[Analyze grammar]

dyuputrī tvaṃ mama patnī devavīthī tadā'bhavaḥ |
ahaṃ smarāmi tatsarvaṃ smara tvaṃ devavīthikām || 96 ||
[Analyze grammar]

parabrahma svayaṃ cāhamabhavaṃ tatra vai sadā |
asaṃkhyā me'vatārāśca tatra varṣe'bhavannapi || 97 ||
[Analyze grammar]

evaṃ dhiṣṇyavivādaṃ vai tyaktvā devā yathoditam |
svasvadhiṣṇyaṃ gatāḥ sarve vivādapadavarjitāḥ || 98 ||
[Analyze grammar]

tadārabhya punarnaiva padārthaṃ yodhanaṃ kvacit |
babhūva tatra varṣe vai tathā kalpāntare'pi ca || 99 ||
[Analyze grammar]

mayā niyamitaṃ sarvaṃ yatheṣṭaṃ sthāpitaṃ yathā |
tathaiva yāti sukhato viparītaṃ na vai kvacit || 100 ||
[Analyze grammar]

ityevaṃ te śivaputri prākaṭyaṃ kīrtitaṃ mama |
paṭhanācchravaṇāccāpi bhuktimuktiphalapradam || 101 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vedhasaḥ ṣaṣṭhavatsare rudraśāsanārtham anādibrahmanārāyaṇasya saptamavatsare devānāṃ dhiṣṇyaniyamārtham anādyāditya |
nārāyaṇasya prākaṭyamiti nirūpaṇanāmā pañcamo'dhyāyaḥ || 5 ||
[Analyze grammar]