Chapter 293

śrīkṛṣṇa uvāca |
śiveśvaro mahān bhakto mahimānaṃ vidan hareḥ |
rādhike dhanyabhāgyaṃ svaṃ mene gṛṇannidaṃ tadā || 1 ||
[Analyze grammar]

adya me saphalaṃ janma tvadya me saphalāḥ kriyāḥ |
adya me saphalaṃ sarvaṃ yadgṛhe puruṣottamaḥ || 2 ||
[Analyze grammar]

adya me jīvanaṃ jātaṃ sarvaṃ suprajīvitam |
yajjātaṃ janmakoṭīnāṃ karmamūlalayānvitam || 3 ||
[Analyze grammar]

yatpādapadmaṃ munayo dhyāyanti satataṃ hṛdi |
sarvaphalapradātā śrīharirme prāṃgaṇe'dya vai || 4 ||
[Analyze grammar]

sṛṣṭitrayaṃ ca me tvadya prāṃgaṇe tīrthakṛttamam |
aho kalpāntaparyantaṃ tīrthībhūtaṃ mamāṃgaṇam || 5 ||
[Analyze grammar]

anādiśrīkṛṣṇanārāyaṇaḥ śrīparameśvaraḥ |
adṛśyaścakṣuṣāmadya dṛśyo me prāṃgaṇe hariḥ || 6 ||
[Analyze grammar]

karmaṇāṃ phaladaṃ taṃ tvāṃ jyotīrūpaṃ sanātanam |
antaḥsthitaṃ parātmānaṃ madātmānaṃ namāmyaham || 7 ||
[Analyze grammar]

evaṃ stutvā rādhike ca śivastutaṃ smaran harim |
pādyaṃ padmārcite pādapadme tatra mudā dadau || 8 ||
[Analyze grammar]

arghyaṃ ca pradadau tatra dūrvāpuṣpaphalānvitam |
madhuparkaṃ manāk cāpi dadau bhāle sucandrakam || 9 ||
[Analyze grammar]

kuṃkumākṣatakastūrīkṛtaṃ c tilakaṃ dadau |
cāndanaṃ ca sugandhaṃ ca gandhasāraṃ dadau tanau || 10 ||
[Analyze grammar]

pārijātasya mālāṃ ca svapriyāṃ tad gale dadau |
ratnahāraṃ gale cāpi prakoṣṭhe maṇibhūṣaṇam || 11 ||
[Analyze grammar]

vahniśuddhāṃśukedivye mukuṭaṃ bhāsvaraṃ dadau |
kuṇḍale kaṭake cāpi śṛṃgalā cormikādikam || 12 ||
[Analyze grammar]

ratnacāmarayugalaṃ chatraṃ sauvarṇamityapi |
svahīrakahārāṃśca kaustubhasragvibhūṣaṇam || 13 ||
[Analyze grammar]

koṭikoṭisuvarṇāni nyadhād kṛṣṇasya pādayoḥ |
dhūpaṃ ratnapradīpaṃ ca tathā nīrājanaṃ dadau || 14 ||
[Analyze grammar]

svarṇasiṃhāsanaṃ ramyaṃ dadau dāne harestu vai |
saptatīrthodakaṃ cāpi madhuparkaṃ punastathā || 15 ||
[Analyze grammar]

ācamanaṃ ca tāmbūlaṃ jalapānaṃ sugandhi ca |
śayyāṃ śreṣṭhatamāṃ cāpi bhūṣaṇāni dadau tadā || 16 ||
[Analyze grammar]

puṣpāṃjaliṃ dadau cāpi nanāma pādayostathā |
girijā cāpi taṃ putryāḥ kāntaṃ pupūja cādarāt || 17 ||
[Analyze grammar]

pādaprakṣālanaṃ cakre lājābhiḥ samavardhayat |
candanādyaiḥ pupūjāpi svarṇamudrādikaṃ dadau || 18 ||
[Analyze grammar]

gṛhopakaraṇānyevottārayāmāsa mastakāt |
kośasya kuñcikāṃ cāpi lekhinīṃ taravārikām || 19 ||
[Analyze grammar]

mūśalaṃ tarkaṭīṃ cāpi mārjanīṃ vellaṇaṃ tathā |
darvīṃ ca śṛṃkhalāṃ cāpi kīlakaṃ yaṣṭikāṃ tathā || 20 ||
[Analyze grammar]

triśūlaṃ cāpi śaṃkhaṃ ca cakraṃ gadāṃ ca carma ca |
rajjūṃ kaṃgatikāṃ cāpi darpaṇaṃ kalaśaṃ tathā || 21 ||
[Analyze grammar]

sthālīṃ saubhāgyavaṭikāṃ dūrvāṃ kāṇḍaṃ ca vaṃśikām |
phalaṃ cānnaṃ jalaṃ śākaṃ bhūṣaṇaṃ samidhaṃ tathā || 22 ||
[Analyze grammar]

evamādīni sarvāṇyuttārayāmāsa mastakāt |
kṛṣṇasyaiva tato nīrājanaṃ kṛtvā ca mastakāt || 23 ||
[Analyze grammar]

añjalinā duḥkhahāniṃ cintayāmāsa pañcaṣaḥ |
tataḥ praveśayāmāsa dvāraṃ tatra ca bhūtale || 24 ||
[Analyze grammar]

brahmāṇḍasampūṭakaṃ ca kapāladvayanirmitam |
māyātantuprabaddhaṃ ca sthāpitaṃ vīkṣya mādhavaḥ || 25 ||
[Analyze grammar]

nyasyopari svapādaṃ tad babhañja ca tato hariḥ |
vidhnanāśaṃ paraṃ kṛtvā svarṇasiṃhāsanaṃ varam || 26 ||
[Analyze grammar]

kuṇḍasya sannidhau nyastaṃ jagṛhe tvāsanaṃ hi tat |
upāviveśa tatraiva nanāma yūpamityapi || 27 ||
[Analyze grammar]

kalaśaṃ mātṛkāścāpi gaṇeśaṃ devatāstathā |
maṇḍapaṃ ca tathā kuṇḍaṃ guruṃ nanāma sarvataḥ || 28 ||
[Analyze grammar]

śiveśvaro dvijāścainaṃ vardhayāmāsurakṣataiḥ |
evaṃ vai varaṇaṃ prāptaḥ śuśubhe bhagavān hariḥ || 29 ||
[Analyze grammar]

etasminnantare lakṣmīsukhadā śivaputrikā |
ājagāma sakhībhiśca maṇḍape vedikā'ntikam || 30 ||
[Analyze grammar]

avādyanta suvādyāni cā'gīyanta ca gītikāḥ |
vedamantradhvanayaścā'jāyanta vedavedinām || 31 ||
[Analyze grammar]

lakṣmīstatrā''gatā ramyā mātrā sakhībhiranvitā |
bhaktyā padbhyāṃ cāgatā sadratnālaṃkārabhūṣitā || 32 ||
[Analyze grammar]

vahniśuddhāṃśukādhānā kabarībhārabhūṣitā |
sandṛśya darpaṇaṃ sādhvī candanādisugandhitā || 33 ||
[Analyze grammar]

kastūrībindubhiryuktā bhāle sindūrabindunā |
taptakāṃcanavarṇābhā tejaḥparidhiśobhanā || 34 ||
[Analyze grammar]

yāvadbhūṣādhāriṇī ca pūjāmālādikānvitā |
bhrātrādibhiḥ samāyuktā tvāyayau varasannidhau || 31 ||
[Analyze grammar]

dadṛśustāṃ candratulyāṃ mahīmānāstu koṭiśaḥ |
rādhā vai sarvasṛṣṭīnāṃ nārīṣu cojjvalottamā || 36 ||
[Analyze grammar]

tato'pi cojjvalāṃ vīkṣya praśaśaṃsuḥ punaḥ punaḥ |
pativratā tu sā lakṣmīḥ praṇamya maṇḍapaṃ tathā || 37 ||
[Analyze grammar]

praṇamya svapatiṃ devān saptapradakṣiṇā vyadhāt |
siṣeca śītatoyena snigdhacandanapallavaiḥ || 38 ||
[Analyze grammar]

siṣeca tāṃ bālakṛṣṇaḥ kāntāṃ lakṣmīṃ susasmitām |
dadarśa kāntaḥ kāntāṃ tāṃ kāntā kāntaṃ ca satkṣaṇe || 39 ||
[Analyze grammar]

tadā''ścaryaṃ paraṃ jātaṃ rādhike śṛṇu sarvathā |
lakṣmīṃ siṣeca bhagavān yadā tadā'bhiṣecanam || 40 ||
[Analyze grammar]

prodvāhyānāṃ kanyakānāṃ sarvāsāṃ mastakopari |
sarvataścāpatat sarvā harṣitā vai tadā'bhavan || 41 ||
[Analyze grammar]

tato lakṣmīrniṣasādā''sane kṛṣṇaṃ praṇamya ca |
vāme sthitvā devapūjāṃ cakāra svāminā'nvitā || 42 ||
[Analyze grammar]

bṛhaspatirlomaśaśca kārayāmāsatuśca tau |
deśakālau prasaṃkīrtya kanyādānasya siddhaye || 43 ||
[Analyze grammar]

caturthyāṃ mārgaśīrṣasya śukle gaṇeśapūjanam |
kārayāmāsatuścāpi śrīviṣṇoḥ pūjanaṃ tathā || 44 ||
[Analyze grammar]

rudrasya pūjanaṃ cāpi mātṛkāpūjanaṃ tathā |
maṇḍapasya ca devānāṃ yoginīnāṃ ca pūjanam || 45 ||
[Analyze grammar]

grahāṇāṃ dikprapālānāṃ vasūnāṃ cāśvinostathā |
ādityānāṃ pūjanaṃ carṣīṇāṃ pitṛdivaukasām || 46 ||
[Analyze grammar]

pūjanaṃ brahmaṇaścāpīśvarāṇāṃ pūjanaṃ tathā |
sarveśvarāṇāṃ pūjāṃ ca vighnānāṃ pūjanaṃ tathā || 47 ||
[Analyze grammar]

kanyārakṣākarāṇāṃ ca rakṣasāṃ pūjanaṃ tathā |
vahnīnāṃ kuṇḍadevānāṃ śākhātoraṇavāsinām || 48 ||
[Analyze grammar]

dvāḥsthānāṃ maṇḍapasthānāṃ māṇikyastaṃbhavāsinām |
kārayāmāsatuścāpi lakṣmyāśca pūjanaṃ tathā || 49 ||
[Analyze grammar]

pārvatyāḥ pūjanaṃ cāpi hanūmataśca pūjanam |
durgāyāḥ pūjanaṃ śrāddhaṃ kārayāmāsatustathā || 50 ||
[Analyze grammar]

yathā yathā kṛtā pūjā tāṃ prapaśyanti kanyakā |
tathā tathā prakurvanti sarvā vai kṛṣṇakanyakāḥ || 51 ||
[Analyze grammar]

ityevaṃ pūjanaṃ kṛtvā vahniṃ kuṇḍagataṃ tadā |
āhavanīyaṃ sampūjya kanyā cotthāya puṣpajām || 52 ||
[Analyze grammar]

kaṇṭhamālāṃ svakāntasya gale nyadhāt suvistṛtām |
pādayoḥ praṇanāmā'pi lalāṭe kuṃkumā'kṣataiḥ || 53 ||
[Analyze grammar]

tilakaṃ candrakaṃ cāpi cakāra kusumāṃjalim |
tavā'smīti samuvāca niṣasāda nijāsane || 54 ||
[Analyze grammar]

kṛṣṇaścāsyai gale mālāṃ dadau sākṣatakuṃkumam |
ārdraṃ dhṛtvā ca bhāle'syāścandrakaṃ pracakāra ha || 55 ||
[Analyze grammar]

kabaryāṃ ca dadāvasyāḥ sindūrakaṃ ca maṃgalam |
puṣpāṃjaliṃ dadau cāpi gulālamuṣṭikāṃ dadau || 56 ||
[Analyze grammar]

sā'pi gulālaprasṛtiṃ dadau kṛṣṇāya maṃgalām |
tataḥ purohitau dānamantrān jagadaturmudā || 57 ||
[Analyze grammar]

sarvā pradānakanyāśca tathaivā'nupracakrire |
kāmaphale dvayorhastaprakoṣṭhayostadā gurū || 58 ||
[Analyze grammar]

babandhatustathā vastraprāntagranthiṃ babandhatuḥ |
kaṇṭhamālāṃ dvayoḥ kaṇṭhe tvekāṃ dīrghāṃ pracakratuḥ || 59 ||
[Analyze grammar]

rādhike ca tadā sarvāḥ kanyāḥ koṭyarbudāni tu |
vinā kāntaṃ nijāgre ca cintāmāpuḥ kṣaṇaṃ yadā || 60 ||
[Analyze grammar]

tadā śrībālakṛṣṇo'sau camatkāramadarśayat |
koṭirūpadharo jātaḥ koṭikoṭyadhimālikaḥ || 61 ||
[Analyze grammar]

yāvatyaḥ kanyakāḥ pūrvamupārjitāśca tāḥ prati |
pratikanyaṃ pratikānto babhūva'bjasvarūpavān || 62 ||
[Analyze grammar]

yā yā yatra sthitāścāsan tatra tatra vidhānataḥ |
yathā lakṣmyā dakṣapārśve sarvāsāṃ pārśvake'bhavat || 63 ||
[Analyze grammar]

kaṇṭhamālāṃ sa jagrāha dadau sindūrakādikam |
prakoṣṭhe bandhanaṃ cāpi kāmaphalasya candrakam || 64 ||
[Analyze grammar]

sarvaṃ vai labdhavāṃstatra paśyatāṃ sarvadehinām |
āścaryaṃ cā'paraṃ tatra jātaṃ śṛṇvatra rādhike || 65 ||
[Analyze grammar]

bṛhaspatirlomaśaśca tatrā'bjarūpiṇau tadā |
abhavatāṃ bālakṛṣṇecchayā maṇḍapakuṇḍakāḥ || 66 ||
[Analyze grammar]

abjādirūpā abhavan devatāścakitāstadā |
kanyānāṃ pitaraścāpi mahāścaryamagustathā || 67 ||
[Analyze grammar]

śiveśaḥ pārvatī vīkṣya śrīkṛṣṇasya pareśatām |
mahīmānāstathā vīkṣyaiśvaryaṃ śrīparamātmanaḥ || 68 ||
[Analyze grammar]

tuṣṭāḥ prasannāḥ sañjātā vavandire muhurmuhuḥ |
mugdhāśca dadṛśuḥ sarvaṃ kanyādānavidhiṃ tadā || 69 ||
[Analyze grammar]

kanyānāṃ pitarastatra tiṣṭhanti dānahetave |
yāsāṃ tu pitaro naiva santi ye maraṇaṃ gatāḥ || 70 ||
[Analyze grammar]

bālakṛṣṇasmṛtāstatrā''yātāstūrṇaṃ sumūrtikāḥ |
adṛśyanta dānakāle sarve mudānvitāḥ śubhāḥ || 71 ||
[Analyze grammar]

lomaśo'pi mahāścaryaṃ prāptaḥ prāpto bṛhaspatiḥ |
naitādṛśaścamatkāro bhūto vā ca bhaviṣyati || 72 ||
[Analyze grammar]

prakāśaṃ paśyatāṃ sarvalokānāmidamāsa ha |
athaivaṃ kanyakānāṃ vai kāntapārśvasamāgame || 73 ||
[Analyze grammar]

pitṛbhirdānavidhinā dīyante kanyakā nijāḥ |
lajjayā namravadanā bhāsurāstejasā śubhāḥ || 74 ||
[Analyze grammar]

svasvakanyā daduḥ sarve paripūrṇatamāya ha |
bālakṛṣṇasya vai haste dakṣe kanyākarāṃstadā || 75 ||
[Analyze grammar]

daduḥ sarve janakāśca śiveśaṃ pradadāvapi |
pradaduḥ sampradānena vedamantreṇa rādhike || 76 ||
[Analyze grammar]

anādiśrīkṛṣṇanārāyaṇāya paramātmane |
bālakṛṣṇāya ṛṣaye dīyate kanyakā mayā || 77 ||
[Analyze grammar]

ityevaṃ te samuccārya dhṛtvā haste jalaṃ tadā |
mumucuścāgnisākṣye vai bhūmau gaṇeśasannidhau || 78 ||
[Analyze grammar]

bālakṛṣṇastadā pitrājñayā svastītyuvāca ha |
jagrāha lakṣmīṃ śrīkṛṣṇanārāyaṇo hi kanyakāḥ || 79 ||
[Analyze grammar]

arbudābjāstadā tvekakṣaṇe tāvatsvarūpadhṛk |
dṛṣṭvaivaṃ sumahaiśvaryaṃ tuṣṭāva śivasattamaḥ || 80 ||
[Analyze grammar]

śivabhāvaṃ samāsādya divyarūpaṃ vidhāya ca |
dhṛtvā svaḍamarūṃ haste nināda ca nanarta ca || 81 ||
[Analyze grammar]

yo hi sarvajagatsākṣī sṛṣṭicakrapravartakaḥ |
parameśo'kṣare dhāmni rājamānastvameva saḥ || 82 ||
[Analyze grammar]

mama gṛhe samāyātaḥ koṭikanyāsusiddhaye |
dhanyaṃ cā'dya gṛhaṃ me'tra yajño me śāśvatastathā || 83 ||
[Analyze grammar]

yadgṛhe'rbudakoṭyaśca kanyakāḥ parameśine |
arpyante divyagranthyā vai dhanyo'yaṃ śivasattamaḥ || 84 ||
[Analyze grammar]

tvāmekamīśeśvarapālapālaṃ pareśvarākhyaṃ puruṣaṃ purāṇam |
namāmi kāntaṃ mama kanyakāyāḥ kāntaṃ tathā cā'rbudakanyakānām || 85 ||
[Analyze grammar]

aṇoraṇīyānmahato mahīyān hiraṇyavarṇo jagadantarātmā |
samastakāntāhṛdi sanniviṣṭaścānantarūpaṃ praṇamāmi taṃ tvām || 86 ||
[Analyze grammar]

oṃkāranāmā'kṣaramuktibījaṃ svayaṃprabhastvaṃ puruṣottamo'si |
samastanātho'yutamastakastvaṃ sanātanastvaṃ puruṣottamo'si || 87 ||
[Analyze grammar]

tvāmeva vedmyadya purātanaṃ tamādityavarṇa tamasaḥ parastāt |
manmokṣaṇārthaṃ samupāgato'si tavaiva kāntā hi purātanīyam || 88 ||
[Analyze grammar]

bhakto'hamevā'smi purātanastvaṃ saṃgṛhya sarve nanu tāritā vai |
anantarūpaṃ vararūpajanmapradaṃ supūjyaṃ śaraṇaṃ prapadye || 89 ||
[Analyze grammar]

ityuktvā rādhike śrīmadbālakṛṣṇāya śaṃkaraḥ |
yautakaṃ pradadau sarve rājānaḥ pradadustadā || 90 ||
[Analyze grammar]

suvarṇānāṃ koṭikaṃ ca vimānaṃ sūryabhāsvaram |
kalpalatāṃ śiraśchatraṃ cāmare ratnadaṇḍake || 91 ||
[Analyze grammar]

tāmbūlārthaṃ svarṇapātraṃ tathā cā'kṣayapātrakam |
kalpaghaṭaṃ tathā svarṇapāduke maṇiratnakam || 92 ||
[Analyze grammar]

kāmadughānāṃ dhenūnāṃ sahasrakaṃ savatsikam |
vāraṇānāṃ sahasraṃ ca turagāṇāṃ ca lakṣakam || 93 ||
[Analyze grammar]

gṛhopakaraṇānāṃ ca śayyādīnāṃ samastakam |
haraye pradadau śaṃbhurbālakṛṣṇāya hastagam || 94 ||
[Analyze grammar]

rājāno'pi dadustatra śayyā ratipradāḥ śubhāḥ |
kośāṃśca vividhāṃścāpi svarṇahīrakamauktikam || 95 ||
[Analyze grammar]

hareḥpakṣāstadā cā'pi daduḥ kṛṣṇāya sarvathā |
hastagrahaṃ dhanaṃ svarṇaṃ rūpyaṃ siṃhāsanādikam || 96 ||
[Analyze grammar]

vāsudevo dadau divyaṃ mukuṭaṃ ca gajāsanam |
mahāviṣṇurdadau tatra vyomayānaṃ vimānakam || 97 ||
[Analyze grammar]

vairājaḥ pradadau svarṇakuṇḍale svarṇachatrakam |
brahmā dadau kalpaghaṭaṃ viṣṇuścakraṃ dadau tadā || 98 ||
[Analyze grammar]

pitaraḥ pradadau svarṇapātrāṇi vividhāni ca |
surā daduścāmṛtānāṃ kośān divyāmbarāṇi ca || 99 ||
[Analyze grammar]

dikpālā divyasauvarṇanāṇakāni dadustadā |
muktāhārān sāgarāśca mauktikānāṃ srajastathā || 100 ||
[Analyze grammar]

vṛkṣā rasān dadustatra rājāno maṇiratnakam |
govājigajavṛṣabhā''nantyaṃ dadustadā mudā || 101 ||
[Analyze grammar]

dāsīnāṃ cāpi dāsānāṃ koṭikaṃ ca tadā daduḥ |
sṛṣṭitraye'pi yacchreṣṭhaṃ yasya yasyā'bhavattadā || 102 ||
[Analyze grammar]

dadurhastagrahaṃ sarve varadravyaṃ hi dānakam |
kanyāpakṣagatāścāpi dadustadā ca yautakam || 103 ||
[Analyze grammar]

śrīkṛṣṇaḥ pradadau gopīsahasraṃ maṇiśobhitam |
hīrahārān ratnamaṇisrajo bhūṣā dadau tathā || 104 ||
[Analyze grammar]

mukuṭaṃ ca satīyogyaṃ dadau saṃkarṣaṇastathā |
ratnahārān dadau sadāśivaḥ kālo'mbaraṃ dadau || 105 ||
[Analyze grammar]

divyāṃ śāṭīṃ jarāhīnāṃ kaṃcukīṃ navayauvanām |
śāśvatīṃ pradadau cāpi rudrā daduḥ srajastathā || 106 ||
[Analyze grammar]

kānakīrdivyamālāśca śṛṃgārābhūṣaṇāni ca |
asaṃkhyāni dadū rudrāḥ śaṃkaraśchatrikāṃ dadau || 107 ||
[Analyze grammar]

siṃhāsanaṃ dadau devī kuberaḥ koṭikānakam |
dravyaṃ dadau tadā lakṣmyai lokapālā dhanaṃ daduḥ || 108 ||
[Analyze grammar]

svargīyāśca talavāsāḥ śeṣādyāśca maṇīn daduḥ |
bhūtapretagaṇāḥ sarve'mbarabhūṣāstadā daduḥ || 109 ||
[Analyze grammar]

narā nāryo lokarītyā devarītyā yathāyatham |
kanyābhyaśca svāmine'pi dadurdānāni bhūriśaḥ || 110 ||
[Analyze grammar]

parabrahma svayaṃ yo'sti sarvaṃ yasyā'sti rūpavat |
tenā'dya svīkṛtaṃ dānaṃ maṇḍape na mamau hi tat || 111 ||
[Analyze grammar]

evaṃ dānottaraṃ kanyāpitaraśca tadā kare |
jalamādāya vai procurgotranāmādi vai tadā || 112 ||
[Analyze grammar]

parabrahmapragotrāya bālakṛṣṇāya śārṅgiṇe |
kṛṣṇā'kṣaranarāyaṇapravarāya mahātmane || 113 ||
[Analyze grammar]

sāmavedipraviprāya patnīvratīyaśākhine |
śrīmadgopālabālāya vahneḥ sākṣye svayaṃ śivaḥ || 114 ||
[Analyze grammar]

śrīkṛṣṇagotrakaścā'haṃ sadāśivapraśākhakaḥ |
rudrakālayamākhyatripravaraḥ ṛkpravedavān || 115 ||
[Analyze grammar]

dattavān mama kanyāṃ śrīṃ lakṣmīṃ lakṣmīsvarūpiṇīm |
tena dānena bhagavān prīyatāṃ puruṣottamaḥ || 116 ||
[Analyze grammar]

ityuktvā ca jalaṃ bhūmau mumoca punareva ca |
gṛhītavānahaṃ cetyuvāca tatra hariḥ punaḥ || 117 ||
[Analyze grammar]

evaṃ sarve janakāśca tathocurmumucurjalam |
tataḥ purohitau vastradivyagranthiṃ babandhatuḥ || 118 ||
[Analyze grammar]

vahneḥ pradakṣiṇaṃ caturvāraṃ vai prabhukanyayoḥ |
kārayāmāsatustatra mālikāgalayorgurū || 119 ||
[Analyze grammar]

vahniṃ natvā yugalāni niṣeduḥ svāsaneṣu vai |
vahnau tatra śubhe gārhapatye ca havanaṃ vyadhuḥ || 120 ||
[Analyze grammar]

ghṛtena ca tilaiścāpi śarkarayā ca satphalaiḥ |
vrīhibhirhavyadravyaiśca vividhairhavanaṃ vyadhuḥ || 121 ||
[Analyze grammar]

tataḥ prāsādikaṃ parasparaṃ ca madhuparkakam |
kṛṣṇakānterjagṛhatuḥ kavalaṃ ca mukhārpitam || 122 ||
[Analyze grammar]

parasparaṃ tato hastāñjaliṃ spṛṣṭvā ca nematuḥ |
prakoṣṭhasvedabhāvo'bhūd śriyāstatra tadā drutam || 123 ||
[Analyze grammar]

romṇāṃ pulakabhāvaśca kṛṣṇasyāpi tadā'bhavat |
sarvāḥ kanyā kaṇṭhamālāyutāḥ vahnipradakṣiṇam || 124 ||
[Analyze grammar]

cakruśca jagṛhurmukhakavalaṃ harayo'pi ca |
havanādi tathaiva tāḥ samakālaṃ vyadhuśca te || 125 ||
[Analyze grammar]

rādhike rādhikā lakṣmīḥ śrīḥ ramā māṇikī tathā |
padmāvatīti ṣaṭsatyaḥ kanyakāśca pradakṣiṇam || 126 ||
[Analyze grammar]

sahaiva vahneścakrustā kṛṣṇena saha maṇḍape |
hemantena pradatte'tra ramā padmāvatī hyubhe || 127 ||
[Analyze grammar]

nārāyaṇena saṃdattāścānyāśca haraye'pi tāḥ |
sahaiva vahneścakrustāḥ svāminā'gnipradakṣiṇām || 128 ||
[Analyze grammar]

anyāḥ samastāḥ kāntāśca cakrurvahnipradakṣiṇām |
kāntena sākaṃ mumudurvidhiṃ vīkṣyātimodadam || 129 ||
[Analyze grammar]

catvāriṃśaccādhiśataṃ kanyakā dhāmavāsikāḥ |
saha pradakṣiṇāścakruḥ kavalaṃ haraye daduḥ || 130 ||
[Analyze grammar]

tathā sarvā brahmakanyāśceśakanyāstathā'parāḥ |
rājakanyā lokakanyāḥ prakīrṇakāḥ pradakṣiṇāḥ || 131 ||
[Analyze grammar]

pracakrire ca kavalaṃ mitho dadurvaraṃ nijām |
varasya ca vadhūṭīnāṃ kavalagrāsatastvanu || 132 ||
[Analyze grammar]

aṃgulīyakaramaṇaṃ raṃgapātrajale'bhavat |
tatra rādhe kṛṣṇapatnīrlagnitāḥ śṛṇu mat tviha || 133 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śiveśvarakṛtaṃ kṛṣṇapūjanaṃ pārvatīdevīkṛtaṃ gṛhopakaraṇottāraṇe kṛṣṇasya maṇḍapāsane niṣīdanaṃ kanyāyāḥ kanyakānāṃ |
cāgamaḥ kṛṣṇapūjā devapūjā kāmaphalabandhanaṃ kanyādānam hastagrahe dānāni koṭyarbudābjakanyākṛte kṛṣṇasya tāvadrūpadhāritvaṃ sarvakanyākaragrahaḥ sarvakaṇṭhamālādhṛtiḥ sarvavahnipradakṣiṇam gotrādividhinā'rpaṇaṃ cetyādinirūpaṇanāmā trinavatyadhikadviśatatamo'dhyāyaḥ || 293 ||
[Analyze grammar]