Chapter 285

śrīkṛṣṇa uvāca |
rādhike vāhinīṃ vīkṣyā'mbare vimānarūpiṇīm |
śaṃkarasya mahīmānāḥ śiveśvarastathā nṛpaḥ || 1 ||
[Analyze grammar]

kṛṣṇayānīṃ namaskṛtya svāgatārthaṃ drutaṃ tadā |
vāditrakuśalān sarvānājñāpayan gavādikān || 2 ||
[Analyze grammar]

vādayituṃ ca vāditrottamāni tūryavedinaḥ |
vādyaghoṣā abhavaṃśca tadā'mbarāntagāḥ sukhāḥ || 3 ||
[Analyze grammar]

māṃgalikāstārajanyā bherījanyāśca śobhanāḥ |
vyaṃgulādikajanyāśca śaṃkhajanyāśca dūragāḥ || 4 ||
[Analyze grammar]

mayūrotthāstathā śabdā vaṃśīvīṇāninādanāḥ |
jalayantrādijanyāśca gālajanyāḥ śubhāvahāḥ || 5 ||
[Analyze grammar]

mṛdaṃgakaratālādijanyāścā'nalayantrajāḥ |
vāyustarakṛtāḥ śabdā vyomagītāni cā'bhavam || 6 ||
[Analyze grammar]

apsarasāṃ kaṇṭhaśabdā yoginīnāṃ ca gītayaḥ |
miṣṭā vedādinārīṇāṃ sarasvatīninādanāḥ || 7 ||
[Analyze grammar]

dūramiṣṭasvarāstatrā'bhavan vyomāntagāminaḥ |
aśrūyanta śubhāste ca vimāneṣu vihāyasi || 8 ||
[Analyze grammar]

tān śabdān vai samākarṇyā''ścaryaparā vimānagāḥ |
dadṛśustāṃ viśālāṃ subhūmiṃ vārāṇasīmayīm || 9 ||
[Analyze grammar]

sarve vimānagā gaṃgāvaraṇāmadhyagāṃ purīm |
daśayojanavistīrṇāṃ vaikuṇṭhasadṛśīṃ tadā || 10 ||
[Analyze grammar]

paścottare dadṛśuśca viśālaṃ nūtanaṃ kṛtam |
varaṇāyāstaṭe śivapuraṃ viṃśatiyojanam || 11 ||
[Analyze grammar]

mayaṃ ca viśvakarmāṇaṃ samāhūya vidhāpitam |
kailāsamaparaṃ kiṃ vā golokamaparaṃ ca vā || 12 ||
[Analyze grammar]

sthitaṃ koṭividhuklṛptaṃ tathā koṭiraviprabham |
bahubhaumaṃ cāmbare saṃsthitaṃ kiṃ vā triśūlagam |
divyaṃ kailāsamevaitanmenire tadvimānagāḥ || 13 ||
[Analyze grammar]

śiveśvareṇa svaputryāḥ māṃgalyotsavasiddhaye |
nirmāpitaṃ mahīmānanivāsārthaṃ puraṃ hi tat |
svarṇaprākārasaṃśobhaṃ koṭiprāsādarājitam || 14 ||
[Analyze grammar]

svarṇamandirasacchālaṃ suvarṇakalaśānvitam |
suvarṇadhvajasaṃbodhyaṃ śātabhaumaṃ samantataḥ || 15 ||
[Analyze grammar]

kuberanagarī yatra yatreśānapurī tathā |
indrapurī tathā koṇe vahnipurī prakoṇake || 16 ||
[Analyze grammar]

vāruṇī nagarī yatra dharmapurī prakoṇake |
marutāṃ nagarī koṇe brahmapurī prakoṇake || 17 ||
[Analyze grammar]

sūryapurī tathā viṣṇupurī koṇe virājate |
madhye devanivāsāśca prāsādāḥ śatabhūmayaḥ || 18 ||
[Analyze grammar]

udyānā''vṛtaprapārśvāścātisugandhisaṃbhṛtāḥ |
dhavalā himaśailāśca yadvat śaśinibhāstathā || 19 ||
[Analyze grammar]

sarvasmṛddhiśritāḥ sarve prāsādā nūtanāḥ kṛtāḥ |
candraśālāḥ praśobhante grahamārgagatā iva || 20 ||
[Analyze grammar]

naisargikaprabhāsrāvā maṇayo yatra bhittiṣu |
naisargikaprakāśāśca kammānikāsu santi hi || 21 ||
[Analyze grammar]

toraṇeṣu sudhāsrāvā vidyante kāmavallikāḥ |
staṃbheṣūrdhvapradeśeṣu vidyante kāmapādapāḥ || 22 ||
[Analyze grammar]

valabhīṣu ca vidyante payonadyaśca kāmajāḥ |
ūṣmā yathāpekṣitā ca kalpatārodbhavā'sti ca || 23 ||
[Analyze grammar]

śivapuryāṃ ca paritaḥ pratiprāsādake tathā |
pratiprāsādabhūmau ca vidyante kāmadhenavaḥ || 24 ||
[Analyze grammar]

kāmarūpadharā divyā vyomacārāḥ sukhapradāḥ |
kalpakanyāśca vidyante pratyekabhūmimāsthitāḥ || 251 ||
[Analyze grammar]

dāsā dāsyo divyavarṇā vidyante sevakāstathā |
sarve saṃkalpajā divyā sevārthaṃ nihitāstadā || 26 ||
[Analyze grammar]

dehasaṃvāhikāścāpi gāyikā nṛtyayoṣitaḥ |
sarvāḥ saṃkalpajāstatra śaṃkareṇa nidhāpitāḥ || 27 ||
[Analyze grammar]

sarvarasāḥ sarvagandhā sarvarūpāḥ suśobhinaḥ |
prāsādāḥ sarvaśabdāśca sarvasparśā bhavanti ca || 28 ||
[Analyze grammar]

sauvarṇāsanaśobhāśca siṃhāsanagajāsanaḥ |
mṛdukomalaśayyāśca vidyante yatra vedikāḥ || 29 ||
[Analyze grammar]

bṛsyo bahuvidhāḥ santi paryaṃkāḥ sukhadāyinaḥ |
āstaraṇāni divyāni kauśeyāni samantataḥ || 30 ||
[Analyze grammar]

aurṇāni mṛduramyāṇi vicitrāṇi śubhāni ca |
raṃgacitrāṇi cañcadbhāvanti pratyāśrayāṇi ca || 31 ||
[Analyze grammar]

gendukāni pārśvakāni kaśipavaśca komalāḥ |
guptadorāṇyamūlyāni svarṇakaṭāni yāni ca || 32 ||
[Analyze grammar]

nihitāni ca teṣveva prāsādeṣu hi śaṃbhunā |
preṃkhā dolāḥ savallyaśca mṛduśayyāsamanvitāḥ || 33 ||
[Analyze grammar]

lambante yatra vallībhiḥ śobhitā''ndolanārthikāḥ |
vimānāni svalpadehānyapi bhūmigamāni ca || 34 ||
[Analyze grammar]

vāyumārgeṇa ca gatimanti santi gṛhe gṛhe |
yaddvārā cordhvabhūmau ca janāḥ svasvanivāsane || 35 ||
[Analyze grammar]

vyomamārgātpraviśanti nissaranti vimānakaiḥ |
sopānānyapi niḥśreṇībaddhāni maṇimanti ca || 36 ||
[Analyze grammar]

svarṇapātrāṇi sarvāṇi kalpapātrāṇi santi ca |
akṣayyasthālikāstatra kalpaghaṭāḥ prasanti ca || 37 ||
[Analyze grammar]

maṇimanti samagrāṇi talāni ca gṛhe gṛhe |
ādarśāḥ svacchabhāvantaḥ prakāśante gṛhe gṛhe || 38 ||
[Analyze grammar]

kapāṭāni ca devānāṃ sṛṣṭidṛṣṭimayāni ca |
peṭikā mañjuṣādyāścā'kṣayārthavatya eva ca || 39 ||
[Analyze grammar]

veṣāḥ samastāḥ suśobhā vidyante ca gṛhe gṛhe |
sugandhadravyapātrāṇi tailakesarakāṇi ca || 40 ||
[Analyze grammar]

kastūrīkarpūrasthālyo bhavanti vai gṛhe gṛhe |
rasakulyā dadhikulyā madhukulyāśca śarkarāḥ || 41 ||
[Analyze grammar]

ikṣudaṇḍā ghṛtakulyāḥ sudhāvāpyo gṛhe gṛhe |
pīyūṣakuṇḍikāḥ santi cāmṛtānāṃ hradāstathā || 42 ||
[Analyze grammar]

phalānāṃ cāpi puṣpāṇāṃ kamalānāṃ hradāstathā |
kandānāmārdraśuṣkāṇāṃ bījānāṃ cāpi saṃgrahāḥ || 43 ||
[Analyze grammar]

hetīnāṃ ramyaraṃgāṇāṃ dyūtānāṃ sādhanānyapi |
śravāṇāṃ darśanānāṃ ca yantrāṇyapi gṛhe gṛhe || 44 ||
[Analyze grammar]

caityaputtalikāḥ santi karmacāryo gṛhe gṛhe |
rasaśālāḥ pākaśālā vidyāśālāśca bhūgṛhāḥ || 45 ||
[Analyze grammar]

gahvarāṇi snānaśālāścānnaśālā gṛhe gṛhe |
peyaśālāḥ śāntiśālā ratiśālā gṛhe gṛhe || 46 ||
[Analyze grammar]

pracchannanidrāśālāśca vitardikā gṛhe gṛhe |
śṛṃgāraśālā vividhā vadhūśālāḥ pṛthagvidhāḥ || 47 ||
[Analyze grammar]

vṛddhaśālāśca sugamāḥ kalpavastusamanvitāḥ |
śaucaśālāstathā śuddhiśālāḥ santi gṛhe gṛhe || 48 ||
[Analyze grammar]

bhogyaśālā vicitrāśca sarvasādhanasaṃbhṛtāḥ |
sabhāśālāstathā vihārālayāśca gṛhe gṛhe || 49 ||
[Analyze grammar]

vāhanāni samastāni sthalajā'rṇavajāni ca |
vāyujāni ca tiryañci dvāri dvāri kṛtāni ca || 50 ||
[Analyze grammar]

gopureṣu mahāsiṃhā gajāścatvaravartinaḥ |
garuḍā mandirordhve ca śārdūlā gopuropari || 51 ||
[Analyze grammar]

paryaścāpsarasaścāpi gaṇyaśca yoginīgaṇāḥ |
cetanāstatra tiṣṭhanti mahīmānaprasevinaḥ || 52 ||
[Analyze grammar]

viśeṣo rādhike tatra śaṃkareṇa vidhāpitaḥ |
yasya vāsārthamevā'sti yad gṛhaṃ tatra tatra tu || 53 ||
[Analyze grammar]

sa eva svakuṭumbena rājate pratimāvidhaḥ |
saceṣṭa iva rājā vā devo daityo'suro'pi vā || 54 ||
[Analyze grammar]

prāsādeṣu tathā tattvaṃ nihitaṃ guptabhittiṣu |
yo yo vasati prāsāde sa dvirūpaḥ prajāyate || 55 ||
[Analyze grammar]

bhramo bhavati sarveṣāṃ ko'tra satyaḥ paraśca kaḥ |
na vidanti ca ye bimbaṃ bhramanti pratibimbake || 56 ||
[Analyze grammar]

aphalāśca parāvṛttya bimbaṃ te mārgayanti hi |
tattatpramāvidhurāste bhrame pramāṃ hi manvate || 57 ||
[Analyze grammar]

jale sthalaṃ sthale jalaṃ jale tejobhilokitā |
pṛthvyāmākāśabhānaṃ ca bhramanti mahīmānakāḥ || 58 ||
[Analyze grammar]

sarvatraśaṃkaraścāpi sūkṣmarūpaḥ pradṛśyate |
māyaiṣā śāṃkarī tatra prāsādeṣu vidhāpitā || 59 ||
[Analyze grammar]

vyajanaiścā'niladevaḥ sevāyāṃ pratimānavam |
vartate ca yathāpekṣaṃ sarvamānasarañjanaḥ || 60 ||
[Analyze grammar]

aditiścānnadātrī ca vartate kanyakātmikā |
saṃkalpopasthitā bhūtvā datvā yāti tiraḥsthitim || 61 ||
[Analyze grammar]

oṣadhayaḥ śaṃkareṇa prāsādeṣu gṛhe gṛhe |
sthāpitāḥ kānakā vṛkṣā vijayāstabakā navāḥ || 62 ||
[Analyze grammar]

siṃhavyāghrādicarmāṇi cetanānīva madhyataḥ |
prāsādeṣu sthāpitāni sundarāṇi gṛhe gṛhe || 63 ||
[Analyze grammar]

ābhūṣaṇāni nārīṇāṃ veṣāśca subhagāstathā |
śṛṃgāradravapātrāṇi sthāpitāni gṛhe gṛhe || 64 ||
[Analyze grammar]

bhakṣyabhojyāni sarvāṇi lehyacośyāni yāni ca |
āsvādyāni ca peyāni nihitāni gṛhe gṛhe || 65 ||
[Analyze grammar]

ekaikā candramaḥsthālī payodā'mṛtadāyinī |
sukhadā sthāpitā pūrṇā śaṃkareṇa gṛhe gṛhe || 66 ||
[Analyze grammar]

vasantaśca samāhūtaḥ sthāpitaḥ śivapattane |
etādṛśaṃ śivapuraṃ varapakṣanivāsanam || 67 ||
[Analyze grammar]

dadṛśurvyomagāḥ sarve cā'dbhutaṃ viśvakarmakṛt |
dvitīyaṃ dadṛśū ramyaṃ pārvatīpattanaṃ varam || 68 ||
[Analyze grammar]

kanyāpakṣamahīmānā''vāsārthaṃ kāritaṃ tu yat |
na nyūnamasmāt sarvāṃśe vastuṣvapi manāgapi || 69 ||
[Analyze grammar]

viṃśatiyojanāyāmaṃ varaṇāprāgbhuvastale |
dvayordivyā'bhinavayoḥ purayormadhyavatīṃ ca || 70 ||
[Analyze grammar]

rājate pārvatīśasya prāsādo'yutaśṛṃgavān |
viśvakarmakṛtaścāyaṃ mayena ca pariṣkṛtaḥ || 71 ||
[Analyze grammar]

niśeśā''dityayormadhye meroḥ śṛṃgamivā''babhau |
pārvatīpattane rādhe śivasambandhinaḥ khalu || 72 ||
[Analyze grammar]

kanyāpakṣāśca ye tvāsan nyūṣuste tatra śobhane |
bhūtanāthaḥ koṭigaṇasamanvito hi śaṃkaraḥ || 73 ||
[Analyze grammar]

piṃgarājaḥ śaṃkaraśca īśānaḥ ketumālagaḥ |
kāmarūpā satī kāmākṣiṇī nyūṣuśca tatra te || 74 ||
[Analyze grammar]

navajīvadvīparājaḥ kāmanāyakanāmavān |
ta ete śaṃkarāḥ sarve nyūṣuḥ pārvatīpattane || 75 ||
[Analyze grammar]

śrīkṛṣṇo bhagavān sākṣācchaṃkarasya pitā hi saḥ |
koṭigopāṃganāgopaiḥ sahovāsa ca tatra ha || 76 ||
[Analyze grammar]

saṃkarṣaṇo vyūharūpo bhagavān koṭipārṣadaḥ |
uvāsa pārvatīpuryāṃ koṭikṛṣṇasamanvitaḥ || 77 ||
[Analyze grammar]

mahāmāyā kṛṣṇaśaktiḥ sā'pyuvāsa ca tatra ha |
mahākālo jagaddhartā jarāmṛtyusamanvitaḥ || 78 ||
[Analyze grammar]

koṭiśaktisamaiśvaryayutaścovāsa tatra ca |
sadāśivo hi bhagavān vairājasya pitā hi saḥ || 79 ||
[Analyze grammar]

so'pi śivāyutastatrovāsaiva pārvatīpure |
rudrāḥ sarve tathā rudryaḥ rudrasṛṣṭigaṇādikāḥ || 80 ||
[Analyze grammar]

mahīmānā pārvatīpattane nyūṣuḥ sukhānvitāḥ |
śivaḥ kailāsavāsaśca tathā koṭigaṇānvitaḥ || 81 ||
[Analyze grammar]

yamarājaḥ koṭidūtairyutaścovāsa tatpure |
agniśca devatāḥ sarvavidhā nyūṣuśca tatpure || 82 ||
[Analyze grammar]

kuberaśca nirṛtaśca yoginīcakramityapi |
yakṣāśca rākṣasāścāpi bhūtāḥ pretāḥ piśācakāḥ || 83 ||
[Analyze grammar]

vaināyakāśca kūṣmāṇḍā vetālakā gaṇāstathā |
vetālinyaśca śākinyo ḍākinyaścaṇḍikādikāḥ || 84 ||
[Analyze grammar]

brahmacaryo mātaraśca durgāśca śaktayaśca yāḥ |
kālyaścāpi mahākālyo bhairavā bhadrakāstathā || 85 ||
[Analyze grammar]

nyūṣuste pārvatīsaudhanagare sukhaśāyinaḥ |
īśvarā vaikuṇṭhavāsāścāvyākṛtaparāstathā || 86 ||
[Analyze grammar]

amṛtasthāstathā saurāścāndrā nyūṣuśca tatra ha |
munayaḥ siddhayogāścāvadhūtā liṅginastathā || 87 ||
[Analyze grammar]

yoginaścarṣayaścāpi pitaro nyūṣurityapi |
grahāśca tārakāścāpi nakṣatrāṇi ca ketavaḥ || 88 ||
[Analyze grammar]

daityāśca dānavāścāpi nyūṣustatra pure tadā |
svargīyā lokapālāśca kṣetrapālādikāstathā || 89 ||
[Analyze grammar]

bhuvarvāsāḥ pāvanāśca kuladevo hanūyutaḥ |
mānavāścāpi rājānaḥ pātālasthāḥ phaṇīśvarāḥ || 90 ||
[Analyze grammar]

hāṭakeśastathā jyotiḥsvarūpāśca praśaktayaḥ |
gāndharvā gaṇikāścāpi sūtāśca māgadhādayaḥ || 91 ||
[Analyze grammar]

vidyādhrāḥ kinnarāścāpi śailā himālayādayaḥ |
ṛṣayo'pi jvarāścāpi vighnāśca viṣasādhakāḥ || 92 ||
[Analyze grammar]

vṛkṣā vallyaśca tattvāni krūrāḥ kālasya mūrtayaḥ |
vṛścikādyāḥ kāmarūpā nyūṣuḥ pārvatīpattane || 93 ||
[Analyze grammar]

ete cānye mahīmānāḥ śaṃkarasya gaṇādayaḥ |
pārvatīpattanavāsāḥ sarve'mbaraṃ vilokya ca || 94 ||
[Analyze grammar]

kṛṣṇasya vāhinī vyomnā tvāyātetyavagatya ca |
tūrṇaṃ vyaṃgulanādaiśca bhūtvā sajjāḥ śivagṛham || 95 ||
[Analyze grammar]

kuṭumbādyaiśca sahitāḥ savādyamaṃgalaśrayāḥ |
sabhūṣāveṣaśobhāścā''yayuḥ svāgatahetave || 96 ||
[Analyze grammar]

prajāścāpi tadā vārāṇasyāḥ sarvāḥ samāyayuḥ |
dhanyaṃ bhāgyaṃ svaṃ manvānā prodvāhaḥ kṛṣṇayoriti || 97 ||
[Analyze grammar]

sopadāḥ saphalāścāpi sapuṣpahāramālikāḥ |
anvīyuḥ pārvatīśasya mandiraṃ tūrṇameva tāḥ || 98 ||
[Analyze grammar]

śiveśvaro drutaṃ naijaṃ kailāsaṃ divyapūruṣam |
himādriṃ ca tathā divyaṃ pūruṣaṃ bahuvistṛtam || 99 ||
[Analyze grammar]

jagādā'mbaradeśe ca vimānādhārakaṃ sthalam |
sudivyaṃ bhavituṃ tatra kṣaṇaṃ svāgatahetave || 100 ||
[Analyze grammar]

rādhike drutamevā'mū kailāsaśca himālayaḥ |
antarīkṣe staraṃ divyaṃ bhūmirūpaṃ sthirāspadam || 101 ||
[Analyze grammar]

kailāsamaparaṃ tatra vyadhātāṃ dhāmanūtanam |
śivādyāḥ śivapakṣāśca tūrṇaṃ yayustadambare || 102 ||
[Analyze grammar]

dhāmni vai nūtane ramye vāhinīsvāgatāya ha |
āścaryaṃ cāmbare prāpurvimānasthā janā'nugāḥ || 103 ||
[Analyze grammar]

śiveśvaramahaiśvaryaṃ vīkṣya mugdhāstadā'bhavan |
praśasaṃsurbrahmarūpaṃ brahmātmānaṃ haraṃ tadā || 104 ||
[Analyze grammar]

samṛddhaṃ vai mahālakṣmīpitaraṃ pārvatīpatim |
śrīmadgopākṛṣṇādyāḥ prasedurvīkṣya sampadaḥ || 105 ||
[Analyze grammar]

śaṃkarādyāḥ kṛṣṇayānīṃ vīkṣya prasedureva ca |
gharasparaṃ mahaiśvaryaṃ vīkṣyā'timumuhustadā || 106 ||
[Analyze grammar]

rādhike yad dvayorgarvaharā lakṣmīḥ kumārikā |
garvaharo bālakṛṣṇaḥ svayaṃ kumārako'sti ca || 107 ||
[Analyze grammar]

dvayorbhagavatoścātrāṃ'śayoryogyasamāgame |
vikasanti tadaṃśā vai prodvāhaḥ kṛṣṇayoriti || 108 ||
[Analyze grammar]

yatrā'haṃ tava kānto'smi kṛṣṇaḥ saṃkarṣaṇaḥ śivaḥ |
yatra viṣṇurmahāviṣṇurbālakṛṣṇaḥ pareśvaraḥ || 109 ||
[Analyze grammar]

sarve sṛṣṭipraṇetārastatrā''ścaryaṃ nu kiṃ bhavet |
sarvaṃ saṃghaṭate rādhe prodvāhaḥ kṛṣṇayoryataḥ || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kāśīvāhinīsammānārthaṃ śiveśvarakāritavāditraninādanāni ambarāt kāśikāyāḥ śivapurasyapārvatīpurasya vīkṣaṇam puravarṇanam pārvatīpattanīyakanyāpakṣīyamahīmānasahitasya śiveśvarasya vāhinīsvāgatārthamambare ghaṭikāsthāyikailāsaracanamityādinirūpaṇanāmā pañcāśītya |
dhikadviśatatamo'dhyāyaḥ || 285 ||
[Analyze grammar]