Chapter 277

śrīkṛṣṇa uvāca |
śṛṇu tvaṃ rādhike'māyāṃ prātargopālakanyakā |
viprakanyā yuvatyaśca prajagurmaṃgalāni vai || 1 ||
[Analyze grammar]

suvāsinyastathā vṛddhā bālikā maṃgalātmakam |
yogapatrāgamaṃ śrutvā prajagurmaṃgalāni vai || 2 ||
[Analyze grammar]

kuṃkumavāpikākṣetre bṛhaspateḥ śubhāgamāt |
harermaṃgalamāśrutya jagurgītīrgṛhe gṛhe || 3 ||
[Analyze grammar]

brahmapriyāḥ samastāśca tathaiva sarvakanyakāḥ |
kṛṣṇapriyā jagurgītīḥ kāntasya maṃgalāvahā || 4 ||
[Analyze grammar]

gopyaḥ sarvā militvā cā''yayuḥ śrīkaṃbharāgṛham |
sādhvyaśca brahmacāriṇyo gāyantyo maṃgalāni vai || 5 ||
[Analyze grammar]

kṣatrapatnyo vaiśyanāryaḥ pāṭalāścānyasevikāḥ |
mahotsāhabharā gītīrgāyantyaścāyayurgṛham || 6 ||
[Analyze grammar]

devyo nityanivāsinyo'kṣarakṣetraṃ samutsukāḥ |
śrutvā harerlagnavārtāṃ gāyantyaścāyayurgṛham || 7 ||
[Analyze grammar]

kāmarūpadharāḥ sakhyaścatuḥkhanisamudbhavāḥ |
kāmavallyaśca gāyantyastvāyayuḥ kṛṣṇamandiram || 8 ||
[Analyze grammar]

aśvapaṭṭasarastīrthanivāsinyaśca mātṛkāḥ |
surāṇyaśca guruṃ lagnaṃ śrutvā jñātvā sumaṃgalam || 9 ||
[Analyze grammar]

gāyantyo divyaveṣāṃśca kṛṣṇamandiramāyayuḥ |
ārṣyaḥ sarvāḥ pūjanīyā rājapatnyaśca kanyakāḥ || 10 ||
[Analyze grammar]

kuṃkumavāpikānāryo gāyantyastatra cāyayuḥ |
sarvavarṇayuvatyaśca sarvā nāryaḥ samāyayuḥ |
satīṃ śrīṃ kaṃbharālakṣmīṃ kṛtasnānārhaṇāṃ ca tāḥ || 11 ||
[Analyze grammar]

praṇamya kānake saudhe niṣadya maṃgalāni vai |
bālakṛṣṇasya kṛṣṇasya kīrtimayāni sañjaguḥ || 12 ||
[Analyze grammar]

kṛtasnānārhaṇaṃ mātrā kṛtamaṃgalacandrakam |
kuṃkumā'kṣatayugbhālaṃ kṛtaśṛṃgāramacyutam || 13 ||
[Analyze grammar]

bhrātṛpatnyā kṛtaveṣaṃ parameśaṃ priyaṃ prabhum |
gāyantyo yoṣitaḥ sarvā vardhayāmāsurutsukāḥ || 14 ||
[Analyze grammar]

cakrustāścandrakaṃ bhāle sā'kṣataṃ puṣpavardhanam |
pragīya gītikāścāpi pradarśyā''nandamāntaram || 15 ||
[Analyze grammar]

āśīrdatvā guruṃ bṛhaspatiṃ natvā kṛtāhnikam |
pītvā mātrā'rpitaṃ dugdhaṃ saśarkaraṃ sakesaram || 16 ||
[Analyze grammar]

gṛhītvā tāmbūlamiṣṭaṃ śubhamuktvā yayurgṛham |
gṛhe gṛhe'tra saurāṣṭre kṛṣṇotsavasya vārtikā || 17 ||
[Analyze grammar]

vṛhaspaternāradasyā''gamaścā'prasarad drutam |
sarvāḥ prajāstu tacchrutvā prāpurharṣaṃ mahotsavam || 18 ||
[Analyze grammar]

ānandamagnā abhavan darśanārthaṃ samāgaman |
māṃgalikāni tūryāṇi tvavādyanta ca mandire || 19 ||
[Analyze grammar]

suravādyāni sarvāṇi rājavādyāni yāni ca |
gṛhavādyāni yāvanti deśavādyāni yāni ca || 20 ||
[Analyze grammar]

karavādyāni ca śvāsavādyāni pāvanāni ca |
daṇḍavādyāni sarvāṇi vidyudvādyāni yāni ca || 21 ||
[Analyze grammar]

aṃgavādyāni ca saṃgapravādyāni ca yāni ca |
prabhinnadeśavādyāni tvavādyanta samantataḥ || 22 ||
[Analyze grammar]

miṣṭā vai śaṃkhikānādā jalayantrasvanāstathā |
tārasvanā ajāyanta vaṃśīsvanā gṛhe gṛhe || 23 ||
[Analyze grammar]

gāyakāścāpi gāyanti nṛtyanti cāpsaraḥsamāḥ |
nāryastadā bālakṛṣṇotsavaṃ śrutvā'tiharṣitāḥ || 24 ||
[Analyze grammar]

saṃnṛtyanti mayūrāśca kūjanti kokilāstathā |
śakunāni pragāyanti śukā menāśca sārasāḥ || 25 ||
[Analyze grammar]

padyotante grahāścāpi tejasvinaśca vahnayaḥ |
sādhavaḥ snehatejobhirvyāptāstatkīrtanaṃ jaguḥ || 26 ||
[Analyze grammar]

bhaṭṭabhūsuravidyādhrā vidvāṃso vedavedinaḥ |
sāmagītīstadā'gāyan cāraṇāḥ kavitāṃ jaguḥ || 27 ||
[Analyze grammar]

anye jaya jaya tvaṃ śrīkṛṣṇetyūcuḥ prabhuṃ prati |
evaṃ vai rādhike harṣavāco'bhavan jane jane || 28 ||
[Analyze grammar]

śrutvā'nye bālakṛṣṇasyotsavapatraṃ samāgatam |
guruṃ ca nāradaṃ śrutvā darśanārthamupāyayuḥ || 29 ||
[Analyze grammar]

āśīrvādān vadantaśca cirajīvetivādinaḥ |
api bhekā bhekasamā gālayantramanādayan || 30 ||
[Analyze grammar]

oṣṭhayantraṃ tammarikāsamāścā''vādayaṃstadā |
karatālaṃ vādayanto jayavādān vyadhuśca te || 31 ||
[Analyze grammar]

kiṃ bahunā rādhike'tra kathitena tavā'grataḥ |
dharmasaṃsthāpanārthāya gṛhadharmaṃ grahīṣyati || 32 ||
[Analyze grammar]

viśiṣṭaṃ yatparaṃ tattvaṃ viśiṣṭaṃ sarvadā'sti tat |
āvedayituṃ lokebhyo gṛhadharmaṃ cariṣyati || 33 ||
[Analyze grammar]

ityevaṃ saṃvicintyaiva lagnapatrakṛtotsavam |
prakāśaṃ kartumicchanto mudā rāsotsavaṃ vyadhuḥ || 34 ||
[Analyze grammar]

naro nārī naro nārī naro nārī bhramātmakāḥ |
bhramanto'pi ca gāyanto bālakṛṣṇaguṇān jaguḥ || 35 ||
[Analyze grammar]

dṛṣṭvā kuṃkumavāpyāṃ tad divyadṛṣṭyā purādiṣu |
saurāṣṭre sārvabhaume ca gururvismayamāvahat || 36 ||
[Analyze grammar]

aho bhāgavatī bhaktirbhūrisnehamayī bhuvi |
mahaḥpatraprasaṃgena mayā dṛṣṭā janeṣviha || 37 ||
[Analyze grammar]

īdṛśā bhaktimanto'tra loke muktā na saṃśayaḥ |
yeṣāṃ hṛtsu harerbhāvo divyātidivyako'sti yat || 38 ||
[Analyze grammar]

aho nārāyaṇī dhanyā lakṣmīḥ sā śivakanyakā |
yā vai prāpsyati dhāmeśaṃ khyātaṃ kāntaṃ hi śāśvatam || 39 ||
[Analyze grammar]

rādhāto'pi paraṃ cāsyāḥ sopānaṃ jñāyate mayā |
yasyāḥ patiḥ paraścāste sordhvasopānagā yataḥ || 40 ||
[Analyze grammar]

kanyā'pi kṛṣṇapatnī cej jaganmātā pragadyate |
vṛddhāpi kubjikā loke kṛṣṇayogā praśasyate || 41 ||
[Analyze grammar]

vṛndā tulasī daityasya jalaṃdharasya vai tathā |
śaṃkhacūḍasya patnyau te viṣṇuyoge ramānibhe || 02 ||
[Analyze grammar]

pūjanīye jagadvandye mokṣade'bhavatāṃ sadā |
aho kṛṣṇasya māhātmyaṃ brahmapriyā asaṃkhyakāḥ || 43 ||
[Analyze grammar]

vartante'syāstu vai lakṣmyā gauravaṃ naiva yānti tāḥ |
lakṣmyarthaṃ likhyate lagnapatraṃ yannā'nyasadṛśam || 44 ||
[Analyze grammar]

lakṣmyarthaṃ gamyate yena nānyasamo bṛhaspatiḥ |
lakṣmyarthaṃ gīyate tvadya yaśo'pi nānyasadṛśam || 45 ||
[Analyze grammar]

lakṣmyarthaṃ harṣajananaṃ nānyatulyamidaṃ purā |
lakṣmyarthaṃ bālakṛṣṇasya hṛdayaṃ nānyasadṛśam || 46 ||
[Analyze grammar]

lakṣmyarthaṃ laukikī vāṇī divyā cādya vibhāvyate |
lakṣmyarthaṃ lokacāñcalyaṃ kalyāṇakṛd vilokyate || 47 ||
[Analyze grammar]

aho lokasya lokatvaṃ lakṣmīkṛṣṇāvalokanāt |
yāthārthyaṃ bhajate tvadya divyālokātmakaṃ hi yat || 48 ||
[Analyze grammar]

aho me bhāgyamūrdhvaṃ vai tatsthānaṃ sārthakaṃ mama |
guruścordhvaḥ sadā jāto lakṣmīpatraprapreṣaṇāt || 49 ||
[Analyze grammar]

ityāścaryamayo vipro devānāṃ sa bṛhaspatiḥ |
rādhike vīkṣya sarvaṃ tad bālakṛṣṇāśrito'dhikaḥ || 50 ||
[Analyze grammar]

mahābhāgavato bhaktaścātmaniveditāṃ yayau |
svarūpaṃ haraye samārpayat sarvasvadānataḥ || 51 ||
[Analyze grammar]

atha gantumanā bṛhaspatirgopālakṛṣṇakam |
prāhā'dya kāśikāṃ yātuṃ samicchāmi nivedaya || 52 ||
[Analyze grammar]

amāyāṃ tatra śivarāṭ matpratīkṣāṃ karoti hi |
tathāstviti ca gopālaḥ prāha cānyad bṛhaspatim || 53 ||
[Analyze grammar]

yāhi śīghraṃ guro kāśīṃ śiveśvaraṃ nivedaya |
bhavadvāñcchā prapūrṇā'stu pālayāmi vacastava || 54 ||
[Analyze grammar]

lagnapatraṃ prapūjya svīkṛtavānasmi bhāvataḥ |
bhavadvidhānāṃ devānāṃ niścitaṃ tatsukhāvaham || 55 ||
[Analyze grammar]

viparītaṃ vaiparītye pariṇameta kaṣṭadam |
kanyā yogyā kumāro'pi yogyo'stīti tathāstviti |
maukhikīṃ svīkṛtiṃ proktvā pratipatraṃ dadau tadā || 56 ||
[Analyze grammar]

śrīrādhikovāca |
kīdṛśaṃ yogapatraṃ tat kīdṛśaṃ pratipatrakam |
tadahaṃ śrotumicchāmi cāvedanaṃ taduttaram || 57 ||
[Analyze grammar]

śrīkṛṣṇa uvāca |
śṛṇu rādhe kathayāmi tūbhaye patrike śubhe |
yathārthe likhite gāṃbhīryādisadguṇamaṇḍite || 58 ||
[Analyze grammar]

svastiśrīśvarapūjanīyarajasi brahmā'kṣarakṣetrake |
śrīmatkuṃkumavāpikā'bhidhavare yo rājate śrīpatiḥ |
yadgehe parameśvaro vilasati śrībālakṛṣṇo hariḥ |
koṭyabjeśvaravandito vijayate gopālakṛṣṇaḥ prabhuḥ || 59 ||
[Analyze grammar]

yo vairājapitā bhavannanu mahāviṣṇuḥ svayaṃ rājate |
yaḥ sṛṣṭau prathamaॆ manuṣyacaritaścāste harerājñayā |
sṛṣṭitryarthitayadyaśāḥ śubhaguṇā''vāsastviha khyāyate |
tasmai vai bhavate namāmi satataṃ śrīkaṃbharāsvāmine || 60 ||
[Analyze grammar]

yeṣāṃ puṇyasupuñjaśevadhiriha prākaṭyamāpadyate |
yeṣāṃ sādhujanāśiṣo'tibahulāḥ kāle phalantyāyatau |
yeṣāṃ yajñatapaḥphalaṃ hyudayate vṛddhopasevāphalaṃ |
teṣāṃ tvādṛśaviṣṇunā saha bhavet sambandhitā durlabhā || 61 ||
[Analyze grammar]

yatputrasya pade'rpayanti kṛtinaḥ puṇyāni śaṃdānyapi |
dhāmeśāśca samarpayanti mukuṭān mūrdhasthitān pūjane |
īśā divyasamṛddhimuttamamaṇīn ratnādikaṃ devatā |
bhūpā rājyamanuttamaṃ kṣitidharāḥ svarṇādikaṃ śreṣṭhinaḥ || 62 ||
[Analyze grammar]

tasmai cākṣaravāsine bhagavate sarveśvareśāya vai |
yogyāyā'tiguṇālayāya haraye śrībālakṛṣṇāya ha |
kāśīsthastu śiveśvaro hi surarāṭ kailāsavāsīśvaraḥ |
kanyāṃ me pradadāmi dānamanaghāṃ śrīpārvatīśo nvaham || 63 ||
[Analyze grammar]

yā lakṣmīrharidhāmatastviha purā nārāyaṇecchāvaśā |
tadbhaktasya harasya me śubhagṛhe prākaṭyamāsāditā |
seyaṃ sāmpratamasti yogyavaraṇā dānapradānocitā |
tasyā dānavidhiścaturthadivase mārgasya śukle dale || 64 ||
[Analyze grammar]

puṇyātpuṇyatame muhūrtakavare taddānakāryotsave |
yāvacchraiṣṭhyaviśeṣita śubhatame cā'smābhirāniścite |
satsambandhisuhṛtprasannahṛdayairāgatya manmandiraṃ |
śrīmadbhiḥ svasutena hastadharaṇādyātmā vinirvartyatām || 65 ||
[Analyze grammar]

bhakto'haṃ bhuvi sāttvato'tra ca haraḥ śrībālakṛṣṇasya vai |
yāvacchakti susevanaṃ vidhiyutaṃ vaḥ saṃvidhāsye'nvaham |
nirvighnaṃ gaṇanāyakasya kṛpayā sampāramāpta makhaṃ |
dṛṣṭveṣyāmi sutoṣaṇaṃ tata imā gṛhṇantu matprārthanām || 65 ||
[Analyze grammar]

yā vai me matabodhikā hi likhitā patrī mayā śobhanā |
śrīmatkuṃkumabindumaṃgalapadā''siktā pradānārthikā |
dvyarṣeḥ sākṣiyutā bṛhaspatikare datvā mayā preṣitā |
sā vo hastagatā karotu ca sute vo matsutā maṃgalam || 67 ||
[Analyze grammar]

śīghraṃ devaguruṃ kṛtādaramamuṃ sampreṣayitvā ca mām |
āśvāse hi samarpya cordhvakaraṇe nibandhanaṃ sotsavam |
kartuṃ yogyatamān hi no vidadhatu śrīkāśikāvāsino |
bhaktānbrahmaparānhariśrutadharān naḥ sāttvatān sevakān || 48 ||
[Analyze grammar]

yadvā'nyat kuśalādiśobhi ca dinaṃ yacchrīmatāṃ śobhanaṃ |
tadvā sadguruṇā samaṃ drutataraṃ dānārhamāvedyatām |
anyaccāpi yathākula svasaraṇiprāptaṃ madarhaṃ ca yat |
tatsarvaṃ vinivedyatāmiti vadan śaṃbhuḥ śamaṃ yāmi om || 69 ||
[Analyze grammar]

ityevaṃ rādhike dānapatrī śaṃkarapreṣitā |
mayoktā te'nurodhādvai śṇūttaraprapatrikām || 70 ||
[Analyze grammar]

śrīmadgopālakṛṣṇo yāṃ lilekha prati śaṃkaram |
sarvamaṃgalamāṃgalyāṃ bahvarthasaṃbhṛtāṃ śṛṇu || 71 ||
[Analyze grammar]

oṃ śrīkṛṣṇanivāsabhūtasubhagāgolokabhūmau purā |
śrīkṛṣṇāt prakaṭībhavan svavanitā'rdhāṃgaśca kailāsake |
svīye dhāmni śivaḥ sadāśivabhidhaḥ saṃrājate vaiṣṇavo |
vaikuṇṭhe harisannidhau savanito nṛtyaṃ cakārottamam || 72 ||
[Analyze grammar]

śrīlakṣmyā vidito hyakālagamano vighno vilāse hareḥ |
śaptaścāpi manuṣyabhāvaniyataḥ patnyā yutaḥ saṃbhava |
śrutvā śrīharireva bhaktamanugo'bhūcchrīṃ vihāyā'pi vai |
sā lakṣmīrharilabdhilobhamanugā cāste bhavatputrikā || 73 ||
[Analyze grammar]

evaṃ vai śivarūparūpiṇa iha śrīpārvatīsatpate |
rlakṣmyāścāpi karotu kṛṣṇabhagavān sanmagalaṃ sarvadā |
tvatputraśca gaṇādhipaḥ savanito bhadraṃ kriyānmaṃgalaṃ |
śrīmatkuṃkumavāpikānivasatirgopālakṛṣṇo'rthaye || 74 ||
[Analyze grammar]

madbhāgyaṃ bahulīkṛtaṃ hi bhavatā datvā sutāṃ śārṅgiṇe |
matputrāya narāyaṇāya hariṇe śrībālakṛṣṇāya ha |
sampṛktvā'pi bṛhaspatiṃ suraguruṃ sampāvitaṃ madgṛhaṃ |
tenā'pyarpitadānapatramiha vai premṇā mayā'ṅgīkṛtam || 75 ||
[Analyze grammar]

tatrā''diṣṭaśubhottamā'vasarake samprāpya kāśīṃ purīṃ |
śaṃbho darśanamuttamaṃ hi bhavataḥ prāptye'dya śaṃ śāntidam |
evaṃ sarvavidhānavaidhamapi sannirvartya tīrthasthale |
dampatyoḥ khalu śāśvataṃ vidhikṛtaṃ saṃlokayiṣye sukham || 76 ||
[Analyze grammar]

yattatrā'hamumāpate'mbaravimānairāgamiṣye drutam |
madhyāhnottarameva śuklagatṛtīyāyāṃ kuṭumbā'bjayuk |
anye ye ca nṛpāḥ kṣitau kṛtamakhāḥ śrībālakṛṣṇe ratā |
statsāhasramapīha vāhimanujaiḥ koṭyarbudaiḥ saṃgatam || 77 ||
[Analyze grammar]

muktā dhāmanivāsino'pyagaṇitā nārāyaṇā īśvarāḥ |
siddhā ārṣagaṇāstathā ca pitaro devāstathā mānavāḥ |
divyā dehayujo'pi cetanagaṇā bhūtāni tīrthāni vai |
devyaḥ sṛṣṭiparasthitā api parārdhordhvāḥ prayāsyantyapi || 78 ||
[Analyze grammar]

kanyāḥ koṭya iha sthitā api tathā brahmapriyā yoṣita |
ścā''yāsyanti bhavatsumandiramanādibrahmayogotsukāḥ |
sarvajñe śivarūpiṇi tvayi mayā kiṃ cāntaraṃ gūḍhavad |
vaktavyaṃ kuśale suyogini hare vaiśālabhūmisthite || 79 ||
[Analyze grammar]

ityevaṃ samabhipraṇamya ca tathā samprārthya kāśīpatim |
patraṃ cedamathā'rpayāmi gurave satkṛtya ratnā'yutaiḥ |
nyūnā''dhikyamathottaraṃ hyaruciraṃ miṣṭaṃ gariṣṭaṃ kaṭu |
kṣantavyaṃ mama sarvathā vilasitaṃ yuktātmanā śaṃbhunā || 80 ||
[Analyze grammar]

ityevaṃ rādhike patrottaraṃ dadau harāya ca |
śrīmadgopālakṛṣṇo vai nāradenā'numoditaḥ || 81 ||
[Analyze grammar]

brahaspatermahāpūjāṃ cakāra ratnakoṭibhiḥ |
sadvastraiścandanaiścāpi mauktikairhāratarpaṇaiḥ || 82 ||
[Analyze grammar]

bhojanaiḥ pānasatkārai rañjayāmāsa sadgurum |
vimānaṃ pradadau ramyaṃ saṃbhṛtaṃ ratnabhūṣaṇaiḥ || 83 ||
[Analyze grammar]

kalpalatānvitaṃ ramyaṃ samāruroha sadguruḥ |
pratipaddivase prātaryayau kāśīṃ vihāyasā || 84 ||
[Analyze grammar]

dadau patrottaraṃ patraṃ śaṃbhave mumude haraḥ |
vācayāmāsa māṃgalyapatraṃ ca mumude punaḥ || 85 ||
[Analyze grammar]

namaskārādikaṃ cāpi vinayaṃ snehamātmani |
śrīmadgopālakṛṣṇasya bālakṛṣṇasya vai tathā || 86 ||
[Analyze grammar]

lomaśasya tathā'nyeṣāṃ kathayāmāsa sadguruḥ |
āgamo'tra mahān bhāvī vāhinyāḥ sārvalaukikaḥ || 87 ||
[Analyze grammar]

ubhayoḥ khyātayoḥ satoḥ prādhānyena jagattrayam |
āgamiṣyati vai dāne samaye gururabravīt || 88 ||
[Analyze grammar]

śaṃbhuḥ prasannahṛdayaḥ prāhū guruṃ yathābalam |
puṇyapātrasyāṃ'gaṇe vai bhavet trailokyamāgatam || 89 ||
[Analyze grammar]

yathāyogyaṃ kariṣyāmaḥ sevāṃ lokottarāṃ śubhām |
koṭikoṭyarbudābjā me gaṇā loke vasanti ca || 90 ||
[Analyze grammar]

koṭikoṭyarbudā devyaḥ satīrūpā bhavanti me |
saṃkarṣaṇo mahākālo mahārudro'pi rudrakaḥ || 91 ||
[Analyze grammar]

haro'haṃ mama rūpāṇi bhavanti koṭiśo'pi ca |
mama sākṣāt pitā kṛṣṇo goloko mama sarvathā || 92 ||
[Analyze grammar]

mahāmāyā mama sṛṣṭirhanūmān mama vai sutaḥ |
gaṇeśaśceti koṭyabjārbudābjāḥ pārṣadā mama || 93 ||
[Analyze grammar]

sarvaṃ me śubhakṛccāste bhavān devagurustathā |
kiṃ nyūnaṃ me vartate'dya sarvaṃ sampannamasti me || 94 ||
[Analyze grammar]

ityuktvā tvāsanasthaṃ taṃ bṛhaspatiṃ prapūjya ca |
śaṃkaro bhojayāmāsa kārayāmāsa maṇḍapam || 95 ||
[Analyze grammar]

vāditrāṇāṃ ninādāṃśca kārayāmāsa diggatān |
dūtān sampreṣayāmāsā''mantraṇārthaṃ jagattraye || 96 ||
[Analyze grammar]

kuṃkumapatrikāyuktān śaṃkaro lokaśaṃkaraḥ |
rādhike tvabhavan sarvamaṃgalāni harālaye || 97 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne'māvāsyāyāṃ gopālakṛṣṇālaye trailokyayoṣitāṃ maṃgalagītayo gṛhe gṛhe mahotsavāḥ bṛhaspateḥ sammānaṃ dānapatrikāvarṇanaṃ taduttaraṃ pragṛhya prapūjitabṛhaspateḥ kāśīṃ pratyāgamanaṃ trailokye śaṃbhukṛtā''mantraṇaṃ cetyādinirūpaṇanāmā saptasaptatyadhikadviśatatamo'dhyāyaḥ || 277 ||
[Analyze grammar]