Chapter 279

śrīrādhikovāca |
māṇikyastaṃbha evā'tra maṇḍape sthāpyate katham |
kalaśasthāpanaṃ tatra kimarthaṃ vai vidhīyate || 1 ||
[Analyze grammar]

gaṇeśasthāpanaṃ cāpi mātṛkāsthāpanaṃ tathā |
vāstusthāpanamevā'pi viṣṇoḥ sthāpanamityapi || 2 ||
[Analyze grammar]

kuladevasthāpanaṃ ca kathaṃ kṛṣṇa vidhīyate |
kiṃ phalaṃ sthāpane proktamasthāpane kimapriyam || 3 ||
[Analyze grammar]

tatsarvaṃ vada me kṛṣṇa saṃsārisukhakāraṇam |
yajjñātvā cottare lokāḥ kariṣyanti vidhānataḥ || 4 ||
[Analyze grammar]

sarṣayo bhagavadbhaktāḥ sarvatobhadramaṇḍalam |
sthāpayanti sadevaṃ ca kimatra kāraṇaṃ prabho || 5 ||
[Analyze grammar]

śrīkṛṣṇa uvāca |
śṛṇu rādhe pravakṣyāmi dampatīhitakṛtsukham |
gṛhasthasya viśeṣeṇa patyustatra viśeṣataḥ || 6 ||
[Analyze grammar]

maṇisvarṇādisampatkṛdgṛhasthasya gṛhe sadā |
pūjitaścaindradaivatyaścāgnidaivatya ityapi || 7 ||
[Analyze grammar]

dhenudaivatya evāpi māṇikyastaṃbha ucyate |
maṇḍape sthāpitaḥ so'yamindrā'gnidhenudaivataḥ || 8 ||
[Analyze grammar]

gṛhasthasya sadā cendrasamaṃ kuryāt samṛddhibhiḥ |
agnitulyaṃ projjvalaṃ ca kuṭumbaṃ nityadā bhavet || 9 ||
[Analyze grammar]

dhenuḥ sadā rasān dadyād gṛhaṃ vai rasavad bhavet |
indrasya smṛddhayaḥ santu gṛhasthasya gṛhe sadā || 10 ||
[Analyze grammar]

vahneḥ samṛddhayaḥ santu gṛhasthasya gṛhe sadā |
dhenūnāṃ smṛddhayaḥ santu gṛhasthasya gṛhe sadā || 11 ||
[Analyze grammar]

ityevaṃ devatāstatra sthitā āśīrdadatyapi |
anyathā trividhaṃ cāsya dāridryamupajāyate || 12 ||
[Analyze grammar]

asmṛddhaṃ cā'pacanaṃ cā'rasaṃ gṛhaṃ bhavet khalu |
sarvaṃ duḥkhamayaṃ syādvai māṇikyā'pūjanādiha || 13 ||
[Analyze grammar]

yatra māṇikyavāso vai tatra vāso hareḥ sadā |
yatra harernivāsaśca tatra lakṣmīnivāsanam || 14 ||
[Analyze grammar]

yatra lakṣmyā nivāsaśca tatra smṛddhinivāsanam |
tasmānmāṇikyayūpaṃ vai pūjayanti purāvidaḥ || 15 ||
[Analyze grammar]

pārthivā bahavo doṣā nidrālasyagurutvakam |
jaḍatā śuṣkatā caite līyante tasya pūjanāt || 16 ||
[Analyze grammar]

vināśo vidhavātvaṃ ca vidhuratvaṃ ca rugṇatā |
anapatyatvamevaite līyante tasya pūjanāt || 17 ||
[Analyze grammar]

pravāsitvamanāśrayatā cāpi gṛhaśūnyatā |
phalivṛkṣādiśūnyatvaṃ līyante tasya pūjanāt || 18 ||
[Analyze grammar]

dampatyoḥ premaśūnyatvaṃ varālaye'manaskatā |
vadhvāḥ saubhāgyaśūnyatvaṃ līyante tasya pūjanāt || 19 ||
[Analyze grammar]

bhūmāvabhāgitā vadhvā gṛhe cā'bhāgitā tathā |
kule cā'bhāgitā vadhvā naśyatyevā'sya pūjanāt || 20 ||
[Analyze grammar]

rākṣasānāmṛṇaṃ cāpi kumārīdevatāṛṇam |
pitrādīnāmṛṇaṃ yāti māṇikyasya prapūjanāt || 21 ||
[Analyze grammar]

indrāgnidhenusākṣyaṃ vai paralokādisādhakam |
gārhasthyaṃ sarvakarmā'pi jāyate phaladaṃ tataḥ || 22 ||
[Analyze grammar]

ityevaṃ rādhike bodhyaṃ phalaṃ māṇikyapūjanāt |
śṛṇu tvaṃ kalaśasyāpi pūjanasya phalaṃ śubham || 23 ||
[Analyze grammar]

kalaśe jalamadhye vai varuṇaḥ saṃvirājate |
tīrthāni tatra cāyānti samudrasaritastathā || 24 ||
[Analyze grammar]

sarāṃsi devatāścāpi kalaśe'jaharīśvarāḥ |
tatsādhyaṃ ca vivāhasya karma śāntisukhapradam || 25 ||
[Analyze grammar]

jalānnadāyakaṃ sarvarasānāṃ ca pradāyakam |
śārīraṃ kāmakarmā'pi pāvanaṃ tasya pūjanāt || 26 ||
[Analyze grammar]

putrasampatpradaṃ sarvaṃ gṛhaṃ sadā ca pāvanam |
naisargī yā'pyaśuddhiśca nārīdehe nare'pi ca || 27 ||
[Analyze grammar]

varuṇasya jalaiḥ seke sā ca sarvā nivartata |
tīrtharūpo bhavettena patistīrthaphalapradaḥ || 28 ||
[Analyze grammar]

tīrtharūpā bhavetpatnī sarvatīrthaphalapradā |
yugala tīrthamevā'stītyāha varuṇadevatā || 29 ||
[Analyze grammar]

yatra vai vāruṇaṃ sthānaṃ tatra ṛṇaṃ na jāyate |
sarve rasāḥ sarvagandhāstatra bhavanti vāruṇāḥ || 30 ||
[Analyze grammar]

brahmaviṣṇumaheśānāṃ nivāsastadgṛhe bhavet |
yadgṛhe kalaśasthānaṃ kalaśo'sya payobhṛtaḥ || 31 ||
[Analyze grammar]

payasā ca ghṛtenā'pi navanītena sarvadā |
daghnā takreṇa somenā'mṛtena saṃbhṛto vaset || 32 ||
[Analyze grammar]

evaṃ kalaśajātīyā dhātavo'sya vasanti ca |
svarṇarūpyāṇi ratnāni saratnakalaśā'rhaṇāt || 33 ||
[Analyze grammar]

kanyāḥ kalaśamāṃgalyāścāsya snuṣāśritaṃ gṛham |
bhaved vaṃśasmṛddhiyuktaṃ svarṇakalaśaśobhitam || 34 ||
[Analyze grammar]

evaṃ vai rādhike proktaṃ kalaśā'rhāphalaṃ mayā |
asthāpane kalaśasya proktaṃ sarvaṃ na jāyate || 35 ||
[Analyze grammar]

viparītaṃ bhavet sarvaṃ duḥkhadāridryavardhanam |
gaṇeśā'rhāphalaṃ vacmi kṛṣṇo'haṃ vai gaṇādhipaḥ || 36 ||
[Analyze grammar]

bhagavān sampadāṃ dātā sarvakāmaprapūrakaḥ |
sarvasampatpradaścāpi siddhiṛddhipradastathā || 37 ||
[Analyze grammar]

śubhalābhapradaścāpi sarvavighnavināśakaḥ |
sarvadā rakṣakaścāpi bhavāmi mama pūjanāt || 38 ||
[Analyze grammar]

laḍaḍu'kādikamiṣṭānnaṃ mama pūjākṛto bhavet |
svarṇarūpyagṛhāṇyasya jāyante pūjakasya me || 39 ||
[Analyze grammar]

hastyaśvarathabāhulyaṃ vāhanāḍhyaṃ gṛhaṃ bhavet |
pītāmbarādisaṃśobho veṣo'sya sarvadā bhavet || 40 ||
[Analyze grammar]

gaṇeśasya mukhaṃ śuṇḍhānvitaṃ paśudhanapradam |
udaraṃ strīsamaṃ bhojyapradaṃ putrādisampradam || 41 ||
[Analyze grammar]

kaṭyadhaḥ kāmanābhāgaḥ sarvakāmaprapūrakaḥ |
duṣṭaprārabdhanāśaśca bhaved gaṇeśapūjanāt || 42 ||
[Analyze grammar]

upadravo bhavennā'sya gaṇānāṃ duṣṭayoginām |
ityevaṃ rādhike te'tra proktaṃ gaṇeśapūjanāt || 43 ||
[Analyze grammar]

phalaṃ śreṣṭhaṃ kṛṣṇarūpo gaṇeśo'haṃ gṛhe sthitaḥ |
tatra sarvatra bhuktiṃ ca muktiṃ ca labhate gṛhī || 44 ||
[Analyze grammar]

mātṛkāsthāpanaṃ cāpi rādhike śṛṇu satphalam |
śaṃkarasya tu yoginyaścatuṣṣaṣṭiprasaṃkhyakāḥ || 45 ||
[Analyze grammar]

mātṛkāśca tathā'nyāśca ṛṣipatnyaśca mātṛkāḥ |
tathā'nyā jaladevyaśca caṇḍyādyāśca tathā'parāḥ || 46 ||
[Analyze grammar]

bālagrahasvarūpiṇyaḥ koṭarādyāśca mātṛkāḥ |
ṣaṣṭhīdevīprabhṛtikā rākṣasyo'pi ca mātṛkāḥ || 47 ||
[Analyze grammar]

ityevaṃ bahudhā santi pūjitāḥ sukhadāḥ sadā |
apūjitā gṛhaṃ bālaṃ garbhaṃ cādanti kūpitāḥ || 48 ||
[Analyze grammar]

vadhūṃ varaṃ ca vā ruṣṭā bhakṣayanti kvacid gṛhe |
tasmāt pūjyā bhavantyetāstuṣṭāḥ smṛddhiṃ dadatyapi || 49 ||
[Analyze grammar]

jalato vahnitaścāpi vārayantyāgataṃ bhayam |
evaṃ sadā pūjanīyāḥ kuladevyo bhavanti ca || 50 ||
[Analyze grammar]

kulavṛddhyarthamevāpi sampadvṛddhyarthamityapi |
vināśaparihārārthe pūjyante kuladevikāḥ || 51 ||
[Analyze grammar]

vāstuḥ puruṣaḥ sampūjya sadā pṛthvīpratuṣṭaye |
gṛhakārye maṇḍape ca vedikāyāṃ ca kuṇḍake || 52 ||
[Analyze grammar]

jantunāśajapāpānāṃ nāśakaṃ vāstupūjanam |
digdoṣāḥ pṛthivīdoṣā bhūtadoṣāḥ samantataḥ || 53 ||
[Analyze grammar]

nāśyante sarvathā rādhe pūjitena hi vāstunā |
vāsaprado bhavatyeva dampatyościrameva saḥ || 54 ||
[Analyze grammar]

bhūmau bhāgyaṃ bhaved vadhvā varasyāpi dhruvā'bhidham |
sarvakarmārpaṇaṃ deve vāstau kṛte bhavecchubham || 55 ||
[Analyze grammar]

ityevaṃ kathitaṃ te'tra rogaghnaṃ vāstupūjanam |
viṣṇoḥ sthāpanamevā'pi lakṣmīdaṃ maṃgalapradam || 56 ||
[Analyze grammar]

yatra viṣṇustatra cāste smṛddhiḥ sarvasukhapradā |
pūjito vandito viṣṇuḥ kuryād vaikuṇṭhavad gṛham || 57 ||
[Analyze grammar]

bhaktiṃ dadyāt kule tasya dampatyoḥ śreyasaṃ tathā |
yaśaḥ kīrtiṃ sattvabhāvaṃ dadyād viṣṇuḥ sanātanaḥ || 58 ||
[Analyze grammar]

sudarśanena cakreṇa rakṣāṃ kuryāt prapūjitaḥ |
dharmaṃ dadyāttathā ṭadyājjñānaṃ vivekasaṃbhṛtam || 59 ||
[Analyze grammar]

āntaraṃ divyamevā'pi netraṃ dadyāt supūjitaḥ |
ārādhitaśca nirvāṇaṃ dadyāt sarvasamarpaṇāt || 60 ||
[Analyze grammar]

ityevaṃ kathitaṃ rādhe phalaṃ devādipūjane |
maṇḍapasya phalaṃ cāpi śṛṇu rādhe śubhāspadam || 661 ||
[Analyze grammar]

maṇḍapaścāśrayaḥ prokto maṇḍapo devatālayaḥ |
sarvasṛṣṭinivāsaśca maṇḍapaḥ parigīyate || 62 ||
[Analyze grammar]

paṭamaṇḍapa evāpi dhātumaṇḍapa ityapi |
puṇyamaṇḍapa evāpi kāṣṭhamaṇḍapa ityapi || 63 ||
[Analyze grammar]

maṇimaṇḍapa evāpi gṛhamaṇḍapa ityapi |
vṛkṣamaṇḍapa evāpi hyudyānamaṇḍapastathā || 64 ||
[Analyze grammar]

kāṇḍamaṇḍapa evāpi pārthivo maṇḍapastathā |
kalpamaṇḍapa evāpi bhavanti maṇḍapā hi te || 65 ||
[Analyze grammar]

tatra sarvatra devādyā bhūtāni yāni yāni ca |
guṇatrayasthitānyeva samāyānti samutsave || 66 ||
[Analyze grammar]

tasmānmaṇḍapapūjā vai sarvapūjāphalapradā |
sarve tuṣṭā bhavantyeva devādyā maṇḍapā'rhaṇāt || 67 ||
[Analyze grammar]

mandiraṃ subhagaṃ syācca svargaṃ ca subhagaṃ milet |
sarvasmṛddhirmileccāpi maṇḍapasya prapūjanāt || 68 ||
[Analyze grammar]

svāgate ca prasatkāre maṇḍapaścāgrato mataḥ |
manaḥśāntikaraścāpi śāntiṃ cāsmai prayacchati || 69 ||
[Analyze grammar]

maṇḍaॆ takrāmṛtaṃ cāpi dadāti sarvadā śubhaḥ |
dadhimaṇḍaṃ dadātyeṣo havanaṃ kārayatyapi || 70 ||
[Analyze grammar]

tanmūlikāṃ parāṃ smṛddhiṃ karoti maṇḍapaḥ sadā |
havanaॆ sarvadevānāṃ tṛptidaṃ sukhadaṃ matam || 71 ||
[Analyze grammar]

gṛhasthasya sadā rādhe havanaṃ pāpanāśanam |
sarvabhogapradaṃ proktaṃ sarvāyuṣyavivardhanam || 72 ||
[Analyze grammar]

sarvārogyapradaṃ sarvaṛṇamocanakaṃ matam |
sarvatobhadramevā'pi sthāpyate maṇḍape śubham || 73 ||
[Analyze grammar]

tatphalaṃ grahakṛtpīḍānāśanaṃ pāpanāśanam |
svarṇarūpyopakaraṇapradaṃ gṛhapradaṃ tathā || 74 ||
[Analyze grammar]

smṛddhipradaṃ paraṃ puṇyaṃ śayyopaskarasampradam |
pātrabhūṣāpradaṃ cāpi chatracāmarasampradam || 75 ||
[Analyze grammar]

rājyarddhirājyasattādisampradaṃ bhadradaṃ tathā |
śakunānāṃ mahaccaitacchakunaṃ bhadramaṇḍalam || 76 ||
[Analyze grammar]

puṇyadānāṃ paramaṃ ca puṇyakṛd bhadramaṇḍalam |
svargāṇāṃ paramaṃ svargapradaṃ vai bhadramaṇḍalam || 77 ||
[Analyze grammar]

mokṣasyāpi ca bhakteśca dharmasyā'pyadhvarasya ca |
iṣṭāpūrtasya sarvasya vṛkṣāropasya vai tathā || 78 ||
[Analyze grammar]

kanyādānasya ca tathā kumāradānakasya ca |
sarvadharmasya puṇyānāṃ pradaṃ vai bhadramaṇḍalam || 79 ||
[Analyze grammar]

yogānāṃ puṇyadaṃ cāpi sevānāṃ puṇyadaṃ tathā |
paropakārakāryāṇāṃ puṇyadaṃ bhadramaṇḍalam || 80 ||
[Analyze grammar]

bhadraṃ paśyet sadā kanyā bhadraṃ paśyet sadā patiḥ |
bhadraṃ paśyet kuṭumbaṃ ca bhadramaṇḍalapūjanāt || 81 ||
[Analyze grammar]

saubhāgyaṃ labhate kanyā gṛhitvaṃ labhate naraḥ |
patiputravatī sādhvī bhaved bhadraprapūjanāt || 82 ||
[Analyze grammar]

viyogo na bhavet patnyāḥ patyuśca bhadrapūjanāt |
vighnānāṃ vārakaṃ tvetat sampadāṃ ca prapūrakam || 83 ||
[Analyze grammar]

yatra vai pūjyate kṛṣṇaḥ pūjyante yatra devatāḥ |
ṛṣayaḥ pārṣadāścāpyavatārāśca grahādayaḥ || 84 ||
[Analyze grammar]

dikpālā yatra pūjyante gṛhapālāstathā'pare |
īśvarā īśvarāṇyaśca pūjyante śāradādikāḥ || 85 ||
[Analyze grammar]

ekādaśyaḥ prapūjyante rādhādyāśca suśaktayaḥ |
pūjyante devavaṃśāśca bhadradaṃ bhadramaṇḍalam || 86 ||
[Analyze grammar]

tasmādvai rādhike tatra maṇḍape bhadramaṇḍalam |
pūjanīyaṃ vidhānena pūjanīyo haristathā || 87 ||
[Analyze grammar]

yatra kvāpi kriyāyoge mahotsave sukhotsave |
vivāhe varayānādau kanyādāne satīsthale || 88 ||
[Analyze grammar]

brahmādāne mantradāne dīkṣādāne vratādiṣu |
mahādāne janmadine pūjanīyo hariḥ sadā || 89 ||
[Analyze grammar]

parameśasya pūjā vai sarvapūjāphalapradā |
sarvasaṃkalpasiddhīnāṃ pradā kāmaprapūrikā || 90 ||
[Analyze grammar]

sarvayajñaphaladā ca sarvakartavyapūrikā |
sarvārambhaphalāḍhyā ca pūjā''dau śrīhareḥ sadā || 91 ||
[Analyze grammar]

lakṣmīpūjā tathā cādau kāryārambhe sukhapradā |
sampatpradā bhavatyeṣā śāntisaubhāgyadā tathā || 92 ||
[Analyze grammar]

alakṣmīnāśinī cāpi duḥkhadāridryanāśinī |
kṛpaṇatvasya vai nāśo bhavellakṣmīprapūjanāt || 93 ||
[Analyze grammar]

kanyāratnaṃ vararatnaṃ dhanaratnāni yāni ca |
nirvighnāni bhaveyuśca lakṣmyāścādau prapūjanāt || 94 ||
[Analyze grammar]

ityevaṃ rādhike proktaṃ phalaṃ pṛṣṭaṃ tvayā yataḥ |
sukhasampad bhavedeva yatra kvā'pyapi pūjanāt || 95 ||
[Analyze grammar]

prāyo lokā bhavantyeva śārīrasukhavāsanāḥ |
teṣāmuktaprapūjābhiḥ sukhasampad vivardhate || 96 ||
[Analyze grammar]

paṭhanācchravaṇāccāpi phalādhyāyasya tatphalam |
yatphalaṃ pūjanāccāpi jāyate dānatastathā || 97 ||
[Analyze grammar]

kanyādānasamaṃ dānaṃ trailokye naiva vidyate |
yadādhāraḥ sarvadharmo vaṃśavistāra ityapi || 98 ||
[Analyze grammar]

yadādhāraṃ jagat sarvaṃ sṛṣṭiḥ sarvā yadāśritā |
yadvinā pralayaḥ prokto yadvinā śūnyatā matā || 99 ||
[Analyze grammar]

indratvaṃ yadvinā nāsti cātmanāṃ yoṣitaṃ vinā |
yoṣid rājyaṃ cātmano'sti tvātmārājā tayā kṛtaḥ || 100 ||
[Analyze grammar]

tasmād rādhe vivāhena gṛhyate strī nareṇa vai |
vararājaḥ pratiṣṭhāṃ vai vindate yoṣitā tadā || 101 ||
[Analyze grammar]

vinā rājyaṃ vararājo bhavatyeva varā priyā |
tasyā rājyaṃ kumāre'trā''rūḍhaṃ syādvararājake || 102 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
dānagrahī mahārājo bhaviṣyati dinadvaye || 103 ||
[Analyze grammar]

mama putrasya śaṃbhośca putryāḥ svāmī bhaviṣyati |
śrutvā te jāyate harṣaścoktvā me'pi prajāyate || 104 ||
[Analyze grammar]

ityevaṃ rādhike svalpamaṇḍapena nijālayam |
śobhitaṃ kṛtavān śrīmadbālakṛṣṇaḥ paraḥ prabhuḥ || 105 ||
[Analyze grammar]

iti śrīlakṣmīnārāyaṇīyasahitāyāṃ dvitīye tretāsantāne maṇḍape māṇikyastaṃbhasya kalaśasya gaṇeśasya mātṛkāṇāṃ vāstorviṣṇoḥ kuladevatāyāḥ sarvatobhadrasya ca prapūjane phalādeśanirūpaṇanāmā navasaptatyadhikadviśatatamo'dhyāyaḥ || 279 ||
[Analyze grammar]