Chapter 290

śrīkṛṣṇa uvāca |
pārvatīṃ cordhvagāṃ vīkṣya koṭiśo yoṣitastadā |
kṛṣṇayānyā vilokārthaṃ cāruruhurnijālayān || 1 ||
[Analyze grammar]

maṇḍapasyordhvaśālāsu tvāsthitā vīkṣaṇotsukāḥ |
ṛgvedaṃ girijā prāha bṛhaspateḥ samīpataḥ || 2 ||
[Analyze grammar]

dṛśyate tvagrataḥ kiṃ tat sāntaṃ me sannibodhaya |
mama putryāḥ kṛte ke ke mahīmānā mamā'dya vai || 3 ||
[Analyze grammar]

ke santi kīdṛśāścāpi sutāsvāmyapi kīdṛśaḥ |
mahattamo'sti sarvaṃ tajjijñāse vada me'khilam || 4 ||
[Analyze grammar]

sarvajñaḥ ṛgveda evaṃ pṛṣṭo harṣamavāpa ha |
satīṃ śrīgirijāṃ vaktuṃ samārebhe kramātattaḥ || 5 ||
[Analyze grammar]

paśya mātaḥ prathamaṃ vai maṃgalākhyo hi pārṣadaḥ |
caturbhujaḥ satilakaḥ sarvā''bharaṇabhūṣitaḥ || 6 ||
[Analyze grammar]

maṃgalādevikāyuktaḥ sarvamāṃgalyakānvitaḥ |
sāmamantrān pragāyan vai samāyāti śubhāvahaḥ || 7 ||
[Analyze grammar]

svalpahaṃsasamārūḍhaḥ sarvaśobhāsamanvitaḥ |
tathāhaṃsasamārūḍhā maṃgalā ca sarasvatī || 8 ||
[Analyze grammar]

śāradā ca samāyānti sarvābharaṇabhūṣitāḥ |
etadvai darśanaṃ sarvamaṃgalānāṃ sumaṃgalam || 9 ||
[Analyze grammar]

tato vaikuṇṭhavādyāni vādakairvāditāni vai |
samāyānti trilokyāṃ yanninādāśca dhvananti hi || 10 ||
[Analyze grammar]

paśya tataḥ samāyāti sadhvajaḥ śobhano gajaḥ |
akṣarasyaiva mukto'sau mahādririva rājate || 11 ||
[Analyze grammar]

paśya tataḥ samāyānti jayaśabdapravartakāḥ |
brahmacaryaparāḥ pāresahasraṃ snātakā ime || 12 ||
[Analyze grammar]

paśya tataḥ samāyāti ḍaṃkāniśānavān śubhaḥ |
śyāmakarṇo dhavalāśvo'kṣaramukto hi vartate || 13 ||
[Analyze grammar]

paśya bherībhṛtaṃ paścād rathaṃ vṛṣabhavāhitam |
sauvarṇaṃ svarṇakalaśadhvajā'varūthaśobhitam || 14 ||
[Analyze grammar]

paśya tato'śvavārāṃśca sahasraśaḥ sahetikān |
paśya mātastataścoṣṭrasthitān nirṛtarākṣasān || 15 ||
[Analyze grammar]

sarve śṛṃgāraśobhāḍhyān vaiṣṇavān viṣṇusevakān |
paśya mātastato yakṣān padātīn dānakāriṇaḥ || 16 ||
[Analyze grammar]

svarṇarūpyādivṛṣṭiṃ ca kurvato dhanasaṃbhṛtān |
sahasraśo hi mukuṭairanvitān svarṇabhūṣaṇān || 17 ||
[Analyze grammar]

paśya mātastato rāsakṛtān vai vaiṣṇavān janān |
sahasraśaḥ savādyāṃśca kīrtayaṃto harerguṇān || 18 ||
[Analyze grammar]

paśya mātastato nārīvaiṣṇavīrgītikāparāḥ |
kṛṣṇakīrtanakartrīśca sahasraśo vibhūṣitāḥ || 19 ||
[Analyze grammar]

paśya tataḥ śibikāsu narayāneṣu saṃsthitān |
brahmadhyānaparān pūjyān maharṣīṃśca sahasraśaḥ || 20 ||
[Analyze grammar]

paśya mātaḥ pitṛdevān aryamṇā sahitāṃstataḥ |
sauvarṇanarayāneṣu lakṣakanyāyutānapi || 21 ||
[Analyze grammar]

paśya tataḥ siddhajanān sādhūn rathādyadhiṣṭhitān |
pāresahasraṃ divyāṃśca pāvanān lokapāvanān || 22 ||
[Analyze grammar]

paśya mātastato vaṃśīvādyayuktān hi komalān |
pārṣadānnavayūnaśca divyaveṣavibhūṣitān || 23 ||
[Analyze grammar]

paśya mātaḥ śarabhasthān daityān pravaiṣṇavāṃstataḥ |
śṛṃgāritān jayanādān prakurvataḥ sahasraśaḥ || 24 ||
[Analyze grammar]

paśya mātastato raudrān gaṇān vṛṣabhavāhanān |
vaiṣṇavān bahuveṣāṃśca rūpiṇaḥ śivasadṛśān || 25 ||
[Analyze grammar]

bhūtān pretān piśācāṃśca paśya vaiṣṇavasevakān |
paśya mātastato divyān gāndharvān vādyagāyakān || 26 ||
[Analyze grammar]

svarṇacampakavarṇābhān tālamānasamanvitān |
paśya mātastataḥ sarvatīrthāni mūrtimanti ca || 27 ||
[Analyze grammar]

pāvanāni samāyānti lakṣaśo divyabhāni ca |
paśya mātastato devīḥ koṭiśo gītikāyutāḥ || 28 ||
[Analyze grammar]

vibhūṣitā divyaveṣā narayānasthitāḥ śubhāḥ |
paśya mātastato vṛddhān saurāṣṭrīyān narān śubhān || 29 ||
[Analyze grammar]

paśya devān vāhanasthān chatracāmarabhūṣitān |
lakṣaśo bhānuvarṇān vai dāsadāsīsamanvitān || 30 ||
[Analyze grammar]

svalpakalpavimānasthān sthalagān vyomagānapi |
candravarṇān bhānuvarṇān vahnivarṇān surāṃstathā || 31 ||
[Analyze grammar]

paśya mātastato yātān pātālasthān phaṇādharān |
bahurūpān kāmarūpān koṭiśo'tra samāgatān || 32 ||
[Analyze grammar]

paśya mātaḥ sūtalokān māgadhān kinnarāṃstataḥ |
kiṃpuṃsaḥ paśya vidyādhrān devavādyaninādakān || 33 ||
[Analyze grammar]

paśya mātastato viprān vedaghoṣakarān dvijān |
paśya tato gajasthāṃśca nṛpān bhūgolabhūpatīn || 34 ||
[Analyze grammar]

jummasemlanṛpaṃ hastisthitaṃ tathā'bhito'sya ca |
sahasrakanyakā yānagatāḥ paśya hareḥ priyāḥ || 35 ||
[Analyze grammar]

paśya mātastato dakṣajavaṃgaraṃ nṛpaṃ gaje |
śatādhikasahasrakanyakā yānagatāstathā || 36 ||
[Analyze grammar]

śibirājaṃ paśya mātargajasthaṃ śobhanaṃ nṛpam |
narayānagatāḥ kanyāḥ śataṃ paśya vibhūṣitāḥ || 37 ||
[Analyze grammar]

tharkūṭasthaṃ mahārājaṃ pañcāśatkanyakāyutam |
svarṇasiṃhāsanasthaṃ viṣṭiskandheṣu vilokaya || 38 ||
[Analyze grammar]

vīrajāramahārājaṃ śatakanyāyutaṃ tataḥ |
narayānasthitaṃ paśya sarvābhūṣaṇaśobhitam || 39 ||
[Analyze grammar]

śaktyakṣinṛpatiṃ ṣaṣṭikanyakāsahitaṃ tathā |
śatapiśācinīkanyāyutaṃ paśya suśobhitam || 40 ||
[Analyze grammar]

kālimāśaṃ nṛpaṃ paśya kanyāśatadvayānvitam |
svarṇayānasthitaṃ sarvaśṛṃgārasaṃvibhūṣitam || 41 ||
[Analyze grammar]

ete nṛpā rāśiyānāḥ kiṃpuruṣaprajātikāḥ |
devatulyāḥ pravidyante tava gṛhe samāgatāḥ || 42 ||
[Analyze grammar]

atha vāditraninadān śṛṇu paśya navottamān |
ketumālīyajātīṃśca suśobhān yantravāditān || 43 ||
[Analyze grammar]

uralaketukaṃ paśya rājānaṃ svalpayānagam |
triṃśatkanyāsahitaṃ ca venumālaprakhaṇḍagam || 44 ||
[Analyze grammar]

krathakaṃ paśya rājānaṃ pañcakanyāyutaṃ śubham |
svalpayānasthitaṃ pṛthuṃ viṃśatikanyakāyutam || 45 ||
[Analyze grammar]

uṣṭrālarājakaṃ daśakanyānvitaṃ vilokaya |
haṃkāraṃ paṃcakanyāsaṃyutaṃ yāne vilokaya || 46 ||
[Analyze grammar]

jayakāṣṭhalabhūpaṃ ca pañcakanyāsamanvitam |
tīrāṇarājakaṃ mātaḥ paśya ṣaṭkanyakāyutam || 47 ||
[Analyze grammar]

alvīnaraṃ nṛpaṃ paśya saptakanyāsamanvitam |
jīnavarddhinṛpaṃ paśya yānasthamekakanyakam || 48 ||
[Analyze grammar]

tataḥ paśya mahādevi rājñāṃ pṛṣṭhe ca maṇḍalam |
kanyakānāṃ dviśatasahasradvayasuśobhitam || 49 ||
[Analyze grammar]

mahāvimānagaṃ sarvaṃ sarvābharaṇabhūṣitam |
vimānaṃ bhūtale yāti kalpalatāsuśobhitam || 50 ||
[Analyze grammar]

alpaketuṃ nṛpaṃ paśya saptakanyāsamanvitam |
jayakṛṣṇavabhūpaṃ ca mātaḥ paśyaikakanyakam || 51 ||
[Analyze grammar]

parīśānaṃ nṛpaṃ paśya tvekaviṃśatikanyakam |
svalpavimānagaṃ sarvaśobhābhūṣaṇabhūṣitam || 52 ||
[Analyze grammar]

tataḥ paśya dvikanyaṃ ca nṛpamindurayaṃ śubham |
mudrāṇḍaṃ nṛpatiṃ pañcadaśakanyāyutaṃ tataḥ || 53 ||
[Analyze grammar]

svalpavimānagaṃ paśya sarvābharaṇabhūṣitam |
gaṇḍanṛpaṃ navakanyāyutaṃ paśya vimānagam || 54 ||
[Analyze grammar]

līnorṇaṃ ca nṛpaṃ paśya catuḥkanyā vimānagam |
bṛhaccharaṃ nṛpamekādaśakanyāsamanvitam || 55 ||
[Analyze grammar]

balalīnaṃ tataḥ paśya catvāriṃśatsukanyakam |
svalpavimānagaṃ sarvasāmagrīśobhitaṃ śubham || 56 ||
[Analyze grammar]

varasiṃhākhyarājānaṃ paśya vai pañcakanyakam |
rāyagāmalabhūpaṃ ca paśyā'ṣṭakanyakaṃ śubham || 57 ||
[Analyze grammar]

phenatantunṛpaṃ paśya kanyādvayasamanvitam |
stokahomaṃ tathā paśya kanyaikaṃ yānagaṃ śubham || 58 ||
[Analyze grammar]

kāṣṭhayānanṛpaṃ paśya kanyaikaṃ kolakaṃ nṛpam |
kanyaikaṃ ceti ketumālīyā nṛpā bhavanti te || 59 ||
[Analyze grammar]

ete sarve mahīmānāstava gṛhe nibodha me |
atha vāditrakuśalān paśya garimadeśajān || 60 ||
[Analyze grammar]

hārītakān divyaveśān paśya mātaḥ kramācchubhān |
paśya vimānagaṃ bhūpaṃ kanyādvayayutaṃ tataḥ || 61 ||
[Analyze grammar]

dinamānārkanṛpatiṃ svatantraṃ suvibhūṣitam |
paśya mātastato yāntaṃ rāyakinnarabhūpatim || 62 ||
[Analyze grammar]

ekapañcāśatkanyakāyutaṃ svarṇavimānagam |
kinnāṭakapradeśānāṃ nṛpaṃ cā'marikānvitam || 63 ||
[Analyze grammar]

amarīdeśajān paśyottarakurunṛpānatha |
bhūtalasparśisaṃvegamahāvimānagān śubhān || 64 ||
[Analyze grammar]

rāyarokīśvaraṃ bhūpamekaviṃśatikanyakam |
rāyaraṇajidbhūpaṃ ca viṃśatikanyakāyutam || 65 ||
[Analyze grammar]

rāyavākakṣakaṃ paśya trikanyaṃ suvimānagam |
rāyamārīśabhūpaṃ ca trikanyaṃ ca vimānagam || 66 ||
[Analyze grammar]

rāyabāleśvaraṃ bhūpaṃ trikanyaṃ ca vimānagam |
rāyalambārabhūpaṃ ca ṣaṭaknyaṃ vai vimānagam || 67 ||
[Analyze grammar]

rāyanavārkabhūpaṃ ca saptakanyaṃ vimānagam |
rāyahūṇeśabhūpaṃ ca navakanyaṃ vimānagam || 68 ||
[Analyze grammar]

rāyakūpeśabhūpaṃ ca kanyaikaṃ svavimānagam |
paśyaitān chatraśobhāḍhyān dāsadāsīsamanvitān || 69 ||
[Analyze grammar]

paśya mātastato vādyavādakān kṛṣṇaveṣakān |
paśya mātastato bhūpān dakṣiṇakurudeśajān || 70 ||
[Analyze grammar]

kālamaṇḍalīnabhūpaṃ kanyācatuṣṭayānvitam |
gajayānagataṃ paśya sarvaśobhāsamanvitam || 71 ||
[Analyze grammar]

vanajeleśabhūpaṃ ca pañcakanyāsamanvitam |
gajayānagataṃ paśya mātaśchatrādiśobhitam || 72 ||
[Analyze grammar]

pārāvārapibaṃ bhūpaṃ kanyātrayasamanvitam |
gajayānagataṃ paśya sarvabhṛtyādisaṃyutam || 73 ||
[Analyze grammar]

koṭīśvaraṃ nṛpaṃ paśya kanyādvayasamanvitam |
gajayānagataṃ mātaḥ sarvabhṛtyasamanvitam || 74 ||
[Analyze grammar]

śrīsatīśanṛpatiṃ kanyātrayasamanvitam |
tretākarkaśabhūpaṃ ca saptakanyāyutaṃ tathā || 75 ||
[Analyze grammar]

āṇḍajarānṛpaṃ paśya kanyācatuṣṭayānvitam |
bālyarajonṛpaṃ paśya kanyaikaṃ gajayānagam || 76 ||
[Analyze grammar]

rāyasomananṛpatiṃ śubhaṃ kanyātrayānvitam |
urugavākṣabhūpaṃ ca paśya kanyādvayānvitam || 77 ||
[Analyze grammar]

parāṅavrataṃ nṛpaṃ paśya kanyādvayayutaṃ tataḥ |
īśānapānabhūpaṃ ca mahāgajacatuṣṭaye || 78 ||
[Analyze grammar]

yāne sthitaṃ tvekacatvāriṃśatkanyāsamanvitam |
paśya cāmarachatrādidāsīdāsasusevitam || 79 ||
[Analyze grammar]

rājārāyapatiṃ paśya trayastriṃśatsukanyakam |
caturgajamahāyānasthitaṃ chatrādiśobhitam || 80 ||
[Analyze grammar]

pūrvadeśaprajāścāpi paśya mātarvimānagāḥ |
koṭikanyāyutāḥ sarvāḥ koṭikumāraśobhitāḥ || 81 ||
[Analyze grammar]

ābālavṛddhasarvasvā dṛṣṭiryāsu na gacchati |
viśālāṃ vāhinīṃ paśya tavā'ṅgaṇe hyupāgatām || 82 ||
[Analyze grammar]

mahābāleśvarān paśya suratīyān prapaśya ca |
sāntapanīḥ prajāḥ paśya pañcasāhasrakanyakāḥ || 83 ||
[Analyze grammar]

sarvā vimānagāḥ śṛṃgāritāścābharaṇānvitāḥ |
bhūgarbhasya nṛpasyāpi lakṣmaṇasya vimānakam || 84 ||
[Analyze grammar]

paśya mātardvisahasrakanyānvitaṃ viśālakam |
śāvadīnasya kanyānāṃ sahasraṃ ca vimānagam || 85 ||
[Analyze grammar]

nāgakanyāvimānāni nāgārūḍhāni paśya ca |
sahasrāṇāṃ sahasrāṇi paśyāṃgaṇe tavātra vai || 86 ||
[Analyze grammar]

paśya mātastato devān chatracāmaraśobhitān |
narayānagatān naijavādyavetradharānvitān || 87 ||
[Analyze grammar]

kubero'yaṃ samāyāti vaiṣṇavaḥ pūrvakalpagaḥ |
nijakuṭumbasahitaḥ sarvaśobhāsamanvitaḥ || 88 ||
[Analyze grammar]

mahendro'yaṃ samāyāti paśya taṃ devatānvitam |
mahāsiṃhāsanasthaṃ vai svargarājaṃ raviprabham || 89 ||
[Analyze grammar]

paśya mātastato vāyuṃ samāyāntaṃ surānvitam |
rājādhirājaśobhaṃ ca paśya rudraṃ gaṇānvitam || 90 ||
[Analyze grammar]

vahniṃ paśya tato yāntaṃ paśya sūryaṃ vimānagam |
paśya candraṃ budhaṃ śukraṃ koṭidevaprasevitam || 91 ||
[Analyze grammar]

mahāvimānasaṃsthaṃ ca paśya mātarmunīśvaram |
ṛbhuṃ sanatkumāraṃ ca koṭisatpuruṣānvitam || 92 ||
[Analyze grammar]

vāditrāṇi satyalokasthāni śṛṇu tato'pi ca |
paśya mātarjanavāsipitṝn vai koṭikanyakān || 93 ||
[Analyze grammar]

vimānasainyasaṃsthāṃśca paśya viśvāvasuṃ tataḥ |
kanyāśatatrayayutaṃ gāndharvagaṇasevitam || 94 ||
[Analyze grammar]

rasātalīyadaityāṃśca paśya bhaktān samāgatān |
prahlādādīnnṛpānatra pañcasāhasrakanyakān || 95 ||
[Analyze grammar]

saṃvaraṇaṃ ca dharaṇiṃ koṭikanyāsamanvitām |
paśya mātarbhūṣitāṃ ca vimānottamasaṃsthitām || 96 ||
[Analyze grammar]

kāmadhenukuṭumbāni muktātmakāni paśya ca |
koṭikulāni cāyānti tava gṛhaṃ sukhāśrayam || 97 ||
[Analyze grammar]

paśya mātastato viṣṇuṃ koṭipārṣadasaṃyutam |
vaikuṇṭhavādyaśobhāḍhyairjanaiścā'gre prayāyibhiḥ || 98 ||
[Analyze grammar]

jayanādairvardhitaṃ ca koṭidīpāvalīyutam |
ārjantīśatayuktaṃ ca ramākoṭisamanvitam || 99 ||
[Analyze grammar]

paśya mātastato yāntaṃ brahmāṇaṃ parameṣṭhinam |
diśāṃ pālairlokapālaiḥ koṭibhiścā'bhivardhitam || 100 ||
[Analyze grammar]

sarasvatyādibhiḥ sārdhaṃ brahmasarobhiranvitam |
dvāsaptatisahasrakanyakāyuktaṃ vimānagam || 101 ||
[Analyze grammar]

aindrajālikakanyānāṃ sahasreṇāpi rājitam |
paśya mātarlomaśaṃ ca maharṣikoṭisevitam || 102 ||
[Analyze grammar]

mahāvimānasaṃsthaṃ ca guruṃ lakṣmīpateḥ prabhoḥ |
paśya mātastasya pṛṣṭhe kanyāgaṇān hi koṭiśaḥ || 103 ||
[Analyze grammar]

vimānagān vanadevīkanyālakṣagaṇānapi |
drumān stabakān kalpalatāḥ paśya sthāvaradehinaḥ || 104 ||
[Analyze grammar]

mahīmānān śobhanān vai devasadṛśavigrahān |
paśya mātastato lakṣakanyānāṃ maṇḍalaṃ param || 105 ||
[Analyze grammar]

dāmanīnāṃ vimānasthaṃ saudāminīkulaṃ param |
paśya mātastato'yutakaṃkatālīyakanyakāḥ || 106 ||
[Analyze grammar]

vimānasthā bhūṣitāśca gītikātatparāstathā |
sālamālīyakanyāśca vāsantikāśca kanyakāḥ || 107 ||
[Analyze grammar]

paśya mātarvimānasthāḥ sahasrāṇi tathā'parāḥ |
paśya mātaryamajāśca vāyujāḥ kanyakāstataḥ || 108 ||
[Analyze grammar]

meghanādyaścaturdaśasahasrāṇi tathā'parāḥ |
vārkṣyo raudryaśca khānijyaḥ sāṃvatsaryaśca gopikāḥ || 109 ||
[Analyze grammar]

śrāvaṇyā vaiśvakarmyaśca prācīnyaśca piśaṃgikāḥ |
rāśiyānyaśca romāṇyaḥ pāraśyaḥ kinnarīgaṇāḥ || 110 ||
[Analyze grammar]

dhaivaryaścāpi parthaścā'maryo gauryaśca bhūṣitāḥ |
hārityaścāpi vai svargyāḥ pātālyaścā''bririktajāḥ || 111 ||
[Analyze grammar]

bhaumyaścāpi ca dānavyaḥ koṭyarbudābjasaṃkhyakāḥ |
paśya mātastava putryā mānārthaṃ santi tāstviha || 112 ||
[Analyze grammar]

āyānti cotsukāḥ sarvā prodvāhaḥ kṛṣṇayoriti |
paśya mātastato yāntaṃ sahasrakalaśānvite || 113 ||
[Analyze grammar]

mahāvimānake śrīmadvairājaṃ puruṣaṃ param |
anekeśvarayuktaṃ ca sahasrabhujaśobhitam || 114 ||
[Analyze grammar]

paśya mātastato yāntaṃ sahasravadanaṃ hyajam |
brahmaṇaśca tathā viṣṇūn sahasravadanān śubhān || 115 ||
[Analyze grammar]

paśya sarveśvarān mātarmahāviṣṇuṃ vilokaya |
paśya mātarhi bhūmānaṃ pareśvaraṃ vimānagam || 116 ||
[Analyze grammar]

koṭīśvarayutaṃ paśya pradyumnaṃ cāniruddhakam |
paśya mātastathā vāsudevaṃ kuṭumbakānvitam || 117 ||
[Analyze grammar]

prakṛtiṃ puruṣaṃ paśya sarvatattvānvitaṃ tataḥ |
paśya mātaśceśvarāṇāṃ vāditravādakāṃstataḥ || 118 ||
[Analyze grammar]

paśya mātaśceśvarāṇīmaṇḍalāni tataḥ param |
vimānasthāni garuḍasthāni hastigatāni ca || 119 ||
[Analyze grammar]

rathasthāni paśya mātaḥ pārṣadāṇīrvibhūṣitāḥ |
aho mātastataḥ paśya bhagavantaṃ sanātanam || 120 ||
[Analyze grammar]

matsyarūpaṃ kūrmarūpaṃ tataḥ paśya nṛsiṃhakam |
vārāhaṃ ca tataḥ paśya haṃsaṃ hariṃ vilokaya || 121 ||
[Analyze grammar]

kapilaṃ ca tataḥ paśya pṛthuṃ paśya tataḥ param |
dattātreyaṃ tataḥ paśya ṛṣabhaṃ paśya vāmanam || 122 ||
[Analyze grammar]

parśurāmaṃ tataḥ paśya yajñaṃ paśya tataḥ param |
rāmaṃ paśya tato mātarhayagrīvaṃ vilokaya || 123 ||
[Analyze grammar]

nāradaṃ paśya mātarvai rājarājaṃ vilokaya |
vyāsaṃ śvetaṃ paśya mātarbuddhaṃ paśyā'śvinīsutam || 124 ||
[Analyze grammar]

dhanvantariṃ tataḥ paśya paśya nārāyaṇān bahūn |
koṭivimānagān paśya pārṣadāṃstatpriyāṃstataḥ || 125 ||
[Analyze grammar]

paśya mātastato muktān dhāmadhāmanivāsinaḥ |
paśya mātarhi muktānīḥ sāṃkhyayogavatīstathā || 126 ||
[Analyze grammar]

paśya mātarbrahmasakhīrbrahmapriyāstathā'parāḥ |
catvāriṃśadūrdhvaśataṃ ṣaṭkaṃ paśya ca yoṣitām || 127 ||
[Analyze grammar]

rādhāṃ lakṣmīṃ ramāṃ padmāvatīṃ śrīṃ māṇikīṃ tathā |
kārṣṇīḥ paśyaitā mātaste gṛhaṃ sarvāḥ samāgatāḥ || 128 ||
[Analyze grammar]

mādhavī suguṇā hāsā dayā śāntā sumā'mbikā |
campā haimī muktikā devikā lalantikā jayā || 129 ||
[Analyze grammar]

anyāśca śataśo mātastvāgatāḥ paśya te gṛham |
kṛṣṇākṛṣṭāḥ kṛṣṇajīvāstvatputrīsvasṛbhāvanāḥ || 130 ||
[Analyze grammar]

mātaḥ paśya mahāntaṃ vai vimānaṃ gajavāhanam |
yatra pitā ca mātā ca bhrātaraśca kuṭumbakam || 131 ||
[Analyze grammar]

śrīharestu samāste vai koṭisūryasamaprabham |
paśya mātastato divyaṃ sahasragajavāhitam || 132 ||
[Analyze grammar]

vimānaṃ kalaśāḍhyaṃ vai sahasraśikharānvitam |
sahasrāyutayānaiśca samantāt parivāritam || 132 ||
[Analyze grammar]

koṭisaubhāgyavatībhirvardhitaṃ sevitaṃ tathā |
vīkṣitaṃ divyaśobhaṃ śrīkṛṣṇakāntaṃ vilokaya || 134 ||
[Analyze grammar]

anādiśrīkṛṣṇanārāyaṇaṃ śrībālakṛṣṇakam |
śrīkṛṣṇaṃ vallabhaṃ sarvaṃ svāmiśrīkṛṣṇarūpiṇam || 135 ||
[Analyze grammar]

bhrātṛjāyādibhiścāpi svasṛbhiścābhivardhitam |
puruṣottamamevainaṃ sarvāvirbhāvakāraṇam || 136 ||
[Analyze grammar]

aho mātastava bhāgyaṃ na bhūtaṃ na bhaviṣyati |
kṛṣṇāyatī cedṛśī vai na bhūtā na bhaviṣyati || 137 ||
[Analyze grammar]

paśyamātastataḥ kṛṣṇayātīsthamahīmānakān |
sarvalokabhavān cāśvavārān paśya ca koṭiśaḥ || 138 ||
[Analyze grammar]

paśya mātastato gītikāriṇīrvarayoṣitaḥ |
bhaumī sarvā bhūṣitāśca paśya tataśca darśakān || 139 ||
[Analyze grammar]

śrīgirijovāca |
aho me paramaṃ bhāgyaṃ cakṣurme bālakṛṣṇake |
niruddhaṃ ṛk na paśyāmi cetaraṃ vada mā nviha || 140 ||
[Analyze grammar]

dhanyā putrī mama jātā yadarthaṃ tvīśvarā iha |
yāmi śīghraṃ svāgatārthaṃ cāyāhi maṇḍapāntikam || 141 ||
[Analyze grammar]

ityuktvā rādhikeḥ sā tu himajā tūrṇameva ha |
sammānārthaṃ svāgatārthaṃ tvadhaścāvā'tarad gṛhe || 142 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śrīśāṃkarīdevyai ṛgvedena kṛṣṇayātīvarṇitamahīmānaparicayaḥ prakārita ityādinirūpaṇanāmā navatyadhikadviśatatamo'dhyāyaḥ || 290 ||
[Analyze grammar]