Chapter 284

śrīkṛṣṇa uvāca |
śṛṇu rādhe rāśiyānādikadeśodbhavā api |
kṛṣṇakāntāḥ kanyakāścāruruhuryad vimānakam || 1 ||
[Analyze grammar]

śibidevo nṛpaḥ kanyāśatena saha vai tadā |
āruroha vimānaṃ svaṃ kuṭumbādisamanvitaḥ || 2 ||
[Analyze grammar]

tharkūṭastho mahārājaḥ pañcāśatkanyakānvitaḥ |
āruroha vimānaṃ svaṃ varayātrārthamutsukaḥ || 3 ||
[Analyze grammar]

vīrajāro mahārājaḥ śatakanyāsamanvitaḥ |
āruroha vimānaṃ svaṃ varayātrārthamutsukaḥ || 4 ||
[Analyze grammar]

śaktyakṣikṣmāpatiścāpi ṣaṣṭikanyāsamanvitaḥ |
ekādhikaśatapiśācinīkanyāyutastathā || 5 ||
[Analyze grammar]

āruroha vimānaṃ svaṃ varayātrārthamutsukaḥ |
kālimāśanṛpakanyāḥ śate dve ca vimānakam || 6 ||
[Analyze grammar]

pitṛbhyāṃ sahitāḥ sarvāścāruruhurvibhūṣitāḥ |
anādiśrīkṛṣṇanārāyaṇastadā ca rādhikām || 7 ||
[Analyze grammar]

māṇikyāṃ śrīṃ ramāṃ lakṣmīṃ padmajāṃ ca vimānake |
ambāṃ hāsāṃ sadguṇāṃ mañjulāṃ cāpi vimānake || 8 ||
[Analyze grammar]

parāvidyādikāścāpi catvāriṃśat śataṃ tathā |
nyaṣādayad vimāne vai sarvaśṛṅgārapūrvakam || 9 ||
[Analyze grammar]

uralaketuko rājā triṃśatkanyāsamanvitaḥ |
vimānaṃ subhagaṃ cādhyarohad yātrārthamuttamam || 10 ||
[Analyze grammar]

krathako nṛpatiḥ pañcakanyāyuto vimānakam |
āruroha tathā saumyo kāśīyātrārthamuttamam || 11 ||
[Analyze grammar]

pṛthurājastadā naijaṃ vimānaṃ cāruroha vai |
viṃśatikanyakābhiśca sahito yātrikottamaḥ || 12 ||
[Analyze grammar]

uṣṭrālasya daśakanyā āruruhurvimānakam |
haṃkāranṛpatiḥ kanyāpañcakena samanvitaḥ |
āruroha vimānaṃ ca kāśīyātrārthameva saḥ || 13 ||
[Analyze grammar]

jayakāṣṭhalanṛpatiḥ pañcakanyāsamanvitaḥ |
āruroha vimānaṃ ca kāśīyātrākṛte tadā || 14 ||
[Analyze grammar]

tīrāṇanṛpatiḥ kanyāṣaṭkenāpi samanvitaḥ |
āruroha vimānaṃ ca kāśīyātrārthameva tu || 15 ||
[Analyze grammar]

ālvīnaraḥ pañcakanyāyuto vimānamuttamam |
āruroha kāśīyātrākṛte kuṭumbavāṃstathā || 16 ||
[Analyze grammar]

jīnavarddhinṛpaḥ saptakanyāyuto vimānakam |
āruroha kāśīyātrākṛte tatra samutsukaḥ || 17 ||
[Analyze grammar]

anāthaviprastatraikakanyayā saha vai tathā |
āruroha vimānaṃ ca rathayātrākṛte tadā || 18 ||
[Analyze grammar]

rākṣasebhyo mocitā yā prakīrṇakāstu kanyakāḥ |
āruruhurvimānāni śate dve ca sahasrakam || 19 ||
[Analyze grammar]

alpaketurnṛpaḥ saptakanyābhiśca vimānakam |
jayakṛṣṇavarājarṣiścaikakanyāyutastathā || 20 ||
[Analyze grammar]

samāruruhatuścaikaṃ vimānaṃ varayātrikam |
parīśāno nṛpaścaikaviṃśatikanyakāyutaḥ || 21 ||
[Analyze grammar]

āruroha vimānaṃ ca sarvaśṛṃgārasaṃbhṛtam |
indurāyo nṛpaḥ kanyādvayayukto vimānakam || 22 ||
[Analyze grammar]

ārurohātisaṃhṛṣṭaḥ sarvaśṛṃgārasaṃbhṛtam |
mudrāṇḍo nṛpatiḥ pañcadaśakanyāsamanvitaḥ || 23 ||
[Analyze grammar]

āruroha vimānaṃ ca yogayātrākṛte tadā |
gaṇḍarājo navakanyāyuto vimānamuttamam || 24 ||
[Analyze grammar]

āruroha samṛddhaṃ ca kāśīyātrārthamityapi |
līnorṇanṛpatiḥ kanyācatuṣṭayasamanvitaḥ || 25 ||
[Analyze grammar]

āruroha vimānaṃ ca kṛṣṇayātrārthamutsukaḥ |
vṛhaccharākhyo nṛpatiścaikādaśasutāyutaḥ || 26 ||
[Analyze grammar]

āruroha vimānaṃ ca yogayātrākṛte tadā |
balalīno nṛpaścatvāriṃśatkanyāsamanvitaḥ || 27 ||
[Analyze grammar]

smṛddhaṃ naijaṃ vimānaṃ cādhyāruroha vibhūṣitam |
varasiṃho nṛpaḥ kanyāpañcakena samanvitaḥ || 28 ||
[Analyze grammar]

āruroha vimānaṃ ca kāśīyātrākṛte tadā |
rāyagāmalabhūpaśca pañcakanyāyutastadā || 29 ||
[Analyze grammar]

āruroha vimānaṃ cā'parakanyātrayā'nvitaḥ |
smṛddhaṃ rājñīdvayaṃ cāpyāruroha ca vimānakam || 30 ||
[Analyze grammar]

phenatantunṛpaḥ kanyādvayayukto vimānakam |
āruroha tadā smṛddhaṃ kāśīyātrārthameva ha || 31 ||
[Analyze grammar]

stokahomanṛpaścaikakanyāyukto vimānakam |
āruroha samṛddhaṃ ca kāśīyātrākṛte tadā || 32 ||
[Analyze grammar]

kāṣṭhayānanṛpasyā'pi kanyaikā janakānvitā |
āruroha vimānaṃ ca susmṛddhaṃ yogayātrikam || 33 ||
[Analyze grammar]

kolakakṣmāpateḥ kanyā caikā tadā vimānakam |
āruroha susamṛddhaṃ kāśīyātrākṛte tadā || 34 ||
[Analyze grammar]

ityevaṃ rādhike gauryaḥ kṛṣṇakāntārthameva tāḥ |
utsukāḥ kṛtaśṛṃgārā vibhūṣitā mudaṃ yayuḥ || 35 ||
[Analyze grammar]

dinamānārkanṛpatiḥ kanyādvayasamanvitaḥ |
āruroha vimānaṃ svaṃ yogayātrāprasiddhaye || 36 ||
[Analyze grammar]

rāyakinnararājaśca sarvasmṛddhe vimānake |
ārurohaikapañcāśatkanyābhiḥ smṛddhiśobhanaḥ || 37 ||
[Analyze grammar]

rāyarokīśvaro rājā caikaviṃśatikanyakāḥ |
ādāya svavimānaṃ ca samāruroha vai tadā || 38 ||
[Analyze grammar]

rāyaraṇajidbhūpaśca viṃśatikanyakāyutaḥ |
āruroha vimānaṃ svaṃ smṛddhaṃ yātrārthamuttamam || 39 ||
[Analyze grammar]

rāyavākakṣako rājā kanyātrayasamanvitaḥ |
āruroha vimānaṃ svaṃ divyayātrārthameva ha || 40 ||
[Analyze grammar]

rāyamārīśabhūpaśca kanyātrayasamanvitaḥ |
āruroha vimānaṃ svaṃ smṛddhaṃ yātrārthameva ca || 41 ||
[Analyze grammar]

rāyabaleśvaro rājā kanyātrayasamanvitaḥ |
āruroha vimānaṃ svaṃ kāśīyātrārthamutsukaḥ || 42 ||
[Analyze grammar]

rāyalambārabhūpaśca kanyāṣaṭkayutastadā |
āruroha vimānaṃ ca smṛddhaṃ yātrākṛte tadā || 43 ||
[Analyze grammar]

rāyanavārkabhūpaśca kanyakāsaptakā'nvitaḥ |
āruroha vimānaṃ svaṃ smṛddhaṃ yātrākṛte tadā || 44 ||
[Analyze grammar]

rāyahuṇḍeśabhūpaśca navakanyāsamanvitaḥ |
āruroha vimānaṃ ca sarvasmṛddhibhṛtaṃ tato || 45 ||
[Analyze grammar]

rāyakūpeśabhūpaśca hyekakanyāsamanvitaḥ |
āruroha vimānaṃ ca kāśīyātrārthamityatha || 46 ||
[Analyze grammar]

kālīmaṇḍalīnabhūpaścatasṛkanyakāyutaḥ |
āruroha vimānaṃ ca smṛddhaṃ yātrārthamuttamam || 47 ||
[Analyze grammar]

vanajeleśabhūpaśca pañcakanyāsamanvitaḥ |
samāruroha ca tadā vimānaṃ śobhanaṃ svayam || 48 ||
[Analyze grammar]

pārāvārapibakṣmeśaḥ kanyātrayasamanvitaḥ |
āruroha vimānaṃ ca sarvasmṛddhibhṛtaṃ tadā || 49 ||
[Analyze grammar]

atha koṭīśvaro rājā kanyādvayasamanvitaḥ |
āruroha vimānaṃ ca sarvasmṛddhaṃ tadā śubham || 50 ||
[Analyze grammar]

śrīsatīśanṛpakanyāstisraḥ pitrā samaṃ tadā |
āruruhurvimānaṃ ca smṛddhaṃ yātrārthakaṃ śubham || 51 ||
[Analyze grammar]

tretākarkaśarājaśca saptakanyāsamanvitaḥ |
āruroha vimānaṃ ca smṛddhaṃ yātrākṛte tadā || 52 ||
[Analyze grammar]

āṇḍajarānṛpaścāpi catuḥkanyāsamanvitaḥ |
kāśīyātrākṛte naijaṃ vimānaṃ cāruroha ca || 53 ||
[Analyze grammar]

bālyarajonṛpaścaikakanyāyukto vimānakam |
āruroha tadā smṛddhaṃ kṛṣṇayātrākṛte śubham || 54 ||
[Analyze grammar]

rāyasomanabhūpaśca kanyātrayasamanvitaḥ |
āruroha vimānaṃ ca kṛṣṇayātrākṛte tadā || 55 ||
[Analyze grammar]

urugavākṣanṛpatiḥ kanyādvayasamanvitaḥ |
āruroha vimānaṃ svaṃ smṛddhaṃ yātrākṛte tadā || 56 ||
[Analyze grammar]

parāṅavratastathā bhūpaḥ kanyādvayasamanvitaḥ |
āruroha vimānaṃ ca kāśīyātrākṛte tadā || 57 ||
[Analyze grammar]

īśānapānarājā ca smṛddhaṃ nijaṃ vimānakam |
āruroha caikacatvāriṃśatkanyāsamanvitaḥ || 58 ||
[Analyze grammar]

rājā rāyapatirbhūpaḥ ramṛddhaṃ nijaṃ vimānakam |
trayastriṃśatsutābhiśca sahāruroha yātrikam || 59 ||
[Analyze grammar]

rājārāyanṛpasyāpi bhaginī svavimānakam |
kṛṣṇanārāyaṇapatnī samāruroha kanyakā || 60 ||
[Analyze grammar]

maṃgalā lalitā revā bhārgavī ca sarasvatī |
ramā gaṃgā dayā bhaktirmuktiścaikādaśī ratiḥ || 61 ||
[Analyze grammar]

kāmadughā ca tulasī kamalā virajā satī |
mūrtiśca gomatī svarṇarekhā jayā ca nandinī || 62 ||
[Analyze grammar]

vanitā mohinī dolā puṣpā prītiḥ kalāvatī |
mādhavī badarī campā kuśalā ca manurmaṇiḥ || 63 ||
[Analyze grammar]

śāntiḥ śāntā ramā haimī ūrjā vimānamāsthitāḥ |
lomaśena śamaṃ anyāścāpi vibhūṣitāḥ || 64 ||
[Analyze grammar]

uktānāṃ cāpi sarvāsāṃ sakhyaścāpyarbudā hi tāḥ |
vibhūṣitā hi kauberyo māhendryo yamakanyakāḥ || 65 ||
[Analyze grammar]

vāyavyo vaiśvakarmyaśca vārkṣyo raudryaśca vahnijāḥ |
śrāvaṇyaścāpi khānijyaḥ sāṃvatsaryaśca gopikāḥ || 66 ||
[Analyze grammar]

prācīnyaśca piśaṃginyo rāśiyānyaḥ samuṣṭrikāḥ |
romāyanyaśca pāraśyo dhaivaryaḥ kinnarīgaṇāḥ || 67 ||
[Analyze grammar]

amaryaśca tathā gauryaḥ paryo hāritikāstathā |
ābriktyaścāpi pātālyaḥ svargyaścāpsarasastathā || 68 ||
[Analyze grammar]

brahmasarasau gāndharvyo'rbudakanyāśca bhūṣitāḥ |
lomaśena samaṃ svasvapitrā samaṃ vimānakam || 69 ||
[Analyze grammar]

āruruhuḥ svaṃ svamarghyaṃ smṛddhaṃ sāmagrikā'nvitam |
ityevaṃ rādhike kṛṣṇakāntāḥ sajjāstadā'bhavan || 70 ||
[Analyze grammar]

athā'nye kṛṣṇayātrāyāmāgatā mahīmānakāḥ |
hemaśālāyanādyāścarṣayaḥ sedurvimānakam || 71 ||
[Analyze grammar]

cakravākyurvaśī cāpi hanumān samagastyakaḥ |
maṃkaṇakādyāḥ ṛṣayo devāyatanako'pi ca || 72 ||
[Analyze grammar]

meṣāyanādyāḥ ṛṣayo munirlālāsanaḥ pradhīḥ |
pañcasāhasrasantaśca tathā vṛkāyanādayaḥ || 73 ||
[Analyze grammar]

yavakrītādayaścāpi śvetavyāsādayastathā |
sanatkumāraprabhṛtayo niṣeduśca vimānakam || 74 ||
[Analyze grammar]

tuṣitaśca hāritaśca divimānāyanādikāḥ |
kuśalā yoginī cāpi sāṃkhyayogina ityapi |
śāvadīnā mahākālī vārinaraśca kṣetrapaḥ || 75 ||
[Analyze grammar]

āryāyanādyāḥ ṛṣayo dvārapo brahmanādakaḥ |
vaśiṣṭādyāḥ ṛṣayaśca vālakhilyādikāstathā |
āruruhurvimānāni kṛṣṇayātrākṛte tadā || 76 ||
[Analyze grammar]

rādhike cā'kṣaramuktā muktānyaśca samantataḥ |
avatārāḥ samastāścā'vatāriṇyastathā tadā || 77 ||
[Analyze grammar]

āruruhurvimānāni sarvaśṛṃgārabhūṣitāḥ |
pārṣadā dhāmagāḥ sarve tathā vaikuṇṭhavāsinaḥ || 78 ||
[Analyze grammar]

vāsudevādayaścāpi bhūmā viṣṇurvirājakaḥ |
sāttvikā munayaścāpi siddhāśca sādhavastathā || 79 ||
[Analyze grammar]

āruruhurvimānāni susmṛddhāni vibhūṣitāḥ |
pitarastvaryamādyāśca lokapālā diśāṃ prapāḥ || 80 ||
[Analyze grammar]

ādityā vasavaścāpi kumārāvaśvinau tathā |
āruruhurvimānāni kṛṣṇayātrākṛte tadā || 81 ||
[Analyze grammar]

marutaḥ siddhayaścāpi nidhayaśca grahāḥ śubhāḥ |
sūryācandrau saptarṣayo dhruvau ca mātaro diśaḥ || 82 ||
[Analyze grammar]

kāmadevo manavaśca kalāśca tithayastathā |
tattvāni bhāni ca guṇāstīrthāni sarito nadāḥ || 83 ||
[Analyze grammar]

brahmacārā nyāsavanto divyadevākhyapādapāḥ |
kalpavallyaḥ kalpaśilā gṛhadevādayastathā || 84 ||
[Analyze grammar]

devālayāstathā caityāścāruruhurvimānakam |
nāgāḥ sarpāśca daityāśca dānavā rākṣasāstathā || 85 ||
[Analyze grammar]

sūtāśca māgadhāścāpi bandinaścāraṇāstathā |
viprāśca paṇḍitāścāpi kiṃpuṃsaḥ kinnarāstathā || 86 ||
[Analyze grammar]

gāndharvāḥ kathakāścāpi dāsā dāsyaśca koṭiśaḥ |
āruruhurvimānāni sarvaśṛṃgāraśobhanāḥ || 87 ||
[Analyze grammar]

śilpinaḥ svarṇakārāśca dhanāḍhyā makhinastathā |
guravo lomaśoktāśca sarvā kuṃkumavāpikā || 88 ||
[Analyze grammar]

āruruhurvimānāni prodvāhaḥ kṛṣṇayoriti |
mahī tatra samāyātā saṃsmṛtā medinī svayam || 89 ||
[Analyze grammar]

ṛtavaśca samāyātā dharmadevaḥ svayaṃ smṛtāḥ |
naraścāpi samāyāto badarīvanatastadā || 90 ||
[Analyze grammar]

pīṭhikā ca samāyātā devī tvakṣaravāsinī |
mardanāni sumūrtāni dravāṇi cādhyarohayan || 91 ||
[Analyze grammar]

maṇḍapākhyastathā muktaḥ samāyātaḥ smṛtastadā |
māṇikyastaṃbha evāpi śrīkṛṣṇāgre samāyayau || 92 ||
[Analyze grammar]

sudarśanaṃ tathā cakraṃ kṣetrarakṣākaro haraḥ |
śrīhareḥ sannidhau natvā kṛtamānāḥ śubhāsane || 93 ||
[Analyze grammar]

niṣeduste tataḥ śrīmadgopālakṛṣṇakaḥ pitā |
navaitān kuṃkumavāpīkṣetrarakṣārthamāha ca || 94 ||
[Analyze grammar]

rakṣantu kṣetrametadvai vayaṃ yāmo varāṇasīm |
ityuktvā yogyasāmagrīrhetīṃśca pāritoṣikam || 95 ||
[Analyze grammar]

datvā sajjaṃ pracakāra vimānaṃ sūryavarculam |
śṛṃgāritaṃ bālakṛṣṇaṃ bhrātṝn bhagavadādikān || 016 ||
[Analyze grammar]

bhrātṛpatnīstathā pitṛvargānābālavṛddhakān |
kuṭumbino janān sambandhinaḥ sarvān vimānake || 97 ||
[Analyze grammar]

naranārīvargasambandhinaḥ paramparāgatān |
nyaṣādayadvimāneṣu jayanādānakārayat || 98 ||
[Analyze grammar]

dundubhayo'pyavādyanta yātrāprasthānasūcakāḥ |
vyaṃgulānāṃ śubhaśabdāḥ sarvaśravaṇayogadāḥ || 99 ||
[Analyze grammar]

abhavaṃśca tadā gāndharvāṇāṃ vādyaninādakāḥ |
tūpaśabdā meghavaccā'bhavan yātrāprayāṇake || 100 ||
[Analyze grammar]

anādiśrīkṛṣṇanārāyaṇo vijayatetamām |
ityuvāca tadā vāṇī divyā vyomavihāriṇī || 101 ||
[Analyze grammar]

puṣpākṣatādimāṃgalyairvardhitaṃ devikādibhiḥ |
bālakṛṣṇavimānaṃ ca pūrvāśāṃ gatimācarat || 102 ||
[Analyze grammar]

gītikānāditānyeva vimānāni tadā'mbare |
saharṣajanaśobhāni tatpaścād gatimācaran || 103 ||
[Analyze grammar]

ityevaṃ rādhike cāgre yayau vimānavāhinī |
kṛṣṇayātrātmikā śīghraṃ svargaṃ yātīva śobhate || 104 ||
[Analyze grammar]

mudaṃ mamau na hṛdaye pratyekasya ca dehinaḥ |
ujjagāma mahānandaḥ prodvāhaḥ kṛṣṇayoriti || 105 ||
[Analyze grammar]

marudeśaṃ samullaṃghya kośalān madhyadeśakān |
prayāgaṃ ca samullaṃghya vāhinī kāśikāṃ yayau || 106 ||
[Analyze grammar]

kṛṣṇayānīṃ garjamāno sahasracandrasadṛśīm |
vimānarūpiṇīṃ vīkṣya śiveśvaro'tiharṣitaḥ || 107 ||
[Analyze grammar]

kāśīvāsāḥ prajāścāpi samutsukā yayuḥ prati |
vadantyo rādhike yāmaḥ prodvāhaḥ kṛpṇayoriti || 108 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne mahīmānānāṃ rājñāṃ kanyakādīnāmṛṣīṇāṃ ca vimāneṣvārohaṇaṃ kṛṣṇayānyāḥ kāśīṃ pratigamanaṃ cetyādinirūpaṇanāmā |
caturaśītyadhikadviśatatamo'dhyāyaḥ || 284 ||
[Analyze grammar]