Chapter 271

śrīkṛṣṇa uvāca |
śṛṇu tvaṃ rādhike paścāt nṛpo'śvapāṭalastataḥ |
tīrthaṃ prayayau kuṃkumeśvaraṃ sadāśivāśrayam || 1 ||
[Analyze grammar]

aśvapāṭala uvāca |
guro tīrthamidaṃ kasmāt kathaṃ jātaṃ vadasva me |
yathāvidhi phalaṃ tasya niyamādi ca sarvaṃthā || 2 ||
[Analyze grammar]

śrīlomaśa uvāca |
śṛṇu rājandūradeśāt purā kaścana ghātakaḥ |
svajñātikleśaduḥkhaśca saurāṣṭre prasamāyayau || 3 ||
[Analyze grammar]

jñātvā tīrthaṃ tvaśvapaṭṭasarastatra nyuvāsa ha |
hiṃsākarma parityajya bhikṣā'dano'bhavattataḥ || 4 ||
[Analyze grammar]

sādhūnāṃ yogato nāma harekṛṣṇanarāyaṇa |
bālakṛṣṇa parabrahma śrīpate parameśvara || 5 ||
[Analyze grammar]

jajāpa bhajanaṃ cakre tīrthasnānādikaṃ tathā |
evaṃ puṇyaṃ kṛtavauṃśca sevāṃ satāmaharniśam || 6 ||
[Analyze grammar]

prārabdhānte mṛtastatra kṣetre cā'kṣarasaṃjñake |
tīrthayogena vai svargaṃ yayau devatvamāpa ha || 7 ||
[Analyze grammar]

tataḥ punaśca mānuṣye kuṃkumo brāhmaṇo'bhavat |
dharmakarmarato daivakārye ca sāvadhānakaḥ || 8 ||
[Analyze grammar]

jātismaro'bhavaccāpi pupūja śaṃkaraṃ tathā |
pārthivaṃ śaṃkaraṃ kṛtvā'tiṣṭhipaccā'tra bhūsuraḥ || 9 ||
[Analyze grammar]

varṣānte pañcavarṣānte daśavarṣāntake tathā |
mahotsavaṃ karotyeva viprāṇāṃ bhojanādikam || 10 ||
[Analyze grammar]

śivarātryāṃ śaṃkarasyotsavaṃ karoti vārṣikam |
evaṃ viṃśativarṣānte sākṣād babhūva śaṃkaraḥ || 11 ||
[Analyze grammar]

prasanno'smi ca te bhaktyā vipra vṛṇu yathepsitam |
vipraḥ prāha mahāmokṣaṃ dehi me pārvatīpate || 12 ||
[Analyze grammar]

śaṃbhuḥ prāha śṛṇu bhakta devo'haṃ pārameśvaraḥ |
kailāso mama dhāmā'sti tataḥ paraṃ gavāyanam || 13 ||
[Analyze grammar]

golokaḥ śrīkṛṣṇadhāma tasmāt paraṃ tathākṣaram |
goloke yadi gantuṃ tvaṃ precchasi bhaja gopatim || 14 ||
[Analyze grammar]

gopālaṃ śrīrādhikeśaṃ muralīhastakaṃ prabhum |
akṣare cet pragantuṃ tvaṃ samicchasi hariṃ bhaja || 15 ||
[Analyze grammar]

anādiśrīkṛṣṇanārāyaṇaṃ śrīpuruṣottamam |
kailāsaṃ mama dhāmā'sti sadāśivanivāsanam || 16 ||
[Analyze grammar]

vaikuṇṭhatulyaṃ yaścāste tatra ced gantumicchasi |
nayāmi gaṇamadhye tvāṃ sthāpaye vada cepsitam || 17 ||
[Analyze grammar]

kuṃkuma uvāca |
dhāmā'kṣaraṃ prayāsyāmi mokṣātmakaṃ parātparam |
nānyadhāmni tu me vāñcchā tatsādhanaṃ vadā'tra me || 18 ||
[Analyze grammar]

śaṃbhuruvāca |
gṛhāṇa mantraṃ divyaṃ śrībālakṛṣṇasya cā'nagha |
bhaja taṃ śrīkṛṣṇanārāyaṇaṃ yāsyasi cā'kṣaram || 19 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
bhajainaṃ ca japainaṃ ca smarainaṃ ca pareśvaram || 20 ||
[Analyze grammar]

ityuktvā śaṃkarastūrṇaṃ tiro'bhavacca bhūsuraḥ |
kuṃkumeśvaranāmānaṃ mahādevaṃ śilāmayam || 21 ||
[Analyze grammar]

sthāpayitvā mandire cā'bhajat kṛṣṇanarāyaṇam |
tadidaṃ pāvanaṃ tīrthaṃ sadāśivanivāsanam || 22 ||
[Analyze grammar]

kuṃkumeśvaratīrthaṃ ca kṛtvā vai kuṃkumo dvijaḥ |
bhajitvā śrīkṛṣṇanārāyaṇaṃ dhāmā'kṣaraṃ yayau || 23 ||
[Analyze grammar]

atra snānāttathā dānānmahādevaḥ prasīdati |
vaiṣṇavaṃ ca manuṃ datvā prāpayatyakṣaraṃ padam || 24 ||
[Analyze grammar]

tasmād rājan snāhi śīghraṃ dānaṃ dehi ca kānakam |
ityuktaścāśvapaṭalo rādhike lomaśena ha || 25 ||
[Analyze grammar]

snānaṃ dānaṃ pūjanaṃ ca cakre'gratīrthakaṃ yayau |
satīśātīrthanāmnā vai prasiddhaṃ pāvanaṃ param || 26 ||
[Analyze grammar]

aśvapāṭala uvāca |
guro kathaṃ satīśākhyaṃ tīrthaṃ jātaṃ śubhaṃ tvidam |
saṃkṣepād vada me cā'sya vidhiṃ ca phalamityapi || 27 ||
[Analyze grammar]

śrīlomaśa uvāca |
śṛṇu rājan vadāmyetat satīśātīrthasaṃbhavam |
cāraṇānāṃ kulānyatra gopālānāṃ kulānyapi || 28 ||
[Analyze grammar]

vasanti sannidhau rājan derikākheṭasīmnyapi |
pālayanti śataśo gāḥ ajāḥ sahasraśastathā || 29 ||
[Analyze grammar]

vṛṣabhān vatsatarāṃśca pālayanti dhanaṃ yathā |
cārayanti sīmabhāge pāyayantīha vāryapi || 30 ||
[Analyze grammar]

aśvapaṭṭasarastīre rātrau viśrāmayanti ca |
prātaḥ punaḥ prayāntyeva paśucāramaraṇyakam || 31 ||
[Analyze grammar]

ityevaṃ paśupālāste cāraṇāḥ kuṃkumeśvaram |
paritaḥ sarasaḥ setau vṛkṣā'dho nivasanti vai || 32 ||
[Analyze grammar]

parṇapallyāṃ tvekadā vai suptā''sīccāraṇī satī |
śrīmahādevabhaktā sā satīśākhyā pativratā || 33 ||
[Analyze grammar]

mahādevasya dugdhena prātaḥsnānā'bhiṣecanam |
kārayatyeva bhāvena hārdena pārvatīpateḥ || 34 ||
[Analyze grammar]

tādṛśīṃ bhaktiyuktāṃ tāṃ caurāḥ praviśya tadgṛhe |
patiśūnye pradharṣitavantastvekākinīṃ satīm || 35 ||
[Analyze grammar]

patirgato'bhavadgrāmāntaraṃ sambandhino gṛhe |
evaṃ chidraṃ pralabdhvaiva caurāḥ prādharṣayan satīm || 36 ||
[Analyze grammar]

satīśā sā dharmavatī sasmāra pārvatīṃ satīm |
duṣṭasaṃhārakartrīṃ ca caṇḍīṃ śaṃkarayoginīm || 37 ||
[Analyze grammar]

mātaḥ śīghraṃ mama rakṣāṃ kuru caurebhya eva ha |
prātaḥ kṣīraṃ prapācyaiva kariṣye te nivedanam || 38 ||
[Analyze grammar]

evaṃ smṛtā satī durgā tūrṇaṃ khaṅgakarā tadā |
kuṃkumeśvarapārśvād vai satīśā'ṅganamāyayau || 39 ||
[Analyze grammar]

sakhaḍgā sakṛpāṇā ca muśalāḍhyā sasiṃhikā |
aṣṭahastā garjanāṃ ca kṛtvā jagrāha caurakān || 40 ||
[Analyze grammar]

jaghāna caurān sahasā satīśāṃ sā rarakṣa ha |
caurā hatāstu khaḍgena mṛtāḥ pañca narāstadā || 41 ||
[Analyze grammar]

satīśā durgayā sākaṃ sarovāri samāyayau |
ubhe pānīyakaṃ pītvā yayatuḥ kuṃkumeśvaram || 42 ||
[Analyze grammar]

tatra līnā'bhavada durgā satīśā mandire'vasat |
prātargatā gṛhaṃ naijaṃ gaṇā ninyurhatāñjanān || 43 ||
[Analyze grammar]

satīśā sā satī yatra durgayā sahitā papau |
jalaṃ tatra taṭe devīṃ durgāmasthāpayat satīm || 44 ||
[Analyze grammar]

durgātīrthaṃ satītīrthaṃ satīśātīrthamityapi |
pārvatītīrthamevāpi dharmarakṣākaraṃ hyabhūt || 45 ||
[Analyze grammar]

atra snānena dānena satīśādarśanena ca |
caurādīnāṃ bhayanāśo dharmarakṣā bhaved dhruvam || 46 ||
[Analyze grammar]

rājan snānaṃ tathā dānaṃ satīśādarśanaṃ kuru |
durgāpūjanamevāpi durgātīrthe samācara || 47 ||
[Analyze grammar]

ityukto rādhike rājā sasnau dadau pupūja ca |
tato yayāvagrabhūmau setau tīrthāntaraṃ nṛpaḥ || 48 ||
[Analyze grammar]

aśvapāṭala uvāca |
kimidaṃ tīrthavaryaṃ me samādiśa guro prabho |
kathaṃ kasmāt kadā jātaṃ kiṃphalaṃ pāvane'tra vai || 49 ||
[Analyze grammar]

śrīlomaśa uvāca |
dhanyeśvarī vaṇikpatnī sevābhaktiparāyaṇā |
āsīt kuṃkumavāpyāṃ sa subhaktā vaiṣṇavī hyapi || 50 ||
[Analyze grammar]

lobhavaśā kvacit kvāpi parasvaṃ tvādadātyapi |
ekadā sā kambharāyā mahālakṣmyā gṛhaṃ yayau || 51 ||
[Analyze grammar]

bālakṛṣṇaṃ rāmayitvā natvā śrīkaṃbharāṃ satīm |
ratnānāṃ daśakaṃ nītvā cauryeṇa svagṛhaṃ gatā || 52 ||
[Analyze grammar]

gṛhasthe ca ghaṭe yatra ratnāni ca dhanāni ca |
rakṣatyeva ghaṭe tatra nyadhāccauryā''hṛtānyapi || 53 ||
[Analyze grammar]

tataḥ kāle gate svalpe saṃkrāntau śubhaparvaṇi |
snātuṃ dānaṃ prakartuṃ ca ghaṭamādāya vai taṭe || 54 ||
[Analyze grammar]

aeśvapaṭṭasaraso'tra samāyātā kuṭumbinī |
snātvā dānāni dātuṃ ca yāvaddhaṭe karaṃ nijam || 55 ||
[Analyze grammar]

prāveśayitvā ratnāni gṛhṇāti tāvadeva tu |
hastau ratnāni sarvāṇi ghaṭe lagnāni cā'bhavan || 56 ||
[Analyze grammar]

piṇḍavad ghaṭamadhye tatsarvaṃ tadā vyajāyata |
hasto lagnaḥ piṇḍamadhye piṇḍaśca ghaṭamadhyagaḥ || 57 ||
[Analyze grammar]

ghaṭo lagnaḥ pṛthivyāṃ ca sarvaṃ tvekīmayaṃ hyabhūt |
dhanyeśvarī bhayaṃ prāptā kimidaṃ me kare'bhavat || 58 ||
[Analyze grammar]

hastaṃ viyojayituṃ sā yatnaṃ cakāra sundarī |
khinnā śramayutā jātā bahulokairvilokitā || 59 ||
[Analyze grammar]

tadā ghaṭasya garbhādvai śabdaḥ samabhavacchubhaḥ |
tvayā cauryeṇa ratnāni ghaṭe'tra nihitāni vai || 60 ||
[Analyze grammar]

tatphalaṃ te samutpannaṃ piṇḍabhāvo na naśyati |
yadi viyojayituṃ te vāñcchā cedvartate sakhi || 61 ||
[Analyze grammar]

ahaṃ lakṣmīḥ svayaṃ cā'smi manmandiraṃ prakāraya |
lomaśāya dhanaṃ sarvaṃ samāhūya pradehi ca || 62 ||
[Analyze grammar]

tadā hasto mokṣyate te nānyathā tu kadācana |
ityuktā sā lomaśaṃ māmatrā''hūtavatī tataḥ || 63 ||
[Analyze grammar]

cakre ghaṭapradānasya saṃkalpaṃ mandirārthakam |
etatsthale tatastasya hasto'bhavat pṛthagghaṭāt || 64 ||
[Analyze grammar]

tadā lakṣmīḥ svayaṃ caturbhujā ghaṭāt prakāśitā |
kṣaṇaṃ rūpaṃ pradarśyaiva sthale'traiva tirogatā || 65 ||
[Analyze grammar]

mandiraṃ tu tato lakṣmyā mayā cā'tra prakāritam |
lakṣmīścātra vasatyeva dhanyeśvarī prapūjitā || 66 ||
[Analyze grammar]

lakṣmītīrthaṃ tathā dhanyeśvarītīrthaṃ ghaṭasthalī |
prasiddhaṃ samabhūttvetaccauryadoṣanivārakam || 67 ||
[Analyze grammar]

pāpapiṇḍādihāraṃ ca bhuktimuktipradaṃ tathā |
snānadānāditaścātra kalmaṣāṇāṃ vināśanam || 68 ||
[Analyze grammar]

lakṣmīpūjanataścātra lakṣmīvān dhanavān bhavet |
lakṣmīlokaṃ prāpnuyācca lakṣmīsevāparo bhavet || 69 ||
[Analyze grammar]

snāhi dehi samarhāṃ ca prakāraya śriyā nṛpa |
ityuktastvaśvapaṭalaḥ sasnau dadau pupūja tām || 70 ||
[Analyze grammar]

rādhike sa tato yāto lomaśena samaṃ puraḥ |
śālagrāmamahātīrthaṃ mandireṇa virājitam || 71 ||
[Analyze grammar]

aśvapāṭala uvāca |
guro tīrthamidaṃ śreṣṭhaṃ śālagrāmakṛtasthitim |
kadā kathaṃ prajātaṃ tadvidhiṃ phalaṃ ca śādhi me || 72 ||
[Analyze grammar]

śrīlomaśa uvāca |
caityabrahmā'bhavannāmnā dvijo nikṛṣṭavartanaḥ |
nikṛṣṭeṣu kṛtāvāso nikṛṣṭabhojano'bhavat || 73 ||
[Analyze grammar]

pāpinā saṃgamāsādya sadā pāpaparo'bhavat |
madirāṃ sa papau cauryaṃ cakre prasaṃgataśca saḥ || 74 ||
[Analyze grammar]

pāradāryaṃ tathā cakre hyevaṃ cāṇḍālavartanaḥ |
samajāyata vipro'pi bhraṣṭo jātikulāditaḥ || 75 ||
[Analyze grammar]

athaikadā niśāyāṃ tadgṛhe sādhuḥ samāyayau |
taṃ tiraskṛtavān vipro'tithiṃ kṣudraṃ janaṃ yathā || 76 ||
[Analyze grammar]

sādhurjñātvā durācāraṃ sasmāra yamadūtakam |
yamadūtastadā śīghraṃ cāyayau nṛpa tadgṛhe || 77 ||
[Analyze grammar]

mārayāmāsa bahudhā paśumāraṃ tataśca saḥ |
kṣamāmayācata yadā tadā sādhurdayāparaḥ || 78 ||
[Analyze grammar]

mocayāmāsa duṣṭaṃ taṃ yamadūtabhayāttataḥ |
sādhuryayau yathāmārgaṃ duṣṭaviprastu lomaśam || 79 ||
[Analyze grammar]

uddhāravāñcchayā tadāśramaṃ yayau guruṃ hi mām |
prārthayāmāsa bahudhā svoddhāraṃ pratimāṃ tadā || 80 ||
[Analyze grammar]

lomaśo'haṃ dattavāṃśca prāyaścittaṃ hi vatsaram |
cāndrāyaṇadvādaśakavrataṃ so'pi tathā'karot || 81 ||
[Analyze grammar]

śuddhāya tasmai viprāya śālagrāmaṃ pradattavān |
pūjanārthaṃ sa ca vipro'pūjayattaṃ yathocitam || 82 ||
[Analyze grammar]

tato mantro mayā tasmai datto vaiṣṇavabhāvataḥ |
oṃ namaḥ śrīkṛṣṇanārāyaṇāya svāmine svāhā || 83 ||
[Analyze grammar]

karoti mantrajāpaṃ sa śālagrāmaprapūjanam |
karotyapi divārātrau dhyānaṃ ca bhajanaṃ hareḥ || 84 ||
[Analyze grammar]

prātarbrāhmamuhūrte sa śālagrāmayuto'tra vai |
taṭe tvāgatya ca pūjāmāsūryodayameva ha || 85 ||
[Analyze grammar]

karoti sa sadā setau tulasīdrumasannidhau |
evaṃ bahutithe kāle yāte bhaktiṃ vilokya ca || 86 ||
[Analyze grammar]

śālagrāmaḥ prasanno'bhūd divyaviṣṇurbabhūva ha |
śālagrāmaśilā tatra layaṃ prāptā tadā dvijaḥ || 87 ||
[Analyze grammar]

rakṣa rakṣa kṛpāsindho samuddhāraṃ kuru prabho |
ityuktvā patitastasya viṣṇoścaraṇayostadā || 88 ||
[Analyze grammar]

tāvadvai tulasīvṛkṣāllakṣmīrdevī vyajāyata |
uvāca śrīrbrāhmaṇaṃ vai tulasīmandiraṃ tviha || 89 ||
[Analyze grammar]

śālagrāmālayaṃ cāpi prakāraya sarastaṭe |
tena bhuktiṃ tathā muktiṃ prayāsyasi na saṃśayaḥ || 90 ||
[Analyze grammar]

ityuktvā sā tirobhūtā vṛkṣarūpā babhūva ha |
viṣṇuścāpi tirobhūya śālagrāmaśilā'bhavat || 91 ||
[Analyze grammar]

tadidaṃ mandiraṃ rājaṃstena vipreṇa kāritam |
tanmadhye tulasī divyā drumarūpā virājate || 92 ||
[Analyze grammar]

tanmūle bhagavānnāste viṣṇuḥ śālaśilātmakaḥ |
atra snānāttathā dānātpūjanāttulasīprabhoḥ || 93 ||
[Analyze grammar]

tulasīlagnakaraṇād bhuktirmuktirbhavedapi |
sarvapāpapraṇāśaśca svargātisvargamāpnuyāt || 94 ||
[Analyze grammar]

śālagrāmaṃ śubhaṃ tīrthaṃ tulasītīrthamityapi |
caityabrahmākhyatīrthaṃ ca vidyate pāvanaṃ tvidam || 95 ||
[Analyze grammar]

snāhi dehi samarhāṃ ca kurumandiravartinoḥ |
tulasīkṛṣṇayoḥ rājan kṛṣṇaprasannatāṃ vraja || 96 ||
[Analyze grammar]

ityukto rādhike rājā sasnau dadau pupūja ca |
jalāmṛtaṃ tathā prasādāmṛtaṃ parigṛhya ca || 97 ||
[Analyze grammar]

pradakṣiṇaṃ daṇḍavacca kṛtvā'gre'paratīrthakam |
yayau lomaśayukto vai prasanno mānase hyati || 98 ||
[Analyze grammar]

aho tīrthāni sarvāṇi śrībhagavanmayāni hi |
mayā kṛtāni kṛtinā kṛpāpātreṇa vai hareḥ || 99 ||
[Analyze grammar]

ityāścaryaparo rājā mahāśāntiṃ yayau hṛdi |
kṣaṇaṃ dadhyo hṛdaye sve lomaśaṃ jñānadaṃ gurum || 100 ||
[Analyze grammar]

anādiśrīkṛṣṇanārāyaṇaṃ ca puruṣottamam |
vāyukoṇagato rājā smṛtvā neme sarovaram || 101 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kuṃkumaviprakṛtaṃ kuṃkumeśvaratīrthaṃ satīśācāraṇīkṛtaṃ durgāsatītīrthaṃ vaṇikpatnīdhanyeśvarīkṛtaṃ lakṣmītīrthaṃ caitya |
brahmadvijakṛtaṃ śālagrāmatīrthaṃ cetyādinirūpaṇanāmā ekasaptatyadhikadviśatatamo'dhyāyaḥ || 271 ||
[Analyze grammar]