Chapter 227

śrīkṛṣṇa uvāca |
rādhike śrīharikṛṣṇo brahmavratamupādiśat |
śṛṇu sarvavratebhyastacchreṣṭhaṃ brahmapadaṃ śubham || 1 ||
[Analyze grammar]

brahmacaryamiti khyātaṃ sarvamūrdhanyameva yat |
bhaktaścā'pyadhyavasyedvai brahmacaryamakalmaṣam || 2 ||
[Analyze grammar]

brahmavratirbrahmacārī brahmasevī ca śīlavān |
kālaṃ māyāṃ ca karmāṇi jitvā maddhāma cāpnuyāt || 3 ||
[Analyze grammar]

sukaraṃ yoginā taddhi siddhānāṃ ca satāṃ tathā |
satīnāṃ sukaraṃ cāpi duṣkaraṃ viṣayaiṣiṇām || 4 ||
[Analyze grammar]

sampradīptaṃ baliṣṭhaṃ cendriyagrāmaṃ viśeṣataḥ |
nigṛhṇīyāt sāvadhānaḥ sa vai jayati mṛtyudam || 5 ||
[Analyze grammar]

kāmasya na svarūpaṃ vai cintayed viṣayānna ca |
kāmacihnāni paśyenna rajobhāgān vivarjayet || 6 ||
[Analyze grammar]

rajaḥpuṣṭikarān bhāgān varjayed dehavāniha |
dhātupuṣṭikarān bhogāṃstathaiva parivarjayet || 7 ||
[Analyze grammar]

jñānayuktena manasā virāgasahitena ca |
rāgabhāvaṃ vināśyaiva vartayedātmabhāvavān || 8 ||
[Analyze grammar]

kuṇapā'medhyasaṃyuktaṃ śarīraṃ kāmanāśrayam |
bhaviṣyannirayakṣepakārakaṃ viśvasenna vai || 9 ||
[Analyze grammar]

vātapittakaphāgāraṃ raktatvaṅmāṃsakuṇḍakam |
majjāsnāyvasthināḍyāḍhyaṃ malamūtrādisaṃbhṛtam || 10 ||
[Analyze grammar]

kāmāśrayaṃ ca nikṛṣṭaṃ jñātvā rāgaṃ vivarjayet |
dhamanyo malavāhinyaḥ pratāyante samantataḥ || 11 ||
[Analyze grammar]

āpagā iva cābdhiṃ vai dehaṃ puṣṇanti bāhyakaiḥ |
tāsu caikā tu dhamanī manovāhābhidhā hṛdi || 12 ||
[Analyze grammar]

kāmadhātvāśrayā cāste śukraṃ muñcati kalpajam |
śukraṃ bahuvidhaṃ proktaṃ taijasaṃ netrayorgatam || 13 ||
[Analyze grammar]

karṇayordravarūpaṃ ca śabdagrāhakameva tat |
evamanyendriyāṇāṃ mandire prāptaṃ praśaktidam || 14 ||
[Analyze grammar]

jale cāste tathā dugdhe sneho ghṛtaṃ ca varṣmaṇi |
tadeva śukrarūpaṃ nirmathyate'ti tu manthanaiḥ || 15 ||
[Analyze grammar]

svapne'pyevaṃ manojanyaṃ saṃkalpajaṃ rajoṃ'śakam |
śukraṃ tūtpadya vegena balahīnaṃ viśatyapi || 16 ||
[Analyze grammar]

trīṇi bījāni śukrasya hyannaṃ raso manovahā |
etattrayaṃ viditvaiva śithīlayet trikaṃ muhuḥ || 17 ||
[Analyze grammar]

tataśca śukrānutpādād brahmavrataṃ prapuṣyati |
mano bhakṣyasyā'ṇutamo bhāgaḥ puṣṭatamaṃ tataḥ || 18 ||
[Analyze grammar]

nirvāsanaṃ vidhāyaiva virāgeṇa jayeddhi tat |
jyotiṣmadvirajaḥ svātmarūpatāmeti mānasam || 19 ||
[Analyze grammar]

rajomayaṃ parāvṛttya sattvamayaṃ prajāyate |
sattvabhāvabhāvitaṃ ca saccidānandatāmiyāt || 20 ||
[Analyze grammar]

taruṇādhigataṃ tadvai rājasaṃ bhāti yāvatā |
tāvatā tallayārthaṃ vai dhyānayogaṃ samācaret || 21 ||
[Analyze grammar]

ekāgrā'bhyasanaṃ kāryaṃ tāruṇyaṃ tena līyate |
pakvabhāvaṃ gataṃ tacca balahīnaṃ prajāyate || 22 ||
[Analyze grammar]

tadātmānaṃ samāśritya jīvadātmabalānvitam |
tataścātmānamutsṛjya na yāti viṣayaṃ kvacit || 23 ||
[Analyze grammar]

na cendriyāṇyabhiyāti neśvarādicamatkṛtim |
na siddhīrna ca vegādyaṃ na māyāṃ na ca tadguṇān || 24 ||
[Analyze grammar]

evaṃvidhaṃ vegahīnaṃ yadā syādvai svamānasam |
tadā sudurgaṃ panthānaṃ guṇarājyānuyāyinam || 25 ||
[Analyze grammar]

atītya paramaṃ mārgaṃ cātmarāṣṭrīyamṛcchati |
āsīmamārgaṃ collaṃdhyā'kṣare'mṛtaṃ samaśnute || 26 ||
[Analyze grammar]

ityevaṃ vartamānasya brahmalokaḥ karasthitaḥ |
brahmacaryaratasyā'tra brahmaloko hi vartate || 27 ||
[Analyze grammar]

duranteṣvindriyārtheṣu saktāḥ sīdanti dehinaḥ |
asaktā ye brahmaśīlāste yānti dhāma me param || 28 ||
[Analyze grammar]

dṛṣṭvā sṛṣṭiṃ santatāṃ ca janmamṛtyujarādibhiḥ |
ādhivyādhikleśaduḥkhairvyāptā yateta muktaye || 29 ||
[Analyze grammar]

śarīrendriyasaṃghātānantaḥkaraṇakānyapi |
saṃyujya śrīpatau bhakto nirapekṣaścaret sukham || 30 ||
[Analyze grammar]

manaḥsaṃgaṃ kṛpayā'pi naiva kuryānmumukṣukaḥ |
saṃge hyupekṣāṃ kurvīta jñātvā saṃgaphalaṃ jagat || 31 ||
[Analyze grammar]

saṃgaphalaṃ vihāyaiva vartayan karmaṭho'pi san |
naiva badhnāti muktātmā padmapatramivāṃbhasā || 32 ||
[Analyze grammar]

kṣamā''rjavaṃ tathā droho yasya syāt sa sukhī bhavet |
duḥkhānniḥsaraṇaṃ jñātvā niḥsaret sa sukhī bhavet || 33 ||
[Analyze grammar]

nā'padhyāyenna spṛhayennā'yogyaṃ cintayedasat |
cintayedvai paraṃbrahma śṛṇuyānme kathāmṛtam || 34 ||
[Analyze grammar]

kalkāpetāṃ vaded vācaṃ dharmaṃ kārṣṇamanuvrajet |
vyāharecchrīharernāma cintayedarthamuttamam || 35 ||
[Analyze grammar]

anarthaṃ nirayāṇāṃ samprasañjakaṃ vivarjayet |
pratilomāṃ diśaṃ budhvā sāṃsārikīṃ vivarjayet || 36 ||
[Analyze grammar]

anīhaśca tathā muktaḥ sarvaiḥ parigrahairmuhuḥ |
viviktacārī niyamī jñānapradagdhakilbiṣaḥ || 37 ||
[Analyze grammar]

ātmāvān dhṛtimān bhūtvā hṛtprakāśaṃ pramārgayet |
yatra devāḥ prakāśante tato brahma prakāśate || 38 ||
[Analyze grammar]

evaṃ sthitiṃ samāpanno brahmabhūyāya jāyate |
yadvā yogamahāvṛttiṃ samācarecchanaiḥ śanaiḥ || 39 ||
[Analyze grammar]

āhāraniyamaṃ kṛtvā cintāniyamamityapi |
dhyānavṛddhiṃ samāsādya svātmaprakāśamarjayet || 40 ||
[Analyze grammar]

jñānaprakāśasaṃyuktaścātmaprakāśa edhitaḥ |
bhaktiprakāśasanmiśraḥ sūryavatsamprakāśate || 41 ||
[Analyze grammar]

devaprakāśavān pūrvaṃ paścādātmaprakāśakaḥ |
tataḥ svayaṃprakāśaḥ syāt sa syādvai kṛṣṇavallabhaḥ || 42 ||
[Analyze grammar]

evaṃ prakāśamārgeṇa parān svargān vikramya ca |
citprakāśo bhavet śaśvad brahmaprakāśavān hi saḥ || 43 ||
[Analyze grammar]

saguṇo mañjulo haṃsaḥ pāravān svaprabho yadā |
vītarāgo'pavargajño bhavenmāmeti vai prabhum || 44 ||
[Analyze grammar]

guṇātīto jarāmṛtyū jitvā māyāmayaṃ puram |
akṣarāmṛtamāpnoti yattadbahma sanātanam || 45 ||
[Analyze grammar]

etatsarvaṃ brahmacaryalabhyaṃ bhavati śāśvatam |
nidrā vratahā saṃtyājyā brahmacaryaṃ samicchatā || 46 ||
[Analyze grammar]

mano nidrāyu'taṃ vyagraṃ rajasā tvabhibhūyate |
rajobhāvasya nairbalye vyagratā kṣīṇatāṃ vrajet || 47 ||
[Analyze grammar]

śāntirbhavet sattvavṛttiprādhānyaṃ gurutālayaḥ |
tena nidrālayaḥ syācca jñānavṛttyā svapityapi || 48 ||
[Analyze grammar]

saṃsāravṛttivilaye svapnaṃ dūrataraṃ bhavet |
tena brahmaparo bhūtvā brahmaśreṣṭhamavāpnuyāt || 49 ||
[Analyze grammar]

prasannamanasā yadyat saṃkalpayati mānasam |
tattatsaṃskāramāpannaṃ smaryate ca muhurmuhuḥ || 50 ||
[Analyze grammar]

sāttvikeṣvapi deveśaṃ pareśaṃ māṃ vicintayet |
sarvabhūtātmabhūtasthaṃ tena māṃ cottare labhet || 51 ||
[Analyze grammar]

lipsettu manasā bhakto mama yogaṃ sukhāvaham |
ātmaprasādaṃ saumyaṃ ca devānāṃ darśanaṃ hṛdi || 52 ||
[Analyze grammar]

nityamevaṃ samabhyāsāt tatsaṃskāraḥ surāṃstataḥ |
hṛdayaṃ saṃsthitān paśyettato brahma prakāśate || 53 ||
[Analyze grammar]

brahmacaryaṃ tadevāhuryattad brahmaṇi vartanam |
brahmasaṃsṛṣṭadeveṣu satsu yadvartanaṃ ca tat || 54 ||
[Analyze grammar]

brahma tatparamaṃ jñānaṃ cāmṛtā'kṣaravedanam |
evaṃ viditvā svātmānaṃ prayānti paramāṃ gatim || 55 ||
[Analyze grammar]

māyāṃ tyaktuṃ pravidyāccā'kṣaraṃ vidyādvimuktaye |
pravṛttiṃ samparityajyā'kṣaro bhūtvā'kṣaraṃ vrajet || 56 ||
[Analyze grammar]

pravṛttiḥ punarāvṛttirnivṛttiḥ paramā gatiḥ |
nivṛttilakṣaṇo dharmo brahmadaḥ śāśvatapramut || 57 ||
[Analyze grammar]

śriyaṃ divyāmabhiprepsuḥ śrīpatiṃ māṃ hṛdi smaret |
sarvabhāvena matprāptyai kuryān madyogakṛttapaḥ || 58 ||
[Analyze grammar]

brahmacaryamahiṃsā ca śārīraṃ tapa tanmatam |
matsmṛtirmanaso rodho mānasaṃ tapa eva tat || 59 ||
[Analyze grammar]

matprasādādanaṃ śreṣṭhaṃ tapo vai pāpanāśanam |
vāsanāyā vimardo'pi buddhestapaḥ paraṃ matam || 60 ||
[Analyze grammar]

ātmaniṣṭhā cetanasya tapaḥ paramamucyate |
madyogārthaṃ prayatnaśca satataṃ tapa uttamam || 61 ||
[Analyze grammar]

avyāhatā matiryasya madanyairjaḍacetanaiḥ |
saṃsthitiṃ brahmasāmyāṃ vai gato yāsyati māmanu || 62 ||
[Analyze grammar]

māyāsarge yā''yatiḥ sā parasarge na vidyate |
ātmajñānaguṇādyaiśca divyabhāvaiḥ pramodate || 63 ||
[Analyze grammar]

āyuṣo'nte'tra manujāḥ sataḥ kecidupāsate |
kecidakṣarabhāvaṃ cā''tmānaṃ kecidupāsate || 64 ||
[Analyze grammar]

pare devaṃ paraṃ māṃ vai prasthāne samupāsate |
sarva ete parabhāvāḥ prayānti paramāṃ gatim || 65 ||
[Analyze grammar]

brāhmīṃ tanuṃ labhante te vimuktāmaparigrahām |
mama vijñānasampannā madārādhanatatparāḥ || 66 ||
[Analyze grammar]

mamāśrayaṃ paraṃ labdhvā prayānti paramāṃ gatim |
vidyāṃ labdhvā parāṃ brahmabhūtā yānti parāṃ gatim || 67 ||
[Analyze grammar]

yathābhāvamupāsantaḥ sarve yānti parāṃ gatim |
kaṣāyavarjitāḥ śāntā madāśrayaparāyaṇāḥ || 68 ||
[Analyze grammar]

vimucyante guṇakleśaiḥ prayānti paramāṃ gatim |
bhagavantamajaṃ viṣṇuṃ divyaṃ nārāyaṇaṃ prabhum || 69 ||
[Analyze grammar]

jñātvā''tmasthaṃ hariṃ māṃ ca śuddhasnehasamanvitāḥ |
bhāvatṛptā hi māṃ yānti nivartante na te'kṣarāḥ || 70 ||
[Analyze grammar]

māṃ vā me sādhupuruṣān madaṃśān saṃśrayanti ye |
prāpya te paramaṃ dhāma modante'kṣaramavyayam || 71 ||
[Analyze grammar]

tṛṣṇābaddhaṃ jagat sarvaṃ cakravat parivartate |
tṛṣṇātanturyena dagdhastasya maddhāmamārgaṇam || 72 ||
[Analyze grammar]

sūcyā sūtraṃ yathāvastre saṃsārayati vāyakaḥ |
tadvat saṃsārasūtraṃ hi tṛṣṇāsūcyā prasāryate || 73 ||
[Analyze grammar]

tasmād vimuktaḥ puruṣo me bhaktyā yāti māmapi |
taṃ snehena vimānena nayāmi dhāma māmakam || 74 ||
[Analyze grammar]

ityupādiśya bhagavān virarāma kṣaṇaṃ tataḥ |
rādhike pradadau mantraṃ nūtnebhyaḥ śrīhariḥ svayam || 75 ||
[Analyze grammar]

sabhāsamāptimakarot sandhyāvandanamācarat |
rātrau ca bhojanaṃ cakruḥ sarve'dhvare samāgatāḥ || 76 ||
[Analyze grammar]

mahīmāneṣu sarvatra rañjanānyabhavanniśi |
śrīhariḥ śayanaṃ prāpa brahmapriyādisevitaḥ || 77 ||
[Analyze grammar]

makhārthimahīmānānāṃ śivireṣu naṭādayaḥ |
cakrū rātrau nāṭyamagryaṃ pūrvāvatārabodhakam || 78 ||
[Analyze grammar]

mallāścakrurmallayuddhaṃ bahuyuktisamanvitam |
gāyakānāṃ gāyanāni gāndharvamaṇḍape'bhavan || 79 ||
[Analyze grammar]

kutracittu viduṣāṃ vai kathā''khyānāni cā''bhavan |
sūtamāgadhabandīnāṃ cāraṇānāṃ ca śāstriṇām || 80 ||
[Analyze grammar]

kāvyāni caitihāsāni maṇḍape tvabhavanniśi |
kutracid vāranārīṇāṃ nṛtyāni gītimanti ca || 81 ||
[Analyze grammar]

rājanyavargasaṃsatsu bhavanti sma tadā niśi |
kutracid devatānāṃ ca devīnāṃ devayoṣitām || 82 ||
[Analyze grammar]

brahmasarasāmapsarasāṃ gītinṛtyāni cābhavan |
kutracidīśasṛṣṭīnāṃ mahotsavā bhavanti hi || 83 ||
[Analyze grammar]

kvacid dānavadaityānāṃ manorañjanakāni ca |
bhavanti vividhāstatra krīḍā utsavabodhikāḥ || 84 ||
[Analyze grammar]

pradarśanāni lokānāṃ paśūnāṃ pakṣiṇāṃ tathā |
yoṣitāṃ ca narāṇāṃ ca dehināmabhavaṃstathā || 85 ||
[Analyze grammar]

kutracid vanavallīnāṃ drumāṇāṃ tṛṇapatriṇām |
phalānāṃ śibikānāṃ ca pradarśanāni cābhavan || 86 ||
[Analyze grammar]

kutracicchilpakāryāṇāṃ kāṣṭhopalamṛdāṃ tathā |
kārpāsahīrakauśeyatvagūrṇānāṃ tadā'bhavan || 87 ||
[Analyze grammar]

evaṃ gajānāmaśvānāṃ gavāṃ kesariṇāṃ tathā |
śarabhāṇāṃ garuḍānāmuṣṭrāṇāṃ darśanāni ca || 88 ||
[Analyze grammar]

reṇḍīyānāṃ ca haṃsānāṃ śukānāṃ darśanāni ca |
sainyānāṃ ca mahiṣīṇāṃ mṛgāṇāṃ darśanāni ca || 89 ||
[Analyze grammar]

evaṃvidhāni nūtnāni bahudeśodbhavāni ca |
bahulokasamutthāni vastūni yāni yāni ca || 90 ||
[Analyze grammar]

kalātmakāni sarvāṇi hetumukhyāni yāni ca |
yantrātmakāni cānyāni tatrā'bhavaṃstadā śubhe || 91 ||
[Analyze grammar]

goyājanabhūmau vai pradarśitāni pālakaiḥ |
evaṃ ṣaṣṭhīniśā sarvā mahotsāhasamanvitā || 92 ||
[Analyze grammar]

vyatītā'rdhā tato lokā nidrāyāṃ saṃgatāḥ sukhāḥ |
saptamyāṃ prātarevā'thā'vādyanta tūryajātayaḥ || 93 ||
[Analyze grammar]

maṃgalāni kīrtanāni gītayaścā'bhavaṃstathā |
stāvakānāṃ stavanāni ninādā yantrasaṃbhavāḥ || 94 ||
[Analyze grammar]

vedaghoṣāśca viprāṇāṃ satāṃ sadbhajanāni ca |
yoṣitāṃ śrībālakṛṣṇayaśoyuktāśca gītayaḥ || 95 ||
[Analyze grammar]

devīnāṃ devatādivyakathākhyānapragītayaḥ |
īśvarīṇāṃ śeṣavārtāgītikāśca tadā'bhavan || 96 ||
[Analyze grammar]

nidrāśūnyā api rātrau bhūrītiṃ parigṛhya ca |
maunaṃ śāntiṃ ca nivṛttiṃ prāptāścāsanniśāhvaye || 97 ||
[Analyze grammar]

prātaścaivaṃ tu vividhairmāṃgalikaśravādibhiḥ |
svasthā bhūtvā kṛtasnānā kṛtāhnikāstadā'bhavan || 98 ||
[Analyze grammar]

rādhike śrīhariḥ snātaḥ kṛtāhnikaḥ kṛtārcanaḥ |
pitarau ca nijau kṛṣṇo vavande pādayoḥ patan || 99 ||
[Analyze grammar]

rājādyāśca kṛtakāryā hariṃ pūjayituṃ tadā |
samāyayurmahāsaudhe śrīnivāsālaye śubhe || 100 ||
[Analyze grammar]

pupūjuḥ śrīhariṃ prītyā pādodakāni vai papuḥ |
ārārtrikaṃ pracakruśca rājanyāḥ saṃgatā gṛhe || 101 ||
[Analyze grammar]

puṣpāṃjaliṃ pradatvaiva natvā cāśīrvaco'nvitāḥ |
kṛtabhāgyāstathā rājñyaḥ pūjayitvā tathaiva tam || 102 ||
[Analyze grammar]

āyayurvai maṇḍapaṃ ca yajñasya bhagavānapi |
ṛṣayaścāyayustatra karmaṭhā devatāstathā || 103 ||
[Analyze grammar]

rādhike sarvahavyāni samidhā mantradevatāḥ |
vahnayaḥ sarva evāpi maṇḍape tatra cāyayuḥ || 104 ||
[Analyze grammar]

atha prāvartata kāryaṃ yajñīyaṃ cāditaḥ khalu |
yathāpūrvaṃ kramalābhaṃ sāvadhānatayā makhe || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne yajñabhūmau ṣaṣṭhyāṃ sāyaṃ copadeśādi bhojanaṃ śayanaṃ saptamyāṃ prātaryajñamaṇḍapāgamanaṃ cetyādinirūpaṇanāmā saptaviṃśa |
tyadhikadviśatatamo'dhyāyaḥ || 227 ||
[Analyze grammar]