Chapter 291

śrīkṛṣṇa uvāca |
rādhike kṛṣṇavāhinyāṃ hariṃ dṛṣṭvā tu koṭiśaḥ |
strīgaṇāḥ mumuhuścāti yuvānaṃ parameśvaram || 1 ||
[Analyze grammar]

koṭitejobhirāpūrṇaṃ koṭilāvaṇyaśobhanam |
koṭyānandabharaṃ puṣṭaṃ koṭibhūṣaṇabhūṣitam || 2 ||
[Analyze grammar]

koṭisadguṇavāsaṃ ca koṭikāmabhṛtaṃ prabhum |
vīkṣya vīkṣya navā nāryastallīnāḥ sthiradṛṣṭayaḥ || 3 ||
[Analyze grammar]

yāvatyaḥ kanyakāścāpi saṃbabhūvuḥ samādhigāḥ |
api narāśca lokāśceśvarāśca līnatāṃ gatāḥ || 4 ||
[Analyze grammar]

devāḥ sarve'pi mumuhuryoṣitāṃ tatra kā kathā |
sādhavo yoginaścāpi muktāśca pārṣadā api || 5 ||
[Analyze grammar]

mumuhuryatayaścāpi muktānīnāṃ tu kā kathā |
mahāmāyā pradhānaṃ ca prakṛtirdhāmayoṣitaḥ || 6 ||
[Analyze grammar]

mohinyaścāpi mumuhurlaukikīnāṃ tu kā kathā |
ājanābhyo yuvatyaśca kṛṭumbasahitā yayuḥ || 7 ||
[Analyze grammar]

darśanārthaṃ sotsukā vai provāhaḥ kṛṣṇayoriti |
tā api mumuhustatra pareśe paramātmani || 8 ||
[Analyze grammar]

rājāno rājakanyāśca daśasāhasrasaṃkhyakāḥ |
kṛṣṇayānyāgatāścāpi niścikyustaṃ nijeśvaram || 9 ||
[Analyze grammar]

prajākanyāstathā tatra daśasāhasrasaṃkhyakāḥ |
niścikyuḥ śrībālakṛṣṇaṃ ceśaṃ naijaṃ vimohitāḥ || 10 ||
[Analyze grammar]

tatparāśca samāsan vai kaṇṭhamālāḥ pragṛhya ca |
vahnisākṣye bhaviṣyāmo dāsyaḥ kṛṣṇasya cārpitāḥ || 11 ||
[Analyze grammar]

ityevaṃ koṭyarbudā vai kanyakāstatparāstadā |
sarvasajjīkṛtā''veṣāḥ pratīkṣante tu maṃgalam || 12 ||
[Analyze grammar]

vidyādharyaḥ koṭiśaśca mumuhurvīkṣya mādhavam |
apsarasaḥ koṭiśaśca mumuhurvīkṣya keśavam || 13 ||
[Analyze grammar]

gāndharvyaśca koṭiśo'pi mumuhurvīkṣya cācyutam |
kinnaryaśca koṭiśo'pi samuhurvīkṣya kāmadam || 14 ||
[Analyze grammar]

nartakyaḥ koṭiśaścāpi mumuhurvīkṣya māyinam |
śilpinyo mumuhuścāpi vādinyo mumuhustathā || 15 ||
[Analyze grammar]

puṣpiṇyo mumuhuścāpi yatinyaḥ koṭiśastathā |
sādhvyaśca mumuhuścāpi sanyāsinyaśca koṭiśaḥ || 16 ||
[Analyze grammar]

mumuhurbrahmacāriṇyo viprāṇyo mumuhustathā |
bālakṛṣṇaṃ vīkṣya rādhe mumoha sakalaṃ jagat || 17 ||
[Analyze grammar]

kāściddhariṃ pravīkṣyaiva tvākṛṣṭāḥ keśavaṃ prati |
kaścit tatkalagiṃ vīkṣya sauvarṇatāntavī sthirām || 18 ||
[Analyze grammar]

piśaṃgīṃ kiraṇairvyāptāṃ sthirāstatraiva cā'bhavan |
lakṣmyāśrayaṃ ca mukuṭaṃ sauvarṇaṃ koṭihīrakam || 19 ||
[Analyze grammar]

naikaratnamaṇivyāptaṃ sūryavadbhāsvaraṃ śubham |
vīkṣya kāścittatra lagnāḥ sthirā magnāstathā'bhavan || 20 ||
[Analyze grammar]

kaścinmukuṭasaṃsthāṃśca ratnahārān sumasrajaḥ |
puṣpapaṃktīśca kalikāḥ śekharān puṣparājikāḥ || 21 ||
[Analyze grammar]

pradānasūcakān vīkṣya mumuhustatra ca sthirāḥ |
kāścitkeśān mañjulāṃśca cākacikyaprabhānvitān || 22 ||
[Analyze grammar]

kṛṣṇān vakrān bhaṅgikāḍhyān sūkṣmān netraharānśubhān |
sugandhitailapānāṃścā''karṇāgrakṛtatoraṇān || 23 ||
[Analyze grammar]

paścabhāge chādakāṃśca vīkṣya prakīrṇakasthitān |
dantikābhiḥ saṃskṛtāṃśca samīkṛtān samāntakān || 24 ||
[Analyze grammar]

prāntapiśaṃgakān vīkṣya mumuhustatra susthirāḥ |
kāścittejaḥparidhiṃ ca vīkṣya mahāntamujjvalam || 25 ||
[Analyze grammar]

antaḥparidhisāhasraṃ koṭikiraṇabhābhṛtam |
bahuraṃgaṃ miṣṭakṛṣṭicamatkārabhṛtaṃ śubham || 26 ||
[Analyze grammar]

divyaṃ vīkṣya ca tatraiva mumuhuścā'bhavan sthirāḥ |
kāścidbhālaṃ pravīkṣyaiva viśālaṃ tvardhacandravat || 27 ||
[Analyze grammar]

ujjvalaṃ tvekarekhāḍhyaṃ prāntayoścandrabhābhṛtam |
madhye sūryasamaṃ bhāsvat projjvalaṃ connataṃ matam || 28 ||
[Analyze grammar]

puṣṭaṃ ramyaṃ manohāri vīkṣya mugdhāḥ sthirāstadā |
kāściccandraṃ kauṃkumaṃ ca madhye sthitaṃ suśobhanam || 29 ||
[Analyze grammar]

vālasūryasamaṃ vīkṣya mugdhāḥ striyo'bhavan sthirāḥ |
kāścid vīkṣya sutilakaṃ cordhvapuṇḍraṃ hi kānakam || 30 ||
[Analyze grammar]

svarṇavarṇaṃ cāndanaṃ ca kauṃkumaṃ miśritaṃ tanu |
tatraiva mugdhā abhavan sthirānandabharāstadā || 31 ||
[Analyze grammar]

kāścittu prāntayorvīkṣya patrike cāndanīkṛte |
madhye kuṃkumasūkṣmālpabindvībāhulyaśobhite || 32 ||
[Analyze grammar]

tāsveva mumuhurnāryaḥ patryāṃ bindvīṣu ca sthirāḥ |
kāścid bhrūyugale ramye kāmakammānikātmake || 33 ||
[Analyze grammar]

sūkṣmanīlā'ticañcatsadromāvalivirājite |
prāntatanusūkṣmakāgre mugdhāstatrā'bhavan sthirāḥ || 34 ||
[Analyze grammar]

kāścid bhruvormadhyayoge śvetatejovirājite |
cāndrapiṇḍasamaśobhe mumuhustatra ca sthirāḥ || 35 ||
[Analyze grammar]

kāścid bhrūnimnabhāge ca nāsāmūle manohare |
cakṣuṣormadhyake dyotamāne mumuhuḥ susthirā || 36 ||
[Analyze grammar]

kāścittilasumābhāṃ ca nāsikāṃ vīkṣya bhābhṛtām |
namaṇīṃ ramaṇīṃ nimnāṃ tatra mugdhāstathā sthirāḥ || 37 ||
[Analyze grammar]

kāścid golakapolau ca raṃgaśobhau surañjitau |
madhyonnatau sugolau ca cumbanārhau saratnakau || 38 ||
[Analyze grammar]

hāsyabhṛtau connatau ca sūryacandrābhakāntikau |
prapuṣṭau madavāhau ca vīkṣya mugdhāstathā sthirāḥ || 39 ||
[Analyze grammar]

kāścinnetre cākarṇāntāyate madanavāsite |
tīkṣṇakoṇe premavāhe ceṅgitasūcake bhare || 40 ||
[Analyze grammar]

raktarekhe kajjalāḍhye śvetagole ca cañcale |
kṛṣṇakanīnike ramye bhāvajñe bhāvabodhake || 41 ||
[Analyze grammar]

caikāntabodhake cāntaśceṣṭāpramāṇapūrite |
ākarṣake mohabhṛte meṣonmeṣavirājite || 42 ||
[Analyze grammar]

sūkṣmaromāvalirājadrakṣikāchajjikāyute |
jagatāṃ sarvasṛṣṭīnāṃ pratibimbāśraye śubhe || 43 ||
[Analyze grammar]

sāgarau premasaritāṃ nidhāne sarvatejasām |
sarvapramāṇasaṃsthāne mumuhustatra ca sthirāḥ || 44 ||
[Analyze grammar]

kāścicca karṇayoḥ śaṣkulikāsaṃsthānayostadā |
svarṇakuṇḍalasauvarṇaphullikāsvarṇacippibhiḥ || 45 ||
[Analyze grammar]

svarṇaśṛṃkhalikābhiśca ratnanaddhasthalaistathā |
yuktayoścandrabhayośca mumuhustatra ca sthirāḥ || 46 ||
[Analyze grammar]

kāścittu buṭṭikāṃ vīkṣya svarṇasthalavirājitām |
tatraiva mohamāpannāḥ sthirāstatrā'bhavan striyaḥ || 47 ||
[Analyze grammar]

kāścid vīkṣyordhvakauṣṭhasya pṛṣṭhaṃ sauvarṇakojjvalam |
sūkṣmātisūkṣmaromāliṃ kāmasambodhakāriṇīm || 48 ||
[Analyze grammar]

śmaśrulekhāṃ piṃgavarṇāṃ mumuhustatra susthirāḥ |
kāścidoṣṭhaṃ samasaṃsthānakaṃ dīrghaṃ yathocitam || 49 ||
[Analyze grammar]

raktabhṛtaṃ pakvabimbaphalābhaṃ rasasaṃbhṛtam |
cumbanārhaṃ cośyarasaṃ madhye dhanuṣyamadhyavat || 50 ||
[Analyze grammar]

prāntayordhanuṣaḥ prāntau yathā tathā sughaṭṭitam |
sarveṣāṃ dhanuṣāṃ rūpaṃ dadhatpremanidhānakam || 51 ||
[Analyze grammar]

īṣatkuñcatpremabhāvabodhakaṃ hāsyamandiram |
prasannatāśrayaṃ ramyaṃ tāmbūlarasarājitam || 52 ||
[Analyze grammar]

kvacit kvacicca dantaiśca kvacicca jihvayā tathā |
kvaciccā'dharakauṣṭhena vidhāpita sucumbanam || 53 ||
[Analyze grammar]

madhyabindau nimnabhāgaṃ nāsā daṇḍikayā kṛtam |
ūrdhvauṣṭhaṃ vīkṣya vai kāntā mumuhustatra ca sthirāḥ || 54 ||
[Analyze grammar]

sugandhasambhṛtaṃ śvāsaṃ cehamānaṃ striyo'parāḥ |
prasarantaṃ sarvadikṣu sugandhayantamīśvarān || 55 ||
[Analyze grammar]

mādayantaṃ śāntayantaṃ ghrātvā mugdhāstathā sthirāḥ |
adharauṣṭhaṃ raktavarṇaṃ tāmbūlarasavedinam || 56 ||
[Analyze grammar]

adharauṣṭhasakhāyaṃ taṃ vīkṣya mugdhāḥ striyaḥ sthirāḥ |
cibukaṃ svarṇacibukapiṃgabinduvirājitam || 57 ||
[Analyze grammar]

śobhanaṃ samasaṃsthānaṃ yogyanimnatvaśobhanam |
samanikāsahanusaṃśobhāvardhitasundaram || 58 ||
[Analyze grammar]

divyaṃ navanītakābhaṃ sthalapadmākṛti prabham |
vīkṣya nāryo mumuhuśca kṛtvā hṛdyabhavan sthirāḥ || 59 ||
[Analyze grammar]

kambukaṇṭhaṃ susvaraṃ ca hanvadhaḥ puṣṭapeśikāḥ |
galaṃ puṣṭaṃ yathāghaṭṭaṃ mumuhurvīkṣya ca sthirāḥ || 60 ||
[Analyze grammar]

siṃhaskandhau harervīkṣya puṣṭau balabhṛtau tathā |
vīkṣya kāścittu mumuhuḥ sthirāstatrā'bhavaṃstadā || 61 ||
[Analyze grammar]

kāścid vīkṣyonnataṃ puṣṭaṃ viśālaṃ vakṣa uttamam |
dugdhacampakabhāvyāptaṃ sarvabalāśrayaṃ śubham || 62 ||
[Analyze grammar]

naratvā''vedakaṃ śūramanaḥkṣobhakaraṃ kṣaṇam |
nāryabhivāñchitaṃ rādhāramā''śleṣavibhāvitam || 63 ||
[Analyze grammar]

svarṇarekhāyutaṃ romṇāṃ dakṣāvartasamanvitam |
śrīvātsalyabhṛtaṃ sūryacandrābhastanarājitam || 64 ||
[Analyze grammar]

āyataṃ cāpi vai dīrghaṃ dṛḍhabandhavibhāsitam |
kukṣikomalatāyuktaṃ pārśvamārdavasuspṛśam || 65 ||
[Analyze grammar]

pṛṣṭhavaṃśadṛḍhasthānaṃ bāhumūlātiśobhanam |
evaṃvidhaṃ harervakṣaḥsthalaṃ sukhasthalaṃ param || 66 ||
[Analyze grammar]

sampatsaukhyasamīhāḍhyaṃ vīkṣya vai sundarīgaṇāḥ |
mumuhuścāti tatraivā'bhavan magnāḥ sukhasthirāḥ || 67 ||
[Analyze grammar]

sauvarṇaṃ kaṇṭhalaṃ kaṇṭhe bhūṣaṇaṃ ratnaghaṭṭitam |
tathā sauvarṇapatrīṃ ca śṛṃkhalāṃ kānakīṃ tathā || 68 ||
[Analyze grammar]

plakṣapatrīṃ ca sauvarṇīṃ pañcasarīṃ ca kānakīm |
badarīmālikāṃ svarṇāṃ gokṣurāṇāṃ srajaṃ tathā || 69 ||
[Analyze grammar]

sauvarṇī sūkṣmapatrīṃ ca mālikāṃ mudgamālikām |
yavamālāṃ kānakīṃ ca kānakīṃ rājamāṣikām || 70 ||
[Analyze grammar]

kānakaṃ pūrttalāyaṃ ca tvaṣṭakoṇamaṇisrajam |
kaṇṭhikāṃ taulasīṃ svarṇasūkṣmamaṇiprakaṇṭhikām || 71 ||
[Analyze grammar]

mālikāṃ kānakīṃ cāpi pauṣpān hārān sugandhakān |
sauvarṇabuṭṭakauśeyakañcukopari saṃsthitān || 72 ||
[Analyze grammar]

dhṛtān hārān maṇiratnahīrakādivirājitān |
mauktikāṃśca dhṛtān hārān kaustubhān vīkṣya vai striyaḥ || 73 ||
[Analyze grammar]

candrakāntān sūryakāntān vahnikāntān maṇīn śubhān |
vīkṣya kaṇṭhe dhṛrtauṃstatra mumuhurvai surastriyaḥ || 74 ||
[Analyze grammar]

anyāḥ sarvāśca mumuduḥ kṣaṇaṃstatrā'bhavan sthirāḥ |
bhujau pṛṣṭhau ca kadalīgarbhābhau śobhanaujjvalau || 75 ||
[Analyze grammar]

pūrtadravyau kaṭakāḍhyau śṛṃkhalābhivirājitau |
siṃhānanabhujabandhābhūṣāvirājitau śubhau || 76 ||
[Analyze grammar]

vīkṣya nāryo hi mumuhuḥ sthirāstatrā'bhavan kṣaṇam |
prakoṣṭhau kāmaphalakau svarṇaśṛṃkhalikānvitau || 77 ||
[Analyze grammar]

maṇimauktikaratnāḍhyamāṃgalyabhūṣaṇānvitam |
puṣpaśṛṃgāraśobhāḍhyaṃ vīkṣya mugdhāḥ striyaḥ sthirāḥ || 78 ||
[Analyze grammar]

hastatale yāvakābhe nakhān raktabharāṃstathā |
hrasvacandranibhān vīkṣyāṅgulīścāṃgulikāsrajaḥ || 79 ||
[Analyze grammar]

yuktāstathā kānakāṅgulīyakairmaṇiratnajaiḥ |
ūrmikābhiḥ śobhitāśca mṛduraktāgrikāḥ striyaḥ || 80 ||
[Analyze grammar]

suparvāḍhyāḥ sukhasparśā vīkṣya mugdhāstathā sthirāḥ |
hastayoḥ pañcajau ramyau nīlabindvīsamanvitau || 81 ||
[Analyze grammar]

vīkṣya nāryo mumuhuśca sthirāstatra tadā'bhavan |
dakṣe hastatale vīkṣya mīnaṃ dhvajaṃ triśūlakam || 82 ||
[Analyze grammar]

dhanurbāṇaṃ svastikaṃ ca vajraṃ daṇḍaṃ ca cakrakam |
gadāṃ padmaṃ śaṃkhamasiṃ khaḍgaṃ sauvarṇaśobhitam || 83 ||
[Analyze grammar]

mumuhurvai striyaḥ sarvāḥ sthirāstatra tadā'bhavan |
khaḍgādhānaṃ bhinnamaṇinaddhaṃ carma tathāvidham || 84 ||
[Analyze grammar]

vīkṣyā'pi mumuhuḥ sarvāḥ kaṇṭhe maṃgalasūtrakam |
bhuje maṃgalatantuṃ ca vīkṣya mugdhāḥ surastriyaḥ || 85 ||
[Analyze grammar]

jihvāṃ raktāṃ svādayogyāṃ sarvasvādabhṛtāṃ striyaḥ |
viśālāṃ mohakāgrāṃ ca sthalapadmanibhā''bhikām || 86 ||
[Analyze grammar]

dantān hāsye kundadalīsamān dāḍimabījabhāna |
śvetakāntiyutān cañcatprabhān vīkṣya ca mohitāḥ || 87 ||
[Analyze grammar]

spṛhāṃ cakrurhi labdhyarthaṃ sthirāstatrā'bhavaṃstathā |
trivalyā sahitaṃ ramyamudaraṃ projjvalaṃ śubham || 88 ||
[Analyze grammar]

śītalaṃ nimnanābhyā ca madhyavallyāḍhyayā yutam |
vīkṣya tatra ca mumuhuḥ sthirāstatrā'bhavaṃstadā || 89 ||
[Analyze grammar]

ārdhabhedena ca dhṛtaṃ sauvarṇapaṭakaṃ gale |
skandhe lambatprāntabhāgaṃ vīkṣya mugdhāḥ sthirāstadā || 90 ||
[Analyze grammar]

kāścid dhyātvā tu jaghanaṃ guptaṃ cāpi kaṭidvayam |
śyāmalaṃ mumuhustatra kaṭyāṃ baddhe tathā'mbare || 91 ||
[Analyze grammar]

sauvarṇatārayukte ca bahumūlyakabuṭṭake |
suravāle rājayogye kauśeyavaranirmite || 92 ||
[Analyze grammar]

koṭiratnāśrite svarṇabuṭṭimauktikayojite |
phullaphummakikāyuktanāḍikā'bhipraveśite || 93 ||
[Analyze grammar]

dhṛte cāpādaramye ca mumuhuryuvatīstriyaḥ |
sarvakāmāśraye kāmye tvantaraṃge'khilāḥ striyaḥ || 94 ||
[Analyze grammar]

sarvamohāśraye mugdhā vividurnetarat kṣaṇam |
kammānikānibhe ramye pādaprakoṣṭhakāgrataḥ || 951 ||
[Analyze grammar]

pādayoḥ pañcajau bhāgau sūkṣmaromavirājitau |
mṛdupānahsusaṃyuktau svarṇaśobhālisaṃvṛtau || 96 ||
[Analyze grammar]

rañjitau saṃpravīkṣyaiva mugdhāḥ striyaḥ sthirāstathā |
sakthnoḥ sakthimūlamadhye'naṅge'timumuhuḥ striyaḥ || 97 ||
[Analyze grammar]

aṃgulikāḥ svarṇabhūṣormikā vīkṣya tathā striyaḥ |
kiṃkiṇikāyutau vīkṣya sauvarṇau pādabhūṣaṇau |
kaṭakau jhaṃjharīnālau troṭakau mumuhuḥ sthirāḥ || 98 ||
[Analyze grammar]

ājānulambahastau ca jaghane kariśuṇḍhavat |
karabhau karagau karikaravad vīkṣya yoṣitaḥ || 99 ||
[Analyze grammar]

mumuhustatra ca sthirā abhavan vai samādhigāḥ |
gajavimānage svarṇasihāsane mṛdusthale || 100 ||
[Analyze grammar]

āsīnaṃ rājarājeśarājarājaṃ varaṃ prabhum |
vīkṣya mugdhāḥ striyaḥ sarvā āyāntaṃ gopuraṃ prati || 101 ||
[Analyze grammar]

kuṃkumā'kṣatabindvāḍhyaṃ vīkṣya śrīparameśvaram |
cakrurvai darśanaṃ lokā jayaśabdān jagustathā || 102 ||
[Analyze grammar]

evaṃ vai rādhike prāptā mahāntaṃ gopuraṃ prati |
vādyanādeśca lokānāṃ manojñā yogayātrikā || 103 ||
[Analyze grammar]

bhāvajño bhagavāṃstatra yātrāyāṃ svāsane sthitaḥ |
darśanaṃ pradadau tatra vibhinnaṃ śṛṇu rādhike || 104 ||
[Analyze grammar]

puruṣottamarūpeṇa muktebhyo darśanaṃ dadau |
gopebhyaḥ kṛṣṇarūpeṇa gopībhyo darśanaṃ dadau || 105 ||
[Analyze grammar]

pārṣadebhyo darśanaṃ nārāyaṇātmatayā dadau |
īśvarebhyo vāsudevarūpeṇa darśanaṃ dadau || 106 ||
[Analyze grammar]

siddhasādhugaṇebhyaśca viṣṇurūpeṇa tad dadau |
maharṣibhyastadā brahmātmanā svaṃ darśanaṃ dadau || 107 ||
[Analyze grammar]

pitṛbhyaścāryamarūpātmanā svaṃ darśanaṃ dadau |
surebhyaḥ kṣīranāthātmanā'pi svaṃ darśanaṃ dadau || 108 ||
[Analyze grammar]

mānavebhyo naranārāyaṇātmanā ca tad dadau |
pātālavāsilokebhyaḥ śvetaprabhvātmanā dadau || 109 ||
[Analyze grammar]

nārībhyaḥ kāmadevātmarūpeṇa darśanaṃ dadau |
kanyābhyaḥ svāmirūpeṇa mālādhraṃ darśanaṃ dadau || 110 ||
[Analyze grammar]

pūjyābhyo bālarūpeṇa kaumāraṃ darśanaṃ dadau |
bhaktānāṃ bhagavadrūpaṃ mokṣadaṃ darśanaṃ dadau || 111 ||
[Analyze grammar]

sarvāyudhaṃ caturhastaṃ ramāvṛndaniṣevitam |
narebhyo darśanaṃ sākṣānnārāyaṇātmanā dadau || 112 ||
[Analyze grammar]

antarātmasvarūpaṃ cā''vedayaddhṛdi dehinām |
ityevaṃ rādhike śrīmadbālakṛpṇo hariḥ prabhuḥ || 113 ||
[Analyze grammar]

vijñāto hyadhirājo'sau maṇḍapākhyapurasya ha |
gopurāgre cāyayau saṃlebhe sthairyaṃ kṣaṇaṃ tadā || 114 ||
[Analyze grammar]

vāhinyapi samagrā ca kṣaṇaṃ tasthau prapūjitā |
samīpe tvāgataiḥ śreṣṭhaiḥ kṛṣṇabṛhaspatidvijaiḥ || 115 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne suveṣite śrībālakṛṣṇe pratyekāṃge naranārīṇāṃ vṛttyākarṣaṇena mugdhatā divyadarśanaṃ gopuraṃ prati prāgamanaṃ cetinirūpaṇa |
nāmaikanavatyadhikadviśatatamo'dhyāyaḥ || 291 ||
[Analyze grammar]